‏الجود جود الوصل و البخل بخل الكلام
‏و الأوله هينه . . و الثانيه هيّنه

‏رابي معي بـ المشاعر و الهوى و الغرام
‏مثل ربا التاجر المديون لا ديّنه

‏ترا الربا في مشاعرنا ماهو بـ حرام
‏عطني أضعف ما أحسه و ما أبيّنه .

‏الانسان لا صار ذو مبدأ و عنده ضمير
‏طبيعي يعيش في حيرة و شك و ارق

‏مـ الله خلق لي جناح اذا تضايقت اطير
‏و اجوب كل الشوارع مفترق مفترق

‏لكن عطاني من الالهام شيٍ كثيير
‏ما يجعل الحبر يرفع من مقام الورق

‏غرقت مرة و من فضل العلي القدير
‏نجيت و انا اكثر بنادم يخاف الغرق .

بيني وبين المقام السهل حالة نفور
‏أدوّر الحاجة اللي تستحـق جْهَدي

صفعات الايام ترشد . . للطريق الصحيح
‏بعض المصايب تسوّي خير بأصحابها

‏"أفرش لمسراه رمضى لا فرش لي مَـلّه
‏وان غدا غيثٍ عليّ ؟ أبنسكب له كلي".

ان بغيت اقول احبك قلت : يالله حيّه
‏والله اني -يالله حيّه- من صميم فوادي .

جعل وجهك أبيض من كثر ما يديك تْجود
‏يا ويش الشعور اللي معي منك تأثيره

والله اني ما لمحت أشباهك بوحي الخيال
كيف جيتي واقعٍ يكسر قوانين الظروف

ياهلا ياروحٍ أعذب من مراهيش السحابه
‏وأطهر من الماء على ثوبٍ .. تغشاه وتبلّه

أنا يا رب لو كانت حظوظي في حياتي قلّ
‏عزاي إنك لطيف و كل شيٍ موكلك أمره .

‏عندي يقين ان الليالي المقبله ماهيب سود
‏انقى من قنوف السحاب اللي تلوح بروقها .

" وشلون سبّبت الكسُور الجسيمه / وأقسّى مافي جلدك .. ظِفاير وغضروف ؟ "

‏"ما يعتذر بالظروف إلا عديم القرار/ وما يبكي من الحياة إلا مساكينها"

أخاف أجي مزهاف وأرمي ولا أصيب
والرميه اللي ما تصيييب . . تغبنّي!