TG Telegram Group Link
Channel: الشاعر محمد الإبراهيمي
Back to Bottom
((مولاتي خديجه))


عفيفات الجيوب
عديمات العـيوب .. مولاتي خديجه

""''''''''''""""""""""

بنيتي بگلبـــچ المسكن
وطشيتي الحزن والون .. خديجه
من چان الجــرح مبهم
عشتي الواقـــعه والهم .. خديجه

حبيتـــي الرســول بقـمةّ ايمان
وصرتيله نهر من گال عطـشان
انتي الطاهره وچفوفچ احسان

يـــدلالـــچ يذوب
عديمات العيوب .. مولاتي خديجه

""''''''''''""""""""""

أموالــچ غدن مكسب
وأحساس الوفه مرتب .. خديجه
كل اموالـــــچ انطيتي
انتي هــــــواي وفـيتي .. خديجه

جازاچ الجليل وصرتي علياء
وبحشائچ زرع مـولاتي زهراء
وجبتي فاطمه يانور الاحشاء

يتوبه وللــــ يتوب
عديمات العـيوب .. مولاتي خديجه

""''''''''''""""""""""

بحزن المصطفى أعرفتي
وبيت الطـــــاهره شــفتي .. خديجه
مــــن گلـــچ ضلع طحتي
ومـــن گلبـچ تحـــــسرتي .. خديجه

من گلچ ضلع گلتـيله ويلاه
گلچ ياخديجه تعيــش بالآه
ومذبوح الولد بالعتبه تلگاه

وبالدمعه وتلـوب
عديمات العـيوب .. مولاتي خديجه

""''''''''''""""""""""

حديث الهزله سامعته
ونـــار الخيمه ناضرته .. خديجه
صارت روحـچ بحيره
من گلــــــولچ إيسيره .. خديجه

گلبچ مــن سبيها صـــار محروگ
وياشهگه الشهگتي بچلمةّ السوگ
وطلعت روحچ من النوگ للنوگ

ولا كــــافل ينوب
عديمات العـيوب .. مولاتي خديجه


عبد زينب
محمد الابراهيمي
Audio
لحن (مولاتي خديجه)
بصوت
ملا كاظم الدراجي
بصره
((هجر مملوح))


تجرعتك هجر مملوح
على عيون الليالي اطشرت لچمات
وتهجيتك سوالف نار
على گد المسافه اتحسس الخيمات
وأمطرلك يتم بليل
وأفضيلك الحال بحال
وأتمايل سهر مچتوف
من يتعده اسمك بيه يمشي البال
وأغازل جرحي من اشتاگ
وتطلع حسرتي مو اوف
لا تطلع حسرتي تگول ليش الخيل
يالمرشف گفاهن ماي
يالمرشف بطنهن هيل
ماشافن ضوه اعله الگاع وبالدنيا ضلام يحوم
ماشافن جفن بي دمعه مالت آآه
ومبين ترى الملچوم
الحوافر بارده وصدرك دفو العباس
وانت انسان واضح رغم كلك ظيم
خليت الخدم تنهاب
خليت العبيد تصير اهل الراي
خليت الرخيص يصير غالي هواي
اي يهواي والله اشتاگلك ياماي
اشوفك علتي ودواي
واستقراري وبلواي
يالمتعب البال بليل روحه ورده الك مشاي
ليليه اختنگلك موت
وأتشاهد عشگ وارتاح
رغم يحسين مامرتاح
رغم صنعو قفل للروح وماصنعو الي مفتاح
بس بشوفتك انسه البده والراح


عبد زينب
محمد الابراهيمي
عندما ذهبت إلى قبر الإمام الحسن
بمخيلتي وقلت له لماذا قبرك مهدوم
فقال لي ......

آنه صح مهدوم صح بيه الجروح
وعيني عالمهدي تظل مشبوحه

آنه أگــــله من يجـيني يبني روح
روح يَــــمّ حسين داوي جروحه

روح للعباس لاتبـــــــني الصروح
وياك اخـــذني لو نويت الروحه

ارد ادور وليدي جــــــسام وانوح
وارد أشوفن شمعته المطروحه

ارد أشوفن كربله ومـــا شاهديت
وگالو اعله الـــتل جروح هوايه

ارد اصيح بصوت هاياخوي اجيت
مــــن البقـــــــيع الكربله مشايه

ارد اشمك والچبد طايح وراك
ومن اجـيت وياي جبت حچايه

امي گلتلي إذا تمــــشي لخوك
گله يــــــــومك سوه بيه سوايه

گله يومك يبني ماخلاني اشوف
من شفت جسمك غده دِمايه

يمه من ضعنك غده بصفك يفوت
يمـــــــه مو بسمار بـيه هــوايه

يالحسن گله ترى رادت تموت
فوگ موتي يمه عمـري أسبايه

من شفت فوگ الهزل ام الخدور
وزيــــــــنب المسبيه أمسمايه


عبد زينب
محمد الإبراهيمي
((أسد بابي))


فراگك مو سهل بيه ولا حـاسبته بحسابي
ولا متّصوره العشره تخلص وآنه اسد بابي
واحد واحد مودعه الزمن خلصهم احـبابي

الزمن مايرحم بحالي
شدهني بروحةّ الغالي
وتيه بـــــالي مـن بالي .. يبويه

تهت يـــاحيدر اسمعني
يصوتك ناصي ماسمعه
اشمك ويــــن مــا ادري
وحرگت وجنتي الدمعه ...

"""""""""""""""""""""""""""""""""""'''''''''''

حيدر گـلي خَلّصنه فلت ونتهت بينه
بعد ويانه ماتگعد ولايمنه وتحاچينه
ماترهم تفارگنه ابونه ومــــاتمـاشينه

ابــــــد ماترهم ويانه
تــــروح بعيد يحمانه
اعرفه اشلون ينسانه .. يبويه

الغـــربه بروحه ملتمه
اليتامه شلون وتودعه
اشمك وين مــــا ادري
حرگت وجنتي الدمعه ...

"""""""""""""""""""""""""""""""""""'''''''''''

ليـــــــل فراگك أمطول وأكّور بالدمع همي
وآنـــــه الوحَدي بويه تمنيت شكثـــــر أمي
نبچي اثنينه بصفك ويزينب تصرخ باسمي

أماني مچــــلبه براسي
وتضيگ بريتي انفاسي
يريت جـروحك براسي .. يبويه

اذا تمشي يبـو الحمله
دينك ينكــسر ضــلعه
اشمك وين مــــا ادري
حرگت وجنتي الدمعه ...

"""""""""""""""""""""""""""""""""""'''''''''''

وين انطي الوجه بويه وكل البوب مسدوده
غريبه وآنه عد اهلي چفوفك ليش ممدوده
فل راسك وگوم أگعد يبو حمـلات مشهوده

يالمغرگهم بعطـــــفك
خيبر يبچي من چفك
محد يوصل الوصـفك .. يبويه

سكان الزمـــــن بيدك
وانته بچفـــك اتسنعه
اشمك ويــــن ما ادري
حرگت وجنتي الدمعه ...

"""""""""""""""""""""""""""""""""""'''''''''''

گضن چلماتي يم راسك راح احچيلك السكته
يــــــالمسبل دمع عيـني گلبي النار لاسعته
يغطونك وباوعلك امـوتن بس تعيش انته

الكلام من الحزن شيب
گوم أگـــــعد يـبو زينب
ابوي الهيبه المــــــرتـب

هاك ادمـــوعي يابويه
الجدي وأمــي البضعه
اشمك وين مــــا ادري
حرگت وجنتي الدمعه ...


عبد زينب
محمد الابراهيمي
Audio
لحن
(اسد بابي)
مولاي امير المؤمنين 💔
((جودك يالحسن))


يـــــــاكـــريم الآل .. بجودك العطاي
مدري وين الحال .. يالحســن مولاي

حالي اعـله تيـــهان الــعمر
وكاضــــيها اذنب واعـــتذر
ساعدني اصير ويه الـحضر
مجــــلس بــواچي للـــخدر

روحي مـــــو نضيفه
يبـــــو روح العــفيفه
وتدري بعمري منذور
نــــذر عمــــةّ شـريفه

جودك يالحسن ...

"""""""""""""""""""""""""""""""""""''''''''''

ياحبيب حسين .. ياشذى النبراس
ياكــــريم العين .. ياعــشگ عباس

تـــدريني مـــولاي بحرب
وكل مره بالحسره انغلب
الحگــني والـــزم يمــنتي
خاف اعله ساعه وأنصلب

ذنبي هَـــدَمّ السور
وراجع ليك مكسور
ضمد مني العيــون
باچر جـــاي عاشور

جودك يالحسن ...

"""""""""""""""""""""""""""""""""""''''''''''

سائلك بـــالباب .. بدمعتي وتشوف
والگصد ماخاب .. يالحسن معروف

يــــــالشايل بچفـــك ورد
آنـــــه الّيســـــموني العبد
حاچيني من ثغرك عشگ
زحــــمه اليحبـــكم يبـتعد

وين آنه ابتـعد وين
من حسين لحسين
ومن دمـوع الخـيام
للنوگ ابچي ياعين

جودك يالحسن ...

"""""""""""""""""""""""""""""""""""''''''''''

انته ابو الشمعات .. يالحسن بالشوگ
انته ابو الدمعات .. للمشــت عالنوگ

حلفتــــك بــذاك الحبل
ماريـــد أچـــــل ولا أمــل
من دمعـتي مـــــــن ونتي
كون اصرخ الحسرةّ طفل

ماتبـــــــرد أديه
دوم النــــار بيه
عالصاحت يبابا
رقيه ويــا رقيه

جودك يالحسن ...

عبد زينب
محمد الابراهيمي
Audio
لحن (جودك يالحسن)
بصوت
سيد زين العابدين الخرسان
عماره
((علي الكرار))


ترى الناس سكاره
ومـــــاهـم بسكاره
علي شاهر فقـاره
"""""""""""""""""""""""""""""""""""''''''''''

السوالف تفتخر حيدر .. جملها
وبيك الكتب مزدحمه .. جملها

الكتب والناس مزدحمه
والـمَــطَــــــشر تــــــلمه
طلبتك يـــاعلي الخدمه
عليك حســين ابو اليمه

انتــــــه الآيه مو غيرك
يخير الناس من خيرك
كلام (الله) تفســــيرك
محد يــــــدري تعبيرك

اليسولف بيك مايدري
بأمرتك والدهر يجري
القمر يم گبتك يسري
ويم بابك وگف فكري

المره من وصلت الحوئب
تــــدري بحيدر الأغــــلب
طــــــــاهر انجب الإنجب
خبيثه وحــــــــيدر مأدب

اجت بالجيش معتليه .. جملها
حقوده ولاشرف عدهه وحميه

ترى الناس مناحر
عالي تشوف باچر
علي الكرار حاضر

"""""""""""""""""""""""""""""""""""''''''''''

الأرض ماتت وبس حيدر .. حـياها
الملائك صَيحَتك سجدو .. حيوها

علي وبالجيش من كبر
المابي شي غـــده موذر
فقـــاره وصــــار يتبختر
جيش وفـــــرهدا حيدر

الجَمل ظل يصرخ دخيلك
أنه مـــــــن الناس اشكيلك
غشيم الــــــيوصل الحيلك
يرب النــــــــــــاس تأويلك

كف الجيش بعلامه
سُوگّ الغنم جـدامه
تَعلم سيفه عـالهامه
قاضي ونفذ إعدامه

حتى الخيل مفـــزوعه
صارت خـوفه مزروعه
الجيش تراجع بــروعه
هواي الناس مخدوعه

علي فوگ العرش حجته .. حياها
علي بحـــــــــرامه وبصفه الزجيه

علي بجـنه الزهيه
علي بصفه الزجيه
ويسولف عن رقيه

عبد زينب
محمد الابراهيمي
(الزهراء تتكلم)
في حب وعشق مولاي علي




مـــن اشوفك ياعلي كلشي يفز
كلشي يسجد ياعلي حتى الخبز

انفاسي بيك أمعــــلگه
يامن سبتني محـــبتك
كلك يبو الحمله ضوه
نور الحسن من وجنتك

حُب وصبر جرح وجمر
والبسمتك فدوه العمر

علي علي .. ياعلي يامولاي


"""""""""""""""""""""""""""""""""""''''''''''

وين ادورك بالسمه لـو بالارض
انت قبله بدونك شلون الفرض

وبشوفتك معنى الصله
ومعنى صيـــامي ياولي
ماصلي من غير الحمد
وآنته صــــــلاتي ياعلي

انته الحَمد بسمك أرد
وبيا عـــلي وانت المدد

علي علي .. ياعلي يامولاي


"""""""""""""""""""""""""""""""""""''''''''''

بهيده ويانه علي شنهو الجمال
وبجمالك ياعلي هـــام الخيال

من دخل يوسف للقصر
أهــــل القصور تبضـعو
كل يوم اضمــــد ياعلي
قنبر وفضه أتجـــــرحو

قنبر بچـه بجرحه انتچه
وبنضرتك كلشي حــچه

علي علي .. ياعلي يامولاي


"""""""""""""""""""""""""""""""""""''''''''''

ياعلي بالبيت إذا نگـعد سوى
اشم چفك بعد شلي بالهوى

امسح دمعـــتك من تهل
وعيوني مــــــنك تنترس
من نحچي ياحيدر عشگ
تمد ايدك اطفي الشمس

بصدري وفه يـــــالتعرفه
من الحـچي من العاطفه

علي علي .. ياعلي يامولاي


"""""""""""""""""""""""""""""""""""''''''''''

مجروح كلك ياعلي بس تبتسم
تبچي عــــــالنمله يريسان الزلم

شايل أحاسيس الندى
وحـــتى الورود تغازله
اترف مقاتل بالحرب
العنده طــفل ماتكتله

دمعك يهل حتى النـــمل
هم تحسبه تحسبه طفل

علي علي .. ياعلي يامولاي


عبد زينب
محمد الابراهيمي
Audio
لحن (ياعلي يامولاي)
بصوت
ملا امين پريشان
اهواز
((اليوم بالجنه))


اليوم بالجنه سـمه تشبگ سمه
اليوم روح المرتضى يم فاطمه
يــــاعلي
يافاطمه ...

"""""""""""""""""""""""""""""""""""''''''''''

ملگه العزيز ويه الجـرح
گعـــده ومدامع للصـبح
الزهره تصــــرخ والهزل
والمرتضى يصيح الرمح

حــار الرمح
عالي الرمح .. يعني الحجر من الصطح
يـــــافاطمه
ضعني دمه .. ويحـــــرگ گلـبهم ياضمه

اليوم راح بدمعته يسولف ضمه
اليوم روح المرتـضى يم فاطمه
يــــاعلي
يافاطمه ...

"""""""""""""""""""""""""""""""""""''''''''''

عالطبره حيدر مـــــاحچه
يسولف على ضعونه وبچه
مخنوگه بعــــيون الــغرب
والسوط بمتــــون انتـــچه

حيره وضرب
دم وتــــــرب .. وشطوله بالممشه الدرب
اكــــــبر ألـم
ماكو خــــيم .. وتــــبات بالصحره الشيم

شنهو احچيلچ بـعد ماكو حمه
اليوم روح المرتضى يم فاطمه
طيــــاعلي
يافاطمه ...

"""""""""""""""""""""""""""""""""""''''''''''

دم عـــالجبين وتمّسحه
گلـــها يفــاطم رايــــحه
زينب على ضهور الهزل
وآه الشـــــماته الجارحه

محـــــد يلم
صرعه الزلم .. وغطاهم بضيمه اليتم
هاي الهــزل
تشمر طــفل .. ويطيح بچفوفه الحبل

روحي من هذا الألم مو سالمه
اليوم روح المرتضى يم فاطمه
يــــاعلي
يافاطمه ...

"""""""""""""""""""""""""""""""""""''''''''''

تمسح دموعه السايله
بـــالبر يگــلها العـايله
الشــام مايــرحم خدر
بنيتــنه زينــــب مايله

عين الحـزن
كلـــــها تـون .. ماكو أعله حالتهم يحن
قصر الغـرب
ضعني يطب .. يـافاطمه المدمع يصب

ريت كل الشام مصـيوب بعمه
اليوم روح المرتضى يم فاطمه
يــــاعلي
يافاطمه ...

عبد زينب
محمد الابراهيمي
Audio
لحن (اليوم بالجنه)
بصوت
ملا سيف اللامي
بغداد
((يكتب ياعلي))


تارسني من حبك طيب
مـــرتبني بچفـك ترتيب
مأدبني بــالحــب تأديب
عنوان .. انسان
حيدر حيدر

من حبك چم عاشگ هام
يـــا نغمه تــــــرددها أيتام
شـــــو حبك خلاني احتام
كرار .. فقار
حيدر حيدر

يم جرحك اتــــلاشه وانسه المايلي
تغمرني دمعــــاتي يانـــــاسي وهلي
وتتباعد انفـــاسي وروحـــي تختفي
بس دمعي اعله اوراقي يكتب ياعلي

علي علي ... ياعلي الكرار

"""""""""""""""""""""""""""""""""""''''''''''

محيرني بتصـــويرك وين
شما ارسم يطلعلي حسين
يالعينك مـو مثــــل العين
معشوگ .. وتلوگ
حيدر حيدر

يا نسمه والشمها ارتاح
يالقــــــائد وبزيّ فلاح
يالتچوه للگام وطـــاح
مكتوب .. محبوب
حيدر حيدر

تــــوگفلك محــــنيه امـــلاك السمه
من تمشي اعله جروحك وظم الدمه
من تمسح دمعاتك يچـــــــونك جمر
وتتناغــــم بالـــدمعه انــــته وفاطمه

علي علي ... ياعلي الكرار

"""""""""""""""""""""""""""""""""""''''''''''

چلماتك بالحسره أويل
يمشيب چــم ليل وليل
ما ترحم ياناس الخــيل
ياآه .. ويلآه
حيدر حيدر

ترسملك عـاشر بالطيف
ومتحــزمه بوناتك سيف
عطشانه والحر والصيف
عطشان .. ولهان
حيدر حيدر

مرعوبه تفز روحك بالخيمه الجمر
مهيــوبه يــــــازينب وتــساير شــمر
لاصــــارت لادارت تصـــعد عالهزل
الما يسوه يشــــاهدها وعلـــيها يمر

علي علي ... ياعلي الكرار

"""""""""""""""""""""""""""""""""""''''''''''

والهاجس صفناتك نار
شو تبچي بدمعةّ محتار
تســـــمعهن نادن كــرار
ياخوي .. يابوي
حيدر حيدر

تصورهن ويفيض احساس
ملتمه بكــــــل ديره الناس
يـــــاوسفه وذاك العـــباس
برماح .. وصياح
حيدر حيدر

چه حبك سابيــــهن هـــيچ تعذبن
بنـــياتك يــــــاحيدر والله تــسلبن
يبغضونك چه ذابح من عدهم زلم
يكرهونك والحبك يـــدفع هالثمن

علي علي ... ياعلي الكرار

"""""""""""""""""""""""""""""""""""''''''''''

ماتخطر حتى بهالبال
ياحيدر زينب بحــبال
عالهزله ياحال وحـال
بحبال .. ياحال
حيدر حيدر

ياحيدر عطــشانه ايتام
والمچوي حاچيني ينام
ياحيدر والشــــام الشام
بحجار .. النار
حيدر حيدر

بحجار تـــلوگهم تبچي العايله
ومشدوهه وتتلفت كل القافله
ياحيدر ما ترهم زينب بالغرب
والشــــــام بلوعاته غطه كربله

علي علي ... ياعلي الكرار


عبد زينب
محمد الابراهيمي
Audio
لحن (يكتب ياعلي)
بصوت
ملا خالد الفيصل
بصره
((علي علي))


واضــح انته الدرب
يــــــا حبيب الگلب
يا علي يابو الحسن
بروحي حُبك يطب

ياصمـــــود المله
انــــــته للمعضله
بالنجف حضرتك
وقــبتك كــــربله

بــــــالنجفك گلـبك
بكــــربـله حُـــــــبك
بمشهد عيونك علي
والعرش قـــــــــربك

علي بشر كَيفَ وماتـنعقل
بالآخره أول مـــــــا تنسئل
تعشگ علي كون ماتعشگه
نار صقر بيدك انته الـحبل

علي علي
حيدر
علي علي ...
"""""""""""""""""""""""""""""""""""''''''''''

مفخره وبـــالزمن
حادي كل الضعن
امي گلـــتلي علي
يمه هوه الـــوطن

ومسني منه العشــگ
وگمت احب وأحترگ
صدگ بس هـوه علي
هوه بس الصـــــــدگ

جذبه كل الوضـع
والصدگ بالــدمع
عبدك آنه يحـيدر
وألطم اعله الضلع

مولى البشر حــيدر مولى المدر
مولى السمه حيدر مولى الشجر
علي علي عــــــاشگ آنه عــــلي
حبه جره بــــــيه مجـــره الـــنهر

علي علي
حيدر
علي علي ...
"""""""""""""""""""""""""""""""""""''''''''''

صاحب المحكمه
قاضــــي الموزمه
سيد اعـــله البشر
يا عشگ فــاطمه

انته حادي الحده
انته بـــادي البده
نارك اعله الضلم
ولليــــــــتامه نده

واليشبهك مــنو
للنبي انته الاخو
للوفه انته صانع
لليحـــــــبك أبو

روح الوفه وأعله الدنيا بطل
انته الثمر انته گلــــبك نخل
والمايحب هــــذا ميت نفس
والمايحب بالتـعب خل يضل

علي علي
حيدر
علي علي ...
"""""""""""""""""""""""""""""""""""''''''''''

انته ماحـي الذنب
انت حُــب اليحب
انته عشگ الزينب
انته اسمك گـــلب

ياكريم الحـــچي
بسمك وننــتچي
ياجنون العــــالم
تسمع انته البچي

انته اصـــل النَعَم
انته عـــمد الخيم
انته أساس الجرح
انته كــــــل القـيم

حتى الوسن من ضيائك صحه
باب الفـــرج يقــــــره بالفاتحه
حُب عـــــلي جــــنه من العقل
واليبتســــــم نســـمته واضــحه

علي علي
حيدر
علي علي ...
"""""""""""""""""""""""""""""""""""''''''''''

انته نهر العــــطش
انته ليل اهـــدعش
انته بـــــــاب الخيم
بضهرك انته أثنعش

ياطواري الجرح
يالعذابك رمـــح
ياشهيد العشــگ
يا فياي الصــبح

يانسـوم اليمر
ياصلاة الفجر
يارموز العرش
انته كل العمر

قطب الرحى يابلاغه وعزم
ياحيدرى اول أعـــــله الزلم
چم خيبرى شـــــالته يمنتك
يا قسورى بالمـــــوده وشهم

علي علي
حيدر
علي علي ...


عبد زينب
محمد الابراهيمي
لحن (علي علي)
بصوت
ملا حسن الزينبي
ناصريه
HTML Embed Code:
2024/03/28 10:15:33
Back to Top