((منه الاثابه))


أنــــه المـــادورت منهَ الاثابه
حسين الكافل سنيني بشبابه
انه مشتاگ اشوفنه لحد (ما)
توشل عيني واطيح اعله بابه

ممنونك تجري عيوني
وتبــــدل بالحب لوني
يااسلامي ويــــــا ديني
يحسين وانته ضــنوني

حبيبي .. يابــو روح الهــــــادئه ومدلله
حبيبي .. يمته جفني بشوفتك وتكحله
حبيبي .. ردت منـــك بس زيارةّ كربله

ابا عبدالله .. حسين

"""""""""""""""""""""""""""""""""""''''''''''

أريد بحضرته افـــرش كلامي
كافي ويه الهوى ابعث سلامي
مـــن الشام جبت جروح وياي
بس الضامي يعرف بيه ضامي

گلبي يسولف يالتسمع
يالتدري شگال المدمع
زينب منتضره الكــافل
وتحسب يرجع مايرجع

حبيبي .. ذيــچ زينب بالاحلام أمحيره
حبيبي .. الهسه يامولاي تدري أميسره
حبيبي .. ويادروب الشام كلش واعره

ابا عبدالله .. حسين
"""""""""""""""""""""""""""""""""""''''''''''

دربك واضـــــح بحبه وصــفاته
ودرب دموعي بالحب شحــلاته
الــــــــزاير انته ناديـته بشجونك
مـــــــوش بكيفه هاي ومشتهاته

ناديلي واركــــض بالحب
بدموعي ومــوكب انصب
يالــــناصب مــــوكب بـيه
وحسراتك وبروحي أطب

حبيبي .. تدري بس زيارتك تسوه العمر
حبيبي .. خاف ماجيلك يبو اليمه اعتذر
حبيبي .. ويــومي اذا مو انته ماريده يمر

ابا عبدالله .. حسين

"""""""""""""""""""""""""""""""""""''''''''''

أنــــــه الرايد يبو اليمه دمعتي
بلا مجلس حـــرامات بعشرتي
حرامات وتمر اللحضه بجفاك
هضيمه وتستچن كسرةّ عبرتي

ياوسفه أتهيد ادمــوعي
وبحبك تطفه شـموعي
مو بس روحي الناذرها
ناذرلك حتــى ضلوعي

حبيبي .. يـــــاحبيب الله ويبيبان السمه
حبيبي .. يـــــاشجون أمه الزجيه فاطمه
حبيبي .. شلون طايح عالثره وينزف دمه

ابا عبدالله .. حسين


عبد زينب
محمد الابراهيمي

لحن(منه الاثابه)
بصوت
ملا علي ضياء
بصره

((حرامات))


حرامات من احِبّ غيرك
يـــالمـعيشني مـن خيرك ... حسينآ
"""""""""""""""""""""""""""''''''''''''"""""""

اول مـــا فــتحت عـيوني حبيت
حبيت ولگيتك أنته ابـــــو البيت
فرض وانته الصلاةّ وبيك صليت
والمجلس عـــزائك بالدمع جيت

اجيت وانته گايدني
اهدك وأنته متـهدني ... حسينآ
"""""""""""""""""""""""""""''''''''''''"""""""

بديت ارسم عيونك وآنه مذعور
بعدني بحاجــبك مر بيه عاشـور
وآمنت بـــعـــزائك أغـــلا دستور
ورسمك ماكمل شو گتلي مشكور

لگيتك بالفعل أهلي
ويــبني لَمـــن اتگلي ... حسينآ
"""""""""""""""""""""""""""''''''''''''"""""""

تعده الطــف عليه وچنت أحــاچيك
وبـــدمــوع العــشگ بهــداي أناغيك
أناغي بجرح أصبعك مدري أواسيك
مــدري ابچــي وأگلك مــدري أرثيك

دموع الدنيا بعيونك
ضياع الوادم بدونك ... حسينآ
"""""""""""""""""""""""""""''''''''''''"""""""

چنت أتأملك بـــالليل ســـهـران
أگول الماي هوه شلون عطـشان
يعني الماي يعطش وآنه حـيران
وچوتني النار وآنه بروحي لهفان

چـواني ألسـانك اليابس
عطشتك وآنه مو عابس ... حسينآ

"""""""""""""""""""""""""""''''''''''''"""""""

وجنوني صار ضلي ويمشي ويــــاي
گمت كل خطوه أمشي أنويها مشاي
گمــت أتلگه كـــلمـن رايــــح وجـاي
بثواب حســـين أوزع بـــالدرب مـاي

يبو الاكبر صرت منك
حبيبي وحيل أحـبنك ... حسينآ


عبد زينب
محمد الابراهيمي

لحن (حرامات)
بصوت
ملا صادق هاشم
بغداد

((يلايم))

يلايم عوف جرحي ارجوك ولخل
شّتســـولف والابــن مذبوح والخل
انحــــــــور ازغار والنيران والخيل
طحن طحنت ضلوع ابــن الـزجيه

عبد زينب
محمد الابراهيمي

((الفاگدله))


الفــــاگدله بشر ما يگدر يگوم
بس شلون اذا فاگدله معصوم
العمر خلص مواعيد
روحي الشوفته تريد ...

"""""""""""""""""""""""""""""""""""''''''''''

راح اسكت و دمعي الي يحاچيك
عــلى خدودي كتبلك راح اتانيك
خــــايف خـــاف من تضهر نأذيك
وانته اعـــــله السبايه حيل مابيك

يالمــهدي انتظر مولاي شتگول
بدربك گلبي راح يصير مشتول
يجي و يروح چم عيد
العمر خــلص مواعيد ...

"""""""""""""""""""""""""""""""""""''''''''''

صــــرت شگــــــد أَبذر عاليمرون
على المايسوه وشل شوف العيون
اشوفن بس خـيالك والله ممنون
عشگك خَله منـي انسان مجنون

بطــــــــاريك صرت مولاي طماع
عليها يدوس جدمك احسد الگاع
حـتى الگـاع متــهيد
العمر خلص مواعيد ...

"""""""""""""""""""""""""""""""""""''''''''''

عني يگـــوم ظل اليگعد أحذاي
هلي گطعو درب مجلسكم وياي
الغيرك ما شكيت وليـك شكواي
المجلس مـــاي وآنه بعازةّ الماي

الغايب منه واحد يدري الغياب
المافاگد عَليهَ يگــــــول چذاب
تبچي هــواي شتريد
العمر خلص مواعيد ...

"""""""""""""""""""""""""""""""""""''''''''''

انه دم و لحم و احساس و اشواگ
يضحكون من اگولن حيل مشتاگ
بنيـــــته و كــــــمليته بيت الفراگ
تعال الجيتك حــتى النفس ضاگ

بعدني عله العهد بهدومي السود
يالمصعدني رتبه و صـرت رادود
دين الخـدمه تسديد
العمر خلص مواعيد ...

"""""""""""""""""""""""""""""""""""''''''''''

الفتن سبعين الف بس احنه سبعين
الشمر مــــوجود بس الغايب حسين
ارجع يبن فـــــــــاطم لا تجي الحين
هـــــــــاي حچـــايةّ الما صانو الدين

درو لو طلع نورك تعمي الابصار
وتَكَشف اسرار ويطلعــــون كفار
واحدهم غـــده بعيد
العمر خلص مواعيد ...

عبد زينب
محمد الأبراهيمي

لحن (الفاگدله)
بصوت
ملا حسين باهض الحلفي
بصره

((تعال))


تعال تعال
خلصَتّ حتى التعال وما اجيت
حِبال حِبال
عالحبال شكثر دمعــت وبچیت
وين ســاكــن يــانبع
سوالفك كلهن ضلع .. تعال

"""""""""""""""""""""""""""''''''''''''"""""

وين اشوفك يلي حــالك حــال نورس
تـخـتـنـگ بيه الـســوالف وآنــه اخرس
أرد اسئــلك والضــلام بروحي عسعس
بروحك جروح التراچي جروح محبس

تعال تعال
الدمعه تچويني بغيابك وانچويت
حبال حبال
هـــزله دنيانه بــغــيابــك ونسبيت
يانشــيجك يـنسـمع
سوالفك كلهن ضلع .. تعال
"""""""""""""""""""""""""""''''''''''''"""""

وگفت عيوني بغيابك عالمشانق
بيا مغارب هسه انته بيا مشـارق
فاتح چفوفك ولا واحد يــــعانق
علگت چم دمعه بخدود البيارق

تعال تعال
الفاگد احبابه شني تگله انحنيت
حبال حبال
البالخرابه يبات لاتحـچـيله بيت
والحـزن صاير طبع
سوالفك كلهن ضلع .. تعال
"""""""""""""""""""""""""""''''''''''''"""""

چـــم كتاب الطاعــنك عود الروافض
والـــرســايــل سيــدي صارت مقارض
اليحچي بسمك توگف بوجه العوارض
عـطـلـوك ونـدبـتــك خــيــر الفـرائض

تعال تعال
هِبلي عطرك أرد اشمنه اشتهيت
حبال حبال
حــبل مرسوم بصفنتك ونتچیت
نگعن هـدومك دمع
سوالفك كلهن ضلع .. تعال
"""""""""""""""""""""""""""''''''''''''"""""

بيا طريق وعينــك تعاين هزيله
تعثر وروح الــدمع ينزف مسيله
بكربله لو يم علي بحزنك تجيله
تگله يابـــــويه تره بغربه العقيله

تعال تعال
یابو صالح عالهزل يمكن مشيت
حبال حبال
وبالحبل ياسيدي طحت وهويت
وانته واگـف تستمع
سوالفك كلهن ضلع .. تعال
"""""""""""""""""""""""""""''''''''''''"""""

الدفع بـــاب الزهره متّلَون ضميره
لا تخلي الكــحــله بعـيون الضريره
وَهمتني وسلتت خيــط الحــصيره
المايشوف المهدي ماينـدل مصيره

تعال تعال
وحگ امك فاطمه هوايه بطيت
حبال حبال
والله بچفوفك حـبال ومانسيت
بيك چايمته انجـمع
سوالفك كلهن ضلع .. تعال

عبد زينب
محمد الإبراهيمي

لحن(تعال)
بصوت
ملا صلاح الدراجي
بغداد

((ورثتو النار))


يالصادق النار ألكـم سجيه
ورثتو النار من باب الزجيه
ومن خيام الحسين
نارك صفــت نارين ...

"""""""""""""""""""""""""""""""""""''''''''''

نارك من تشب وعيونك تشوف
ادري تذكريت اخــيام الطـفوف
نعادت كربله يم بابك وخــــوف
بس عباس ماكو وماكو الجفوف

صرت بهيئةّ حسين وغربته
محنتك ياولي تشبه محنته
منك تــدمع العين
نارك صفت نارين ...

"""""""""""""""""""""""""""""""""""''''''''''

يبو سبــــعين عام وحيل مهدوم
عمرك خلصيــــته وماشفت نوم
ماكو هلال صار العمر بس صوم
على طف المدامع صرت مهدوم

تذكر من برز بالحسره جــسام
وعله حايط الذكره ترسم خيام
يومك ابــد ناسين
نارك صفت نارين ...

"""""""""""""""""""""""""""""""""""''''''''''

يا روحك وحــزنك تـــارس الروح
كل ساعه وتشـوف حسين مذبوح
وجن عباس ادري تشوفه مطروح
نص اليل هــــاجت حيل الجروح

صاحت منك جروحك والعيون
يامــــولاي كلشي البيك مدفون
تذكر لوعةّ البــين
نارك صفت نارين ...

"""""""""""""""""""""""""""""""""""''''''''''

يل برض البقيع الگبر چـا وين
مهدوم وعليك تهــــــدم الدين
الك عيني تصب وانوب الثنين
يل چنك علي يل چنك حسين

النواصب هدمو گبرك يمولاي
بس انته النـهر شتسوي بالماي
عطش وياك ماشين
نـــارك صفت نارين ...

"""""""""""""""""""""""""""""""""""''''''''''

شگد مــــرت ايام ومرت اعوام
ماتنسى السبي من صار بالشام
ثوب الحزن صار لطــولك ولام
يالجرحك بطول دمــوع الايتام

بجرحك چن اشوفن حيدر يصيح
يم حزن العقيـــــــله يگوم ويطيح
ويم حزن الدواوين
نارك صفـت نارين ..


عبد زينب
محمد الابراهيمي

لحن (ورثتو النار)
بصوت
ملا صادق هاشم
بغداد

((يالصادق متت))


نار ..
بيك اتوجرت .. روحك فرفرت حيل
نار ..
يالصادق متت .. لمـــن صيحت خيل
صــــوره وتنطبع
براسك چم ضلع ... نار نار

"""""""""""""""""""""""""""""""""""''''''''''

جرحك أشكبره
ودمعتك حـمره
منين ماتنضر عيونك غاضريه
حزنك الـــدايم
صحت ياجاسم
دمعتك ترسم ضعن مابي رقيه

رمله من ردت عاتبت حتى التراب
راح أهلهلك مـــــن تمر زفةّ شباب

راح ..
امك بالمحن .. هايبن الحسن عود
راح ..
جمر ويستعر .. وثـــياب العمر سود
جفــــنك بالدمع
براسك چم ضلع ... نار نار

"""""""""""""""""""""""""""""""""""''''''''''

يوم من حرگو
بيتـــــك وأذو
گلبك المابي فرح بس المصيبه
اتذكرت حاله
بيهـــــا خياله
بيها نــــار الخيمه وتنادي غريبه

دمعتةّ عيونك سيدي نار الطفوف
تقــــرا لطميه النهر وين الچفـوف

ناح ..
عمي ياگمر ... ليش اعله النهر ليش
ناح ..
هدو عالخيم .. يـــاعمي وألم جيش
صياح ونـــــسمع
براسك چم ضلع ... نار نار

"""""""""""""""""""""""""""""""""""''''''''''

روحك بهيمه
لوعتك خيمه
ليش تركض جَسدت حال العليله
صحت عافوني
اهلي خــــلوني
راح اضل بغــــــربتي مثل العقيله

تصيح تركوني الضعن نـــاوي المسير
وياكم اخذوني افرش ارموشي حصير

وين ..
بالك سيدي .. ضـعن وبالحدي صار
وين ..
توگف تنتچي .. ماكافي البچي الحار
حزن وينجـــــمع
براسك چم ضلع ... نار نار

"""""""""""""""""""""""""""""""""""''''''''''

صحت يحسيني
ماتــمل عيـــــني
فرض دمعاتك مثل فرض العباده
ماتمل روحي
من يمذبوحي
هاي سبعيني بــــواچي من الولاده

دمعي الك وشل كل وكت ياجد انوح
وعمري الك خلص ياجرح فوگ الجروح

آخ ..
يومك ياجرح .. ياجــــدي ورمح فوگ
آخ ..
انضر حسرتي .. تچوي دمعتي الشوگ
انته بــــــيا وضع
براسك چم ضلع ... نار نار

"""""""""""""""""""""""""""""""""""''''''''''

لا تلـــوموني
من تحاچوني
ياهو عماته على الهزل سبايه
حگي لو انحب
عمتــــي زينب
ضلت اتغطي رقـــيه بالعبايه

طبت بديوان عمتي وبـــديها الحبال
ولاذت النسوان بيها من عين الرجال

ناس ..
مابيهم أبي .. ويــرحم بالسبي وين
ناس ..
شام وبي بله .. وتبچي العايله عين
نار وبالـــــــشمع
براسك چم ضلع ... نار نار


عبد زينب
محمد الابراهيمي

لحن (يالصادق متت)
بصوت
ملا صلاح الدراجي
بغداد

عندما قال مولاي الحمزه الى ابي جهل ردها ان استطعت ... أنا قلت له سيدي ..


ياهو اليگـــــدر إيرد ضـــربتك هاي
وأنــــــــته الدين چان بچفك إيهب

عـــاشگ وانتفاضك چان محسوب
الهاي اللحضه چنت بشوگ تحّسبّ

حــــتى تگــول بــــيه يعيش الايمان
وحتى يصير واضـــح لمــــن تحــب

چنت من الندى ( لا ) ارقــى بهواي
گدام النــــــبي نـــاگوطت الحــــب

مرض چــــان بفكرهم يوم يحچون
عن قطع الطــــــريق وچنت تسلب

المثلك مــــايسلب ( حمزةّ الروح )
عبـــــد المنطلب يـــــرضاله يسلب

أبـــــــن الأدب كـــــله وأبن الأجواد
وعبد الضيف هـــذا الماهو يجّذبّ

عــلى يا ( ترمذي ) تتســلق الناس
وعليمن عــــــالبخاري انوب نعتب

حمزه ابن الديانه وصـــلب الأسلام
حمزه من التدين چـــــان محّـــرب

ماشكّ ســــولفوله عـــــن الحسين
وبـــــــوقعةّ ( أحد ) يحسين يندب

أرد آخـــــذ بثــــــــار البعده ماصار
عن كل خطـــوه چان بغربته إيدبّ

عن كل سحگه مـــن حوافر الخيل
وعن كل إيـــــد شـــــالةّ نار وتشب

عــــــن كل هـــــزله عثرةّ آخذ الثار
وعن كل جندي چان بذبحه يطرِبّ

هــــــــذا الحمزه چان من المحبين
وچــــانت بـــــي بــــرائه يلعن يسب

وأخــــيراً يالصــــرت إيقونّت الروح
رغماً عــــــالأنوف الشخصك أنحب

عبد زينب
محمد الابراهيمي

((قيدّ العشگ))


على قيدّ العشگ والدمعه عشنه
ومن نهـر الجـرح رحــنه وشربنه
غيرك ماي آسن بي طـعم غيض
ومــــايك سيدي بــــي لذه شفنه

وشفناك انته ابو الحگ
وبيـــــك العِلــمّ يشهگ
ياصادق محمد ..

بيت الحكمه والراي
بس علتـــــهم الماي
آثار اعله كل خد ..

عدهم عـزيه
صبح ومسيه
بــــالغاضريه .. حچيهم

لا ماكـو راحه
كلهم نيـــاحه
ويعله صياحه .. بچيهم

صادق آل محمد ...

"""""""""""""""""""""""""""""""""""''''''''''

من منهل عشــگ جـودك روينه
ومن عندك عـــرفنه الدنيا شينه
يشيخ الســاده ياناعي الســـبيات
على دموعك وحزنك من مشينه

عزاء حسين قمنه
يالتحــضر لطمنه
يارايةّ عزائي ..

رايــــه وبيدك انتـــه
وكل مجلس حضرته
يالتسمع بكائي ..

روحه الفريده
وگـايدني بيده
ياحزني أعيده .. بشجيه

وتبدي المدامع
وضيم المواجع
زينــب تــوادع .. رقيه

صادق آلـ محمد ...

"""""""""""""""""""""""""""""""""""''''''''''

صادقنه وفخر من صرنه شيعه
وفــوگ الراس يـالامره ونطيعه
لكـــــن يابشــر چـا يمته نـرتاح
يـــــمته نــروح مشــايه البقيعه

يمته تصير هايه
رايه وفوگ رايه
مشايه ومواكب ..

خــدام وتحييك
يزايرنه هلا بيك
زوار الاطايب ..

حضره ومناره
اتلـــم الحياره
هـــاي الزياره .. وسروره

امنـيــتي هيه
گبـــل المنـيه
لبـــن الزجيه .. ازوره

صادق آلـ محمد ...

"""""""""""""""""""""""""""""""""""''''''''''

تمــــــــر بيا جــرح سود الليالي
وعـــدنه بــــالبقيع اشگد غوالي
الحسن والباقر وسجادنه اهناك
وصــــادقنه الابــــد مارد سؤالي

حنين اشما سئلته
ابو النخـوه عرفته
يالروحه كريمه ..

أنه رايد دمعـتي
ونيران الجمرتي
للطفله اليتيمه ..

گلـــبي يويله
الذيچ العليله
ياهو اشتكيله .. وسمعني

تـــرسم اماني
وگلب اليتاني
لا يـــــــازماني .. يحزني

صادق آلـ محمد ...

عبد زينب
محمد الابراهيمي

لحن( قيد العشگ)
بصوت
ملا صادق هاشم
بغداد

((مواقيت الجرح))


حُبك مواقيت الجرح
ابــلادمع ماعندي راي
حبك اصول المحنتي
والجرح دولةّ ضمــاي

نوح والسـهر
وبلـــوه النهر
وجمر وحجر .. والشارد منين

وانتـــه بألم
ونار الخــيم
وحار السهم .. ياروحي يحسين

ألف وتسعميةّ جرح وحوافر الخيل
وين اليـــباري عيلتك ويخوف اليل

حسين حسين ...

"""""""""""""""""""""""""""""""""""''''''''''

بلامعنى اعيش بلاعزه
ولاگــــلبي يقبل مايهيد
قمة وجَودي بمجـلسك
تمد چفك الهاي العبيد

باچــر يـــمر
موت وحشر
وحبك أمـــر .. تأمرني يهواي

هيــــمه الزمن
وغفلله و وسن
وانته الــــوطن .. يالبگبر جاي

شنطيتك وعيله بجمر اطفال ويعثرون
للنـــار منطي عيلتك بنصها ويطيحون

حسين حسين ...

"""""""""""""""""""""""""""""""""""''''''''''

درب العشـــگ عثرةّ حزن
وانت الجروحك الماتغيب
واليبــــرد بــــــدربك يــرد
يحسيني بس انته الطبيب

انتـــه الهوى
ثُـــــمَ الدوى
وگلبي أرتوى .. من عشگه ممنون

آخ ودمـــــع
ليــل وشمع
شلون انمنع .. من دمع العيون

بلاثوب ويلي بالثرى حتى البس الثوب
ما جوز مـــن زيارته ومن حــبي ماتوب

حسين حسين ...

"""""""""""""""""""""""""""""""""""''''''''''

هايه دمعــتي بمجلسك
بروحي احبك واشتريك
هـــــنه الاديـــن أمعوده
وبكل مسه تلطم عليك

ناس الغدت
بحبك علت
مــــاحسبت .. نايم على الگاع

عيـــله برعب
وكلش صعب
وانته بتــــرب .. وضعن الاهل ضاع

يالنايم بسن الرمــــــح وعيالك بخوف
دمك الداحيها الأرض كل هذا ونعوف

حسين حسين ...

"""""""""""""""""""""""""""""""""""''''''''''

دمــــك ديانةّ كل نبي
والهزل اقدس بالثبات
اضخم عقيده دمعـتك
ومحبتك هــيه النجاة

نــــام الجرح
صاحي برمح
وحـــز الذبح .. دين اعله الاديان

كسر الضــلع
وشوغةّ صبع
نــــــار ودمع .. يالعاري عطشان

والعيله من درب الدرب وجروح الايام
وزينب غريبه ميسره من تجهب الشام

حسين حسين ...

عبد زينب
محمد الابراهيمي

لحن(مواقيت الجرح)
بصوت
ملا حسن الزينبي
ناصريه

((كلمنه الطير))


بــحــبـك كـــلمـنه الطير
ومن فضلك صـرنه بخير
فـــرحــان اخـــدم عباس
امــلك عشــگـــك لا غـير

ياحنين جروحنه بالشوگ منذور
ياشطب رَيحآنه وعـــالخادم سور
غيره منك رايدين اعله الخيمات
يـــالگــمر تــدرينه مـتانين عاشور

بجـــرح تانينه .. عاشور المصاب
بــس تـــأذينه .. طَـوَلّ بـــالغياب
نريد نلطملك .. عــباس بدمــوع
وانتـــه بچينه .. عالدمه خضـاب

يالكفيل ارزقنا محرم ...

"""""""""""""""""""""""""""""""""""''''''''''

مــأذيني درب الشوگ
اتـنـفس بس مـخنوگ
مــــضيعني بـليـل الآه
ومن الغربه ومحـروگ

يـــــبو فـاضل انته كل سر مكنون
المايشوف ابــابــك تهــديله عيون
حيل أنــــه ممنونك مولاي عباس
وي الخدم حاسبني مولاي ممنون

زاهي الـمنضر .. صـاير بالدليل
منــك اتشَــكر .. حضرة الكفيل
حــاجه الدنـيا .. مــولاي بأديـك
انــته لــلخـدر .. عـبـاس الوكيل

يالكفيل ارزقنا محرم ...

"""""""""""""""""""""""""""""""""""''''''''''

اجمل شـهم حبيت
مـــن حبك اتعليت
حبيت ابو النوماس
يــاقمر لهـل البيـت

يالملكت أگليبي وبالشـوگ احتار
يـــاعــزيز الزيــنب يا چـــلمةّ صار
ســـرك المــكفوله الضميته بروح
حتى نضرة زينب محسوبه اسـرار

غـيرتـك غـــيره .. للعـفه عــــــفاف
قـــمر تصـــويره .. بس بيها اختلاف
من القمر اجمل .. يـــاكــوكب فريد
تــشـهد الـــديره .. وآل ابــــي مناف

يالكفيل ارزقنا محرم ...
"""""""""""""""""""""""""""""""""""''''''''''

خدمــه ولطم مشاي
وأبــــــابه اوزع مــاي
(چا) هوه هذا الخير
اي هــوه هـــذا الرآي

اي محرم جانه عــباس شتگول
مروتك اتبدلني واسمي مشيول
(عبد ) يـم اعتابك ويريد دموع
تـــرد زاير زينب عــباس معقول

زايــر الــحـــره .. تــشـهدلي السنين
واصـرخ بعـبره .. ها يخت الحسـين
جـاي اشكـيلك .. زودنـــي جــــروح
اركض بصحره .. ومـــاتغـفـآلي عين

يالكفيل ارزقنا محرم ...

"""""""""""""""""""""""""""""""""""''''''''''

يــم بــابك المبـخوت
لازم سره اعله الموت
چا يمته دمي ايفيض
بـحـبك حـلو التـابوت

أَسـَرتــني اعـيونــك (ما)هاد البال
قيداني الحاجـــب بالشوگ احبال
حيره لو ما شوفك بالنـضره ارتاح
ســاعه انضر گبــتك يَتبدلّ الحال

ياسكن حالي .. بالنضره عطوف
وحـتى آمالي .. زيـــاره للــرئوف
انـتـه وديـني .. يــم بـاب الجواد
والدمع هالي .. معـصومه اشوف

يالكفيل ارزقنا محرم ...

عبد زينب
محمد الابراهيمي

لحن (كلمنه الطير)
بصوت
ملا نوح المحمداوي
بغداد