‏اللهُم أغْسل قلوبنا من أوجاعها ؛ وأرزقُنا من فيض كرمك سعادةً لا تنْقطع ، وأشرح صدورنا ويسر امورنا اللهم صبّحنا صباحاً تنشرح فيه الصدور، وتقبل فيه التوبة، وتتسع فية الأرزاق، ياخير من سُئل وأكرم من أعطى يا حيّ يا قيّوم اللهم امين

‏انسحب من كل قلبٍ ما يشيلك
‏و ابتعد عن كل عينٍ ما تودك

‏و لا تجي للي تجيه و ما يجيلك
‏و لا تعد اللي .. تعمد ما يعـدك!

‏و ارتاح لا يتعبك طرد المقفين
‏ما كل من يتعب يحصل مرامه

‏ابعد عن الدنيا و ركز على الدين
‏اللي معاه تـفـوز يـوم القيامـه

‏ان جيتنا حنا على العهد باقين
‏ولا اقفيت عنا رافقتك السلامه

‏احذف كل اللي يسّبب لك ازعاج
‏ولا تفكر في شعُوره دقيقه

‏خل التخلي لك على طول منهّٰاج
‏وشف كيف تصفى لك وجيه الخليقه

‏الناس ما فيهم إذا باروا علاج
‏ومن لا يثّمن قيمتك .. في حريقه

‏من عقّد بـ وجهك بلا سبّه حجاج
‏اعقد له حبال الضياع الوثيقه.

‏ما غبت عن بالي تفاصيل و شعور
‏يشهد على هالشوق ربي وربك

‏يا ما سهرتك بين قيفان و بحور
‏تسهر معي نغمات " روحي تحبك"

‏فتني الله بك بلا فطنه وشور
‏شرعت باب القلب والريح هبك

‏خبري بنفسي قاسي الباس مغرور
‏الين ما جرحي تشفق لطبك

‏شوقي لعب بي لين وردني الجور
‏و يا ليته اللي لاعبً بي لعبك

‏أجيك شايل بالصدر حلم مكسور
‏ الذنب لا ذنبي و لا هو بذنبك

‏لو البصيرة قلب "قلبي بلا نور "
‏ما علم احساسي متاهات قُربك

‏ولو القلوب شهود قلبي شهد زور
‏ خلاني من بد الخلايق احبك .

‏كل موقف درس والخذلان دايم خيره
‏لا تكبّـر قيمـة الاشيـاء .. ولا تتهقوى

‏كل درب تزلّ رجلك فيه دوّر غيره
‏كلها يومين .. تتعافى وترجع اقوى

‏بيني وبينه صارت أمورٍ كبار
‏و اقفيت واللي صار ؟ بيني وبينه

‏ولو كان لي قدره من جروحي اختار
‏لاختار لي جرحٍ ما هو من يدينه

‏"لو ضيّقوا عليك ف الاربع جهات
‏اصنع جهة ، وادهشهم ، وكمّل مسير

‏اظفَر ب ذاتك ، في زمن فقد الذوات
‏و اصنع لنفسك درب منقطع النظير

‏ترا اللي يمشي في قطيع الامّعات
‏لو نظَرَه ستّه على ستّه ، ضرير"

‏حنا كبار وكل دربٍ ندلّه
‏ولنا عقول تميّز الحسن والسيّ

‏ودخولنا في بعض الاشياء اقلّه
‏إن ماخسرنا شي مانطلع بشي

‏وتجاهلي بعض الاوادم من الله
‏ماهي بشوفة نفس ولا كبر فيّ

‏أحب انزّل كل شخص بمحلّه
‏ولا احب اجي في محلٍ ماهو لي

‏والله ما شككتُ في حكمة اللهِ قط
‏وما بكيت يوماً اعتراضاً على قدره
‏وإنما لشيءٍ وقر في القلب هو سبحانه به أعلم

‏نشهدك يارب أننا رضينا
‏في ساعةٍ عزْ علينا فيها الرضا

‏فراضِنا وارضَ عنّا وتولّنا 🤍

‏همومه يكنها من ذاته لـ ذاته
‏واكبر خطر للهموم تصير ، مكنونه

‏لكن وش حيلته والناس شمّاته
‏يكبت ، ويثبت كان الله في عونه

‏اخير من بردهم حر التنهاته
‏والونة اللي عن الاسماع مصيونه

‏ما وده إن البشر تدري بغاياته
‏من علم الناس بالغاية يحقرونه

‏أتبع سكينة شعورك قرب وبَعد
‏ولا تعتذر للوجيه اللي تودعها

‏لا طاب قلبك لكل الناس ما تسَعد
‏بعض الاوادم يتعبها تواضعها

‏البرق لولا غيوم السيل ما يرعد
‏والعين لولا الحزن جفت مدامعها

‏" الرزق له موعده و الحب له موعد
‏أرزاق ربي على العالم يوزعها "

صايم ومؤمن بأن الله تعالى غفور
‏الراحم - الغافر - الهادي - كريم العطى

‏ياربّ و أنت اعلم الباقي وما فالصدور
‏عبدك كساه الظلام و فوق صدره سطى

‏اسألك لطفك و غفرانك فـ يوم النشور
‏ ادعي و عيني تهلّ الماء و صوتي وطى

‏ فوضتك أمري إلٰهي في جميع الأمور
‏تدلّني لـ القدا .. و تبعدني من الخطأ

‏" تزاحمت النـــعم
‏مطــــر ورمضـان
‏وربٌ كريمٌ مُجيب
‏اللهم أمانينا وقلوبنا وأحلامنا "

‏اللهم كما أغثت الأرض بالمطر أغث قلوبنا باستجابة دعواتنا وغفران ذنوبنا يارب

‏" كنّي أدوّر على شهّاد زور
‏يوم أدوّر فالرسايل والورق

‏صار لفرقاك سنة وأربع شهور
‏أربع شهور وسنة .. فيني أرق "

‏يارب ذنوبنا واجد وحلمك وسِيع
‏أنا بوجهك من ذنوب على منكبيّ

‏أستغفر الله من ذنبٍ مايقبل شفيع
‏يحوّل بيني وبين أحلامي اللي أبي

‏لا تنشغل فيني . . . أنا بحالي أدرى
‏قلبٍ تعلّق فيك ينسى مع الوقت

‏أشوف لك من وين ما رحت ذكرى
‏و لا شفتها صدّيت عنها و دنّقت

‏ما كل جرحٍ لا خذا أيام يبرى
‏بعض الجروح يزيد شرّه مع الوقت.

‏تعدّى الظروف بلين جانب وقوّة باس
‏و توكّل على اللي بيده العجز و القدره

‏من يحطّ قـدره سلعةٍ في يدين الناس
‏لا يزعل لا حطّوه الاوادم تحت قـدره.