معليش يا عيد ... 💔
أسفين جداً ،،،،، ،،، لو جيت طليت
و ما لقيتنا هناك ،،، في شارع البيت

معليش بالجد ... 💔
لو جيت ولقيت،،،،، سكان تانيين
ما بشبهو زول ،،،،،، لا بني أدمين

معليش لو جيت ،،،،، وما لقيت أطفال
مالين ساحات ،،،،،،،، شايلين ألعاب

ولقيت دوشكات ،،،،،، و كلاشنكوف
وبدل الفرحة ،،،،،، لقيت الخوف

معليش يا عيد ... 💔
ما قصدنا كان ،،،،،،،، إننا نرحل
او إنو الحاصل ،،،،،، كان يحصل

كلنا فاكرين ،،،،،،،، إننا راجعين
بعد يومين ،،،،،،،، ومرت شهرين
والشهر التالت،،،،،،قال أمين

معليش يا عيد ... 💔
بالجد أسفين،،،، لو غصباً عننا ما فرحنا

معليش يا عيد ... 💔
إن شاء الله تعود،،،،،وعلينا تجود
تلقانا بخير،،،،،،،،، ،، وسماء الخرطوم
صافيه بيمرح،، ،،،،، فيها الطير
والقمرة تغازل،،،،،،، شارع النيل

إن شاء الله تعود ...💔
تلقانا هناك،،،،،،،، بي نفس الشوق
أعياد وأعياد،،،،،، ما فيها حروب

إن شاء الله تعود تلقانا بخير 💚💙💚