هي الدنيا حال وحال
اشوي الينحجي كبالك وجـثير الينحجي بظهرك

عريان السيد خلف

گلشي موسم حتى حب الناس موسم

عريان السيد خلف

يمخالط رفيفك وي رفيف هواك
تسري بنبض روحي براحتك وتطوف

عريان السيد خلف

ابگه اگل للروح لو جرحي انلچم
ياروحي اسكتي

عريان السيد خلف

واعيش بحسرتك هايـم
اشب نوبه بعذاب الروح
نوبه بلومة اللايم

عريان السيد خلف

يمرر الموت بينا ومايمرون
وتهون
أشما طفح ميزانها اتهوون

عريان السيد خلف

تره الكتمان !
يوصل حدة مرات ،
بس المشكلة شتريد تحچي ..
الما يكدر
يسولف يبچي يرتاح ؟
انه حتى بچي ما كادر أبچي ..

- عزام الشمري

أَنا الخَواف يَا دِنيا
أَنا الخَواف مِن كِلشي
لو أَحلَم حِلم مو زين
آنه أَرجِف قَبل رِمشي
أدگ بالبَاب ألف رَزة
وأفَز بليل ألف فَزة
وتَعِز روحِي
واگل للخّوف
ضَل بالبيت وآنه أمشي

بعد لتودي طيفك ليلي مابي شِوك
اجاني وباب چفني بوجهه سديته
اني من الورد ضليت اضم الشوف
لأن كلش يشبهك ما شتميتة
بخيم صدري الزعل عطش هواي حروف
حچيت وماي وجهك ماندليتة !
الك جنت التفت وادري انت ماموجود
اذا ابالك حرف من أسمي عديته
بعد ما التفت لو سمه بظهري طيح
حسبالك گبل؟ لا گلبي چويتة
گُمت اخذ نفس وبريتي ينزل غيم
وندليت علتي وجرحي گضيته
روح الهوه بضهرك اول هويته يروح
مو بس شوفي عنك سمعي غضيتة !
گبل ليلك وخلكي تسابگن بالطول
العلي ماگفة هسه بروحي گفيتة
انه بخد النده تلكاني طايح ماي
وصوت النفس يصهل بذني خليته
هوه بروحي من طلعه الموته يتنفسون
بس عاندت روحي وبيهه خليتة
روح اترس فراغك بـ البرود البيك
انا وجه الشمس بـ الملگه غطيته

- لـشاعر علي رشم .

اليَصير مرايتك يندل
حِسّرتك وين يعرف ويـنَ
بيك مچودرة الوجعه

علي رشَم

يلوموني واحسك تكبر بروحي
ويلوموني وأنه بلا شوفتك
شينفعن عيوني يشوفي
ورجوتي ودنياتي ولوني
وعذابي وبسمتي وشكواي
وضنوني يخيعونك عليه وبيك خيعوني..

شوَية شوَية
صَرت تتغِير عليَه
شوّية شوَية
تسَحب ايدِك مِن ايديه
كُلشي تگدر
تسَوي اكثِر
عيوْنك يخوفن هَذنّي
صَرت تنسْى
هوايَه هسه
گلبَي من عَندك لچْمني
يُوم عَن يوِم
اني اشِوفك
انتَ تتغِير عليَ
شوَيه شويهَ .

تدري اني اصدقائي كلهم اطفال ؟
لان تشبهم انت بهالبرائة

- جبار رشيد

نكدر نشوفكم
@almeiahe