لطميه لزين العابدين عليه السلام
_______
محنتك يالسجاد محد حملها
من عفت ال البيت عل رمضه كلها
حكهم يونون
دم تجري العيون
محنتك يالسجاد محد حملها
😭😭😭😭😭😭
عاينت عل اجساد كلها خضيبه
ودموع عينك تصب ويلي سجيبه
منين اجيب اليوم الهادي وحبيبه
حضروني هذا اليوم
زادت علي الاهموم
محنتك يالسجاد محد حملها
😭😭😭😭😭😭
من عفت ابوك حسين عل غبره نايم
صحت بحزن يابوي والدمع ساجم
اليوم العكل والبال بالحزن هايم
فكد الابو جتال
مايخطر اعله البال
محنتك يالسجاد محد حملها
😭😭😭😭😭😭
بقلم العلويه الشاعره ام حسام الغرابيه
الفاتحه الى شرف النبي والائمه الاطهار والى روح ابنيتي الشابه سلوى بنت علي ذمه عدم مسح الاسم

السلام عليكم ورحمة الله وبركاته متابعين الكرام انتقلت الى رحمة الشاعره خادمة الزهراء ع الملايه القديره ام حسام رحم الله من قرأ سورة الفاتحة
تاريخ الوفاة ٢٤_١٢_٢٠٢٣

الله يرحمها برحمته الواسعة ويسكنها فسيح جناته ويلهم اهلها وذويها الصبر والسلوان ويجعل قبرها روضة من رياض الجنة إنا لله وإنا إليه راجعون… الفاتحة..
😭😭😭

الله يرحمها برحمته الواسعة ويسكنها فسيح جناته ويلهم أهلها وذويها الصبر والسلوان ويجعل قبرها روضة من رياض الجنة إنا لله وإنا إليه راجعون…
الفاتحة على روحها الطيبة… مسبوقة ومعطرة بالصلاة على محمد وآل محمد
🏴🏴🏴🏴😭😭😭

نعي عتاب بين الام والابن
_____
صرت شاعر بعد هجرج والفراك
ودليلي من الحزن خضروالفراك
وكمت ماشوف بعيوني من الفراك
عزيزه وفركتج تصعب عليه
😭😭😭😭😭😭
سبب موتج زرف كلبي والجلاي
وعيوني من الحزن سألت والجلاي
تمنيتج وسط كلبي والجلاي
وضل وياج لآخر نفس بيه
😭😭😭😭😭😭
راسي من المرض ماضن شفه بي
وكلبي من الدوه صاير ضعف بي
اجرالنفس بلكوه واهد بي
مريضه وماضن ضله اليه
😭😭😭😭😭😭
وعتيني وعد منج تضلين
وكلتي وياك اضل حد المنيه
وتركتيني وحيد بهاي دنياي
وشجاج بساع متي بين اديه
😭😭😭😭😭😭
رحت وعيوني مشبوحه عليكم
يعزاز الكلب صعبه عليكم
رحت ماضن الي رجعه عليكم
امر ربي ومن خصبن عليه
😭😭😭😭😭😭
يلم بيه الحزن ساعه ولم بي
وعليكم كلبي يوجعني والم بي
الحزن تفصال ومخيط والم بي
ولبسته وماقبل يعتك عليه
😭😭😭😭😭😭
امي تكول
يحباب الكلب كلش تعبتكم
وضاع التعب والسهر منكم
عبالي اكومن ورجع الكم
اثاري الموت مستعجل عليه
😭😭😭😭😭😭
امي تكول
تعبي والسهر ورباي ماضاع
اولاوي التعبو بمرضاي بس ضاع
جنت كل ضني اطبيبن وشفه بس ضاع
تعبهم والسهر ذاك عليه
😭😭😭😭😭😭
بقلم حسام الحجامي
الفاتحه الى شرف النبي والائمه الاطهار والي روح المرحومه والدتي ام حسام ذمه عدم حذف الاسم

😭😭😭😭😭😭 بقلم حسام الحچامي

اداء الملا ابو محمد الدراجي
😭😭😭😭😭

نعي عن الام
_______
اجيت وحيدي يم كبرج ييمه
اجيتج والدمع سايل ييمه
حلتلج نومتج هايه ييمه
وحدج بالكبر وشلون بيه
😭😭😭😭😭😭
ضعت وتبهذلت يمه بلياج
تعالي وشوفي حال ابنج بلياج
صرت مثل الطفل ابجي بلياج
هضيمه تموت امي بين اديه
😭😭😭😭😭😭
خلصت ونتهت انه ونضر عيني
امي الجانت كليبي ونضر عيني
عميت ولاشفت اني بنضر عيني
تموت امي العزيزه
😭😭😭😭😭😭
منو الينشد عليه خلاف عين امي
يتيم اني صبحت بخلاف عين امي
وكمت مانام ليلي خلاف عين امي
حنينه وموتتج تصعب عليه
😭😭😭😭😭😭
بقلم حسام الحجامي الفاتحه الى شرف النبي والائمه الاطهار والي روح المرحومه والدتي ام حسام الغرابيه

عن الام
___
انه محزم زماني وياي شيريد
اخذ مني العزيزه وبعد مترد
طفت شمعت حياتي
واخذ كل امنياتي
اخذ مني العزيزه وبعد شيريد
😭😭😭😭😭😭
حرت يادهر وين تريد بيه
خذت امي العزيزه بهل مسيه
خذت كل ذكرياتي
وطفت شمعة حياتي
خذت امي الحنينه من اديه
😭😭😭😭😭😭
اعز الناس راحو من اديه
بس شوف الزمان شلعب بيه
تره امي المشت اه ياعلويه
رحتي وماترجعين
عليكم لعمي هل عين
خذت امي الحنينه من اديه
😭😭😭😭😭😭
وصيتج بالكلب محفوضه يمه
ويلادج وسط عيناي يمه
رؤحي ونامي ورتاحي ييمه
وحق عيناج امرهم
واضل انشد عليهم
خذت امي الحنيه من اديه
😭😭😭😭😭😭
انه محزم زماني وياي شيريد
اخذ مني العزيزه وبعد مترد
ابد مانام بليل
ييمه تهدم الحيل
خذت امي الحنينه من اديه
😭😭😭😭😭😭
بقلم حسام الحجامي الفاتحه الى شرف النبي والائمه الاطهار والي روح المرحومه والدتي ام حسام

نعي عن الام
_____
تسالني رؤحي عليج جاوين الاحباب
وين التمر عليك يم عتبة الباب
كتلها راح الجان يتفكد احباب
بس الصور تذكار ضلتلي بدار
😭😭😭😭😭😭
يمه فراكم حيل اصعب عليه
ومثل مر الصبر ينجرع ليه
تذكروني بعدكم لو هاي هيه
ونسيتو المه والكعده سويه
😭😭😭😭😭😭
حرت شكتب شسولف عن الوداع
عميت انه اعله امي بيوم الوادع
رحلت والدار مضلم بيوم الوادع
صفيت انه ودمعتي بوحشة الليل
😭😭😭😭😭😭
تهت وتبهذلت يمه بلياج
وماينشف دمع عيني بلياج
مشيت وتيهت دربي بلياج
عميت ولا بشر يسأل عليه
😭😭😭😭😭😭
كرب اربعينج يمه شبساع
وعلي مر الوكت يايمه شبساع
مثل جرت نفس يايمه شبساع
رحلتي وغيبتج طالت عليه
_____
بقلم حسام الحجامي
الفاتحه الى شرف النبي
الائمة الاطهار والى روح المرحومه والدتي ام حسام

قصيدة عن الام تقراء بطور قصيدة ملا جليل يازماني هذا حالي
_____
يازماني الحارباني//عذب كليبي وجواني
حركه ولوعه وتعب سنين //اخذت امي برمشة عين
😭😭😭😭😭😭
تركض عمر وبخدمتك/يااباالحسن مربيها
تدريها خادمتك تضل/يااباالحسن جازيها
😭😭😭😭😭😭
بالوحشه وبيوم الحشر/ياحيدر اشفع ليها
كل زماني واني اعاني/ومن هضم دهري الولاني
كلبي تحمل جم اصواب/شافت عيني شجم مصاب
😭😭😭😭😭😭
بقلم حسام الحجامي
الفاتحه الى شرف النبي
والائمه الاطهار والي روح المرحومه والدتي ام حسام

صحت بصوت يمه يالزجيه
زينبكم تون بالغاضريه
تون ودير بالعين
ييمه الكلب نصين
زينبكم تون بالغاضريه
😭😭😭😭😭😭
دارت عينها وصاحت يعباس
اكعدلي يخويه يبو النوماس
ترضه اختك يسيره بين الارجاس
يسيره وكيدوها
ولشامي خذوها
زينبكم تون بالغاضريه
😭😭😭😭😭
اطفال وعليه كلها اصيح يمه
ورقيه اصيح ضميني يعمه
اريدن والدي ياعمه اشمه
كبل لامشي الضعن عمه واكلمه
غريب الغاضريه
ابو اجفوف الصخيه
زينبكم تون بالغاضريه
😭😭😭😭😭😭
يسيره والحرم من يسروها
دارت عينها وصاحت اخوها
تراها اطفالكم هل مرمروها
تبجي وتندب حسين
يسيره ادير بالعين
زينبكم تون بالغاضريه
😭😭😭😭😭😭
ضلت هل حريم بغير والي
ولا واحد من اخواني صفالي
يسيرى والهضم بين الحالي
صحت حامي الحميه
يبويه انغر عليه
زينبكم تون بالغاضريه
😭😭😭😭😭😭
بسياط العده هل لوعانه
وشافوني يسيرى ومارعونه
ومن اندب علي هلشتمونه
ارجاس ال اميه
يضربون البنيه
زينبكم تون بالغاضريه
😭😭😭😭😭😭
بقلم العلويه الشاعره ام حسام الغرابيه
الفاتحه الى روح والدتي
كتبت هاي القصيده وهيه ع فراش الموت 💔