حيدر وبيا صبر
من غسلت الكسر
ـــــــــــــــــــــــــــــــ
من غسلت ام حسن
شكد عشت بهل الزمن
حي تبقى مااظن
موتك ضلع وصطر
ـــــــــــــــــــــــــــ
عض اصبع للندم
ضلع الزهره انهشم
شد لظهرك حزم
منك كسرو ظهر
ـــــــــــــــــــــــــ
بياحاله بياوضع
جفك مر علضلع
وصب منك يادمع
يمكن دمعك جمر
ـــــــــــــــــــــــــــ
بكلبك شيضل بعد
وكسرو ضلع ورد
ترد. الهه. وتبتعد
من تصد بلنظر
ـــــــــــــــــــــــــ
خطفو منك شمس
شيرجعلك امس
لريتك فاطم نفس
يلباقي بلا عطر
ـــــــــــــــــــــــــــــ
من جفنت الضوه
ضاع اعليك الهوه
الميت وانته سوه
زاد اعليك الخطر
ـــــــــــــــــــــــــــــ
بعينك مات الصبح
وتستيقض علجرح
وبابك من ينفتح.
يعيد امصاب العصر
ــــــــــــــــــــــــــ
دور غيمة سمه
وابجيهه الفاطمه
بعينك منحر دمه
خل يجري عالكبر

سيد صادق الاعرجي

يايمه لاتنضـريلي
يايمه هدمو حيلي

ـــــــــــــــــــــــ

يمه زينــب ديـــري ديـري ...عيونج وكلبج سـوه
لاتنضـــريـــلــــي يـزينب ...بابي وعليه انـطـوه
يمه عصـــروني الاعـــادي...گــوه اشتـــم هــوه
واحس مدري اشطاح مني ...وسط هالنار انچوه

يايمه من يطفيلي
يايمه هـدمو حيلي

ـــــــــــــــــــــــ

يمه زينب روحي روحي ... ارد لـــــوجن بــلالم
اله اكول انكسر ضلعي ... وكـام يجـري منه دم
يمه والبســمـــار فتني ... وروحتي رادت تنهزم
وصبرتهه اني اعلمودج ...حارت بوسط الجسم

يايمه الكبر يوميلي
يايمه هــدمو حيلي

ـــــــــــــــــــــــــــ

كلشي شاغ مـن المصيبه ...ونكسر مني الضلع
وخصمي بعده بابي يرفس ... يريد حيـدر يستمع
وگــام ينـــزف ضلعي نور ... وجم صراط الي وكع
وتصد عيني عله الجنـــان ... لجــــدج يهــل الدمع

يايمه الغالي يبجيلي
يايمه هــــدمو حيلي

ـــــــــــــــــــــــــــــ

يمه لا خصمي يشوفج ... گبــل جيت كربله
يمه وبصــوطه يلحگـج ... ودارج اتصير الفله
وخــــاف تتأذين زينـب ... وانتي عــدنه مدلله
وعلي مگيد بالــوصيـه ... مانـــــريد انحمله

يايمه انتي قنديلي
يايمه هـدمو حيلي

ـــــــــــــــــــــــــ

يمه زينب هــاي ناري ... بدت بيه وتكضي بيج
انه بابي يطيــح منهه ... والخيــم توگـــع عليج
وانــه عيني حـــمـره ... وانتي زركه تصير اديج
وفضه راحت تعتنيلـي ... وانتي محـــد يعتنيج

يايمه كسري يحجيلي
يايمه هـــدمو حيــلـي

ــــــــــــــــــــــــــــ

ينعگد گـلبـج مصــــايب ... وانه بلطف حاضـره
وانتي سـر الصبر عنـدچ ... محد الــي يفســره
زينب الله وحده خالــــق ... وماخلق مثلج مـره
الجنه تحت اقدامج انتي ... انتي ام كل صابره

يايمه السبي كل ويلي
يايمه هــــدمـــو حيلي

سيد صادق الاعرجي

يا اجمل عرس بلطف. كشف معنئ الفرح بلدم
زف بكلبه حب حسين. وخله. الحزن يتبسم.
،،،،،، ،،،،،،، ، ،، ،،،،،،،،

عرسك حير التاريخ. شيمضي عاللكتب ويكول
ويافهرس يلم وصفك وبملحمة دم يجول.
المثلك ينكتب عالوح. الزمن. ميوصفك. اشميطول.

الوجود بكبره ميلمك
يلدم الحسن دمك.
يعني عاللعرش اسمك

وجيها انته عند الله. واجيت ابابك ارد اخدم

،، ،، ،،،،،، ،، ،،،، ،،
القلم. ساجد عالوراقي. ونيت فرضه. يكتبلك
اشوفك انه بحساسي. وبكلبي شفت ضلك.
طفت. بيبان. كل الطف. حرت من ياهي ادخلك.

قريت البسمله وطبيت
اخدمك رايد بكم بيت
هوايه العرسك شتاكيت.
عرسك ماخلص لليوم. شنو سره ولا نفهم
،، ،،،،،،،،،،، ،،، ،،،، ،،،،،،
اصدق جذبه. بلتاريخ. كالو عرسك عمك.
قروك بلافهم مولاي. وانته حسين كل همك.
عقدلك حومه مو حرمه. بس محد وصل فهمك.

عرس جانت. شموعه اخيام.
والحنه دموع ايتام.
البيك يحير ماينلام

شمس. ماتخفتي بتاريح. نجمه وعالضلام اتعم
،،،،،،، ، ،،،،،،،،، ، ،،،
مايتسمه ابد تاريخ. الحار. ابشسع نعلك.
گلك لب كشر مابيك. عليمن حاير بفضلك
لطف مازادتك رفعه. وانته ابن الحسن اصلك.


دور الحسن مثلته
وبيك حسين فرحته
الجيش وكله صفنته
بزغر سنك هجمت بيوت. فصيل بعزمك اتهدم

،،، ،،،،،،،، ، ،،،،،،،،،،

عرسك علم الدمعه شلون تسامر الفرحه
عرسك. علم المنحر ضحك بعيون اليذبحه
يا اكشخ عرس بلكون. صارت زفته برمحه

كشختك من دمه جروحك
فرحتك من مشت روحك
زعلت عله الذي ينوحك
صحت لحسينك افرح دوم. وبوجه العده تشيم

،،،،،،،،،،،،،،، ،،،،،،،، ،،، ،
امك سمعت اخبارك. ونادت وين ابو السجاد
حول عرسه للجنه. يم الله حلو الميعاد
ودعيلي. عليك امك. وي زينبكم. انه انكاد

خل ياكل اديه الكيد
وطب وياهه عند يزيد
ونهدم قصر بلتوحيد
بعد عباس ولي يصير. رمحك بينه يتحزم


لخادمكم
سيد صادق الاعرجي

المستهل
ياهلال احزاني الك ﻻ ماتاني
نفس كل يماني شهر الحسين

.....
ياجرحنه اليكبر
بعـــد ﻻﻻ تظهر .. وتشوفك العين

مانمل المدمع
نــدري من يجمع .. بيد ام الحسين

ادك صدري بنوحي
بلكي تطلــع روحي .. وشمحله هالبين

العقيـده البيه
وني والطميه .. عاشك هالاثنين

مجلسه رباني الك لا ماتاني
نفس كل يماني شهر الحسين
ــــــــــــــــــــــــــــــــــــــ
يا هلال الامي
ناذر انه ايامي .. لبن الزجيه

حسين كـل لحظاتي
وصفنتي وخطواتي .. والمو بديه

بدنيتي واخــــرتــي
هوه الي يسد خلتي .. غيره شليه

يوكف اعالمحشر
وادري مايتكــتـر .. عينه عليه

بلحشر ماعاني الك ﻻ ماتاني
نفس كل يماني شهر الحسين

ــــــــــــــــــــــــــــــــــــــ
وسفه تبجي الزهره
بمجلس وماحـظـره .. مامره عفته

كــــل مسيه اطـلــــع
وفوكي نورك يصطع .. والشاهد انته

وبلعـزه زنجيلـي
ينعكد وي حيلي .. وكلبي وفطرته

بلمنام او احــلـم
اني اقيمن ماتم .. ودمعي سجبته


مايخف ميزاني الك ﻻ ماتاني
نفس كل يماني شهر الحسين
ــــــــــــــــــــــــــــــــــــــ
زينب امـــواعــــدهه
ادري اصيرن ضدهه .. منترك عزائي

المابجه وياهه
يعني مايهواهه .. وﻻ كربلائي

ابصبرهه الحــره
طهرة كل فطره .. وحتى المرائي

الا جلهه اتـحــــزم
القامه تشهد والدم .. حبي وﻻئي

اسست وجداني الك ﻻ ماتاني
نفس كـل يماني شهر الحسين
ــــــــــــــــــــــــــــــــــــــ
حسين مو بلحظره
دنك اعله اليســـره .. ابكلبي تلكاه
والگمر عبــــاســي
ملك كل احساسي .. مو سهله انساه

وجمر كـــل دﻻلي
زينب اخت الغالي .. وكل صيحتي الاه
وحك دم اليرضع
يسمع المايسمـــع .. كــــل عمـري انعاه

ربي الختـاراني الك ﻻ ماتاني
نفس كل يماني شهر الحسين
ــــــــــــــــــــــــــــــــــــــ
صح نصيح العوده
الشــاعــــر ورادوده .. وحتى المنابر

لمن نصــعــد بيهه
نلكه دمعه اعليهه .. تحب الشعائر

المنــابــــر خشبه
وتربة الطف تربه .. للاهل المظاهر
واحنه نعرف سرهه
كعبه نتــــصــــورهه .. انحجهه ونحاذر

طينتي وعنواني الك ﻻ ماتاني
نفس كــــل يماني شهر الحسين

صادق الاعرجي

بخدودي تعثر دمعتي تنشدني علجرالي
واتكلي يم الاربعه ماتخلص الليالي

عنج مشه حسين خل تهمل العين..

؟؟؟؟

صبت ادموع الهجر
كلبي بي مات الصبر
اخذ كلشي حسين من عافاني

فتح اعيونه الدهر
الدنيا غركت بلقهر
والامل ماصخ صبح بذهاني

الحظه تنعد بعمر
نكطعت انفاس الفجر
والشمس لبست سواد احزاني

ملك المنيه المابجه دمعت عليه اعيونه
ونزلو ملأكة السمه وماكدرو يصبرونه
يحجي بلونين خل تهمل العين

.؟......
شفرة اهات الزمن
نطحنت احلامي طحن
والهوه بجنح العصف ذراهه

نعجنت بدمي المحن
وجفي للدعوه يحن
وشيلتي على الراس ماخلاهه

كل مسامتي دعن
ويه وجهي توجهن
ربي ردلي حسين كل دعواهه


كل لحظه اصلي على النبي والنيه هيه حسيني
ولو اصفه اكو من نيتي خل واحد يحاجيني
وينه اليجي وين خل تهمل العين

........
تسلبت كل صفتني
بيش اصبر حالتي
ختفت من راسي ظنون الحاير

شلون اوصف حركتي
من افز من شهكتي
ارد اسال نفسي شنهو الشصاير

نجمع حيلي بكعدتي
كمت اطيح ابوكفتي
بكيفه دهري بحيلي كام يتاجر

بس ذكريات الي مشو مثل الشمس بعيوني
واحجي شكثر وي الصور بس همه ميحاجوني
جارت هل اسنين خل تهمل العين
.....
١الحسره تخنكلي النفس
الحزن مني اختلس
الغربه كلهه تربعت بدياري

حالي حال الينحبس
ويمتحن باعظم درس
وامتحان الفركه اصعب ثاري

ماكو شي منه احترس
انكشف سرهه النجس
الدنيا ناعور وتحب انظاري

ملك اليعد قطر المطر لا مايعد وناتي
والجمره لا مو بلكلب الجمره تحرك ذاتي

تحوطني نارين خل تهمل العين


.....
والعليله التبجي دم
تكلي حل بي اليتم
تجي يمي تسولف ابحساسهه

وانه مابي عزم
حايره بوضعي واهم
شلون اصبر طفله راحو ناسهه

الكلمه متجفنه بسهم
والهه احجيهه برحم
والمصيبه انسه وامسح راسهه

ازرع بسمتي عله الوجه غركانه بالمدامع
وي العليله احجي بترف كم يوم ابوج وراجع

ضلينه الاثنين خل تهمل العين

...
سيد صادق الاعرجي

تهل ماتهل احنه ذوله احبابه
تهل ماتهل ما نسينه مصابه


.....
ندري قصدك من تهل انته علينه
رايد اتذكرنه هوه احنه شنسينه
عله حب حسين ومصابه وعينه
بعالم الذر الله حسسنه وبجينه

تهل ماتهل شفنه دم خضابه
تهل ماتهل ما نسينه مصابه
....

....اليحب حسين حكه يوجه أعتاب
الك يهلال الرزيه واعظم امصاب
واجب ابيوم الطفوف بذبح الطياب
تخضع الصبر العقيله وتصبح اتراب

تهل ماتهل الشيعي يبقى اعتابه
تهل ماتهل ما نسينه مصابه
....

انته من النور الشمس نورك ملكته
وله لونك اسود اي وبعلمي شفته
وظهرك انه ياهلال شكد ركبته
والشمس نور الحسين الماوصلته


تهل ماتهل انسجد على اترابه
تهل ماتهل ما نسينه مصابه

...
بدر زينب غاب والحاله رهيبه
عالنهر يهلال وبحاله عجيبه
وانته همك تكتمل تضوي بمغيبه
وكمر تصبح عل مله وزينب غريبه

تهل ماتهل يشع حتى غيابه
تهل ماتهل ما نسينه امصابه

.....
احنه اعلام الطفوف البث على الكوان
المديرتنه الزجيه بكل الازمان
عدنه جبريل اليصور عزه العطشان
ومخرجتنه الحره زينب ام الاحزان

تهل ماتهل ننعى دوم امصابه
تهل ماتهل مانسينه مصابه

......

سيد صادق الاعرجي

أيها الناس انه زينب بت علي
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

انه زينب يا محب انــــه الغريبه
الفرح من أذكر اسمه تصير غيبه
الدهر كل لحظه اله ادفع ضريبه
الخطوه مني تريد عثره بكل مصيبه

كبال شمات صوت خدر يعتلي
ايها النـــاس انه زينب بت علي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

انه بذرة كــــل جــــــرح يلجعفريه
البس عليهه مفصله كلمــــة خطيه
إنه طف حسين انه الغاضــــــــريه
إنه من صوط الشمر محتركه اديه

بلايه حراس وتمشي رجلي بلاولي
أيها النـــــــــاس انه زينب بت علي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

إنه مملكــة الـــــشــــرف كله ونظامه
الليل من خدري انخلق هوه وضلامه
إني الي ماضــــــگـــت طعم السلامه
منهو غيـــــــري الصار درع عالايتامه


اشكف اصياط واحمي عن خدري وهلي
أيهــــا النـــــاس انــه زينب بت عـــلـــي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

انه كــــــــل نسمة هوه لمن اشمهه
تختنگ مني وتنـــــادينــي بهظمهه
تكلي هاي إنتي الذي حركو خيمهه
والدهر من شوفت اخوتهه حرمهه

والهوه كام يطب ريتي ويبتلي
أيها النـــــاس انه زينب بت علي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

من كثر ضيم الــــذي بعيوني شفته
توقعو المحسن علــى التل هم ندبته
كلت بلكــــت يعتنـــي ويعوف جنته
وينزل بوادي الطفوف يحامي لخته

وحدي ضليت وغير الدموع اشلي
أيهـــــــا الناس انه زينب بت علي

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

انه جمرة كل كلب كل دمعه بالعين
انه لو مـا انه من يبجي عاللحسيـن
انه من طبيت ابــذيج الـــــدواوين
العبـــاء تنشدني كامت كافلج وين


بمجلس يزيد بس عباتي التحمي الي
أيهـــا النـــاس انه زيــــنـــب بت علي


سيد صادق الاعرجي

انه المخبوصه كل الناس بيه
غير حسين مايـــــرهم عليه

انه الحب وانتو تدرون
شســـوي بل يخونون

بالحسين بالحسين

ــــــــــــــــــــــــــــــــــــــ

انه اصــل المـوده
موجف يهدي ورده
ولاصـاحب تضمه

اليريد حسين اريده
اصيـرن محبس يده
وماشــي مجره دمه

انه الحرفين ياناس
انه كل وفه العباس
انه الصــانتني امه

ويم الاربعه عشت احله عمري
والينشدني اجاوب عدها سري
الحبهه جنن الكون
شسوي بل يخونون

ــــــــــــــــــــــــــــــــــــــ

انــــه آيــة بــرائـه
على الينـكــر ولائـه
ويعيش بجهل عمـره

اليذكر اسمي لازم
كل اســلامه سالم
ولامشكـــوك بامره

انه عين البصيره
انه عالكصه غيره
للعينه اعله خدره

انه بكصة النشامه ماي الوعود
انه الماخذلي صوره وي الزنود
انه اهـداف اليوفون
شسوي بل يخونون

ــــــــــــــــــــــــــــــــــــــ

كــل ليلي وصفنته
ويل يعشك سهرته
وشــم بطيب ذاته

ورتاح مــن اشوفه
يمد لله جـفـــوفه
ويطلبني بصلاته

وينادي ها يــــربي
زد حب علي بكلبي
وحسين وصفــــاته

اذا دمعه جـــره وركز ضميره
بكلب اليستعين اسكن وديره
وشيلن حجب العيون
شســوي بل يخونون

ــــــــــــــــــــــــــــــــــــــ

انه الجبت الزجيه
لارض الغـاضــريه
تون لمصاب ابنها

شفت الصار ماصار
حيــن الشبت النار
سمعت النـوك ونها

نجمعت بكلب زينب
صعدت وياهه انــدب
عله التل بحــــزنها

لفضت اسمي عالتل الحزينه
صاحت يالحبكم كــومـو لينه
يمن للحق تضحون
شسوي بل يخونون

ــــــــــــــــــــــــــــــــــــــ

انه كنز المشاعر
مو صفنات شاعـر
ولالعبـــة انــامل

انه سـرمن الاسرار
انه الربيــت ثـــوار
نســـــوان بمحامل

اجن النصـرت الدين
طـاعن امر الحسين
كفلهـن ابوفــــاضل

شـــاء الله يعاينهن سبايه
وثبات الدين زينب والعبايه
ومصيبه اسياط المتون
شســــوي بــل يخنون

ــــــــــــــــــــــــــــــــــــــ

دگ اضــلــوع صــدرك
خسفهن وفدي عمرك
للــصــــدره تهـشــم

صديقـك خله منبر
البشر عوفه وتحذر
يشك بلقامه والدم

المجلس هذا ذمتك
مثل ماتستر اختـك
بس تعـــوفه تنــدم

المجالس لاتقدم شي عليهه
تره ام الحسن راحتهه بيهه
تموت اعله اليلطمون
شسوي باليخــــونون



سيد صادق الاعرجي

ذنوبي تلچمك بس تتقبل. يالحاسبني عللخدام
اترك دربك. بس ماتزعل وانه ادريها الدنيا ايام

اسود كلبي. وشوف ذنوبه.
ودليني. انت دروب التوبه
يالحاسبني عللخدام



العالم ادري بي خنكه.وعمري انفاسه لطميه
وين الكه مثل كلبك يلمغركني حنيه
اذنب وابتعد عنك. وبعينك تصد ليه
ويطشر. بيه وهوواسي. وانت اتلمني يوميه

تحسسني ابنك لامو خادم. لمن. تهتم بيه هواي.

فوك ذنوبي. تغيم رحمه. لا ماستاهل مولاي.

اني. الي خائن محبوبه
ودليني انته ادروب توبه
يالحاسبني. عاللخدام.
،،،،،، ،،،،،،،،،،،،،،،،،،،،،،،،،،،،،، ،،،

كالو كل حلم يمك. يأول باب دكيته.
اجيت بكل خلك روحي. ويمك كلبي ذبيته
اريد الدمعه سولة عين. وصدري الطمه سانيته
اريد الوادم تكلك. بمحرم هذا ربيته

يا. رزق الله المايتعوض. شفتك افضل رزق يدوم
منك جديت انه الدمعه. ياعشكي الباچر واليوم

يمك كلبي وغير ثوبه
ودليني انته ادورب التوبه
يالحاسبني عاللخدام
،،،،،،،،،،،،،،،،،،،،،،،،،،،،،،،،،،،،، ،،،،،
يمكتم حچي الخرسان. ومحير اليسولف بيك
يعشك المانزل سوكه. كلشي غالي يم طاريك
يكشخت كل عمل لله. ربنه شكد نعم منطيك
يواهس لليريد يعيش. حتئ الدنيا تحله عليك.

مره الدنيا. محليها انته. بمجلس حركه. ولطم صدور
حزنك خل ياكل كل كلبي. بس يترك جمرة عاشور

ابچيلك بعيوني المعيوبه.
ودليني انت دروب التوبه

يالحاسبني عاللخدام
،،،،،، ،،،،،،،،،،، ، ،،،،،،،،،،،،،
حبك واجب وقسري. وعن معرفه وعن فطره
حب اعجاب حب صدفه. حبك ياعظم سره.
يلمشتري اكلوب. الناس. مو بجروحك. بعثره
بلموت الله ذل خلقه. اليموت بحبك شكبره

الباري اباسمك جمل عرشه. وزع نورك عاللاكوان
التاريخ شيكشف من سرك. وما كاشف چلمة عطشان

عرفني اسرار المحجوبه
ودليني انت دروب التوبه

يلحاسبني. عاللخدام

،،،،، ،،،، ،،،،،،،،،، ،،،،،،،،،،،،،،،

يأول حزن.محبوب. يتبسمله. رمش العين.
يل مفاجئ حزن ناسك. بفرحه بمجلسك يحسين
نضحك واحنه نبچيلك. يجينه احساس مدري منين.
من يروي الخطيب يكول. حسين الفوز بالدارين

سجدة شكر بصف المنبر. كل يوم المفروض تصير.
هوه الميشكرك يشكرمن. ياوجه الله وكل الخير

يابو النعمه المامحسوبه
دليني انته ادروب التوبه
يالحاسبني عاللخدام
،،،،، ،،،، ،،،،،،،،
كبل لا يوصل الشباچ. الخادم. تقره كل كلبه.
اجي وجروحي مخفيه وسولف يمك الطلبه
حچي يم اهلي ماكوله. القريب انته وهلي القربه
وفرع كلبي مو راسي. بشدتي السهله والصعبه.

وانسئ الطلبه الجايك بيها. واحظن شباچك ونعاك
مارايد كلشي بهل الدنيا. بس خليني دوم وياك.

كل همي وفكري ومطلوبه.
دليني انته ادروب التوبه

يالحاسبني عاللخدام




الشاعر
السيد صادق الاعرجي

شوط

رسمت العرس عالورقه وعجنت الحنه بقلامي
لكيت الفرح ماموجود لو مذبوح لو ضامي
ــــــــــــــــــــــــــــــــــــــــــــــ
الورق وضيته بدموعي ورشيته بتراب الطف
وردت اكتب قصيده وكون حتى من النده اترف
شرط جاسم ارسمنه محنه ومن صدك ينزف

ثاري الفرحه بلذبحه
وهندام العرس رمحه
يطر بيد الشمر صبحه

هذا العرس نصف الدين محسوب وصدك سامي
ــــــــــــــــــــــــــــــــــــــــــــــ
خاطب كربله جسام من عمه ابو الاكبر
الحاظر جان درع وسيف والغايب دمه المنحر
وهنياله الحظر عرسه ويشوف معزب العسكر

جانت واهيلته الروس
يهلي وعالركاب يدوس
يرد لمه وبديهه يبوس

حرمتي كربله يكلهه وبيهه انولدت احلامي
ــــــــــــــــــــــــــــــــــــــــــــــ
لو قارين عرسك زين تلكه بكل ظهر عباس
جا زينب بقت يمنه مو بس تل تزوره الناس
جا كلمن خطب يبقى يدور ستر ما ينجاس

يدور خصله من زينب
يعيف العجل خل يتعب
ويلكه الخدر المرتب

من اذكرك كل ضلام يموت يشمعة كلبي ويامي
ــــــــــــــــــــــــــــــــــــــــــــــ
وبروحي السوال يدور العرس بالدم شنو سره
يلشمعتك بيهه اسرار طفوهه وبقت حظره
بشسع نعلك دهر سولف وحي اشعاري ميفسره

انته ابن الحسن انته
شبدي وشنهي سالفته
عشت ويلقلم سكته

بيك اتكشخ القران وكلك احمي بسلامي
ــــــــــــــــــــــــــــــــــــــــــــــ
شما شاهد عرس مولاي وجهك يعرض اكبالي
وادري بروحي مااكدر ويضل المدمع يلالي
ورجعت الواقعي ورديت وشفت الناس عذالي

اكول انساك لو اصبر
بكلبي الجمره لتقرر
وكمت اكبالي اتخظر

يلبوجهك ربيع يعيش ليش بثامنك دامي
ــــــــــــــــــــــــــــــــــــــــــــــ
العطش ذبل ورد وجهك وجانتله الشمس رايه
خفت لون الخيم بلشوف كمت متشاهد الثايه
وادري الموت هوه الحك وحسينك صبح غايه

طف وخلصت احزان
ذبحو عمك القران
وراسك عالرمح اذان

كبر واحنه انسمعه لا تنسوني خدامي


سيد صادق الاعرجي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4

ودع ادياره الامام موت اوداعه الحمام
طيبه كلها وناسها ماردته
وكربله مددت ايديها وشبكته
،،،،،،،،،،،، ،،،،،،،،،،،،،،،، ،،،،،
ودع حسين المدينه كلشي حي بيها وجماد
والورد حس برحيله بلحظته تحول رماد
وصاح باب الزهره امه حسين اشوفك بالمعاد
انه ورض الغاضريه نشتكي الرب العباد

هناك يم المحكمه نشتكي كل مضلمه

ومحسن وعبد الله ابنك حكمته
وكربله مددت يديها وشبكته

،،،،،،،،،،،،
صوت من الكعبه كبر حسين رايح انت وين
كلي سوده من اساسي وشلبس بذبحك حسين
براسك القران اخذته بتربتي ماضلي دين
طلب عندي انه يمك عيف يمي ام البنين

اطوفني باجر اكيد من تطيح انت شهيد
ومنك اشتم عطرك الي شمته
وكربله مددت يديها وشبكته

،،،،

جانت ازمة نور عدها الناس وحسين الشمس
كل كلب غيم ضلامه وفرحت الدنيا عرس
والله راد من ابو اليمه يرجع الجان ابامس
واخذ زينب وابو فاضل يعني اخذ خطبه ودرس

من اخذ زينب والكمر نفضحت ادروب الخطر

وطلعت الحره ويخوها وشيمته
وكربله مددت يديها وشبكته

،،،،،
وصل للطف والمصيبه الي يجره بكربله
تنخضعله كل رزيه وتنفج بي المله
تنولي ايات الكتاب ابين شمر وحرمله
وتنسبي فاتحة حيدر وتنشتم كم بسمله

وحركو كل الخيم خيط منهن ماسلم

وجم طفل خيل ال اميه سحكته
وكربله مددت يديها وشبكته
،،، ،
اه يانار المخيم من تشب فوك الحرم
الجهنم بيها تغضب بساعة اطيح الخيم
تصيح خليني يربي انزل اومطر حمم
اباذنك احرك جيش اميه وسفه زينب تبجي دم

صعبه زينب بت علي ضلت ابلايه ولي

وبلمعاره حسين ويصد خيمته
وكربله مددت يديها وشبكته
،،،،
وزينب بطيحة اخوها صفت مركز للنظر
وفزع دخان المخيم بلهفه كاصد للنهر
يكله يخنكني اليشمني والخنكني انه الشمر
للي ماعرفو اخيتك كال هاي اخت الكمر

وشدو بجفها الحبل وكوه صعدت عالهزل
وعتب خلت فوك تل الصعدته
وكربله مددت اديها وشبكته


،،،،،
الشاعر صادق الاعرجي

جيت بهذا المصاب
وضلعي كسره ماطاب
زينب لاتحيرين
يمچ ام الحسين
ــــــــــــــــــــــــــــــــــــــ
يمچ. امچ ... وصبي دمعچ

من تشب بيچ الخيم
من تحيرين بحرم
من يصيحون اطلعي وتطرين الزلم

من تركضين ... صوب الحسين
ماتعثرين بحجر
عثرتچ وين الكمر
وكلبچ يدك يعباس هاي انه بخطر

من يشتعل كلبچ خدر وچلمه حمه تنسيهه
صيحي تعالي يم حسن واتعنه الچ تدريهه

ونتسرفن للحزان
ونبقئ بلاوليان
زينب لا تعثرين
يمچ ام الحسين
ــــــــــــــــــــــــــــــــــــــ
انه جيلچ ...واعتنيلچ
من تصحي يم حسن
اترس عيونچ وطن
الكدر اعلي اسوي وصارع بلمحن

وبين الارجاس ...تموت الانفاس
ومن على تل صبر
ننزل اندور عمر
والعبايات يزينب تچفن بلخدر

من عله التل ننزل سوه ندور خبر عالمجروح
اليستاهل احظان النده عالترب الكاه امطروح

جروحه وتحظن اتراب
وبدمه الملح ذاب
يمه ومن تونين
يمچ ام الحسين
ــــــــــــــــــــــــــــــــــــــ
الدمعه تسوه ... علي يهوه
ويندفن كبل الدفن
بلحوافر والطعن
وغيمة اسهام تصيبه مثل طبك الجفن

والله عجبه ... شده صعبه
بياكتر حس الالم
وجسمه كزبر چم سهم
والوجع تاه بلجروح وكلشي ما سلم

كل كلبه يطلع بالسهم مسو ئيه الحوافر بابه
والروح تفتر بلجسد تدولهه شي ماصابه


روحه ادور امچان
ماصابته العدوان
وبعيونچ تنظرين
يمچ ام الحسين
ــــــــــــــــــــــــــــــــــــــ
فكرة الخيل ... تسلب الحيل
ماكو حافر بي امل
عاف درب الله ونزل
بس حوافر تنكله تره سهام وصل

وحاله وحده ... كلهه شده
النبله لمن تنسحك
بداخل اضلوعه تطك
يمه زينب وسالچ حلم لو بلصدك

بخطواتي خظرلي جنح والهفه تسحل بيه
رد احظن الماينحظن والبقت روحه شويه

تنقص جسمه هالخيل
بكلبي الحافر يشيل
بوصاله تلمين
يم ام الحسين
ــــــــــــــــــــــــــــــــــــــ
شلون اداوي ...وانه اصد لي
بريته يلعب بس نبل
والهوه ماينحصل
الكه حل وين للحسين ماتكفي السبل

جروحه كلفه ...شلون اوصفه
جرح شابكله جرح
والدوه صار الذبح
انه وياچ ينشاهد شمر يذبح صبح

من الكفه يحز النحر محسب احسابه المشئوم
يذي الحسين ابشرفته والروح يم البلعوم

بهيده يحزله نحره
وكلب امچ ينظره
وبالچ لا تموتين
يمچ ام الحسين
ــــــــــــــــــــــــــــــــــــــ
ومن يذبحو ... مايعفو
يصير يسوك ابلا ثمن
كلشي بي يتفرهدن
ويضل عريان عالتراب من افعال الزمن

وخاتمه هم ...مجفن ابدم
اواحد يلمحه بنظر
وخنصره هم ينبتر
وانتي مركز للانظار تمشين بيسر

ويروح دخان الخيم يم الكمر ويخبره
يكله اليشمني يختنك وخانكني وضع الحره

تخطف بين الخيام
وچفهه يشاكف ايتام
وبيسرچ تروحين
يمچ ام الحسين


سيد صادق الاعرجي

مصاب_الضلوع

اداء || كاظم الجواد
كلمات || صادق الأعرجي

رابط القصيدة للمشاهدة🎬
https://youtu.be/_VIlKzDXS8Y

▪ الهندسة الصوتيه والتوزيع . محمد القائد
▪ مدير التصوير والأضاءة . احمد الكعبي
▪ المؤثرات المرئية والمونتاج . وحدة الفارس
▪ التنفيذ والاخراج . علي الفارس
▪ مخطوطة وغلاف . عباس الأسدي
▪ تم التسجيل في استوديوهات ريحانة . العراق . السماوة