Happy New Year’s! 新一年祝大家越跑越有，越跑越快，越跑越遠，越跑越輕，越跑越勁，越跑越耐，總之你想點跑就點跑啦…

最緊要係身體健康，平平安安，加油！撐住！ 👍🏻

Hello! 大家好，我係易風，如果你地有Netflix A/C嘅話，我非常強烈建議大家睇近排先上嘅節目「體能之癲 百人大挑戰」。入面嘅參賽者有大隻型男，健美筋肉人，格鬥家，軍人，特種部隊，消防員，甚至乎啦啦隊成員，YouTuber都有，成身加埋都冇8兩肉嘅人未必一定輸，筋肉人大隻佬又未必一定贏硬. 鬥志同經驗都好緊要.

咩話？咁同跑步有乜關係？ 冇太大關係㗎，不過大家都鍾意做運動嘅話就點都有d共鳴嘅. 特別係以弱勝強嘅賽事，只要你有決心同技巧，弱者未必一定會輸㗎. 都幾熱血㗎. 而且目前去到第4集，並唔係一味用神力就過關，智力同團隊合作都好緊要. 依d可以話係我地早幾年嗰時都有d缺乏嘅野嚟. 明就明啦.

有時間咪睇吓囉，真係唔差㗎. 睇下人地個8舊腹肌，再摸下自己個肚腩.. 係時候落街跑翻步啦🤭🤭

聽日會跑渣馬嘅谷友們，聽朝嘅天氣可能唔係咁理想，大家記得量力而為，人生唔係得一場比賽，保重！ 萬事小心！加油. 💪💪💪

發哥慢左… 上次個10k唔洗1個鐘.

Hello大家好，又係我易風，上次介紹大家睇Netflix 嘅真人Show節目「體能之巔-百人大戰」目前已經去到第8集啦，得翻廿個人仲玩緊，今集終於有個項目係關跑步事，項目名叫：銜尾蛇之尾，玩法係4個人係賽道上4個不同起點度起步跑圈，各個起步點之間嘅距離係一樣，要贏依個項目就要掂到跑係你前面嘅人，直至你係唯一一個淨翻係場上面…. 一面要跑快d去追前面，一面要留意後面嘅人同你嘅距離，一開始爆上去定留力玩耐力賽呢？ 真係睇字都Feel度緊張，想睇嘅話就直至飛去第8集37:55開始啦.. 好緊張㗎.

Hello! 大家好，又係我Netflix 打手出場嘅時候，體能之嶺百人大戰第九集3強嘅比賽又有一個關於跑步嘅項目，有d似我地做「衝圈」咁，俾一段時間參加者做一次短嘅來回跑，時間內完成就得，過時就輸，有多時間就休息. 不過時間係會由12秒開始，減到11秒，之後再減到10秒，9秒，8秒…。休息時間會越嚟越小，去到8秒基本上係冇得休息. 最後就有一個頂唔順.. 輸左…。3強先輸，好可惜.
由第一階段12秒開始，來回跑完為之一次咁計，去到最尾參加者總共跑左八十幾次…。我個人認為係怪物級別嘅能力嚟…。

終於都完結

你哋可唔可以響前面食住野等我，我會盡力追上嚟🙇🏻‍♂️🙏

一名跑得好慢嘅大叔上😞

十號風球下
祝願各人平平安安🙏🙏

參加聽日渣馬嘅朋友，
無論全馬，半馬，十公里，
都要加油，盡力無悔去跑，順順利利
預祝PB 成功💪💪

祝大家新年快樂
身體健康
🐉🐎精神
平安大🍊
長跑長有🏃‍♂🏃‍♀