TG Telegram Group Link
Channel: ياريت
Back to Bottom
يا حِزن ياريت اعرفك
چنت اسويلك قصيده
وممشى من كاشي الفرح
جدام بيتك .. ياحزن ياريت اعرفك
وين تسكن..
جان كتلك لا تجيني
وتمشي كل هاي المسافه
اني وحدي جان اجيتك
يا حزن وحيات حزنك ماعرفتك
جنك مغير مشيتك
حاط ريحه رخيصه كلش
يا رخيص شكد بجيتك


مظفر النواب
على الله بالبعيد يمتى تحن وتذكر عيونك
ضايعين
لا فَرح يندل دربنا
ولا حِزن فك ياخه عَنه
ضايعين بديرة ماتفهم طَبعنا
يا گلبي الحزن مو باب
الحزن ناعور لو دولاب
لو عين انچفت ع الباب
يا گلبي الحزن غيمة ....
واذا مو غيم ، من يغسل ذنوب الباب ؟؟
يا گلبي الحزن ليلة
واذا مو ليل ، چا ليش الغروب صواب ؟!
الحزن اذا يكبر يشيب يموت
شعجب حزن المگابر شاب ؟؟
يا گلبي الحزن محراب
الحزن كلساع يذبنه بباب
الحزن من تچهب الصحره
وتصد عنك وانت تراب ..!!
الحزن هم فرح بس چذاب !!
صعبه من تلوم گلبك
كلشي منّك ..
وانتَ تدري الـ كلشي منهُم
صعبه من تصير وياهُم عليك
وتگعد تچذّب الـ ظنون ، تبررلهُم
وفشله من تفيض عينك يم صورهُم
وانتَ تدري الوادم الـ مستعّز بيهُم
ما يحبوك وتحبهُم !
لمه عجايز ع النعش حسباتي من يلتمن
وينك
النجمة البعيدة ‏التايهة تذكرني بيك
‏وينك !
بيا ديرة ضايع
كلُشي ضل يسأل عليك
‏وين تنباع وأجيك ‏تسوى ماتسوى اشتريك .
يجي يوم السچچ تتلاگة ونغني .
و أبختكم كل حلم مبيوگ من ماي العصاري
ذمته مشكوله أبختكم كل حلم ما جاس رمشي
و مات مصلوب بصوركم .
كون اعرف اچفوف أديكم زنجرت وي الخناجر
چا عفتكم چا توسلت النعش يحديني ذلة
و لا طحت رايه بسلفكم ..
چا تمنيت الليالي أتغطي وجهي ولا فجركم
چا صرت منجل غثيث
و شامت ابشبـت عشبكم و ما احبكم .
بوكت محد الك
صرت انه كلشي وياك .. وكتلي تموتلي؟ كتلك صدك تبشر
ماتضحك چنت من دمعتك للـاخ...
عيشتك ايام عليها متحسر
ومن گتلي العشگ بيناتنه نخلي
ضميتك بروحي ضمامه أمي بسر
وشلتك على جتافي وانه مو حمال
وماداعيت عينك حاسب يغزر
وعبالك مسوي فضل لو مره يسأل عني
استاهل اتخلى حلم تتعبلي وتحصلني..
المثلي فرصة تجي ، جا وين تلكاهم
ارهم العينك ضوه ، وارهم لجرحك دوه
وتكلي ماراهم
واحجيها بالمختصر
ميزتك انه اعلى البشر
ساويتني وياهم !! .
عودتني .
أرسم عيونك ضوة بكُل ظلمة بية
علمتني .
وگتلي إذا غابت شمس وجهك علية
صارت الدنيا وعشكتك
وخلصت الدنيا ولكيت إسمك هويتي
وسافرت لآخر ندى يطيح إعلى خدك
يا محطة تلم وحشتي؟
ويا قطار يسافر وياخذ دمعتي؟
انتَ وينك ؟
وَكُلُّ سعيٍ سَيَجزي اللهُ ساعِيَهُ.
وجع وحشه وظما ايفتت
أناشغ والدموع اتكت
شاورني الجرح عوفه وكَلتله اسكت

عبد الكريم القصاب
هاي انه شيشة عطر جربني من انكسر
بس طيب مني يصب بس فنك تلمني
هاي الناس عمية عين
الاعوج صار عدهم زين
ويذمون المعدل !
الخاين هالوكت مرتاح
بس الطيب مبهذل
دخيل الله شحملنه هموم
كل غروب نتبلل
سهرانين من الضيم
ويكولون نتعلل !!
بشر مو انبياء الله
حتى هواي نتحمل
هاي الناس ما تنجاس
اسكيها بوفه وتذبل
الجانت امنيته يحجي وياي
هسه كبالي يتختل
بروحي عِزة صگر
لو غيري جاسك بعد
تحلمني ادنالك
وطبعي مثل الرزق
ما ابقى من انهمل
اسعالي واسعالك
"جاءَ في القُرآن أن العَذراء أنجبت، والرضيع تكلّم، والعجوز حملت، والعاقِر أنجبت، والقمرَ انشقْ، ونَطق الطفل، والنائمون استيقظوا بعد سنينٍ طِوال، والقلّة غلبت الكثرة، اطمع في سؤالك ولا تشكّ للحظةٍ بأن سؤالك من الممكن أن يُرد أمام قدرة مالك المُلك فالله لا يعجزه شيء".
HTML Embed Code:
2024/03/29 06:13:37
Back to Top