‏ - لا تنسون الإكثار من قول:
"اللهم إنّك عفوٌ تحب العفو فاعفُ عنا".

💭 لما نموت، مش هيبقى لينا غير آثار أعمالنا سواء كانت حسنات أو سيئات مستمرة مش بتقف.. ربنا بيقول "إِنَّا نَحْنُ نُحْيِي الْمَوْتَىٰ وَنَكْتُبُ مَا قَدَّمُوا وَآثَارَهُمْ ۚ وَكُلَّ شَيْءٍ أَحْصَيْنَاهُ فِي إِمَامٍ مُّبِينٍ"..

💭 فخلينا نتفق إن احنا لازم نكون من الصنف اللي هيموت وحسناته هتكون إن شاء الله مستمرة وهو في قبره، وده الوقت اللي هنكون فيه في أشد الحاجة للحسنات، وهنحصل عليها على أد ما نكون مخلصين لله، ومجتهدين في أعمالنا الصالحة في الدنيا.. فسيدنا النبي ﷺ بيقولنا "إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له".

💭 وخدوا بالكم فيه مننا اللي هيموت وسيئاته هتكون مستمرة، مش بتقف ورصيدها عمال يزيد يوم بعد يوم؛ على الرغم من أنه ممكن ميكنش عملها بنفسه أو بإيده لكنه دل عليها، وبتفضل تتسجل وتتضاعف مع الأيام، لغاية يوم القيامة هيلاقيها جبال من السيئات مكنش عامل حسابها..
وده هيكون من اللي ركبوا الزحليقة، قال الله عز وجل "وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ"..

💭 فاوعوا تركبوا زحليقة السيئات الجارية..
وبما إننا عايشين في عصر كل حاجة فيه بقت متاحة بسرعة وسهولة بشكل مش متوقع، فلازم تاخدوا بالكم من كل حاجة بتعملوها حتى اللي بتنشروه وبتعلقوا عليه بالإعجاب في مواقع التواصل الاجتماعي..
تاخدوا بالكم من أوقاتكم وفلوسكم بتنفقوها في إيه..
تاخدوا بالكم من كل حاجة وتكونوا دايما حريصين تستخدموها في الخير والطاعة عشان تكون ليكم سلم توصلوا بيه لرضا الله عز وجل.

#آثار_الأعمال
#السلم_والزحليقة

💭 في رحلة الحياة الدنيا لازم نكون عارفين إن السلم اللي هايوصلنا للاستقامة في طريق الله عز وجل هو اتباع أوامره سبحانه واجتناب نواهيه..
فهنلاقي ربنا بيقولنا في كتابه (فَمَنِ اتَّبَعَ هُدايَ فَلا يَضِلُّ وَلا يَشقى)
وبيقولنا كمان (وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40) فَإِنَّ الْجَنَّةَ هِيَ الْمَأْوَىٰ)
يعني باختصار علشان ننجو لااااازم نطيع ربنا فيما أمرنا به وفيما نهانا عنه.. وغير كده هايبقى هلاك وخسارة عافانا الله منها.

💭 والآية دي 👈 (وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ (40) فَإِنَّ الْجَنَّةَ هِيَ الْمَأْوَىٰ) لو ركزنا فيها هنلاقيها بتنبهنا لزحليقة خطيرة جداااا اللي بيركبها وبيستسلم ومش بيتوب لله بتكون نهايته صعبة جدا..
الزحليقة دي هي اتباع الهوى..

💭 اتباع الهوى يعني نعمل اللي نفسنا عايزاه من غير ضابط الشرع..
النفس عايزة تعمل المعصية دي تعملها..
عايزة ماتعملش الطاعة دي ماتعملهاش..
عايزة أي حاجة تعملها.. المهم تعمل اللي على هواها ومزاجها..
ومش مهم الحاجة دي تغضب ربنا أو لأ!
المهم ترضي الهوى والنفس!!

💭 واتباع الهوى بيخلينا نتزحلق في أمور ماحدش عنده تقوى واستشعار بمراقبة الله يتجرأ عليها..
والفكرة في خطورته إننا في الأول بنحس إن الأمر عادي ومرة وهتعدي..
وبعدها تتكرر تاني وتالت ورابع ووووو.....
وكل مرة نبقى حاسين إنها مرة وهتعدي رغم إنها في الحقيقة مابتعديش لإن اتباع الهوى مرة على مرة بيخلينا نتبعه بعد كده بمنتهى السهولة ومن غير حتى تأنيب ضمير..
وبنفضل نتزحلق لدرجة إننا ممكن نبقى كمان مستمتعين وبندافع عن اللي بنعمله بكل ثقة!
وننسى إننا عبيد لله ماينفعش أصلا نتبع هوانا المخالف لشرعه سبحانه..

💭 طب يا ترى إيه نهاية الزحليقة دي؟
نهايتها في الآيات دي 👇
(فَإِنْ لَمْ يَسْتَجِيبُوا لَكَ فَاعْلَمْ أَنَّمَا يَتَّبِعُونَ أَهْوَاءَهُمْ وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدىً مِنَ اللَّهِ)

(أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَنْ يَهْدِيهِ مِنْ بَعْدِ اللَّهِ أَفَلا تَذَكَّرُونَ)

(يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَىٰ فَيُضِلَّكَ عَن سَبِيلِ اللَّهِ ۚ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ).

💭 الخلاصة 👈 مخالفة الهوى ممكن تكون صعبة ومحتاجة جهاد وصبر ودعاء وأخذ بالأسباب لكن نهايتها حلوة بفضل الله..
نهايتها جنة عرضها السموات والأرض 💚
والجنة تستاهل 🙂

#اتباع_الهوى
#السلم_والزحليقة

💭 الزحاليق في طريق الاستقامة كتيرة جدااا ومن أخطرها 👈 زحليقة ذنوب الخلوات..
وسبب خطورة الزحليقة دي إنها بتعودك على الجرأة على الله وإنك تستخف بنظره سبحانه إليك وإنت بتعمل المعصية..
ولو قلبك اتعود وخلاص هان عليه غضب الله مش هايقف عن حد أبدا، وخلاص هاينسى التوبة وهايطلع من ذنب يدخل في التاني.

💭 وخلي بالك اوعى الشيطان يلعب بيك ويمثل عليك دور الشيخ الواعظ 😎 ويجي ينصحك ويقولك اعمل إنت بس طاعات كتير أدام الناس وزود فيها ومش مشكلة اللي بينك وبين ربنا ده ماحدش شايفه 🤓
النبي ﷺ قال: "لأعلمنَّ أقوامًا من أمتي يأتون يومَ القيامةِ بحسناتٍ أمثالِ جبالِ تهامةَ بيضًا فيجعلُها اللهُ عزَّ وجلَّ هباءً منثورًا"
قال ثوبانُ: يا رسولَ اللهِ صِفْهم لنا، جَلِّهم لنا أن لا نكونَ منهم ونحنُ لا نعلمُ.
قال: "أما إنهم إخوانُكم ومن جِلدتِكم ويأخذون من الليلِ كما تأخذون ولكنَّهم أقوامٌ إذا خَلْوا بمحارمِ اللهِ انتهكُوها"..
وطبعا مش معنى الكلام إنك تعصي عادي أدام الناس وتجاهر بالذنوب..
المقصود تجاهد نفسك وتتوب من ذنوب الخلوات وتتقي الله في السر والعلن.

💭 ومن الحاجات اللي ممكن تساعدك إنك تبعد عن الزحليقة دي 👈 إن ترتقي على سلم معرفة الله عز وجل بصفاته وأسماءه..
إنك تتعلم يعني إيه الله رقيب.. الله شهيد.. الله بصير..
إنك تستشعر أن الله عز وجل أقرب إليك من حبل الوريد.. يعلم سرك وجهرك..
إنك تدرك بقلبك حقيقة أن الله لا يغفل عن عباده طرفة عين أبدا.. فهو يرانا في كل وقت وفي كل مكان وعلى كل حال.

💭 واللي كمان هيساعدك تتجنب الزحليقة دي 👈 إنك تزود من طاعات السر والخبايا الصالحة بينك وبين الله عز وجل..
يعني مثلا ركعتين قيام في جوف الليل، صدقة خفية، صيام يوم لله، ذكر لله وماحدش حاسس بيك..
وطاعات تانية كتير ممكن تعملها في السر عشان تعود نفسك على الإخلاص وتُعظِّم ربنا سبحانه وتعالى في قلبك.

💭 وطبعا أهم وأول خطوة 👈 إنك تتوب بصدق لله وتدعي بقلب ندمان وموجوع إن ربنا يعينك على نفسك وتاخد بأسباب الهداية والصلاح والبعد عن الذنوب..
ولو فيه ذنب كل ما تبعد عنه ترجعله وحاولت كتير وبردو ماعرفتش استشير فيه أهل العلم الثقات..
اسألهم ازاي أبطل وهايدلوك بإذن الله على الطريق.

💭 وآخر حاجة 👈 هافكرك بقول الله تعالى "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ"
فاستعن بالله ولا تعجز وابشر خيرا 🙂

#ذنوب_الخلوات
#السلم_والزحليقة

💭 من الحاجات اللي بتكون صعبة علينا وفيها مجاهدة كبيرة للنفس 👈 الترك..
ترك عادة خاطئة.. ترك معصية معينة.. وغيره من الحاجات المأمورين بتركها..
والترك بتزداد صعوبته على النفس لما يكون متعلق بصُحبة وجمع معين متعودين عليه لكنهم للأسف صُحبة وجمع سوء، وفعليا بوجودهم لا يمكن هتقدر تطلع سلم الطاعات ولا ترتقي في علاقتك بالله عز وجل..
بالعكس هتلاقي نفسك عايش في شوية زحاليق من التنازلات معاهم!
ومش هتفوق إلا وانت تحت خالص..
وساعتها هتسأل نفسك: أنا وصلت هنا إزاي؟!

💭 فخليك واعي ونفذ أمر ربنا سبحانه وتعالى اللي خلقنا وعالم بالأصلح لينا..
"وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا".

💭 ربنا يعلم إنك مستحيل تطلع السلم درجة واحدة وانت معاك صُحبة سوء؛ بتسهل عليك المعصية وتهونها في قلبك..
ولو حتى طلعت كام درجة من السلم لا يمكن هتقدر تثبت طول ما انت وسطهم..
هتتأثر بيهم غصب عنك، والدليل قول النبي ﷺ: "إِنَّمَا مَثَلُ الْجَلِيسِ الصَّالِحِ، وَالْجَلِيسِ السَّوْءِ، كَحَامِلِ الْمِسْكِ، وَنَافِخِ الْكِيرِ، فَحَامِلُ الْمِسْكِ: إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ رِيحًا طَيِّبَةً، وَنَافِخُ الْكِيرِ: إِمَّا أَنْ يُحْرِقَ ثِيَابَكَ، وَإِمَّا أَنْ تَجِدَ رِيحًا خَبِيثَةً".

💭 ولو عايز تعرف الخلاصة بص على نهاية كل طريق؛ طريق الصحبة الصالحة 👈 "وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ"..

وطريق صحبة السوء 👈 "وَيَوْمَ يَعَضُّ الظَّالِمُ عَلَىٰ يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا (27) يَا وَيْلَتَىٰ لَيْتَنِي لَمْ أَتَّخِذْ فُلَانًا خَلِيلًا (28) لَّقَدْ أَضَلَّنِي عَنِ الذِّكْرِ بَعْدَ إِذْ جَاءَنِي ۗ وَكَانَ الشَّيْطَانُ لِلْإِنسَانِ خَذُولًا"..

💭 فاختار طريقك.. بس عليك عارف إن في الآخرة الفرحة والنجاة والفوز هتكون للمتقين 🙂
"الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ".

#الصُحبة
#السلم_والزحليقة

"سوره البقره كامله pdf".
"صدقه لفقيده قلبي حنان عثمان" ♥️.

سوره البقرة مجزئه الى خمس أجزاء بعد كل صلاه إقرأ الجزء المخصص وسوف تتم قراءة سوره البقره بيوم واحد 'إجعلها عاده يومياً والله يكتب اجرها لي ولك ولوالدينا اجمعين ♥️

عن النَّبيِّ ﷺ يَقُول : { تَعَلَّمُوا سُورَةَ الْبَقَرَةِ فَإِنَّ أَخذهَا بَرَكَةٌ وتَركهَا حَسرَة }.🌿☁️

‏( ١ )🌿
‏ ⁃ الوقاية من غواية الشيطان،فالحرص على قراءة سورة البقرة في البيوت من أسباب صد الشيطان عنها،وجعله يائسا عن تحقيق مراده، وغايته في إفساد العباد ⁃ عن أبي هريرة ، أن النبي عليه الصلاة والسلام-قال:(لا تجعلوا بيوتكم مقابر إن الشيطان ينفر من البيت الذي تقرأ فيه سورة البقرة).

‏( ٢ ) 🌿
‏- الأخذ بـ سُورة البقرة من أسباب نيل البَركة، التي تتحقّق للمُسلم بتحصيل الحسنات من قراءتها، ومن حفظ آياتها، والاستماع إليها.

‏( ٣ )🌿
‏- الحافظة والكافية : حيث إن قراءة آية الكرسي تحفظ وتكفي الإنسان من شياطين الإنس والجن.‏دليل أبو هريرة عن رسول الله -صلى الله عليه وسلم- أنه قال: (إذا أوَيتَ إلى فِراشِكَ فاقرَأ آيَةَ الكُرسِيِّ، لَن يَزالَ معكَ مِنَ اللَّهِ حافِظٌ، ولا يَقرَبُكَ شيطانٌ حتَّى تُصبِحَ).

‏( ٤ ) 🌿
‏- أنها تشفع للعبد يوم لا ينفع مال ولا بنون، تشفع للمسلم يوم القيامة لمن قرأها لبركتها ودليل ذلك:
‏- حديث أبي أمامة قال:"سمعت رسول الله يقول: اقرءوا القرآن فإنه يأتي يوم القيامة شفيعا لأصحابه، اقرءوا الزهراوين البقرة و سورة آل عمران فإنهما تأتيان يوم القيامة كأنما غمامتان".

‏( ٥ ) 🌿
‏- عند المحافظة على قراءة سُورة البقرة يجلب للعبد كُل الخيرات و الرزق التي قد يعجز أن يُحصيها و يرزقه الله البَركه في نفسه و اهله و دينه و ماله و وقته.

‏( ٦ ) 🌿
‏- المواظبة على قراءة آية الكُرسي بعد الصلوات سبباً لدخول الجنة :
‏قراءة آية هي من أعظم آيات سورة البقرة دبر كل صلاة مكتوبة لحديث النبي صلى الله عليه وسلم: (من قَرأ آية الكُرسي دبر كُل صَلاة مكتوبة لم يمنعه من دخول الجنة إلا أن يموت).