💔

بارتات يومنـا الاربعـاء 👆🏻😍

.

واحد يقول:
سألت خالي عن اختبارات ولده؟
قال: الظاهر إن احنا بانغرق!
قلت له: ليش؟
قال: التكملة هنا

.

البـارت 101 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


صاح حامد بصدمةة وهو يبسر السيارة تضرب دانيال بقوة: عددددددي.. سعي بسرعة متجه له وصاحب السيارة نزل بخوف ورعب

رفعه من اكتافه وبسر الدم غطى وجهه واتكلم بخوف: عدددي عددي بتسمعنييي

صاحب السيارة وهو يجس نبضه: عاده عايش قوم بسرعة نوديه للمستشفى بسرعةة

رفع راسه وبسر رجال الجوكر اختفوا وقف بسرعة واتساعد مع الرجال في حمل دانيال للسيارة واتحركوا باقصى سرعةة للمستشفى..!!
.
.

المستشـــفى..!!
لفت على صوت محمد الخايف وهو يتقدم منها: زهراءء وين علي كيف حالته

زهراء وهي ميته بكاء: مدري مدري عاده بغرفةة العمليات

مسح وجهه بتعب وخوف وانتبه على صوت جواد: محمد

محمد: جواد اهلآ ما بتفعل هانا عرفت ما وقع بعلي

جواد بتنهيده: ايوة والحمدلله وقت اتصلي كنت قريب منه وقدرت انقذه بآخر لحظة

محمد: طيب من هم وليش حاولوا قتله

جواد بتهرب: مدري.. الاهل عرفوا او كلمتهم

محمد: لا ماحد عارف كلمتني مرة علي وجيت بدون ما اقول لأحد

جواد: افضل خلنا اول نتطمن عليه وبعدها كلمهم لايخافوا

محمد: تمام

جواد خطي للطرف يجاوب اتصال من المركز..

ومحمد خطي جلس جنب زهراء بمسافة واتكلم: احكي لي ما وقع بالضبط

زهراء مركزة بنقطة معينة ومازالت بصدمة فظيعةة للآن ومنظر علي وهو يغطيها ويحميها من الرصاص ما سار من بالها ولولا قدوم جواد بسرعة كان جسم علي امتلى رصاص ومات..

محمد بصوت رافع: زهررراااءءءء

لفت له بهدوء وعيون ذابلة وقبل ترد نكعت للقاع فاقدة وعيهااا

فز محمد وهو ينزل لمستواها ويمسك بكتفها: زهررراءء..زهراءء..

رفع يده وانصدم من الدم اللي فيها وبسر كتفها مصاب وبينزف وقف وداعى بصوت عالي: يا دكتوور يا ممرضةة احد يجي لاهاناااا بسرعةةةة..

@rewayatyamania المصدر الأول للروايات

بالجهه الثانية..!!
رفع تلفونه اللي رن للمره الالف باسم محمود اخي..واخذ نفس ورد: هلا محمود

محمود بحدة: انتتت وينكككك قد عيأذن ظهر ولاجيتتت ووين عدي

تنهد بقوة ومارد

واتكلم ابو بتول: حاااامد ليش ماقد جيتوا وين انتتتت

فز على فتحة الباب وبسر الدكتور اللي خرج واتقدم منه: دكتور طمني 

الدكتور بهدوء: مااقدر احدد حالته ضروري نعمل له كشافة مقطعية للراس لذلك عنوديه لقسم الاشعةة عن اذنككك

غمض عيونه بقوة وانتبه لصوت التلفون اللي بيده رفع لأذنه وسمع ابوبتول بيتكلم: الوووو حامد.. ايش من دكتور ليش انت في المستشفى

حامد: ولاشي تطمن..

قاطعه بحدة: حاااااامدددد

زفر بقوة وتكلم: عدي سوا حادث بسيط واحنا في المستشفى

ابو بتول بفزع: ايييش حادث..وكيف حالته وكم له

حامد بتوتر: بسيط بسيط لاتخافوا يلا اخليك ذلحين مع السلامة..غلق الخط ولف لصاحب السيارة: ان شاءالله خير لا تخاف

هز راسه بهدوء وشد على التلفون بيده وهمس بحدة: الجوكـــر نهايتک على يـدي يا نذل..!!
.
.

صنعاء..!!
فتحت باب السيارة وطلعت وهي تتكلم: السلام عليكم

هيثم: هلا وعليكم السلام

نرجس: وين دنيا ماقد خرجت

هيثم بتوتر: هذه هي جايةة 

وجهت نظرها لقدام وبسرت دنيا جايه مع رحاب وتكلمت بسؤال: وهذه رحاب وين عتسير


هيثم: كلمتني امها اوصلها معي ابوها مشغول

لفت له بحدة: ايييش عتركبهاا معانااا

فتحين الباب دنيا ورحاب وطلعين وهن يتكلمين: سلاااام

هيثم: وعليكم السلام

نرجس همست بحدة: يا انا يا هي فووق السيارة

هيثم بهدوء: نرجس

نرجس: اللي سمعت ي انا يا هي

رحاب: من هييي

لفت لها وبحدة: انتي في احد غيرش كتم على نفوسناااا

رحاب برفعة حاجب وهي تحط رجل على رجل: والله هذه سيارة ابن خالي يا قمر مش سيارتش

نرجس: هييييثم

هيثم بحدة: بس للهبالةةةة

بسرته بصدمة ومسك شنطتها وفتحت الباب ونزلت بسرعة وهي تغلق الباب بقوة

نزل هيثم خلفها بسرعة: نرررجس

مسك يدها  بقوة وتكلم بحدة: مجنونةةة وين شاتسيري

نرجس بحدة اكبر: مجنونة اذا ركبت مع هذه البنت وقلت لك يا انا يا هي بس شكلها غاليةة عليكك

هيثم بتنهيدة: نرجس افهميني والله مانا عاحب عليها بس مايسبرش افلتها هانا

نرجس سحبت يدها بقوة وردت: ما يهمنييي.. وذلحين اخطى وصلها وانا عتخطى لوحدي

هيثم فتح عيونه: ايش تخطي لوحدش ارجعي للسيارة هيااا

نرجس بعناد: ما عترجعش.. خطيت وهو مسكها من يدها بسرعة وخطي معاها للسيارة وهي استحت من الناس وخطيت معه بقهر فتح الباب وخلاها تطلع غصب وركب مكان السواق وامن السيارة واتحرككك

رحاب: هههههه هباله ناس ما يجوا الا بالصميل

لفت لها نرجس وبحدة: ...




📚 @rewayatyamania  🇾🇪

.

البـارت 102 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


رحاب: هههههه هباله ناس ما يجوا الا بالصميل

لفت لها نرجس وبحدة: تحمدي لله قلت له بس طريقها نوصلها بطريقنا ونفعل لنا خير حسب الله واحنا عنوصل واحد مسكين مابش معه شي والا قد كان عيخليش تنزلي وتخطي رجل للبيت لوما مره ثانية تعزي نفسش وما تركبي مع ناس ما يشتوش معاهم.. واشش ولاعاد اسمع لش صووت.. اوووف

رحاب سكتت بقهر وماعرفت ايش ترد

هيثم حاول يخفي ابتسامته بس ماقدر بسبب كلامها وكذبهاا..
.
.

المستشفىىى..!!
غمض عيونه بقوة وابو بتول للمرة الالف يسأله كيف لوما عمل الحادث وهو وين كان؛ محمود.. انا سبقته وهو خلفي ما بسرت الا السيارة ضربته

ابو بتول: طيب واي حين عيطمنونا عليه لهم خيرات د...

ماكمل كلامهم الا بخروج الدكتور اللي تكلم وهو يوقف قدامهم: ابشركم الحمدلله هو بخير واصابته مش قويةة

حامد بفرحة: متأكد يا دكتور

الدكتور: ايوة.. الا دقه براسه وكسر في يده بس بسيط 

ابو بتول: طيب نقدر ندخل لاعنده

الدكتور: اكيد.. بس سؤال هو كان فاقد للذاكرة صح؟

حامد باهتمام: ايوة ليش

الدكتور ببسمة: اعتقد ان ذاكرته رجعت له بس باقي نتأكد من التحاليل

ابو بتول ابتسم بفرحه ودخل مع حامد للغرفة
.
.

فرك جبينه بوجع وألم وهو يهمس: دانيال دانيال... انا دانيال.. علي.. داليا.. ريتاج.. سامي جدي الاستخبارات.. غمض عيونه بألم وكل الاحداث تتشابك براسه وحسه ينفجر.. لف لفتحة الباب وابتسم لابو بتول وحامد اللي تقدموا منه وهم يتكلموا: الف الحمدلله على السلامةة

دانيال: الله يسلمكم

ابو بتول: كيف فعلت الحادث يا ولدي

دانيال بسر حامد وحامد غمز له وتكلم: قطعت الخط وما انتبهت للسيارة..

ابو بتول: سلم الله

حامد بابتسامة: هاه قول لنا من انت قالوا رجعت لك الذاكرة

دانيال ويده على راسه بألم: دانيال

ابو بتول بضحكه.: اسمك دانيال

حامد بسره بصدمة وسكت وبباله الف سؤال

ابو بتول بصوت عالي: حاااااامد

انتبه ولف له: هاه

ابو بتول: مالككك انا عتخطى ابسر اي حين نخرجه وانت اجلس عنده

حامد: تمام

خرج ابو بتول وتكلم حامد: دانيال

دانيال بابتسامة: كيف احلى من عدي

حامد بجدية: اصحابك.. علي والثاني سامي صح

دانيال اختفت ابتسامته وسأل: مادراككك

حامد: تشتغل في الاستخبارات الأمنية

دانيال: من وين تعرفني

حامد: كنت شاكك انك نفسه دانيال بس انا متأكد انه مات كيف كان جثة من اللي قبروا

دانيال: ايش من موت عن ايش بتتكلم انت

حامد جلس بتعب وتكلم: عملوا لك عزا وقبر وكل شي

دانيال: كيف لوماااا

حامد: مدري هذا اللي مستغرب منه

دانيال: طيب كيف تعرفني انت انا ما اعرفك

حامد: قد بسرتني اكثر من مرة بس غرورك وزنطك ما خلوك تبسر الناس اللي حولككك 

دانيال بقلة صبر: وين بسرتني

حامد: انا موظف بشركة الـ...... 

دانيال فتح عيونه بصدمة: قصدك ان الجوكر هو.....

حامد: بالضبط

دانيال بصدمة: لاااااااا مستحيل

حامد: تقدر تبسر الفلاش اللي عندك وتتأكد

رجع نفسه بهدوء وغمض عيونه بصدمة كبيرة وهو يهمس: مستحيل الا هو..

@rewayatyamania المصدر الأول للروايات

بنفس المستشفى..!!
رفع راسه على خطوات وبسرها زهراء وتكلم بحدة: ايش قومش انتي نسيتي انش مصابة وفقدتي دم

زهراء بهدوء وهي تجلس: مابش حاجة كبيرة هي الا خدش رصاصة وقد لفوها بشاشة وعلقوها.. علي خرج من العمليات

محمد بتنهيدة: لا حد الآن مع

لفوا لخطوات وبسروا جواد وشهاب وكمال اللي تكلم: هاه ايش آخر الاخبار

محمد: على حطة ايديكم ماقد حد خرج

جواد: ان شاء الله خير

انفتح الباب وخرج الدكتور واتقدموا منه الشباب وبصوت واحد: بشررر

الدكتور بتعب: الحمدلله قدرنا نطلع الرصاصتين اللي انصاب بهن واجتاز مرحلة الخطر بصعوبةة

الكل: الحمدلله

جواد: وين اماكن الرصاص بمكان خطر او..

الدكتور: رصاصة بالكتف والثانية بظهره بس الحمدلله ما تضرر العمود الفقري

محمد: نقدر نبسره

الدكتور: حاليآ.. لاااا لأنه تحت الملاحظةة

شهاب: طيب يعطيك العافيةة

الدكتور: الله يعافيكم.. عن اذنكم

محمد خطي لاعند زهراء وتكلم: يلا اروحش البيت

زهراء: وعلي

محمد: سمعتي الدكتور ماقال مابش للجلسة فايدة

زهراء وقفت وهي تتكلم: واذا سألوني عن يدي

محمد: عنقول لهم اكيد مايسبرش

زهراء خطيت خلفه ومحمد اشر لهم بيده وخطي..





📚 @rewayatyamania  🇾🇪

.

البـارت 103 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بيت الشيخ...!!
دخل للصالة وبسر لبنان متجهة للدرج وبيدها صحن فيه الغداء: وين عتسيري لمن الغداء

فزت ولفت له: اوووف فجعتني.. مطلعه الغداء لسجى وعتتغدا معاها على فكرةة

احمد برفعة حاجب: افهم يعني انني مطرود ولا تطلعش غرفتك

لبنان بضحكه وهي تطلع: ههههه بالضبط تغدا معاهم

ابتسم واتجه للمجلس وبسر ابوه بالصدر تكلم وهو يتجه لاداخل: السلام عليكم

ابو احمد: وعليكم السلام

حبه على راسه وجلس جنبه وهو يتكلم: مالك بتكلم نفسك ايش به

ابو احمد بتنهيده: اليوم كلمني واحد انه بسر رجال بيلاحقوا حامد ابن امين القرية.. وزوج بنت اخوه ذاك عدي.. ورموهم رصاص وبعدها سيارة ضربت عدي

احمد بصدمة: اييش واي حين حصل هذا وليش ما بلغوا الشرطة

ابو احمد: الصبح عاد انا عرفت قبل اضوي البيت وقلت اكلمك

احمد: ووين وقع هذا

ابو احمد: بالخط القرية الفاصل بين الجرب والقرية نفسهااا ما كان به احد

احمد: طيب وكيف عدي

ابو احمد: كلمت الامين وقال الحمدلله هو بخير بس ما ذكر لي ان به احد لاحقهم او شي

احمد: يمكن حامد ما كلمهم

ابو احمد: وانا قلت هكذا.. ما عتفعل انت

احمد: اكمل اتغدا واخطى للمستشفى على طول ابسر الخبر من عدي وحامد..!!!

@rewayatyamania المصدر الأول للروايات

وقف قدام غرفة دانيال ودق الباب بهدوء وفتحه اول ماسمع صوت حامد: تفضل

احمد وهو يتقدم منهم: السلام عليكم

حامد ودانيال: وعليكم السلام

مد يده وصافح دانيال وهو يتكلم: الحمدلله على سلامتك ماتشوف شر

دانيال: الشر مايجيك تسلم

جلس بطرف السرير وحامد على الكرسي قدامه: هاه فهموني ماوقع

حامد: حادث عادي

بسره بنص عين ولف لدانيال: هاه عدي.. ليش لاحقوكم هولك الرجال وليش اطلقوا عليكم الرصاص

حامد ودانيال كل واحد بسر الثاني بتوتر وتكلم حامد: احمد عتفهمك القصةة كاملةةة بس خلنا نحلها بيننا لاقد تدخل الشرطةة..

احمد: سابر تكلم

حامد بتنهيدة: هذا قبل سنة واكثر كنت اشتغل في شركة الـ.... وبعدها....
.
.

بيت ابو بتول..!!
تكلمت بتوتر وهي بتغسل الصحون بالمغسلة: غريبة ليش ابي وابي حامد وعدي تأخروا لاذلحين قد الناس تغدوا زمان

ام بتول: ذلحين كملوا يتغدوا وبيتجابروا والا شي لاتهمي

لفين لفتحة الباب وصوت ابو بتول: يا اهل البيت يانسواااان

خرجين للصالة وبسرين ابو بتول والحسن والحسين

بتول: وين عدي ليش مشو معاكم

ابو بتول: تعالين اجلسين

بتول بسرت امها بخوف وخطيت جلست مع امها قدام ابوها واخوتها وتكلمت: ايش

ابو بتول: عدي عمل حادث بس ح

صاحت بتول بفزع وخوف: ايييييش حااااااادث

حسين: حادث بسيط لاتخافي

حسن: دقه في راسه وكسر بسيط في يده

بتول من بين بكاها: وعاد هذا بسييط كان ماعاد كنتوا تشتوا قوموا ودوني لاعنده ذلحيين هياااا

ام بتول حضنتها: هدي يابنتي قالوا لش هو بخير والحمدلله سلم الله

ابوبتول: الحمدلله هذا الحادث جاء لصالحه

بتول وهي تمسح دموعها: كيف لصالحه

ابوبتول بابتسامة: لأن بسبب الحادث هذا الذاكرةة رجعت له

بتول فتحت عيونها بصدمةة وعدم استيعاب

حسين غمز لحسن وتكلم: عرف ايش اسمه ومن هو وابن من وعمله

حسن بتمثيل: والاهم من هذا طلع

بتول بترقب: طلع ايش

ابوهم بيبسرهم باستغراب وتكلم حسين: طلع متزوج ومعه ولد وبنت

حسن: بس ولاتهمي لاهو يشتي يرجع لها يرجع طز فيه

بتول قرحت بكاء وهي تحضن امهااا والحسين والحسن قرحوا ضحكةة

ابو بتول بضحكة: لا تصدقيهم والله انه كذب

ام بتول: هيا سمعتي قلش كذذب

رفعت راسها وبسرت حسن وحسين بحدة شلت المدكى بسرعة ورجمتهم الاثنين به وهي توقف وتتكلم بعصبية: قوموا ودوني لاعنده بسرعةةة..!!

.
.

المدينةةة..!!

بيت ابو علي..!!
دخل محمد وخلفه زهراء خاطية بتعب وقفوا في الصالة وبهدوء: السلام عليكم

الكل: وعليكم السلام

غدير وهي تتقدم من زهراء: زهراء ما ليدش

زهراء بسرتها بعيونه ملان دموع وماقدرت تتكلم حضنتها وانفجرت بكاء والكل وقف بخوف: ايش به يا محمد

غدير شدت عليها وبخوف: زهراء ايش فيش ووين علي خرجتي معه

ابو علي بقلة صبر: محمد تكلم

محمد وهو يأخذ نفس: محمد تصاوب

الكل بصدمة: اييييش

ام علي جلست بصدمة ومسكتها عبير وهي تتكلم ببكاء: كيف تصاوب وليييش

ابو علي بحده: تحاكوااا

زهراء وهي تبعد من غدير وتمسح دموعها: واحنا خاطيين لاحقتنا سيارة واللي فيها ضربوا علينا رصاص وعلي تصاوب

ام علي بتعب ويدها على قلبها: ووينه ولدي

محمد: بخير بخير يمه الحمدلله تجاوز مرحلةة الخطر

ابو علي وهو يخطى خارجي: جي هيا سوقني لاعنده بسرعةة

خطي محمد خلفه وهو بيحاول يقنعه انهم ما عيخلوه يبسره بس بدون فايدةة

جلسين عبير وغدير وام علي وزهراء بصالة البيت والكل بيبكي..


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 104 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


المستشفىى..!!!

دانيال ونظره لحامد: طيب ليش ما تسلم الفلاش للشرطةة

حامد: عتسلمه بالوقت المناسب

لف لدانيال وتكلم بابتسامة: ما اسمك الحقيقي

دانيال: دانيال محمد الـ......

احمد بصدمة: لاتقووووول

دانيال: ههه وانت تعرفني انا متشبه بك بس ماعد ذكرت من

احمد: انت العقيد دانيال بقسم الاستخبارات

حامد: حتى احمد طلع يعرفككك

دانيال: ايوة انا دانيال نفسه

احمد: طيب والعزا اللي فعلوا من قبروا بدالك

دانيال: جننتوني انتوا والعزاء قصدكم ذلحين انا عند اهلي والناس ميت

حامد: اهيهااا من شهور قدهم ناسيين لككك

دانيال بهمس: ياالله

احمد: الجوكر لازم ينحط له حد ودام الدليل معاكم ايش رأيك يا دانيال

دانيال بحدة والجوكر بين عيونه: لازم يوقع في كمين الجوكر خطير اذا كنا نشتي نقبض عليه

حامد: ماقصدك

دانيال: قصدي واضح..المهم يا احمد لاتكلم احد اني عايش ولازم ماحدا يعرف هويتي الحقيقية  او ان الذاكرة رجعت لي سابر

احمد وحامد: سابر

احمد: وما خطتك علاسب يوقع في الكمين

دانيال: الخطةة عينفذها حامد واحنا معه

حامد: ايش المطلوب مني؟

دانيال: كلم الجوكر وقول له انك عتسلم له الفلاشة

حامد بصدمة: ايييش من صدقككك

دانيال: ايوة بين اتكلم بجدية قول له انك عتسلمه الفلاشه مقابل خمسين مليون اللي نهبها منك سرق ومقابل انه يتركك بحالك

حامد: واسلمها بكل بساطة

احمد: حامد افهم خطة عدي.. هذه خطة علشان نستدرج الجوكر للقبض عليه

دانيال: بالضبط انت عتشل معاك فلاش غير عن الاصلي علشان لو شغله يتأكد ذاك الوقت

احمد: انت تحدد المكان او هو خلي نفسك عادي وقول له انك ما عتسلم الفلاش الا له شخصيآ

حامد: اها فهمت عليكم.. ضخم واي حين اكلمه

دانيال: بعد يومين ثلاث ايام مش الآن

احمد: ايوة افضل

حامد: تمام

احمد وقف: كان يلا انا استأذن ومعافى ياعقيدنا

دانيال: تسلم الله يحفظك ماقصرت

احمد وهو يخطى: خاطركم

حامد ودانيال: الله معاك
.
.

فتح الباب يخرج وبسر قدامه البتول والحسن اللي تكلم: هلا والله الضابط احمد عندنا

احمد بابتسامة: ابقاك والحمدلله على سلامته خطاه الشر

حسن: الشر ما يجيك تسلم

احمد: خاطرككك ومعافى

حسن: الله معاك... لف لبتول وتكلم.. يلا ادخلي هيااا

@rewayatyamania المصدر الأول للروايات

دخلت مع حسن ونظرها استقر على دانيال اللي ابتسم اول ما بسرها تكلمت بهمس وهي توقف قدامه: الحمدلله على سلامتكم

دانيال: الله يسلمش يا نظر

حامد وقف وبضحكه: اشوف ان وجودنا غلط تعال ياحسن... ضحك حسن وخرجوا الاثنين

دانيال بضحكه للبتول اللي واقفه بتوتر: مالش ساع اللي اول مره تبسريني

جلست بطرف السرير ونزلت نظرها ليداتها وتكلمت: صدق رجعت لك الذاكرة

دانيال: الحمدلله بس ابسريني

رفعت نظرها لها وتكلمت: ايش اسمك

دانيال ببسمة: عدي

بتول: هياااااا

دانيال: دانيال بس عدي اضخم لأنه ذوووقش والله

ابتسمت وهمست: دانيال..اسم نادر مابش منه خيرات

دانيال بفخر: انا مميز بكل شي حتى بلون عيوني

بتول بنص عين: فارح بعيونك الخضر هولا..

دانيال: ههههههه

بتول بابتسامة وهي تحط يدها على خدها: ايوة ابن من انت ممكن نتعرف

دانيال بابتسامة اكبر: انا دانيال محمد الـ.... من ذمار..اشتغل ضابط استخباراتي..معي امي وابي واختي داليا..

بتول بفزة: ايييش ضابط استخباراتي انت شرطييي

دانيال: ايوة عقيد

بتول: الله استخباراتي يعني ماحد عارف بشغلك

دانيال: ماحد الا علي ابن عمي وصديقي وجدي وسامي صاحبي.. وانتي الآن وحامد وابن الشيخ.. وانتبهي تكلمي احد او يعرف احد منش سابر

بتول: حاضر..اممم..يعني انت ابن مدينه كنت شاكه والله..كلمني اكثر عن حياتك قبل هيااا

دانيال: كنت مغرور زناط متكبر اكره القرى ولا ارضى اخطى لهن او اجلس فيهن

بتول بقهر: فديتنا يا متخلف اصلآ يحق لك تعيش في قرية وتنعم بالهدوء والعيشة الضخمة

دانيال: ههههه اعترف ان تفكيري كان غلط وان القرى احلى مافي الوطن وفرق العيشة بالمدينة والقرية غير.. والقرية احسن وافضل والله يكفي الهدوء اللي فيها وطيبة ناسها وقربهم من بعض في المدن ماحد يعرف احد الا من رحم ربي

بتول ببسمة: سابر وايش عاد باقي

دانيال: معي عم واحد اللي هو ابو علي صاحبي ومعه محمد وعبير وغدير ومعي عمه واحدة اسمها نجوى.. وبنتها ريتاج.. زوجها قد مات وساكنين كلنا في فلل مسورات مع بعض

بتول فتحت عيونها: فلل..

دانيال: ايوة..

بتول: يعني انتوا من الطبقة العلياء مترفهين

دانيال: الحمدلله من فضله

بتول سكتت وبتقارن بينهم ولقت فرق شاسع

دانيال: بتول بتووول

رفعت نظرها له وتكلمت بتلقائية: ...




📚 @rewayatyamania  🇾🇪

.

البـارت 105 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


دانيال: بتول بتووول

رفعت نظرها له وتكلمت بتلقائية: تعتقد ان اهلك عيرضوا بي كزوجة لك وانتوا ناس على مستوى واحنا بسيطين قوي و.... سكتت ونزلت راسها بهم


رفع نفسه وقابلها رفع راسها باصبعه وتكلم: راسش لاتوطيه لا لي ولا لغيري فاهمه.. وما يهمني اهلي ما عيقولوا او ايش موقفهم.. المهم انا.. احبش وشاريش واشتيش ومستحيل اتخلى عنش.. خليها ببالش.. دانيال اذا حب حاجة واتمسك بها مستحيل احد يحول بينه وبينها اين كااان.. فهمتي

بتول ضحكت بهدوء: دانيال.. بين احس الاسم غريب عدي مناسب لك

ارتزح للسرير وتكلم بقهر: ذلحين الكلام هذا كله وما مسكتي منه الا دانيال

بتول بخزا: هههههههه ما اقول مااقدرش اعبر ساعك.. المهم اسمك عدي وبس اتفقنا

دانيال بضحكة: عدي عدي ولعيونش سابر واتفقنا

@rewayatyamania المصدر الأول للروايات

صباح ثاني يووووم..

بالمستشفى..!!
دق الباب وفتحه وهو يدخل ويتكلم بعجلة: سلام دانيال كيف حالككك

دانيال: وعليكم السلام.. حياك يا احمد مالك مستعجل

احمد وهو يوقف قدامه: من عندك قد عتخرج صح

دانيال: ايوة عتخرج الآن ومعي حامد خطي يدي ورقة الخروج ويرجع خير

احمد سكت بتوتر وماعرف كيف يكلمة

دانيال بترقب: احمد تكلم مالك

احمد بتنهيده: دانيال اسمع.. علي ابن عمك اا.

دانيال: علي ماله.. وبحده... احمد تكلم ساع الناس

احمد: علي هانا.. تصاوب امس بس حالته مستقرة لاتخاف

دانيال بصدمة: اييش تصاااوب

احمد: تقطعت له سيارة فيها مسلحين وضربوا عليه رصاص بس جواد كان قريب منهم واتدخل بسرعة

دانيال: وكيف حالة علي بدون كذب يا احمد

احمد: تجاوز مرحلة الخطر الحمدلله

دانيال وقف: ودني لاعنده

احمد: دانيال لاتتهور مش من صالحك يدروا انك عايش

دانيال: ماحد عيدرى عتسير لاعنده سكته بدون ماحد يبسرني وانت ساعدني

احمد: طيب تعال
.
.

وقف بالطارود والغرف قدامهم وتكلم احمد: ريع هانا لوما ابسر اذا احد عنده او مع..

دانيال: لا تتأخر

ثواني ورجع احمد وتكلم: يلا ادخل بسرعة طبعآ عاده ماقد فاق من امس وممنوع احد يدخل عنده بس انا كلمت الدكتور وشرحت له ورضي خمس دقايق بس..

دانيال: شكرآ

احمد: العفو لاتتأخر قبل يجي احد انا عتريع هانا..
.
.

غلق الباب ووقف مكانه ونظره يستقر على علي اللي ممدد بكل تعب على السرير وجهاز الاكسجين على فمه ودقات القلب مسموعة عبر الجهاز.. بسر صدره وكتفه الملفوفات بشاش وغمض عيونه بألم وما تخيلش ان اول لقاء لهم عيكون بهذا الشكل وعلي بهذ المنظر.. تقدم ببطء ووقف قدامه.. مد يده ومسك يده بقوة وهمس بغصة: علـــي ي عضيـدي وظهـري....

مسح بيده على الشاش اللي بصدره وهمس بحرقة: وربي لاحرق الجوكر واخلي نهايته اعدام.. انا متأكد انه ورا هذا الشي سعما خطط يتخلص مني.. حاول يتخلص منك والكل.. بس ايامه قربت وايام اللعب ولت الجد بدأ من الآن

شد على يده اقوى وحبه على جيبنه ورفع نفسه وهو يتكلم: كون بخير لأجلي لاتفلتني لوحدي والله ان الدنيا من دونك ما تسوى...
.
.

خرج من الغرفة واعتدل احمد في وقفته واشر له

وقف قدامه وتكلم: ما عتنسى لك خدمتك هذه طول عمري

احمد وهو يخطى: مابش بيننا يارجال هيا بسرعة قبل احد يجي...
.
.

دخل مع زهراء وامه وخواته للمستشفى واتجهوا لاغرفة علي وتقدم بخطوات متسارعةة وهو يبسر الدكاترة يدخلوا ويخرجوا من عنده تكلم وهو يمسك دكتور: ايش به ماله اخي

الدكتور: لاتخاف..صحى وبنشيك على حالته..

علي فلته ودخل وبسر علي اللي بيردد بتعب: دانيال..دانيااال

وقف قدامه وتكلم: علي الحمدلله يارب

علي همس بتعب: دانيال..وينوه

محمد بصدمة: علي مالك دانيال الله يرحمه

علي غمض عيونه وهمس: كان هانا وشد على يدي

محمد تنهد بحزن لحالته وكلم الدكتور: كيف حالته يا دكتور

الدكتور: الحمدلله احسن بكثير من امس

علي فتح عيونه على وسعهن وبخوف: وووين زهراءءء

محمد لف له: زهراء بـ...

قبل يكمل كلامه لفوا لصوت امه وجنبها عبير: علي يا ولدي الف الحمدلله يارب الحمدلله اللي حفظك لي

تقدمت منه وحضنته وهي تبكي

علي بهدوء: انا فدالش يمه انا بخير لاتبكي

عبير: الحمدلله على السلامة

علي: الله يسلمش..

عبير:تعالي اجلسي هانا يمه

جلست عبير وام علي على الكنبة وتكلم علي ونظره لمحمد: وييين زهراااء تكلم

محمد: بخير بخير وجت معانا والله

علي بقلة صبر: وينهاااا

ام علي: عاد احنا كنا جمعه وغدير والكل وين سارين

محمد خرج للطارود وبسرهن جالسات على المعقد وتقدم منهن: ليش انتين هانا 

رفعين روسهن له وتكلمت زهراء: اسألك بالله يامحمد قول انه بخير

محمد: والله بخير وبيسأل عنش تعالين هيااا   


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 106 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


وقفت زهراء مع غدير وخطيين بسرعة للغرفةة

بسرت علي اللي لف لخطواتهن وبكت وهي تتقدم منه جلست بطرف السرير وحضنته من رقبته وهي تبكي بدون لا تتكلم

ابتسم علي وهو يرفع يده لراسها ويتكلم: الحمدلله انش بخير وهذا الاهم

زهراء من بين بكاها: الحمدلله على سلامتك

علي: هههههه بدري الله يسلمش

زهراء بعدت منه وهي عضية لشفتها بخزا من عمتها والبنات رفعت راسها وارتاحت ان مابحد محمد..

ام علي بضحكة: اعتقد ان علي بخير ولافيه حاجةة صح

ضحك علي بهدوء وزهراء ابتسمت

غدير وهي تحبه على راسه: ماتشوف شر يا غالي

علي: الشر ما يجيش..انتبه ليد زهراء واتكلم وهو يمسكها: مالها يدش..وبخوف..او انصبتي

زهراء ببسمة: بسيطه جرح بس

علي همس بقهر: عيال الكلب

@rewayatyamania المصدر الأول للروايات

بعد الظهر

بييت الشيخ..!!!
وقفت وهي تخطى بتردد وتعد خطواتها علشان توصل للباب.. وهي تتحسس الجدار بيدها وسارت وجت اكثر من مرة علاسب تحفظ الخطوات..

فتح الباب وبسرها خاطية وبتعد خطواتها بتردد.. غلق الباب واتنهد من داخل قلبه

سجى وقفت وبسؤال: احمد

تقدم منها وهو يرد بابتسامة: عيون احمد

ابتسمت بتوتر وهي تتكلم: مسرع روحت اليوم

احمد: اتغدا وارجع وسام ماسك بدالي

سجى وهي تلف ويدها للجدار: تمام.. لمست التسريحة واتحسسها بيداتها لوما مسكت الجاك وبتدور القلص تصب لها.. بس حست الجاك خفيف واتنهدت وهي تفك له

تقدم منها ووقف خلفها وهو يتكلم: تعالي اجلسي وارتاحي انا عتدي لش ماء ذلحين.. جلسها بطرف السرير وخطي شل الجاك وخرج من الغرفةة يعبيه ماء..

شدت على يداتها بقهر والدموع تجمعت بعيونهااا وهي حاسه نفسها انها عبئ على الكل لبنان واحمد وكل من حولها..

انتبهت لصوته وهو يمد لها القلص الماء: تفضلي

مدت يداتها تشله واحمد طرحه في يدها

شدت عليه بيداتها بدون ما تشربه ومدته له وهي منزله راسها وبهمس: شله مااشتيش

احمد باستغراب: ليش

سجى: مش انا عاطشةةة شكرآ

احمد: طيب لما تكلميني ارفعي راسش

سجى رجمت القلص الماء لوما اكتسر وتكلمت وهي تبكي: مااشتيش مااشتييييش... لاحد يكووون يشفق عليااااا اقدر اعتمد على نفسييي.. لاتجلسوا تحسسوني انني عبئ وهم عليكم اني عالةة وغم على قلوبكم..

وقفت تخطى ووقف احمد بسرعة ومسكها من يدها وحضنها وهو يتكلم بهدوء: شلي نفس وهدي مابش حاجة تستاهل للأنفعال هذا كله

سجى بكت اكثر وهي تتكلم: اكيد قدكم تكرهوني

احمد بهمس: جعل يعدم حياته من كرهش.. ياعيون احمد.. هدي مابش داعي للبكاء

سجى بشهاق: رجعني لماما ماحد عيتحلمني غيرها

احمد: بالله وانا وين سرت او لأني انشغلت هذا الاسبوع.. فكرتي هكذا

رفعت راسها من صدره وتكلمت وهي تمسح دموعها: انت من حقك تعيش مع بنت افضل مني.. بنت كاملة مش مثلي انا عمياء وو.. سكتت ودموعها ينزلين من جديد

مسك وجهها بين يداته وتكلم وهو يمسح دموعها بـابهامه: ومن قال اشتي اعيش مع بنت غيرش.. انا وربي ما اشتيش الا انتي

سجى بغصة: لا تشفق عليا بكلامك هذا

احمد بهدوء: ههههه مابش فيش حاجةة علشان اشفق عليش.. انا فعلآ اشتيش يابنت..وبهمس.. احبببش

بكت اكثر من كلمته الاخيرة وحضنته وهي تشد عليه

احمد وهو يحاوطها: ههههه هذا ردش البكاء ههههه

دفنت وجهها بصدره اكثر ومازالت تبكي

ابتسم بهدوء وهو يرفع وجهها بيده ويتكلم: يلا ننزل نتغدا معاهم

سجى: بس..

احمد: عارف عارف ما عتقولي بس انا عيونش ويداتش وكل حاجة لش.. تعالي اغسل وجهش وننزل يلااا

ابتسمت سجى بفرحة وقلبها حاسه انه عيوقف من كثر دقاته وكلمة.. احبش.. مازالت عالقة في اذانها للآن..!!
.
.

بعد مــرور إسبــــوع..!!!
واقف مع احمد وحامد بالشارع وبيده تلفونه بيبسر لابينه بتردد

احمد: ولاي حين عتجلس هكذا اتصل وجزعنا هياا

حامد: هيا مالك مبلم

دانيال شل نفس وهو يضغط اتصال لرقم علي ودق قلبه اول سمعه بيرن ورفع نظره لأحمد وحامد اللي بيبسروه بهدوء انتبه لصوت علي التاعب: الوووو

دانيال بشبه ابتسامة: سلام

علي: وعليكم السلام عفوآ من معي؟

دانيال: معقول ما عرفتوني؟

علي بشك: لاااا من

دانيال بهدوء: معاك الصقــر يا الجارح 

علي سكت لفترة يستوعب وبعدها صاح بقوة: ايييييييييييييش.. من قلت ممممممن

دانيال بابتسامة: قلت الصقر ي الجارح يا ابن عمي

علي غمض عيونه بقوة وحس قلبه عيخرج همس بصدمة: دانيــــال؟

دانيال بضحكة: ياعيون دانيال الخضر اللي حاسد له عليهن بس ماعليك الاسود لون الفخامةةة

علي بهمس وغصة: مش مصدق والله مش مصدق.. لايكون بتكلمني من الجنةة

دانيال: ههههههههه لوكنت في الجنة ما كلمتك لأن اهل الجنة ما يتواصلوا مع اهل النار

علي ضحك وعيونه ملان دموع: ...




📚 @rewayatyamania  🇾🇪

.

البـارت 107 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


علي غمض عيونه بقوة وحس قلبه عيخرج همس بصدمه: دانيــــال؟

دانيال بضحكة: ياعيون دانيال الخضر اللي حاسد له عليهن بس ماعليك الاسود لون الفخامةةة

علي بهمس وغصة: مش مصدق والله مش مصدق.. لايكون بتكلمني من الجنةة

دانيال: ههههههههه لوكنت في الجنه ما كلمتك لأن اهل الجنه ما يتواصلوا مع اهل النار

علي ضحك وعيون ملان دموع: ههههههههههه وربي انككك دانيال.. وينك كيف لوما عادك بخير امانه دلا دلا عليااا حاسس قلبي عيوقف ومش مصدق

دانيال بهدوء وبسمة: صدق صدق.. المهم برسل لك عنوان وتعال له ضروري اذا قدك بخير وتقدر تخرج

علي بصدمة: ليش مادراك مافيني

دانيال: هههه نلتقي ونتكلم يلا برسل لك الموقع لاتتأخر

علي: دقايق مع السلامةة

دانيال غلق الخط وهو مبتسم ورسل له الموقع ورفع راسه لأحمد وحامد المبتسمين وحرك راسه بهدوء: ايش به

احمد: هههههه لا ولاشي

حامد: ما قال عيجي

دانيال وهو يجلس: ايوة نص ساعه بالكثير وهو هانا..!!

@rewayatyamania المصدر الأول للروايات

المدينةةة..!!
دخلت للغرفة وبسرته قد غير لداته وبيزرر الشميز وعلى وجهه ابتسامة عريضة تكلمت باستغراب: ليش واقف والوقفه تعب عليك وبعدين ليش غيرت لداتك او عتخرج

لف لها بضحكة ومازال قلبه يدق بقوة: ايوة عتخرج ومرتي حبيبتي عتغطي عليااا لوما ارجع لايدرى احد

فتحت عيونها بصدمة من كلامه ومن خروجه: اسألك بالله عتخرج شكل حرارتك مرتفعة اسكه.. رفعت يدها ولمست جبينه وتكلمت: غريبة مش انت حامي كان مالك

علي بضحكة: ههههههه تطمني بكامل قوايا العقليةةة والله المهم عتخرج وارجع بسرعة واذا سألوش عني قولي تاعب نوم..

شل الجاكت ولبسه وشل تلفونه ومفاتيحه وخطي ووقف قدامها ميل راسه وحبها على خدها واتكلم بضحكة: احببببش

لفت بسرعة وهو خاطي واتكلمت بصوت عالي ويدها على خدها: مجنوون ايش فيككك الله يشفييك سريع يارب

لف لها بعدما فتح باب الغرفة واتكلم بغمزه وهو يضحك: مجنون بس والله احبش من صدق يا شوعةةة...اشر لها بيده وغلق الباب وهو يضحك

تنهدت بقهر وهي تهمس: الله يشفيه يارب مدري ماله فارح هكذااا وبيدي كلام شروي غروي...
.
.

بعدما يقارب الساعة من الانتظار بطرف القريةة بسروا سيارة علي اللي عرفها دانيال تقدم منهم ووقفوا بعدما جالسين واحمد اشر لعلي اللي جنب السيارة بمسافة عنهم ونظره مثبت على دانيال اللي واقف بثبات ونظره له بابتسامة

اخذ نفس وهو يرجف ومش مصدق وفتح الباب ونزل واتقدم بخطواته منهم ودقات قلبه تزداد
.
.

تقدم دانيال بخطواته ونظره لعلي اللي بيخطى بتردد وخوف ولهفة تكلم بضحكة وهو يرفع يده: خاااايف او ايش

وقف علي مكانه وغمض عيونه بقوة وهمس: صوت دانيال والله دانيال مش حلم يعني فتح عيونه وكأنه استوعب ان اللي قدامه بمسافة دانيال تقدم وهو يسعى ويصيح بصوت عالي: دااااااانياااااال

حضنه بقوة وهو يرد بسرعة: يا عيووون دانيااال

علي بهمس وغصه وجهه بكتف دانيال: مش مصدق والله العظيم.. مصدوووم مصدووم لأبعد حد

ضحك دانيال وشده له وهو يهمس: صدق ي الجارح صدق انا بخير وقدامككك وحاضن لك ههه

فك له وهو مبتسم ورفع يده يتحسس وجهه ورفعه من ذقنه

دانيال باستغراب: مالككك

علي: اتأكد انك دانيال اسكه عينك بعيني

ضربه على راسه بضحكةة وتكلم علي: ااااخ ذلحين صدقت انك دانيال

احمد وهو يتقدم منهم مع حامد: هيااا ايش عتجلسوا تبسروا بعض او كيف

علي بصدمة: احمد.. انت.. انت كنت عارف كيف هذا وما كلمتني

احمد وهو يصافحه: لا والله عاد انا عرفت صح اني كنت مشبه به.. بس ما تأكدت

علي سلم على حامد باليد: حياكك

حامد: ابقاااك.. يلا ماعدبش داعي لتضييع الوقت تعالوا

علي: وين

دانيال وهو يسحبه من يده: لسيارتك هيااا

علي خطي وحط يده على جرحه بألم: ااااخ

لف له دانيال بخوف: مالك ايش اوجعككك

علي بألم: بسيطة نغزات بس

احمد: وانت مجنون تسعى وعادك الا اسبوع متصاوب

علي بضحكة: وعاد بسرة دانيال خلت فيني عقل

ابتسم دانيال ولمه من اكتافه وخطاه معه وركبوا بالخلف واحمد مكان السواق وحامد جنبه

لف لهم احمد وتكلم: ايوة ذلحين ما نفعل

دانيال: هدفنا امساك الجوكر

علي نزل راسه واتنهد

دانيال: مالككك

رفع راسه له وتردد يقول له من هو الجوكر: ولاشي

دانيال سكت وبيفكر بطريقة يقول لعلي من هو الجوكر

حامد باستغراب: مالكم

علي: دانيال انت لازم تعرف حاجة مهمة

دانيال: وانت والكل لازم تعرف حاجة بس تكلم انت بالاول

علي: لاتكلم انت ايشو

دانيال: لا لا تكلم انت

احمد: اوووف يتكلم واحد هيااا

علي ودانيال مع بعض وبشكل سريع: سامي هو نفسه الجوكــــر

كل واحد فتح عيونه بصدمة وبصوت واحد: انت تعرف


https://hottg.com/+Ecxq_OzMYh40M2E0



📚 @rewayatyamania  🇾🇪

.

البـارت 108 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


احمد: اوووف يتكلم واحد هيااا

علي ودانيال مع بعض وبشكل سريع: سامي هو نفسه الجوكــــر

كل واحد فتح عيونه بصدمة وبصوت واحد: انت تعرف

علي بصدمة: اي حين عرفت وكيف لوما

دانيال بنفس الصدمة: انت كيف عرفت ومتى

علي بتنهيدة: الكاميرا صورته وقت ما بيقتل مدير شركة الـ.... 

دانيال بسخرية: قتل ههههه طيب انت عارف او سألت نفسك كيف لوما انا عملت الحادث بسيارة سامي

علي بتفكير: لحظة لايكووون.. لا قول بغيرهااا

دانيال بقهر: لا والله صدق.. هو اللي ادى لي سيارته وهو اللي عطل الفرامل وتسبب بالحادث

علي بحدة: ابن الـ####.. 

دانيال خرج من جيبه فلاشه ورفعها لاوجه علي: هذه الفلاشة فيها اعترافات خطيرة للجوكر عتوديه خلف الشمس وبهذه الفلاشة عنقدر نقبض عليه

علي: من وين لك الفلاشة

دانيال: حامد اللي صوره  وبسببها دخل للسجن

علي: طيب وكيف عتستدرجوه

احمد: الخطة عينفذها حامد واحنا خلفه مع الشرطة

دانيال: بالضبط

علي: اي حين

دانيال: اول شي حامد عيكلمه ويحدد معه مكان يلتقوا فيه

احمد: سابر ايش رأيكم يتصل له الآن

دانيال: ايوة اتصل

خرج حامد تلفونه ودخل للأتصال

علي: ومن وين لكم الرقم

حامد: لنا اسبوع ندور عليه وكود قدرنا نحصله.. اش بيرن

دانيال: افعله سبيكر

فتحه حامد اول ما وصله صوت ماجد: الووو

حامد برسمية: الجوكر

ماجد: من انت

حامد: ود التلفون للجوكر يكلمني

ماجد: هكذا بكل بساطة قوول من انت

حامد بسخرية: انا.. اللي عيشل روح الجوكر ان شاء الله.. وبعصبية: قول له يكلمني قبل ما توصل الفلاشة للشرطة

بعد ثواني وصلهم صوت الجوكر: حامد

حامد بسخرية: ياهلا بسامي كيفك ان شاءالله بخير

الجوكر بحدة: اخلص ايش تشتي

حامد: اوه اوه دلا عليك... تكلم بأدب احسن ما اغير طريقي للمركز

الجوكر بمصابرة: طيب ايش ودك

احمد اشر له يقول له وتكلم حامد: بسلم لك الفلاشة بس بمقابل سبعين مليون

الجوكر بحدة: استخفيت.. سبعين مليون مرة واحدة

حامد ببرود: اوووك الحمدلله المركز قريب مني مع السلامة

الجوكر بسرعة: هاه هاه لحظةةة.. طيب وين نلتقي

ابتسم دانيال برفعة حاجب ووجه نظره لعلي اللي مركز بحقد

حامد: حدد اي مكان بس بشرط

الجوكر بملل: اللي هو

حامد: انت اللي تقابلني بنفسك ما عتسلم الفلاش الا ليدك انت لو يجي احد غيرك انسى انك تطوله

الجوكر بقهر: سابر انا اللي بقابلك بنفسي

حامد: سابر ارسلي الموقع وحدد الوقت

الجوكر: انتظر الليل برسل لك

حامد: سابر الله معي.. غلق الخط ونفخ بضيق

دانيال: هكذا سابر.. باقي انت يا علي

علي: ما افعل

دانيال: جهز امر بالقبض على الجوكر وجهز دوريه تحاصر المكان وانت يا احمد

احمد: ايش

دانيال: نحتاجك ونحتاج فرقتك للدعم خلوكم جاهزين

احمد: ابشر

دانيال: اسمع يا علي انتبه الآن احد يعرف اني عايش

علي باستغراب: ليش

دانيال: الافضل ما يعرفوا الآن بالاول نمسك الجوكر ونتخلص منه بعدها برجع للبيت فاهم

علي: سابر فهمت ما تشتي يوصل العلم لسامي او الجوكر ههه

دانيال: بالضبط

علي: تمام..انا الآن عتروح ومتواصلين 

دانيال: الله معاك وانتبه لنفسك عتقدر تسوق

علي وهو يفتح الباب ينزل ونزلوا كلهم: ايوة اكيد يلا الله معاكم..

@rewayatyamania المصدر الأول للروايات

صنعاء..!!

الشركةةة...!!
فتح باب المكتبة بقوة وهو يتكلم: رشاااد الفزعةةة الفزعةةة

فز رشاد بخوف وصدمة: ماهو مابه ﴿عم هيثم مذكور بالبارتات الاولى﴾

هيثم وهو يتخبى خلفه اول ما سمع صوت حسام صاحبه جايي: انا في وجهككك من حسام

دخل حسام مندفع بكل عصبية: وين هذا النذل مقصدك شاتهرب مني 

رشاد: لحظة مابه فهموني

هيثم ببراءة وهو خلفه: مدري ماله

حسام بقهر رجم الاوراق اللي بيده بقهر وتكلم: لا والله بريء اسم الله عليك..

رشاد بحدة: طيب فهموني

تقدم حسام منه وتكلم: اول بعد هكذا وبعدين شافهمككك

هيثم: مع مع احنا اصحاب العن الشيطان

مسكه حسام من شميزه وهزره لاعنده وتكلم بقهر: امس طول الليل بين اطبعهن وساهر فوقهن وتجي بكل بساطه تكب البن لابينهن

رشاد: اوووه والقهر

هيثم بضحكة: والله بالغلط والله

حسام هزه وبقهر: قلدككك الله اغني ذلحين والا ارقص فرحتني ايش افعل بالضبط

هيثم: ولاشي ي قلبي اطبع واشتغل على غيرهن والدنيا عوافي مالك يارجال

حسام: والله.. ابو الحلول ماشاءالله.. سحبه ولف يخطى وهو يتكلم: هيااا تعال معي

هيثم وهو يخطى معه: وين شاتقتلني.. رشااد الفزعةة يا نذل

رشاد بضحكة: والله اني انقهرت بدله شل حقك يا حسام وانا لكك

هيثم بقهر: عاد انا ابن اخووك يا حمااار الفزعةة

رشاد: هههههه اول احترمني كعم بعدها تعال اطلب الفزعةة

حسام: تعال هيااا




📚 @rewayatyamania  🇾🇪

.

البـارت 109 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


حسام: تعال هيااا

هيثم: لحظة عيب عليك قدام الموظفين

حسام بحدة: اخطى وانت ساكت

عبدالله وهو خارج من مكتبه ونظره لهم: مابه مالكم ليش ساحب له هكذا

وقف حسام وتكلم بابتسامة: ولاشيء يا استاذي الغالي مشكلة بسيطة وشانحلها

هيثم: عم انـ..

حط يده على فمه بسرعة وابتسم لعبدالله: يلا اي اوامر مشغولين

عبدالله هز راسه بقلة حيله منهم ورجع لامكتبه

دخل لا مكتبه ورجمه لا قدام الطابعه وتكلم: يلا سريع عيد طبع الاوراق اللي خربتهن كلهن ورتبهن ضروري اسلمهن اليوم

هيثم بقهر: في احلامكك

حسام: هيييييثم

هيثم: اعلى ما بخيلك اركبه

حسام بقهر: حاضر.. لاعند ابوك الآن اخطى لا مكتبه.. لف وخطي

فز هيثم ومسكه بسرعة: خلاص خلاص راعي.. الا ابي اليوم هو ضابح من الصبح

حسام برفعة حاجب: شاتسبرهن

هيثم بقهر: امري الى الله

حسام: ههههههه يلا اقطب

جلس على المكتب بقهر وبدأ يشتغل وحسام جلس وحط رجل على رجل وفتح تلفونه وكل ساعة يضحك ويغيظ هيثم اللي باقي شوية وينفجر..

@rewayatyamania المصدر الأول للروايات

بعد العصر...!!

بيت الشيخ...!!
دخلت للغرفة وهي متوترة: السلام عليكم

رفعت سجى راسها وردت: وعليكم السلام لبنان تعالي مالش اليوم تأخرتي

لبنان وهي تجلس بطرف السرير: نظفت المطبخ مع لين وصليت

سجى: سابر

لبنان: احم سجى

سجى ببسمة: عيوني

لبنان: تسلم عيوتش.. مابلا البتول وامها نازل يجين بيبسرنش ويطمنين عليش

سجى بهدوء: حياهن الله.. الحمدلله عاد انا بدلت تعالي ننزل

لبنان انصدمت انها ما ثارت على البتول بس افتهنت: يلا تعالي

وقفت سجى: بس كيف البلوزه حاليه شليتها عشوائي

لبنان ونظرها للبلوزه اللي توصل لافوق الركبه ولونها مابين الابيض والاسود مع اكمام للنص: ضخمة وانتي اللي محليه لهااا

ابتسمت سجى: شعري مرتب

شلت لبنان المشط وقبل ما تمشطه لفت لصوت احمد اللي دخل وهو يتكلم: اهو لبنان عتشل مكاني وعملي

ضحكت سجى واستغربت لبنان: اي عمل

احمد وهو يوقف جنبها ويشل المشط من يدها: ترتيب شعرها واختيار لداتها بعدي هكذا ماعليش من مرتي

سجى ببسمة: عاده من لما مشطته انت امس العشي

لبنان برفعة حاجب ونظرها لأحمد اللي جلس بطرف السرير خلف سجى وبدأ يمشط شعرها: اها وانا بين اقول ايش المشاط هذا الزفت

سجى بغرور: قابلة لها مادخلش انتي

احمد: هههههههههه

لبنان فتحت عيونها: يماااه سدوا على قلة الخير

ضحكت سجى بهدوء

وتكلم: بس اصوات نسوان من مجلس البيت من عندكم

قبل ترد لبنان سبقتها سجى: البتول وامها جين يبسريني عتنزل لاعندهن ذلحين

احمد وهو يحاول يسبر الشباصة: اهااا

سجى رفعت يداتها وصاحت بألم: اااه دلا على شعررري

لبنان: هههههههه تستاهلي

احمد بضحكة: المشكلة شعرش سلس قوي مارضيت تسبر في شعرش ما افعل لش

سجى: قول ماشاءالله

احمد: ماشاءالله ما قلنا

سجى: لبنان تعالي سبريها هيااا تأخرنا عليهن عيب

لبنان: خلي احمد انا ما دخلني

سجى بحدة: لبنااان

لبنان: هههه طيب طيب بعد يا احمد

قام احمد وهو يضحك ولبنان لمت شعر سجى بسرعة ووقفت: يلا هيا ننزل

وقفت سجى وهي تمسح شعرها: كيف انااا

وقف احمد قدامها وشد خدها بيده وحب الخد الثاني وتكلم ببسمة: قمـر ومن قدش بالحلااا

ابتسمت سجى بحياء ولبنان فتحت عيونها بصدمة ان هولا اللي قدامها احمد وسجى فاقت من صدمتها على ضحكة احمد: ماااالش مطننه هيا انزلين

مسكت يد سجى اللي مبتسمة وخطيين

احمد ونظره لهن: انتبهي لهااا

لفت له برفعة حاجب وهو ضحك وخطي للدولاب يخرج له لداة وهن خرجين متجهات لا نازل
.
.

دخلت مع لبنان للمجلس وتكلمين: السلام عليكم

الكل: وعليكم السلام

وقفين البتول وامها وسلمين عليهااا

بعدما الكل جلس تكلمت بتول اللي جنب سجى: كيف حالش ان شاءالله

سجى ببسمة: الحمدلله تمام وانتي قالوا زوجش عمل حادث الحمدلله على سلامته

بتول: الله يسلمش الحمدلله سلم الله

مريم بتتكلم مع ام بتول ورفعت صوتها بالعاني تسمع سجى: والله قد احمد وامجد ولدي خطيوا بها لكل مستشفى بس ما فاد الله اعلم ايش سبب عماها.. ماعاد معاها الا تتقبل وضعها ما نزيد نفعل

لبنان انقهرت وسجى نزلت راسها بهدوء

ام بتول استحت من سجى وزعلت: خيرة الله لعل في ذلك خير يابنتي لاتزعلي

ابتسمت سجى بألم بدون ما ترفع راسها

ليلى بهمس للين: والله لوما تهديد احمد وتنبيهه لنا اخر مره لا اتكلم وابرد قلبي

لين نفس الهمس: هجعينا نسيتي كيف قلب الدنيا على هناء وابوها ضربها لوما ايش وماعد خلاها تجي بيتنا

ليلى بقهر: اوووف يالقهر

بتول وهي تشد على كتف سجى: لا تقنطي الله اذا احب عبدا ابتلاه

سجى بتنهيدة: ونعم بالله


https://hottg.com/+Ecxq_OzMYh40M2E0



📚 @rewayatyamania  🇾🇪

.

البـارت 110 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


بتول وهي تشد على كتف سجى: لا تقنطي الله اذا احب عبدا ابتلاه

سجى بتنهيدة: ونعم بالله

ام بتول باهتمام: الا يا بنتي انتي حسيتي بتعب او حاجة او دقيتي راسش

سجى بهمس: مع هكذا فجأة

بتول: من اي حين.. كم له عاد احنا درينا

لبنان: ثاني يوم خطوبة ليلى

ام بتول: من ذاك اليوم ولا تقولوا لنا نقوم بالواجب

لبنان: العفو انشغلنا وماحد دري

بتول بتفكير: يوم خطوبة ليلى

ليلى: ايوة ثاني يوم عميت

بتول: ماشاء الله كنتي قمر يوم الخطوبة والانظار كلها عليش

لبنان: اي والله فعلآ وكل من لقيتني قالت مرة اخوش هولا عيونها والا عدسات بس كلهن ذكرين الله وصلين على النبي..

ام بتول: قلعوا عينها اللي ما تذكر الله

بتول فزت بقوة وهي تتكلم: ايوة ايوة ذكررررت

الكل بسرها باهتمام وتكلمت امها: ماذكررتي

بتول: يوم خطوبة ليلى جلست جنبي هذك خالتي تقية وبعدها بتقول من هي هذه يابنتي قلت اين قالت.. اذي عيونها خضر قلت زرق زرق مش خضر.. هذه سجى مرة الشيخ يا خالةةة قالت هاه عيونها حاليات وبعدها عادها صغيرة والله ان الشيخ ما تزوج الا بنية بتقطر حلا

سجى: ايش يعني

ام بتول: الله لا وفقها مدري او هي اللي طرحت عين

لبنان: جعل عدمها عيونها سعما ماصلت على النبي وآله

بتول: خلونا نغسل منها والله انها هي اللي صرعتش يا سجى

سجى بتوتر: مدري انتين اخبر

مريم: مادام وقد خطينا لكل المستشفيات وقالوا سليمة.. فأكيد انها عين

لين: طيب وكيف عنغسل منها

ام بتول: بسيطة ما هذه عنخليها تغسل

لبنان: من عيسير لاعندها لو اسير انا لاتشك فينا

بتول: ماعليش خلي هذا  الموضوع عليا غدوة واخليها تغسل

ام بتول: بس ضروري تغسل لوحدها مش حدا معاها

بتول: عارفة ولايهمكن غدوة ادي الماء لاهانا

سجى بأمل: وعتتباخر وارجع ابسر

بتول وهي تلمها من اكتافها: بإذن الله قولي يارب

سجى بهمس: يارب

@rewayatyamania المصدر الأول للروايات


العشي..!!

بمجلس البيت الداخلي....!!
فز حامد وهو يتكلم: رسل رسل يا عدي

دانيال شل التلفون من يده: اسكه وين.. قري وابتسم بسخريةة..نفس المكان اللي سرته انا وعلي وفجر السيارة فيني

حامد: من صدق

دانيال: والله..شكله ناوي لك

حامد: ايش قصدك يقتلني

دانيال: ما استبعدها

حامد: وايش الحل

دانيال: لابكرة الصبح واتصل له وقول له انت في المكان كذا تعال

حامد: واذا مارضي

دانيال ببسمة: عيرضى والحذاء برقبته قول له انك ماتقدر تجي للمكان اللي حدد ويجي هو للمكان اللي عنحدده

حامد: سابر اتصل لعلي وكلمه وانا عتتصل لأحمد

دانيال وهو يشل تلفونه: لحظه شفعل مكالمة جماعيةة من مرة ونتفق على كل حاجة..!!
.
.

صباح اليوم الثاني..!!!
بالمكان اللي حددوه الشباب والعسكر منتشرين بكل مكان منتظرين لقدوم الجوكر اللي كلمه حامد وادى له عذر انه مايقدر يجي للمكان اللي حدد وبكذا فشل مخطط الجوكر في قتله واضطر يخطى للمكان اللي حدده حامد..

رفع راسه حامد على وقوف سيارة قدامه وبسره الجوكر مع ماجد بس وقف اول ما نزلوا للسيارة واتقدموا منه

الجوكر: وين الفلاش

حامد: افااا عليك اول قول السلام  احنا مسلمين

الجوكر بحدة: مش فااضي للسلام جزعني

حامد: اهااا... سابر الزلط وين

الجوكر: ماجد

تقدم ماجد ومد له شنطة زلط 

حامد: افتحها

فتحها ماجد ووجها له

حامد: حلو غلقهااا

قفلها ماجد ومدها له وشلها حامد

الجوكر: وين الفلاش

خرج من جيبه فلاش ورجمه لاعند ارجله: هذا الفلاش تفضل

نزل نفسه وشله ومده لماجد: تأكد اذا كان هو

شله ماجد وخرج اللاب من الشنطه وطرحه على السيارة وشبك الفلاش وبدأ يبسره

الجوكر: هو والا مع

ماجد وهو يخرج الفلاش: الا هو

الجوكر: حلو ما لعبت بذيلك.. يلااا خطيناا

لف يخطى للسيارة ووقف على صوت وراه: بـــدري يا سامـي يا الصديق الغالي او بالاصح يا الجوكر

تسمر مكانه ولف ببطء وفتح عيونه على وسعهن وهو يبسر دانيال واقف قدامه مبتسم وجنبه علي واحمد همس بعدم تصديق: دانـــــــــيال


https://hottg.com/rewayatyamania/51645



📚 @rewayatyamania  🇾🇪

💔

بارتات يومنـا الخميـس 👆🏻😍

.

#انتظرونا غدا ومع آخر بارتات رواية

على كف القدر نمشي ولاندري عن المكتوب


.