.

البـارت 31 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


قد يَنكسر في النفس شيء لا يُجبره ألف أعتذار


أسيل التفتت لفراس وفارس: ذلحين وين مكان الشركة ما أعرفه او جبتم لي مكان ما أعرفه عشان تسبقوني

فراس: تعرفي مركز ال......

أسيل: ايوة ماله

فراس: بتمشي لآخر الشارع وبتلفي يمين بتشوفي الشركة قدامك على طول

أسيل: قريبة كنت أحسبها بعيده لو إن داري باكون أروح كل يوم أنكد على أيمن نص ساعة وأرجع

فارس: ههههههههههه معوضة

جت ريما: السلام عليكم

كلهم: وعليكم السلام

فارس: دق على خالد يجي

فراس: ذلحين انت من صبح مشغلني إتصالات عندك

فارس: لأن جوالي مكسور والا مش انا بحاجتك بخرج بعدين أشتري لي

أسيل: أيش رأيكم نطقم جوالات

ريما: أتقي الله جوالاتك إثنين عادهم كرت

فارس: جيبي لي واحد بدل ما تخليني أشحت من ذه إتصالات هههه

أسيل ترد على ريما: بيكونوا ضخمين لما نكون كلنا مع بعض ولفت على فارس الأثنين هدية والا ما يغلى عليك

فراس بفضول: ههه من من

أسيل: واحد من سام والثاني من أيمن ذلحين انت متى بتتصل

فراس: قد أتصلت وانتم جالسين تتشارعوا قال ذلحين بيجي

أسيل: فراس بتطقم معانا جوال

فراس: أكيييد

لفت على ريما: وانتِ

ريما: لا عاد جوالي جديد أشتريته قبل أسبوع

أسيل: طز وفرتي

جاء خالد وأتجهوا للسيارات

أسيل تسوق ريما جنبها وفارس يسوق وفراس جنبه وخالد يسوق ومجد جنبه

فراس يصيح لأسيل: راكنين عليك كما ههههه

أشرت له 👍بمعنى تطمن

صفوا السيارات جنب بعض وأنطلقوا كانت سيارة أسيل متقدمة وتمر من بين السيارات المزدحمه بمهارة وبعدها سيارة خالد وبعدهم فارس

أنتهوا من الزحمة وصلوا لشارع فاضي فصارت أسيل تسوق بشكل مموج قدام سيارة خالد عشان مايسبقها

مجد بذهول: وربي إنها مجنونة

داس خالد بغضب وتخطاها وصارت بعده وصار الآن هو اللي يسوق بشكل مموج عشان ما تتخطاه
ولما قد كانوا قريبين من الشركة باقي لفة بس أسيل بحركة جنونية دخلت من الخط العاكس ولفت بسيارتها لو تأخرت ثانيتين بس كانت بتصدمها سيارة جاية من الشارع المقابل

هنا فتحت ريما فمها بذهول كان بينهن وبين الموت شعره

وذي المره مش بس مجد أنذهل حتى خالد فتح فمه بذهول

خالد: سواقتها جنونية خااالص

فارس: أنت متأكد إن ذي أختنا اللي تسوق

فراس وهو فاتح فمه: ما أعتقد

صفت السيارة ونزلت هي وريما ونزلوا بعدها خالد ومجد وبعدهم فارس وفراس

تخطاهم خالد ودخل

فارس: هي هي وين رايح ياخبير ههههههههه

فراس: قلنا لك ما صدقت هههههههههه هههههههههه

@rewayatyamania المصدر الأول للروايات

دخلوا الشركة وهم لسى ما وقفوا ضحك وصلوا لمكتب أبوهم

الكل: السلام عليكم

أحمد: وعليكم السلام بدري

فارس: ههه السموحة يالغالي أيش نسوي

أحمد: خذوا الملفات من مكتب أيمن وراجعتوهم وانتن بتجلسين هنه او بتروحين معاهم

أسيل: بنروح معاهم

أحمد: طيب

خرجوا متوجهين لمكتب أيمن وأسيل تتفرج لتصميم الشركة ومكاتب الموظفين

فارس: فراس تعال معي ننزل ناخذ لنا قهوة من الكفتيريا اللي جنب الشركة ما تعجبني اللي يصلحوها هنه

فراس: طيب ووجه كلامه لأسيل وريما أسبقين انتن لمكتب أيمن ريما تعرفه

أسيل: خذولي معاكم

ريما: وانا كمان

فارس: طيب

وصلين لمكتب أيمن لقين أيمن جالس يشرح للسكرتيرة بملف وقدي قريبة مرة منه

أسيل للسكرتيرة: ليش أنتِ بعيدة قوي كذه أقربي أكثر عشان تسمعي سوى

ريما كتمت ضحكتها صميل

السكرتيرة قلبت عيونها: وانتِ أيش دخلش ناس فضولية وبعدين أيش ذي الهمجية ليش داخلات كذه

أسيل قرح فيوزها وراحت جلست فوق الكنب اللي بالمكتب: لا بالله إطرديني رحمتك ليش ماسكه نفسك إحضنيه أمانه ليش تحرمي نفسك انتِ وكيلو الطحين ذه اللي بوجهك والوان قوس قزح مش عارفه انتِ بشركة او انا لخبطت ودخلت قاعة عرس والعيب مش فيك في اللي يوظفوا مثل ذي الأشكال ولفت نظرها لأيمن اللي معقد حواجبه من هجومها

ريما فرطت ضحك بس بصوت مكتوم

السكرتيرة: مادخلش إختصي بنفسش ويله مقلع ناس همجية ما عندها ذوق

أسيل: دخلني ذه الباب اللي بتنقلعي منه للأبد يامحترمة

السكرتيرة: أستاذ أيمن بتتفاهم انت معاهن او أداعي الامن

أسيل بسخرية: جاوبها يا أستاذ أيمن

أيمن راح جلس بمكانه بهدوء: إخرجي وغلقتي الباب بعدك بخلص اشرح لك الملفات بعدين

فتحت فمها بصدمة وأسيل بانت أبتسامة الانتصار بعيونها وخرجت بقهر

أيمن: سلامات أيش جيتن تعملين او ضيعتين البيت

أسيل ساكته وتهز رجلها بقهر

ريما: جينا مع فراس وفارس قالهم أبي يجوا ياخذوا الملفات من عندك يراجعوهم

وبذه الوقت دخل فارس وبيده خمسه أكواب قهوة وفراس بيده صحنين حلويات

فارس بإستغراب: أيش فيها رنا كأن من أكلها طماش تتقارح باقي شوية وتبكي وهي كل مرة تكون الأبتسامة من الاذن للأذن

أنفجرت أسيل: روح صالحها بالله حرام تبكي

أنفجرت ريما ضحك وغطت وجهها بالمخدة حق الكنب من قوة الضحك اما ايمن أبتسم إبتسامة خفيفة من غيرتها




📚 @rewayatyamania  🇾🇪

.

البـارت 32 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


لا شيء يؤذي الروح أكثر من بقائها عالقة في مكان لا تنتمي إليه


فارس وهو يلفت لفراس: أيش في

رفع فراس أكتافه بمعنى مدري

ريما وهي تحاول تتمالك نفسها: فاتكم فاتكم قد مسحت بها أسيل البلاط عاد تشتيها تبتسم لك هههههههههههههههههه

فارس وفراس تحمسوا: أيش صار

حكت لهم ريما كل شي وهم تسدحوا من الضحك

فارس وفراس: هههههههههههههه هههههههههههههه

أسيل أخذت لها كوب قهوة باردة من اللي جابهم فارس وجلست تشرب تخفي قهرها

أخذ أيمن واحد من الملفات ورماه على فارس: جيتوا تضحكوا او تشتغلوا

حط فارس يده على انفه محل ماوقع الملف: أتقي الله يااخي عاد أنفي مكسور من بركات يدك

أيمن: تستاهل

وجه كلامه لريما وأسيل: وانتن مش ناويات تروحين

أسيل: لا بنجلس هنه وأحسب حسابك مداومة معك كل يوم

كتموا فارس وفراس وريما ضحكتهم

أيمن: براحتك وعاده أحسن

أنشغلوا فارس وفراس بالملفات وأيمن بملفاته

وريما جالسة تقلب بجوالها وأسيل متربعة فوق الكنب تشرب قهوتها بهدوء ونظرها مثبت بالأرض جالسة تفكر بشرود خلصت القهوة حقها وبقت تشفط الهواء من المصاصة ويطلع صوت لفتوا كلهم عليها وهي مش منتبه لهم أبداً

فارس لفراس: تتوقع وين قد وصلت

فراس: أتخيل أيمن قدو مقتول بأبشع صورة ممكن تتخيلها

شاف لهم أيمن بنظرة أخرستهم الأثنين

ريما: نصيحة مني لك يااخي انتبه تروح البيت روح أرقد اليوم عند واحد من أصحابك هههههه

أيمن وقد بدأ صبره ينفذ من إخوانه ومن ذي اللي جالسة تشفط ومش منتبهة لأحد بنبرة فيها حده: على فكرة قد خلص

أسيل ولا كأن حد يكلمها غارقة بأفكارها

أخذت ريما العلبه ورمتها

@rewayatyamania المصدر الأول للروايات

أسيل: ليش رميتي قهوتي

فارس وفراس خلاص ماقدروا يمسكوا انفسهم قرحوا ضحك وصفقوا بأيدي بعض

أسيل: مالكم انتم الثانين

ريما: لا سلامتك قد شفطتي العلبة شفط لو كانت تعرف المحكمة بتروح تشتكي عليك

حكت راسها بإحراج: ما أنتبهت

وزعت نظرها عليهم ووقفت عيونها بعيونه اللي يناظرها بنظرات غامضة

أسيل بملل: الساعة ١ متى بتروحوا

رجع فارس ظهره على الكنب: خلاص انتهى الدوام قوم فراس

فراس: هيا

ريما: أيمن بتروح

أيمن: باقي لي شوية شغل بخلصه والحقكم

أسيل: قول مش ساخي تروح والحالية اللي خارج زعلانه ليش عاد تكذب

أيمن ببرود: عندك إعتراض

أسيل: لا أبداً تتهنوا واذا تشتي باروح أشتري لك الآن ورد أحمر

أيمن: أسلمي بشتري بنفسي مايعجبها الا ذوقي

ريما قبل ما تخرج: ترحم على روحك ههههههههههه

فراس اتصل لأبوه

أحمد: الو

فراس: اهلاً

أحمد: خلصتوا الملفات

فراس: أيوة باقي الملاحظات والتعديلات بنجي بكرة نسويهن
المهم يابه

أحمد: أيش

فراس: فارس امس أنكسر جواله حول لنا فلوس بنشتري له ولي
  
أحمد: فارس أنكسر جواله وانت مادخلك

فراس بضحكة: مش احنا توأم ضروري نطقم

أحمد: طيب غلق بحول لحسابك ذلحين

راحوا لأقرب محل جوالات

وأخذوا لهم جوالات آخر إصدار نزل بالسوق

أسيل: وااااااو يجنن

فارس: أيوة صخم مرة

فراس: كم حق ثلاثة جوالات

صاحب المحل: .......$

فراس: طيب هات رقم إيداع المحل بحولها لحسابكم

صاحب المحل: 00000000000

أسيل خرجت جوالها: حاسب حق إثنين بس بحاسب حق حقي من حسابي

فراس: لا إعتبريه هدية مني

أسيل: يااخي خلني لأول مرة أحس بإحساس اللي يشتري جوال ههههه

فارس: أخ ياقهري وين ألاقي الناس اللي يهدوا كل اللي أعرفهم يشحتوا

أسيل: أرزاق أرزاق يااخي هههه


روحوا البيت تغدوا وطلعت غرفتها بعد ساعة وصل أيمن وهي دعممت تقلب بالجوال اللي أشترته

وهو الثاني دعمم وما تكلم

أسيل: بنسجل بكرة معهد إنجلش

أيمن: طيب محتاجة فلوس

أسيل: لا معي

سجلوا معهد مسائي هي وفارس وفراس

فكانوا الصباح يداوموا بالشركة والظهر يروحوا يدرسوا بالمعهد

اخر يوم من الدورة الأولى

أسيل: قسم إنكم حمير نقصتم ولسى بدورة الحروف والارقام كيف لما نتعمق بالسلسلة

فراس: اصااه بتنخط علينا ذلحين حين جاءت ١٠٠ ذه واحنا نقصنا درجتين بس كيف لو كنا جينا ٥٠

أسيل: ههههههههه بنخط ونص عندك مانع

فراس: شباب أيش رأيكم نمشي رجل الجو حلو ومنه نتمشى

أسيل: فكرة حلوة هيا

فارس: ياسلام عليك ياعيني والسيارة من بيرجع لها

فراس: حبكت ذلحين بكرة بنجي لها

فارس: من ذلحين حرام ما يرجعها غيرك

دهفه فراس: إمشي بس إمشي


أسيل بهمة: أوووف

فارس: مالك

أسيل: بكرة عرس صاحبة ريما قالت لي ريما أجي معاها وانا مافيني طافة

فارس: بدل ما أنتي تقولي لنا ذلحين كان قلتي لريما

أسيل: أستحيت ههه

فراس: خلاص هوص ولا كلمة تحملي نتائج حيائك ههههه

أسيل: أعوذ بالله منكم بدل ما تواسوني وتجيبوا لي طاقة إيجابية جالسين تتشمتوا

فارس: في هناك محل هدايا بتاخذي لها هدية او قد معك

أسيل: صح ذكرتني هيا هيا نروح

أشترت هديه وروحوا البيت





📚 @rewayatyamania  🇾🇪

.

البـارت 33 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


مرهقة الأشيآء التي تتغير فجأة بدون أي
مبررآت وبطريقه غير مفهومة


اليوم الثاني
نزلت أسيل من الدرج قدي جاهزه بتنتظر لريما

فارس حط يده على قلبه بإستهبال: قتلوني عيونها السود

فراس يكمل معه: ياليل ماله حدود

فارس: قتلوني قتلوني قتلوني عيونها السود

رمشت أسيل عيونها بدلع طبعاً كانت حاطط أيلاينر ومكحلة أطراف عيونها وممسكرة رموشها وعيونها سود مع صفاء عيونها فطلعين عيونها جذابات بشكل مش معقول

أسيل بدلع: قولوا ماشاء الله

فارس: ماشاء الله تبارك الله

فراس: أسكه إفتشي نشوف باقي الشياكة

فتشت أسيل وهي حاطه روج كبدي فصارت فتنه بجد

فارس: لذمتي بتروحي اليوم وبيجوا يخطبوك ههههههههههههه

أسيل ورته أصبعها الي فيها الدبلة: ما تشوف سع من دبلتي ههههه وبإستهبال أبعدها

فارس: هههههه هههههه أيوة واذا أحد طلب منك رقم امك او أبوك أعطيهم رقم أيمن

أسيل: هههههههههههه

دخلت عمتها: ماشاء الله أقري على نفسك يابنتي

نزلت ريما وراحين العرس وانقضى اليوم

@rewayatyamania المصدر الأول للروايات

في يوم كانت أسيل تذاكر بطفش سمعت إشعار رسائل بجوالها راحت شافت إنها يرجى الاتصال من ألماس

دقت لها أسيل: عذراً رصيدك غير كافي لإجراء هاذه المكالمة يرجى إعادة تعبئة حسابك

أسيل: اوف مالقي يخلص الا ذلحين

بذه الوقت دخل أيمن يدور ملف بإدراج الكامدينو

أسيل: أيمن معك رصيد

أيمن: أيوة

أسيل: جيب لي بأتصل رصيدي خلص

أيمن: خذي

أخذت الجوال ودقت على ألماس

أسيل: الو

ألماس: حيا رقم من ذه

أسيل: رقم أيمن مابش معي رصيد

ألماس: ياحمارة تدقي لي من رقم زوجك تخيلي قمت أغازله هههههه

أسيل: هههههه حلالك المهم أيش تشتي

ألماس: ولا شي طفشانه أيش مسوية

أسيل: نو ثينج الملل قاتلني متحمسه متى تخلص العطله ونشوف جو الجامعات

ألماس: صح أيش عاد قررتي تدرسي عادك حقوق او غيرتي رأيك

أسيل: لا عاده حقوق ما غيرت وانتِ

ألماس: جرافيكس

أسيل: حلو

ألماس: أيش عاد سويتي بالموضوع ذاك

أسيل بتهرب: خاطرك ريما تداعيني

ألماس: إهربي إهربي لكن سهل اللي مايجي بالرضى نجيبه بالصميل صبرك عليا

أسيل: هههههه طيب مع السلامة

ألماس: الله معك

غلقت المكالمة وتنهدت لانه لا ريما ولا حد يداعيها بس ماتشتيها تفتح الموضوع وهي صارت بكل مكالمة تذكرها فيه

أسيل بنفسها وهي تشوف لجوال أيمن اللي بيدها: أيوة ياولد عمي نبصر إن في معك حركات
فتحت على أخر مكالمات
سعد
خالد
ماجد
مهيوب
محمد
في نفسها يازعم لو في معه أرقام بنات بيجي يسجلهم بأسمائهم بشوف مدة المكالمات

أسيل: امممممم مافي شي مثير للشك أطول مكالمة دقيقتين

أسيل: اوك نشوف الوتس ومواقع التواصل البقية
الوتس براءة التلي براءة أنستا براءة فيس براءة تويتر براءة

ضروري ما الاقي زلة مستحيل مايكون فيه شي
اوك ندخل المذكرة
دخلت المذكرة
فتحت الملاحظة الاولى

يالحماقة الانسان حينما يتسرع يخطو خطوات كبيرة معتمد على دلائل بسيطة قد يخسر فيها قلبه ويؤذي غيره إثر حماقته وتسرعه..

لقد وصفني الكل بالتأني والتأكد من المصادر قبل خوض أي خطوة في حياتي لقد كنتُ فخوراً دائما لاني لا أخوض حرباً الا وكنت منتصراً ولكن عندما كان الاختيار يحدد مصير حياتي وسعادتي وراحة قلبي وجدت نفسي ساذجاً أخطو خطوات لا يمكن الرجوع منها تقودني ساعة بيضاء يالحماقتي حقاً أذيت نفسي وأذيتها أود ان أقضي حيرتها التي ترميني بها بنظراتها ولكني أعجز هل أخبرها ان عنائها وحيرتها بسبب غبائي او بسبب الساعة البيضاء التي رسم داخلها اول حرفٍ من أسمها هل ألوم نفسي او ألومها ولكني صدقاً مابيدي حيلة إنه القلب وما هوى وليت قلبي خاضعاً لإرادتي

كان تاريخ المذكرة قبل سنة وشهرين

عقدت حواجبها مش فاهمه شي


الحمد لله الذي بنعمته تتم الصالحات في هذا اليوم المميز عقدت قرآني على من أسرتني بعيناها كنت أتمنى أن أحظى ولو بنظرة من عيناها تلك التي حرمتني نومي ولكن نشاء ويحكم علينا القدر بما يشاء

كان بتاريخ عقد زواجها قبل سنه ونص

المذكرة الثالث
طحت أسير عيناها البنية ذات الرموش الكثيفة
عبت الحب من أول نظرة وهاانا أسرت في عيناها وليتها تدري ما يلم بقلبي او تشعر

شافت التاريخ قبل سنتين وأشهر
عقدت حواجبها بإستغراب عيون بنيه بس انا عيوني سود اذا كان يقصدني

المذكرة الخامس والسادس والسابع والثامن والتاسع والعاشر ..........إلخ

كانت كلها أشعار وغزل بالعيون البنية اللي أسرته وحرمته النوم

آخر مذكرة بالقائمة فتحتها كانت قبل سنتين و٤ أشهر بالضبط

محتواها كان
..................

كملت تقرأ وحطت يدها على فمها بصدمة وبهمس ألماس

ليش الا ألماس

حطت الجوال على الكومدينو وانسدحت على مخدتها تبكي خيبتها  حظها اللي حطم لها قلبها
حست فيه دخل شدت على اللحاف وسوت نفسها نايمة

https://hottg.com/+Ecxq_OzMYh40M2E0




📚 @rewayatyamania  🇾🇪

.
بسم الله الرحمن الرحيم

البـارت 34 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


كن على يقين أن وراء كل حقيقةً ستكتشفها سيتحطم قلبك بالطريقه التي يستحيل أن يعود كل شيء كما كان


اليوم الثاني
صحت بعد مارح تحس بصداع شديد أنصدمت صدمة عمرها شيء لم يكن حتى بآخر توقعاتها تحس نفسها أنذبحت من الوريد للوريد

المساء أستجمعت نفسها ضروري ما نواجه لمتى الهرب دقت عليه

أيمن: الو

أسيل: هلا وينك

أيمن: خارج شوية وبوصل

أسيل: طيب منتظرتك بالبلكونة تعال

أيمن: طيب

وصل شافها جالسه بواحدة من الكراسي وقدامها قلصين قهوة تشرب والثاني مطروح امام المقعد الثاني

أيمن: السلآم عليكم

أسيل: وعليكم السلام

أخذ قهوته يشرب بهدوء منتظرها تتكلم

أسيل: قبل فترة طلبت منك تصارحني وقلت لي أبشري

أيمن شد على قهوته مش مستعد يأذيها أكثر مما قد أذاها

أسيل بهدوء: من يلي شفتها وحسبتها أنا وجيت تخطب؟

رفع عيونه لها بصدمة أيش عرفها: كيف عرفتي

أسيل: مو مهم جاوب

أيمن خرج سجارة وولعها: ما أدري

أسيل: وين شفتها

أخذ نفس من السيجارة وزفر: دام عرفتي ما عاد في داعي نلعب على بعض ونمثل الورق أنكشفت

أسيل: تكلم أسمعك

أيمن: قبل سنتين او يمكن أكثر بعيد الاضحى لما نزلنا عندكم تعز

@rewayatyamania المصدر الأول للروايات

تعالوا نروح لذاك الوقت

الشباب مجتمعين بمجلس الرجال والبنات بمجلس النسوان

أيمن دق جواله أستأذن وخرج يجاوب دخل سيارته عشان يأخذ راحته

أسيل دق جوالها وكانت ألماس

أسيل: وينك متى عاد بتجي

ألماس: تعالي انا بالحوش حقكم وجبتي الروج الزهري اللي أشترينا منه مع بعض حقي أنكسر

أسيل: طيب أدخلي ليش خارج

ألماس: لا تعالي لهنه

أسيل: طيب

لبست عبايتها عشان اذا صادفت بالغلط واحد من عيال عمها وتلثمت بطرحتها وأخذت الروج ونزلت لعندها

ألماس: يا حمارة ضروري عاد أقلك جيبي مراية كيف بسويه

أسيل: والله يااختي ماحد قلي والا كنت بفتح لك هنه صالون كامل وبعدين ليش ماتطلعي غرفتي تخلصي لمساتك وتنزلي بدل ما عذبتيني البس العباية واطلع لفوق وارجع انزل

ألماس: هههههه تعبي راحه والا عندك كلام ثاني المهم ذلحين  أطلعي جيبي مرايه سريع

أسيل بسخريه: الله المستعان بيكون عندي كلام بعد كلام وحرام ما ادي خطوة تعالي سوية بمراية السيارة ذيك

ألماس: مجنونة واذا خرج حد من المجلس

أسيل: ماحد بيخرج حتى لو خرج قدك بلثامك بتنزليه على طول

ألماس: طيب

وراحت تسوي الروج بالمراية حق السيارة اللي كانت مع الأسف سيارة أيمن طبعاً ما شافته لان السيارة معكس

خلص أيمن مكالمته واجا بينزل أنتبه على اللي جالسة تسوي الروج أنفتن فيها وبعيونها البنيه وإبتسامتها وهي تسوي الروج كان واضح انها تكلم حد وراها بس مايسمع ايش تقول او من تكلم
دقق فيها يشتي يشوف حاجه تميزها مالقى غير الساعه البيضاء اللي على معصمها مرسوم داخلها حرف A

كملت تسوي الروج وراحت التفت بيشوف وين بتروح شافها هي وبنت ثاني لابسه كمان عبايتها ومتلثمه بطرحتها ما أهتم بالثانية كل همه الآن يعرف من تكون ذي اللي فتنته وراحت.. تابعهن بنظراته لما دخلين
فيلة عمه
دق على ريما
ريما: الو

أيمن: ريما بيدخلين بنتين ذلحين في واحده بيدها ساعة بيضاء من هي

ريما: شهقت أيمن من متى تشوف للبنات

أيمن: هيا مش وقت لقافتك

بذي اللحظة دخلت أسيل وشافت الساعه البيضاء بيدها

طبعاً ألماس لسى كانت بالممر تعدل لبسها مادخلت

ريما: أسيل ليش مالها

أيمن: روحي شوفي في بداخل الساعة حرفA

راحت مسكت يد أسيل وشافت الحرف

ريما: ايوة هي ليش

أيمن: ولاشي وانتبهي تقولي لحد اني سألت عليها وغلق

ريما: شافت الجوال ماله ذه


عودة للوقت الحاضر

أيمن: وذي كل القصه كيف صار وكان انتي اللي فوقك الساعة ما أدري

طبعاً هي كانت عارف بكل القصة قرتها بمذكرته بس كانت تشتي تسمعها من لسانه


أسيل وهي تبتسم بوجع مدت له يدها اللي لابسه فيها نفس الساعة: مع الأسف من سوء حظك ما كانت واحدة اللي لابسة ساعة بيضاء بوسطها حرفA كانوا ثنتين

شاف ليدها وكمل يدخن سجارته وهو يشوف للافاق

أسيل: تشتي تعرف من يلي شفتها

أيمن: لا أيش يفيد

أسيل: عشان تصحح غلطك وذي المرة بجيب لك دلالة واضحة عشان ماتغلط مرة ثانية

أيمن: حتى لو عرفت من تكون أيش يفيد دام على ذمتي غيرها

أسيل تحاول تكابر: مثل ما انوجد الزواج انوجد الطلاق ليش تعذب نفسك وانت تحاول تتقبلني وتعذبني معاك كل واحد يروح بطريقه وانت عارف انه مستحيل قلوب تنجبر على بعضها

أيمن: أدري

أسيل: طلقني

أيمن: لا

أسيل: عذبتني معك كثير يا أيمن ريحني وأرتاح

سكت وما رد

أسيل: ظلمتني معك طول الوقت أسأل ايش سويت لحتى تعاملني بذه البرود ليش مش متقبلني شككتني بجمالي وجعت لي قلبي بسك ظلم ريحني وريحت نفسك

أيمن: أنتِ طالق

أخذ نفسه وخرج من الفله بأكملها




📚 @rewayatyamania  🇾🇪

.

البـارت 35 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


_لا أحد يفهم معنى أن تقابل الصدمات بصمت تام، أن تبتسم في المواقف التي تستدرجك للبكاء، لا أحد يفهم معنى أن تحترق بداخلك وأنت في قمة الثبات._


_إما أن أحتل العرش أو اخلع التاج وأمضي🖤



أنهارت تبكي وبعدت الساعة اللي فوق يدها ورمتها للجدار لما تكسرت
الساعة اللي بسببها تدمرت حياتها ووصلتها لمكان مش مكانها

ساعتين نفس الشكل ساعة ألماس كانت شاهده على قلب تعلق بصاحبتها

وساعتها كانت شاهده على دمار قلبها وتحطمه
بكت وجعها وقهرها الشخص اللي حبته بكل جوارحها طلع ملخبط بينها وبين أعز صديقاتها صديقة طفولتها بس ما بتكون أنانيه وتوقف بطريقه وتجلس معاه وهي تعرف انها غلطة ومستحيل يتقبلها بيوم من الأيام وبكل الاحوال القلوب ما تنجبر على بعض الله يسعده ويعوضها قلبه

لملمت نفسها وراحت تجمع أغراضها بألم خلصت مع أذان الفجر راحت توضت وصلت ودموعها تنزل رفعت أيديها للسماء يارب كن مع واسعدني وارح بالي يارب أجبر قلبي وانزع حبه من قلبي وريحني يارب أسعدني وأسعده بالطريق اللي أخترناه

كملت تصلي انتظرت لما خلصت الصلاة بالمسجد اتصلت على فراس

فارس بروقان: ياصباح اللي مشقرة فلي

أبتسمت وبصوت مبحوح من قوة البكاء: ياصباح الروقان فارس دق على صاحب الباص اللي ينزل تعز وقله يمر علينا وجهزت نفسك بتجي معي

فارس: أصبحنا وأصبح الملك لله أيش حصل

أسيل: أقطب ذلحين بقلك بالطريق

فارس: ايمن يدري

أسيل: أيوة

فارس: طيب

أتصل لصاحب الباص وراح بدل ملابسه وراح غرفتها

أسيل: نزل الشناط سريع قبل ما يوصل الباص

فارس: وين أيمن

أسيل : ما أدري

نزل الشناط وبعد ربع ساعة وصل الباص على جية عمها من الجامع تاخر يقرأ قران

أحمد: أيش في خير

أسيل راحت باست راسه: كل الخير ياعم جبنا لبعض فرصة وكمان ما سدينا ولا تنسى انك وعدتني تخلينا على راحتنا

أحمد بقلة حيلة حضنها: الله يسعدك يابنتي والله انه ضيع من يده جوهرة ثمينة

شافت فراس اللي واقف خلف عمها بدون أي كلمة

راحت حضنته بدون اي كلمة وخرجت ركبت الباص جنب فارس حطت راسها على الزجاج وجلست تشوف الطريق ماحب فارس شافها متضايقة ماحب يصغط عليها خلها براحتها شوية وغطت بنوم

@rewayatyamania المصدر الأول للروايات

عالمغرب وصلوا تعز نزلت ونزل فارس الشناط ونزل بعدها دخلت حوش فلتهم المرة ذي شعورها غير وهي تدخلها مو مثل كل مرة

لفت على فارس أسيل بإحراج: ههه تعبتك معي هات شنطة أساعدك

فارس: تعبك راحه كملي تأملي كملي كأن اول مرة تشوفي فلتكم

أسيل: ههههههه لا الشعور ذي المرة غير

فارس: على فكرة وعدتيني بتحكي لي بالباص ومانسيت

أسيل: ههههههههه ولا تزعل أبشر بحكي للكل مش لك بس عموماً بارك لي تطلقت

فتح فارس فمه: أييييش

أسيل: يب يب وعلى فكرة أشتي هدية بذي المناسبه هههههه

فارس: أعتقد اللي تتطلق تقلب الدنيا مناحة مش تجلس توزع ضحكات

أسيل: ههههههههههه ذه كان زمان كانين هبل مش ذلحين وليش تقلب الدنيا مناحه أو انتهت الدنيا بطلاقها تعيش وتتعلم والحياة إيزي او بتموت بدونه مثلاً او الحياة ماهي سابرة الا بزوج

فارس: تعجبني ثقتك بنفسك الله يسعدك

أبتسمت أسيل ودخل هو من المجلس وهي من الباب الرئيسي

أسيل: يا أهل الدار أين انتم
شافت أحلام جالسه بالصالة

أحلام: حيا حيا نورتي وراحت حضنتها

أسيل: ههه أدري امزح بنورك ياقلبي

شوية وخرجوا محمد وسام من المجلس بعد ما سمعوا صوتها

حضنها أبوها: حيا بفلذة كبدي

بادلته الحضن وباست راسه

فلت لها أبوها وراحت بكل قوة قفزت وحضنت سام لما رجع ورى ودفنت وجهها بكتفه وبكت

شد عليها بقوة وبعد ماحس انها تبكي همس لها بإذنها ماعاش اللي يبكيك وانا حي
جلسها فوق الكنب ومسح دموعها

سام: مالك أيش سوا لك برجع لك حقك مثني ومثلوث

أسيل وهي تمسح دموعها: ولا ولا شي بس أشتقت لكم وبالمناسبة تطلقت

سام: مقلع بستين داهية بس ليش

أسيل: ما اتفقنا فكل واحد راح بطريقه

سام وهو يفتش وجهها: ما سوا لك شي لا تخافي تكلمي برجع لك حقك وزايد عليه

أسيل: هههه لا تطمن ما سوى لي شي ليش يسترجي وانت أخي

محمد: ما اتفقنا ذي ما دخلت راسي بس بخليك براحتك متى ما تشتي تتكلمي تتكلمي والبيت بيتك وملجأك وانا حي او ميت واذا في حد غلط عليك لا تخافي أشري بس وبجيب لك هو لتحت رجلك ماعاش االي يبكيك وانا حي

أسيل بإبتسامة فخر: الله يطول بعمرك ويسعدك ماحد يسترجي يلمس شعره من راسي وانتم سندي ربي يخليكم لي ويحميكم

سام: إطلعي إرتاحي بتكوني تعبانه من السفر وانا بطلع لك شناطك

أسيل: تمام

طلعت الدرج وهي مستوحشة البيت بدون أمها تجاهلت الشعور وكملت

طلع لها الشناط

أسيل: يسلمو خيو ههههه

سام: الله يسلمك خيتو هههه وعلى فكرة معانا جلسة مطولة بس مش ذلحين لما ترتاحي

أسيل: طيب ولا يهمك

تحممت وصلت المغرب والعشاء ورجعت نامت من الأرهاق


https://hottg.com/+Ecxq_OzMYh40M2E0



📚 @rewayatyamania  🇾🇪

.

البـارت 36 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


مرهقه آلأشيآء التي تتغير فجأه بدون أي مبررآت وبطريقة غير مفهومة


صباح اليوم الثاني
قامت بنشاط صلت ولبست بنطلون جينز أبيض مع جرام ابيض داخلي وفنيلة أبو جناح
نزلت تتقفز من الدرج مثل الاطفال

لقت ابوها وسام بالصالة
أسيل: صباح الخير للحلوين وراحت باست راس ابوها وجلست جنب سام وحضنت يده

أبوها وسام: صباح النور

أسيل فزت وكأنها تذكرت: وين فارس نسيت اني نزلت معاه

سام: ههههههههههه بدري عليك طالع بغرفته بيكون ذلحين محرج مش ساكي ينزل من أحلام خذي فطور واطلعي أفطري معاه

أسيل: ايوة صح وينها احلام

سام: بالمطبخ تجهز فطور

أسيل: ليش وينها خالة فاطمة ماعاد تداوم؟

سام: لا أستقالت من بعد موت امي الله يرحمها

أسيل: الله يرحمها واحلام ماسكة الفلة بكلها تعب عليها كم بيكون جهدها تطبخ والا تنظف والا تغسل دوروا حد بدال خالة فاطمة

سام: أحلام تطبخ بس في عاملة تجي تنظف وتمسح

أسيل: حلو باروح أساعدها

راحت ساعدت احلام ببقية الفطور وأخذت فطور لها ولفارس واحلام قدمت لعمها وسام

طلعت اسيل بدفاشة فتحت الباب وزبطته برجلها: ياصباح اللي مشقرة فلي

فز فارس اللي كان صاحي وجالس يقلب بجواله من الملل: يا صباح الروقان

أسيل ضحكت لانه امس هو قالها كذه وهي قالت له ياصباح الروقان: هههههههههههههه الليل قوم إفطر ميته جوع من امس ما اكلت حتى انت من بخلك ما غديتني امس

فارس: اليك والخرط منو اللي مارضي ينزل من الباص ويقلد صوتها مااشتيش وربطتيني جنبك رجع واحد من الراكبين تصدق عليا وراح أشتري لي سندويتشات والا مش كذه بس نست اني جيت معاها بتقول بعشي ذه المسكين لا طلعت تنام ولا كأني موجود وخلت سام يجيب لي عشاء وانا أستحيت وما اكلت

أسيل: هههههههههههههههه هههههههههههههه أكلتني بقشوري

فارس وهو ياكل: قهرتيني يااختي عاد العتب لك

أسيل: كل كل جعل ما ياكل غيرك هههههههههه

فارس: أيش القصة ذلحين

أسيل: ههههه ماسدينا

شاف لها فارس بنص عين: بتتحاكي او بتتحاكي

أسيل: ههههه ياسعم ذلحين خيرتني المهم القصة وما فيها شاف وحده واعجبته وحسبها انا تزوجني وطلعت مش هي ولما دريت قلت له مقلع روح دور اللي شفتها

فارس: ياعيني وطلع ايمن حق شوفات وحب وإعجاب وانا اللي احسبه مغمض

أسيل: هههههههههه فاتك يااخي ماحد مغمض غيري

كملوا يفطروا أخذت الصحون بتنزلهم

فارس: وي وي وين بتروحي وانا اجلس اليوم هنه محبوس

أسيل: هههههههه إصبر لا يقرح لك عرق بنزل اشوف لك طريق

فارس: إقطبي

نزلت شافت ابوها قد مشي وسام منتظر لأحلام عشان يمشوا مع بعض الجامعة

أسيل: سام قدك مستوى خامس صح

سام: ايوة

أسيل: عقبى ماأشوفك اكبر دكتور بالجمهورية

سام: آمين وانتِ اول مريضة عندي ههههههههه

أسيل: قد حرمت وسلمت من التعب ههههههه

نزلت أحلام

أسيل: ذلحين بتخلوني وحدي هنه

سام: بتجي معانا

أسيل: لا مافيني طاقة على جو الجامعات بخرج مع فارس

سام: طيب يله مع السلامة

أسيل: الله معاكم

@rewayatyamania المصدر الأول للروايات

جلست أسيل بالصالة ودقت على فارس

أسيل: انزل ماعاد بش احد

فارس: طيب

أسيل: فارس مشتهيه لقيمات تعال نسويهن مع بعض

فارس: يله

دخلوا المطبخ سوت العجينه حق القيمات وجابتها لفارس: شوف غطس الملعقة كذه بالزيت وسكبت شوية من العجين وطرحتها بالزيت

فارس: هاتي

جابت له وراحت تسوي الشيرة

خلصت تسوي الشيرة ورجعت شهقت: فارس أيش ذه الواحده سع راسك

فارس: انتي قلتي لي اسوي للمعلقة

ماقلت مليناتها قلت تسوي نقطة صغيرة وهي تنتفخ لاغير سهل هات باقي العجين وذين حرام ماياكلهن حد غيرك

فارس: هاتي ياسعم بيدخلين بطني سلمات سوي لهن شيرة وجلس ياكل

كملت العجينة وخلتهن لما صار لونهن ذهبي وطلعتهن وسوت لهن شيرة سوت لها شوية منهن لصحن وغطت الباقي وجلست فوق الطاولة جنب فارس

أسيل: ههههههههه كيف الطعم

فارس: يجنن هههههه

أسيل دقت على سما ورفعت السبيكر وخلته فوق الطاولة وجالسه تاكل

سما: الو

أسيل: حيا كيفك

سما: الحمد لله انتِ كيفك

أسيل: اجنن

سما: قدك كذه خلقة مش ناقصة جنان

فارس: هههههههه كفك من بعيد يا خيتو

أسيل: هههههههههه سما احزري وين انا

سما: وين

أسيل: بتعز

سما: هاهاها مره تضحك بتعز وصوت فارس جنبك

أسيل: ليش او رجوله مكسرات مايعرف ينزل ههههههههه

سما: ههههه هيا صدق وينك

اسيل: وربي بتعز وبمطبخنا جالس أكل هههههههه

سما: بربك

أسيل: والله

سما: حلو ٥ دقائق واني عندك وربي لو انتي تكذبي لا امسح بك البلاط

أسيل: ههههههه تعالي تعالي


ربع ساعه وسمعت سيارة سما تزمر للحارس يفتح لها

دخلت للمطبخ لقت أسيل قدامها

أسيل: حيا حيا بأم أسيل

حضنتها سما: أشتقت لك يادبة

أسيل: والله يااختي ماحد دب هنه غيرك ههههه

سما: هانت باقي أيام الله يسهل لي وبرجع رشيقه انحف منك

أسيل: هههههههههههه سهله




📚 @rewayatyamania  🇾🇪

.

البـارت 37 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


_ونحن الذين تقوم القيامة بداخلنا ولا يظهر على ملامحنا سوى الأتزان
سلاماً علينا حتى يفنى السلام...

فارس: على فكرة انا هنه او ما تشوفيني

سما: هههههههههههه الله المستعان انا ما أشوفك وراحت تسلم عليه

جلست سما مقابلها وهي تاكل من اللقيمات: ايوة كيفلك هنه

أسيل بضحكة: طلقت أيمن هههه

سما: هههه مش وقت سماجتك صدق

أسيل: الصدق هو طلقني هههههه

سما: أشتي اعرف وين كنتي لما ربي وزع العقول أستغفر الله بس هيا

أسيل: وربي ما امزح تطلقت

شافت لفارس اللي جالس ياكل: فارس كيف لكم نزلتم

فارس: نزلت أسيل تطلقت

سما: ذلحين من جد تتكلموا

أسيل: يس

سما: طيب لييش

أسيل: ماسدينا

سما: كل الازواج يصير بينهم مشاكل مابتنهدم علاقتهم بالعكس تقويها

أسيل: يااختي ما سدينا وخلاص ضروري اجلس اعل نفسي بصورته خليني افتك هههههه

فارس: ههههه على فكرة اخي هو

أسيل: أسكت انت لا العن سابع جدك هههههه

فارس: على فكرة جدي السابع هو جدك

أسيل: هههههه صح قد كنت نسيت

سما: ما اعرف ايش اقول غير الله يسعدك

أسيل: آمين واياكي وبضحكة سما تتذكري لما حطينا لك بسباس وسط اللقيمات ههههههههههههه

سما: تف عليك ضروري تذكريني بمأساتي بذه المكان هههههه

أسيل: قد كنت بسوي ذلحين بس عشان أسيل الصغيرة هونت ههههه

سما: ذلحين من قلك اني معي بنت على فكرة عندي ولد

أسيل: اووف خساره أيش بتسموه

سما: شامخ بيقول بيسميه شاهين

أسيل: حلو ذلحين وينه

سما: بشغله وانا كنت بالجامعة سويت توقيف قيد بوقف ذي السنه لاني على وجه ولاده بواصل من السنه الثانية

أسيل: ياهبلا باقي لك ترم بس ليش وقفتي كنتي دهفتيه

سما: درجاتي كلهن إمتياز أجي لآخر سنه واطحس عيب بحقي

أسيل: فارس أيش رايك تستقر هنه عندنا وندرس جامعة مع بعض

فارس: لاع ما افلت توأمي

أسيل: سهل لنا الله ههههههههه

كملوا يسولفوا شوية وخرج فارس
وسما وأسيل قامين يصلحين الغداء
.
.

اليوم الثاني
صلت وراحت لغرفة فارس

فارس: أدخلي

أسيل: صباحو

فارس وهو يمشط: صباح النور

خلص يلبس وراح ضمها: مع السلامه ياغالية

أسيل: الله معك أستودعتك الله

وصلته للباب ودخلت شوية ونزلت أحلام صلحين الفطور والكل توجه لدوامه

دقت على ألماس

ألماس: صباحو للحلوين

أسيل: صباحو وينك

ألماس: اتجهز بروح المعهد دعواتك اليوم معانا إمتحان

أسيل: موفقه ورجعتي لعندنا انا بتعز

ألماس بصراخ: بربك

أسيل: والله

ألماس: من متى

أسيل: من يومين

ألماس: تف عليك لسى تذكرتي تقولي لي

أسيل: ههههههههههههه تعالي تعالي معي لك أخبار قوة

ألماس: ايش رأيك أسحب على الامتحان هههههه

أسيل: تشتي خالتي ندى تسحبك من شعرك هههههههههه

ألماس: يله باي جهزي لي ضيافة ههههههه

أسيل: وانتي جايه أشتري لي ولك ههههه
.
.

نروح لصنعاء من لما خرجت منها أسيل مارحنا

بعد ما راحت أسيل فوق الفطور

ريما: وين أسيل وفارس

أحمد: نزلوا تعز

خديجة: أيش في

أحمد: إبنك المحترم طلق زوجته وفارس نزلها

شهقت وحطت يدها على فمها: ليش

أحمد: ما ادري أسالي أبنك ورجعتي قلتي لي

شوية ودخل أيمن وعيونه حمر من السهر

أيمن بهدوء: السلام عليكم

الكل: وعليكم السلام

أيمن: ريما قومي قولي لأسيل تنزل بوصلها

أحمد: أسلم مش هي بحاجتك قد سافرت مع فارس

خديجة: أيمن ليش تطلقتوا

أيمن: ما اتفقنا قال كلمته وطلع

أحمد: هه نفس إجابتها مع إني متاكد إن الغلطان إبنك بس وعدتهم اني ما اتدخل وانا عند وعدي رجال كبير وعاقل ماعاده صغير بيحتاج توجيه
كمل كلامه ووقف وخرج

فراس اللي كان ساكت وما نطق بكلمة وقف: الحمدلله وتبع ابوه

خديجة اللي تشوف بعدهم بهدوء: الحمدلله

مابقي غير ريما أخذت ملازمها وراحت جامعتها

عند أيمن دخل أرتمى على سريره وما صحى الا مغرب صحى والصداع يشق راسه شق راح اخذ له بانادول وصلى الصلوات اللي فاتنه وهو نايم لفت إنتباهه ورقه مطروحه فوق التسريحه راح فتحها

مكتوب فيها
ألماس سعيد .............
العنوان: ..............
رقم أبوها: ٧٧######
عندها شامه خفيفة أسفل فمها

تأكد ذي المرة انها هي
عقد حواجبه العنوان نفس عنوان بيت عمه معناه انهم جيران
.
.

نرجع لتعز
ألماس دخلت: يا أهل الديار أين أنتم

أسيل صيحت لها من المطبخ: تعالي انا هنا

راحت لها ألماس وحضنتها بقوة ودارت معاها

ألماس: أشتقت لك يا كلبة

أسيل: وانا اكثر..تعالي غرفتي

ألماس: هيا

ألماس رمت بملزمتها على الكنب ونطت تربعت على السرير: ايوة قولي لي كيفلك نزلتي

أسيل أشرت على أصبعها بشكل وهمي ورمت للزبالة

ألماس: أيش وبصراخ: تطلقتي

أسيل: يس

ألماس: ليييييش

أسيل: كلهم أقلهم ما اتفقنا الا انتِ بقلك الحقيقة لانها تهمك طلع الاخ ملخبط فيني وبوحده ثانيه بتعرفيها قريب

ألماس: وانا بأيش تعنيني

أسيل: بعدين بتدري المهم كيفك


https://hottg.com/+Ecxq_OzMYh40M2E0



📚 @rewayatyamania  🇾🇪

.

البـارت 38 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


ألماس: بخير بشوفتك وراحت حضنتها مرة ثاني طز فيه ياقلبي أهم شي راحتك

أسيل: اكيد وراحت اخذت ملزمتها كم دورة قد اخذتم

ألماس: ٣ وبكرة بندخل الرابع

أسيل: باجي بكرة بسوي تحديد مستوى وادخل معك

ألماس نطت: وربي جنه أشتقت للدراسه معك ههههه

كملوا سوالفهم وروحت المساء

بالمساء سام سوى رسالة لأسيل: تعالي انا عند المسبح

لبست جاكيت ونزلت لان الجو بارد

أسيل وهي تجلس جنبه: هلو

سام: حيا

عم الصمت دقائق

أسيل: امممممم أيوة أيش تشتي

سام: منتظر تتكلمي

أسيل مسوية نفسها ما فهمت: هههه أيش أتكلم

سام شاف لها بطرف عينه: انتِ أخبر

أسيل: ههههههه لا عاد تبصرلي كذه تتذكر لما خطبني أيش قلت لي قلت ايمن إذا حب يحب حب تملك ومستحيل يحب غيره او يتركه

سام: ايوة وانا مستغرب انه تغير شكلي ماعاد أعرفه

أسيل: لا ما تغير بس كان بيتغير على شانك

سام: كيف

أسيل: البنت اللي شافها وحبها مش انا ألماس كانت لابس نفس ساعتي ولما سأل ريما عن اللي لابسه ساعة بيضاء قالت له أسيل بس اللي شافها ألماس وكان مستعد يستمر معي عشانك انت مايشتي يجرحك بتطليقي بدون سبب ولما عرفت طلبت الطلاق

ضمها سام من كتفها: الله يسعدك طول عمرك عزيزة ما تقبلي تنفرضي على حد رغم اني عارف انه صار كل شي بحياتك ورغم ذه ماقبلتي تظلي معه

ركت راسها على كتفه وسمحت لدموعها تنزل بهدوء

أسيل: سام

سام: عيونه

أسيل: لا تنهي صداقتكم بسببي ظلوا أصدقاء مثل قبل

سام: يصير خير

@rewayatyamania المصدر الأول للروايات

ومن يوم ثاني سجلت أسيل وصارت تداوم مع ألماس


بعد أسبوع ولدت سما

أسيل: يالبي ما اشفقه يجننن

سما: هاتي أشوفه

أسيل: ماعه قول لها بجلس مع خالتو

سما: الله يعينني من ذلحين ماحد بيفسده غيرك

أسيل: إذا طلع لي إحمدي الله وبستي يدك فوق وتحت

أسيل: متى بتخرجي

سما: ماادري

أسيل: بتجي عندنا او بيت عمك

سما: بيت عمي افضل لسى ما أعرف أمسكه ما بعرف أهتم فيه ونزلت دموعها لانها تذكرت امها

أسيل الثانية كابرت دموعها: حلو وانا باكون اجي عندك لما أخرج من المعهد
.
.

بعد شهرين كانت تذاكر عندهن إمتحان نهاية الدورة

اسيل في نفسها تف عليك يا ألماس ليش ماجيتي نذاكر مع بعض

سمعت جوالها يدق راحت تشوف من أنصدمت أيييييمن

عدلت صوتها وجاوبت: الو

أيمن: السلام عليكم

أسيل: وعليكم السلام

أيمن: كيفك

أسيل: بخير ببعدك

أيمن: حلو ممكن طلب أخير

أسيل: تفضل

أيمن: ألماس جارتكم صح

أسيل: أيوة وأبشرك البيست فريند أروح اخطبها لك

أيمن: خطبتها ورفضت إقنعيها

أسيل: اهااااا أبشر

غلقت وشافت لتلفونها بوجع: يالسخرية القدر اللي كان زوجي يطلب مني اقنع صاحبتي عشان تتزوجه

لبست عبايتها وتلثمت ونزلت: أباااااه باروح عند ألماس

محمد: طيب

وصلت سلمت على أمها

ندى (ام ألماس): حيا الله من جانا

أسيل: الله يحيك ياخالة وين ألماس

ندى: فوق بغرفتها

أسيل: باروح عندها نذاكر

ندى: الله يوفقكن

طلعت فتحت الباب وزبطته: سلم نفسك انت محاصر

ألماس: تف عليك أعتقد الناس عاد يدقوا

أسيل تجاهلت وراحت أخذت كرسي التسريحة وجلست: سمعت إنك رفضتي

ألماس: عرفتي من العريس

أسيل: أيوة ليش ترفضي

ألماس: ياهبلا العريس أيمن أيمن

أسيل: أدري ليش رفضتيه

ألماس: مجنونة أنتِ أيش اللي بيخليني اوافق على طليق صاحبتي

أسيل: قلت لك من قبل او لا انه لخبط فيني وفيك

ألماس: ليش وين شافني لحتى يلخبط بيننا

أسيل بضحكة: هههههه فاتك ماقلت لك وين شافك

ألماس: لا وين

أسيل: تتذكري بعيد الاضحى مش اللي مشي ولا اللي قبله اللي قبله لما كانوا بيت عمي عندنا وانتِ كسرتي الروج حقك وجيتي تسوي بحقي

ألماس: أيوة أيش صار

أسيل: تتذكري السيارة اللي سويتي الروج بمرايتها

ألماس: مالها

أسيل: كان داخلها هههههههه

ألماس: يافضيحتي

أسيل: المهم ذلحين أيش مبررك عشان ترفضيه وانتِ عارفه بالقصة

ألماس: كذه مستحيل أقبل فيه

أسيل: بغض النظر انه كان زوجي بيوم من الأيام إعتبريه انه إبن عمي وبس إعتبري انه ماوقعت الخلبطة وخطبك هل كنتي بتوافقي

ألماس: ما ادري

أسيل: إلا بتوافقي ورجلك فوق رقبتك يصلح لك يخطبك ولد العميم وترفضي ههه

ألماس: لا تحاولي ما بقبل وبكل الاحوال رفضت وانتهت القصة

أسيل: لا حبيبتي بيرجع يخطب مرة ثاني وبتقبل أحسن ما أخليك توافقي مغصوبة

ألماس: وريني عضلاتك

أسيل: بترجعي تزعلي

ألماس: اسيل لو سمحتي لا تتدخلي

أسيل: جيبي لي عيب واحد فيه عشان ترفضي وانا ماعاد بفتح فمي

ألماس: يااختي بغض النظر انه كان زوجك اذا كان طلقك انتِ اللي مابش بعد جمالك بيخلني انا أكيد بيسوي مثلك سنة وطلق

أسيل: لا حبيبتي تطمني من ذي الناحيه الشخص لما يحب ماعاد يهمه الشكل وبعدين انتي مش ناقصه عليا لا بجمال ولا بدلال ولا تنسي انك انتي اول حب بقلبه تخطي الخطأ اللي وقع فيه بسبب تسرعه




📚 @rewayatyamania  🇾🇪

.

البـارت 39 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


لحـظة موجـعة ؛ عـندما تعـجز الحـروف عـن التعبـير فـ تنـهمر الدمـوع مُعـْلِنةً حـزن


ألماس: أسيل لو سمحتي خلي نفسك مكاني وطليقي خطبك بتوافي

أسيل: اذا كان نفس قصتي أكيد بوافق ليش برفض دام الرجال ما يعيبه شي وكمان في مثل يقول تزوج اللي يحبك مو اللي تحبه

ألماس: لا تحاولي

أسيل: وبعديييين معك وربي لا أخلي عمي سعيد يغصبك وافقي وخلينا حبايب

ألماس: أسيل خليك بعيد

أسيل: جيتك بالرضى لكن بعيني بتوافقي وغصب عنك

ألماس: نشوف

أسيل: المهم لا ترجعي تزعلي بعدين
عموماً ليش ماجيتي تذاكري معي اليوم

ألماس: كنت تعبانه

أسيل بنص عين: واضح ألماس طول عمرنا على الشفافية لا تسوي الحواجز بيننا بيدك

وقفت: خاطرك باروح أخلص مذاكرة ماخلصت

ألماس: إجلسي بنذاكر مع بعض

أسيل: ملزمتي بالبيت نسيت أخذها

ألماس: اوك الله معك

خرجت من بيت ألماس تكابر دموعها تشتي توصل ترتمي على فراشها تبكي قلبها اللي لسى متعلق فيه

وصلت أرتمت على سريرها تبكي وتلعن نفسها الف مره لانها تعلقت بالشخص الغلط نامت بدون ماتشعر

صحت اليوم الثاني مع أذان الفجر شهقت: ماخلصت أذاكر

راحت صلت ورجعت تذاكر مش قادرة تحفظ بس تحاول بكل جهدها جاء وقت المحاضرة راحت تصلح لثامها

أسيل: ياربي عيوني متورمات الآن بتشوفني ألماس وتعرف اني بكيت

أسيل: ياربي أيش أسوي أيش أنتبهت لنظارتها المطروحة فوق التسريحة

أسيل: أيوة أخذت لها نظارة شمسية ولبستها
ونزلت

ألماس: لي ربع ساعة أدق لك وينك

أسيل: كنت أتجهز

ألماس: ليش النظارة غريبة لابستيها

أسيل: بنروح اليوم مشي أشتي أتشمس

ألماس: بركة ما إحنا متأخرات عادك بتمشي بالله عدم عليك متى تتمشي

أسيل: هوووص باقي نص ساعة للامتحان والطريق تقريبا ً ربع ساعة

ألماس: بعدك اليوم غريبة بقوة

أسيل: ما غريب الا الشيطان

ألماس: لما نخلص بنروح مول ال.... امي موصتني على أغراض تشتيهن

أسيل: طيب

وصلين المعهد

ألماس: على فكرة وصلنا أبعدي النظارة

أسيل: طيب أسبقيني للقاعة باروح أخذ لي وأحد قهوة والحقك

ألماس: طيب

أسيل: اووف كيف أسوي الآن

بعدت نظاراتها وراحت أخذت لها قهوة وتعمدت تتأخر عشان ماعاد تقابل ألماس

دخلت القاعة وقد بدأ الاختبار حطت أغراضها وراحت جلست بآخر القاعه وتتحاشى تشوف ألماس شافت ألماس تسلم دعممت مع انها مخلصه من ربع ساعة بس ما تشتي تسلم عشان تروح ألماس وتتركها

أنتهى وقت الامتحان والماس لسى منتظرة أستسلمت راحت سلمت ورقة الامتحان ولبست النظارات

ألماس: مالك اليوم مش من عادتك تتأخري

أسيل: مدري جلست اتذكر الإجابات ماكنت مذاكرة سواء

راحين المول ورجعت كل واحده فلتهم

جلست بتعب على الكنب تمسح على بطنها اللي بدأ يبرز وظهرها يوجعها لانها طولت بالمشي
للآن مافي حد يعرف بحملها تشتي أيمن يخطب وبعدين بتقلهم تخاف تقتله الحنيه ويقول يشتي يرجعها عشان إبنهم او بنتهم

تذكرت سوت له رسالة حاكي ابوها اليوم مرة ثانية وإن شاء الله تسمع خبر موافقتها

قلبها يوجعها مع كل خطوة تخطيها وهي تساعده عشان يجتمع معاها
.
.
اليوم الثاني كان عطله راحت بيت ألماس
أسيل: السلام عليكم

ندى: وعليكم السلام

أسيل: وين ألماس

ندى: فوق إطلعي عندها

راحت أسيل جلست جنبها

أسيل: قد كلمتوها بالخطبة

ندى: ايوة ورفضت مرة ثانية حتى لو وافقت بخليها ترفض انا

أسيل: ليش ياخالة مش عارفه انتي بالقصة

ندى: أي قصة

أسيل: ايمن مرة شافها بدون قصد ببيتنا وتوقعها انا ولذا تزوجني بس هو يحبها هي يعني انا كنت غلطة والآن جاء يخطبها هي

ندى: عشان كذه طلقك حسبت انه من شباب ذي الايام اللي يسوي سنه أو سنتين وطلق

أسيل: لا مش كذة انتي تعرفي امه اكيد مربيته صح وبعدين ياخاله زوجي بنتك اللي يحبها أحسن من ما تزوجيها شخص ما تعرفيه وبعدين تنظلم معاه

ندى: والله ما ادري يابنتي اخاف اظلمها

أسيل: لا ياخالة انتي بتدوري مصلحتها وتعرفي اخلاقهم وتربيتهم وبعدين انا اللي لما عرفت طلبت منه يطلقني وانتِ إذا تشتي سعادة بنتك وافقي هي ذلحين ترفض لانه كان زوجي أيش باسوي لها انا مابيدوم لها إلا زوجها

ندى: بازيد أكلمها اليوم واذا رفضت بعرف كيف بخليها توافق

أسيل: أيوة يا خالة أهم شي سعادتها
يله خاله مع السلامة بطلع عندها

أبتسمت بألم ما حكت لامها الا وهي عارفه بطريقة تفكير امها اللي تقدس الزواج بشكل تشوف ان الزواج اساس الحياة وما بتسبر الدنيا الا بزوج ومتأكدة انها قد تكلمت عليها لما قالت بس لانها تطلقت بس مش أسيل االي يهزها كلام الناس

دخلت عند ألماس
أسيل: صباحو ياعروس

ألماس قلبت عيونها من السيرة

أسيل: على فكرة جيت أبشرك تجهزي نفسك وتسوي لك خلطات للعرس لانها تمت الموافقة

ألماس بسخرية: ومن من تمت الموافقة

أسيل: من ألماس

ألماس: بالله عليك وليش ماقلتي لي لا تنسي تعزميني عالعرس

أسيل: هوذاني قلت لك هههههه

وراحت فتحت دولابها



📚 @rewayatyamania  🇾🇪

.

البـارت 40 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


_لا شيء يؤذي الروح أكثر من بقائها عالقة في مكان لا تنتمي إليه


أسيل: اممممممم ذه الفستان حلو وشكله جديد باخذه بلبسه بخطوبتك

ألماس بسخرية: إذا صارت خطوبة فهو حلالك

أسيل: بتصير بتصير ولا تهمي بعدت بالطوها وراحت تجرب الفستان

أسيل وهي تدور: كيف طلع

ألماس تضيق عيونها: كأنك سمنانه

أسيل شافت لبطنها الصغير اللي برز بالفستان لانه كان ضيق: مش سمنانه بس اليوم ثقلت بالفطور

ألماس: اها

@rewayatyamania المصدر الأول للروايات

اليوم الثاني
لبست بالطوها ونزلت بتروح المعهد شافت ألماس وألماس طنشتها ومشت وعيونها حمر باين بكت

عرفت ان خطتها نجحت تنهدت: الآن كيف تراضيها

ركبت سيارتها وجلست توازيها

أسيل: أركبي

ألماس مدعممة وتمشي

أسيل بنفاذ صبر: ألماس أركبي لاتخليني أتهور

ألماس كمان مطنشة

أسيل بحركة تهور سبقتها وطلعت فوق الرصيف وقطعت عليها الطريق

ألماس: بعدي السيارة مش وقت حركاتك

شافت أسيل طارحه راسها على السكان وماسكه أسفل بطنها بألم

ألماس: مش عليا حركات التمثيل بعدي

أسيل لا رد قاضمة على شفاتها تحاول تكتم ألمها

تجاهلتها ألماس ومشت تحسبها تمثل عليه
مشت شوية وشافت أسيل لسى على ماهي ما تحركت

ألماس: أسيييل

أسيل لا رد

وقفت بمكانها بقلق ترجع او لا خائفة تكون تمثل عليها

رجعت بشويش لما صارت جنب الزجاج حق أسيل

ألماس بقلق: أسيل مالك

أسيل لارد

رفعت راس أسيل من على السكان شافت وجه أسيل مغطى بالدموع تحاول تكتم ألمها

ألماس برعبة: أسيييل مالك أيش فيك فتحت الباب

ألماس: أرجعي المقعد الثاني باسوق
شافتها مش قادرة تتحرك راحت من الباب الثاني ساعدتها لما صارت بالمقعد الثاني ركبت مكان السواقة وساقت بسرعة اول مرة تسوق فيها

وصلتها المستشفى دخلوها الطوارئ خرجت الدكتورة

ألماس: دكتورة أيش فيها

الدكتورة: تعرضت لدقه قوي كانت بتسقط من أثرها بس الحمدلله قدرنا نحافظ على الجنين بس الآن ممنوعه من انها تحمل ثقيل او توقف لفترة طويلة او ترهق نفسها لان الحمل حقها هابط وبأي لحظة ممكن يسقط تعالي بعدي بجيب لك رشتة العلاج تروحي تصرفيها على ميد ما تخلص المحلول اللي بيدها

ألماس بذهول: طيب

راحت صرفت العلاج وجابته للدكتورة تكتب الجرعات

ألماس: دكتورة بالشهر كم هي حامل

الدكتورة: خلصت الأسبوع ١٧

ألماس: اها شكراً

الدكتورة: عفواً واجبنا

راحت لعند أسيل لقتها تشوف للسقف وتمسح على بطنها

ألماس بسخرية وعتب: مبروووووك يارفيقة عمري

أسيل ماردت عليها

شافت ألماس إن المحلول خلص راحت فصلته من يدها صلحت لها طرحتها واللثام سندتها وركبتها السيارة ركبت مكان السواقة وساقت للفلة طلعتها لغرفتها طرحت العلاج جنبها

ألماس: ذه العلاج والجرعات مكتوبة فوقه ونعم قالت الدكتورة إهتمي بغذائك وانتبهي تتحملي شي ثقيل او ترهقي نفسك لان حملك هابط ومعرض للسقوط بأي وقت خلصت كلامها وخرجت

أسيل: ألماس

ألماس وقفت تشوف أيش تشتي

أسيل: شكراً

ألماس ببرود: عفواً

نامت بتعب وهي تفكر كيف تراضي ألماس باين انها مجروحة منها حتى هي مش عارفة ليش حرصت انها توافق يمكن لان أيمن طلب فزعتها تخاف تكون ظلمت صاحبتها وتعيش نفس العيش اللي عاشتها هي وترجع تطمن نفسها مستحيل أيمن يحبها واللي يحب ما يجرح او يأذي

أنتشر خبر حملها والكل دري إنها حامل ونقلت غرفتها للطابق الأول عشان ماتتعب بالدرج
.
.

اليوم وبعد أسبوعين خطوبة ألماس رسمي من أيمن طبعاً كانوا بياخذوا لهم فندق بس أسيل أصرت على أبوها يعزمهم يجوا الفلة مثل ماهم متعودين أيش اللي أختلف

دخلت ريما غرفة أسيل اللي خلصت تتجهز وجالسة تحط الحلق

ريما دخلت وبشهقة: أسيل حامل

طبعاً بيت عمها الوحيدين اللي لسى مش عارفين

أسيل: هووووص فضحتيني أيوة حامل حسك عينك يدري أخوك

ريما ومازالت مصدومة: لييييش

أسيل: كذه أسبابي الشخصية
وقفت ولبست فستان مايبين بطنها

أسيل: سما وصلت

ريما: أيوة خارج جابتني أداعيك

لبست عبايتها وطرحتها وخرجت الكل يشوف لها بنظرات شفقة اول مرة واحدة تجهز وتحضر لعرس طليقها طنشت النظرات ومثلت الأبتسامة بشكل متقن

راحت حضنت شاهين
أسيل: حبيبي ياشاهين كيفه حبيب خالته
سلمت على سما اللي حضرت بإجبار من أسيل وما كانت ناوية تحضر


بمجلس الرجال الكل جالس بهدوء الا من حوارات جانبيه سام مطنش أيمن على الآخر ومش معبره وأحمد اللي كان قلق من مواجهة أخوه بس محمد ما تكلم ولا كأنه صاير شي أستقبلهم ورحب فيهم مثل كل مرة

خلصين يتجهزين والكل توجه لبيت ألماس
عند النسوان وصلين أستقبلتهن ندى بحفاوة دخلين المجلس الا أسيل توجهت لغرفة ألماس من أخر لقاء قبل أسبوعين ما شافتها او تكلمت معاها

دخلت أسيل: لولولولولو لو مبروك ياقلبي

كانت ألماس موقفة قدام الشباك تشوف الشارع بشرود

راحت أسيل حضنتها من وراها

https://hottg.com/rewayatyamania/51869



📚 @rewayatyamania  🇾🇪

♡

بارتـات يومنـا الثـلاثـاء👆🏻😍

.

#انتظرونا غدا ومع آخر بارتات قصة

تعبت اكابر


.

.

و😍👇🏻

245 قصة ورواية يمنية مكتملة هنا

.

البـارت 41 ♡

تعبـت أكـابر 😔💔

للكـاتبـة: ألمــاس

👌🏻👇🏻 😍
📚 @rewayatyamania  🇾🇪


‏ـ يعز على الإنسان أن يمشي طرقاً لا يرغبها، ولكنها الحياة


ألماس نزلوا دموعها: ليش يا أسيل ليش سويتي فيني كذه أيش سويت لك بأيش أذيتك

لفتها أسيل لها وحضنتها وكل واحدة تبكي على كتف الثانية

أسيل بمرح: بسك دموع هههههه قصة وخلاص انتهت لا تخليه يأثر بصداقتنا

ألماس: مابش حاجة انتهت انا اللي انتهيت

أسيل: هيا بسك دراما أخذت منديل تمسح دموعها وتعدل لها مكياجها

تعالي هيا ننزل مع بعض

مسكت يد ألماس وألماس شدت عليها

أسيل: خلينا كذه مع بعض طول العمر مايفرقنا الا الموت

ألماس: هههه يخسى الموت يفرقنا لو متي بموت بعدك ولو مت ياويلك ما تموتي بعدي

أسيل: أكيد خليكي ألماس اللي أعرفها بننزل الآن لا تهتمي لكلام حد او غمزات او لمزات أحد الناس مابش معاهم عمل غير القيل والقال

ألماس: خلي يدك بيدي عشان ما يلفتني شي ولا اهتم لأحد أسيل أنتِ قوتي

نزلين متماسكات بأيدي بعض زفتها وسوت كل اللي سوته هي لها بعقدها وأكثر

@rewayatyamania المصدر الأول للروايات

بعد يومين
كانت أسيل معاها موعد عند الدكتورة طبعاً ألماس معاها رجعت علاقتهن مثل قبل وأقوى مطنشات كلام الناس اللي تقول سرقت زوج صاحبتها واللي تقول واللي تقول إرضاء الناس غاية لا تدرك

بالمشفى الدكتورة تسوي لأسيل السونار وألماس جنبها

الدكتورة: في معك توأم

أسيل وألماس بصوت واحد: أييش

الدكتورة: هههه مالكن فجعتني

أسيل: ولسى مو مصدقة قلتي توأم

الدكتورة: أيوة كل شي لك تمام دمك ناقص شوية تغذي سوى

ألماس: أسيل كثروا التوأم بعائلتكم

أسيل: ليش من في توأم غير فارس وفراس

ألماس: وأبوكي وعمك

أسيل: هههه صح قد كنت نسيت

أسيل للدكتورة: أيش جنسهم

الدكتورة: مش واضح بس تقريباً صبي وبنت

ألماس: واو إن شاء الله يخلقوا بالسلامة


خرجين من عند الدكتورة

ألماس: تعالي نسوي فحوصات نشوف وين وصل مرضك

أسيل: قد سويت قبل يومين مابقدر أتعالج وانا حامل بأنتظر لما أولد وبتعالج

ألماس: بهم لا تفجعيني فيك يا أسيل أهتمي بنفسك اذا مو عشانك عشاني

أسيل: لا تخافي لسى بمرحلة مبتدئ

ألماس: مابينتقل للأطفال

أسيل: جابوا لي علاجات والباقي على ربي

ألماس: إن شاء الله خير
.
.

تمر الأيام وأسيل مع ألماس خطوة بخطوة بالتجهيزات بالنهار تكون صديقة مثالية وبالليل تغرق مخدتها دموع لسى متعلقة فيه ومش قادرة تنساه كل ليلة تدعي الله انه ينسيها أياه وينزع حبه من قلبها

اليوم وب٢٧ رمضان

الصباح وعاد الكل نايم صحت تحس بألم شديد
تجاهلته توقعت مثل كل يوم
بس ذي المره كلما له الوجع يزيد لما خلاص ماعاد قدرت تتحمل

أخذت جوالها دقت على سام المرة الاولى ما رد رنت المرة الثانية
رد بصوت مليان نوم: الو

أسيل بصوت يتألم: ساااام

فز من نومته: أسيل مالك أيش فيك

أسيل: شكلي بولد إهئ إهئ

قام بحركة سريعة غير ملابسه وصحى أحلام لبست عبايتها ونزلوا لغرفة أسيل اللي تتلوي من الوجع لبستها أحلام عبايتها وأنطلقوا للمشفى

ماقدرت تولد طبيعي لانه اول مولود وتوأم فأضطر سام يوقع لها على عملية

أنتشر الخبر والكل تجمع بالمستشفى محمد وسامي وشيماء وألماس وسما جابها شامخ  منتظرين الدكتورة تخرج تبشرهم بعد أذان الظهر خرجت الدكتورة تزف لهم البشارات

الدكتورة: الأم والأطفال بخير مبارك ماجاكم

خرجوها من غرفة العمليات لغرفة عادية
ودخل الكل يبارك لها ويتحمد لها بالسلامة

أسيل بصوت مليان تعب: وينهم

سام: بالحضانة حطوهم بيخلوهم تحت المراقبة يوم لانك ولدتي ولسى ماخلصتي التاسع وبحماس لو تشوفيهم يا أسيل يجننوا يجننوا

أبتسمت أسيل بتعب: لمن يشبهوا

رفع سام ياقته: حلوين مثلي

أسيل بصوت شبه معدوم: هههه ودافتي

سام: لا حول ولا قوة حتى وأنت روحك بطرف أنفك  بتقصفي جبهتي

لفت لأحلام: أحلامي جيبي لي طفل حلو يشبهني

أحلام نزلت راسها بإحراج

الكل ضحك: ههههههه

شوية ودخل سامي بيده عصير وأكل

محمد: كلي يا بنتي عشان يرتفع الهبوط

أنحرجت أسيل تاكل

سام: هيا ذلحين بتستحي يازعم قد الحالمة كلها عرفت انك فاطر ههههههه

أسيل: هههههه

قربت لها سما تأكلها بشويش

سام: أيش بتسميهم

أسيل: ماأدري أسال أبوهم

أخذ جواله ودق على أيمن من لما تطلقت أسيل ماقد أتصل له

أستغرب أيمن ورد: الو

سام: حيا كيفك

أيمن: الحمدلله انت كيفك

سام: بخير لك الخير وبإبتسامة هات البشارة

أيمن بإستغراب: بشارة أيش

سام: مبروووك معك بنت وولد

أيمن بدون أستيعاب: كييف معي بنت وولد من جاب لي هم

سام ضحك على فهاوته: هههه أسيل ولدت جابت توأم بنت وولد

أيمن بصدمة: أسيل كانت حامل

سام: صباح الخير انت صاحي أقلك البنت ولدت تقلي كانت حامل لا تبنتهم

أيمن ومازال مصدوم: متى

سام: قبل ساعتين المهم أمهم تسأل أيش بتسميهم

أيمن: قولها تسميهم هي

سام يكلم أسيل: نعم قلك سميهم انتِ

أشرت براسها بمعنى لا

سام: ناهي لكم انا بسميهم

أيمن: رفضت



📚 @rewayatyamania  🇾🇪