.

البـارت 71 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


قبل يكلم كلامه فك نفسه منه واتجه لغرفة العمليات بسرعةة فتح الباب ودخل..

علي: كم مع احمد اخوة

وسام وهو يجلس: هذا بس امجد

علي: انصدم قوي

وسام بخفوت وهمس: ما الومه..
.
.

بعد الفجر...!!

بيت الشيييخ..!!
تكلمت لبنان باستغراب وهي تنزل الدرج: ابـه مالك واقف هانا

لف لها ورد وبيده تلفونه: بين اتصل لاحمد وتلفونه مغلق ما بسرته في الجامع وهذه مش عادته

لبنان: هو روح او مع

الشيخ قاسم: مدري سيارته هانا ماخرج بها يمكن انه نوم قلبي مش متطمن

لبنان: صلوا ع النبي عتطلع لاشقته ذلحين وابسر اذا هو هانا

ابو احمد: يلا عتريع هانا اقبلي

لبنان وهي تطلع الدرج: ثواني بس
.
.

فزت على دقة الباب وما استغربت من عدم وجود احمد لأن اكثر لياليه بالمركز نزلت من السرير وخطيت فتحت الباب و باستغراب: لبنان

لبنان: احمد هانا

سجى: مع ماقد روحش ليش

لبنان: ولاشي بس ابي قلق عليه انه ماخطي الجامع

سجى: يمكن رقد هناك زي كل مرة

لبنان: يمكن.. يلا عتنزل اقول لابي...

@rewayatyamania المصدر الأول للروايات

الساعةة 6 الصبح..!!
فز امجد وعلي وبعض العناصر اول ماخرج الدكتور وخلفه امجد والكل بيبسرهم بترقب وتوتر

الدكتور بهدوء: تطمنوا قدرنا نطلع الرصاصة بصعوبةة والحمدلله انها بالجهة اليمين للصدر

وسام: احمد كييفه

الدكتور: الحمدلله تجاوز مرحلة الخطر

علي: تسلم الله يعافيك

الدكتور هز راسه وخطي..

وسام تقدم من امجد اللي واقف مكانه: امجد

رفع نظراته له بعيون حمر وصمت

حضنه وسام بقوة واتكلم: احمد بخير الحمدلله ريح نفسكك

امجد بغصة وصورة احمد وقت العمليات بين عيونه: خفت ي وسام خفففتت افقده.. مااقدرش اعيش بدونه انا.. والله

وسام بغصةة: كلنا ما نتخيل حياتنا بدونه

علي بعدهم من بعض وهو يتكلم: بس عتبكوا ذلحين وبعدما النقيب احمد بخير مالكم المفروض تحمدوا الله دامه قومه بالسلامةة

وسام وامجد: الحمدلله..

رن تلفون وسام واتكلم ونظره له: امجد هذا الوالد اتصل لي خيرات اكيد بيسأل عن احمد ماقدرت ارد عليه كلمه.. هاه

شل التلفون من يده واخذ نفس وهو يفتح الخط: هلا يابه..!!
.
.

بيت الشيخ..!!
الشيخ قاسم وحوله لبنان وسجى بيبسرنه بترقب ومن توتره وترهن معه

تكلم اول ما انفتح الخط ووصله صوت امجد: امجد... مابيفعل تلفون وسام معاك.... هو عندك ليش او تاعب..... بس كنت اشتي اسأله وين احمد وليش تلفونه مغلق......  ايش..... امجد تكلم بوضوح مالك...... احمد ماله........  فز على حيله ولبنان وسجى معه...... مابتقوووول احمد تصاااااوب..

شهقين سجى ولبنان بصدمةة

يلا يلا جايي ذلحين مسافة الطرييق وحسابكك عندي لانك ما كلمتني وله من نص الليل.... غلق الخط وانتبه لوجود سجى ولبنان واتنهد وهو يتكلم: سعليكن هو بخير

لبنان بكت: كككييف بخير وهو متصاوب

سجى بكت معاها واتكلمت: وله من نص الليل

الشيخ قاسم: قال امجد هو بخير وانا خاطي لاعنده ذلحيين لاتخافين... خرج من المجلس بسرعةة

لبنان لفت لسجى وحضنتها وانفجرين بكاء الثنتين...!!
.
.

صنعاءء الساعةة.. ٧/٢٥..
فتحت الباب الأمامي وطلعت وبالخلف دنيا اللي غلقت الباب وهي تتكلم: هيثم اخطى لابيت عمتي نشل رحاب على طريقنا لأن اخوها مشغول

هيثم تغيرت ملامحه ولاحظت نرجس ورد وهو يتحرك بالسيارة: سابر
.
.

وقف قدام بيت عمته ونزلت دنيا تداعيهااا..

لف لنرجس اللي بتقرأ بالكتاب واتكلم: معاكم امتحان

نرجس هزت راسها بمعنى ايوةة

هيثم: ذاكرتي

نرجس: ايوة

تنهد ووجه نظرة لقدام وهو تاعب من الحواجز اللي بينه وبينها.. عنيدة وراسها يابس وما تكلمه الا بنشافةة وكل ساعة تذكره مافعل بهااا وكيف هددها....انتبه على فتحة الباب ودخول دنيا ورحاب اللي تكلمت بصوت كله دلع: يسعد صباحككم

كشرت نرجس بدون رد ورد هيثم بهمس وهو يتحرك: صباح النور

رحاب: آسفةة شتعبكم معي ههه

هيثم ببرود: لاعادي

فزت رحاب وهي تبسر فرس واتكلمت: واو حصااان.. تذكر يا هيثم يوم خرجتني انا وخواتك وطلعنا فوقه الله

دنيا عقدت حواجبها وبتحاول تتذكر اي حين قد خرجهن هيثم معاها

هيثم عض طرف شفته ودعمم

نرجس لفت لهيثم بنظرات ورجعت نظرها لقدام

رحاب: دنيا ليش ما جيتي امس المشغل

دنيا: كنت مشغولة ماقدرت

رحاب بدلع: صبغت شعري شكلاتي طلع واو يجنن لو تبسريه

دنيا: صددق.. اذا طلع حلو شصبغ ساعش

رحاب ونظرها لهيثم: اكيد حالي اصلآ كل حاجة عليا تقع حاليةة وانا اللي احليهااا..

وقف بالسيارة قدام المدرسةة واتكلم: انزلين تأخرت

رحاب بشهقة وهي تفتش جيوبها: يووه نسييت ما اشل المصرووف

دنيا: سهل شدي لش من حقي

رحاب ونظرها لهيثم: ماشي انتي عارفة مصروفي الف ونص... بسرت سكوت ودعممة هيثم واتكلمت: ...





📚 @rewayatyamania  🇾🇪

.

البـارت 72 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


رحاب بشهقه وهي تفتش جيوبها: يووه نسييت ما اشل المصرووف

دنيا: سهل شدي لش من حقي

رحاب ونظرها لهيثم: ماشي انتي عارفة مصروفي الف ونص... بسرت سكوت ودعممة هيثم واتكلمت: هيثم لو انت تدي لي وشرجع اديها لككك

تنهد هيثم ودخل يده جيبه ومد لها خمس مية بدون ما يلتفت: مافي جيبي الا هذه شلي

انقهرت رحاب بقوة وسحبتها من يده ونزلت ونزلت دنيا معاها

فتحت نرجس الباب تنزل وقاطعها هيثم: هاه راعي ما شليتي مصروفش

لفت له وهي ماسكة للباب: قد اديتها لرحاب ماعدبش معاك قلت 

ضحك وهو يمد لها الف: ماعليش منها مالها الا هكذا شلي هاه

شلتها من يده ونزلت.. غلقت الباب واشر لها هيثم بيده رفعت يدها بمعنى سلام وخطيت للمدرسة واول ما دخلت تحرك هيثم بالسيارة..!!!
.
.

بعد الظهررر..!!
سجى وهي نازلة الدرج بسرعة: لبنان هياااا

لبنان وقفت وهي لابسةة: هيااا

ليلى: منكن صدق عتخطين للمستشفى لوحدكن

لبنان: ماحد رد على اتصالنا ولاحد طمنا ضروري نسير

مريم: لبنان لاتصدقيها نسيتي بنت من انتي مايسبرش تخرجي هكذا

سجى خرجت وهي تتكلم: هيااا مفاتيح سيارة احمد معي.. خرجت لبنان معاها وركبين السيارة وخطيين للمستشفى..!!!

@rewayatyamania المصدر الأول للروايات

البتــول...!!
دخلت البيت وهي تتكلم: السلام عليككم

ام بتول: وعليكم السلام هاه كيف لوما روحتي بحين

بتول وهي تبعد البرقع والخمار والشيلة وتجلس: اخذنا ست حصص بس مابش سابعةة... مالش صورتش مقلوبةة

ام بتول بتنهيدة: ولاشي

بتول وهي تجلس جنبها: امانةةة مااابه يمه ايش وقع

ام بتول بحزن: الشيخ احمد.. قالوا تصاوب في مهمة وله في المستشفى من امس

بتول بحزن: يوه وكيف حالته

ام بتول: مدري.. الله يقومه بالسلامةة

بتول: مسكينات سجى ولبنان.. قد لومي ما جينش المدرسةةة اليوم

ام بتول: الله يعينهم.. قومي معي نجهز باقي الغداء قبل ما يضووا هيااا

بتول وهي توقف: يلااا....!!.
.
.

دخلين من بوابة المستشفى ولبنان تكلم امجد بالتلفون: في اي طابق احمد وبأي غرفةةة احنا في المستشفى....... تمام مع السلامةة..

لبنان: بالدور الثالث هيا بسرعةةة..!!

تقدمين وبسرين امجد ووسام والثالث ماعرفنه واتكلمت لبنان ببكاء: امجد وين احمد كيف حالته

تقدم منهن امجد واتكلم بهدوء: والله بخير بس ماقد فاق

سجى ببكاء: اسألك بالله ي امجد لاتكذب

امجد: والله العظيم انه تجاوز مرحلة الخطر وعيخرج من العناية اول ما يفيق

لبنان: طيـ...  قطع كلامها خروج الممرضة بعجلة وهي تتكلم: دكتور بسرعةةة نبض المريض توقف

فزوا بسرعة وسجى يبست بقعتها ولاقدرت تتحرك حركت فمها بدون صوت بـ: أحمد

لبنان فتحت عيونها بصدمه ونظرها لأمجد اللي بقعته ماتحرككك.. لفت اول ما سمعت صوت حاجة ارتطمت بالقاع وصاحت بفزع: سجىىىىىىى

لفوا كلهم وانتبه امجد واتقدم منهن وهو يتكلم بصوت عالي: وين الممرضات بسرعةةة

وسام وقلبه حسه توقف: من مات نبض من توقف..

علي بموقف لايحسد عليه: وسام

وسام بغصة: ماقالت هذه علي فهمنيييي

خرج الدكتور واتكلم علي بسرعة: دكتور من مات وين احمد نبض من توقف احمد بخير ماقصدها و...

قاطعه الدكتور بهدوء: اهدأ عن من بتتكلم انت

علي بـ أمل : النقيب احمد كيف حالته

الدكتور: الحمدلله عاد انا خرجت من عنده فاق قبل شويةة دقايق وننقله لاغرفة خاصة وتقدروا تبسروه

وسام بهمس: ومن اللي نبضه توقف

الدكتور بتنهيده: واحد عمل حادث وكانت حالته خطر.. ادعوا له بالرحمةة

علي ووسام بهمس: الله يرحمه

وسام بانتباه: وين امجد والبنات

علي: مدري واحدة منهن فقدت وعيها واعتقد شلوها الممرضات وامجد معاهم.. هاه هذا امجد

تقدم منهم بعيون ملان دموع: قولوا انه كككككذذذبببب

علي: كذب واحمد بخير وابشرك فاق وعينقلوه لغرفة خاصة ونقدر نبسره

مسح وجهه وجلس بضعف وتعب وارجله ماعد شالته ورفع راسه على صوت ابوه الخايف: امجد  مالكم او وقع في احمد حاجةة

وسام: ابشرك احمد قام وعينقلوه غرفة ونقدر نبسره

زفر براحةة وجلس بارتياح

امجد عمل رسالة للبنان اللي عند سجى وقلها ان احمد بخير ويقدروا يبسروه.!!
.
.


بعد نص ساعةة
كلهم واقفين فوق راسه مبتسمين بفرحةة

وسام: فجعتنا يا نذل كنت عتموت

احمد...





📚 @rewayatyamania  🇾🇪

.

البـارت 73 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بعد نص ساعةة
كلهم واقفين فوق راسه مبتسمين بفرحةة

وسام: فجعتنا ي نذل كنت عتموت

احمد ابتسم بتعب: سلامتك من الموت

الشيخ قاسم: وقفت قلوبنا كلنااا لكن الحمدلله اللي رجعك لنا من الموت

علي: كنت متأكد انه ذيب وماتموته رصاصةة

امجد: صح اقل شي خمس ست..هههههههههه

ضربه على راسه وضحكوا وضحك احمد بتعب

شهق امجد وضرب جبينه والكل لف له واتكلم وسام: مالككك

امجد وهو يخطى نسيت البنات

الشيخ قاسم: من البنات..

خرج امجد بسرعة بدون مايرد واتكلم وسام: جين ثنتين بنات يمكن خوات احمد وواحده منهن فقدت وعيهااا ونقلوها لغرفةة و..

احمد فتح عيونه واتأكد انها سجى ولبنان من فقدها لوعيها واتكلم بخوف: وينها كيف حالتهااا

وسام: مدري والله

علي: اغماء بسيط اكيد لانها سمعت الممرضة تقول فقدنا المريض ونبضه توقف ظنته انت

غمض عيونه بتعب وحسه عندها وبنفسه اكيد ارتفع لها السكر وتعبت فتحهن على صوت امجد وهو يدخل واتكلم ابوه: وين البنات

امجد: هانا بس مرة احمد دوخت واختي عندها

احمد: وينهن.. ماقد فاقت امجد تكلم بفمك كلام

امجد بتوتر واضح: الا بس..

احمد بحدة وتعب: امجد وينهاااا كيف حالتهااا.. انت عارف معاها السكر وعادها صغيرة ما عتتحمل

امجد بتنهيدة ونظره للأرض: ماقد قامت واذا ما فاقت خلال ساعة يمكن ا...

احمد بسره بتقرب واتكلم ابوه بحدة: يمكككن ايش تكلم

امجد بزفرة: تدخل بغيبوبة سكـر.. لأنها انصدمت صدمة قويةة

احمد غمض عيونه بقوة وشد على يداته بألم..

وسام بهدوء: ان شاءالله تقوم بخير لا تقلق

احمد فتح عيونه ومن بين اسنانه: من اداها للمستشفى من قلها وانتوا عارفين انها تاعبةةة مممنننن

امجد: اهدأ هي جت من نفسها مع اختي ووصلت على كلام الدكتورة وظنته انت وما تحملت

احمد بألم: ودني لاعندهااا

الكل بصدمة: ااااييييش

احمد بحدة: مثل ما سمعت

علي: ماعتقدر تتحرك وخروجك خطر عليكك

امجد: ماتقدر تقوم من مكانك حتى

سحب المغذي اللي بيده بقوة لوما خرج الدم ورفع نفسه يقوم مسكه وسام بسرعة واتكلم: مجنووون انت عادك خرجت من العنايةة

الشيخ قاسم: اقصر الشر وانا بنفسي عتجزع اطمن عليهااا

احمد بصوت رافع: انتوا عارفين ايش معنى غيبوبةةة سكككر.. بعدوا منييي امجد خرجنيييي قبل اقتلكككك

تنهد امجد بقلة حيلة واتكلم: ريع لوما ادي لك كرسي ماعتقدر تخطى وخطر عليك اصلآ..!

@rewayatyamania المصدر الأول للروايات

دخل امجد وهو يدهفه بالكرسي المتحرك وابوه معه

لفت لهم لبنان اللي انصدمت بدل الصدمة صدمتين وهمست ببكاء: أحمد

احمد ببسمة تعب: عيونه

لبنان رجعت نظرها لسجى وبكت وهي تتكلم: مارضيت تقوم بين اداعيها من اول واديت لها حلاوى ساعك لما تفعل بس ما قامت.. قومها.. قالوا مدري ما عيقع فيها بس كذابين

بلع ريقه ونظره لسجى اللي راقدة بهدوء

قربه امجد من السرير وخطي قوم لبنان: تعالي معي ي قلبي لاتخافي ساعة وتقوم بخير.. خرج معاها وابوه لحقهم..
.
.

مد يده ومسك يدها وحس ببرودتها وهمس: سجىىى.... لهذه الدرجة انا غالي عندش لوما حصل لش هذا بسببي... سجى.... كنت منتظر ابسرش اولهم اول ما افتح عيوني وكنت متأكد انش عتكوني ميتةة بكاء يا دلوعة يا ام دمعيةة.. بس ما توقعت القاش مطروحةة بسببي... سجىىىى ردي علياااا قوومي هيااا... 

شد على يدها بقوة وبيده الثانية مسح على خدها واتكلم: عتدي لش حلاوى وتقومي وتفتحي عيونش سعما كل مرةةة.. ماعتدخلي غيبوبةة

حس بوجع فظيع بصدره مكان الرصاصة وغمض عيونه بألم وطرح راسه بطرف السرير ومازالت يده بيدها ويده الثانية على خدها همس بألم وحرقةةة: ما استـــاهلــش ولا استحـــق تعبـش وخوفش عليــا....

رفع راسه على دخول الدكتورة وهي تتكلم: خلي ثقتك بالله كبيرة ان شاءالله تفيق خلال هذه الساعةة

احمد رجع نظرة لسجى وهمس: واذا...

الدكتورة: لا تيأس من رحمة الله

دخل امجد وهو يتكلم: وربي ان الدكتور جنن وصيح اني خرجتكك من العنايةة وقال يتخلى عن المسؤولية لو وقع فيكك شي.. هيا ارجعككك

احمد شد على يد سجى: لا لوما اطمن عليها

الدكتورة: مابش داعي لجلستك والله احنا عنهتم فيها ونوافيكم بكل جديد

امجد: سمعت ما قالت.. جلستك ضرر عليك ضروري ترجع.. ووعد اول ما تقوم اخليها تجي لاعندك

تنهد وهو يفك يدها بهدوء وامجد يدهف الكرسي ويخرج من الغرفةة..!!


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 74 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


صنعاءء..!!

فتحت باب السيارة وطلعت وهي تزفر بضيق

هيثم برفعة حاجب: السلام لله على فكرة

نرجس: سلام

هيثم: وعليكم السلام وين دنيا

نرجس بقهر: منتظرة للست رحاب عتروح معانا

لف لقدام بدون رد ثواني وطلعت دنيا ورحاب وهن يتكلمين: السلام عليكم

هيثم ونرجس: وعليكم السلام.. شغل السيارة واتحرك بهاااا

رحاب: اوووف على تعب وحمى اليوم تعبت كود خرجنا

دنيا: صادقة قده ضغط

رحاب بدلع: خاصة عليا انا مش انا متعودة على التعب كل حاجة بتجيني بدون تعب اووف

نرجس بدون ما تلتفت لهن: ذلحين نقرح والا نرقص او ايش نفعل لش بالضبط

هيثم كتم ضحكته وردت رحاب بقهر: مالش

نرجس: ليش بتكلمينا ايش الهدف يعني.. كلام بايخ

رحاب: عادي فضفضة يا قلبي

نرجس بدلع وهي تلف لها: يع لانا قلبش... انا قلب هييثم وبسس

بسرها هيثم ببسمة ورفعة حاجب

رحاب انقهرت: الله يهنيكم

نرجس وهي ترجع لوضعها: يارب ويبعد عننا كل حاسد وحاقد..!!

@rewayatyamania المصدر الأول للروايات

فيلا ابو علــي..!!

الكل تغدا هناك.. وحاليآ كلهم بالمجلس..!
ابوعلي: محمد بسرت وين علي من امس ماقد بسرناه

محمد: بين اتصل له ويطلع مغلق.. يمكن معه عمل

ام علي بخوف: وينه ولدي خرج ما كلم احد او حدا داري

محمد: لاتخافيش يمه اكيد انه مشغول ومعه عمل اول ما يفتح تلفون عيتصل لنا

ابو دانيال: لاتقلقوا كانوا يغيبوا هو ودانيال بالايام ومايقع فيهم شي..

الكل سكت بحزن لملامح ابو دانيال وذكر دانيال

ابو زياد اللي قد كلمه ابو دانيال عن دانيال: الله يرحمه يااخي فخر ان معك ولد مثله رافع راسك

ابو دانيال بتنهيدة: الله يجمعني به في الجنةة..

ام دانيال ماقدرت تتحمل وخرجت من المجلس وام علي قامت خلفهااا..!!!
.
.

المستشفىىى..!!
فزت وهي تفتح عيونها على وسعهن وتمسك يدها وتتكلم: سجىى بتسمعيني..حركتي يدش صحح سجىى

فتحت عيونها ببطء ورمشت لأكثر من مرة وهي تبسر باستغراب

لبنان بضحكة وهي تمسح دموعها: سجى ي قلبي بتبسريني واخيرآ قمتي

سجى بهمس: وين انا

لبنان: احنا في المستشفى

سجى غمضت عيونها بتعب وفزت اول ما تذكرت: وين احمد..او..

لبنان بسرعة: تطمني احمد بخير وقد جاء لاعندش بنفسه

سجى بعدم تصديق: ومن اللي مات

لبنان بحزن: واحد عمل حادث الله يصبرهم.. المهم كيف انتي خوفتينا عليش قالوا كان تدخلي بغيبوبة سكر

سجى بصدمة: غيبوبة..

لبنان: ايوة ولو تبسري احمد كيف جنن بس الحمدلله  فقتي قبل تكمل الساعة لأنهم قالوا لو ما قمتي خلال هذه الساعة كان عتدخلي غيبوبة..

رفعت نفسها وهي تتكلم: ساعديني اقوم وديني لاعند احمد ابسره...!!!
.
.

وقفين قدام غرفة احمد وفز امجد وهو يتقدم منهن ويتكلم بفرحة: سجى الحمدلله انش قمتي

سجى بهمس: تسلم.. كيف احمد اقدر ابسره

امجد: احمد بخير بس عملنا له بنج من شدة الألم وما عيقوم الا بعد ساعات

سجى: عادي اذا دخلت عنده ذلحين

امجد: ايوة تعالي

خطيت مع لبنان ودخلين للغرفة.. ثبت نظرها عليه وهو متوسط السرير ووجهه شاحب والسيروم بيده والشاش مغطي صدره همست بغصة: كيف حالته

امجد: الحمدلله تألم قوي لأنه قام وجاء لاعندش واضطرينا نعمل له بنج بس ان شاءالله بخير

لبنان ببكاء: يارررب...!!.
.
.

دخل للبيت وكوته بيده واتجه للمجلس لأن الاصوات فيه وقف في الباب واتكلم: سلام الله عليكم

الكل لف ورد: وعليكم السلام

ابوعلي: وين انت مختفي من امس لاحس ولا خبر

علي: كان معي عمل وانشغلت

ابو علي: عاد الواحد يقول عتخطى عتسير يدي خبر.. ماهذا اقلقتنا وفجعت امككك

علي بتعب: اعتذر آخر مرة

محمد: ليش تلفونك مغلق لغبنا نتصل

علي: كمــل شحنه..ذلحين خاطركم ودكم شي

ابوعلي: وين عتسير تختفي من جديد

الجد: احممممد

علي بتنهيده: اخطى جناحي.. اشل دش وارقد لي يومين مواصل

ابو دانيال: الله معاك يا ولدي

علي لف يخرج وداعاه الجد: عليييي

لف له بسرعة: هاه جد

الجد: قبل ترقد جه لاغرفتي اشتي اكلمك بموضوع

علي اشر على عينه واتكلم وهو يخطى: على عيني ابشر.. خرج متجه لاجناحه

واتكلم ابو علي: عيرجع يجلطني انا متأكد.. مش عارف وين بيختفي بالايام

الجد وهو يوقف: اكيد معه عمل ولا انه هانا قدر وضعه وادي له اسباب يا احمد..!!!
.
.

دخل غرفة جده واتقدم منه وهو يتكلم: سلام

الجد: هلا وعليكم السلام

باسه على راسه وجلس على السرير جنبه: أأمر يا غالي

الجد بتنهيده: لاتنفعل ولا تعصب ولاتقاطعني

علي بابتسامة وهو يرجع شعره للخلف وعيونه ملان نوم: حاضر على عيني تكلم

الجد بثبات: عتــــزوجك

علي اختفت ابتسامته واتكلم بعدم تصديق: ايش خلاك تفكر بزواجي..

الجد بحدة: ...





📚 @rewayatyamania  🇾🇪

.

البـارت 75 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


الجد بثبات: عتــــزوجك

علي اختفت ابتسامته واتكلم بعدم تصديق: ايش خلاك تفكر بزواجي..

الجد بحدة: ماقصدك فسخ ابو اشراق خلاص ماعتتزوجش مابنت الا هي او ايش.. اذا ابوك وامك مخلين لك على راسك وكيفك فانا لككك

علي بهدوء: مااشتيش ولابين افكر بالزواج ولاعاد عتتزوج..

الجد برفعة حاجب: وليش ان شاءالله

علي بضحكة: مادراك واستشهد وانا بمهمة ومع السلامةة ارتاح

الجد بحزم: كلامي واضح عتتزوج يعني عتتزوج

علي بمسايرة: طيب قررت تزوجني لقيت لي بنت او عادك عتدور ههه هه

الجد وجه نظرة لقدام وبثبات: الزهـــراء.. بنت ابوك علـي

فتح عيونه بصدمة وطار النوم منهن: ممممممننننن زهراءءءء ههههههههههههههههههههااااااييي

الجد بحدة: وووولــدددددد.. ما قلت نكتة لوما بتضحكككك او ايييش

حاول يمسك نفسه واتكلم ومازال مبتسم بضحكة: من جدك يا جد.. قررت تزوجني زهراء.. طيب وهي موافقة.. ما تعرفها.. ما بتبسرها كيف تشتي تقتلنا كلناااا ولا طايقة احد فينا طيب ما بسرت تمردها وطولة لسانها حتى عليكك

الجد ببساطة: لهذا السبب اشتي تتزوجها هي بالذات علاسب تربيها وتقصر لسانها وتوريها الطريق..

علي بتعقيدة حواجب: اربيها... ياسعم انها جاهلةة ههه هه

الجد: جاهلة ايوة ماقد فيها... وعتتزوجها الا اذا ودك تزعلني

علي حس بالجد واتكلم: ابسر يا اباه عبدالله..دائمآ مابين ارفض لك طلب لا انا ولا دانيال الله يرحمه.. بس الا هذا ماعتقدر انفذه وزهراء ما تناسبني ولا انا اناسبها

الجد منهي للنقاش: سمعت ماقلت ي علي اذا ودك تزعلني ارفض... ومعك وقت فكر وقول لي.. وذلحين اخطى ارقد باين انك تاعب

علي برجاء: جد انسى الفكرة هذه الله يخليك.. مالي ومال وجع الراس

الجد بقهر: من اي حين اتكلم بخبر واتراجع.. قوم قوم ارقد... انا عتكلم ابوك علي الليلة

علي فز: ايييش وعتكلم ابي علي.. لي منعك يا اباه عبدالله شيل الفكرة من بالككك.. لاتظلم البنت معي وانا ما اشتيها

الجد بعصبية: ليش عتظلمها يا حمار.. او عادك بتفكر ببنت صالح الـ....  اقوم اكسرككك

علي بتنهيدة: مع مع والله ماعادها بحسي بس ما اشتيش لاتظلموها معي ولا تظلموني معاها

الجد بحدة: اخرج اخرج من عندي وفكر بكلامي سوا.. الله معاك يلا معاك مهلة لاغدوة

اخذ نفس بقوة ولف خرج من الغرفة وهو متنرفز للأخير ومعصب...!!

@rewayatyamania المصدر الأول للروايات

المستشفى...!!
فتح عيونه ببطء وتعب وانتبه على همس جنبه لف بعيونه وبسر سجى على الكرسي وبيدها قرآن بتقرأ بهمس.. غمض عيونه بعدم تصديق وفتحهن من جديد ابتسم بهدوء واتكلم بتعب: سجى

رفعت عيونها له بسرعةة وفزت واقفه باست القرآن وغلقته قربت منه واتكلمت بفرحة: احمد.. ألف الحمدلله على سلامتك

احمد بتعب: الحمدلله على سلامتكم انتوا.. فجعتونا

سجى بابتسامة: فجعتكم بسبب ان انتوا فجعتونا  لكن الحمدلله عدت على خير

احمد: هههه لغز والا ايش هذا

سجى:ههههه ههه اللي هو المهم..كيف حالك الآن بتحس بألم

احمد كشر بألم ورد: شويةة..وين امجد ولبنان

سجى: عاد لبنان روحت مع عمي وامجد خطي يبسر مرضاه وصاحبك خطي بالغصب مع ابوك

اشر براسه بمعنى تمام وغمض عيونه بألم وارتاح انها بخير وما دخلت غيبوبةةة....!!
.
.

صنعاء....!!
تكلمت بسخرية ونظرها له وهو يمشط شعره قدام التسريحةة بعدما لبس ثوب ابيض مع العسيب ويلق رصاصي: وين عتسير او ملاقاه مع واحدة لوما قدك مسبوك هكذا

تنهد وهو يطرح المشط ويلف لها: قد بسرتيني اخرج مبهذل واول مرة ابدل يعني

نرجس وقفت وخطيت لاقدامه واتكلمت بهدوء: ما العلاقة اللي بينك انت و بنت عمتك.. رحاااب

هيثم باستغراب: علاقةةة.. وضحي كلامش اكثر

نرجس: بالعربي الفصيح... كنت تكلمها من جيز البنات اللي كنت تكلمهن يا مغازلجي.. واغريتها بالكلام والحب المزيف وفي الاخير تركتها بس هي الغبية مازالت تحبك ومتمسكه فيك

هيثم ضحك بقوة: هههههههههههااااااييي... ايش الافكار هذه

نرجس بجدية: لا تغلق الموضوع بضحكتك هذه

هيثم ببسمة: رحاب تحبني.. عاد الا عرفت

نرجس بسرته برفعة حاجب ونظرة تشكيك بدون كلام

هيثم تنهد واتكلم: اسمعي من باب انها تحبني فانا ملاحظ ومن سنين.. بس...

قاطعته سجى ببرود: بسرت كيف اعترفت بنفسك انها تحبك وانت اكيد تواصلت معاها وضحكت عليها

هيثم بقهر: صح انني كنت اكلم بنات وكلهن عارفات اني بين اتسلى لاغير.. بس ما توصل فيني استغل بنت عمتي او اي واحدة من قرايبي واهلي فهمتي

نرجس: هههههه اقنعتني والله ذلحين مطلوب مني اصدق

نزل وجهه لوجههاا وهمس بقهر: مطلوب تصدقي انني احبش انتي هذا بسسس... لف وخطي سحب تلفونه من الشاحن وخرج من الغرفة وهو مقهور من كلامها..


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 76 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


ثانـــي يـوم الصـــبح...!!

المستشفىى..!!
تكلم وهو يدخل للغرفة: لبنان افهمي مابش داعي لجيتكن وتعطلين المدرسةةة.. احمد بيجوا عنده رجال خيرات ماعتقدرين تبسرينه...... لبنان......... مابش فايدة معش احمد يتفاهم معاكن..

مد تلفونه لاحمد واتكلم: مرتك ولبنان يشتين يجين لاهانا ويعطلين المدرسةة تفاهم معاهن..
.
.

بيت الشيخ...!!

بغرفة لبنان..!!
لبنان بفزع وهي تمد التلفون لسجى: هاه كلمي احمد قلش هو عيتفاهم معانا هو

سجى: يييه وانا ما اقول له يا كلبةةة... انتبهت على صوته من التلفون: الوووو

سجى بهدوء: صباح الخير.. كيف انت

احمد: صباح النور.. انا تمام.. مابش داعي تغيبين عن المدرسةة ولابه داعين تجين مفهوم ي سجى

سجى: حاضر ودك حاجة

احمد: انتبهي لنفسش واذا عادش تاعبة لاتخطيش للمدرسةة

سجى: لا انا بخير الحمدلله بس كان نشتي نجي لاعندك نبسرك

احمد: مابه داعي عندي رجال داخلين خارجين.. وقد عتخرج اليوم والا غدوة.. يلا مع السلامةة

سجى: مع السلامةة... غلق الخط وهي مدت التلفون للبنان واتكلمت وهي تخطى: عتخطى اللبس الزي وانتي البسي بسرعةةة...!!

@rewayatyamania المصدر الأول للروايات

وقفين بالحوش واتكلمت لبنان بقهر: اخطين اخطين المدرسةة وفي الاخير ماحد من يوصلنا

سجى: مفاتيح سيارة احمد عندي من امس..

لبنان: حلو ليش منتظرة هياا خطينا

سجى لفت وخطيت للبيت: استأذن من احمد وارجع ريعي..!!
.
.

المستشفىىى..!!
احمد: متأكد ماحد فلت منهم يا وسام

وسام: العقيد علي اكد لي اللي مات مات واللي قبضنا عليهم قبضنا... عنبدأ التحقيق من اليوم

احمد: سابر والعقيد علي اي حين روح امس


وسام: يمكن اربع العصر او اكثر.. وانا اشهد انه رجال وشهم ماقصر والله

احمد: اي بالله والنعم

دخل امجد واتكلم: شل يشتوا يحاكوك.. وخلي تلفوني معاكك لوما ادي تلفونك مالي حاله لسيرة والجية ومعي عمل..خرج بسرعة وهم بيبسروه باستغراب...رفع التلفون لاوجهه وبسره احمد2..وعرف انه رقم سجى واتكلم: الووو ماقد خطيتوا المدرسة ليش

سجى: اتصلت لهذا الشي ماحد من يوصلنا

احمد: اوووف نسيت..ماعد ينفع ارسل امجد

سجى: مابش داعي..اتصلت استأذن..عادي لو اخطى بسيارتك للمدرسةة

احمد بتنهيدة: طيييب بس سوقوا دلا وانتبهوا للطريق تمام

سجى: حاضر..مع السلامة

احمد:الله معاككككم...!!

@rewayatyamania المصدر الأول للروايات

صنعــــاءء..!!

وقت الراحةةة..!!
خطيت لاجنبها بسرعة اول ما بسرتها خرجت من فصلها واتكلمت بهمس: لاتظني ان هيثم يحبش ويموت عليش..الحب لي اناااا وعلى فكرة الكل بيقول انا له من واحنا صغار

وقفت ولفت لها وبرفعة حاجب: وانتي لاتظني ان هيثم بيفكر فيش لأن زيش زي اي بنت حرام كلمها وضحك عليهااا وانتين عنده احذي..اما انا الاصل والفصل ومرته وحبيبته ولو ما كان يحبني يا استاذة رحاب..ما كان خطبني الف مره من ابي واتزوجني فهمتي او اوضح لش اكثر..خطيت

رحاب بقهر وهي تخطى محاديه لها: هههههه لو كان بيحبش ماعاده على تواصل مع اللي كان يتواصل معاهن ومعي انا بالذات يجلس يكلمني بالساعات

نرجس ببرود: لأنهن رخيصات وانتي ارخص منهن ياحبي

مسكت يدها بقوة وهمست لها بحدة: عتندمي يا نرجس..هيثم مشوا لش وتقولي قالت رحاب

نرجس: هههههه يماه فجعتيني انقلعي من قدامي مش انا فاضيةة لناس فرغ صيع زيييش..سحبت يدها بقوة وخطيت

وقفت قدامها وبسرت ماعد به بنات كثير كلهن نزلين... قربت منها قوي وهن براس الدرج وهمست بخبث: قلت عتندمي وكثير يانرجس كثييير

.. وبحركة سريعةة نكعت نفسها من الدرج وكل البنات صاحين بصدمة وخوف ونرجس مكانها والصدمة شلتهااا...!!
.
.

علـــي..!!
بيحمل بالحوش متجه لسيارته ونظره لجيبه بيخرج المفاتيح وما انتبه لزهراء اللي قاطعه للطريق وبيدها تلفونها..دقها لوما نكع التلفون للقاع واكتسر وزهراء شهقت بصدمهةةة ونظرها للتلفون: تلفووووني

علي بتوتر: انا آسف ما انتبهت

نزلت نفسها ومسكت وبسرته معدوم بالمره تكلمت بحدة وهي توقف: اعمىىىى انت ما بتبسررر ما بتستضيييش

علي ببرود: قلت آسف ما انتبهت.. وبعدين انتي خاطية وحسش وين

زهراء بقهر: مادخلك بحسييي كسرت تلفوني ذلحين من يدي تلفوون

علي بسخرية: وتسمي هذا تلفوون.. عتدي لش بدله واحسن منه

زهراء بحدة: من طلب منك تدي بدله ي معفن يا مرريض.. هذا التلفون يسواك ويسوى عشرة من امثالك

علي بعصبية: ثمني كلامش احسن ما اكسر لش لقفش هذاااا

زهراء بتحدي: اتحداااك وربي لااكسرهااا قبل ترفعهااا

علي من بين اسنانه: اصلآ ايش يرتجي واحد من واحدة بنت مزيــــنةةةة

رفعت يدها بسرعة وتلقائيا تضربه كـــــــف...بس مسك يدها بقوةة وصدمة من جرأتها وعيونه بعيونها الحادات





📚 @rewayatyamania  🇾🇪

.

البـارت 77 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


زهراء بفحيح وهي تحاول تحرر يدها من قبضته: بنت المزينة افضل منكككك لـ الف يا حقير ياجزمةةة..ي ولد القبايل ياللي ماعرفت امككك القبيليـــة تربيكككك..سحبت يدها من يده بقوة وخطيت من قدامه بكل شموخ وغـــــرور..

وعلي نظره لها بصدمةةة من كلامها ورفعها ليدها بوجهه..حط يده على خده وكأنها اعطته الكف اللي كان عتضربه به حس بقهر وعصب لـ الف..

لف بسرعة وخطي راجع للفيلا وطلع لاجناح جده فتح الباب بقوة واتكلم وهو يلهث: انا مـــوافق اتــــزوج زهـــــــراء...!!!
.
.

صنعاءء..!!
خرج هيثم من غرفةة الادارة بعدما استدعوة ووجه نظره لنرجس اللي هادئة ولا كأن شي حصل وقف قدامها واتكلم بهمس فيه حرقةةة وبعيونه نظرة توسل: البنت بحالة خطرةةة... ليـــش دهفتيهـــا من الـــدرج ي نرجس ليــــــــش..

وقفت قدامه واتكلمت بهمـس خايف: مش انـا

مسكها من يدها وخطي معاها وخرجوا من الادارة والمدرسةة بكبرهااا...فتح باب السيارة واتكلم بحدة: اطلعـــي..

@rewayatyamania المصدر الأول للروايات

وقف بالسيارة قدام البيت واتكلم بدون ما يلف لها: انزززززلي

نرجس بهمس: هيـثم..

هيثم بحدة وهو يضرب الدركسون بيده: قلتتتت انززززلي

فتحت الباب ونزلت من السيارةة وهيثم تحرك بسرعه من قدامها تقدمت بخطواته ودخلت للبيت.. بسرت عمتها وام هشام وجيهان بالصالة وبيبسرنها بنظرات لوم وعتاب تكلمت بهدوء: سلااام

ردين: وعليكم السلام

ام هشام بحدة: ما فعلتي بالبنت اسعفوها للمستشفى

جيهان: معش عقل انتي تدهفيها من الدرج ما فعلت بش

ام هشام: تفعل ايش ما فعلت ما توصلش لهذا الحد هذا شروع بالقتل

جيهان: مفروض تلاقي جزاش البنت بحالةةة خطيرةة

ام هشام بتحسر: ي عزتتتي لش يا بنت اخي يا عزتي الله يعدمها يداتها.. طبعآ ام هشام اخوها متزوج اخت ابو هيثم..

ام هيثم: بس انتي وهي ما بتبسرين كيف قد البنت مفجوعةة نرجس تعالي يا بنتي وفهميني ماوقع

لفت لها نرجس اللي بتبسرهن بصدمة من كلامهن وخوف من اللي عيحصل..وقبل تقدم لعمتها وقفت على صوت دق الباب القوووي والكل فز برعب وخطيت جيهان تبسر من..

ام هيثم بتوتر: ياالله ستركك وخراجك مابه

صوت عالي وهو يتقدم لاداخل: وينهاااا اللي كانت شاتقتل بنتتتي وينهااااا

ام هشام تقدمت وهي ترد: ناصر ليش جيت كيف رحاب

ناصر ابو رحاب بحدة: وينهااا مرةة هيثم

دخلين شرطة النساء بعده والكل انصدم واتكلمت ام هيثم بفزع: من هولا وليش جيين

ابو رحاب بدعممة وهو يأشر لنرجس: هذه اللي حاولت قتل بنتي شلنهااا للحبس

تقدمين من نرجس اللي يبست بقعتها من الصدمة والخوف ولاعاد حملينها ارجلها..مسكينها واتكلمت ام هيثم بفزع: وين شاتشلوهااا تكلم ي ناااصر ما يسبر احنااا اهل خلنا اول نفهم القصةة

ابورحاب بحدة: كل شي واضح ي ام هيثم مرة ابنش دهفت بنتي من راس الدرج وهذا شروع قتل لازم تأخذ جزاتها وبنتي بين الحياة والموت شلوهااا

خطينها الشرطيات معاهن ونرجس لفت لعمتها بخوف ورجاء: عمـــــةةةة

ام هيثم: فكوهااا..كلموا هييثم ما يبسرش تشلوها هكذااا تكلمي يا ام هشااام

ام هشام ببرود: مادخلني انا هي غلطت وتشل جزاها

جيهان بتوتر: كلموا هيثم ياعم مايسبر انتوا انساب واهل

ابو رحاب: شلوها السجن يلااا هيااا

خطينها معاهن ونرجس تتكلم بصوت عالي: ما فعلت حاجةةة..عمةة...كلمي هيييثم.. بعدييين مني...... هييييثم..

طلعوها سيارة الشرطة واتحركوا لسجن النساء...!!!

.
.

بالمستشفى..!!
هيثم بيسير ويجي بتوتر ودنيا جالسة جنب عمتها وبتحاول تهديها ومنتظرين الدكتور يخرج... شل تلفونه اللي رن وبسره رقم جيهان رد بهدوء: الوووو

ام هيثم ببكاء: هييثم الحق نرررجس شلوهاااا شلوهاااا

وقف مكانه وسأل باستغراب وخوف: شلوها من فهميني

ام هيثم وبتحاول تكتم بكاها: جاء زوج عمتك مع العسكر وشلوها للسجن

هيثم بصدمةة: ماااااهووو

ام هيثم بكت ماعد قدرت تكلمه وشلت التلفون جيهان واتكلمت: هيييثم بسرعة سير شلوا نرجس وهي خايفة قوي وبتداعي باسمك.. مدري ما شايفعلوا بهاا


قفل الخط وحمل بسرعةةة خارج من المستشفى متجاهل مناداة دنيا وعمته ما بباله الا نرجس وكيف حالتهااا ووين كان يوم احتاجته!!
.
.

عــودة لـ علـــي...!!
فتح بقوة واتكلم وهو يلهث: انا مـوافق اتــزوح زهـراء....

فز وبعد اول ما رجمه جده بالمخده وهو يتكلم بقهر: اول تعلم الادب وكيف تفتح الباب ي حمار وبعدها فكر تزوج

علي وهو يتقدم منه: هيا ايش يا جد مش انت اللي قلت مابلا اتزوج ولما وافقت جيت تكسفني

الجد بهدوء: كنت متأكد انك عتوافق خلاص عتخطى اكلم ابوها ذلحيين

علي: واذا وافقوا معي شروط

الجد: شرطوا راسك او انت بنت اخرج من قبااالي

علي: ...


https://hottg.com/+Ecxq_OzMYh40M2E0






📚 @rewayatyamania  🇾🇪

.

البـارت 78 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


الجد بهدوء: كنت متأكد انك عتوافق خلاص عتخطى اكلم ابوها ذلحيين

علي: واذا وافقوا معي شروط 

الجد: شرطوا راسك او انت بنت اخرج من قبااالي

علي: ههههههههه هو شرط واحد بس

الجد: ايشوه

علي: اذا وافقوا عتقولك.. ذلحين خاطرك تأخرت عن شغلي

الجد: الله معاااك 
.
.

هيثــم..!!!
ترجل من سيارته ودخل للمركز باقصى سرعةة كلم اول عسكري قدامه: وين مكتب المدير هانا

العسكري اشر له: هانككك

خطي بسرعة لاعنده دق الباب ودخل وهو يتكلم: السلام عليكم

الضابط: وعليكم السلام تفضل بأيش اخدمككك

هيثم وهو يوقف قدامه: انا هيثـم الـ..... زوجتي نرجس الـ.....  موجودة عندكم هانا

الضابط: هاه ايوةة قدمت عليها شكوى قضيةة شروع في القتل والقانون شايشل مجراه

هيثم بمصابرة: وين وديتوها ممكن ابسرررها

الضابط: عادها هانا بالحجز ماقد حولناها للسجن

هيثم: ممكن ابسرها ضروري

الضابط وقف: طيب تفضل معي..

وقفوا قدام غرفة الحجز واتكلم الضابط: خمس دقايق بس

هز راسه بمعنى تمام وفتح الباب ودخل.. غلقه ووجه نظره لها بسرها بالزوايةة بزيها المدرسي حاضنه نفسها وراسها بين ارجلهاا..حس الزمن توقـف عنده لما بسرها بهذا المنظر... تقدم خطوتين وهو يتكلم: نــرجـس

رفعت راسها بصدمةة وعيونها ملان دموع  ومنهارة بكاء فزت وقامت وحملت لاعنده حضنته  بقوةة وانفجرت بكاااء: هيييثم خرررجنييي من هانااا خرجنييي

لمها لاصدره وغمض عيونه بحرقةة وهمس: ياعيون هييثم تبشررري

نرجس بجنون: مش انا والله مش انا ما عيستها هي من نفسهااا

رفع راسها من صدره ومسك وجهها بين يداته واتكلم برجاء واضح بعيونه: من دهفها قولي لي انتي او مععع

نرجس بضعف وغصة وعيونها بعيونه: مش انا واقسم بالله ي هيثم هي جت لاعندي بعدها تكلمت كلام عنك ومدري ايش وانا ما عبرتها بعدها قالت عتندمي ووقفت قدامي بالدرج ونكعت نفسهااا والله ما لمستها والله والله والله

رجع راسها لاصدره واتكلم بهدوء: وربي لاخرج حقش من عيونهم كلهم واولهم رحاااب

نرجس بكت اكثر واتكلمت: ليش ادوني لاهانا

رفع راسها ومسح دموعها وهو يتكلم: شاخرجش الآن ذلحين

نرجس: مفتجعةةة لاتفلتني هانا وحددددي

تنهد بحرقة واتكلم: اخطى اثبت براءتش وارجع لش ما شاخليش هانا

نرجس ببكاء: يعني انت مصدقني.

ابتسم بقهر ورد: اكذب الكل عداش انتي

ابتسمت من بين بكاها وهي تمسح دموعها

هيثم بتنهيده: كان معاكن بنات بالطارود او انتين لوحدكن

نرجس: الا به بنات بس مدري اذا بسرين او مع

هيثم: سابر..ساعة بالكثير ما شاخليش هانا خيرات

نرجس بسرته بثقةة وهزت راسها

باسها على راسها وهمس: استودعتش الله..لف وخرج ونرجس جلست بتعب بس مابكت لأنها واثقةة بهيثم ما عيخليها هانا

@rewayatyamania المصدر الأول للروايات

خرج من المركز وبسر هشام ورشاد وحسام  جايين للمركز وقفوا قدام بعض واتكلم رشاد بصدمة: صدددق اللي سمعناااه ي هيثم

هيثم بتنهيده: صدق بس نرجس بريئة ويشهد الله اني لا اطلـع حقها من عيون رحاب وابوهااا

هشام: حبسها صدق هكذا لاقدر عرف ولا قبيلةة ولا اهل

حسام بقهر: انذاااال..بس صدق مرتك دهفتها او مع

خطي من بينهم وهو يرد: بنت الكككلب نكعت نفسهاا ولفقتها بنرجس.. بس نسيت ان هيثم بظهرها والله لا اخرج حركتها من عيونهاا الثنتين

رشاد: وين ساير

هيثم وهو يركب سيارته: للمدرسةة

خطي حسام لاعنده وهو يتكلم: ريع شاجي معاااك

رشاد: شالحق انا وهشام بسيارتي..
.
.

دانيــال..!!
تكلم بصوت عالي وهو بطرف الجربةة: حامد كملت اللي عندي وانت

حامد بصوت اعلى: ايوةة تعااال لاهانا..لف لاوراه اول ما سمع دعس وصغر عيونه باستغراب..دقق النظر بالجربة الذرة اللي قدامه وفتح عيونه بصدمةة اول مابسر خيال رجال من خلف الذرة.. رجع لاقدام ومشى بهدوء متجه لادانيال اللي جايي لاعنده

اسرع بمشية وهو بيأشر لدانيال يرجع بس دانيال مافهم واتكلم: ايييش لأيش بتأشر


فز حامد وهو يمسك راسه ويجلس اول ما سمع صوت رصاصة باتجاهه وفز دانيال بصدمةة

وقف بسرعة وسعي وهو يتكلم بصوت عالي: عددددي اهرررب اهرررب بسرعةةة

دانيال واقف مكانه ونظره للرجال اللي خرجوا من بين الذرة وسعيوا لجهتهم وصل لاعنده حامد وسحبه معه من يده: اسعىىى بسرعةةة ما بتبسر عيقتلونا...

دانيال استوعب ولف وحمل مع حامد..ضربوا رصاصة ثانية بجهتم ووصلت لابين ارجلهم واتكلم دانيال بصوت عالي: من هولااا وما يشتوا وليش بيضربوا رصاص

حامد بصوت اعلى وهو بيسعى: مش وقتتت اسئلتككك اسعىى لا يوصلوا لنا او يصيبوا واحد مننا...

دانيال: ادخل هذا الجربةةة بسرعةة

دخلوا لابين الذرة والرجال خلفهم مسافةة

حامد: احمل بعدي نخطى لاهانك نتخبى قبل يخرجوا ويبسرونا بسرعةة





📚 @rewayatyamania  🇾🇪

.

البـارت 79 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


وقفوا قدام قصب ذرةة بوسط جربةة واتخبوا خلفه وحامد ينزل القصب لافوقهم ويغطيهم وكل واحد يشل نفسه بتعب وقوةة...!!
.
.

صنعـــــاء..!!
هيثــــم...!!!

المدرســـة..!!!
تكلمت المديرة ونظرها لهيثم وحسام ورشاد وهشام: طيب تعال ي هيثم وعندخل كل فصل ونسأل من منهن كانت موجودة وقت الحادثةةة

خطي هيثم معاها والباقي انتظروا بساحة المدرسةةة..!!
..
..

دخلوا فصل نـرجس واتكلمت المديرة: السلام عليكم يا بنات

الطالبات: وعليككمم السلام

المديرة: جيت اسألكن لو به واحده منكن بسرت الطالبة رحاب لما نكعت من الدرج وكيف لوما نكعت.. نرجس دهفتها او ادربت من نفسها واعرفين ان من كتم شهادة الحق يعتبر شيطان اخرس

كل الطالبات تهامسين بينهن واتكلمت واحدة منهن وهي توقف: انا كنت موجودة وبسرتهن لوما تصايحين

فز هيثم بـ أمل ووجه نظره للي تكلمت

المديرة: تعالي يا بنتي لاهانا تعالي

وقفت الطالبة قدامهم واتكلمت: رحاب كانت تكلمها بحدة وتضايقها ومدري بأيش كانت تهمس لها وانا واختي خاطيات خلفهن نازلات نصتبح..

هيثم: طيب بسرتي كيف لوما نكعت من الدرج

الطالبة بثقة: ايوة مدري ما همست لنرجس وهي توقف قدامها ونكعت نفسها بالخلف علشان الكل يظن انها نرجس بينما نرجس ما رفعت حتى يداتها  باتجاهها

ابتسم هيثم بفرحة ولف لكلام المديرة: طيب تقدري تداعي اختش دامها بسرت معش وتجين معانا للمركز لأن نرجس شلوها بتهمة شروع قتل.. وانا شاجي معاكن 

الطالبة: مش مشكلةةة نرجس تستاهل

هيثم ببسمة: شكرا تفضلين معي نداعي اختش...!!!

@rewayatyamania المصدر الأول للروايات


القريةةة..!!
دانــيال بهمس: حامد شكلهم جزعوا

حامـد: مدرري..

دانيال: لنا خيرات اكيد قد خطيوا قم نخطى قبل يرجعوا افضل

حامد: لحظةة خليك مكانككك...رفع نفسه بحذر ووجهه نظره للمكان ولوما تأكد ان ماحد تكلم: عدي قوم ماعد حدا

رفع  نفسه من الارض بتعب واتكلم وهو ينفض لداته من التراب: عتفهمني كل شي ومن هولا اللي يشتوا يقتلوك

حامد بتوتر: من قال يشتوا يقتلوني 

دانيال برفعة حاجب: واللي حصل قبل شويةة اكشن بفيلم هندي او ايش

حامد خطي من قدامه ووقف اول ما مسكه دانيال واتكلم: دانيال اوعدك افهمك كل شي بالوقت المناسب.. بس المهم توعدني انك ما تكلم احد باللي حصل هانا خله سر بيني وبينك طيب

فك كتفه واتنهد واتكلم وهو يخطى: براحتكك ما يعجبني الغج خيرات بس ماعليا اذا بكرة لقيناك جثةة هامدة

حامد وهو يخطى جنبه ويوزع نظره حوله بترقب: هههههه لا ماعليك الله الحافظ..!!!
.
.

صنعاء..!!

المستشفىى..!!
انتبهت على قدوم زوج عمتها لاعندهن وهو يتكلم بقهر: شليت حق بنتي ودخلتها السجن وشاتشل جزاتها

ام رحاب بفزع: من دخلت السجن

ابو رحاب: مرة هيثم

ام رحاب بصدمة: ايييش انت عارف ايش بتتكلم

دنيا فتحت عيونها بصدمةةة وقلبها ازدادت دقاته وفكرها سار لهيثم وموقفه

ابو رحاب: كان مارأيش اسكت على حق بنتي الوحيدةة هذه محاولةةة قتل كانت شاتموت بنتي

ام رحاب بكت وهي تتكلم: يافضيحتي منككك يااخي ياسواد وجهييي منكككك يا هيثمممم لاقدرت نسب ولا قبيلةةة ولاعرف ما عيقولوا علينااا الناس

ابو رحاب بحدة: يقولوا ايش ما قالوا ما دخلنييي هذا حق بنتي

لفوا كلهم على صوت ذكرى.... اخت ابو هيثم الصغيرة ذكرتها فوق: لطيفةةةة ما سمعتتت منكم صدددق دخلتوا مرة هيثم السجن

ابو رحاب بحدة: مابسرتي الا تيه ماحتى سألتي عن حالة بنت اختش..

ذكرى بقهر: ان شاءالله انها بخير بس ما فعلتوا قد ابو هيثم وعبدالله شعلوا الدنيا اول ماعرفوا

ام رحاب ببكاء: مش اناااا ولاتزيدي علياا اللي فيني مكفيني..

دنيا وقفت واتكلمت: عمة ذكرى ممكن تلفونش ضروري

ذكرى مدت لها وخطيت جلست جنب ام رحاب..

دنيا خطيت للطرف واتصلت لرقم هيثم.. اللي رد على اخر رنةةة: هاه عمةة

دنيا بتوتر: هيثم انا دنيا وينك انت

هيثم وهو بيسوق السيارة ومعه الاستاذة والبنات متجهين للمركز: خاطي المركز.. مشغول مع السلامةة

دنيا بسرعة: هاه هاه.. جي شلني ضروري

هيثم: دنياااا انا مشغول اتصلي لهشام

دنيا ببكاء: ضروري تجي علشان نرجس لاتجلس بالسجن اكثر انا دارية بككل شي وضروري اتكلم

رد بصدمةة وهدوء: راعي لي قدام المستشفىى... قفل الخط ودنيا رجعت تلفون عمتها وخطيت خرجت بسرعةةة...!!
.
.

وقف بالسيارة قدامهااا وهي خطيت وركبت جنبه واتكلمت: السلام عليكم

الكل: وعليكم السلام...

تحرك هيثم والكل بهدوء تام... وبعد دقايق جنب السيارة قدام المركز واتكلم بهدوء: انزلين..


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 80 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


تكلم هيثم بعدما صافح الضابط: هولا شهود يثبتين براءة نرجس

الضابط: تفضلين كل واحده تدي افاداتها

تكلمت الطالبة واختهاا باللي بسرين نفس الكلام اللي تكلمت به في المدرسةة

الضابط: هذولا فقط

هيثم وجه نظره لدنيا واتكلم: باقي الشهادة الاهم

تقدمت دنيا ووقفت جنب هيثم بتوتر: انا دنيا الـ.....

الضابط: اختككك

هيثم: ايوةة

الضابط: مايسبر

هيثم: ورحاب صديقتها وبنت خالها وعمتها..

الضابط: طيب تفضلي

دنيا: اليوم الصبح كلمتني رحاب انها عتعمل مصيبةة لنرجس وتلفق لها تهمة ولما خرجنا راحة قالت لي.. ابسري ما عتفعل بهااا وانا كنت واقفة بعيد منهن شويةة وبسرت لوما رحاب قربت من نرجس ونكعت نفسها بنفسها نرجس ما لمستها واقسم بالله

هيثم عض طرف شفته بقهر وبسر دنيا بنظرات تقتل..

الضابط: طيب الآن ندرس الموضوع وساعة بالكثير وتخرج ان شاءالله..
.
.

الساعةة1 الظهر..

المدينةةة..!!
تكلم الجد بعدما الكل اجتمع للغداء بفيلا ابو دانيال: اسمع يا علي

ابو زياد بانتباه: امر يا غالي

الجد وجه نظره لزهراء: علي ولد احمد اخوكككك طالب يد الزهراء بنتككك على سنة الله ورسوله

زهراء وزياد وزينب فتحوا عيونهم بصدمة واللي صدمه رد ابوهم: نتشرف والله وين نلاقي احسن من علي

زهراء بقهر: ما يستحي على نفسه وبككل وقاحةة جايي يطلب يدي

ابو دانيال تكلم: مافيها يا بنتي هو ولد عمش واولى بش من غيره

زينب ساكته بهدوء ومنتظرة لانفجار زهراء

زهراء: من قال انه ولد عمممي

ابو زياد بحدة: زهراءءء

زياد: اباااه مابش حاجة بالغصب واختي ما عتتزوجه وما نشتيه

الجد بحدة: اقصر الشر انت وهيي وازهلوهااا والكلام مع ابوكم مش معاكم

زهراء بحدة: واظن الموضوع يخصني اناااا لذلك وصل ابن ولدك الررفض

ابو زياد لف لابوه واتكلم: قلهم ان احنا موافقين وحياهم الله

زينب بصدمة: ابااااه

زياد بحده: ما بتسمعش زهراء بتقول مععع

ابو زياد: كلمةةة للهدار ماعليك انت

زهراء ضحكت بقهر وهي توقف: عنبسرر والايام بيننا انا قلت اللي عندي وبسس ابن ولدكم ما يناسبني ولااشتيه..!!!

@rewayatyamania المصدر الأول للروايات

الجـوكـ ـر...!!!
تكلم بحده ونظره لماجد: كيييف ما استروا له وقدهم اثنييين كييييف

ماجد: كان جنبه واحد وهو ذكي حس وهرب قبل يطلقوا النار عليه

الجوكر: وبعدها

ماجد: لحقوه رجالنا بس ضيعهم واختفىى ماعد لقيوه

الجوكر بقهر: كودين عرفنا مكان قريته وانت ورجال الهبل بكل بساطةة تضيعوه من ايديكم

ماجد: وين عيسير احنا بعده لوما نقرح راسه

الجوكر بعصبية: هي فرصةةة وضاااعت بعدما عررف ان احنا لقينااااه عيشل احتياطه ويختفييي

ماجد سكت بدون رد

الجوكر بقهر: لو يوصل الفلاش لايد الشرطةة عتنتهي فاااهم الجوكرر يكوون بححح...!!!
.
.

صنعاء...!!!
فز اول ما انفتح الباب ودخلت نرجس مع شرطيةة وكل معالم التعب باديةة عليهاا تقدم منها واتكلم بهمس: كيييفش

نرجس بتعب وعيون ذابلات: خرجنــي..

ابتسم لها بهدوء ومسك يدها بين يده واتكلم وهو يشد عليها: ابشرري.. الا نخرج

الضابط: بعد افادة الشهود اتضح لنا انش بريئة وان الضحية رحاب.. هي اللي نكعت نفسها من الدرج وانتي خارجةة عن الموضوع وتقدري الآن تخرجي

نرجس لفت لهيثم بعدم تصديق وهيثم ابتسم لها بتأكيد واتكلم: هياااا

خرجت معه بهدوء وبدون كلام لوما وصلوا للسيارة.. فتح لها الباب الامامي وطلعت واستغربت من وجود دنيا والمديرة وثنتين بنات بس دعممت وهي ترجع راسها للمقعد وتغمض عيونها بتعب.. وهيثم تحرك بالسيارةة متجه للمدرسة يوصل المديرة والطالباات...!!
.
.

دخلوا للبيت وبسروهم كلهم بالصالة والكل فز واتكلم ابوهيثم: الف الحمدلله على السلامة..

نرجس دعممت وطلعت الدرج بسرعةة ومابسرت لابين احد

ارجوان بقهر: مالها ماترد

ابو هيثم: لا تلوموها اللي حصل لها مش قليل

ام هيثم بقهر: وعاد ناصر لايخاف الله ولا رسوله.. دخل جاهلةة السجن.. لو يدرى ابوها ما شايقول والله ما يسكت والله

هشام: ان شاء الله مايدري من شايقووول له اذا ماحد مننا تكلم

جيهان: ولو قالت لهم نرجس

ابو هيثم: لا هيثم قول لها مابش داعي تقول لأهلها

هيثم تنهد واتكلم بهدوء: هي حرةة اذا ودها تقول لهم تقول واحسن علاسب عمي ناصر يعرف ايش معنى قبيلة وعادات ويحترمهن

ام هشام بقهر: واخي مافعل هكذا الا من حرقةة قلبه على بنته

هيثم بحدة: وعلىىى حساب نرررجسس.. بنته تخطط وتلفق تهم وهو يخطى خلفها سعما البقرةةة

ام هيثم: ذلحين نكعهااا

هيثم بسر دنيا بنظرات ناريةة واتكلم: اسألوا دنيا هي شاتقول لكم بالتفاصيييل.. فلتهم وطلع الدرج متجه لشقته...!!


https://hottg.com/rewayatyamania/51645



📚 @rewayatyamania  🇾🇪

💔

بارتات يومنـا الاثنـين 👆🏻😍

.

البـارت 81 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


المستشفىى..!!! بالقريةة
لف لدقةة الباب وفتحه ودخلين منها  لبنان  مغطية وجهها بباقة ورد وسجى خلفها بيدها ورده بيضاء جوري

لبنان بضحكة وهي تتقدم منه: سلااام مفاجأة عررفت من احناااا

احمد بهدوء: وعليكم السلام.. لا ماعرفت ههه

نزلت الباقة ومدتها له وهي تتكلم بضحكة: معقول اخي ما يعرف صوووتي ويميزني من بين الف

مسك الباقةة واتكلم بابتسامة: تسلمييي

لبنان: الله يسلمك

وقفت سجى جنب لبنان قدامه ومدت له الوردة واتكلمت بهدوء: الحمدلله على سلامتك مرة ثانيةة

شلها من يدها ورد بابتسامة: الله يسلمش

سجى: كيفك اليوم ان شاءالله احسن

احمد: الحمدلله

لبنان: تغديت او مع

احمد: الحمد لله تغديت مع امجد ووسام.. انتين ليش جيتين بذا الوقت عادكن روحتين من المدرسة صح

لبنان: ايوةة بس قلنا دام السيارة معانا نعرض لاعندك نبسرك بعدها نروح

احمد: ماكان به داعي يومين بالكثير واخرج

لبنان: ان شاءالله.. يلا خاطرك عنخطى

احمد: الله معاكم

سجى: ما تحتاج حاجةة قبل نخطى

احمد: تسلمين امجد مابيقصر

لبنان مسكت يد سجى وخطيت وهي تتكلم: يلا مع السلاامةة..

احمد: مع السلامةةة..

@rewayatyamania المصدر الأول للروايات

صنعاءءء..!!
دخلت للغرفة بعدما شلت دش ولبست بجامةة بيت وبسرت هيثم جالس على الكنبة ووقف اول مابسرها

رجمت المنشفة اللي كان تنشف بها شعرها وحملت لاعنده حضنته بقوةة وبكت بنحيب

شدها له واتكلم بهمس وهو يبوس راسها: لاتبكككي ي عيوون هييثم وربي اني لا اشل حقش من وسط عيونهم

نرجس ببكاء: خفت افتجعت قوووي

هيثم بحرقةة: وربي لا افجعهم واخوفهم اضعاف خوفش.. انتي بس اهدأي ولاتبكككي

نرجس وهي تشل نفس: كيف حالتها

هيثم بحقد: ان شاءالله تموت ماعلينا منها

نرجس بغصة بكاء: هي تحبككك

هيثم بحدة: وانا ما احبهاااا ولا قلبي لهااا.. قلبي مادق الا لش وانتي

نرجس: بتراسلها

هيثم: ويشهد الله ما رقمها دخل تلفون او تسجل

بعدت منه وهي تمسح دموعها وخطيت للسرير بكل هدوء رفعت اليرقان واتمددت وهي تتغطى بالكامل

تقدم ووقف قدامها واتكلم: قومي تغدي اول بعدها ارقدي.. نررجس

نرجس بهدوء وشهاق: مااشتيش

هيثم: ما ينفع انتي بغير صبوح والكل

نرجس: ........ 

تنهد بقلة حيلةة وخطي جلس على الكنبةة واتمدد بتعب...
.
.

العصررر.. احمــــد...
تكلم بضبح ونظره للوردة اللي بيده: ضبحت اي حين عتخرررج

وسام بضحكة: حاسس بككك والله.. ماتعجبك الجلسةة بس قريب ان شاءالله

احمد بتنهيدة: اوووف وين امجد

وسام: معه عمل.. مالك انت وهذه الوردةة اعتقهااا من يدكك يااخي

رفع نظره له ورد ببرود: واييش دخلككك يااخي

وقف وسام وخطي يشلها من يده بس احمد كان اسرع ومسكها بسرعة وهو يتكلم: لا تلمسهااا يا نذذل

وسام برفعة حاجب: ليييش اول من ادوا له وردةةة

احمد: عندك هذك الباقة شل اللي ودك منهااا

وسام بخبث: اوووه ليش هذه الوردةة البيضاء من اللي اداها لككك

احمد: مايخصكك يااخيي

وسام: هههههههههه فهمت فهمت

احمد دعمم ومارد ولفوا على فتحة الباب ودخول الحسن والحسين ودنيال وحامد وبصوت واحد: السلام عليكككم

وسام واحمد: وعليكككم السلام

وسام: حيا الله من جاااء

الكل:الله يحييكك..بقيييت..

تقدموا كلهم وسلموا على احمد واتحمدوا له بالسلامةة وبعد الكلام والمجابرةة..تكلم حامد بضحكةة: يلاا شد حيلككك واتباخر سريععع علاسب تحضر عرس بنتنا وتفرح معانااا

وسام بسر احمد بسرعة واتكلم احمد بهدوء: ان شاءالله..اي حين

الحسين: الخميس اللي عيجي حفلة بس

احمد بهدوء: مبروك الله يديم افراحكم

دانيال: واياكم تسلممم

حامد وقف وهو يتكلم: يلا احنا نستأذنكم وآخر الاوجاع ان شاءالله

احمد ووسام: الله معاكم ماقصرتوااا..
.
.

وقف سيارته قدام المستشفى ونزل قفلها وخطي متجه لاداخل..

طبع درج الطابق الثاني بسرعةة وبيده تلفونه بيراسل وسام يذكره رقم كم الغرفةة..
.
.

بالجهه الثانيةة..
دانيال بهمس لحسن اللي خاطي جنبه: احمم ما رأيكك اقول لحامد كم جيت بامتحان الانجليزي

حسن همس بحدة: اقتتال وربي لا افسخكك من اختتي بعدها ابسر من ينفعكك

دانيال: ههههههههههههههاااااييي
.
.

علي خطي من جنبهم ونظره لتلفونه بس رفع راسه اول ما سمع الضحكةة ولف لهم ومابسر غير ظهورهم.. همس بصدمه: ضحككة دانيال..... ضحكته صدق او بين اتخيل.... هههههههههه الله يزكيك عقلككك يا علي قد بتتخيل دانيال بكل بقعةة.. تنهد بحرقة وواصل مشيه متجه لغرفةة احمد..!!
.
.

بعـــــد مـــ اسبــــــوع ـــــــرور..!!!!
عـرس علي ودانـــيــال..!!!

العصررر بيت الشيخ..!!!
غرفةة احمد...




📚 @rewayatyamania  🇾🇪

.

البـارت 82 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


بعـــــد مـــ اسبــــــوع ـــــــرور..!!!

عـرس علي ودانـــيــال..!!

العصررر بيت الشيخ..!!!

غرفةة احمد
رفعت راسها من الكتاب وغطت وجهها به ماغير عيونها واتكلمت بهمس: ذلحــين اسير العرس

احمد اللي كان متمدد على السرير ونظره لافوق بزهق وجه نظره لها واتكلم بسؤال: وين

سجى بهدوء: عرس البتول.. مع لبنان قد ليلى ولين خطيين قبل 

احمد ببرود: مابش داعي

سجى بقهر: ليييش

احمد: هكذااا.. ذاكري احسن

سجى: قول انك ماتشتيني اسير عرس البنت اللي كنت تحبها وخلااص وخايف لا افرح وارقص بعرسهااا.. تطمن والله مانا عارفة وينها او..

قاطعها بعصبية: سجىىىى..

سجى بغصة: هذااا الصدق ليش تصيييح

احمد بحدة: ايوه طابت لششش.. مش انا مصددق انها عتتزووج بواحد غيري وزااعل عليهااا افتهنتي ذلحييين

سجى مسكت نفسها لاتبكي وردت: اصلآ بااااين لككك زاعل اسبووع وكأن احد مات لككك وهي والله ماهي ضاربةة لكك كرت ومش هي عارفةة به احمد او ممعععع

فز احمد ونزل من السرير ووقف  قدامها بعدما وقفت برعب تكلم من بين اسنانه: ايييش دخلش مني انتتتتي

سجى بعيون ملان دموع: دااامني على ذمتكك واحتسب مرتككك لي دخل ونص

احمد بحدة: حتىىىى التزمي حدش ولاتتكلمي بهذا الكلام وقدامي ولاترفعي صوتش فاهمةةة

سجى بقهر: ذلحين اعمل حداد واحبس نفسككك بغرفتككك مثل عقدهااا.. الله والمرجلةةة

مسكها من كتفهاا بقوة وشدها له بصدمة وعصبية من كلامهااا ومن بين اسنانه: وصلتت للرجولةةة ي سجىىى  

سجى خافت بس مابينت واتكلمت بحدة خفيفة: واللي يزعل على بنت وحبها ماهو.. 

احمد بعصبيه: هكذاااا يعنيييي..

سجى بكت وهي تغطي وجهها بيدها وتلف وجهها للجهه الثانيةة

احمد شد على كتفها اكثر واتكلم بحده وهمس: لاقد تبككككي ماقد فعلت حاجةةة يا سجىى وفريهنننن لبعديين.. فك ليدها وهي جلست على الكنبةة ودفنت وجهها بزاويةة الكنبةة..

احمد خرج من الغرفةة بضبح بعدما اتصل له امجد وعرف ان قد به رجال بالمجلس.. بسر لبنان طالعة الدرج واتكلمت اول مابسرته: وين سجىى قدها جاهزةة

احمد بحدة: ماعتجيش معش اخطي لوحددش ويا ويلش لو تطلعي لاعندها.. فلتها ونزل ولبنان واقفة مكانها بصدمةة..!!
.
.

المدينةةة..!!!!
علي جالس بمكان العريس بالصالة مطنن والناس ملان من حوله بس مابش براع او نشاد احترام لدانيال وطلب علي.. وجه نظره لزياد اللي جالس جنب محمد والانزعاج والملل بادي على ملامحه..

ابتسم على جنب.. وهو يتذكر.. جنان زهراء وقد كتب العقد امس الليل.. وصياح ابوها عليهااا ومنتظر للقاهم اليوم وهو متوقع منها اي شي.. تنهد بهم وشل الصحةة الماء وشرب بهدوء..!!!

@rewayatyamania المصدر الأول للروايات

زهــراء..
وقفت زينب قدامها وهي تسبر لها الطرحةة: لفي هكذا اسبرها من هانا

زهراء بقهر: خليهااا هكذا احسسن

زينب بهمس وحدة: زهراءءء

زهراء بعصبية خفيفة: واقسم بالله لوما بكاش يا كلبةة ماكان دخلت صالة او تكوفرت لهذك النذل الكلب.. لكن بيننا انا عترويه من يلعب على زهراء

زينب: يماااه ما عتفعلي ي مجنونةة اوقعي مرةةة لا تفضحي بناااا

زهراء برفعة حاجب: خليش على جنب وبس..... ههه ابسري بنات اعمومش الكيوتات

لفت زينب وبسرت عبير وغدير وداليا وريتاج واتكلمت: ماشاءالله كل واحدة احسن من الثانيةة

زهراء: حلاهن خارجي ومن داخلهن يهوووود

زينب: ايش معش.. داليا وغدير طيوبات وعبير وريتاج بس انهن مغرورات زيادةةة...!!
.
.

بيت الشيـخ...!!

غرفة احمد..!!
شلت شنطتها اليد وردت البرقع على وجهها وخرجت من الغرفة والجناح بكل هدوء وهي بتوزع نظرها خايفةة احمد لو يبسرها..!!!
.

تنفست براحة اول ما وصلت للشارع وخطيت بفرحةة انها قدرت تخرج واتجهت لابيت البتول وبعد ربع ساعةة وصلــت..!!

بسرت ام بتول واتكلمت: السلام عليكم يا خاله

ام بتول لفت لها وبابتسامة: وعليكم السلام حيا من جاء

سجى: الله يحييش تسلمي.. ممكن ادخل غرفة ابعد العبايةة

ام بتول: اكيد حياش تعالي تعالي لغرفة البتول..

خطيت خلفها ودخلين لغرفةة البتول وسجى بعدت البرقع والطرحةة

ام بتول باعجاب: ماشاءالله.. بين اتشبهش بس ماعد ذكرت

سجى بابتسامه وهي تنزل العباية: انا سجى مرة احمد ابن الشيخ قاسم

ام بتول بتفاجؤ: ماشاءالله ماشاءالله ايوة ذكرت عيونش لوما بسرتهن بعرسش الله يحفظش والله انش قمر

سجى  ببسمة: عيونش الحاليات تسلمي.. لو فيها ازعاج ممكن تدخلني للديوان مستحية ادخل وحدي

ام بتول: يوه اكيد هيا تعالي خلي لداتش هانا ولما تروحي عتديهن لش

سجى: حاضر..!!
.
.

دخلت خلف ام بتول وهي راسمةة على وجهها ابتسامه زادتها جمال.. بسرت لبنان بتبسرها بصدمة واشرت لها بيدها بابتسامةة..




📚 @rewayatyamania  🇾🇪

.

البـارت 83 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


طلعت الكوشةة ومدت يدها للبتول اللي ابتسمت لها واتكلمت: الف الف مبرووك زواجةة الدهر ان شاءالله

بتول: الله يباركك فيش ي قلبي

مدت يدها لنرجس وابتسمت: كيف حالش نرجس عاش من شافش

نرجس بابتسامة: الله يحييش ي نظر وتعيشي كيف حالش انتي

سجى: الحمدلله

نرجس: وماشاءالله ايش هذا الحلا طيحتي الحريوةة

سجى: هههههه لا لا بتول ملكة العرس اليوم

بتول: كان قبل تجي ذلحين الكل عيونهم عليش

سجى: هههه هه من ذوقش يلا عتنزل عند لبنان..!!
.
.

وقفت قدام لبنان واتكلمت بهمس: مالش اول مرة تبسريني

لبنان: هاه لا لا.. مسكتها من يدها وجلستها جنبها  واتكلمت بهمس: مش احمد قال ما عتجيش

سجى بنفس الهمس: وبعدها جيت المهم كيف شكلي والفستان تصلحت على السريع

لبنان: ضخم ماشاءالله اللون السماوي يجنن عليش عكس لون عيوونش.. انتبهي يصرعينش عين

سجى: هههه هه صرعوهن هن..!!

@rewayatyamania المصدر الأول للروايات

المدينــــة..!!
داليا بصدمة ونظرها لقدام: بنات ابسرررين من جاء

البنات لفين بفضول وشهقت داليا بصدمة: اشرااااق

غدير: ما اداها

ريتاج: الله يستر

عبير: قلبي حاسس ان اليوم عيكون اثارة واكشن

داليا بتوتر: بناااات طلعت المنصةة لاعند زهراءء

غدير قامت تخطى ومسكتها عبير بسرعه: اجلسي وين عتسيري لا تفضحي بنااا

غدير: لاعاد تكلم زهراء انتي عارفة مش هي عارفة ان علي كان خاطب

ريتاج: عادي مافيهاا بس لاتبيني للنسوان اسكتيين..!!
.
.

رفعت راسها لوقوف بنت قدامها ومدت يدها اول ما مدت يدها واتكلمت: الف الف مبروك ي قمر

زهراء: الله يبارك فيش

اشراق بابتسامة على جنب: اكيد ما عرفتيني وبتسألي من انا

زهراء ببرود: كل اللي هانا ما اعرفهم ما يهم

اشراق بقهر من ردها: بس انا ضروري تعرفي انا اشراق

زهراء: حياش بس اشراق من.. ما اعرفش

اشراق انقهرت اكثر: ماقد كلموش عني

زهراء: ما حصل لنا الشرف والله

اشراق قربت منها وهمست: اشراق خطيبة علي سابقآ..

زهراء ببرود: هاه سابر الله يحييش

اشراق انجلطت واتكلمت: ما قالوا لش انه كان يحبني ويجنن علياا وخطبني عن حب

زهراء: لا ولا انا فاضية اسمع افلام حب ما يعجبني على فكرةة

اشراق بقهر: انتي عارفة انه تزوجش بالغصب والا ما يشتيش لأن قلبه معي انا

زهراء بزهق: طيب وليش ما تزوجش يا بيحبش

اشراق بملامح حزن: ابي فسخ لأن فترة الخطوبة طولت وعلي مارضي يتزوج وعاد دانيال مات

زهراء بملامح هادئة: وماشاءالله تزوجتي بسرعةة يا بيحبش

اشراق وجهت نظرها لدبلتها واتكلمت: قريبآ عتطلق ما سدينا

زهراء: هاه سابر ممكن تهوينا

اشراق بقهر وحدة: انتي عارفةة خليها باذنش اني لو اطلق لايجي علي يتزوجني بنفس اليووم لأنه يحبني وبيننا يا بنت عمه ياللي مدري من وين طلعتي 

زهراء دعمتتها ووهفت لنفسها ووجهت نظرها للنسوان واشراق نزلت بعصبية وقهر !!!
.
.

القريةةة..!!!

لفت لليلى وهي تمد لها شكلاته وتتكلم: ها ي قلبي حلي حلفت انها لش

بسرت كل النسوان نظرهن لها وشلتها ببسمة وهمست: تسلمي

لين رمت لها كيكة فراولة: وهذا حلي بهاا من قلبي لش

لبنان بسرتهن بقهر من احراجهن لسجى

ليلى: ليش ما تأكلينه او عتردينا

سجى ببسمة توتر: لا لا تسلمي الا عتكلهن.. شلت الشكلانه وفكتها وهمست لها لبنان: مش على حساب نفسش ي سجى

سجى بنفس الهمس: اكل احسن ما يتكلمين انني مريضة قدام الناس كلهم.. اكلت من الشكلاته واتكلمت ليلى: يا ويلش تخلي منها قد اديتها لش

ابتسمت لها سجى مجاملةة 

لبنان شلت الكيكة اللي ادت لين واتكلمت بسرعة: هذه دخلت نفسي عتشلها لي

سجى ببسمة للبنان: تفدى راسش

لين وليلى انقهرين واتكلمت هناء وهي توقف وتخطى تجلس جنب سجى وتمد له حلويات وشكاليت: تفضلي لا ترديني بتبيعهن واحده هانا والله ان طعمهن يجنن

ابتتسمت لها سجى نص ابتسامة وشلتهن بيدات راجفةة وكل الانظار عليهن لأن هناء تكلمت بصوت عالي

هناء همست بخبث: بالله عليش احمد مشوا زاعل على البتول

سجى بقهر: يزعل عليها ليش

هناء بهمس: على اساس مش احنا عارفين لاتغشمي نفسش  اكيد انه غاثي

سجى وجهت نظرها لقدام بسرحان واكلت اثنين شكاليت مع بعض

لبنان فتحت عيونها وهمست لها: مجنونةة انتي عتتعبي بعدين

سجى وهي تأكل الثالث: طزززز

لبنان بقهر: سجىىى ماحد عينفعش لو تعبتي

سجى وجهت نظرها للبتول واكلت الرابع ببرود: مادخلش لو تعبت

لفت للين وشلت من يدها عصيرها واتكلمت ببسمة: تخورته

لين: فدااالش

لبنان بقهر: سجىىىى

شربته ببرود وكلام هناء ببالها وكلام احمد قبل تخرج..


https://hottg.com/+Ecxq_OzMYh40M2E0




📚 @rewayatyamania  🇾🇪

.

البـارت 84 ``


على كـف القـدر نمشي ولاندري عـن المكتـوب💔

👌🏻👇🏻 😍
📚 @rewayatyamania  🇾🇪


دانيــال..!!!

جلس حامد جنبه وهو يوزع نظره بتوتر وقلق واتكلم دانيال بهمس: حامد به حاجةة

حامد بتوتر: ها لا لاااا

دانيال: او رجعوا ذولاك

حامد لف له وابتسم بقلق: ههه مالك بتتخيل.. يا عدي ماحد بس يمكن اني تاعب

دانيال بشك: اتمنى يا حامد اتمنى

وقف الحسين قدامهم وهو يمد يده لدانيال: يلا عدي قوم نبترع حاشدي سريييع وانت يابه حامد

وقف دانيال ووقف حامد معه واتجهوا  لوسط الخيمةة وبدأوا يبترعوا..!!!
.
.

بيت الشيـخ..!!

بالمجلــس...
زفر احمد بضيق وهو يمسح وجهه وتحمدالله ان اليوم ماجوا رجال خيرات لأنهم عند عرس دانيال.. ومرتاح ان البتول تزوجت وهو متصاوب ولكن كان عيضطر يحضر العرس...

وجه نظره لأبوه ومعه ثلاثة رجال بس تذكر سجى وعض شفته ندم على كلامه لها ومنعها من حضور العرس.. اكيد ذلحين قدها عتقرح بكاء.. عارف لها ام دمعةة وقف وهو يشل تلفونه واتكلم ابوه: احمد مالك وين عتسير

احمد: بعد اذنك يا ابه انت والرجال تاعب شويةةة وعتطلع ارقد..

ابو احمد: الله معاك ولا عليككك

ابتسم احمد بهدوء وخرج من المجلس متجه للبيت وبيفكر كيف يبرر كلامه لسجى ويوضح لها.. ووقف بوسط الحوش وهو يرد على تلفونه: هلا لبنان

وصله صوت لبنان الباكي: احمددد الحق سجىى عتموووت

احمد بردين اطرافه بصدمة وهمس: سجى

لبنان ببكاء: سجىى اكلت حلا وو... احمد جي بسرعةةة قبل يقع فيهااا شي لين عتريع لكك خارج بسرعةةة... احمدددد.. احمددددد

فاق على نفسه واتكلم ببحة: وين سجى

لبنان: بيت عمي محمود عند العرس بسرعةة ي احمدد سجى ماقااامت بسرعةةة

قفل الخط ولف بسرعة متجه لسيارته وحمد الله ان المفاتيح بجيبه شغلها وطار لابيت البتوول وما بباله الا سجى عتمووت..!!

@rewayatyamania المصدر الأول للروايات

نزل من السيارة وبسر لين اللي تقدمت منه وهي تتكلم بخوف: تعال ادخل من هذا الباب بسرعةة

خطي بعدها بخطوات سريعةة سبقها وهو يدخل للغرفة اللي مفتوحة وصوت لبنان وبكاها منها

وقف ونظره لسجى اللي مثل الجثةة الهامدة بفستانها السماوي ولبنان ماسكه ليدها وبتبكي بشكل هستيري انتبه على صوت لبنان: احمد جييت بسرعةة اسعفهاا بسرعة

جلس على ركبة واحدة ورفع يده ومسح وجه سجى اللي مثلج ويده الثانيةة حطها على قلبها بخوف وترقب واتنفس براحة لما حس بنبضها السرييع تكلم بحده ممزوجة بخوف: وييين العبايةةة هاتينهاااا بسرعةةة

ادتها لبنان بسرعة ولبستها مع احمد اللي غطاها بالطرحه وشلها بحضنه وخطي ولبنان قدامه ركبها خلف ولبنان جنبها واتحرك باقصى سرعةة للمستشفى..!!
.
.

لين ببكاء: بنات لو تموت ما عنفعل

ليلى بتوتر: ما عتموت وانتي هن الا شويةة شكلاتات

لين: بس بسرتين كيف حالتها

هناء ببرود: لاتخافي الا ارتفع لها السكر شويةةة

ليلى: الله يستر كله منش يا هناء لايقع بها حاجة والله لاحمد لا يقتلنا من شق وطرف

لين بخوف: هياا نضوووي بسرعةة وندخل غرفتنا ولاعد نخرج هياااا
.
.

وقف بالطارود بتعب ويده مكان الاصابةة واتكلم بتعب: ايش اكلت يا لبنان ما وقع

لبنان وهي تمسح دموعها كلمته بكل حاجةة وكيف سجى تعبت في ثواني بس هي خرجتها بسرعة قبل احد يلاحظ وكملت: تحدينها وهي اكلت وكنت احذرهااا انها عتتعب بس مدري ماعبت راسها هناءء

احمد بعصبية وهو يضرب الجدر بقبضة يده: هو ما وداناااا بستيين داهيةةة الا هناااا هذه... وليلى ولين وربي ما سارت لهن انا ارويهن الككككلبااات

لبنان: تعال اجلس ما يسبر الوقفة لك عادك تاعب تعال

جلس احمد وهو يشل نفس بتعب ولف للبنان اول ما تذكر واتكلم بحده: مش انا قلت لش ما عتجيش العرس ولا تطلعي لاعندها

لبنان: ما طلعت لاعندها ولا كلمتها خطيت وحدي وهي جت بعدي بنص ساعةة.. قلت ان انت سمحت لهااا

تنهد بقهر انها تمردت على كلامه وخرجت بس الاهم الآن صحتها وكيف حالتها..

رفعوا روسهم على صوت امجد الخايف وهو يتقدم منهم: احمد ما معاكم هاناااا ايش به

سكت احمد وهو ينزل راسه واتكلمت لبنان: سجى ارتفع لها السكر شويةة

امجد: اوووه.. الله يعافيها ليش ما اكلت

سكتت لبنان واتكلم احمد بحده: وربي يا امجد لو يقع في سجى حاجةة اني لأحفر قبر خواتك وبنت خالتك بيداتي هولا ولا يمسين الا بالقبر

امجد بصدمةة: ليييش

احمد بعصبية: لأنهن كلبااات وارخيت لهن خيررات ومفروض اني اربيهن من اول وجديد

تنهد امجد وخطي وهو يتكلم: سابر عتدخل ابسر واطمنكم

وقف احمد بسرعة واعترض طريقه وهو يتذكر ان سجى عامله ميكأب واتكلم: مابش داعي الدكتورة والممرضات عندها

امجد: عادي ا...

قاطعه احمد: قلت مابش داعي تسلمم

امجد: طيب براحتكك معي عمل ذلحين ارجعوا طمنوني

لبنان: تمام..




📚 @rewayatyamania  🇾🇪

.

البـارت 85 ``


على كـف القـدر نمشي ولاندري عـن المكتـوب💔

للكـاتبـة: أميـرة اليمـن

👌🏻👇🏻 😍
📚 @rewayatyamania  🇾🇪


فزوا لما خرجت الدكتورة واتكلمت لبنان: دكتورة طمنينا

الدكتورة بهدوء: الحمدلله قدرنا نسيطر على وضعها بس احذركم تنتبهوا لها البنت بعمر صغير ومالها طاقة تحمل كبيررةةة ابعدوا عنها اي حاجة طعيمةة لأن صحتها تاعبةة وخاصة النفسية حاولوا تريحوها.. وفي الاخير لاعاد تأكل حلا مثل اليوم.. لأن حياتها كانت عتتضرر لوما لحقتوا عليهااا

لبنان: طيب قامت نقدر نبسرها

الدكتورة: اكيد تفضلوا
.
.

سمعت فتحة الباب ولفت بس انصدمت من وجود احمد ولفت لافوق وهي تغمض عيونها بقوةة

لبنان وهي تحبها على خدها: الحمدلله على السلامةة ي قلبي

سجى فتحت عيونها بدون ما تبسرهم ولاردت وهي خايفةة ما عيقول لها احمد لخروجها بغير اذنه

لبنان بسرت احمد بيبسر سجى بهدوء وسجى بعالم ثاني واتكلمت: انا عتخطى اطمن امجد وارجع.. خرجت من الغرفةة

وبعد ثواني لفت لاحمد بتردد وبسرته بيبسرها بهدوء وبدون اي ملامح.. امتلين عيونها بالدموع وغطت وجهها بيد اول ما نزلين دموعها

فز احمد وهو يجلس بطرف السرير ويحط يده على يدها اللي بوجهها ويهمس: سجىىى

ماردت سجى وزاد بكاها واتكلم احمد بتوتر: توجعش حاجةة تاعبةة اداعي الدكتورةة

سجى من بين بكاها وببحة: انا اسـ فـ  ـة

احمد بعد يدها من وجهها ومسح دموعها وهو يتكلم بهدوء: على ايييش

سجى ببكاء: لأني خرجت وانت قلت مع

ابتسم بهدوء وحط جبينه على جبينها وهو يهمس بتعب: خوفتيــني عليـش ي بنت وربـي حسيـت قلبــي توقـــف 

سجى بكت اكثر وهي تتكلم بتبرير: مش انا هي.. هن قالين.. مش انا.. اهئ اهئ اهئ...

رفع راسها ومسك يدها بين يداته واتكلم: اجلي الكلام للبيت يا سجى المهم الآن الحمدلله على سلامتش..!!

@rewayatyamania المصدر الأول للروايات

بعد المغررب..!!
نزل بعدما وصى لبنان تجلس مع سجى لوما يرجع وعادهم وصلوا من المستشفى بسر مريم خاطية واتكلم: وين بناتش

مريم اللي مش عارفة بشي: بغرفتهن ليش

دعممها احمد وخطي للغرفة فتحها وبسرها مقفلة ودقها بقوة وهو يتكلم: ثانيةةة بسسس اذا ما فتحتييين الباب وربي لا اكسره على راسسش وراسهاااااا فاهماااات

انفتح الباب قبل يكمل كلامه واتكلمت لين ببكاء: والله انها هناء يا احمد والله

ليلى بخوف: قالت مابلا نحرج سجى قدام الكل ونخليها تأكل حلااا.. ونتحداها

لين: ايوة والله هي هي

احمد برفعة حاجب: وانتين بقر خدددم ايش ما قالت لكككن قلتين سمعآ وطاعةةة صح

ليلى ولين سكتين.. بتوتر

احمد من بين اسنانه: انتين عارفات وربي ماعد ينفع معاكن الا ابي يربيكن من جديد لأني مش فاضي.. لف وخطي وليين وليلى بسرين بعض بخوف من ان الموضوع يوصل لأبوهن..!!
.
.

وقف قدام غرفةة ابوه ومد يده يدق الباب بس تعلقت بالهواء وهو داري لو يعرف ابوه ايش فعلين لسجى لا يطين عيشتهن وابوه معروف بقسوته وما يقبل الغلط تنهد ولف طلع الدرج ودخل لاغرفته وبسر سجى بتصلي قاعده ولبنان مابحد
خطي توضى ورجع فرش سجادته وكبر وصلى ولف لسجى بعدما سلم واتكلم: ليش بتصلي قاعدة

سجى بهدوء: بين ادوخ شويةة

احمد بتنهيدة: اولا وقبل كل شي...  مش انا قلت مابش خرجةة ليش تعصي كلامي يا سجى

سجى نزلت راسها بضيق وهمست: انا آسفةةة

احمد بحدة: جاوبي سعما الناس قلت مابش خرجةة ليش تخررجي مش انا رجال قدامش تدعسي كلااامي وتخطييي

رفعت راسها وبعيون ملان دموع وردت ببسمة قهر: وانا مش بنت ولي مشاعر لوما تتكلم بوجهي ذاكك الكلاااام وتكسرني

احمد بتنهيدة: انتي اللي خليتني افقد اعصابي واتكلم به انتي

سجى: على اساس انه كذب الكلام كله طالع من وسط قلبكك الكل عارف وداري انك كنت تشتي البتول وحبيتها بس..

احمد بهدوء: بنفسش قلتي كنت اشتيها.. وكنت فعل ماضي.. يلا قومي ارتاحي وعتتجاوز خروجش بغير اذني لأنش تاعبةة بس مرة ثانية  لو حصل وخرجتي بدون اذني عيكون خبر ثاني

سجى بهمس: حاضر

احمد: واخر مره تأكلي طعيم يا سجى او حلا انتي عارفة لوضعش لوما اسعفناش بالوقت المناسب كان الله اعلم لاوين عيطلع السكر لش. بس عدت

سجى: حاضر

تنهد ووقف مد لها يداته يساعدها تقوم.. مسكت يداته وقامت وهو ماسك لها ووصلها للسرير.. تمددت ودفاها وهو يتكلم: لاتنامي لوما تتعشي

هزت راسها وهي تغمض عيونها بتعب

اخذ نفس وخطي تمدد بالطرف الثاني وطرح يده مكان الرصاصة وهو حاسس بألم قوي خاصة لوما شل سجى بحضنه ضغط على نفسه قوي.. تنهد بتعب وغمض عيونه بوجع...!!


https://hottg.com/+Ecxq_OzMYh40M2E0



📚 @rewayatyamania  🇾🇪