للاستفسار وتفعيل الخدمه👇

@wizyou



.

اول امبارح وانا بايت في المستشفي حصل موقف علمني ان الحياة مش هتديلك الفرصة الي انت عايزها !


اب جايب ابنه المستشفي ، ومن الواضح ان حصل خناقة بين الاب والابن هي الي تعبته ووصلته لكده..

كان باين جداً من ملامح الأب انه مش متأثر نهائي مش فارق معاه وجاي معاهو غصب عنه !
واقف برة المستشفي كل الي فارق معاه انه عايز الموضوع يخلص علشان يروح ينام

كنت شايف الموقف من اول وصولهم ..
فضلت شوية متابع الأب غصب عني لحد ما جاتلو مكالمة وفضل يزعق ويقول " هو كلها يومين يعمل نفس الموضوع ونجيبه المستشفي تاني "
المكالمة كانت طويلة وكلها قسوة ، لفت نظري جملة في وسط المكالمة قالها كان بيقول " انا عايز اطلعو راجلو، انا قسوتي عليه علشان يجمد كده ، لا مش هدخل امه معاه جوة هبقي اراضيه بكلمتين لما يخرج ونروح ..بس ده علشان خاطرك انت ."


فات ساعة في التانية وانا غصب عني كل شوية اتابع ملامح الاب الي مش باين عليه اي حاجة غير الجحود ، لحد ما جت اللحظة الي الامن نده فيها علي اسم وقام الراجل بأمتغاض شديد يرد وعرفت ان ده اسم ابنه ...

= " البقاء لله .. "

كانت الكلمة من بتاع الامن للأب الي وقع في لحظتها علي الارض واتحول الجحود الي كان فيه لبكاء شديد وصراخ ..

" خلاص والله قولولو يرجع وانا مش هزعلو تاني مش هضايقو مش همد ايدي عليه خلاص انا غلطان والله انا كنت فاكرو بيكدب لما كان بيقول قلبي بيوجعني منك ."


وقفت في مكاني مش عايز اتحرك او اروح للراجل اواسيه ..

دي المرة الوحيدة الي ابقي مش قادر اتعاطف مع شخص في حالة زي دي ، كل الناس من حواليا رايحين نحية الراجل يطبطبوا عليه ويشيلوه من علي الارض وانا الوحيد الي ثابت في مكاني متحركتش !

كان نفسي اقوله شوفت ان الحياة مش هتديلك فرصة تصلح الي خربته !
شوفت انه مكانش بيمثل زي ما كنت بتقول !
شوفت ان قسوتك عليه معملتش منه راجل دي خدته منك خالص !!

انا معرفش ايه الي حصل بينهم وهل هو كان كويس ولا لأ ، بس الي شوفته ان القسوة مجابتش غير قسوة ..

وان الحياة مش هتديلك اكتر من فرصة..

رفضت تدخله تراضيه بكلمتين كان ممكن فعلاً ينجدوه واجلتهم لما تروح .. للأسف اهو سابك ومش هيروح معاك ولا هتلحق تراضيه ..

سيدي الفاضل احنا حصن الامان لابنائنا ٠٠
فماذا لو كرهناهم واصبحنا احنا الاعداء٠٠
ف اين يجدون الامان؟؟

بلاش القسوة وبلاش العند وبلاش تأجلوا تصليحكم للغلط ، الحياة مش علي مزاجك هتسيبك تختار الوقت الي تصلح فيه غلطك !


...

كان في ؜وحدة بعتت سؤال لعالم وامام بتقوله :-

؜ " هل لين القلب يؤخذ عليه أجر ؟ إن عيني تدمّع أو قلبي يوجعني على شخص أو حيوان أو موقف حصل ؟"


؜رد عليها رد جميل أوي وقالها :

"دي صفات أهل الجنة ، يدخلون الجنة بغير حساب قلوبهم مثل أفئدة الطير .

دول الناس اللي قلبها حنيّن ودمعتها قريبة

سيدنا عُثمان في غزوة بدر كل الجيش طلع وهو فضل جنب السيدة رُقية زوجته لأنها كانت تعبانه فَقعد يخدمها ويطبب عليها فَدعالو النبي ﷺ لأنه إنسان حنيّن .

فَالقلب الرقيق ده إن شاء الله يدخل الجنة بغير حساب" .

...

؜الطيّب مش عبيط واللي دمعته قريبة مش ضعيف ، إنك تكون إنسان حسّاس وحنيّن وقلبك رقيق دي أعظم حاجه ممكن تبقى عند إنسان في الدنيا ، أه ممكن تتعب شوية بسبب تصرفات بعض البشر لكن كفاية إنك تكون ضمن اللي وصفهم سيدنا النبي ﷺ وقال (قلوبهم مثل أفئدة الطير) وتدخل الجنة بغير حساب والسبب بس رِقة قلبك دي.


- منقول .

#قصص_حقيقية.

السلام عليكم