☘️لاستشهاد اية الله ابراهيم رئيسي
ورفاقه قدس الله سرّهم وطيب ثراهم ☘️



اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴

ودع اهله وراح لديار البعيده
يقره بالقرآن  شايل سبحه بيده
يناجي ربه وفاضت الروح الرشيده

جان كل مگصده يتفگد بلاده...

اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴

قدر مكتوب وامرخلصت حياته
ويه ميلاد الرضا صارت وفاته
ضامن الجنه علي لملم  رفاته

شلون ليله مباركه حصل شهاده...

اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴

بدل ماتتعلك اعله الگبه زينه
علگو رایاتهم سوده وحزينه
والامام اليوم بيهم يعزينه

ياحسافه الهودروا كلهم قياده...

اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴


چانو  الابطال  للشيعه   غنيمه
اتمرجحت ارواحهم تسبگها غيمه
چن حلم وانباگوا بلحظه حريمه

هل امر بيد الله من يطلب عباده....

اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴

راح من عدنه السبع والعنده غيره
فاجعتهم للخلك فجعه چبيره
عايشين بدونهم حيرتنه حيره

والعدو شمتان من حصل مراده...

اية الله استشهد بليلة ولاده
رايه سوده تعلگت تعلن حداده
🏴🏴🏴🏴🏴

١١ /ذوالقعده / ١٤٤٥
بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://hottg.com/omFeras2

☘قصيده نخوه للامام الجوادع☘

جينه انعازيك ياااابن الزجيه
توجهت للحضره او مديت اديه

لحضرتك جينه نعزي بالجواد
بلكب حسره ومتغطي بسواد
توفقت بالجيه من رب العباد
وهاي هم نعمه من الله وعطيه...
جينه انعازيك ياابن الزجيه
توجهت للحضره اومديت اديه


ارد اسلم اعليك مولاي الرضا
بعيني ضاكت سيدي هاي الفضا
الله يرضا اعليه لبرضاكم حظا
ان شاءالله العوده وبعديقسملي جيه...
جينه انعازيك ياابن الزجيه
توجهت للحضره اومديت اديه


جيت ازور انه على نفس النهج
وادري ليزورك اله اتلث حجج
تسعد المهموم وتريح المهج
كل عللنه سيدي بيدك شفيه....
جينه انعازيك ياابن الزجيه
توجهت للحضره اومديت اديه


انه كاصد ليك ياشمس الشموس
ياغريب ومندفن في ارض طوس
تئانس الوحشه وتسعدها النفوس
فرح كليبي تره ضاكت عليه....
جينه انعازيك ياابن الزجيه
توجهت للحضره اومديت اديه


يلي عطرك جاي من عطر الجنان
سيدي ومولاي يلكلك حنان
حن علينه بامن وانطينا الامان
ولعراق اهله بظلم جور وبليه....
جينه انعازيك ياابن الزجيه
توجهت للحضره اومديت اديه


شايل همومي واجيت لحضرتك
كلها متبريه واريد امروتك
بجاه معصومه العزيزه اخيتك
نظره يامولاي من عندك اليه.....
جينه انعازيك ياابن الزجيه
توجهت للحضره اومديت اديه


✍بقلم شاعرة اهل البيت عليهم السلام
☘ ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://hottg.com/omFeras2

☘قصيده_للامام_الجوادع☘

فزاعيه//

مضيف اهل الكرم مسدود. شايل وين راعيه
ياباب الكرم والجود. شايل وين راعيه
▪️▪️▪️▪️▪️▪️▪️▪️


بيت اهل الكرم خالي. دوهني وشده بالي
جواد وصيتهم عالي. اسئل والحزن بيه


ام زين العابدين الغزي
▪️▪️▪️▪️▪️▪️▪️▪️

حزن بيه على امصابه.... وياوسفه على اشبابه
دمعتي اعليه سچابه.... وبگلبي النار مسريه
✍🏻 وعد الڪفيل
▪️▪️▪️▪️▪️▪️▪️▪️
روحــي الفگــده تنادي ... مالومه اعله ابو الهادي
غده بيــه الحـزن سادي.... اون والروح. محنيــه

ام مجتبى
▪️▪️▪️▪️▪️▪️▪️▪️

الطوس الفايضه بجوده... تون اعليه ومفگوده
شال مسرفن العوده... فلت والوداعيه

بقلم العلويه ام رقيه
▪️▪️▪️▪️▪️▪️▪️▪️
اوليده يون اعـليه... عگبه منهو اليراعيه
من جفه النفل ينطيه... راح العايش ابفيه

ب✍الحاجه ام احمد الحچامي
▪️▪️▪️▪️▪️▪️▪️▪️
راح اليكرم الخطار ... هفتت ياحسافه النار
الشيعه تريد تاخذ ثار... تظل تلعن بني اميه ....

✍☘ام فراس الساعدي ☘
▪️▪️▪️▪️▪️▪️▪️▪️

تمت باقلام خادمات صاحب الزمان "عج"

#_منتدى_القلم_الفاطمي

https://hottg.com/omFeras2
‌https://hottg.com/alkalm313

{{قصيده فزاعيه بحق الامام الجواد ع }}
((وزن نصف بحر طويل ))
♧♧♧♧♧♧♧♧♧♧♧♧♧♧

ثلث تيام ضل مشمور
فوك الدار يالزهره

☆☆☆☆《《{{🩸}}》》☆☆☆☆
ياويلي كضه مسموم

عليه الطير ضل يحوم

ماحظروه هله بهليوم

مثل الضل على الغبره

✍العلويه ام نور الميسانيه
☆☆☆☆《《{{🩸}}》》☆☆☆☆

ظل يحوم طير البين

عللسموه لملاعين

لبن الرضا تعمه العين

زغيرون شعظم صبره....

✍☘ ام فراس الساعدي ☘

☆☆☆☆《《{{🩸}}》》☆☆☆☆

سمو جبدته الصايم

بت الكافر الضالم

ضل على سطح نايم

ويلي جبدته موذره

✍ام سجاد الشهيد

☆☆☆☆《《{{🩸}}》》☆☆☆☆

اتمنى اهله يحضرونه

لدربهم تربي عيونه

ونعشه همه يشيلونه

شباب وسمته الكفره

✍الخادمه ام زهراء

☆☆☆☆《《{{🩸}}》》☆☆☆☆

ماحظرو هله لامجاد

ممرود وكظه الفاد

وحزنه بكل سنه ينعاد

ياناس شعظم أمره


✍️ام زهراءالفاطميه

☆☆☆☆《《{{🩸}}》》☆☆☆☆

ابوالهادي انمرد جبده

ولاواحد حضرعنده

وين . المرتضى جده

يحضر يمه وينضره

زهره الكناني😭✍🏻

☆☆☆☆《《{{🩸}}》》☆☆☆☆

چاوين العشيره يجون

غريب وخلهم يحضرون

ثلث تيام مامدفون

يلعمر الورد عمره

ام زين العابدين الغزي

☆☆☆☆《《{{🩸}}》》☆☆☆☆

#_منتدى_القلم_الفاطمي

https://hottg.com/omFeras2
https://hottg.com/alkalm313

خادمة البتول:
☘قصيدع لامام الجواد ع☘

اطلبي من الجواداليوم
وتعلكي بشباجه
هذا المايرد محروم
وتعلكي بشباجه

ذوله اهل الكرم والجود
عطاياهم بلايه حدود
نسل النبي سباع حيود
جواد ومايرد مهموم.... احا احا
اطلبي من الجواد اليوم وتعلكي بشباجه

اجيته اليوم شجايه
هموم العندي هوايه
يحلها بساع كل غايه
كواكب عاليه ونجوم.... احا احا
اطلبي من الجواد اليوم وتعلكي بشباجه

جواد وكل علم عنده
ماخاب الذي يكصده
لجله ارواحنه نفده
واليعاديه يخسر دوم..... احا احا
اطلبي من الجواد اليوم وتعلكي بشباجه

نعازي اليوم للزهره
بجواد الرضا والعتره
يقره الذكر ويفسره
يابو الجود يامعصوم..... احا احا
اطلبي من الجواد اليوم وتعلكي بشباجه

يتاسع بالعلم والدين
بعلمه العدو متحيرين
يهود وعرب منبهرين
نبجي والكلب مالوم.....احا احا
اطلبي من الجواد اليوم وتعلكي بشباجه


✍️بقلم شاعرة اهل البيت عليهم الصلاة والسلام ☘️ام فراس الساعدي ☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للامام الجواد ع☘

#هوسات_جنوبيه

بطل مقدام ابد مايحمل العيله
يگعد بالكلافه ويعدل الميله
ياوسفه يسمونه ونحل حيله
((تاريخ اليشهد/ بفعاله))


✍☘ام فراس الساعدي ☘

┈┉━━━ • 🔘 • ━━━┉┈
عمده بالغدر تالي يسمونه
الجواد اليله بسمهم يغدرونه
من نسل النبوه وعلي يعرفونه

((يسمونه عدوانه واليش))

✍️ام زهراءالفاطميه

┈┉━━━ • 🔘 • ━━━┉┈
خزانة علم جده محمد يعرفوه
من ثدي النبوه راضع وسموه
باب مراد للحاجات وينكـــروه
((الباقر متوصف //بعلومه))
✍🏻 وعد الڪفيل

┈┉━━━ • 🔘 • ━━━┉┈
جواد الائمه ياصعب. يــــومه
ثلث تيام جثته بقت مســمومه
سمته اللعينه ام فضل مأثومه
((چبده / بالسم امگطعينه))

زهره الكناني
┈┉━━━ • 🔘 • ━━━┉┈
يمحير العقول بفطنته وعـــــلمه
تسع سنين عمره ويشرح بحكمه
وحته بموتته يشبه لبو اليـــــــمه
((عطشان/ ومثله بتلحيده))

ام زين العابدين الغزي
┈┉━━━ • 🔘 • ━━━┉┈
يلتنشد على ابن الرضا المسموم
نسل المصطفى وابن خير الكوم
اليتعنى ويزوره ايزيل منه هموم

((يگضيها // الحاجه الصعبه))

ام سجاد الشهيد
┈┉━━━ • 🔘 • ━━━┉┈
تمت بأقلام شاعرات
#رابطة_رماد_الكلمات

#_منتدى_القلم_الفاطمي
https://hottg.com/omFeras2
‌https://hottg.com/alkalm313

☘قصيده للامام الجوادع☘

اه اعله الجواد انصيح
من سموه عدوانه


امام الشيعه ياهلناس
مسموم وكطع لنفاس
سموه العده الارجاس
نون اعليه خلانه....
اه اعله الجواد انصيح
من سموه عدوانه

الف ياحيف علمسموم
مايكدر ويلي يكوم
والسجاده كلهه دموم
الحوزه اليوم خلوانه...
اه اعله الجواد انصيح
من سموه عدوانه

اظلم الكون بغيابه
وكفنه اليوم يم بابه
اجت تشيعه احبابه
فرحانين عدوانه.....
اه اعله الجواد انصيح
من سموه عدوانه

يمحبين البسوا سواد
بتاسع عترة الاجواد
الطموا حيل علفاد
جواد وجود عنوانه....
اه اعله الجواد انصيح
من سموه عدوانه

معلم بلفقه والدين
والعدوان محتارين
ازغر عترة الطيبين
شباب وبعده ريحانه....
اه اعله الجواد انصيح
من سموه عدوانه

✍️بقلم شاعرة اهل البيت عليهم الصلاة والسلام ☘️ام فراس الساعدي ☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للامام الجواد ع☘

فزاعيه // حماسيه

مسموم الجواد اليوم
والشيعه يشيعونه

الف ياحيف عذالي
سموه بالعنب تالي
هوه ايمامي والوالي
مدري وشيطلبونه....
مسموم الجواد اليوم
والشيعه يشيعونه


مرته سمته وتبچي
لعمهه المعتصم تشجي
ميفيد الندم تحچي
اهل بيته ويخونونه....
مسموم الجواد اليوم
والشيعه يشيعونه


يسمونه خبث والحاد
طاغين وبغض وعناد
يكرهونه بحقد حساد
منلعتره يعرفونه....
مسموم الجواد اليوم
والشيعه يشيعونه


جواد اعليه مختلفين
عالم بلفقه والدين
عمره ماوصل عشرين
بكل معظله يسالونه...
مسموم الجواد اليوم
والشيعه يشيعونه


انحرمنه من تعاليمه
مجلس كلسنه نجيمه
وندعي من الله يديمه
كل عام ويعيدونه....
مسموم الجواد اليوم
والشيعه يشيعونه

٢٧/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

خادمة البتول:
☘قصيده للامام الجواد ع☘

مشنا العمته معصومه نعازيها
ماننسه فضلها وما نجازيها

مشنه نروح يمها ونبجي بعبره
نلطم لبن اخوها السمته الكفره
صار ايمامهم ماكمل العشره
الماتم والعزه كل سنه نسويها....
مشنا العمته معصومه نعازيها

ذوله اهل الكرم والجود والعفه
بس انخيهم ويكضونها الكلفه
سماه العدو وبي كام يتشفه
نلعن كل يزيد يصير طاغيها...
مشنا العمته معصومه نعازيها

اسوي مجلس وتنجمع احبابه
ولما يحضر انكثثر من اعتابه
مأجورين يلخدام بمصابه
برض الكاظميه طاح واليها...
مشنا العمته معصومه نعازيها

نخدم بالمصاب نعازي الزهره
هذا ابن الرضا وشباب للعتره
لوجيته مكسورالخاطر يجبره
ماجور الاجه المجلس يواسيها.....
مشنا العمته معصومه نعازيها

واتوجه اله وتطيب الامي
عل مسموم ابجي والدمع دامي
ممنونه احضر انه واخدم ايمامي
واشيل النعش من اوله لتاليها....
مشنا العمته معصومه نعازيها
....

✍️بقلم شاعرة اهل البيت عليهم الصلاة والسلام ☘️ام فراس الساعدي ☘️
غير مبري الذمه لكل من يغيير الاسم او ياخذ كلمات  القصيده وينسبها اليه

https://hottg.com/omFeras2

☘قصيده للامام الجواد ع☘

ثكيل//

اه اعله الجواد المات مسموم
گلبي اعليه متحمل بلهموم
سموه ... الملاعين
امام ابن الميامين
نجددله العزه كل عام للدوم....
اه اعله الجواد المات مسموم


عليه ننصب عزانه ونلطم الراس
وهو بعمر الورد مسموم ياناس
ابن خير العمل سموه الارجاس
عازوني بمماته
مظلوم بحياته
بطل صنديد بلكلفات جيدوم ...
اه اعله الجواد المات مسموم


يسألون السؤال وعنده حلّه
فقيه وبالعلم محد وصلّه
ابد ماترك صوم ولا امصله
يصلي بليل ونهار
وبيه المعتصم حار
يلوم بروحه اوما ينفع لوم ...
اه اعله الجواد المات مسموم


اريد انصب عزه وانعه ايمامي
وابجيه بحزن وبدمع دامي
بحداد ونوح اگظّيهه ايامي
البس سود الثياب
واعلّك رايه بالباب
واخلص عمري انه اعليه مالوم....
اه اعله الجواد المات مسموم


زوجته ام الفضل جابتله السم
وعمهه المعتصم اويخسه هلعم
اتفقو عل امام بيوم مظلم
صبوه بعنب صب
يدري وگام يشرب
وظل يتوجع و مايگدر يكوم ...
اه اعله الجواد المات مسموم


نواسي الحجه ونقدم تعازي
اني شما اخدمه ادري مجازي
واريد بخدمته يحقق مفازي
يسجل اسمي يمه
وبعيوني اخدمه
عجل بالفرج ياربي هليوم ....
اه اعله الجواد المات مسموم

٢٩/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘قصيده للامام الجواد ع☘

هوسات// جنوبيه

بطل مقدام ابد مايحمل العيله
يگعد بالكلافه ويعدل الميله
ياوسفه يسمونه ونحل حيله
((تاريخ اليشهد// بفعاله))


جواد بجوده يكرم للعدو وللضيف
مصلي الليل صايم كلنهار الصيف
مايترك صلاته يلوك بيده السيف
((نسمع قرانه// وترتيله))

المهمومه تجي الحضرته شكايه
تدك بابه وتطب تعگدله الرايه
يلبي كل طلب تحقق الغايه
((يسمونه قاضي// الحاجات ))


سود ثياب نلبس نرفع الرايه
نمشي اعلجدام انروح عنايه
يضل بگلوبنه ونعتني مشايه
((حزنانه الشيعه// اعلمصابه))


هذا البلحشر تلگونه شافعكم
يشافي المرض ويحلهه مشاكلكم
بس تنخونه ابد ميرد مطالبكم
((كل حاجه العندك /يگظيهه.))


٢٧/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘قصيدة نعي للامام الجواد ع☘

نعي // مجرد


ياناعيه انعي اعله الجواد
صارت منيته برض بغداد
واهله عليه يبجون وبعاد


انعي واذكري هلمصيبه
واسي النقي الزايد نحيبه
وامه البگت بعده غريبه


علمسموم ونن ياحبايب
لا اهل يمه ولا كرايب
والله عليه الگلب ذايب


الطمن على تاسع العتره
وبحشاه سمه صار جمره
بعده شباب وخلص عمره


يويلي عليه بعنب سموه
من اهل بيته ليش حرموه
لا خافو الله ولا يرحموه


منلسم تراده وضعف حاله
محد وصلٌه و تدناله
لمن حضرله وليده شاله

٢٧/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘قصيده للامام الجواد ع☘


يلجواد اعليك روحي انحيله
وياك نلطم لشباب الليله
روحي مليانه جروح
اليوم يم كبرك تنوح
كون يمه للجواداشكيله

◼️〰️◼️〰️◼️〰️
سيدي بعمر الورد سمك سره
واحنه زرعينه الورد بلمكبره
علسطح ويلي المعاني مغيره
كلوب عدنه علشباب امجمره
وين رايح يا ضواي
انته يوليدي وغلاي
كون يمه للجواد اشكيله

✍ام علي الصالحي
◼️〰️◼️〰️◼️〰️◼️
كون يمك هسه ونصب ماتمك
نشلت ايده كون والله السممك
سم صعد لحشاك كطع جبدتك
نعازي بدموع الحزن كل شيعتك
بعدك بريع الشباب
اليش نايم عالتراب
كون يمه الجواد اشكيله

✍🏻شاعره ام روكان الشمريه
◼️〰️◼️〰️◼️〰️
هواي من عدنه شباب الراحت
شي ابسم وشي ذبح دم ساحت
وشي بساحات الوغى شگد
طاحت
ساعد الله الوالده من ناحت
والارامل فاگدات
واليتامى لايبات
كون يمه للجواد اشكيله

✍️☘️ام فراس الساعدي☘️
◼️〰️◼️〰️◼️〰️◼️
مثل جبدك ذاك بالسم منمرد
راحتلنه اولادنه مثل الورد
يالجواد او بعد ماضنها ترد
مثل جمر امصابكم لا ما برد
اگلوبنه ضلت جمر
شما مشه بينه العمر
كون يمه للجواد اشكيله

ام سـ✍🏻ـجـاد الـعسكري
◼️〰️◼️〰️◼️〰️
حكنه نلطم ولدمع شبه السيول
بالجواد اليوم انعازي الرسول
تنحب الزهراء ولمدمع همول
حسره بينه مكسره
ولدمع عالخد جره
كون يمه للجواد اشكيله

✍🏻الشاعره ام سكينه العبوديه

◼️〰️◼️〰️◼️〰️

نندبك مولانا يا باب المراد
تسللم الشيعة من كيد الاوغاد
وتحفظ الشبان من هذا الفساد
وكل أمر يحرفنا عن سيد العباد
بجاه ضلع الطاهرة
تزيح زمرة الجائرة
كون يمه للجواد اشكيله

✍🏻العلوية أم منتظر جمال الديــن
◼️〰️◼️〰️◼️〰️


تمت بحمد الله وتوفيقه بأقلام شاعرات ناعيات الطف في الملتقى الحسيني يحرم الحذف والتلاعب ونسالكم الدعاء


https://hottg.com/omFeras2

☘قصيده للامام الجواد ع☘

شور//حماسیه

ويلي الجواد ينوح يامولانه
ممدود فوگ سطوح يامولانه


لمن حضر بغداد يامولانه
والهم يويلي زاد
حكام ذوله احقاد
والمعتصم مشتعله بي نيرانه...
ويلي الجواد ينوح يامولانه


الحاكم نده جعفر يامولانه
بلموعد اتحضر
من گبل لايفطر
وحطو عصير العنب للريحانه...
ويلي الجواد ينوح يامولانه


متراديه احواله يامولانه
يبچي على اعياله
نلطم وننعاله
وامه تگول البطل شو ماجانه....
ويلي الجواد ينوح يامولانه


بليلة الميشومه يامولانه
سمته و مندومه
من الخلفه محرومه
وام الفضل سمته او ندمانه...
ويلي الجواد ينوح يامولانه


مايحمل الآلآم يامولانه
ومساهر ومينام
ضل يزئر الضرغام
خلته وحده وسددت بيبانه....
ويلي الجواد ينوح يامولانه

٢٩/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘قصيده نعي للجواد ع☘

الطور // البحريني
المفتاح// هلنوح يازهره على منهو تنوحين


نقدم تعازي للرضا وللرافضيه
ولعمته معصومه الحنينه بهل رزيه

مستشهد اليوم الولي و تاسع العتره
بهذا الشهر ياناس واجبنه نذكره
نعازي علي المرتضى وفاطمه الزهره
وكل بيت نرفع رايه سوده وحسينيه....


وصه عليه المعتصم خل يرجع بساع
من المدينه للعراق وهل الخبر شاع
لبى النداء بكل جداره حلو الطباع
ونار العداوه المضرمه ضلت سريه....


حيرهم المعصوم وبصومه وصلاته
متعلم وعالم فقه .. خلّص حياته
سمته مرته ام الفضل وصارت وفاته
ماغزر وياهه الملح بنت الدعيه...


شالو الشيعه اجنازته وحضروهه الاطياب
للرضا انعازي وللنقي ونحضر بلمصاب
من المدينه يحضر وليده والاحباب
ويغسله ابنه الهادي بهاي المسيه...


مات الجواد وبلعنب سموه الانذال
ويلوج من سمه وضعف وتراده الحال
تاسع العتره ياخلگ شيعوه الرجال
يم جده موسى الكاظم المرقد سويه...


٢٧/ ذو القعده/ ١٤٤١
✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

https://hottg.com/omFeras2

☘لاستشهاد الامام الجواد ع☘

تجليبه//
مفاعيلن مفاعيلن مفاعيلن

لسان حال الشاعر 👇👇

اليوم اعله الجواد انوح وبعبره
وندك علصدر ونعازي الزهره

🏴🏴🏴🏴🏴

يريد   المعتصم  هليله  ايسمه
والسم بالفطور ايجيبه ويضمه
فطر ياحيف سمه يسري  بدمه

ضل يلوج ويلي وحدهه بحجره ...

🏴🏴🏴🏴🏴

على المسموم بالسم گطّعو چبده
ماعنده  اهل  تحضر  تجي  عنده
صبرك    يامامي   فاض عن  حده

على الفرگه الهادي ربّه اليصبره...
🏴🏴🏴🏴🏴

ثلث  تيام  مرمي  محد  يشيله
وينه  وليده خل  يحضر يتچيله
مسموم وگضه منهدم  كل حيله

من حر الشمس گلبه غده جمره...
🏴🏴🏴🏴🏴

احا يلمات هوه باول اسنينه
محد  جبّله وغمض  اله عينه
بنيته وين خل تحضر  تفييله

مرمي علسطح ماواحد ايحضره ...
🏴🏴🏴🏴🏴

مثل جده كضه  عطشان  مولانه
تلطم على الهامه الشيعه حزنانه
بعد  هيهات  ابد  ما يرد  ملفانه

كسرهه گلوبنه والكسر شيجبره...
🏴🏴🏴🏴🏴



٢٠ /ذوالقعده/١٤٤٤
✍بقلم شاعرة اهل البيت عليهم السلام

☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه

https://hottg.com/omFeras2

☘لاستشهاد الامام الجواد ع☘

نصاري
مفاعيلن مفاعيلن مفاعيل

نبچي اعل الجواد اليوم ياناس
خل ننصب عزاه نلطم عل الراس
🏴🏴🏴🏴🏴
هذا ابن الرضا وخضر العمايم
حگنه انون عليه ليلوم لايم
مرته السمته من چان صايم
طبعها بلخيانه والغدر ساس....
نبچي اعله الجواد اليوم ياناس
✍☘ام فراس الساعدي ☘
🏴🏴🏴🏴🏴
رس بيهـم حقـد ضد آل الطهار
عليه اتكاتفو بالغدرالشرار
جواد الأمه نسل النبي المختار
حمل منهم مأسي ذول الارجاس...
نبچي اعله الجواد اليوم ياناس
✍🏻خـادمـة الزهـراءام احمد العبوديه زبير
🏴🏴🏴🏴🏴
عليه تأمرت سمته جبده
ثلت تيام بس اعدال شده
وبحر الشمس ياويل خده
هلعمله وسف بالخسه تنقاس..
نبچي اعله الجواد اليوم ياناس
✍️ام حسين المحمداويه
🏴🏴🏴🏴🏴
ظل اعل السطح والطير يمه
من حر الشمس وتفيي جسمه
ويلي عل الجواد الضاع رسمه
باعو كل ظمايرهم ولااحساس...
نبچي اعله الجواد اليوم ياناس

✍️ام سجاد الشهيد
🏴🏴🏴🏴🏴
نبچي عالشباب اليوم   بدموع
مسموم الچبد والكون مفجوع
الشرع واركانه متهدم والفروع
شيعوه ابورد وبـحنة وبيـــــاس...
نبچي عالجواد   اليوم.  ياناس
✍️وعد الكفيل
🏴🏴🏴🏴🏴

تمت باقلام ✍️✍️✍️شاعرات رابطة نائبة الحسين ع
https://hottg.com/omFeras2
https://hottg.com/JBlAlSBR313

☘قصيده للامام الجواد ع☘



اوحيد الجواد اليوم تكتل حسرته
ويلا على المسموم يگضي بغربته
من گبله انه مغدور
بطوس الچبد مجمور
تكتل حسرته... تكتل حسرته

┄┉❈❥ًً❀)🧿(❀❥❈┉

بگبري انه واحس احشاي انسمت من جديد اليوم
على وليدي الگلب ممرود وچبدي الي صبح مسموم 
برض غربه وحيدي يروح وشيفيد العتب واللوم
ایشابه حاله الحالي ومثل گلبي صفه مهموم
ام الفضل هليوم سمت حبيبي
وعله الجواد اليوم كاثر نحيبي
ابعيد انه ومعــــــــذور
بطوس الگلب مجمور
تكتل حسرته.... تكتل حسرته

✍🏻نبضي حسين
┄┉❈❥ًً❀)🧿(❀❥❈┉

چان المعتصم مضغوط..  احتج وگال عمره ازغير
ماعنده قرار وراي  ..لان مايحسن التدبير
جمع حاشيته كلها بيوم ..راد ايوضح التعبير
مايدري بجواد الآل هو الحاكم الّي يصير
يحفر حفيره ايريد هوه وزمرته
مايدري الطاغوت طاح بحفرته
عاش الظلم والجور
بطوس الچبد مجمور
تكتل حسرته .. تكتل حسرته

✍️☘️ام فراس الساعدي ☘️
┄┉❈❥ًً❀)🧿(❀❥❈┉

على ابني  زادت همومي وحيد وابچي لمصابه
شباب  تلوّع بعمره دموعي عليه سچابه
زغير  وشاهد  احوالي يون ويصيح  يايابه
وحاله  اليوم  يفجعني من سدّو عليه بابه
عمر الورد ويروح بسمه  افجعوني
بدار الغرب ياناس وانه بشجوني
  فوگ السطح مشمور
بطوس  الگلب مجمور
تكتل حسرته --تكتل حسرته

✍🏻ام جعفر  الايرواني

┄┉❈❥ًً❀)🧿(❀❥❈┉

يوليدي مشيت زغير يالعمرك عمر لورود
سنين انعدن اعوامك  ياريتك ترد اردود
امر الله انكتب لينه احسان الشهاده يعود
الجنه ورضى الرحمن يالنمت بگبر والحود
للی انغدر مسموم بين مشيبي
وعله الجواد اليوم يكثر نحــيبي
مصيبة جرت ودهور
بطوس الگلب مجمور
تكتل حسرته٠٠٠٠تكتل حسرته

✍🏻ام محمد باقر آل عبيد
┄┉❈❥ًً❀)🧿(❀❥❈┉

ويه المعتصم  ايام مرت بالغصص وآلام
غريب انت بأرض بغداد وعلى شوف الاهل محتام
صبرت انته صبر جدك الكاظم من گضه منضام
ومثل صبري يبعد الروح وتالي تسمك الظلام
وتشابه المظلوم بهاي الرزيه
وحدك ثلث تيام جسمك رميه
ابلوح القدر مسطور
بطوس الچبد مجمور
تكتل حسرته.   تكتل حسرته

✍🏻نبضي حسين
┄┉❈❥ًً❀)🧿(❀❥❈┉
تمت باقلام✍️✍️✍️ شاعرات
رابطة الحسن المظلوم
https://hottg.com/omFeras2
https://hottg.com/+AAAAAFDeD-8dIUKfF2UaBA

☘لاستشهاد الامام الجواد ع☘


حي اعله العزاء.. صاحت كربلاء
بمصاب الجواد .. صاحت كربلاء


سمّو ولينه  ..  وبعمر الورد
من  كثر سمّه جبده  منمرد
وسفه والف حيف راح ومايرد

والله خسرناك يانبع الوفاء....

حي اعله العزاء.. صاحت كربلاء
بمصاب الجواد .. صاحت كربلاء

🏴🏴🏴🏴🏴

مگطوع الانفاس سمّاه الرجس
نلعن الطاغوت  ظالمين النفس
فوگاها السطوح شمروه بلشمس
ننعى المصيبه يم باب الرجاء ....

حي اعله العزاء.. صاحت كربلاء
بمصاب الجواد .. صاحت كربلاء

🏴🏴🏴🏴🏴

نواسي  الزجيه امه  فاطمه
تنعاه الاملاك بلارض وسمه
ننصب عزيه  نحضر  ماتمه
ولهذا المصاب مرجونه السماء....

حي اعله العزاء.. صاحت كربلاء
بمصاب الجواد .. صاحت كربلاء

🏴🏴🏴🏴🏴

جينه نعزي..الحجه المنتظر
نلطم على الراس نعميه النظر
ننده يقائم ... معلوم ايحظر
ربي يصبرگلبه اعله  البلاء ....

حي اعله العزاء.. صاحت كربلاء
بمصاب الجواد .. صاحت كربلاء

🏴🏴🏴🏴🏴

جيتك يمولاي شايل رايتي
بجاهك يوالي احضر شدتي
نظره بعجل كون حقق رادتي
كلما دعيناك تشفي كل داء ....

حي اعله العزاء.. صاحت كربلاء
بمصاب الجواد .. صاحت كربلاء

🏴🏴🏴🏴🏴

٢٥/ذوالقعده/١٤٤٥

بقلم شاعرة اهل البيت عليهم السلام
✍☘ام فراس الساعدي ☘
غير مبري الذمه لكل من يغيير الاسم او ياخذ كلمات القصيده وينسبها اليه
https://hottg.com/omFeras2