TG Telegram Group Link
Channel: NOVEL • روايات
Back to Bottom
ابو هُيام: "ورأسه في الأرض" اي    "وقام بضم ابنته" 
هو لو كان بالجد بقى عليك ما كان اتخلى عنك بالسهولة دي، انا كنت ماشي ب نية اقول ليهو موافق بس هو قال كلامو دا... "تزداد في البكاء"
ما يستاهل دموعك، دا كل عشان تعرفِ نظرة ابوك صح في البنى ادمين، وانا من اول مرة ما ارتاحت ليهو
خلاص خلاص اسكتي يا بتي

" بعد أن خرج والدها وضعت فمها في الوسادة وهي تصرخ بكل الوجع، وحديثه معاها يتردد في اذنها
بحبك... مستعد امشي الفين مرة......ح اكون جمبك للأبد....
عايز اربع ولد وبت..... ح نسافر روما ومدريد....
________
#عودة

هُيام: كلامك دا يعنى ابوي كضب علينا احنا الاتنين

محمد:انا قعدت اسبوع بعد ابوك قال الكلام دا وبعد داك سافرت

هُيام:“وهي تنظر إلى العدم و تبكي“  ابوي كضب على ودمر حياتي عشان ما يكسر كلامُ مع اخوه زمان.. معقوله ابوي يعمل فيني كده.. انا لو قلت انا تعبت قدر شنو السنين دي كلها ما يكفي عمري كلو، بعد ابوي قال انك مسافر انا انكسرت، بعد يومين بالضبط اديني التلفون اتصلت عليك تلفونك مقفول، سألت منك قالوا سافرت، سافرت روحي معاك، بقيت جسد بس قاعدة اتحرك على مزاج أهلي، بعد شهر بالضبط لقيت نفس متزوجة، اتغيرت حياتي في لمحة بصر، حاولت ارجع زي زمان بس ما قدرت، اتغيرت لدرجة بقيت لمن اقيف في المراية ما بعرف نفسي، شوية شوية بقيت اعيش الواقع المفروض علي واتحمل المسؤولية ال ف رقبتي... اه اه 
"الدموع في سباق على النزول
مسح دموعها بيده وامسك بيها"

محمد :لو قلت انا مرت بشنو من يوم ما لقيت ابوك ما اظن تقولِ هو نفس الزول القاعد يضحك قدام الناس وعامل مبسوط وهو نفس الزول القاعد قدامك هسا
سافرت لأمي في البلد، قعدت فتره سافرت السعوديه كنت النهار كلُ بكون شغال، بالليل بشوف اي حاجة اشغل بيها بالي عشان ارجع البيت تعبان وانوم ما افكر فيك، اتعملت السجاير وشرب القهوه الكتير، والشيشه والسهر، بسبب الحاجات دي كلها كم مره دخلت المستشفى، بس زي ما قلت كنت جسد انا بس، لكن لمن شوفتك ردت فيني الروح....
"ما إن قال جملته الأخيرة سحبت يدها منه"

هيام: محمد احنا ما صح نكون هنا مع بعض لازم نمشي، انت خاطب وانا متزوجة ما ينفع الكلام دا كلُ، احسن لك تنسى وانا انسى ونعيش حياتنا عادي

محمد: اعيش وانسى، هيام لو كان بقدر أنسي أو انت بتنسي ما كان نكون هنا هسا، لو انت بتقدري تنسى انسي، بس انا ما بقدر

" خرج من مكانه فورا بعد جملته الأخيرة"

"هيام وهي تضع يدها في رأسها وتبكي"     ليه يا ابوي ليه؟؟؟
_______

يجلس على المقهى ، أمامه فنجان قهوته وكوب من الماء وعلبة السجاير وهنالك وحدة مشتعلة في يده والدخان يتطير حوله، كان صوت المذياع يختلط مع صوت الموجودين في المقهى، لكن صوت الاغاني الصادرة من المذياع كان مرتفع قليلاً، تصدر منه اغنيه لمعتز صباحي، تذكر بيها الماضي في الغربة، كان يهلك نفسه في العمل ما ان يعود كان يجد أصدقاءه في السكن يستمعوا لبعض الاغاني السودانيه، ولمدة حبهم للفنان معتز صباحي كان دوما صوت أغانيه يملأ السكن وخصوصا تلك الأغنية الصدارة من المذياع الان

خلاص ما ضاعت الآمال شنو الفضل يخافو عليه

بعزك كنت جد بهواك وقلبي فتحتو ليك تقريهو

قايلك كنت صادقه معاي وحبك صنتي وبتسقي

قلت اجوب مدار ريدك ولي آخر العمر بمشية

يوسف: من قبل بضرب لك انت هنا، بالصدفه لقيت عربيتك واقف برا

محمد: "أطفأ سيجارته واصبح يدندن مع المذيع"
كتبتك في القمر عنوان شلتك للبيوت أفراح

اكواسك في شراع مشدود

احسك في مساري براح.. بدسك كنت في حسي وفي لب الخلايا سماح مشيتي الليله واحتارت معاك شتلة غناي الراح

يوسف: "باستغراب" من متين قاعد تسمع لصباحي؟!

محمد: لمن سافرت السعودية كان دايما يشغلوا الاغاني السودانيه دي، يحبوا معتز صباحي، فكنت غصب بسمع لأن الصوت عالي بكون، بالذات الغنية دي تقول في زول موصيهم
"أشعل سيجارة أخرى"

يوسف: محمد كفاية، ال ف الطفاية دا كلو شربتو اكيد

"بدأ يدندن مرة أخرى ولمن يكترث لأمر صديقته"

ما قلتي معاي بتبني العش وين ودر كلامك داك قلتي معاك

بقاسم الشين وبفرش بالمحنة حماك انا الولهان وقلبي عليك

اغالب شوقي واستناك وفارق قلبك القاسي دروب عشقا مشيتا معاك

يوسف: "كان يحدق بيه مندهش"   كويس انت يا محمد، حاصل عليك شنو؟!

محمد:" وهو ينظر لفنجان قهوته"  عذاب

يوسف: "باستغراب"  عذاب

محمد: "أطفأ السيجارة"  دا الاسم التاني للحب عذاب الدنيا

يوسف: ليه بتقول كده؟!

"سرد ل صديقه ما حدث بينه وبين هُيام"

يوسف: انا شايف كلام هُيام صح ومنطقي، واصل حياتك عادي زي كان ما شوفتها

محمد: شوفتها متين بالضبط هسا بعد رجعت، و ل تقصد زمان ايام الجامعه، في كلا الحالتين صعبة
"عاد بظهره  إلى الخلف  واشعل سيجارة أخرى"
ماضي
#زواج عادات وتقاليد  "الحلقة السابعة"

______
"كانت تجلس وهي شاردة الذهن، يجلس بالقرب منها زوجها"

سيف: ف هسا ما عارف اعمل شنو.
" نظر إلى هُيام التي كانت في عالم آخر"
هُيام هُيام

هُيام: اي معاك

سيف: لا ما معاي سرحانه وين؟!

هُيام: معليش سرحت شويه والله كنت بتقول في شنو

سيف: ما مهم هسا، انتِ مالك، سوسن حاصل عليها حاجة

هُيام :لا ماعندها عوجة، سرحانه برأي، اقوم أدى كريم اللبن
______

" بعد مرور يومين "

“ذهبت إلى بيت أهلها لتعرف حقيقه الأمر من والدتها“

أم هُيام: وسيف برجع متين قال لك

هُيام: ما حدد لسه

أم هُيام: ربنا يكتب سلامةُ... انتِ مالك من ما دخلتِ ما طبيعيه..
ومالك ما جايبه هدومك بدل تقعدي براك كان تجي تقعدي معانا لمن سيف يجي بالسلامة

هُيام:“وهي تنظر إلى والدتها“ امي هو انتِ كنت عارفه ان ابوي كضب على في موضوع محمد عشان اعرس سيف

أم هُيام: “بإرتباك“ والجاب الموضوع دا شنو هسا؟

هُيام: عشان لقيت محمد وقال لي ابوي قال ليهو شنو وانا قال لي شنو، وعرفت ابوي كضب علينا عشان ما يكسر العادات

أم هُيام: اول ابوك عمل كده عشان مصلحتك، وبعدين لقيتِ محمد وين، انت نسيت نفسك انك في ذمة رجل ول شنو يا بت

هُيام: ما نسيت بس كنت عايزه اعرف ليه خلاني

أم هُيام: هسا انت متزوجة مافي داعي ل دا كل كان

هُيام: انا متزوجة جسد بس يا أمي، انا لمن هسا ما نسيت محمد، وقاعده احس بالذنب اتجاه سيف
"حملت ابنها وذهبت"
_______

"في بيت سوسن "

سوسن :يعني خالتو طلعت عارفه

هُيام: اي كلهم كضابين “وعيونها ممتلئة بالدموع وكريم بالقرب منها "

سوسن :خلاص اسكتِ يا هيام" بحسرة قالت جملتها "

هُيام: سوسن ممكن تخلى كريم معاك، عايزه امشي شويه

سوسن: حاضر

"مسحت دموعها وعدلت حجابها وخرجت"
_____

" أفكار غير مرتبة، شخص تايه لا يعلم الواجهه يسير في الطرقات... إلا أن وصل ذلك المكان المعتاد الذي جمع كل لقاءاتهم
تجلس في نفس الطاولة والحزن يظهر في ملامحها الهادئة، تفكر في ما حدث معاها بسبب العادات والتقاليد
العادات التي تنص على أن اولاد و بنات  العائلة ما يطلعوا من العائله
، زيتنا في بيتنا مثل ما  المثل يقول، يقطع تفكيرها صوته

محمد :طالما جيت هنا معناها  ما قدرت تنسى

"جلس في الكرسي المقابل لها، كانت تنظر إليه باندهاش"

هُيام :عايز شنو يا محمد، و اي ما قادره انسا، رجاءاً ما تزيد علي

محمد: ما عايز أزيد عليك بس، عايز اخفف عنك، واقول نبدأ من جديد من محل ما وافقين زمان كنا

هُيام: شكلك نسيت ان انا متزوجة وأم كمان

محمد: لا ما نسيت، يعني ما ينفع تطلقي

هُيام:" باندهاش كان يملأ ملامحها" انت بتقول في شنو؟!

محمد: بقول تطلقي وانا افسخ خطوبتي، ونرجع لبعض، ما نخلي عاداتهم تفوز على حبنا

هُيام: بس احنا مافي مسابقه يا محمد، احنا في مجتمع ما يرحم، ح يطلعوا فيني وفيك كلام

محمد :وانا ما يهمني المجتمع، المهم اكون معاك

هُيام :بس انا مهم بالنسبه لي انا ام يا محمد، ولدي ذنب شنو يسمع في ام كلام ما تمام

محمد :كلامك دا معناها عايزه تعيش ما واحد ما عندك ليهو ذرة مشاعر، وفاكره كده ولدك ح يكون نفسيا كويس، عارفه ليه لأن انت كمان ما كويسه ولا مبسوطة

"هاتفه يرن اخفض صوت النغمة وصل حديثه"
عشان كده يا هُيام كلامي دا في مصلحة ولدك كمان

هُيام :انت بتعرف مصلحة ولدي اكتر مني يعني

"الهاتف يرن مره اخرى اخفض صوته مره اخرى"

هُيام :رد احتمال تلفون مهم

محمد :خليهو التلفون هسا، نرجع ل موضوعنا “وقبل أن يبدأ الحديث الهاتف يرن مره اخرى"

شكلو بالجد حاجة مهمه ما بضرب قدر دا بعد اذنك ح ارد
الو...
اي يا يوسف

شنوو

خلاص خلاص جاي عليكم

مسافه السكة بس

"أغلق مكالمته"

هُيام: خير في شنو

محمد :خير خير، بعد اذنك " وخرج مسرعاً"
______

"في بيت سوسن"

سوسن :وانت ما سألته مالو؟

هُيام :سألت قال لي خير خير وطلع مستعجل

سوسن :خلاص مدام قال خير

هُيام: بس ملامح وشو ما كان بتقول كده، محمد بعرفو ممكن تكون حاصل ليهو مصيبه كبيره يردد خير خير طوالي

سوسن: وانت خائفه عليه

هُيام: "بإستنكار" هو ما خوف هو هو.  ياخ خوف اي.

سوسن: "بضحكة" بتحاول تكضبِ من الاول مالك

هُيام: ياربي اضرب ليهو؟

سوسن: بتحبيه لسه يا هُيام

هُيام :"أخذت شهيق ونهضت من مكانها"
كنت فاكره بعد اتزوج ح انسا وح اعيش عادي حياتي لقيت ان ولا ذرة من الحب ال في قلبي لمحمد قادره اديهو ل سيف، كل ما يقرب مني سيف بحس قاعده اخون محمد، وعندي احساس بالذنب اتجاه سيف ما يستاهل، بس انا حاولت وما قدرت حاولت والله يا سوسن" بدأت في البكاء
احتضنتها صديقتها"
سوسن: خلاص اهدي يا هيام، ما تلوم نفسك في حاجة ما بيدك
هو الرسول قال لا تلمني بما لا أملك
هون على نفسك، وفكري في كلام محمد لو ح تبقى مبسوطة معاه، اطلبي الطلاق
هُيام: "نهضت من حضن صديقتها وهي تمسح دموعها باستغراب"
سوسن انت البتقول كده!!؟

سوسن: اي انا، ما تخلي عاداتهم تقيف في سعادتك
ويلا اضرب ل محمد شوفي حاصل عليه شنو
_______
"المساء"
كان يجلس على مكتبه، يحدق بجهاز اللابتوب، وبيده يمسك سيجارة

يوسف: انا طالع بعد دا، انت قاعد؟

محمد: قاعد اي، قاعد اشوف كم زول عشان الطلبية دي تخلص ما عايزين خسارة تاني

يوسف: أن شاء الله مافي خسارة تاني يلا مع السلامة

"هاتفه يرن، حمله ليرى من المتصل، ظهرت ابتسامه على وجهه الذي كان يملاه الحزن"

الو

وعليكم السلام

تمام الحمد لله معليش قبل طلعت مستعجل

لا خير، مشكله في الشغل بس

والله هي خسارة، لكن نقول الحمد لله جات على كدة

دقيقه دقيقه شنو مع السلامة

انا ما صدقت انك اتصلت علي ممكن ما تقفل من قبل مضايق انا محتاج اتكلم معاك شوية

تتذكري زمان لمن تحصل لي مشكله كنت انتِ الوحيدة القادرة تطلعني من الحالة الأنا بكون فيها

ولمن هسا بتقدر لأن مجرد ما شوفت رقمك انبسطت

عايزه تغير الموضوع... طيب يا هُيام

مشكلتي حق الشغل دي يا ستي

الشركة حقتنا دي  بتصدر  خضروات و فواكه
المهم عندنا مفروض طلبية حقت فواكة، قاعده في المخزن ، المهم المخزن دا الكهربا فصلت من والفواكه الفيه نصها بقيت ما نافعه، يعني ما ينفع ارفع الطلبية الجايه

ح اعمل شنو، رسلت ل كم زول، يقدر يوفر لي كميه من الفواكة، عشان اقدر أن شاء الله ارفع جزء منها، لأن لو خسرت ثقه الزبائن ديل صعب يرجعوا يتعاملوا معاي تاني

ممكن اقول لك حاجة

زمان كان بتقري لي قران لمن اكون مضايق ممكن تقرأ لي هسا

"وبدأت في تلاوة سورة يسٓ
بعد أن أكلمت التلاوة"

ارتاحت شديد بعد التلاوة، شكرا لك يا هُيام

ممكن طلب تاني عارف طلبات كتير

ممكن بكره نتقابل

ما عايز اسمع ردك، ح اكون منتظر انا في نفس المكان والزمان زي كل مره
مع السلامة
ماضي

#زواج عادات وتقاليد "الحلقة الثامنة"

"نحن نلمع بشكل استثنائي حول من نحب وننطفئ لو كنا حول الشخص الخاطئ، أنت لست شخصاً واحدً انت دائما نتيجة تفاعل ما "  أحمد خالد توفيق
________

تجلس في مكانهم المعتاد، التوتر يملأ كامل جسدها، كانت تحدث صديقتها على الهاتف
هُيام :
ما عارفه ياسوسن إذا صح او غلط القاعد اعمل فيه دا، حاجة تقول لي قومي امشي بيتك وما تخربها على نفسك، وحاجة تانيه تقول لي اقعدي انتظري وشوفي حياتك ما كفاية  ظلم اهلك زمان، ما تظلمي نفسك تاني

دخل المكان بهيبته المعتاده، وطوله المناسب مع جسمه، وبعض من اللحية الغير مرتبه، ولونه الاسمر الذي يميز السودانين

محمد: نهارك سعيد، معليش اتاخرت عليك بس الطريق زحمه، واتاخرت في المكتب كمان مع الشباب كان عندنا اجتماع عشان مشكله امبارح دي

هُيام: ولا يهمك، طيب ليه قلت نتقابل مدام مشغول

محمد: عايز اشوفك وتاني انا حتى لو مشغول بخلي اي حاجة في يدي عشان اشوفك واتكلم معاك

"ابتسمت و دارت وجهها الجهه الأخرى"

محمد: " قال وهو باسم"   لسه ما خليت حركتك دي لمن تخجل تقابل الجهه التانية.

الهاتف يرن كان موضوع على الطاوله المتصل هند، وضع الهاتف صامت وقبل أن يبدأ حديثه قالت....

هُيام :رد عليها يا محمد

محمد: برجع ليها بعدين

هُيام: انا من وقت اتقابلنا المره الفات قلت لك غلط نفكر نتكلم مع بعض اول عشاننا احنا وتاني عشان هند وسيف

محمد:" وهو يحدق بها"  وجاية ليه طيب؟!

هُيام: جايه عشان اقول لك كده ولازم نسمح أرقام بعض ونوقف القاعدين نعملوا دا

محمد:" ابتسامه ساخره"  طيب انا صدقت، مدام كده وانا جاي عشان اقول لك للمره التانيه انا مستعد افسخ خطوبتي وانتِ اطلبِ الطلاق ونتزوج عادي، والله والله ولدك ح يكون في عيوني هُيام

هُيام:  محمد اول ما صح نفكر بأنانية كده، لأن في أطراف تانية في الموضوع، هل انت فكرت مره هند دي  ح تكون كيف بعد انت تخليها؟  وكيف ح تكون حياة سيف بعد انفصل عنُ

محمد: طيب وانتِ ليه ما تشوفِ نفسك وتشوفني انا كمان، مشاعرنا دي شنو، حياتنا ال ما عندها معنى من غير بعض، واحنا كل واحد يشوف التاني مع زول غيرو، لو انت شايفه دي أنانية مني، طيب انا زول اناني، بس انتِ كمان قاعدة تظلم نفسك وقاعده تظلمني انا معاك، وهند وسيف كمان

"وضعت يدها على خدها وهي تنظر الجهه الأخرى حالة من الصمت دامت خمس دقائق، خرج يدخن وعاد"

محمد: طلبت لك عصير برتقال

"نظرت إليه لم يفهمه"

مالك بتعاين لي كده؟!

هُيام: ولا حاجة

محمد: ما عايزه برتقال عايزه حاجة تانيه طيب

هُيام :لا ما كده

محمد: طيب مالك..... ول النظرة دي لكلامي حق قبيل
عموما انت فكري وصلى استخاره عديل

هُيام:" بسخرية واضح في كلامها"
استخاره في خرب بيتي

محمد: يعني انت يا هُيام شايفه كلامي دا خرب بيتك
شكرا لك والله

هُيام: يااخ ما كده ما عرفت اقولها لك كيف، ما تزعل

محمد: هُيام عايز اقول لك حاجة، الكلام الأنا قلت لك دا لا خرب بيوت ول انانية مني.... لو استمر اي واحد مننا في حياتو ال هسا دي دا ظلم لنا احنا الاربعه، احنا اتظلمنا الاربعه بسبب زواج العادات دا.....
العادات دي طلعها منُ مش زول بشر زينا معناها احنا البصنع العادات، فخلينا احنا نصنع عادات جديده تقول ان ممكن الشباب يعرس من قبيلة غير قبيلتهم، وممكن البنات تختار هي شريك حياتها، ما شريك حياة بالعادات... ود عمها ول ود خالتها و...... ال من صغار قالوا ديل لبعض....

______
"المساء"

هاجر: سرحانه وين؟!

هند :لا مافي حاجة

هاجر :قول قول مالك مافي حاجة دي تقولها ل خطيبك الغياظ

هند :  "بإبتسامة حزينه" هو قاعد يسأل عشان انا اقول ليهو زاتو

هاجر: مالك متشاكلين؟

هند: لا، بتصل عليه ما يرد وما يرجع لي، ضربت ل يوسف امبارح قال لي خليتو في الشركة، قال حصلت مشكله في الشغل

هاجر: طيب ما قال في مشكلة في الشغل، احتمال ضغط الشغل وكده

هند: قبل المشكله دي هو متغير، متأكده في حاجة انا، تكون في وحده جديده في حياتو

هاجر: عليك لله عليك لله بس هند معليش يعني محمد الغياظ دا في وحده بتوافق بيهو غيرك

هند: "رمت المخده على اختها"
غياظة ما تقول عليه كده، مالو حلاتو وفيه كل المواصفات ال اي بت تتمناها

هاجر: لا ما اختلفنا في الشكل والكلام دا، انا قصدي لك التعامل حق دا، هو انتِ الخطيبتو دي ما قاعد يتكلم معاك، وطبيعي سرحان أو يشرب السجاير دي، وكئيب كده...
المهم ما علينا هسا انت خلي في بطنك بطيخ صيف عديل حبيبتي، مافي بت بتعاين ل محمد بتاعك دا، وما تنكدي على نفسك باقي الليل...
يلا تصبح على خير

______

هُيام: لا يا سيف ما غيرت رأي
....
مرتاحة والله، سوسن قاعده معانا والجيران في ما تقلق
.....
طيب ربنا يكتب سلامتك
.....
مع السلامة

سوسن: مالو سيف قال لك تاني تمشي تقعد مع ناس امك
هُيام: اي، مستغرب عشان لمن يسافر بمشي ليهم وكده
قلت ليهو احسن اكون في بيتي وكده، قلقلان عشان ما نكون برانا انا وكريم

سوسن: ي يحليلو، هو ماشي وين تاني تقول ليهو ربنا يكتب سلامتك

هُيام: مكان المؤتمر اتغير بعد ما وصل هناك عشان كده

سوسن: ايوه....
بس شكلك الليله متغير ي صحبتي

هُيام:"باستغراب"كيف متغير؟

سوسن: رجعتِ هيام حقت زمان، ضحكتك حقت زمان حتى ملامحك زاتو كانت حقت وحده كبيره تقول هسا رجعتي صغيره يختي

هُيام: "بضحكة" من يومي صغيره يختي.....
ما اكذب عليك يا سوسن بالرغم ان كلام محمد الليله كان حاد، بس بعدين لمن غيرنا الموضوع انبسطنا، اتونسنا زي زمان وحكي لي كيف بدأ شغلو دا، وعايز يعمل شنو، حسيت نفسي رجعت كم سنه للوراء
نفس التفاصيل لمن يجي يحكي لي واحكي ليهو

سوسن :الحمد لله انبسطت.... بس لازم تفكر في كلامُ طيب

هُيام: أن شاء الله
______

"بعد مرور اسبوع"

هُيام :سوسن ح اخلي كريم معاك ... ماشه ناس امي وجايه

سوسن: طيب، بس ليه ما عايزة تشيل كريم

هُيام: لو شيلت ح يقولوا لي اقعدي وعايزين نلعب مع كريم
وانا عايزه امشي سريع اديهم علاجات امي دي وارجع طوالي

سوسن :وطيب لو قالوا لك كريم وين

هُيام :ح اقول ليهم في البيت مع سوسن، وانا لازم ارجع ليهم، شوفت صحبتك بتاعة خطط إجرامية كيف...

سوسن: انت لسه زعلانه من موضوع ان كذبو عليك

هُيام: زعلانه شديد والله، ابوي الله يرحمو ويسامحَ، بس بعد عرفت الحقيقه بقيت ما قادره اتعامل معاهم عادي، وفي نفس الوقت ما عايزه انسا أن هم اهلي وربنا ح يسألني منهم

سوسن: دا ماضي يا هيام انسا

هُيام: لا يا سوسن، دا ماضي وحاضر ومستقبل لسه ح اعيش فيه... ما علينا امشي انا عشان ما اتاخر خلي بالك من كريم

سوسن: في عيوني
____
"في المكتب"

كان يجلس مع صديقه، ويقرأ بعض الملفات... ما إن أنهى

محمد: حلو، العقد مافيه غلطه، موافق انا
انت رايك شنو؟

يوسف: انا كمان موافق بس قلت اشوفك عشان اديهم ال اوكي

محمد: طوالي اتصل عليهم وشوف يوم عشان توقيع العقود

"قطع حديثهم السكرتيرة"

السكرتيرة: مستر محمد  هند جات وعايزه تقابل حضرتك

محمد: خليها تدخل

هند: السلام عليكم

"محمد ويوسف": بصوت واحد وعليكم السلام

"جلست في الكرسي المقابل ل يوسف "
هند :ما يكون عندكم شغل وانا جيت خربت ليكم

يوسف: لا خلصنا، امشي مكتبي بعد دا
يلا عن اذنكم

هند: اتفضل
بعد أن خرج يوسف، ذهب وجلس في الكرسي المقابل لها

محمد: مالك ما قلت لي جايه ول دي مفاجأة؟!

هند:  "بصوت مرتفع قليلا "ما انت، طبيعي مشغول وما عندك وقت لي، لمن اقول لك نتقابل تقول لي في الشغل، اجتماع، المخزن و وووو، ف قلت احسن انا اجي الشغل دا عشان اشوفك

محمد :"بعصبية" انت جايه تقول يا مشاكل من هناك ول شنو، ولا طلبت معاك نكد، وبعدين صوتك دا ما ترتفعه علي ياهند

هند:" بهدوء" طيب يا محمد، بس انا ما جايه ل مشاكل ولا نكد،عايزه اتكلم معاك اعرف حصل عليك شنو، انت ما بتكلم معاي كلمتين وبتقول لي مشغول برجع لك وما بترجع لي الا ارجع انا، فقلت اشوفك وش ل وش عشان نتفاهم

"نهض من أمامها وعاد إلى الكرسي السابق، كان يتهرب من النظر إليها، حتى لا تكشف الكذب الذي تحمله عيناه"

محمد :مافي حاجة ضغط شغل بس ما اكتر

هند :وانا ما من حقي اعرف ضغط الشغل دا يا محمد

محمد: هند انت عارفة من زمان انا ما بحب اتكلم في الشغل معاك

هند: طيب وغير الشغل...

محمد: المشكله الحصلت دي، خربت لي أي شي يا هند عشان كده بس انتِ حاسه بي متغير

هند: وقبل المشكله طيب؟

محمد: "بعصبية" هند انت جايه تحاسبني على حاجات زمان هسا، انت متعودة علي كده، الجديد شنو، اتغيرت شويه، وقلت لك بسبب المشكله ال ف الشغل، في شنو تاني

هند :ما كده
محمد: اها كيف ياهند

هند :محمد انا بحبك وعايزه ادخل في تفاصيلك زي ما انا بدخلك في تفاصيلي، فأنا بقول لك عشان عايزه اعرف اي حاجة عنك، ما قاعده احاسبك ولا حاجة... "وصمتت لحظة ودموع تملأ عينها" . 
طيب امشي انا 
"ونهضت من مكانها، ذهب أصبح يقيف مقابل لها"

محمد: انتظري هو انت جيت متين عشان تمشي...
اول انا بعتذر لك... تاني شي انا غبي والله مفروض من ما جيت انتِ افهم انك مشتاقه لي، وتالت شي انا عايز اطلع معاك الليله

هند :" مسحت دموعها "ما مشتاقه لك ولا شي
وبعدين خليك في شغلك ما زعلانه انا

محمد: يااخ ما مشتاقه احلفِ كده

هند :"وهي باسمه" والله مشتاقه لك

محمد :عارف عارف...بس دقائق اخلص توقع في الملفات دي ونطلع

هند :لا محمد، خلاص والله، خليك في شغلك انا ما زعلانه.

محمد :" امسك يدها" يا ستي خلصت شغل انا، وبعدين انا طالع معاك ما عشان انتِ زعلانه عشان انا جعان وعايز زول يأكل معاي

هند: "بإبتسامه" طيب طيب صدقت..
ماضي

#زواج عادات وتقاليد "الحلقة التاسعة"
______

"في منزل أهل هُيام"

هُيام: بعد تخلص اديني خبر، عشان اجيب لك

أم هُيام: طيب اقعد ماشه طوالي مالك

هُيام :كريم  مع سوسن في البيت لازم ارجع ليهم

أم هُيام :ايوة، ومالك خليت في البيت كريم

هُيام: كان نايم يدوب لو كان قام ح يكون زهجان

أم هُيام: ايوه، وسيف لسه ما قال يرجع متين

هُيام: لسه
"الهاتف يرن "
دي سوسن

أم هُيام :ما يكون كريم قام من النوم وعمل ليها حركات

هُيام: الو... أي ياسوسن
......
الله يجازيك انا فاكره كريم عمل لك حركات
......
خلاص طيب طالعه بعد دا انا زاتو

"بعد أن أغلقت المكالمه "

أم هُيام: مالها سوسن

هُيام: قالت عايزه اجيب لها اقاشي وانا جايه
يلا اقوم لأن شكلها جعانه

أم هُيام :طيب سلم عليها

هُيام: أن شاء الله يصل، انتِ كمان لمن يجوا ديل سلمِ عليهم

___
"كان يقود السيارة ويتحدث في داخله.....انا ما استاهل وحده زيك يا هند وما استاهل حبك دا ، ما قادر اخليك في تفاصيلي زي ما انت عايزه، لأن قلبي مع وحده تانيه غيرك...
انا ظلمتك شديد معاي من وقت امي قالت لي كان ما شوفت حياتك وارتبطت واتزوجت ما عافيه لك، زواجي ارتبط ب عفو امي وحظك كان انتِ البت الوحيدة ال ف حياتي الفتره ديك عشان كده ارتبطت بك..
عارف دا تفكير اناني مني عشان كده عايز أوقف الظلم دا وافسخ خطوبتي منك. ... ربنا يسامحني في حقك علي الفات....

هند: هااي هاي انا هنا، سرحان وين

محمد :اي معاك سرحت شويه بس... اها عندك مكان معين نمشي ليهو

هند: اي مكان... ما مشكله

محمد: في مكان ظريف كده وهادي فتح ليهو فتره قالوا أكلهم سمح نمشي نجرب

هند :نمشي نجرب
_______

هُيام :لو سمحت عايزه اقاشي فطيرة وعصير 

العامل: خمس دقايق

هُيام: تمام 

"وصلا المكان"

هند:شوف ديك هُيام. نمشي نسلم عليها ونطلب

محمد: طيب يلا

هند:"بفرحة" هيام ازيك
"قامت بإحتضانها ومحمد في الخلف ينظر إليها، مددت يدها للمصافحته"
دا محمد خطيبي متذكرة يوم الكرامة

هُيام :اي "سحبت يدها منه على الفور"

هند: اخبارك شنو وكريم كيف، صلاح قال لي سيف مسافر الايام دي

هُيام: اي مسافر "تحاشي النظر إلى محمد"

العامل: يا اخت طلبك جاهز.

هُيام: بعد اذنكم" بضيق تحاول عدم اظهاره "

هند: اتفضلِ اتفضلِ

" بعد أن اختفت عن نظرهم "

محمد: تعالى نقعد وشوفِ عايزه تأكلِ شنو؟

هند :مالك وشك اتغير كده... عندك مشكله معاها

محمد: منُ هي؟

هند: هُيام

محمد: هُيام شنو، جعان بس "قال جملته ب تهرب "

هند: ايوه كان كده
استغربت لأن بعد شفتها بقيت ما طبيعي

محمد: الله ي هند ح يكون عندي معاها شنو، هو بالعكس ظاهر انها طيبة

هند: اي والله... كمان راجلها مسكين اكتر منها، رجل كده مثقف، ويحترم هيام دي احترام، اتخيل صلاح يحكي لينا قال من ايام الجامعه الود دا ما ارتبط مع وحده عشان عارف هو في النهايه ل بت عمُ دي

محمد: هو من ايام الجامعه كان مخطوبين يعني؟!

هند: لا ما خطوبة رسمي يعني، كلام أهل وكده، من صغار دا ل دي وخلاص

محمد: "بضيق يظهر على وجهه" ايوه.... يلا شوف تأكلِ شنو؟

_____

سوسن: رهيب رهيب عشره مرات الاقاشي

"هُيام شاردة في عالم آخر"
هُيام وين يختي... من ما جيتي ما تمام حاسه بك

هُيام: لقيت محمد وهند في المطعم
حسيت بإحساس ما حلو

سوسن: نفس الاحساس حق يوم الخطوبه

هُيام: لا اكعب، يوم الخطوبه كان عندي زعل منُ، أن هو خذلني وكده، واتفاجات لمن شوفت مع وحده تانيه غيرة يعني بس بسيطة

سوسن: والليله؟

هُيام: كنت غيرانه لدرجة مغيوظة من هند ما بقى لي الا اضربها بشئ

سوسن :"بضحكة" ايوه دي هيام حقت زمان لمن تغير

هُيام: عارفه بعد ما اتحركت منهم قلت، انتِ مالك هسا  ما عندك حق في محمد اصلا عشان تزعل قدر دا، دي خطيبتو هي ال عندها الحق هسا

سوسن :احسن تخت النقاط في الحروف يا هُيام وتقرري...
عموما لو جاينا بالصح والغلط، غلط انك تفكر في محمد وانتِ متزوجة، مش تمشي تقابلوا ، وما عشان اهلك غلطوا زمان انت كمان هسا تغلط كده ح تبقى زيهم، ف  قرري سريع عشان ما تستمر في الغلط دا وتانيب الضمير
ااااه ااه ربنا يسامح أهلنا

هُيام: انشغلت ب موضوعي وما سألتك انت عملت شنو مع كمال راجلك

سوسن: ولا حاجة

هُيام: لسه في حركات دي؟!

سوسن: اي وماشي في اسوء كمان، عارفة ي هُيام لو كان في صفه وحده حميدة انا كنت اتمسكت بيهو بس هو كل مره ماشي أسوء، والحاجة تغيظ أن مافي زول عارف ان هو زول كعب غيري قدام الناس ملائكة بس، عشان كده لو فكرت اقول طلاق اهلي ح يقولوا عايزه تعملِ مشاكل بين الأهل وكده
لمن احكي ل خديجة اختي تقول لي ما عافيه ليهم في طريقه العرس دا

هُيام: خديجة كمان يحليلها عشان بعيده منكم ح تكون صعبه عليها من كل الجهات
سوسن: ما البعد بس مؤثر فيها، راجلها كويس ما كعب زي حقي، هي طريقه الزواج من الاول مؤثره فيها اتخيل تكون قاعده تجهزي في عرس اخوك يجوا يقولوا لك  عقدك بكره مع عقد اخوك،  اتخيلِ تعيش مع واحد ما بتعرف عن حاجة غير أن ود  خالتك وسمعت اسم كم مره بالعدد وما اتعاملت معاه، ودا كل عشان الكبار قالوا كلمتهم من زمان بناتنا ما بيطلعوا برا العيله....

هُيام:بحسرة " الله يحرق العادات والتقاليد

_______

" المساء"

سوسن: هُيام سامعه صوت تلفونك بضرب

هُيام:  طيب تعالى  شوف لي  اللبن دا لمن يفور

" ذهبت الى غرفتها أصبحت تنظر إلى الهاتف الرقم غريب لكن ليس غريب عليها، لمن تذكر رقم من"

الو...
وما أن سمعت صوته عرفته على الفور "
تمام الحمد لله
....
انت كيف
...
الحمد لله
....
اي مسافر
....
مالي قبيل
.....
مافي حاجة
.....
غيرانة!!!؟
شكلك اتلخبطت انا ما خطبيتك، ما عندي الحق زاتو اغير عليك
____
"في جهة محمد"

لا عندك الحق يا هُيام

عندك الحق اكتر منها

انا قررت اسيب هند...

لو انت موافقه نرجع ل بعض او لا

انا ح اخليها ما ح اظلمها معاي اكتر من كده
......
ما استعجل في شنو

انا ما مرتاح وانا ما قادر اديها ابسط حقوقها
....
انتِ قررت كمان
طيب قرارك شنو؟
......
انتظر لمن بكره ليه ما ممكن تقول هسا؟
........
طيب طيب بكره قريب
ماضي

#زواج عادات وتقاليد "الحلقة العاشرة"

"إلى أولئك الذين كانوا السبب في هذا الفراق انتم تتوهمون انطفاء النار، في حين انكم لم تزيدوها الا حطبا، فالحب هو النار التي كلما حاول أحد اخمادها زادت توهجا وتضاعف اشتعالها" لقائله
______
"الأحداث خلال الأسبوع"

هُيام: وصلت... لمن تخلص ارجع لي يا محمد
---------------
هند: ما قاعد يرد علي يا هاجر وتلفونُ مشغول كتير الايام دي ..
------------------
هيام: الحمد لله اتسهلت لك موضوع الطلبية دي....
بكره العزومة على حسابي
----------------------

سيف: ما مرتاح حاسي في حاجة حاصله ل هُيام ما كويسه
------------------------
محمد: بحبك وعايز يجي اليوم التبقي حقتي.. ونحقق أحلامنا الزمان وال هسا
هُيام: هانت سيف يجي من السفر وح اقول ليهو قراري
-----------------------
محمد: هند مشغول بس ضغط شغل ما اكتر، انا كمان عايز اتكلم معاك في موضوع مهم... موضوع يخصنا...
خلاص بعد بكره لو ما عندك شي
________
"تحدث صديقتها على الهاتف"

هُيام: يعني ما ح تقدري تجي يا سوسن
لا خلاص بخلي مع ناس امي، بقول ليهم ماشه ل سوسن
________

"يجلس في مكانهم المعتاد وينظر للهاتف ما إن جاءت، تركه فورا"

هُيام: معليش اتاخرت عليك شديد

محمد: ما مشكله ح انتظر العمر كل... ما نص ساعه بس
" أصبحت تنظر حولها والابتسامه في ثغرها"

محمد: طريقه خجلك زاتو حلوة زيك

هيام: "والابتسامه تظهر في وجهها"
محمد لو قعدت تقول لي زي دا كتير بقوم بخليك

محمد: لا لا خلاص
_____
"في المطار "

صلاح: حمد لله على السلامة يا ابو كريم

سيف: الله يسلمك

صلاح: خليها بشيل لك انا لمن  العربية
" قام بمساعدته في حمل الشنط، وذهبا إلى السيارة"

اها لقيت البلد هناك كيف؟

سيف: والله بلد جميلة شديد ياخ

صلاح: والمؤتمر كان كيف

سيف :والله كويس، التنظيم والتقديم على مستوى

صلاح: اتعرفت على ناس هناك إن شاء الله

سيف :اسكت ساي، ما شاء الله كتار والله، حتى في شركة قدمت لي عرض كبير شديد

صلاح: اها وقلت ليهم شنو

سيف: قلت ليهم لا

صلاح :ليه؟!

سيف :هُيام ما اظن توافق هي لمن اسافر اسبوع ول اسبوعين قاعدة ترفض، هسا كمان عشان اتاخرت حاسي بيها ما كويسه

صلاح: طيب انت ما كان تقول ليهم انك متزوج وكده

سيف: قلت ليهم قولوا لي ح يوفروا لي شقه، قولوا لي فكر تاني

صلاح: طيب ما كويس يا سيف

سيف: غايتو كده اشوف هُيام تقول شنو بقول ليها، كده على سيرتها اضرب ليها بالايمو عايز اعمل ليها مفاجأه
____
"الهاتف يرن، المتصل ابو كريم، تغيرت ملامح وجهه عندما رأى المتصل"

محمد: طالع اشرب سيجارة ردي علي تلفونك

"ما إن خرج ردت على هاتفها"

هيام :الو
.....
تمام الحمد لله
......
انت كيف
.....
وحيد كويس
.......
اكيد مشتاقين لك
....
اي مافي البيت طلعت لناس امي
....
اها ح تجي متين
....
لسه يومين تلاته يا سيف معقوله لكن
.....
لا مافي حاجة
......
طيب
......
خلاص كده لمن ارجع البيت بضرب لك، كريم نايم هسا
......
الله يسلمك
______

صلاح: انت ممثل شاطر.. انا المعاك دا ح اقول ما جيت

سيف: صح

صلاح: اها تمشي بيت امها ول بيتكم طوالي

سيف: لا امشي البيت طوالي

صلاح :طيب نمشي بالشارع دا ما زحمة شديد
_____
"خرجت وجده يدخن جلست في الكرسي المقابل له"

هيام: كده اكتر من سيجارة... لو ما خائف على نفسك... انا خائفه عليك .

محمد: "أطفأ السيجارة" خلصت

هيام :اي....
عارفه احساسك بس هانت خلاص قال لي راجع بعد يومين لمن يجي ح اتكلم معاه في طلاقنا وكده

محمد: تمام تمام انا كمان بكره ح اتكلم مع هند

هيام :" امسكت يده" خلاص أفرد وشك دا شويه، عارفه والله مضايق عشان قاعدين نتقابل زي الحراميه،ونفسك نكون مع بعض الليله قبل بكره بس خلاص صبرنا الكتير ما باقي الا القليل

"تمر السيارة بالصدفه من ذلك  المكان وتحديد في تلك اللحظة وهو في حاله ذهول زوجته تمسك يد شخص آخر"

سيف:" ثائر من الغضب" أقف يا صلاح أقف

صلاح: ما ح أقف... تنزل تعمل فضيحة ل نفسك وتضيع نفسك. اتكلم معاها في البيت

سيف: يضرب يده في نافذه السيارة اقيف يا صلاح بقول... خليني امشي ليها الخاينة الكذابة... أقف لازم امشي ليها

صلاح: ما ح أقف

سيف: المعاها دا خطيب هند صح؟

صلاح: بغضب اي.. انا كمان مفروض انزل اضرب بس ما عايز نعمل فضايح...
من الاول ما مرتاح ليهو الود دا، بس هند كان مصيرة عليه...
لكن بوريهو انا.

#نتلاقا
هند :اي كويسه شديد كمان، الله لا جاب البكاء

محمد: طيب الحمد لله ان شاء الله دايما، دقيقه اطلب لك عصير

"رجع إلى مقعده السابق وهي تحدق به"

هند: محمد هو انت بتحبني؟!

" ينزل سماعة الهاتف"

محمد:" باستغراب "ودا شنو السؤال دا هسا؟!

هند: عايزه اعرف، تصدق يدوب لاحظت انك ما قلت لي بحبك لمن هسا

محمد: احنا مخطوبين من متين ونعرف بعض من متين جايه تتأكد الليله؟

هند: ياخ جاوب عشان اتطمئن انا، خدني على قدر عقلي طيب

محمد: هند شكلك الليلة فاضية وقلت تعملِ بي موضوع

هند: السؤال صعب لدرجة دي بتهرب من إجابةُ ول انت ما بتحبني؟
لا بتقول بحبك بس ل هُيام

محمد: هُيام.. الجاب سيرة هُيام شنو هسا... اقصد هُيام منو
"يقيف مصدوم من كلامها "
"تنهض هي الأخرى وتصبح مقابلة له "

هند: هُيام مرت سيف، صلاح هو وسيف شوفكم مع بعض وانتو ماسكين يدينا بعض
صلاح كان عايز يجي رفضت انا قلت ليهو خليني أمشي انا اول، في نفسي بقول ان شاء الله يكونوا فاهمين غلط
"تنظر للجهة الأخرى وتحاول أن تمسك دموعها من النزول"
محمد قول لي انهم فاهمين غلط، قول لي انها نزوة ما اكتر وانك بتحبني
محمد اتكلم ما تسكت

محمد:"  بتردد" هُياااام تبقى البت الكان حكيت لك عنها

هند: "وهي تبكي" مش قلت لي سابتك وعرست مالك تاني حنيت لمن شوفتها، ولا كنت متواصل معاها من الزمن داك

محمد: لا، فعلا كنت خليتها فعلاً

هند: طيب حصل شنو؟!
______

"كان تجلس وعلامات الضرب باينه على وجهها، كان يقيف معكس لها، كأنه لا يريد رؤيتها".

سيف:كنت حاسي من اول زواجنا انك ما معاي وانك مغصوبة، قاعد اكذب الاحساس دا عشان بحبك
اه ااه بس احساسي طلع صح" يمسح دموعها قبل أن تسقط" قلت أهلك زمان ما اديكُ حق الاختيار وظلموك تحت اسم العادات..
ما ح اعمل زيهم انا، ح اخليك تختاري....
هو انت مختارة اصلاً بس برضو....
لو عايزه نوصل ونبدأ من جديد انا ما عندي مشكله ح انسا الفات، ونمشي من هنا لو عايزه... ودا كل عشان خاطر كريم
" يأخذ شهيق زفير"
لو عايزه الانفصال كمان وترجعِ لحبك الاتحرمت منه، ورقتك بتصل في أقرب وقت،  و وحيد ح يكون معاك ما تقلقي من الناحية دي، فكري وشوفي نفسك عايزه شنو.. منتظر قرارك
"قال جملته وخرج من المنزل"
_______

"بعد أن حكا لها علاقته بهُيام من الاول الى الآخر، تجلس في مقعد ويجلس في المقعد المقابل لها"

هند: والدموع تنزل من عينيها" هاجر كان دائما تقول لي أن محمد دا ما بحبك في شكل هظاربتقول ، كنت بقول لها لا، حتى لو ما قال كفايه الأفعال، بس شكل كل الكنت شايفه دا هو انعكاس لحبي لك

محمد: هند انا اس...." تقطع حديثه"

هند :ما تقول حاجة يا محمد... الحب هو الحاجة الوحيدة ال ما بتجي بالغصب... ما بيدنا نختار نحب منُ ومتين وكيف وقدر شنو...
القلب لو اختار مافي زول تاني ح يقدر يغير حاجة
"تخرج خاتم الخطوبة من يدها وتضعه على المكتب"
كنت وح تظل حب حياتي يا محمد، وعشان انا بحبك عملت الخطوة دي انا، قلت اعفاك من الكلام ومن أي حاجة...
ربنا يوفقك في حياتك،وشكرآ لمحاولتك انك تحبني
"وقبل أن ينطق بحرف خرجت فوراً من المكتب"
"بعد مرور ساعة"
"يجلسا كل واحد مقابل للآخر، تضع يدها على رأسها والدموع تسقط وحده تلو الأخرى، يضع يده على خده...
بعد أن حكا كل واحد منهما ما حدث معاه"

محمد:ح تختاري شنو يا هُيام؟!

هُيام: تقصد بينك وبينُ؟
"تأخذ تنهيدة وتضغط على شفتيه بلطف"

محمد: اي، هو في خيار تاني

هُيام: اي في خيار ما قال عليه سيف

محمد: خيار شنو

هُيام: وحيد

محمد: وحيد ما فهمت مالو

هُيام: أن أختار وحيد

محمد: وحيد ح يكون معاك، وانا قلت ح يكون زي ولدي

هُيام: لا كده يبقى بتختارك انت

محمد: طيب عايز تختاري سيف يعني

هُيام: لا ح اختار اعيش مع ولدي ال ما عندو ذنب في القصه دي كلها،انا لو بقيت معاك ح يكبر ويسأل عن سبب انفصالي عن ابوه، لو عرف ح يكرهني ويكرهك مهما كنت بتعامل كويس معاه اكيد ح يفضل يعيش مع ابوه
لو قلت سيف ح اكون بكضب على نفسي وعليه هو زاتو

محمد: "بحزن يغطي عليه "هُيام انت كده قاعده تظلمني تاني

هُيام: وهي تبكي اعفي لي بس ما ح اقدر

"غادرت المكان فورا هو ينظر في اتجاهها إلى أن أصبحت سراب"
___
"بعد مرور أكثر من عشرين عاما"

"تجلس مع ابنها في حديقه المنزل وأمام كل واحد منهم فنجان قهوته"

كريم: عشان كده يا أمي انتِ مصيرة أن مراتي تكون من اختياري من غير اي تتدخل من أي شخص

هُيام: اي، لمن اخدت القرار أن انفصل من ابوك
قلت ح اخليك تختار براك بعدين، في قاموسي حذفت العاده حقت الزواج دي

كريم: ومحمد حصل عليه شنو؟

هُيام: من آخر مره اتقابلنا ما عرفت عنُ حاجة تاني، سمعت مره أن سافر تاني بس ما متأكده إذا صح او لا

كريم: بيني وبينك يا أمي لسه بتحبي محمد؟!

هُيام:" أخذت تنهيدة"
ماضي
للرائعة و الباش مهندسة إبتهال حسن 😁

#زواج عادات وتقاليد"الحلقة الأخيرة"

"حين ينتهي الحب أدرك إنه لم يكن حباً"  درويش
الحب الحقيقي ما بينتهي ولا بنقدر نتخطاه 🌸

____
محمد: يلا ندخل جوه مافي زول يشوفك كمان.

هيام: يلا
_____

"بعد أن انزل صديقه وساعده في حمل الشنط، تحدث معاه قليلا"

صلاح :ما ح اقول لك بروقة اتعامل لأن حاسي بك بس رجاءاً فكر في ولدك قبل تعمل اي شي، ما تخلي الشيطان يغمض عيونك
اسمع منها اول وبعدين قرر عايز تعمل شنو

سيف: طيب طيب "بضيق"

صلاح: من زمان انت زول حكيم ولمن هسا كمان... يلا امشي انا بضرب لك بعدين
____

محمد: يلا لمن تصل البيت اضرب لي عشان اتطمئن عليك

هُيام: حاضر يلا باي
____

هند:مالك يا صلاح... من ما جيت السودان ما قلت داير رقم هسا مالك؟!

صلاح: طيب ماداير الرقم عايز اقابل قول  ليهو

هند :"باستغراب" ليه في حاجة؟!

صلاح: هند مالك انت الرقم ما عايزة تديني وما عايزه تخليني اقابل كمان

هند: لا ما كده بس مستغربه... طيب هو الليله اظن اظن ما فاضي بس بكره اصلا طالعين انا وهو ممكن اقول ليهو يقابلك

صلاح:" بضحكة" ما فاضي... انا عايز اقابل هسا دي اضرب ليهو أو اديني الرقم ما ح انتظر لمن بكره او لمن يكون فاضي

هند :صلاح في شنو مالك حصلت حاجة وانا ما عارفه

صلاح: مافي حاجة يا هند

هند: طيب سبب المقابله شنو؟!

صلاح:"غضب" عايز افسخ خطوبتك منُ

هند:" باندهاش" تفسخ الخطوبه؟!
معناها في حاجة كبيرة
قول لي يا صلاح

صلاح: "بغضب" واحد كضاب وخاين ما يستاهلك، شوفت قبيل مع وحده وماسكين يدينا بعض كمان

"نزلت كلمات أخيها كالصاعقة عليها،تاكدت الان سبب التغيير الذي طرأ عليه في الفتره الأخيرة... أكمل حديثه"
شوفتهم انا وسيف لو ما مسكت سيف كان ح يعمل مصيبة هناك..
والحمد لله لسه احنا على البر ما تبكي عليه تستاهلِ الاحسن منُ...

هند:" وهي تمسح دموعها" سيف يعمل مصيبه مالو؟!

صلاح: البت الكانت معاه هي هُيام مرت سيف

هند:" باستغراب" هُيام.!
" الان فهمت، لماذا وجهه تغير عندما رآها في المطعم
وسبب الضيق الذي ظهر في وجهه عندما تحدثت عن حب سيف لها"

صلاح:" احتضان اخته" خليهو حسابُ معاي انا

هند:خليهو يا صلاح انا ماشه اقابل اول، رجاءاً يا صلاح ما تقول لي لا، مش انا الكنت مصيرة عليه، خليني اتكلم معاه اول انا وبعدين امشي ليهو انت
______

" يجلس في المنزل يتذكر كل ما حدث منذ بداية زواجهم، حبه لها احترامه لها، كانت دايما بعيدة منه... شاردة الذهن.... كانت تقوم بواجباتها الزوجية باَكمل وجه لكن يظهر عليها الحزن، قليله الكلام معاه، كان يفسر ذلك ويقول عشان ما اتعرفنا على البعض كويس قبل الزواج... قطعت تفكيره صوتها وهي تحدث ابنهما

هُيام: حمد لله على السلامة يا روح ماما وصلنا البيت
"ما إن دخلت الغرفه وجدته "
بسم الله جيت متين... قطعت رحمن قلبي

سيف: "وهو ينظر إليها باشمئزاز" دي حمد لله على السلامة حقتك...
جيت قبيل قلت اعمل ليكم مفاجأة

هُيام:" بتردد" ككرريم دخلتو غرفتو هسا، اجيبُ لك تسلم عليه

سيف: خلي كريم هسا.. ما قلت لي رايك شنو في المفاجأة دي

هُيام:" وهي تحاول عدم النظر إليه" مفاجأه حلوة اكيد
"أصبحت تحدث نفسها، ياربي ضرب لناس امي قالوا ليه انا مافي... لا لا ما اظن امي كان بتقول لي"

سيف:" ينهض من مكانه ويقيف مقابل لها" سرحتِ وين؟

هُيام: لا معاك، غيري هدومك شكلك ما ارتاحت من تعب السفر، انا امشي اجهز لك حاجة تأكلها" امسك بيها قبل أن تذهب"

سيف: ما جعان انا، تعالى عايز اتونس معاك" جلسا سويا في الكنبة "
ما قلت لي ناس امك كيف؟

هُيام :" بتوتر" كويسين

سيف: الحمد لله، ما حكيت لك وانا جاي على البيت شوفت  حاجة غريبة، شوفت وحده ماسكة يد واحد، وظاهرة عليها متزوجة

"ما إن قال جملته نهضت على الفور"

هُيام :سيف انا "تكمل حديثه قام بضربها"

سيف: يا خاينة، بتخوني انا هُيام، قصرت معاك في شنو؟

هُيام: والله ما مست شرفك ماخاينه انا" تحاول الابتعاد عنه ونجحت في ذلك"

سيف: انا شوفتك ماسكة يدو دي ما خيانه.... ولا الخيانه الا في السرير في نظرك

هُيام: سيف ماتظلمني انت كمان، كفايه اهلي زمان... انا ومحمد بنحب بعض من الجامعه
______
"في مكتب محمد"
"يجلس على المكتب ومشغول بجهازه الخاص، لما يرفع راسه ليرى من جاء إليه "

محمد: كويس جيتي، عايزاك تشوف لي المسؤول من الشاحنات دا خليهو يجيني، وعندي ملفات بعدين تعالي رتبهم لي، يوسف في؟
مالك ما بترد.؟
"ما إن رفع رأسه وجدها تقيف امامه محدقه به"

هند، معليش كنت فاكرك السكرتيرة

هند :السكرتيرة مافي، عشان كده دخلت طوالي، شكلك مشغول

محمد: لا لا اقعدي، اخلص ال ف يدي ونطلع

هند: لا ما عايزه نطلع

"ينظر لها نظرة استغراب وينهض من مقعده ليجلس مقابل لها"

محمد: مالك كويسه انتِ، شكلك كنت بتبكي؟
ماضي
إبتهال حسن
#زواج عادات وتقاليد"الحلقة الأخيرة"

"حين ينتهي الحب أدرك إنه لم يكن حباً"  درويش
الحب الحقيقي ما بينتهي ولا بنقدر نتخطاه 🌸

____
محمد: يلا ندخل جوه مافي زول يشوفك كمان.

هيام: يلا
_

"بعد أن انزل صديقه وساعده في حمل الشنط، تحدث معاه قليلا"

صلاح :ما ح اقول لك بروقة اتعامل لأن حاسي بك بس رجاءاً فكر في ولدك قبل تعمل اي شي، ما تخلي الشيطان يغمض عيونك
اسمع منها اول وبعدين قرر عايز تعمل شنو

سيف: طيب طيب "بضيق"

صلاح: من زمان انت زول حكيم ولمن هسا كمان... يلا امشي انا بضرب لك بعدين
____

محمد: يلا لمن تصل البيت اضرب لي عشان اتطمئن عليك

هُيام: حاضر يلا باي
____

هند:مالك يا صلاح... من ما جيت السودان ما قلت داير رقم هسا مالك؟!

صلاح: طيب ماداير الرقم عايز اقابل قول  ليهو

هند :"باستغراب" ليه في حاجة؟!

صلاح: هند مالك انت الرقم ما عايزة تديني وما عايزه تخليني اقابل كمان

هند: لا ما كده بس مستغربه... طيب هو الليله اظن اظن ما فاضي بس بكره اصلا طالعين انا وهو ممكن اقول ليهو يقابلك

صلاح:" بضحكة" ما فاضي... انا عايز اقابل هسا دي اضرب ليهو أو اديني الرقم ما ح انتظر لمن بكره او لمن يكون فاضي

هند :صلاح في شنو مالك حصلت حاجة وانا ما عارفه

صلاح: مافي حاجة يا هند

هند: طيب سبب المقابله شنو؟!

صلاح:"غضب" عايز افسخ خطوبتك منُ

هند:" باندهاش" تفسخ الخطوبه؟!
معناها في حاجة كبيرة
قول لي يا صلاح

صلاح: "بغضب" واحد كضاب وخاين ما يستاهلك، شوفت قبيل مع وحده وماسكين يدينا بعض كمان

"نزلت كلمات أخيها كالصاعقة عليها،تاكدت الان سبب التغيير الذي طرأ عليه في الفتره الأخيرة... أكمل حديثه"
شوفتهم انا وسيف لو ما مسكت سيف كان ح يعمل مصيبة هناك..
والحمد لله لسه احنا على البر ما تبكي عليه تستاهلِ الاحسن منُ...

هند:" وهي تمسح دموعها" سيف يعمل مصيبه مالو؟!

صلاح: البت الكانت معاه هي هُيام مرت سيف

هند:" باستغراب" هُيام.!
" الان فهمت، لماذا وجهه تغير عندما رآها في المطعم
وسبب الضيق الذي ظهر في وجهه عندما تحدثت عن حب سيف لها"

صلاح:" احتضان اخته" خليهو حسابُ معاي انا

هند:خليهو يا صلاح انا ماشه اقابل اول، رجاءاً يا صلاح ما تقول لي لا، مش انا الكنت مصيرة عليه، خليني اتكلم معاه اول انا وبعدين امشي ليهو انت
__

" يجلس في المنزل يتذكر كل ما حدث منذ بداية زواجهم، حبه لها احترامه لها، كانت دايما بعيدة منه... شاردة الذهن.... كانت تقوم بواجباتها الزوجية باَكمل وجه لكن يظهر عليها الحزن، قليله الكلام معاه، كان يفسر ذلك ويقول عشان ما اتعرفنا على البعض كويس قبل الزواج... قطعت تفكيره صوتها وهي تحدث ابنهما

هُيام: حمد لله على السلامة يا روح ماما وصلنا البيت
"ما إن دخلت الغرفه وجدته "
بسم الله جيت متين... قطعت رحمن قلبي

سيف: "وهو ينظر إليها باشمئزاز" دي حمد لله على السلامة حقتك...
جيت قبيل قلت اعمل ليكم مفاجأة

هُيام:" بتردد" ككرريم دخلتو غرفتو هسا، اجيبُ لك تسلم عليه

سيف: خلي كريم هسا.. ما قلت لي رايك شنو في المفاجأة دي

هُيام:" وهي تحاول عدم النظر إليه" مفاجأه حلوة اكيد
"أصبحت تحدث نفسها، ياربي ضرب لناس امي قالوا ليه انا مافي... لا لا ما اظن امي كان بتقول لي"

سيف:" ينهض من مكانه ويقيف مقابل لها" سرحتِ وين؟

هُيام: لا معاك، غيري هدومك شكلك ما ارتاحت من تعب السفر، انا امشي اجهز لك حاجة تأكلها" امسك بيها قبل أن تذهب"

سيف: ما جعان انا، تعالى عايز اتونس معاك" جلسا سويا في الكنبة "
ما قلت لي ناس امك كيف؟

هُيام :" بتوتر" كويسين

سيف: الحمد لله، ما حكيت لك وانا جاي على البيت شوفت  حاجة غريبة، شوفت وحده ماسكة يد واحد، وظاهرة عليها متزوجة

"ما إن قال جملته نهضت على الفور"

هُيام :سيف انا "تكمل حديثه قام بضربها"

سيف: يا خاينة، بتخوني انا هُيام، قصرت معاك في شنو؟

هُيام: والله ما مست شرفك ماخاينه انا" تحاول الابتعاد عنه ونجحت في ذلك"

سيف: انا شوفتك ماسكة يدو دي ما خيانه.... ولا الخيانه الا في السرير في نظرك

هُيام: سيف ماتظلمني انت كمان، كفايه اهلي زمان... انا ومحمد بنحب بعض من الجامعه
__
"في مكتب محمد"
"يجلس على المكتب ومشغول بجهازه الخاص، لما يرفع راسه ليرى من جاء إليه "

محمد: كويس جيتي، عايزاك تشوف لي المسؤول من الشاحنات دا خليهو يجيني، وعندي ملفات بعدين تعالي رتبهم لي، يوسف في؟
مالك ما بترد.؟
"ما إن رفع رأسه وجدها تقيف امامه محدقه به"

هند، معليش كنت فاكرك السكرتيرة

هند :السكرتيرة مافي، عشان كده دخلت طوالي، شكلك مشغول

محمد: لا لا اقعدي، اخلص ال ف يدي ونطلع

هند: لا ما عايزه نطلع

"ينظر لها نظرة استغراب وينهض من مقعده ليجلس مقابل لها"

محمد: مالك كويسه انتِ، شكلك كنت بتبكي؟

هند :اي كويسه شديد كمان، الله لا جاب البكاء

محمد: طيب الحمد لله ان شاء الله دايما، دقيقه اطلب لك عصير
"رجع إلى مقعده السابق وهي تحدق به"

هند: محمد هو انت بتحبني؟!

" ينزل سماعة الهاتف"

محمد:" باستغراب "ودا شنو السؤال دا هسا؟!

هند: عايزه اعرف، تصدق يدوب لاحظت انك ما قلت لي بحبك لمن هسا

محمد: احنا مخطوبين من متين ونعرف بعض من متين جايه تتأكد الليله؟

هند: ياخ جاوب عشان اتطمئن انا، خدني على قدر عقلي طيب

محمد: هند شكلك الليلة فاضية وقلت تعملِ بي موضوع

هند: السؤال صعب لدرجة دي بتهرب من إجابةُ ول انت ما بتحبني؟
لا بتقول بحبك بس ل هُيام

محمد: هُيام.. الجاب سيرة هُيام شنو هسا... اقصد هُيام منو
"يقيف مصدوم من كلامها "
"تنهض هي الأخرى وتصبح مقابلة له "

هند: هُيام مرت سيف، صلاح هو وسيف شوفكم مع بعض وانتو ماسكين يدينا بعض
صلاح كان عايز يجي رفضت انا قلت ليهو خليني أمشي انا اول، في نفسي بقول ان شاء الله يكونوا فاهمين غلط
"تنظر للجهة الأخرى وتحاول أن تمسك دموعها من النزول"
محمد قول لي انهم فاهمين غلط، قول لي انها نزوة ما اكتر وانك بتحبني
محمد اتكلم ما تسكت

محمد:"  بتردد" هُياااام تبقى البت الكان حكيت لك عنها

هند: "وهي تبكي" مش قلت لي سابتك وعرست مالك تاني حنيت لمن شوفتها، ولا كنت متواصل معاها من الزمن داك

محمد: لا، فعلا كنت خليتها فعلاً

هند: طيب حصل شنو؟!
__

"كان تجلس وعلامات الضرب باينه على وجهها، كان يقيف معكس لها، كأنه لا يريد رؤيتها".

سيف:كنت حاسي من اول زواجنا انك ما معاي وانك مغصوبة، قاعد اكذب الاحساس دا عشان بحبك
اه ااه بس احساسي طلع صح" يمسح دموعها قبل أن تسقط" قلت أهلك زمان ما اديكُ حق الاختيار وظلموك تحت اسم العادات..
ما ح اعمل زيهم انا، ح اخليك تختاري....
هو انت مختارة اصلاً بس برضو....
لو عايزه نوصل ونبدأ من جديد انا ما عندي مشكله ح انسا الفات، ونمشي من هنا لو عايزه... ودا كل عشان خاطر كريم
" يأخذ شهيق زفير"
لو عايزه الانفصال كمان وترجعِ لحبك الاتحرمت منه، ورقتك بتصل في أقرب وقت،  و وحيد ح يكون معاك ما تقلقي من الناحية دي، فكري وشوفي نفسك عايزه شنو.. منتظر قرارك
"قال جملته وخرج من المنزل"
___

"بعد أن حكا لها علاقته بهُيام من الاول الى الآخر، تجلس في مقعد ويجلس في المقعد المقابل لها"

هند: والدموع تنزل من عينيها" هاجر كان دائما تقول لي أن محمد دا ما بحبك في شكل هظاربتقول ، كنت بقول لها لا، حتى لو ما قال كفايه الأفعال، بس شكل كل الكنت شايفه دا هو انعكاس لحبي لك

محمد: هند انا اس...." تقطع حديثه"

هند :ما تقول حاجة يا محمد... الحب هو الحاجة الوحيدة ال ما بتجي بالغصب... ما بيدنا نختار نحب منُ ومتين وكيف وقدر شنو...
القلب لو اختار مافي زول تاني ح يقدر يغير حاجة
"تخرج خاتم الخطوبة من يدها وتضعه على المكتب"
كنت وح تظل حب حياتي يا محمد، وعشان انا بحبك عملت الخطوة دي انا، قلت اعفاك من الكلام ومن أي حاجة...
ربنا يوفقك في حياتك،وشكرآ لمحاولتك انك تحبني
"وقبل أن ينطق بحرف خرجت فوراً من المكتب"
"بعد مرور ساعة"
"يجلسا كل واحد مقابل للآخر، تضع يدها على رأسها والدموع تسقط وحده تلو الأخرى، يضع يده على خده...
بعد أن حكا كل واحد منهما ما حدث معاه"

محمد:ح تختاري شنو يا هُيام؟!

هُيام: تقصد بينك وبينُ؟
"تأخذ تنهيدة وتضغط على شفتيه بلطف"

محمد: اي، هو في خيار تاني

هُيام: اي في خيار ما قال عليه سيف

محمد: خيار شنو

هُيام: وحيد

محمد: وحيد ما فهمت مالو

هُيام: أن أختار وحيد

محمد: وحيد ح يكون معاك، وانا قلت ح يكون زي ولدي

هُيام: لا كده يبقى بتختارك انت

محمد: طيب عايز تختاري سيف يعني

هُيام: لا ح اختار اعيش مع ولدي ال ما عندو ذنب في القصه دي كلها،انا لو بقيت معاك ح يكبر ويسأل عن سبب انفصالي عن ابوه، لو عرف ح يكرهني ويكرهك مهما كنت بتعامل كويس معاه اكيد ح يفضل يعيش مع ابوه
لو قلت سيف ح اكون بكضب على نفسي وعليه هو زاتو

محمد: "بحزن يغطي عليه "هُيام انت كده قاعده تظلمني تاني

هُيام: وهي تبكي اعفي لي بس ما ح اقدر

"غادرت المكان فورا هو ينظر في اتجاهها إلى أن أصبحت سراب"
___
"بعد مرور أكثر من عشرين عاما"

"تجلس مع ابنها في حديقه المنزل وأمام كل واحد منهم فنجان قهوته"

كريم: عشان كده يا أمي انتِ مصيرة أن مراتي تكون من اختياري من غير اي تتدخل من أي شخص

هُيام: اي، لمن اخدت القرار أن انفصل من ابوك
قلت ح اخليك تختار براك بعدين، في قاموسي حذفت العاده حقت الزواج دي

كريم: ومحمد حصل عليه شنو؟

هُيام: من آخر مره اتقابلنا ما عرفت عنُ حاجة تاني، سمعت مره أن سافر تاني بس ما متأكده إذا صح او لا

كريم: بيني وبينك يا أمي لسه بتحبي محمد؟!

هُيام:" أخذت تنهيدة"
كان مره قريت في اقتباس كده لدوريش قال "حين ينتهي الحب أدرك إنه لم يكن حباً"
وانا طول السنين دي حبي ما قل ولا انتهى اتجاه محمد

كريم: ودا الحب الحقيقي يا امي ال بجي مرة وحدة ما بينتهي ولا بنقدر نتخطاه.


تم بحمد الله 💜
_شكرا لمتابعة
_اتمنى تكون نالت اعجابكم.

_في انتظار تعليقاتكم الإيجابية والسلبية.

#خليكم قريب عشان نشوف قصه جديدة من ماضي🌚😎
#Ebtehal 💜
فقدناهم والسحاب ماطر 🌧

بين الرجوع والغياب قصص وعبر ...
يغادر جيران واحبة طبعوا ملامحهم في حياتنا بتفاصيلها المختلفة ..
واعتادت عليهم العيون في امكنة الحضور والانس ..
ترافقهم المشاعر وذكريات الجيرة ، يطبطبون حين نجزع ويؤازرون حين ضعف ويهرعون ساعة نجدة ويفرحون بفرحنا اكثر من الأقارب احيانا كثيرة ...
وفجأة تتوه المعالم و الدروب تتقاطع وبهلع يلملون الأغراض التي تتقلص لتحتويها شنطة ويغادرون والمآقي تفيض وتبقى ريحتهم عابقة في المكان والوجدان ..
ومع الأيام يحل في الشوارع والبيوت آخرين ... تراهم باهتين ..
بلا انتماء ..
عابرين لسوح الميادين وازقة حياتنا الموجوعة برهق الأيام الكئيبة
، والفقد ، وهي مستفة حد الغثيان ، في انتظار جرعة اضافية ونتقيأ كل شيء تناولناه بنهم ورغبة بالأمس القريب ...
يصعب تعويض المغادرين ... صعوبة دمج القادمين الجدد ، ونقارن بسرعة قد لا تكون علاقاتنا مع الجيران ممتازة ،لكن نكتشف فجأة أنهم كانوا بعض منا ومازالت ذكرياتهم حية ، مهما كابرنا والتففنا على الحقائق ... ونأبى أن نفتح أيادينا ...
مرة أخرى واسباب الغياب مشرعة لمغادرة أحباب كثر ..

الناس تاني ما بترجع !!!

جملة تسوق الامنيات سوقا لبئر النسيان او الانحياز لذاكرة الإنكار... إلى أين تكون القبلة وماهي مبررات الرجوع ... وهكذا تتوزع بيوت كثيرة ، وتنتشر في أماكن أخرى حيث تبدأ من جديد برزق جديد وبذور مخبأة في انتظار السحاب .
وتظل خياراتنا نحن للبقاء في ظل متغيرات متعددة ومتلاحقة رهينة بالقيم التي نتمثلها والمهارات التي نتملكها والتأهيل النفسي والاستعداد لخوض معركة حياة جديدة والطريق موحل وموحش ومظلم الا من بقع ايمان تتسع او تضيق ...

الفاتح زبد البحر
دنقلا😭❤️❤️
2018
وانا برلومه ومتوتره اني ماشه مرحله جديده ومتوتره اني ولاول مره حأقعد داخليه يا ربي حياتي حتكون كيف؟ يا ربي حأقدر اتأقلم؟ يا ربي حاقدر اتحمل مسؤولية نفسي براي؟
مشيت الجامعه ولأول مره دخلتها ومشيت الداخليه ولهسه بتذكر وانا بملأ استمارتي وبقيت بتأمل فيها ٤ سنه يا تسنيم حتكوني هنا براك ٤ سنه يا تسنيم بدون جيبو لي واعملو لي ومتطلباتك كلها جنبك هنا انتي حتتحملي مسؤولية نفسك براك هنا انتي بتمشي الدكان وحتصرفي قروشك بطريقتك
بتذكر أمي بعد دخلتني الداخليه وقعدت معاي وهم طالعين هي أبوي جملتها( اتذكري دايما البت سمعه م يغرك البحصل في الداخليات قبل تختاري صحباتك اتأكدي منهم خليك زوله واعيه ونحن واثقين فيك استودعناك الله الذي لا تضيع ودائعه) دخلت وانا بعاين في البنات وبفكر في كلام أمي يا ربي انا حأقدر اكون قدر الثقه دي؟ يا ربي انا حأقدر على مسؤولية نفسي براي وحأقدر أحافظ عليها؟
يمكن جملة أمي دي خلتني زوله قنوعه بنفسي شديد جملة أمي دي خلتني أوعى وأركز انه أخطر مرحله هي مرحلة الجامعه بقيت قبل أخطى أي خطوه اتذكر كلام أمي لحد ما شويه شويه اتأقلمت شويه شويه بديت استوعب يا تسنيم انتي كدا بقيتي زوله مفترض تكون عارفه تختاري خيارك يا اما درب( بلد م بلدك أمشي فيها عريان) أو (حتى لو البلد م بلدك انتي سمعة أبوك) حتختاري شنو؟

2019 مرت بكل تفاصيلها يمكن أغلبيتها كنت في البيت بسبب التقفيلات، 2020 مرت ولله الحمد والشكر، 2021 مرت و 2022 و 2023
كنت بشوف البنات بضحكو فيني وانا بتصل لأبوي لمن أكون طالعه😂وكنت بشوفهم بضحكو لمن اقول عايزه وحده تمشي معاي السوق م بمشي براي عشان اجيب حاجاتي بس برضو عمرو الحاجه دي م وقفت لي حاجز ولا عملت لي عقده طالما انا عارفه نفسي ماشه في الطريق الصح💛

2024 وانا في المسرح وبعاين نظرات أمي وأبوي وانا فخوره بنفسي أكتر منهم لأني قدرت أكون ثقتهم كنت فخوره بنفسي لأني أخترت احافظ على نفسي كنت فخوره بنفسي لأني كنت قويه شديد وقدرت اتحمل مسؤولية نفسي براي وكل اختيار انا اخترتو لو سمح ولا كعب قدرت اتحمل نتيجتو وانا مبسوطه من نفسي كنت فخوره لأنه أكتر مرحله كنت متخوفه منها قدرت اطلع منها.

يمكن أبوي كان شويه رافض فكرة التخريج انا قدرت أقنعه م عشان اني خلصت سنوات بالعكس عشان كنت حابه أتوج نفسي واحتفل بيها لأنها تستاهل💛
فمن اللحظه دي انا فخوره بنفسي شديد انا فخوره بأمي وجملتها الماحانساها طول عمري انا فخوره بثقة أبوي فيني ولا عمرو حسسني بعدم ثقه فيني خالص الخلتني دايما محافظه علي وعليه انا فخوره بنفسي مره تانيه على قناعتي بطبيعتي وعلى محافظتي علي وعلى أهلي💛
رسالتي لأي بت داخله على مرحلة الجامعه الجامعه م صعبه اذا قدرت تعيشي حياتك فيها صح ما أي بت في الجامعه كعبه ما أي بت قاعده داخليه كعبه الكعبه هي القدرو يغسلو مخها امك وابوك واخوك م مقيدين م خانقنك عشان محافظين عليك وغيرك متفتحات وماخدين حريتهم بالكامل أحمدي ربك على النعمه دي شديد لأنه غيرك فاقدها
أخوك خانقك عشان عارف الشارع وعايز يحافظ عليك أبوك واخوك وامك بحبوك م يتلعب بعقلك يا ستهم💛💛💛💛
كلو م بعدتي من ربك كلو م حتبعدي من أهلك تبعدي من أهلك حتفقدي نفسك💛
#تسنيم_عبدون
فتحت باب الروح لخيرك الواسع
وحسيت بجيتك من ريحة الأبري في آخر الشارع 😍

اللهم بلغنا رمضان ♥️
هذه تهنئة رسول الله صلى الله عليه وسلم
لأصحابه بقدوم رمضان،
وأنا أهنئكم بها
(أتاكم رمضان شهر يغشاكم الله فيه،، فينزل فيه الرحمة ،، ويحط الخطايا،، ويستجيب الدعاء ويباهي بكم ملائكته، فأروا الله من أنفسكم خيرًا،، فإن الشقي من حرم فيه رحمة الله )...
بلغنا الله وإياكم صيام هذا الشهر المبارك وقيامه،، الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ،، الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ ...
مُبارٓكٌ علٓيْكُمْ شّٓهرُ رٓمٓضٓان
وكل عام وأنتم بخير ،،،
Forwarded from خــواطَُِـرِٰ⚡️⁦ 𝑸𝑼𝑶𝑻𝑬 (𝒛𝒐𝒐𝒍 𝒎𝒛𝒂𝒋𝒚 •|•℡)
‏١ رمضان 🌛

فُتحت ابواب الجنه منذ ساعات فاجعلنا يالله من سكانها..

ياارب ,,,♡
Forwarded from خــواطَُِـرِٰ⚡️⁦ 𝑸𝑼𝑶𝑻𝑬 (💙َĄُłØُoَşhَą℡❥😴🔥)
مع #الخامس من رمضان🦋
دعائنا أن اللهم أشرق وجوهنا بطاعتك، واملأ قلوبنا بحبك، ويسر أمورنا بعونك، ووفقنا إلى مرضاتك💕
HTML Embed Code:
2024/03/28 02:12:02
Back to Top