#وهبتك_قلبي17
#Omima Salah
.
(ارقصي يا عزيزتي فالبكاء عادة قديمه...)Omima



(لا مفر فكل الطرق تؤدي اليك..
وكأنك روما ولكنك تخصني وحدي...)نور🖤
.
.
في صباح يوم جديد...
وكانت مغيمه في لحظات يمكن تمطر...
نور مشت ل ليندا في غرفتها تصحيها...
نور:ليندااااو يبت اصحي الساعه ماشه ع ٩..
ليندا:اوف يا نور الزول م ينوم اصلو؟
نور:كم مره قلت ليك م تساهري في افلام الرعب بس البسمع كلام نور منو..
ليندا:الفلم كان ظابط براكي ابيتي تحضريه...
نور:انسينا منو انتي براكي هسي م فلم رعب متحرك😀
ليندا شالت المخده والضربه جات مباشره في جبهة نور...
نور:اخخخ منك تاني بصحيك بطريقه تانيه وبعدين مش قلنا ح نمشي نفطر مع امجد؟
ليندا:وانا دخلي شنو داك امجد امشي افطري معاه
نور:بطلي غتاته يخ ورح..
ليندا:طيب امري لله لكن نحنا م جهزنا شيء
نور :احم احم شيف نور كفت ووفت+بعدين انتي وجودك زي عدمه تقومينا بطاطس وتقعدينا بطاطس🌚
ليندا:طيب يلا ح اخش الحمام والفح لي عبايه واجيك...
نور:طيب...
.
.
.
من جانب امجد...
(واما عن صباحي فقد ضج بالشوق إليك)امجد🖤🖤
جاهوصوت من وراهو ....
مؤمن:شوق لكن قلتي لي وغمز ليه😏😉
امجد:قفل دفتره براحه وطلع النظاره وعاين ليهو من فوق لتحت اي اعتراض ي ابو النسب..؟
مؤمن:اي طبعا
امجد:اداهو لبعه في ضهره لكن خفيفه...
مؤمن عايز يردها ليهو لكن سمع صوت الجرس..
امجد:امشي افتح الباب
مؤمن:حيلك حيلك هسي سيد البيت منو فينا لمن افتح الباب؟غور افتحه انت..
امجد:طيب (في سره ح تكون مفاجئة حلوه ليهم الاتنين)
امجد فتح الباب وقال ليهم اتفضلوا...
نور:يسعد صباحك..
امجد:صباح بادي بيك كيف م يكون سعيد؟
نور خجلت طبعا
ليندا:صباح الخير امجد وبعدين معاك راعي لمشاعري ممكن يخ وبعدين منك ولا منها مصحياني من النوم وانت تجي تزيد الطين بله..
نور:انا قلت ليك ساهري لحدي ١ ص في فلم الرعب
امجد:ليندا هسي براكي م بتشبهي افلام الرعب بعيونك الرماديه دي..
ليندا:اسحرني واقعد سمح واختاني انت ومرتك دي عليك الله م فاضيه ليك وزح لي كدا انا عاوزه اخش
نور:طيب يلا نجهز السفره
جاهم صوت من بعيد
مؤمن:امجد انت ماشي تفتح الباب ولا ماشي تصنع الباب ساعه ي امجد ساعه
نور:الصوت دا م غريب علي م غريب واتقدمت خطوات لقدام بس شافته واقف قدامها م اتغير شديد بش في شوية شيبات في مقدمه راسه...
مؤمن فتح عيونه ع الاخر وقال نور..
نور:مؤمن وخلاص دموعها جات جاريه وجرت ناحيه الباب...
مؤمن: جرا ورها وشغال نور اقيفي...
ليندا كانت متابعه الموقف وبتاعين ل مؤمن وتاني ترجع تعاين لنور الشافتها جرت ودموعها نازله...
ليندا م اتفاهمت طبعا نور ودموع لا في شي غلط وفجأه شالت سكين الفواكه الفي الطاوله ومشت شنكلت لمؤمن برجولها(حركه الكراتيه ديك عرفتوها)
مؤمن جا خابط الارض ودا كله وامجد فاتح خشمه مترين م قدر يعمل حاجه يلحق نور ولا مؤمن..
ليندا جات قريب من مؤمن وختت السكين في رقبته..
ودا كله ومؤمن مقلع عيونه بشوف في ساندريلا البقت جاكي شان دي
ليندا:عارف شنو يا انت نور دي خط احمر
م عاش البسأل نور وقالت بفحيح مخيف انت الليله خليت دموع نور تنزل لكن عارف الح ينزل من رقبتك شنو؟عارف؟وبنفس الفحيح ح ينزل دم؟انطق سريع قبل م اغرس السكين دي في قصبتك الهوائيه عملت لنور شنو لمن جرت وهي بتبكي....
مؤمن:.....(شكله داير يموت على يدها)
امجد :جا جاري ليندا يا ليندا اقيفي افهمك ...
ليندا:اقيف عندك تفهمني شنو؟اصلا انت دورك بعديه😈
امجد:يا عولاق السنين دا اخوها ي متخلفه نور لو شافتك بالمنظر دا وانتي بتحاولي تكتلي اخوها بتقوم بيك...
ليندا:شنو؟
مؤمن:اي اخوها ودفرها بيده العريضه كدا دا شنو الهبل ودور فلم الرعب الراكب ليك في راسك دا زحي مني(حمدلله على السلامه انا قلت الولد مات😂)
نور:اي كلام امجد صح
كلهم اتلفتوا ناحية نور البتبكي وبتشهق...
ليندا:عاينت ليها من فوق لتحت وقالت ليها ومالك بتبكي؟ انطقي الجماعه ديل مهددنك؟ومشت ناحيه امجد وبتلوح بالسكين..
امجد انطق سريع الكلام دا صح عشان م اطبق فيكم فلم الرعب الحضرته امبارح...
امجد:عان الشافعه دي كمان اي كلامها صح وانا برغي من قبيل بقول في شنو؟
مؤمن: شافعه ولصقوها في افلام الرعب والافلام وجايه تطبقها فيني انا واداها حميره😒
نور:جرت حضنت مؤمن وشوق وسلام وبكى🌚🖤(نور اخت ريم من الرضاعه فبالتالي اخت مؤمن برضو م تصرعوني)
ليندا:😒وانت ي متخلفه بتبكي وبتجري ليه؟ لو م كان جيتي كان اخوك روحه بتحلق في سماء سويسرا واضيع شبابي في السجن عشان خاطر عيونك😒
امجد:وم تنسي قربت تحلق روحي برضو معاه من وراكي😒
نور:احم في حد لازم يعتزر😒
مؤمن:اعتذارها مرفوض من هسي😒

ليندا:انت اصبر اول خليني اعتذر يلا ارفض براحتك😒
عامل عيونك السمحات دي😒(اي م تواخذوها منبرشه درجه اولى،🌚😂💔)
مؤمن:قلتي شنو؟
امجد ونور:قالت ليك عامل عيونك السمحات دي
ليندا:متين قلت كدا؟عموما انا اسفه بعتذر ومشت ناحيه السفره نور تعالي انا جيعانه
نور:(فلانه دي حاسه بشنو اعتذرت الليله) طيب شباب ورح الاكل م يبرد..
مشوا قعدوا في السفره....
مؤمن:موجه الكلام ل ليندا وبتكلم مع امجد كيف م تجوع وحركات الكراتيه الطبقتها فيني دي...
امجد:تاني ح اسميك السفاحه ليندا..
ليندا:عاينت ل مؤمن جوه عيونه وقالت ليه انت م توجه الكلام لي 😒مالك بتعاين ل امجد وبتحكي وشالت السكين تاني رفعتها فوق..
مؤمن:😳
امجد:😳
نور:😳
بس فاجئتهم لما غرستها في اللحمه عاوزه تقطعها🌚
ليندا:م تقولوا لي خفتوا؟هه م مجرمه للدرجه دي....
نور:قطعتي قلبي ي ليندا
ليندا:حاشاك م عاش البقطع قلبك...
امجد:انا قلت البت دي امبارح اتلبسها واحد من الجنون البتحضر فيهم ديل😂
مؤمن: اكتر من كدا شنو 😒
ليندا: وهي مدنقره م تصر لي وشك السمح دا(البت 😳)
مؤمن:قلتي شنو..
ليندا:السمعته ورفعت عيونها عاينت ليهو
مؤمن:سرح مع عيونها وقال في نفسه(الشاف البراءة الفي عيونك م يقول ح يبدر منك دا كله)
امجد:لكزه قال ليهو سرحت وين فلانه دي اصلها كدا النملة بتتغزل فيها😂
نور:اي ي مؤمن المره الفاتت كانت عايزه تقع من طولها عشان شافت كديسه عجبتها
ليندا:وبعدين مع كشف الحال دا؟ وضحكت😂

.
.

(”كانَ ينبغي عليّ أَن أَجدكِ منذُ مدةٍ“)مؤمن🖤
.
.
.
يتبع....

#وهبتك_قلبي18
#Omima Salah
.
.
(نحن لا ننطفئ ابدا....
نحن نجوم سرمدية الضياء!)Omima

.

(لو مال قلبي عن هواك نزعته وشريت قلبا في هواك يذوب)نور🖤
.
.
ابطالنا لسه قاعدين باكلوا في السفرة بس فاجئتهم ليندا بسؤال...
ليندا عاينت ل امجد ورجع عاينت ل مؤمن وقالت:اممم م قولتوا لينا بتعرفوا بعض من وين انتوا الاتنين؟
امجد همس ل مؤمن براحه وقال ليهو دي اخطر من المحقق كونان..
ليندا:سمعت عفكره لكني ح اتخطاك اها يلا وروني..
نور:مؤمن بتعرف امجد من وين؟
مؤمن:دا صحبي يا نور وقريبا ح ...بس فجأه امجد عفصه في كراعه(اي كراعه مالكم اي اعتراض😒)
ليندا ونور:قريبا شنو؟(نور ي حليلها م عارفه امجد متقدم ليها من بدري)
مؤمن:قصدي وقريبا في الاسبوع الجاي ح نمشي السودان وم عاوز اي اعتراض....
نور:بس لكن..
امجد ومؤمن وليندا في نفس الوقت:م تبسبسي لينا فاهمه😒
نور:لكن ي جماعه؟
ليندا:سوسو قاعد عفكره🙂🖤
نور:😒وعندي سكين انا برضو...
مؤمن:سوسو دا شنو؟
امجد:مسدسها
مؤمن:😳مسدس
ليندا:اي مالك منطط عيونك دا قاعده اهدد بيهو نور لو م سمعت الكلام ورمشت بعيونها كم مره وعاينت لنور مش يا نوري😉
مؤمن: لكن دا خطر ع نور😒
ليندا: وانت مالك انا عايشه معاها ٦ سنوات لو كنت عايزة اقتلها او أاذيها كان اذيتها زمان😒
نور:اي ي مؤمن ليندا دي بتريدني زي عيونها
مؤمن:طيب خير وعايز يمد يده يشيل من صحن الفواكه بس قال اه...
نور وليندا وامجد:يساتر مالك؟
مؤمن عاين ل ليندا وقال ليها:وكمان بتسألي؟جبتي لي غضروف في عز شبابي كسرتي سلسلتي الفقريه وجايه تسألي م عرفناك بت ولا مصارعه😒
ليندا:قلنا معليش ونور امشي جيبي مرهم وقطن ومويه دافيه وملح
نور:حاضر...
امجد:خليك انا بمشي بجيبهم م ح تعرفي مكانهم
مؤمن:ويت ويت كسرتي ضهري وجايه تصلحيه ريلي؟
ليندا:انا دكتوره لو م عارف اعرف😒وم عاوزه نقاش والا ضهرك الواجعك دا بكسره ليه بريحك منه مره واحد😊
مؤمن كان عايز يفتح خشمه بس سكتته نور
وقال ليهو:اسمع الكلام ليندا دي راسها يابس😂
وقبلت ع امجد وقالت انت جيب المرهم والقطن وانا بعمل مويه دافيه بملح..
امجد:طيب
امجد ونور مشوا يجيبوا الحاجات وفي الاثناء دي.....
مؤمن:هي يا انتي سارحه وين وبعدين مالك صامته كدا القط اكل لسانك؟
ليندا:قبلت عليهو وقال لا بس بفكر في طريقه احرر بيها روحك يا ربي بمسدسي ولا بالسكين القبيل؟
مؤمن:شنووو
ليندا:😂 عوير دا الزول م يسرح في امان الله
بفكر السودان شكله كيف يا ربي؟
مؤمن:م حصل مشيتي ليهو؟
ليندا:ابدا م حصل
مؤمن:طيب رأيك شنو تمشي معانا انا ونور😊
ليندا:اصلا دي م محتاجه اذنك انا ونور يفرقنا الا الموت....
مؤمن:هي انتي؟
ليندا:عندي اسم عفكره لينداااو
مؤمن:طيب طيب ي ليندا متأكده انك سودانيه؟
ليندا:اي بس بشبه امي😒والكلام البتكلمه دا م بثبت ليك اني سودانيه ولا جايباهو من كمال ترباس؟
مؤمن ابتسم وقال ليها:بالله بتعرفي كمال ترباس؟
ليندا:اي خربتني اختك اعمل شنو؟؟
قاطعهم صوت نور
نور:ويت ويت خربت منو يختي براك خاربه روحك..
امجد غمز ل مؤمن وقال ليهو شايفك داقي الونسه
مؤمن اداه حميره احساس اصبر لي
امجد:سكت خلاص😒
ليندا:بطلي رقي واعملي المرهم والمكمدات ل اخوك دا ولو شفتي في كسر ولا كدا كلميني عشان اتمه ليهو زيادة وقامت وهي بتضحك🚶‍♀️
نور:على وين؟
ليندا:عاوزه الم السفره دي واغسل العده واعمل ليكم قهوه م ضروري تشربوا شاي
امجد:الله قهوة ليندا السمحه
نور: اي بتعرف تعمل قهوه وشاي لا🌚
مؤمن:بس انا بشرب شاي بالاول...
ليندا:😒قهوه قلنا وفاتت
.
.
من جانب تاني....
آسر:اها يا ريم ح تبدي العلاج متين
ريم:نور قربت تجي ح اعتذر منها وابدا العلاج...
آسر:ان شاء الله ح تسامحك....
.
.
نرجع ليندا عملت القهوه وجات بس كانت شايله سيرميسين...
نور:امال السيرميس التانيه دي فيها شنو؟
ليندا:سيرمس ليكم وسيرمس لي براي😒
ليندا ختهتم وجابت الكبابي وجات...
كبت السكرت وفتحت السيرميس وكبت ليهم...
نور:ليندا دي قهوه شنو الليله دي؟
امجد:دا شنو من متين القهوه زي كدا
مؤمن ابتسم..
ليندا:تقول عمركم كله م شربتوا شاي ولا شفتوا شاي في حياتكم دا شاي😒
نور وامجد:ومن متين انتي بتعملي شاي؟
ليندا:من هسي وتاني تشربوه يوميا يلا بعديه القهوه😒
مؤمن ابتسم وقال ليها شكرا....
نور:انا م عايزه اتسمم..
امجد:انا عايز اعيش م عايز اموت...
مؤمن اخد منه رشفه (اي رشفه مالكم مستغربين😒)
وقال ليهم لو ضقتوه ح تغيروا رايكم..
نور:نجرب موت الجماعه عرس...
امجد:نشوف ..
وضاقوه لقوه خيالي وعاينوا ل ليندا ورجعوا عاينوا للشاي😳
امجد:من متين الابداعات دي يا ليندا؟
نور:من متين بتعرفي تعملي شاي رهيب كدا؟

ليندا:من زمان يا نور بس انا غتيته😌
مؤمن:وكمان بتعترف...
ليندا:اصلا زمن الغتغته والدسديس انتهى😌 عاوزه صدمه تاني يانور؟
نور:اي اطربيني🙂🖤
ليندا:وبعرف اعمل جميع انواع الاكل ايطالي اسباني الماني وحتى السوداني😌🖤بس انا غتيته وعشان بحب اكلك يا نور😉
امجد:الليله المصارعه الحره ح تبدا
مؤمن:اي مصارعه حره
امجد:خليك ساكت وراقب بصمت...
نور شالت ليها اقرب مسند وطاخ في نص وش ليندا
نور:🙂 ليندا الليله يحلني منك الكريم ٦ سنين انا بطبخ ليك وانتي قاعده زي الملكه
ليندا:شالت المسند رجعته ليها في نص جبهتا ودا كله مؤمن وامجد مراقبين والضحك شارطهم..
ليندا:انا عشان بحبك وبحب اكل وبعدين البحبك بعذبك ولا م كدا يا امجد
امجد:وميت من الضحك اي اي😭😂😭😂
مؤمن:😂😭😂😭اي يا نور ليندا كلامها صح..
ليندا:عاينت لمؤمن ووجهت الكلام لنور:وبعدين مع اخوك ابو ضحكه سمحه دا
نور:غبيه لو سمحتي م تنبرشي في اخوي
امجد:لو سمحتي م تنبرشي في صحبي
مؤمن:لو سمحتي م تنبرشي😒
ليندا:حلال عليك وحرام علي وغمزت ليهو😉
نور:اي انبرشي انبرشي عادي ولو عايزه تعالي اخدي موعد مع الوالد واتقدمي ليهو رسمي😊
مؤمن:مرفوضه من هسي
ليندا:الزول م يهظر وبعدين يا نور سمحه وانتي بتفهمي الكلام😉

(فلا سطراً يصفها ، ولاروايةٌ تكفيها ..)امجد🖤
.
.

يتبع...

#وهبتك_قلبي19
#Omima Salah

.
.
(قالت له في غضب:اغرب عن وجهي..!
فأتاها من خلفها... )Omima
.
.
.
(الأشياء البنية جميلة..
كالقهوة وعيون أحدهم.🤎📎)نور🖤

.
.
ليندا كانت بتضحك وقالت ليهم الزول م يهظر...
مؤمن كان سرحان في ضحكتها🖤🚶‍♀️
امجد لكزه بيده وقال ليهو:شايفك وقعت وم سميت😉
مؤمن:عاين ليهو من فوق لتحت وقال ليهو تاني الكزني عشان نور دي تاني تشمها قدحه😒
امجد:خلاص ي لساني جياب الهوا..
قاطعتهم ليندا....
ليندا:شباب رأيكم شنو نمشي السينما نحضر فلم رعب؟
نور:اها خلاص بدينا للعولاق
امجد:هسي انتي براكي م فلم رعب متحرك؟
مؤمن:والامبارح حضرتيه داك كان شنو ؟
ليندا:خلاص م تصرعونا ورح البارك....
كلهم هزوا راسهم بموافقين .....
بعد ساعه كانوا كلهم جاهزين...
ليندا كانت لابسه تونك طويل لحدي نص ساقها لونه بيج
والبنطلون كحلي لابسه جزمه رياضيه بني وطاقيه بنيه
وننور كانت لابسه فستان اسود طويل واكمامه طويله لبست الطاقيه الجابها ليها امجد😉
امجد كان لابس قميص اسود وبنطلون اسود الجاكيت لونه رمادي
مؤمن كان لابس قميص كحلي وبنطلون بيج مع جاكيت اسود🖤🚶‍♀️
ليندا لكزت نور وهمست ليها براحه:وبعدين مع هريثك روشان تبعك دا
نور:خليك في حالك احسن😒
ليندا:ايه ي حبيبي دا احنا بنغييير💃🏃‍♀️
نور:ليندا كلمة وحده تاني واغير راي واقول م ماشه..
ليندا:خلاص خلاص اسفين😒
امجد:جاهزين ي شباب
ليندا:اي جاهزين ووين صحبك داك؟
نور:اي وين مؤمن؟
امجد: بفتش في نظاراته الشمسيه
ليندا:هسي وينها الشمس
نور:خليه ي ليندا قايل روحه في السودان لسا...
قاطعهم صوت من وراهم بقول...
مؤمن: م لابسها عشان الشمس وحمر ل ليندا ولا عشان فاكر روحي في السودان ورجع حمر ل نور😒لابسها عشان م يسحروا لي عيوني السمحه دي ورفع اكتاف قميصه بإفتخار كدا..
ليندا:وينها العيون السمحه؟
نور:اين العيون انا لا ارها؟
امجد:انها خلف النظاره🌚
(اي م وصفت ليكم مؤمن زي الخلق والناس🌚🖤
المهم عمره ٣١سنه مهندس معمار( معمار الريد🖤)
طويل لونه اصفراني عيونه كحيلة لونها اسود متداخل مع البياض وحواجبه مقرونه وغزيره شعره اسود ناعم لكن م الشديد داك ولحيته جميله وعنده عفصه في دقنه🖤🚶‍♀️)
مؤمن:م ح اسألكم ابدا عاهات المجتمع..يلا ورح...
امجد كان سايق العربيه وجنبه مؤمن وليندا ونور ورا..
ليندا:امجد اقيف لي هنا عاوزه حاجه
نور:بسم الله مالك؟
امجد:ليندا في شنو؟
مؤمن: كدا نزلها نشوفها عاوزه شنو؟
ليندا:بس في حاجه في المحل دا عايزاها..
امجد:اوك طيب
نور:اجي معاك؟
مؤمن:خليها انا بجيبها
ليندا:لا شكرا بمشي براي ونزلت مشت دخلت المحل جاتهم مارقه بعد مسافه....
امجد:اشتريتي شنو؟
نور:وين الحاجه الكنتي عاوزاها م شايفاها؟
مؤمن:اخرتينا الزمن دا كله وجيتي راجعه بخفي حنين؟
ليندا:اصبروا لي مالكم مهاجمني بالاسئله
وبالنسبه للحاجه اي جبتها وطلعتها من شنطتها؟
نور:ليندا؟
امجد:ليندا دا شنو؟
مؤمن:دايره تعملي بيها شنو دي؟
ليندا:اجي يخواني دي سكين وبعملوا بيها شنو يعني؟
اصلا قاعده اشيل معاي سكين صغيره دايما والمره دي نسيتها...
نور:خلوها دي مجنونه
امجد:الله يصبر لؤي عبد السميع الراجل شيب من وراكي
مؤمن:ح تجيب لينا مصيبه انا متأكد
ليندا:ابتسمت ابتسامه عريضه وقالت ليهم م تخافوا ليندا بمية راجل
مؤمن:من تحت قصدها بميه مصارع
ليندا:سمعتك عفكره
الشباب وصلوا الحديقه وقعدوا يتونسوا ويستمتعوا بالاجواء...
نور:انا عطشانه
امجد:وانا كمان
مؤمن:وانا جيتار🌚💔
ليندا:وانا ح امشي اجيب ليكم حاجه تشربوها
امجد:خليك انا ح امشي
ليندا:طيب يلا انقلع
امجد:هسي بقول م ماشي😏
ليندا:خلاص طيب اتفضل رافقتك السلامه يا عزيزي
امجد:انا عزيز زول واحد وبس وعاين لنور العملت روحها م منتبهة🚶‍♀️
امجد جاب المشروبات وجا بس ليندا شافت حاجه وقامت فجأه قالت ليهم انتظروا هنا جايه هسي ومافي زول يلحقني...
نور:اجي يبت بسم الله في شنو؟
امجد: وا مصيبتاه ليندا عاوزه تعملي شنو؟
مؤمن: البت ماشه وين سرعه كدا
نور:بري نشوف آخرها...
الحاجه الم كانوا عارفنها انو ليندا شافت الشاب الفي السينما الجرح امجد داك تتذكروه؟يلا هي شافته وقامت سرعه...
ليندا مشت ليهو ووقفت قدامه..
ليندا:اوووه يا لي هذه الصدف الا تتذكرني؟
الشاب:من انتي وماذا تريدين؟
ليندا:اوه انت لا تذكر شيء اوصيك بأكل اللوز
الشاب:اخبريني بسرعه ماذا تردين؟
ليندا:الا تتذكر عندما كنت في السينما ذلك اليوم وماذا فعلت؟ عندما لمست تلك الفتاة وصفعتك على وجهك وعندما تدخل ذلك الشاب ليحسم الفوضى قمت بجرحه في كتفه؟ها اخبرني الم تتذكر الان؟
الشاب:ها اذا وماذا تريدين مني؟
ليندا:كل شيء وفجأه ادته بوكس في وشه(اي بوكس🙂)

الشاب كان عايز يضربها بس تاني ادته شلوت برجلها في بطن ووقع في الارض جات قريب منه وقالت:اريد رد المعروف اليك وفجأه طلعت سكينها الصغيره ديك وجرحته في كفة يده اليمين وقالت ليه:هذه اليد الغذرة التي لمست بها صديقتي🙂
الشاب كان عايز يقوم بس عفصته برجلها في بطنه
الشاب:سأطلب الشرطه ايها الناس اخبروا الشرطه ان هذه الفتاة مجنونه يلزمها العلاج...
ليندا:جات قريب من وشه وقالت ليهو:اوه يا رجل قلت لي الشرطه اليس كذلك وشالت السكين ومررتها في كتفه وخدشته خدشه عميقه في كتفه الشمال وقالت ليهو: وهذا الجرح كالذي سببته لصديقي اولا يؤلم ها اخبرني😏
الشاب بتأوه من الالم والناس اتلمت والشرطه جات مسكت ليندا...
.
.
.
من جانب ناس نور..
نور:دا شنو ليه الناس متلمين كدا...
مؤمن:في مصيبه حاصله شكلها
امجد:ليندا وين الحقوها شكلها ست المصيبه دي...
مشوا ناحيه الناس المتلمين بس م قدروا يدخلوا من الزحمه ولقوا الشاب واقع في الارض وليندا جرت السكين في كتفه ويده بتنزف....
عاوزين يدخلوا كدا بس الشرطه كبست...

.
.
(إنها لا تنتظر حدوث أشياء جميلة لها، إنها الشيء الجميل الذي من الممكن أن يحدث للآخرين)امجد🖤
.
.
.
يتبع....

#وهبتك_قلبي20
#Omima Salah
.
.
.
(لقد تغير كل شيء منذ رحيلك....
حتى ذلك الرصيف الذي كنا نجلس عليه نتبادل اطراف الحديث ونداعب احلامنا......)Omima

.
.(أعرفُ مُسبقاً
أنكِ مُتعبة جداً
ووحيدة جداً
مثلي ،
هاتي يدكِ
ودعينا نخرجُ سوياً من هذا النص)مؤمن......

.
.
الشباب مشوا محل الجوطه ولقوا ليندا ستها والشرطه جات كابسه....
الشرطي:انت موقوفه سيدتي لقد اعتديتي على الشاب هذا
ليندا:اوه حقا انت تصدق كل شيء رأيته بعينيك فقط لما لا تسأله عن سبب ضربي له؟
الشرطي:اصمتي وقولي هذا في القسم....
ادخل صوت...
امجد:انت لم تسأل الشاب لما هي ضربته هكذا...
نور:فتحت عينها وهمست ل امجد دا الشاب الكان ضربك بالسكين في يدك...
مؤمن:بالله يعني الضربه الفي يدك دي سببها سكين وابيت توريني....
الشاب نقلوه المشفى ومؤمن وامجد مشوا للشرطي..
مؤمن:اتركها تدافع عن نفسها ولما فعلت هذا؟
الشرطي:ومن انت يا اخ؟
مؤمن:زوجها🙂او ل اقل لك ليس من شأنك...
امجد:انا اريد ان ارفع شكوى على ذلك الشاب...
نور:سيدي هذا الشاب ...
الشرطي قاطعهم:هيا ولنكمل حديثنا داخل القسم...
ليندا:قسم بتاع جلحات اهلك...
الشرطي:ماذا قلتي يا انسه؟
ليندا:قلت هيا بنا وحمرت ليهو...
في القسم....
رئيس القسم:لماذا اعتديتي على الشاب يا آنسه؟
ليندا:سيدي لقد بدأ الامر كله قبل اسبوعين
لقد اراد التحرش بصديقتي وفوق كل هذا عندما تدخل خطيبها قام بجرحه في كتفه جرح عميق اردنا اخبار الشرطه حينها لكنه هرب وها هو اليوم اراد التحرش بي ايضا وفعلت ما فعلت🙂
رئيس القسم:كان بإمكانك اخبارنا بالامر؟
واين دليلك على هذا الامر؟
امجد:هذا هو الدليل وفتح كتفه كان في اثر تخيط جديد
مؤمن: دليل اكثر من هذا لا يكفيك؟
نور:نعم سيدي كلامها حقيقه اراد التحرش بي
رئيس القسم:اذا فلنحضر الشاب ويطلعنا على الامر بنفسه...
بعد نص ساعه جابوا الشاب ...
ليندا كانت عاوزة تمشي ليهو تدقه تاني بس مؤمن حمر ليها احترمت روحها...
الشاب:سيدي هذه الفتاة مريضة ارادت قتلي؟
رئيس القسم:اصمت واخبرنا لما فعلت هذا وماذا فعلت لها....
الشاب:لم افعل شيء سيدي...
رئيس القسم :وجه نظره ل ليندا :اذا يا آنسه اريد جوابا حالا والا سأرمي بجميعكم في السجن...
ليندا ببرود : اوه حقا دعني اجري مكالمه وسنرى من سيرمى في السجن؟
رئيس القسم:تأدبي يا هذه..
ليندا:انت لم تسألني بمن اريد الاتصال؟
رئيس القسم:لا يهمني؟
ليندا: اذا سأتصل بحضرة العقيد الكسندر امانويل وسنرى اذا كان يهمك ام لا🙂🖤
دا كله والشباب متابعين بصمت عكس نور العارفه دا منو؟
رئيس القسم: ا الكسندر امانويل من اين تعرفينه؟
ليندا ببرود قاتل:انه خالي شقيق والدتي اذا كنت لاتعرف ذلك🙂🖤
(طبعا الكسندر امانويل دا خال ليندا واكبر شرطي في سويسرا وسويسرا كلها بتعرفه)
الشاب في خوف:س سيدي انها محقه لقد حاولت التحرش بصديقتها وعندما تدخل ذلك االشاب قمت بجرحه في كتفه سيدي ارجوك سامحني..
ليندا:هه جبان حقا....
رئيس القسم: ارموه في السجن جراء ما فعل وانتي آنستي انا آسف حقا واذا واجهتك اي مشكله اخبريني فإن خالك من اعز اصدقائي...
ليندا:ناس م بتمشي الا بالعين الحمراء
رئيس القسم :اقلتي شيء...
ليندا:نعم قلت لك شكرا جزيلا وحسنا سأفعل اذا واجهتني اي مشكله🙂🖤
دا كله والشباب مقلعين عيونهم....
_____
في البيت....
امجد:بالله الكسندر امانويل خالك؟
وانا اقول البت دي جايبه الشجاعة دي من وين...
صحي الاولاد خوال..
مؤمن:مش قلت ليكم ليندا دي ح تعمل ليكم بالسكين دي مصيبه وم سمعتوني.. لكن والله راجله 😂
نور: ضامنه روحك بتطلعي من السجن لو عملتي مصيبه نحنا لينا الكريم...
ليندا:كانت فرحانه عكسهم اااه لو شفتوني اديته بوكس في وشه وزدته شلوت في بطنه😍😘يستاهل الجبان🙂
مؤمن:وفرحانه كمان ملاحظ ليكي شوية وتدي رئيس القسم بوكس في وشه😂
ليندا:لكنه وسيم 😍(الحقوا البت هنايه كيف تمام)
امجد:الناس في شنو والبت في شنو😒
نور:النملة بتنبرش فيها اعذروها😒
مؤمن قام دخل جوه وباين عليهو انزعج...
ليندا:نور اخوك ماله م يكون عيان؟
نور:وانا العرفني شنو؟
امجد:عيان بيك يا ليندا
ليندا:قلت شنو؟
امجد:قلت ليكي انتي كيف تمام؟ وقام لحق مؤمن
ليندا في نفسها غريب مؤمن دا بس اتذكرت كلامه في نص الجوطه...بتكون زوجتي وانت دخلك شنو وسرحت مع كلامه بعيد....
نور لكزتها:بتنا سرحتي وين مالك في شنو؟
ليندا:ولا حاجه تعبانه بس ماشه انوم...
نور:ليك حق قلبتي جاكي شان وكان شويه وتلحقي الولد امهات طه...
ليندا:امهات طه ديل منو؟
نور:قصة طويله امشي نومي بحكيها ليك في وقت تاني...
ليندا:طيب تصبحي على خير....
.
.
.
.(انها حقا غبية الم تشعر بقلبي يشتعل من الغيرة)مؤمن🖤
.
.
.
يتبع........

#وهبتك_قلبي21
#Omima Salah
.
.
( ماذا لو تحققت احلامنا واحدة تلو الاخرى..؟؟!!)Omima
.
.
(‏أنت الأمَان الذي لا أُريده أن يُفارقني أبداً.🤍)ليندا🖤
.
.
مؤمن دخل جوه وهو منزعج ولحقه امجد...
امجد:مؤمن مالك انت م على طبيعتك؟
مؤمن:في زهج مالي هسي انا كويس بس تعبان
امجد:قايلني شافع عمره ٥ سنوات بتغش على منو انت
شايف نظراتك ل ليندا م تفكرني غبي وهسي زعلان عشان قالت انو الراجل وسيم؟
مؤمن: اتنهد وقال ليهو م عارف والله من يوم رمتني وهددتني بالسكين حركت حاجه جواي ضحكتها عفويتها عيونها......وسرح بعيييد
امجد:اوبا وقعت وم سميت...
مؤمن:عيونها ي امجد فيهم سحر...
امجد:م تقول انا بسبب عيون زي دا وقعت الف مره وسرح بتذكر في نور بس جاتو لبعه طاااخ..
مؤمن:بتتغزل في اختي قدامي اختشي😒
امجد:اها جينا للكلام الغلط من هسي ليندا اختي وابقى راجل اتغزل فيها😒
مؤمن:لا لا اتغزل براحتك ي ولدنا...
امجد:قول هرشوني 😌انا ماشي انوم تصبح على خير
مؤمن:وانت بخير🖤

.
(`يوجد عالم بداخلي تائه بك )مؤمن🖤
.

مؤمن بحكي.....

اول مره شفتها كانت واقفه جنب الباب مع نور سرحت فيها مسافه بس بعدت نظري وعاينت ل نور الكانت جايه علي وفجأه جرت وهي بتبكي م انتبهت وقتها كنت بعاين لنور الجاريه بس فجأه لقيت روحي في الارض وليندا جات ختت السكين في رقبتي وبتهدد عملت ل نور شنو بس م ركزت وقتها بتقول في شنو كل العارفه اني ركزت في عيونها هي وبس فجأه اتذكرت كلامي ل امي في السودان(بجيبها ليكي عيونها رمادي عديييل)اتمنيت لحظتها تكون م مرتبطه...
لما جهزنا وماشين الحديقه انا كنت بفتش في نظاراتي..
وطلعت لقيتها بتقول ل نور وبعدين مع هريثك روشان بتاعك دا عرفتها قاصدة امجد قربت اقوم ادقهم الاتنين...
حتى لما الشرطي بتكلم معاها قربت اخنقه وم عارف انا مالي لما سألني قال لي بتقربها شنو قلت ليهو زوجها...
بس متأكد٢٠٠%في حاجة اتحركت جواي...
حتى لما قلت ليها قربتي تدي رئيس القسم بوكس قالت لي لكنه وسيم زعلت شديد وكتها وعرفت روحي اني وقعت وم سميت....
.
.
.
من جانب ليندا(اي ليندا مالكم م نور😒)

كانت راقده في سريرها وبتعاين للسقف سرحانه مع كلام مؤمن القبيل..(بكون زوجها...)
بس فجأه هزت راسها وقالت احلام بايره ساي
وتاني سرحت بعيييد المره دي سرحت مع عيونو(ونحنا وين العيون البنسرح فيها🙂🖤)
فجأه نطت فوق وقالت مؤمن دا عنده حاجه داسيها ولازم اعرف وفجأه جرت غرفه نور.. وتلبت بفوق ليها....
صرخه هزت جدارن الغرفه..
نور:يا ليندااااو ياخ مالك بصحوا الناس كدا...
وفجأه عاينت للساعه لقتها ١ص..
ورجعت عاينت ل ليندا وضربتها بالمخده ١ص ي ليندا ١ ص مالك علي قطعي قلبي...
ليندا: نور انا وقعت في الحب...
نور:وهي نعسانه تقعي من عمارة عاشر دور قطعتي لي حلم م بتكرر وفجأه فتحت عيونها كبار
نور:قلتي شنو وقعتي في شنو؟
ليندا:الحب تحبي مكرسحه مالك م بتسمعي😒
نور:ومين تعيس الحظ دا؟
ليندا:برو💃
نور:برو؟
ليندا:مؤمن طيب🙂💔وانا حاساه بكن لي مشاعر لكن ح اعمل رايحه لمن افاجئه في السودان..
نور: عاينت ليها من فوق لتحت ورفستها برجلها وقالت ليها :موضوعك دا داير ليهو قعده عديل يلا برا غرفتي وقبلت على الجهة التانيه ونامت(لا احساس لا ضمير)
ليندا: ومشت ناحية الباب وقالت:اعظم انواع الابتلاء نور...
نور:رفعت راسها وقالت ليها سامعاك عفكرة ربنا يصبر مؤمن ربنا اداه بلوه عظيمه...
ليندا: اصبري للصباح بأدبك.......
.
.
.(لا تمسح دموعك بل امسح من حياتك كل من تسبب بها عامداً متعمداً)Omima
.
.

يتبع.....

#وهبتك_قلبي22
#Omima Salah
.


(كَان جدي طَيباً ، جميلاً فأرزقه يا الله جنة الفَردوس 🤍)Omima
.

(قرّر أن يُحبّني وأنا في عزّ انطفائي، "فاستثنَيتُه" 🖤)نور
.
.

في الصباح....
وكان باقي لموعد سفرة السودان يومين
نور صحت بدري واتوجهت لغرفة ليندا الكانت نايمه رجل في الشرق ووحدة في الغرب...
نور:بالله في انسان نصيح في الدنيا دي بنوم زي دا
ليندا:.......
نور:كيف م تكوني نعسانه والليل كله تجقلبي😒وطاخ لبعة في ضهرها...
ليندا:اخخخخ في انسان نصيح كدا بصحى الناس بالطريقه دي😒
نور:قوممي خشي الحمام وتعالي احكي لي سامعاك
ليندا:حكيت ليك امبارح
نور: م سمعت كلامك عديل😒
ليندا:هو انتي صبرتي لي طوالي رفستيني زي الناقه السكرانه😒
نور:طيب ادخلي الحمام وتعالي نتفاهم في الاثناء دي ح اجهز قهوه......

.

في السودان...
ماما سوسن:مؤمن ي ولدي باقي كم يوم لوقت تجونا...
مؤمن: باقي يومين بس ي امي خلاص هانت...
عم عبدالله جا شال منها التلفون ..
عم عبدالله:اهاكلمت نور بموضوع ريم؟
مؤمن: لا والله ي ابوي خايفها تنهار...
عم عبدالله: طيب اقنعتها كيف ترجع معاك؟
مؤمن:م اقنعتها انا اقنعتها ليندا..
عم عبدالله،:ليندا دي منو؟
مؤمن:صحبتها ولا اقول ليك اختها الم ولدتها امها عايشه مع نور قرابة ال٦ سنوات بتخاف عليها زي امها....
عم عبدالله :نعم الصحبات(اللهم ليندا🖤)
ماما سوسن كانت متابعه الحكايه...وخطفت التلفون من عم عبدالله سريع..
ماما سوسن:م تقول لي ليندا دي وحده من الخواجيات الهناك😒
مؤمن:امي كدي قولي بسم الله ليندا دي ابوها سوداني وامها المانيه وبعدين بتعرف حاجات عن السودان عمرنا م عرفناها😂
ماما سوسن:طيب حلو يلا سلم عليهم كلهم...
مؤمن:يصل ان شاء الله( ااا وين يا بعض القوم الصالحون كيف تمام🌚💔)
.مؤمن جاهو صوت من وراه..
امجد:م قلتي لي بتتكلم مع منو😉
مؤمن:طول عمرك تافه بتكلم مع الوالد والوالده😒
امجد:ااا هم كيف ان شاء الله بخير😂🖤
مؤمن:بسلموا عليك
امجد:كيف م يسلموا على راجل بتهم😉
مؤمن: طير من وشي وامشي جهز الشاي..
امجد: لا ي بابا ليك اسبوع هنا وانا شغال ليك زي ميري حبشيتنا يلا يلا المره دي الشاي عليك...
مؤمن:طيب خير😒
.
من جانب نور....
ليندا طلعت من الحمام ولقت نور مجهزه القهوة وقاعده جنب التلفزيون..
نور:تعالي ي عروس الموسم احكي لي...
ليندا:طيب
نور:اها..
ليندا:ما كنت اؤمن بالعيون وسحرها حتى دهتني في الهوى عيناه...
نور:اوبا دهتني لكن😉
ليندا:قالوا ليك الحب ليك براك انا برضو حبيت اخوك
شفتي كيف ربنا رايد لينا نكون مع بعض انا وانتي😉وبعدين يومين ح نمشي السودان ل حماتي ونسيبي😌🤝🏻
نور:ولا ذرة خجل يا ليندا ولا ذره🤏 يقولوا البت خفيفه ولفيفه...
ليندا:كدا ح يطير مني😒
نور:ااا نسيت جاكي شان ويخجل دي بعيد🚶‍♀️
ليندا:م اخير من وحده كدا ٨ سنوات بسبب الخجل يلا لمت في البتحبه😒
نور:ليندااااااو😒
ليندا:طيب نغير السيره ورح نجهز شنطنا عشان نازلين السودان بعد بكره💃
نور:ويت ويت كلمتي عمو لؤي
ليندا:عمو لؤي دا فردتي يا بت💃
نور:عمو؟
ليندا:قصدي ابوي م تركزي وتيت تيت اتصلت ليهو...
عم لؤي:الو ليندا بتي كيفك وكيف نور ان شاء الله كويسين...
ليندا:كلو في السليم اسمعني انا نازلة السودان مع نور
عم لؤي: ودا متين الكلام دا😒
ليندا:بعد بكره وانا نفسي اشوف السودان والله
عم لؤي:طوالي تشوفيه الفي شنو والمافي شنو....
ليندا:ييييييي انت اروع اب والله
عم لؤي:وانتي اروع ولد والله
ليندا:ابووي
عم لؤي:قصدي بت 😂هاك ديانا عاوزة تسلم عليك(امها🌚🖤 جماعتنا مسلمين سمح)
ليندا:الوو مام مشتاقين كيف صحتك...
ديانا: انا كويسه الحمد لله وانتي كيفك ونور كيف ان شاء الله بخير..
ليندا:كلنا كويسين الحمدلله هاك ليها عاوزة تسلم عليك من قبيل تقابض....
ديانا: نور بتي كيفك ان شاء الله كويسه..
نور:انا تمام الحمدلله وانتي كيفك وعمو لؤي
ديانا: انا كويسه وعمو لؤي كويسه ابقي عافيه....
نور:ان شاء الله.......
.

.
(الاختارك ف الزحمة بيختلف عن اللقاك ف طريقه 🤍)
Omima
.
.

يتبع......

#وهبتك_قلبي23
#Omima Salah
.
(ربما لم نتفق انا والسعادة والحظ والحب علي قرار واحد، أو ربما اتفقنا أن لا نتفق ابدآ،،،)Omima
.
.
(‏أحبك كل يوم من جديد، كأنك نص كُتِب ألف مرة بمعنى واحد وكلمات مختلفة...)نور🖤
.
بعد يومين.....
الساعه كانت الواحده ظهرا...
كانت واقفه في مطار الخرطوم الدولي نظرات م مفهومة
خوف،لهفة،عتاب،حزن،انكسار ...
عيونها كانت كفيلة تحكي الجواها....
كانت بترجف وفي ربكة في صوتها بس في ايد مسكت يديها في حنان ودي كانت ليندا🖤
ليندا:م تخافي انا جنبك🤍
نور: ياهو السودان الخليتو قبل ٦ سنين م اتغير
انا الاتغيرت ي ليندا
مؤمن: نور كفاية خوف كفاية حزن ابدي صفحة جديده...
نور:طيب..
امجد:حب يلطف الجو قال ليها فالحه مرتي🙈
مؤمن:عاين ليهو نظام م فاهم
نور ارتبكت وقالت ليهو:قلت شنو م سمعت
ليندا:قال ليك انتي مرتي🙂🤍
مؤمن:قرب يقع من الضحك بس عمل فيها صامد...
ليندا: بالله دا السودان؟
الشباب عاينوا ليها كدا😳
ليندا:يا سلاااااام حلو شديد حلو
بس الشمس دي ليه بتعاين لي كدا🌚
مؤمن،امجد،نور:حبت ترحب بيك يلا قدامنا م تفضحينا....
ابطالنا وصلوا البيت وكل م يتقدموا خطوه نور قلبها بضرب زيادة.....
رنوا الجرس ونور وقفت مرتبكه بس ليندا قالت ليها انا معاك....
فتحت ليهم الباب ماما سوسن.....
ماما سوسن:مؤمن حمدلله على السلامه ي ولدي ويا امجد ليك وحشه والله ووين نور ودي منو🌚
مؤمن:دي ليندا
امجد:وانتوا كمان ليكم وحشه والله
ليندا:السلام عليكم حماتي كي....بس لبعتها نور
على اثر اللبعه عم عبدالله جا طالع
نور:وقفت وبتعاين لماما سوسن وعم عبدالله وعيونها كلها لهفة وحزن....
بس جاها كف صاموطي من ماما سوسن😳
ماما سوسن:وخلاص دموعها نزلت مطر ينفع ي نور تغيبي الفترة دي كلها ينفع تسمعي كلام ريم انا ي نور لو م ولدتك ربيتك بيديني ديل علمتك تمشي علمتك الكلام ٦ سنين وم تسألي مني....
نور حضنتها بقوه واكتفت بالصمت ودموعها نازله.....
عم عبدالله:وانا مافي لي ولا كيف......
نور:معقولة ي ابوي وجات حضنته....
عم عبدالله:سمعتوا الانا سمعته دا؟
الكل هز راسه
نور:اذا م كنت ابوي الولدني انت ابوي الرباني وكدا كفايه.....
قاطعتهم ليندا(قاطعة اللحظات)
ليندا:ينفع نقيف في خشم الباب كدا ومع شمس بلدي دي ح ابقى سجك🌚👐
كلهم ضحكوا عليها....
ماما سوسن:انتي سودانيه؟
عم عبدالله:وبتتكلمي سوداني؟
ليندا:اي ابوي سوداني لجده ال٧٠🌚👐امي المانية يلا
بدور ادخل لاني جيعانه وبعدين ي ماما سوسن نور قالت لي اكلك ظابط شديد...
الكل😳
ماما سوسن:ضحكت وقالت ليها نورتينا والله
طوالي تاكلي الفي شنو والمافي شنو🌚👐
عم عبدالله لكز مؤمن الكان سرحان في ليندا...
عم عبدالله:دي ياها ام عيون رمادي القلتها
مؤمن،:بدون وعي قال ليهو اي
امجد: اي ياها زاتها
عم عبدالله:ربنا يحفظها لكن برضو ربنا يصبرك🌚👐
ماما سوسن جهزت الاكل ونادتهم للسفرة....
الكل كان بفتح مواضيع في شوق ولهفة....
عم عبدالله:م قلتي لي ي بتي اسم ابوك منو....
ليندا:اسمه لؤي عبدالسميع...
وبعدين اكلكم ظابط ما شاء الله عرفت نور جابت المواهب دي من وين...
ماما سوسن:تسلمي ي بتي🤍
عم عبدالله:قلتي لي لؤي عبد السميع منو؟
ليندا:لؤي عبد السميع الجزولي...
عم عبدالله:م تقولي لي انتي بتو ل لؤي عبد السميع الجزولي؟
امجد:ليه بتعرفه؟
مؤمن:قلت ليكم الاسم دا م غريب علي...
ماما سوسن:عبدالسميع الواحد دا؟
نور:اجي مالكم في شنو🌚👐
ليندا:في شنو😳
عم عبدالله:دا صديقي روح بالروح حتى كانو جيرانا في الحي بس سافر برا البلد ليهو ٣٠ سنه وم جا راجع...
ليندا:تيت تيت اتصلت على ابوها(🌚قادرة البت،)
واتلفتت على عم عبدالله...
ليندا:قلت لي اسمك عمو عبدالله منو؟
عم عبدالله: عبدالله كمال المنير...
بهناك عم لؤي فتح الخط....
عم لؤي:بتي وصلتوا كيف؟
وكيف لقيتي السودان؟
ليندا:السودان كله رهيب واحزر انا في بيت منو؟
عم لؤي:م بيت نور ح يكون منو؟
ليندا:لا انا في بيت عبدالله كمال المنير عمها ل نور...
عم لؤي:قلتي منو؟ عبدالله كمال المنير؟
اديه التلفون سريع....
ليندا:هاك ابوي دايرك....
عم عبدالله،:الووو
عم لؤي: عبدالله دي شنو الغيبه دي ليك وحشه والله
مشتاقين عديل...
عم عبدالله،:المشتاق بسأل🌚👐
عم لؤي:والله رقمك راح مني حاولت بكل الطرق اوصل ليك بس م قدرت...
عم عبدالله: معذور ي اخوي في النهاية انت صحبي واخوي
اها اخبارك شنو...
عم لؤي:عافيه ي اخوي...
اسمعني لو انت جنب ليندا ابعد منها...
عم عبدالله:طيب بعدت..
عم لؤي:اسمعني بعد ٣ اسابيع كدا ح اكون معاك في نص بيتك وم تكلم زول عاوز اعملها ليها مفاجئة...
عم عبدالله:تنور والله ي اخوي البيت بيتك وحاضر م ح اكلمها......
ليندا:تكلمني في شنو؟
عم عبدالله:بسم الله مش كنتي هناك...
ليندا:اي بس كنت عايزه اقول ليهو اديني امي اسلم عليها بس شكله الخط فصل....
عم عبدالله:تسلمي ي بتي لولاك م كنت ح القى لؤي....
ليندا:ولو العفو انت زي ابوي برضو ولا كيف ..
عم عبدالله:اي زيه واحد....
.

.

(‏لا يوجد دواء لروح الإنسان سِوى وجه من يحبّه)امجد🖤
.
.
يتبع.....

#وهبتك_قلبي24
#Omima Salah

.
.
(اذا كانت إماطة الاذى عن الطريق صدقة.
فما بالك ب إماطة الأذى عن القلوب؟!🖤)Omima
.


(الود بالود ، والصد بالصد، و قلوبنا عزيزة لا تسير ف " طريق الذل" 🖤)ليندا🤍
.
.
في صباح اليوم التالي....
عم عبدالله نادى نور قال ليها تعالي عندي كلام عاوز اقوله ليك......
نور:ايوا ي ابوي طلبتني...
عم عبدالله:م سألتي من ريم؟
نور:.......
عم عبدالله:انتي عارفه ريم بعد سنه من مشيتي ندمت شديد وحبت تعتذر ليك بس م كانت قادرة خافت تكسرك تاني....
نور:.........
عم عبدالله:ريم معاها كانسر ي نور
نور في اللحظه دي م قدرت تقيف وقعدت في اقرب كرسي...
نور:قلت شنو ك كانسر ومع ريم ودوني ليها هسي ودموعها نزلت مطر(حمدلله على السلامه طلعتي بتسمعي🙂💔)
فجأه اتلفتت على مؤمن...
نور:وانت ليه م كلمتني كنت راجي شنووو؟؟؟؟
مؤمن:خفت انك تنهاري وهسي انهرتي...
نور:هس م تتتكلم معاي ولا كلمه....
ماما سوسن:لكن م بالطريقه دي اتصبري ي بتي حاليا نحنا صابرين وهي زاتها صابرة والله وقالت م ح تتعالج الا لمن تعفي ليها...
نور:وهي كمان راجيه شنو...
وصفوا لي بيتها....
امجد كالعادة واقف بعيد م قادر يعمل شي وهي منهارة كان بتقطع من الالم.....
...
(خذي الفرح مني واعطني حزنك....) امجد🖤
.
.
ليندا هزت راسها واحتارت في طيبة قلب نور
ليندا جات حضنت نور وربتت على كتفها وقالت ليها اصبري ي نور انا هنا معاك وجنبك وح نمشي ليها بس انتي وقفي بكى🤍
عم عبدالله هز روحه وشاف كمية الحنان الفي عيون ليندا اتجاه نور وقال في نفسه لؤي عرف يربي نعم الاب(فاللهم ليندا🖤)
ماما سوسن:جات حضنت ليندا وقالت ليها نور لقت جوهر عوضتيها عن الحنان الكانت فاقداه🤍
طبعا مؤمن واقف بعيد وكله اعجاب ل ليندا....
...
( جميلة انتي مثل السلام على امة طال عليها الحرب)مؤمن🖤
..
واحتار طبعا مره ساندريلا ومرة جاكي شان هز راسه وقال الله يصبرني....
ليندا:انتوا عارفين انا م كان عندي صديقه طول ال٢٠ سنه المرو من حياتي كنت فاقده شي عظيم كانوا كلهم بنفروا مني عشان انا مشكلجية وهم م قربوا مني عشان يعرفوا طيبه قلبي....بس نور جات عوضتني ال٢٠ سنه الراحو من عمري في ال٦ سنين دي....
وضحكت وعاينت ل نور .....
ليندا:متذكره اول لقاء بينا كان كيف؟
نور:دا بتنسي لكن ي ليندا 😂 كان الزمن داك لي شهر في استراليا وبقدم لشغل في المشافي واثناء دخولي ل واحد من المستشفيات لقيتك بتادوي ل واحد جرحه وقام قل ادبه معاك شلتي المشرط وزدتي ليهو الجرح😂والمدير طردك😂
الكل 😳
ليندا:بس انتي لحقتيني وللآن م عارفه السبب😂
نور: انا لاحظت ل المريض لمن قل ادبه معاك وم اتوقعتك توقفيه عند حده 😂والشداني اكتر ليك فوق الشتيمه القلتيها ليهو بالانجليزي قلتي ليهو جملة بالسوداني مستحيل انساها😂
ليندا:اي جمله م متذكره...
نور:قلتي ليهو تعب الدايه وخسارة السمايه.....
(_ الأصدقاء احياناً ، أوطان.) نور🖤
.

الكل ضحك على ليندا وكلامها....
نور:يلا ورح ل ريم...
مؤمن:ح نمشي ليها بعد الفطور كلنا طيب.....
نور:طيب


.
من جانب تاني.....
آسر:سمعت انو نور جات
ريم:انت كذاب عرفت من وين
آسر:افتكر مؤمن صحبي وكلمني قال لي نزلنا السودان امبارح....
ريم حست الدنيا م سايعاها من الفرح....
ريم:بس في رأيك ح تسامحني؟
آسر:اكيييد ح تسامحك انتي في النهاية اختها الاتربيتي معاها وبتعرفي نور كويس
ريم:صح كلامك والله.....
آسر؟
آسر:ي عيونه
ريم:انا بحبك🤍
آسر:وانا كمان🤍(وانا وانتوا جيتار🙈💔😂)
.
.
.__________
اعتدتُ أن لا أنسى ... أنا لا أنسى أبدًا ؛ كل مَن جبرني في عز كسري لا أنساه ، كل مَن كسرني وأنا في أشد الاحتياج لكلمة جبر لا أنساه ، نظرة العين التي احتوت خوفي وقلقي ، نبرة الصوت التي أفزعت روحي وقلبي ، الكلمة التي قِيلت لي وسط المزاح فآذتني ، الضحكة المُصطنعة التي كان وراءها خداعٌ ومكر ... لا أنسى السؤال عني مِن قريب لكنه من باب الواجب ، ورسالة الغريب الذي كان فعلًا يفتقدني ... لا أنسى ذاك الذي استثنيته فخذلني ، ومَن قربته فأبعدني ، ومَن هان عليه ودي.، وضاعت في عمري عشرته ... لا أنسى مَن قال لي: أنا معك ولم أجده ، ومَن قال لي: دعها لله، وكنتُ بعد الله أجده ... لا أنسى الشعور بالندم على المبالغة ، والإحساس بالخيبة على البراءة ، والدموع التي نزلت على مَن لا يستحق ... أنا مُصابة بالتفاصيل التي لا تشغل أحد ، تبقى بداخلي عالقة لا يمحوها زمانٍ أو مكان ... ذاكرتي سبب شقائي ، سر شقائي أنني لا أنسى..🥀
.
.
.
يتبع......

#وهبتك_قلبي25
#Omima Salah

(ليت الذكريات ترحل گما رحل أصحابها ، 💔 ّ ٠ !)Omima

.

(‏خُذ دائماً ما يليقُ بكَ و يوازي روحك من حلمٍ و أشخاص و حتىَ كلمات...|| )نور
.
.

نور كانت واقفه جنب بيت اقل ما يقال عنه رائع بالرغم من انو بسيط......
نور:مؤمن دا البيت
مؤمن وماما سوسن وعم عبدالله هزوا راسهم
نور:انا خايفه.....
وكالعادة في يد مسكت يدها...
ودي كانت ليندا🤍
ليندا:انا معاك م تخافي....
امجد:كلنا معاك كوني قويه.....
نور هزت راسه وابتسمت وفي دمعة جاات متسلله غصب حزن،شفقه،زعل،حنين وو....
شوق.....
مؤمن دق الباب دقات خفيفه وجا فتح ليهو آسر.....
آسر:اووو ابو الشباب دي شنو الغيبه دي.....
مؤمن:تقول شنو جري بس انت كيفك وكيف ريم وهل اتجاوبت معاك؟
آسر:والله الحمدلله تقول شنو عارف ريم راسها قوي.
. اتفضلوا اتفضلو ومتين رجعت من سويسرا
مؤمن:امبارح بس وين ريم
آسر :في الهول
اتفضلو عمي وخالتي كيفكم ان شاء الله بخير وكيفك ي امجد الشوق بحر ....
امجد:شايف شوقك كبيته كله ل مؤمن التقول انا م صحبك😒
آسر: هل انا مرتبط معاك لمن تغير كدا....
فجأه اتعالت ضحكه ودي كانت ليندا....
ليندا:نور امسكي راجلك دا عليك😂 غيور شديد
آسر انتبه ل نور الكانت مدنقره راسها ومتافجئ من الايطاليه البتتكلم سوداني دي...
آسر:نور اخبارك وصحك ودي شنو الغيبه الطويله من السودان دي....
نور: الحمدلله بس....
جماعتنا دخلوا الهول بس نور فضلت برا ولقوا ريم قاعده وباين عليها التعب....
ريم قامت بفرح وسلمت عليهم بشوق
وفجأه بقت تتلفت
ريم:وين نور ي مؤمن م جات صح كنت عارفه م ح تجي انا غلطت في حقها كتير وم اظن تسامحني....
بس جاها صوت من وراها.....ودا كان صوت نور
نور:ومين قال ليك م ح اسامحك في النهاية انتي اختي😔
ريم اتلفتت مخلوعه وفي عيونها دموع دموع فرح حزن انكسار شوق .....
نور:شنو يا ريم م عايزه تحضني اختك وفتحت ليها يديها.....
ريم جات جاريه وكأنها طفل ضاع من امه ولقاها اخيرا.....
الاتنين اتفقعوا بكاء واحده بتعتزر وواحده بتهدي فيها وتقول ليها م زعلانه انا....
بس فجأه قاطعهم صوت ودي كانت ليندا
ليندا:احم احم دا انا بغير يا نور
امجد:مش قلت ليكم قاطعة اللحظات😒
ليندا: اصبر ح اوريك قاطعه اللحظات دي كيف...
ماما سوسن:سر الاسم شنو؟
عم عبدالله:شكله في موقف وكدا
مؤمن:اكيد بكون وغمز ل امجد
آسر:لحظات لكن....
ليندا:بطلوا رقي انا قلت الكلام دا عشان يشاركوني الحضن يخ وجات ارتمت فيهم الاتنين
كدا الزول يداب يقول عنده اخوات.....
ريم:م عرفتينا ي نور
ليندا:بس انا بعرفك ي السمحه الله اكبر عيلة كلها قشطه وانا اقول مؤمن جايب الحلاوة دي كلها من وين
عم عبدالله: احم مني طبعا
ماما سوسن: لا مني انا
مؤمن:عاين ليهم كدا وقال حلاوة ربانيه
ريم:ابتسمت في فرح
فجأة نور قرصتها...
ليندا:مالك يا نور يخ
نور: فعلا الاستحوا ماتوا
ليندا:وفعلا انتي قربتي تموتي بس ربنا ستر وغمزت ليها
نور:ليندا يخ😒
ليندا:خلاص خلاص آسفين...
ابطالنا اتونسوا كتير شوق سنين عاوزين يبلوه باليوم دا....
نور:يا ريم اها ح تتعالجي متين....
آسر:اها اهو نور جات وسامحتوا بعض وبعدين راعي ل بتك....
نور:عندك بت😍 وليه م جبتوا لي سيره وعاينت ليهم كلهم في زعل...
ليندا:بتحمري لي مالك التقول انا كنت مقيمه في السودان....
نور:لا تبع الرصه بعاين للبقيه....
كلهم قالوا ليها م سنحت الفرصه.....
نور:طيب وين البت....
ريم:في الروضه شويه كدا والترحيل يوصل ....
نور:يعني الترحيل تبعها بجي الساعه ١ ظهرا
نور:اي...فجأه سمعوا صوت بوري الترحيل(ااي بوري))

صوت من بعيد بقول ماما انا ديت..
بابا انا ديت(جيت)
ريم: يا روح ماما انتي تعالي سلمي يا نور
نور الاصليه:اسلم كيف م فاهمة
آسر:لا هي قصدها نور الصغيرة
نور الاصليه:الصغيره؟
ليندا:خلوها دي شكلها قرت ورا الفصول...
وادتها ضربه خفيفه في راسها
ليندا:بتهم اسمها نور مالك غبيه كدا😒
نور:عاينت ل ريم ورجعت عاينت ل نور الصغيره نفس الملامح بس الغمزات الغمازات والعيون حقات نور....
نور:خلاص دموعها نزلت مطر:سميتها علي
سمتها علي شوفوها بتشبهني كيف شوفوها بتشبه امها كيف دقيقه بتشبها الاتنين😭ومشت حضنتها....
نور:نونو انا خالتك سمح وامك عديل لو عايزه....
نونو:اي ح ادول ليك ماما نور...
نور:اي طوالي تدولي لي ماما نور..
ليندا:وانا كمان ناديني ماما ليندا🚶‍♀️
وحضنتها.....
ريم:نعم الصحبات ي ليندا🤍
ليندا:تسلمي ي السمحه🤍
ليندا:اسمعيني ح اعمل ليك العمليه هناك في استراليا
الكل🧐😳 الا نور
ليندا ضحكت:عفكرة انا دكتورة مخ واعصاب حيلكم😂
كلهم ضحكوا واتشكروها......
(اللهم ليندا🤍)

.
.
(- كُنْ سبباً في جعلِ شَخصٍ آخر..يؤمنُ بوجُودِ الخيرِ في النَّاسِ !" 🖤)ليندا
.
.

يتبع.....

#وهبتك_قلبي26
#Omima Salah
.

(اتعلم يا عزيزي....
لقد انتظرتك مطولا عند ذلك الجسر لكنك لم تأتي
لقد اردت الانتحار معك!
لكنك خذلتني مرة اخرى...
لكن لا تقلق فأنا انتظرك كل ليلة.....!)Omima
.
.
.
(وسلاما على قلوب ارهقتها المتاعب.....
سلاما عليها حتى ترتقي....
سلاما عليها حتى تهدأ....
وسلاما عليها حتى يأتي من يحتويها🤍)نور

.


الكل ضحك واتشكر ليندا🤍
واثناء م هم بضحكوا في صوت قاطعهم ودا كان امجد
امجد: ي جماعة انتباه بالمناسبه الحلوة دي عندي ليكم خبرين....قاطعته ليندا...
ليندا:الاول حلو والتاني حلو
صوت تاني ادخل ودا كان مؤمن وهو بعاين ل ليندا...
مؤمن:الاول انت حبيب روحي....
آسر:والتاني سواك ما بقبله😂
امجد: عاين ليهم كدا وابتسم ورجع قاليهم كلامكم صح
كدا ح يبقوا ٤ مش ي مؤمن وغمز ليهو....
مؤمن:احم احم...
امجد:يا عمي ويا خالتي ويا مؤمن ويا ليندا طبعا...
بما انكم عارفين انو نور عرفت حقيقتي...
نور:ويت ويت كيف يعني هم عارفين يعني؟
امجد:اي عارفين 😒
مؤمن:م اغبياء نحنا😒
ماما سوسن:اي عارفين ي السمحه
عم عبدالله:امجد اتقدم ليك قبل ٨ سنوات
نور:وانا آخر من يعلم؟
ليندا:لو فتحتي عيونك من بدري كان ح تكوني اول من يعلم😒يلا قفلي خشمك دا ويا امجد باقي ال٣ اخبار...
امجد:الخبر التاني العرس بعد اسبوعين وطوالي على استراليا كلنا حتى ريم وآسر عشان العمليه🌚👊🏽
نور:ويت ويت اسبوعين؟
امجد:كلمة واحده تاني وابقيه اسبوع😘
نور:خلاص سكت
عم عبدالله وماما سوسن:موافقين طبعا
ريم:الف مليار مبروك حبيبتي ربنا يتم ليكم على خير🤍
آسر:اووو امجد عريس خلاص بورتك ح تفك😉🤣
ليندا: يا سلام يا سلام💃والخبر التالت والرابع وين؟
امجد:ديل ح يقولهم مؤمن ولا م كدا😉
مؤمن:احم طبعا ااااا بس فجأه جاته لبعه من امجد...
امجد:دي شنو امور الخجل دي اتكلم عديل...
مؤمن:م ناسيها ليك لكن اصبر
احم الخبر الاول انا داير اعرس والتاني العروس هي......
ليندا:موافقه طبعا😍
نور:😳
الكل:😳
انحنا:😳
الجيران:😳
السودان:😳
الدول المجاورة:😳
نور:خجل ولا بتعريفه ماف ولا ذرة حياء🌚
مؤمن هز راسه وقال الله يصبرني...
عم عبدالله:زين م اخترت ي ولدي
ريم:يا الله الف مبروك ليكم كمان بالجد فرحت
آسر :والعرسه ح تبقى اتنين
ماما سوسن:زغردت وفرحت جنس فرح وقال يداب كدا قلبي ح يرتاح ومشت ضمت ليندا ونور🤍
ليندا:ويت ويت م كلمت بابا ولا ماما
مؤمن:من زمنك ي السمحه كلمناهم زمان....
ليندا:ايوا لو كدا خلاص😍
نور:ومالك فرحانه كدا ....
ليندا:اخيرا ح تتفك بورتنا احنا الاتنين😘
نور:ومنو القال ليك انا بايرة بايرة براك يختي.....
مؤمن:نور مالك مع مرتي يخ....
ليندا خدودها بقت حمراء.(🌚اي بتخجل عادي)
نور:من متين ي سكينه😂
ليندا :من هسي 😒
امجد:لا خليكم بعيدين من مرتي🥺👐
نور دنقرت من الخجل.....
ماما سوسن:الحياء راح ولا شنو😂احترمونا ع الاقل....
امجد:حاضر يا والده🤍
مؤمن:جدا يا امي🤍
.
.
.
(- دعنا نلتقي
_ أين؟
- في أحضان حلم ، أو بين رفوف مكتبة ، أو في لوحة فنيّة ، فقط بعيداً عنهُم )امجد🤍
.
.

يتبع......

#وهبتك_قلبي27
#Omima Salah
.
.
(عزيزي....
دعنا نلتقي مجددا...
دعنا نجلس على ذلك الكرسي بجوار النهر...
دعنا نداعب احلامنا فرحين...
دعنا نلتقي.....)Omima
.
.
(عبّادُ الشَمس يَميلُ إلى شَمسه، و لكُلٍّ منّا يا شَمسي شَمسُه .)آسر🖤
.
بعد اسبوعين.....
معازيم داخله ومعازيم طالعه وناس بتبارك فرحانه....
تسمع هناك صوت زغروته طالعه من صدر رحب...
صوت رجال بتقول ابشر يا عريس....
شفع صغار م فاهمين حاجه بس مبسوطين....
وهي كانت جوه الغرفه متوترة مرة تقيف ومره تقعد
فجأة سمعت صوت سلاح وناس بتقول عقدوا...
واطلقت العنان ل دموعها عشان تنزل بس المره دي م كانت اي دموع دي كانت دموع فرح.....
(-
مرحبًا يا نُجوم السَّماء .!
أترين ذاك الجميل في الجِهة المُقابِلة من وطني ؟
أحبّه، إعتني به جيداً
وقولي له كُل مساء كم أتمنى لِقائهُ
أخبريه أنه يوجد قلب في مكان ما حوله دائِماً) نور🖤

جات حضنتها ليندا فرحانه وقالت ليها الدموع لشنو انا لو مكانك ح ارقص....
نور:اختلاف ثقافات م اكتر 😒👊🏽
ليندا:م علينا لكن ايوووووووي يوووووووي يوووووي💃
نور قرصتها وقالت ليها فضحتينا يا بت فضحتينا 😭😹😭 هسي يقولوا العروس الشفقانه دي شنو😒
ليندا :مالي بيهم انا مش عرسني ميموني😍😘
نور:ميموني دا شنو م تقولي لي مؤمن؟
ليندا:في غيره
نور:لو سمعك بطلقك قبلك
ليندا:عفكرة في احلامه البرتقاليه وم تنسي معاي مسدسي ولا يحاول مجرد محاوله....
نور:طيب اجهزي ح نمشي الكوفير والله يصبر مؤمن...
ريم جات داخله وفي عيونه دموع فرح حضنتهم الاتنين وباركت ليهم ...
(إنني معك اتخفف من ثُقل الأشياء في روحّي )ريم🖤

ريم:كان نفسي ازغرد لكن م بعرف المهم الف مبروك مره تانيه
نور وليندا:تتبارك ايامك يا رب
نور: م مشكلة ليندا كفت ووفت🙂💔
ريم:😹الله يصبر مؤمن.....
اجهزوا عشان الكوفير ح يوصلنا آسر....


(" بعض الاصدقاء تحولوا الى عائلة " )ليندا🖤
.
.
.

من جانب تاني.....
جانب امجد ومؤمن..

(أحبُّ تفاصيلكِ
عيناكِ السوداء لطالما تعمدتا إغوائي لأجدَ نفسي أسقُط مِراراً في ذاتِ الفخ وأقعُ في حُبّك كُل يوم وكأنَّها المرة الأولى)امجد🖤


امجد:اخيرا بعد ٨ سنين بقت ملكي م ح تصدق انا حاسي اني ح اطير من الفرح.....
مؤمن:طلعت نعم الصاحب ونعم الاخ ونعم...
الحبيب انت عارف دا لو واحد تاني مكانك كان طفش زمان....
امجد:اطفش كيف وانا بقيت اسير عينيها🤍
آسر:اسير عينيها لكن 🥺 يلا شباب انا ماشي اوصل
مرتي ونسوانكم الكوفير بلحقكم في الصالون...
امجد:انا عريس وكدا م عايز اوجع يدي في ضهرك عشان كدا ح اتخطاك😒
مؤمن:م ممكن اجي؟
آسر عاين ليهو من فوق ل تحت
آسر: مشيت سويسرا اسبوع وجيت بعد اسبوعين خطبت وعرست م لقيت لي قصة حب ليها ٢١ يوم بس
وبعدين الشفقه تطير امجد لم صحبك دا عليك😒
امجد: انا صابر ٨ سنين م قلت ماشي انت ٢١ يوم بس
وداير تمشي😒
مؤمن:م تشغلوها لينا خلاص م داير امشي😒
آسر اتلفت عايز يمشي ورجع تاني...
مؤمن وامجد بصوت واحد:مالك رجعت؟
آسر:ممكن تقيفوا؟
مؤمن :طيب
امجد:م ح اسال لكن اها وقفت....
آسر قام حضنهم الاتنين وقال ليهم : انتوا نعمه بالنسبه لي م عندي اخوان لكن انتوا اخواني واصحابي واهلي وكلو🤍
(اللهم صحبه كصحبتهم🤍)
مؤمن:انا ابوك زاتو لو عايز ربنا يديمك لينا🖤
امجد: نحنا بنسند بعض لمن تميل كتفونا
نحنا اخوان🖤
.
.
.
(ماذا لو اخبرتكِ انكِ بمثابة مطلع الفجر الاول لتائهٍ قد خاف العتمة..!!؟)مؤمن🖤
.
.
.
يتبع.....

#وهبتك_قلبي28
#Omima Salah
.
.
(فلتكن انت القمر وانا كل المتأملين....)Omima
.
.
.
(أحب فيكِ ما لا تُحبه في نفسكِ، فاطمئنِ .)نور🖤
.
.
في مدخل صالة العرس....
كانت واقفه بفستانها الابيض الناصع البياض
محجب بطريقه حلوه شديد مكياج خفيف زي م طلبت
وكالعادة آية من الحسن والجمال ودي كانت نور🖤
يديهاكانت مرتعشه من الفرح تحسها خايفه فجأه امسكت بيدها يد بس المره دي م ليندا دا كان امجد🖤(نحنا يمسكنا كلب في شارع مهجور🥺💔)
قبلة حانيه طبعها على جبينها وكان ماسك راسها وبقرأ ليها في آية الكرسي.....
دنقر وهمس في اذنها امييين🖤
وقال ليها بسحروك لي...
وهي كالعادة دنقرت في خجل وفجأه ارتفعت لمستواه وهمست في اذنه وقالت ليهو بحبك🤍(ايها السناجل البائسين نعتذر لقساوة المشهد ابقوا الصمود🙂🤍)
قال ليها وانا كمان بعشقك🤍 ندخل؟
نور:يلا🤍
(اللهم حلالا يشبه امانينا🤍)
كان وراهم طوالي ليندا ومؤمن🤍
ليندا كانت لابسه فستان اوف وايت محجب طبعا
تحسها باربي باربي وكالعاده جميله🤍
مؤمن:ياه واخيرا بسحروك لي عامله عيونك الرماديه دي
باسها في جبينها وقرأ ليها من العين...بحبك...
ليندا:انت عارف انا وقعت في حبك متين؟
مؤمن:لا لا متين؟
ليندا: لما ختيت السكين في رقبتك كنت بعاين ليك جوه عيونك وم عرفت روحي وقعت الا لمن قلت للشرطي دي مرتي🥺بحبك يخ عامل عيونك السمحات دي
دنقر اوريك حاجه
مؤمن نزل ل مستواها وفاجئته بقبله في جبينه(ي حليلك ي نور الخجوله🌚)
مؤمن: مسك يدها احم احم ندخل؟
ليندا:ايوا يلا
(يدي بيدك ، وأنتهت الآماني)مؤمن بخاطب ليندا🤍


كانوا العرسان الاتنين ورا بعض دخلوا بأغنية القصه بالصدفه ابتدت ......
رقصوا سلو على اغنية all of me....
وهم في الكوشه كدا(امجد،نور،ليندا،مؤمن) ليندا كانت حزينه ع غير العادة
مؤمن:مالك صارة وشك السمح دا
ليندا:ماما وبابا م جوا💔
مؤمن:رفع ليها حنكها واشر ليها على مسافه م بعيده
وديل منو؟
ليندا:قامت تنطط الا مؤمن ثبتها
مؤمن:براحه ي قلبي م زي دا لكن(نحنا يقلبنا دفار🙂👍)
نور:فضيحه ي ليندا فضيحه😂
امجد:خليها يخ تعيش فرحتها
ليندا:يا سلام ي مؤمن انا بحب جدك زاتو
لحظه لحظه حتى خالي الكسندر جا العرس
مؤمن:اي حتى هو جا
ليندا قامت حضنت اهلها وسلمت ليهم
نور نزلت منها دمعه حانيه امجد عرف انها مشتاقه ل اهلها الم شافتهم ...
قام مسك يدها في حنيه شديده وقال ليها انا اهلك الفقدتيهم وعم عبدالله وخالتو سوسن ومؤمن وريم وليندا ديل اهلك العوضك بيهم ربنا🖤(اللهم امجد🥺🖤)
(ماذا لو اخبرتكِ انكِ بمثابة مطلع الفجر الاول لتائهٍ قد خاف العتمة..!!؟)امجد بخاطب نور 🤍

في جانب تاني في الصاله......
.
.

كانوا قاعدين جنب بعض وفي نصهم بتهم نور🤍
آسر:الليلة انا م قلت ليك انتي طالعه جميلة شديد
وعيونك اجمل عارفه عيونك هي السحرتني قبل ٧ سنين(عاد وانا اسحر منو بعيوني🙂💔)باسها في جبينها وقرا ليهم الاتنين من العين....
ريم:دنقرت في خجل وقالت ليهو الناس ي آسر...
آسر:راجل ومرته مالي ومال الناس....
ريم كالعادة اكتفت ب كلمة بحبك
والكلمة دي كانت بتجسد ل آسر كل الكلام الكانت عاوزة والعايزة تقوله ليهو🤍
آسر مسك يدها في حنيه.....(ولأنني كنت تائها وهبني الله موطنا....)آسر بخاطب ريم🖤

.

لحظات قليله والتبريكات دورت......
مبروك يا عريس مبروك يا عروس بيت مال وعيال(ومبروك ي سناجل ع كرفسة المشاعر🌚💔)
عملوا الجرتك وكان تحفه.....
واتوجهوا نحو الشقه....(يلا هنا م عندكم شغله اتخيلوا من راسكم😒🤍)

طيارتهم الساعه ١ ظهرا
وكانوا كلهم مسافرين استراليا عشان ريم🤍
عم عبدالله،ماما سوسن،امجد ونور،مؤمن،ليندا،ريم،آسر وبتهم نور🤍
.
.
(اﻋﺘﺪﻟﻮﺍ ﻓﻲ ﻛُﻞ ﺷﻲﺀ
ﺇﻻ ﻓﻲ ﺣُﺐ ﺍﻷﻣﻬﺎﺕ ﺗﻤﺎﺩﻭﺍ.....)مني اليكم🤍
.
.

.
.
يتبع......

#وهبتك_قلبي29
#Omima salah
.
.

.
(‏لا تتسرع في علاقاتك، فبعض العلاقات تكون
على هيئة فخ ، تسعدك شهراً و تهدمك عمراً)مني اليك....

.
.
(وإني أتمناك عمراً ، فلا تُرخي يداك ..)نور🖤
.
.
.
بعد اسبوع.........
كان قاعد في كرسي في المشفى ومدنقر راسه كل دقيقه يرفعه يعاين لغرفه العمليات عيونه باين عليها التعب من بعيد ولو قربنا اكتر ح نلاحظ في دموع متراكمه م قادرة تنزل وكأنه طفل خايف يطيع من امه.... ودا كان آسر
في شخص قعد جنبه والتاني خت يده في كتفه....
وديل كانوا مؤمن وامجد🖤
امجد:م تخاف ي اخوي ح تنجح العمليه وح تقوم ريم بالسلامه.....فإطمئن🖤
مؤمن:ريم اختي وانا بعرفها قويه جدا ح تناضل عشانك وعشان نور بتها وح تناضل عشانا كلنا🖤
آسر: ان شاء الله يا رب انتوا عارفين ريم دي بالنسبه لي وطن مش انسان وبس....وهمس يا ريم......
(لا تفلتي يداي فأنا اريد ان اعيش.....)آسر🖤
.
.
في حته تانيه م بعيده منهم......
كانت بتمشي وبتجي وكأنها بتفتش في حاجه ضايعه...
يدين مرتعشه...نظرات خوف ...حزن....
كانت بترجف....
بس في حد باغتها وضماها عليه وربت ع ضهرها ودا كان امجد🖤
امجد:هششش خلاص م تخافي ريم اقوى من كدا اطمئني🖤(اللهم امجد🖤)
.

بعد مرور ساعتين....
الباب فتح وطلعت ليندا وحانيه راسها في الارض وماشه بخطوات بطيئه......
الكل جوها جارييين ما عدا آسر الكان م قادر يتحرك من كرسيه وخايف من المجهول.....
مؤمن:ليندا انطقي العمليه نجحت؟
امجد:ي بت م تتكلمي نجحت العمليه....
في اللحظه دي نور قرب يغمى عليها
جات بخطوات بطيئه
نور:ل ليندا احكي ريم كويسه صح....
ليندا:رفعت راسها وفجأه ابتسامتها اتوسعت
وبردلب نطت في مؤمن وقالت ليهو يييييييي نجحت نجحت(وبعدين مع ليندا البتحرق الاعصاب🙂💔)
مؤمن:ومن البدايه م تقولي كدا لمن حسيت بطعنه في بنكرياسي😒
امجد:انا مرتك دي لو دقيتها م غلطان😒
نور:قربت اموت من وراكي😒
ماما سوسن:قطعتي قلوبنا
عم عبدالله:الله يصبر مؤمن
مؤمن:اميييييين🙂
دا كله وآسر صامت......
مشى ليهو مؤمن وامجد.....
امجد:ولدنا انت حي العمليه نجحت
مؤمن:البني آدم دا شكله مصدوم....
بس في لحظه آسر اطلق العنان لدموعه الكانت حالفه م تنزل وسجد سجدة شكر ل ربه(بكي الراجل م عيب حقيقه ختوها حلقه في اضنينكم🙂👍)
آسر:الحمدلله حمدا كثيرا🤍
.
(آسر كان خايف يخسر ريم ....
ريم كانت بمثابة وطن ليهو.....
وانتوا عارفين خسارة الوطن خسارة عظمى...
فاللهم وطنا يليق بنا🤍)
.
.
الجماعه وزعوا الحلاوة لكل الفي المستشفى.....


آسر:شكرا ليك ي ليندا لولاك م عارفين كنا ح نعمل شنو...
ليندا:ماف اي شكر بين الاخوان كلكم بمثابة اخوان لي🤍وريم زي نور عندي واحد🤍
آسر:ح تفتح متين؟
ليندا:حاليا هي في المراقبه وبعد ساعتين بالكتير ح تفتح بإذن الله دعواتكم..
آسر:ان شاء الله معاها دائما وابدا
مؤمن:م كنت عارف مرتي دكتورة شاطره كدا😉
ليندا:احم احم وهسي عرفت😌
يلا انا جيعانه ورح ناكل.....
مؤمن:يلا....
خلونا منهم ونمشي ل جانب تاني......

امجد:بتبكي مالك ي نوري(اي نوري اي اعتراض😒)
العمليه نجحت وريم زي الفل الحمدلله....
نور:كنت خ خايفه والله افقدها وانا م بتحمل والله وووو
امجد:خلاص هششش م تبكي ريم الحمدلله كويسه بفضل الله وبفضل ليندا بعده ....
وبعدين م عاوز دموع تنزل من عيونك غير دموع الفرح
لأنك بتستاهلي كل الفرح....عامله عيونك الحلوات ديل(يحل بينا قطر نيالا احنا🥺)
نور: بحبك🤍
امجد:عارف وانا كمان بحبك🤍

(عندما جبر الله خاطري وهبني اياك)نور بتخاطب امجد🤍

.
.
.
(إذا لم تجد أحد يحبك احب انت نفسك)مني اليكم......
.
.
.
يتبع...

#وهبتك_قلبي30
ما قبل الأخيرة
#Omima Salah
.
.
(إما ان تخطو خطوة إلى الأمام نحو التقدم، وإما تخطو خطوة إلى الخلف نحو بر الأمان. - أبراهام ماسلو)
مني اليك..

.
.
.
(لن يصل اليك الا من يحمل في روحه شيء من روحك...)ريم🖤

صباح اليوم التالي....
فتحت عيونها ببطىء شديد ،وكأنها كان نايمه مئة سنه....
كانت عاوزة تحرك يدها بس حست في شيء ماسكها
اتلفتت ع يمينها لقته ماسك يدها اليمين وكان قاعد في كرسي وراسه جنب مخدتها مباشرة وكان نايم...ودا كان آسر....
حركت يدها الشمال وربتت على شعره الكثيف برفق....
وتاني مشتها في لحيته وعلى ضوئها صحى....
آسر قام مخلوع...
آسر:فيكي شي حاسه بوجع عطشانه اجيب ليك مويه عاوزة تاكلي وووو..
قاطعته ريم:براحه اخد نفس انا كويسه الحمدلله وكله بفضل ربنا وبعديه ليندا ودعواتك وتاني شي....
بحبك....(مش قلت ليكم الكلمة دي بتوصل ل آسر كل الكلام العايزة تقوله ريم ل آسر..)
آسر:وانا كمان🤍 انتي م عارفه قدر شنو انا كنت خايف اخسرك....
ريم:خلاص هششش م ح يفرقنا الا الموت
آسر:تاني رجعنا ي ريم ارجوكي م تقولي كدا...
ريم:طيب حاضر عامل شعرك السمح دا🥺🤍

(‏أتمنى أن تبقي عالقة بي وكأن ليس
هُناك طريق في هذه الحياة تهرُبي من
خلاله سوى الطريق الذي يأتي بكِ إلي.)آسر مخاطب ريم🤍
.
.
.
من جانب نور وامجد🖤

(أحيانًا لا تحتاجُ إلى الشَّخصِ الذي يُعطيكَ المظلَّة، وإنَّما تحتاجُ الشَّخصَ الذي يبتلُّ معك، فمساحةُ الشُّعُورِ تفوقُ مساحةَ العَطَاء )نور🖤
.
امجد:مش قلت ليك ريم قويه وح تتخطى الالم
نور:اي صح كلامك ريم قويه شديد ربنا وهبها انسان بحبها كتير ربنا يخليهم لبعض
امجد:انتي عارفه آسر قال شنو؟
نور:لا
امجد:آسر قال ريم بالنسبه ليهو وطن عشان كدا هو كان خايف شديد يخسر الوطن دا🖤
نور:وانت بالنسبه لي عالم عالمي الخاص بي🖤
امجد:وانتي بالنسبه لي كون🖤
(وانتوا بالنسبه لبعض شنو🌚💔سناجل بعيد من هنا بالله🌚👍)
نور ضحكت في خجل...
(‏تشبهين الورد الأصفر !
وإن ضحكتي ، حاول هو أن يشبهك )امجد بخاطب نور🖤
.
من جانب مؤمن وليندا🤍
مؤمن:مرتي السمحه انتي عارفه قبل امشي سويسرا قلت ل امي وابوي شنو؟
ليندا كان بتعاين ليهو في حب
ليندا:لا لا قلت شنو؟
مؤمن:الوقت داك كانوا عايزني اعرس وقلت ليهم لمن امشي اجيب نور يلا وقالوا لي م تجيبها خواجيه عيونها خضر قلت ليهم ح اجيبها عيونها رمادي عدييل وكأنوا الملائكه قالت امين لحظتها🖤
ليندا: انت عارف نور كانت بالنسبه لي كل شي بعد امي وابوي وانت جيت زاحمتهم
مؤمن:شنو انا زاحمتهم وكان عاوز يقوم...
ليندا:الله الزول م يهظر انت ليك تلاته ارباع قلبي😍
مؤمن:تلاته بس😒
ليندا:لا لا كله😂🖤شافع دا
مؤمن تكى راسه في كتفهاوقال ليها ربنا يخليك لي🖤
(- ماذا يحدث للمرء إذا حدّق بعينين يحبهما ؟
- تضيء في قلبهُ النجوم .)مؤمن بخاطب ليندا...
.
.
.
("اصنع لنفسك أيام جميلة، ولا تنتظر جمال أيامك من أحد.)مني اليكم......
.
.
.
يتبع....

#وهبتك_قلبي31_والأخيرة ....
#Omima Salah
.
.
(كان هنالك مساحات للطمأنينة ولا تزال ، حاول أن تجدها ...)مني اليك......
.
.
.
(من شدّة الطمأنينة التِي تخرج من صوته، أودّ كثيراً أن أكون إحدى نبراتِه .)نور🤍
.
.

بعد مرور ٥ اعوام......

كانت واقفه في البلكونه نفسها
نفس البلكونه الكان قاعد فيها امجد وهو بعزف الجيتار
......كانت مغمضه عيونها وهي بتشم في ريحه المطر.... كانت بتتذكر كلامها الكان موجه ل ليندا(اريته بيتي.... وكأنو الملائكه قالت آمين..)
فجأه في حد حضنها من ورا ودا كان امجد🤍
امجد:شاردة وين يا قلبي
نور:بتذكر كلامي القلته ل ليندا قبل سنه لما البيت عجبني وقلت ليها يا ريته بيتي...
امجد:وهسي بقى بيتك يا قلبي🖤(يقلبنا لوري🙂💔)
فجأة سمعوا صوت تكسير...
نور:لا لا م تقول لي تاني غايتو لين وعمار(ديل اولادهم لين ٤ سنوات عمار ٣ سنوات)ديل م عارفه طالعين على منو
امجد:طالعين على صحبتك قاطعه اللحظات تقول اتوحمتي بيها...
نور:بدل ترغي اجري شوفهم...
(_أُحبُّك بكُلّ ما فيك مِن تعب وتشتُت وارتباك )نور بتخاطب امجد🤍
جزء من النص مفقود.....

من جانب تاني....
ليندا:بتك ريفال وولدك رائد(رائد ٤ سنوات ريفال سنتين) ديل عذبوني والله وتالله وبالله لو م اولادي كان فتحت باب الشارع وجدعتهم(ناسيه روحها يختي😒🌚💔)
مؤمن:ويت ويت طالعين ع منو على امهم طبعا اتصرفي ي حلوه يلا باي انا عندي شغل🙋‍♂️
ليندا:بس لكن....
قاطعها ب قبلة في جبينها...
مؤمن:خلي بالك منهم ي السمحه🤍
ليندا:.....
(- تركيزٌ واحدٌ في ملامحكَ ‏كلَفني كل هذا الشرود في حياتي)ليندا بتخاطب مؤمن🤍
....
من جانب آخر.....
آسر:ريمي(اي ريمي اي اعتراض لا سمح الله😒)
ريم:عيون ريمك احكي...
آسر: وين نور بتنا م شايفها مع بسام وباسم(ديل اولادهم عندهم ٤ سنوات)
ريم:انت عارفها طالعه على منو على خالتها نور لاصقه في الحديقه ٢٤ ساعه وخصيصا جنب زهور التوليب....
آسر:ما شاء الله طالعه هاديه ورايقه ربنا يحفظكم لي ...
ريم:ويحفظك لينا...
(- حبني بجنون لطفا العقلانيه لا اهواها)ريم بتخاطب آسر🤍
.
.
.
صباح اليوم التالي كان يوم جمعه كل ابطالنا اجتمعوا في بيت امجد.....
ليندا:شباب شباب ايه رأيكم نمشي البارك🌚
الكل قالوا موافقين ما عدا نور
نور:م ماشه انا
ليندا:ح نعرف م ماشه دي كيف
نور:ح تعملي شنو؟
ليندا:قولي لي الم ح تعمليه شنو؟
نور:ننني
ليندا طلعت مشت بيتهم
امجد:زعلتي البت ياخ
ريم:كان توافقي على المشيه
آسر: على القليله كان تمشيها ساي
مؤمن:كتمت
بعد شويه لينا جات داخله وابتسامتها للضرس الاخير وجات قعدت جنب نور براحه وفجأه طلعت ليها المسدس ووجهته جنب راسها...
الكل:😳
مؤمن:مش قلت ليكم كتمت
نور:دا دا شنو ي ليندا عمرك بقى ٣٢ ولسا م عقلتي
ليندا: نور ح اعد لحدي ٣ وتقولي لي موافقه ح امشي...
نور:موافقه موافقه والله موافقه
ليندا:انتي حلفتي يلا تاني ماف تراجع...
وعايزه اوريك سر بس م تزعلي...
نور:ها🙂💔
ليندا:انتي عارفه خلال ال١٢ سنه الفاتت دي كلها انا بهددك بمسدس خالي طلقات😉
نور قامت عليها بالمخده وبدت المصارعه الحرة.......
الكل ضحك على ليندا ونور وكانوا سعيدين جدا.....
.
.
(ولأني احبك وهبتك قلبي فهو لك.....)

وبكدا انتهت الحكايه....
بس حكايتهم لسه قاعده....
.
.
(اختاروا الأحلام ، اختاروا الأمنيات السمحة ، اختاروا البكمل معاكم للنهاية ، اختاروا العارف معني الخُذلان ولسه مُستمر ، اختاروا صح )مني اليكم🖤.....
.
.
تمت بحمدالله🤍
________
(لكل اللي قرأ الروايه ولكل الم قرأ الروايه برضو ربنا يقويكم ويحقق احلامكم🤍ادعوا لي برضو بنفس الدعوه🤍
انا اول مره اكتب روايه في حياتي كلها.....
والدليل انوا اول ٣ اجزاء كتبتهم٢٠٢١ بنفس التاريخ الحالي قد يكون نفسه او لا م متذكره
رجعت اكتب فيها من شهر ٧ وهسي دا شهر ١٠
افكار متشتته وم مرتبه....
صحباتي شجعوني كتير اتمها والحمدلله.....
فبالتالي عاوزة آرائكم ك كل...
هل تستحق التقدير وآرائكم بالنسبه لي انا برضو بتهمني ك اول مره لي اكتب رواية اواصل ولا اقيف هنا؟.....
والسلام لقلوبكم......🤍)
....Omima Salah

بـ كدة نكون ختمنا الرواية ونأسف علي التاخير في نشر الحلقات 😅
يـ ريت نشوف ارائكم علي الرواية والكاتبة موجودة في القناة و ح تتابع اراءكم 😁❤️
ودمتم حتي الرواية القادمة 😊