مولاتي مولاتي يافاطمه
مولاتي مولاتي يافاطمه
~~
نذرتني امي الخدمتچ يالبضعه
من قبل ما كمل شهوري التسعه
للدنيا اجيت وللمجالس اسعــــه
گلبي يحب اهل العزه والدمعـــه

مولاتي مولاتي يافاطمه
مولاتي مولاتي يافاطمه
~~
خليني دوم ابعالمچ مولاتي
عمري وسنيني كلها وي ساعاتي
خادم اصير الحضرتچ محلاتي
بيچ استعين بعازتي وشداتي

مولاتي مولاتي يافاطمه
مولاتي مولاتي يافاطمه
~~
اهوى المجالس والعزه تدريني
بالعقد كاتبلچ جميع سنينــــــي
بروح الحِسين الخدمتچ حزميني
يالساكنه وسط الگلب وبعينــــــي

مولاتي مولاتي يافاطمه
مولاتي مولاتي يافاطمه
~~
يابت محمد ولدي لاتنسيهـــــم
بدرب المجالس والعزه مشيهم
خدام يم خدامـــــــچ اتخليهــم
يم الحسن عينچ يريت اعليهم

مولاتي مولاتي يافاطمه
مولاتي مولاتي يافاطمه

~~
خايف اتغرني الدنيا لوتغويني 
وابتعد عنكم والهوه يليهينــي
الدرب الخدم يم الحسن ردينـــي
طول العمر مولاتي لتعوفينـــي

مولاتي مولاتي يافاطمه
مولاتي مولاتي يافاطمه
~~

ياقاضي الاحزان .. احكم عله الصار
بس محسن وياي.. من حركو الدار
وانا تنخيت ... الحك يكرار
@@@@@
نص١..

باب وثكيله وتندفع ياقاضي دون هاي
من اسمعت كلمة وإن من عندي تاه الراي
حسبالي ضيف ورحبت ميّة هلا بالجاي
عصروني حدما كمت احس صار النفس بهداي

هذا الجره وياي.. ياقاضي شتكول
عن كسر الاضلوع .. ياهوه مسئول
ويتحاسب شلون.. كلمن شعل نار
@@@@@
نص٢..

من دگت الباب اعرفت مودگه مال احباب
كسرو ضلوعي وحشمت وينك يداحي الباب
ياقاضي احَجي ابمختصر وشرحلك الاسباب
ممتد بقه هذا الحقد وي شجرة الاطياب

ياقاضي عالباب .. موجوده بصمات
وانت ادره بالصار.. واعلم بلاثبات
كلهم ملاعين .. بس كالو انصار
@@@@@
نص٣..

يافضه الحكيني صحت من ضلعي دمي يسيل
وانا العزيزه اللي جنت يخدمني جبرائيل
لكلمن يضدني الله خلق نار وعذاب اوّيل
شكم آيه بسمي امنزله بكل سوره بالتنزيل

كل هاي الاخبار .. بيهن يعرفون
دونهه الاقوال.. وبكلشي يدرون
من عدهم اهناك.. مرفوضه الاعذار
@@@@@@
نص٤..

حيدر وصيه امجتفته وهمه استغلّو هاي
لوما علي اموصه وعلي جاهسه موتى اهواي
جا لا ضلع مني انكسر لاصب دمع عيناي
وجا محسن اعله الطف لحك جاب ويه اخيه الماي

هذا تره الصار.. ياقاضي وشلون
عالحركو الباب .. بلله اشتحكمون
الما يلعن اعداي.. وياهم اكدار
@@@@@
نص٥..

طاحت حروف البسمله من عصرو القرآن
من داست اقوام الرجس في مهبط الايمان
عن كلشي ربج فضلج يا آية الأحزان
يا اول وآخر مره ومعصومه بلاكوان

الكل هاي الآيات.. ماحسبو احساب
كلهم يضدون.. بس كالو اصحاب
باجر يبينون.. واتشوف الانضار
@@@@@

كلمات مهند العطواني

((ياحامي الدخيل))



بهذه المسه وصلت علي.ذيـج الوصيه
مـن السمه من فاطمه الحامي الحميه

ودفــني أبــلــيل   ياحــامي الدخــيل
                   بذيـــج الوصيه
                   بذيــج الوصـيه
___
يابالحـسن هاك اسـتــمع  هـايه الامانه
كبر الحـــبيـبه ياعـلي تخــفى مـجـانه
اليـــلة أخـر اليــلة ويســــافر ضــوانه
وعله الجـره ولي حصل تبجــي سمانه


هاي الوصـيه.وصلتـك المــن.يجـي الـــيل
شيل النعش فوك الجـتف واصبر ع.الشيل 

   للغاليه تــشـيل   ياحامـي الدخيل
                  بذيج الوصيه
___
ينـحب علي لمن سمع هــايه الوصـيه
وبيا سبب بنت النبي تــشـوف الاذيه
اليش بدمع وبهل حـزن تروح الزجيه
وبيـا صــبر يافاطـمــة تشــيلج اديــه

هاي الفجيعة البل العمر ياحامي الجار 
زهرة حياتك الو مشت ياوحشت الدار

يل دمعك يسيل.      ياحامي  الدخيل
                  بذيج الوصيه           
___
من الجرة ماينــجبر جــرح الكلب ااااه
وعله المـشت ااة الكلب يصرخ يـويلاه
ليلي اليمر انحب دمـع وصــرخ يزهراه
طير وجنح  منه انكسـر مايرهم اداواه


وهـــذه الحبيب بــهل مسه يفارك حبيبه
جرح الـــكلب مايـــنجبر يذهل طبــــيبه

    ياويلـي ياويل     ياحامـي الدخيل 
                   بذيج الوصيه   
__
الفارك حــبيبه يابشـر. شــله بحـياته
يتـــمنه كل ساعه التمر يـكرب مماته
ولي مـشه بهذا المــسه وحلت وفاته
مايــرجـع الراح ورحل وتبـــقه غلاته

وبغــيبته ياحـــيرتي تبــجي دمه العين
مو بـس دمــع  لاوالعرش ياذيني الونين

  ياونـــت اليـل.    ياحـامي الدخيل
                 بذيج الوصيه
___
أخفي.الكبر حـد مايـجيله صاحب الثار
يطيب جرحــنه من الجرة ويطفي النار
يبني المقــام وتعتني الحـــضــرة  زوار
للمحـــسن يصير الطــم والدمعه مدرار

ذاك الوعـد  لازم يجــي  ونـعاهـــد اعهود
يبني المقام  الحضـــرتج والعايش اشهود

من يسرج الخيل.       ياحامـــي الدخـيل
                  بذيج الوصيه. 
                  بذيج الوصيه
___
تمت بحمد الله تعالى ومولاتي فاطمه الزهراء


خادمكم مرتضى مكطوف

ودعوني ومااجوا،،،،،،،وطوح الحادي ومشوا
       والهجر عذب دليلي شلون بيه
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انا أم الااربعه،،،جفني يجري مدمعه
مانشف ساعه مسيله وفارگوني
حايره بعد الااهل،،،وگلبي فاگد الاامل
بحيره اني وأيست ماظن يجوني
يريت اوياهم امشي ولااظل وحدي
يجن ليل المصايب ودمعتي بخدي
،،راح عباس الگمر،،،،ودنيتي بهم وقهر،،
      ،،آه من جرح الموادع شكد اذيه،،
      ،،والهجر عذب دليلي شلون بيه،،1
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حسين خلاني بحزن،،،،مانشف دمع الجفن
خطوه خطوه سارجدمه ياهظيمه
من مشه بذاك الدرب،،،،اخذ وياه الگلب
وترك روحي بنتظاره چن يتيمه
صدگ هيهات ترحل مابعد اتعود
وظل اسئل عليك وهم ترد اردود
،،ارقيه وسكينه مشت،،،،وروحي بحسره بقت،،
،،وگلبي خايف عالفواطم من آل اميه،،
،،والهجر عذب دليلي شلون بيه،،2
  ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شيبت قبل الكبر،،،،ولشوكت ابقى انتظر
روحي مجروحه وعليله من المئاسي
صعب فگدك يلأبن،،،،ياكحل رمش الجفن
والله افراگك هظمني وشاب راسي
اموت ولا اعيش بغربت الفاگد
شلي بدنياي وانت ياأعز واحد
،،لوتطول بالرحيل،،،،يعني ترجع مستحيل،،
،،بدارك اعله غيابك انصبلك عزيه،،
،،والهجر عذب دليلي شلون  بيه،،3
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
صور ترسملي الطفوف،،،،چن گمرنه ابلاچفوف
صار يرسملي خيالي اشكد صور
والمشه ابلايه عرس،،،،هسه نايم بالشمس
حنته عجنوها من فيض النحر
صدگ جاسم نايم وعالترب خده
وصدگ عبدالله ماضاگ العذب بعده
،،آه من ذاك الصبح،،،،چم طفل بي ينذبح،،
،،لا اجوني ولا رحت  للغا ظريه،،
،،والهجر عذب دليلي شلون بيه،،4
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
نار حزني مظرمه،،،،ويلي كلهم بالظمه
وحتى الأكبر من طلب ماحصل الماي
اگبالهم يجري العذب،،،،وماتصح قطرة شرب
وظلت اسكينه ورقيه اتدور افياي
حسافه الموت ذبح كل بني هاشم
وظلت  زينب اتون  ابدمع  ساجم
،،لاخيام ولاخدر،،،،وصارو بوليت شمر،،
،،بصوت عالي صاح سلبو الفاطميه،،
،،والهجر  عذب  دليلي  شلون  بيه،،5
    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من اجه الناعي ونعه،،،،بداري واني اسمعه
ايصيح ياأهل المدينه راح الحسين
واني من داري اطلعت،،،،ينعه بواليمه اسمعت
وابو فاظل اعله الشريعه وسهم بالعين
صدگ رد الظعن خالي بلايه ارجال
وزينب  والحرم  ردن ألي  بياحال
،،الچانو البيتي عمد،،،،هسه اني بلاسند
،،الموت اخذهم كل بنيني من اديه،،
،،والهجر  عذب  دليلي  شلون  بيه،،6
     ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الشاعر قصي القاسمي

على لحن_اسرني_شوﮔج_وارفع_الرايه


ضوت علينه لزهره هليله /2
وسورة الكوثر اجت تحجيله
🌸🌸🌸🌸🌸
يافاطمه.. واصلج من الجنه
سر الامامه وقوتهه وحيله
ضوت علينه لزهره هليله/2
وسورة الكوثر اجت تحجيله
🌸🌸🌸🌸🌸
بيوم الولاده حضرتج ساره
جابت ضوه وشعت قناديله
ضوت علينه الزهره هليله/2
وسورة الكوثر اجت تحجيله
🌸🌸🌸🌸🌸
فرحان ابوها اليوم بالزهره
جابت خديجه ليله هنوا ڵـهٍ
ضوت علينه الزهره هليله /2
وسورة الكوثر اجت تحجيله
🌸🌸🌸🌸🌸

يم الحسن.. هل الشيعه فرحانه
انتي السراط ودربه اودليله
ضوت علينه لزهره هليله /2
وسورة الكوثر اجت تحجيله
🌸🌸🌸🌸🌸🌸
بمولد العصمه كلها محتفله
مثل الگمر اونجمه اوسهيله
ضوت علينه الزهره هليله/2
وسورة الكوثر اجت تحجيله
____
✍باقر جبار الشويلي

ابوذيات ولائيه


أمـل اشـلـون مـن يـمـهـم  .. شملهم
عـطـر أل الـنبـي وگـلـبـي  .. شملهم
يـربـي اهـنـاك لــو يـلـتـم  .. شملهم

شـفـاعـتـهـم اريــد وهـاي هـيـه

*----------------------*-------------------*

ألـيـه اهـواي نـاس اصحاب ..  يدعون
وغــيــر ال الـنـبـي مــاريــد .. يَدعون
اذا يــم الـلـه اهــل الـبـيـت ..  يدعون

ألـي مــاريــد نـاس أتــمـن عـلـيــه

*-------------------------*-------------------*

✍خادم ال محمد
الشاعر رعد الجريخي

عن جعفر بن محمد عليه السلام قال إذا كان يوم القيامة نادى مناد من بطنان العرش: أين الرجبيون؟ فيقوم أناس يضئ وجوههم لأهل الجمع، على رؤوسهم تيجان الملك، - وذكر ثوابا جزيلا إلى أن قال: - هذا لمن صام من رجب شيئا ولو يوما من أوله أو وسطه أو آخره

     مولد امير المؤمنين



علي مولا .. علي مولا .. علي مولا
---------
مـتيــم بــيــك ياحيـــدر واريــدك
وفضل تحسبني واحد من عبيدك
انـه التـــايه انــه المحـــتاج ايدك
امـــروتـــك لاتگـــــلي مــا اريـدك
اروحن وين .. يـنور العين
انـه ابليــاك .. صفر ليدين
يبسـم الله / علي
 ينـور الله / علي
علي مولا .. علي مولا .. علي مولا

---------

جنوني بــيك ياحيدر جــنوني
وغيرك ماتشوف احـد عيــوني
كـ التــمــار مـــيثم عــيـــروني
وعـــن امحـــبتك ماغـــيروني
الگلـب ناداك .. اعيش اوياك
واحس بالموت .. انـه ابلياك
يحرز الله / علي
يـذكر الله / علي
علي مولا .. علي مولا .. علي مولا

----------

ادگ يوميه بابك واستـجيرك
فقير وانتـه ماتـطرد فقـــيرك
رحمتك واسعه وماكو نظيرك
اسيرك فــدوه لاتعتـق اسيرك
صحت ماريد .. اروح ابــعـيد
يتيم ارجوك .. واشوفك عيد
يعين الله / علي
يسر الله / علي
علي مولا .. علي مولا .. علي مولا

--------

عشت طاريك لحظه لحظه اني
وعن ذكــرك فلا يــغفــل لساني
طــاري الــغيـر اســد منه اذاني
تره يكفــر الخـــله ويـاك ثــاني
علي الاوحد .. علي الامـجد
علي ومثلك .. فلـــم يـــولد
يــــبـاب الله / علي
وحجاب الله / علي
علي مولا .. علي مولا .. علي مولا

----------

بايعتك علــي من واني بالذر
وعشگتك والعشگ بيه تجذر
وگبل ماگول يمـه گلت حيدر
غير انته الــذي سـاكن بالابهر
اموت اعليك .. افكــر بيــك
وحلم عمري .. ابوس ايديك
جنان الله / علي
امـان الله / علي
علي مولا .. علي مولا .. علي مولا

-------

علي وشقــيمة النـــاس التحـــبك
عـــلي وانته يــحبـك حـــيل ربك
الخليفه الصدگ بس انته نحسبك
بدربــك نبقـــه لامنــعـــوف دربك
امير الكـون .. الميقـتنعون
فلا يقدمون .. ولاايأخرون
يـأيــد الله / علي
يسيف الله / علي
علي مولا .. علي مولا .. علي مولا
-------
حيدر تركي الكربلائي

~~~~~~~~~~~~~
#استشهاد_الامام_موسي_الکاظم_ع

نعي وابوذيات... استشهاد الامام الكاظم عليه السلام

تأتي الزهراء ع إلى الكاظميه اتخاطب الأمام الكاظم ع اتگله

اجيتك يمه اجيتك والهوى اسهام
احسه ابريتي يبني لمن ايفوت
المثلك شهم حصته راحة البال
مو يبقى ابسجن وبسمهم ايموت
اجيتك ارد اشيعك وانحب اعليك
واشيل السلسله من على التابوت
اغسلك جيتك ابدمعات العيون
يمن وحدك بقيت ابغير زاتوت
رموك اعلى الجسر وبچفك الگيد
وحيد ابلا اهل والجبد مفتوت
لا يمك اخو لا يمك وليد
ينوح اعليك يايمه ولا صوت
غريب وغربتك جن غربة حسين
بلايا اچفان وآنا الفكر مشتوت
دعيت والله لا ينطي السبب جان
العليكم صار يالمسجون طاغوت


عشت من كثر حسراتي............ غريباه
الجرحه افراگ ما يشفى........... غريباه
اصيحن يبني يالكاظم............... غريباه
وتذكرني ابغريب الغاضريه

الكاظم لقبه الهادي........... وسماه
وجده المرتضى حيدر...... وسماه
ابيا حظ يا بخت سجنه..... وسماه
عساها بحظ شيوخ الناصبيه

مصايب بعد ما احسب....... ولا عاد
وبعد ما اريد لا افرح........... ولا عاد
ثمود المثله ما سوت........... ولا عاد
فعل هارون ببن الهاشميه


الخادم المقصر فراس موحان الساعدي


قناة (ام ٱ بيها)للقصائد الحسينيه المكتوبه
قصائد،،نعي،،،ابوذيات،، كل ماهو مايخص القضية الحسينيه ستجدونه هنا

للحزن والافراح قناة ام ابيها
من الخالدات هواي نزلنه بيها
https://hottg.com/noorAlhseenn

بصلاة اعله النبي لساني. ترطب
لمريض بحضرة الكاظم. ترى يطيب
بخشوع ولو دخل زاير. ترى يطب
بيت ال النبي ولزهره الزجيه

باقر جبار الشويلي

قصيدة شالو نعش

شالو نعش للدين..يمكن ولد لحسين
خلص حياته هموم ..هارون سمه اليوم

موسى بن جعفر يشيعه ع الجسر اموسدينه
جثه محموله وثجيله واربعه هل شايلينه
لمن ينادي المنادي رافضي و مسممينه
الموعد الجمعه يدجله ع الجتف هل حاملينه

بين اثر بالايد… من سنسله ومن قيد
خلص حياته دوم..هارون سمه اليوم

يانعش حامل همومه خلي ننهل من علومه
مدرسه بكل شي وتمييز بالحلم ويه خصومه
ما شفت بالدنيا مثله ولاشبه يحمل رسومه
الجسد ناحل وضمه وحطله بالتمره سمومه

دمعه نزل صوبين ..شايل اصول الدين
بالسندي ظل مضموم...هارون سمه اليوم

بالسجن ظلمه وسناسل والعمل كله تقيه
موسى كظاها حياته بالزهد عاش البقيه
ولايفيد الكرسي حاكم العمل هو الوصيه
ينسجن موسى بن جعفر بالغياهب والوطيه
يمته يصيح الثار ...وينادي ياجبار
يگضي العمر بالصوم..هارون سمه اليوم

هايه ثارات الخلافه والحروب الهاشميه
من فجر نورك محمد والسلاله الفاطميه
هذا عنوان الجهاله من الحقد والجاهليه
يبقه رسك انته اميه ويبقه اصلي الزينبيه

يبقى الحقد اصلاب..من فاطمه والباب
مارحمته هالكوم..هارون سمه اليوم


لاعهد عنده الخليفه ولاضمير الباقي عنده
من اصل يوم السقيفه بايعوا شيخه وجده
هذا عهد الخان حيدر هسه ايسمم له ولده
منهم الحزوا وريده منهم المگطوع زنده

خان العهد ايزيد...كل يوم اله صنديد
شو باقي بس اهدوم..هارون سمه اليوم
**
ش/جبار عبد الزهره الشويلي

قصيدة لسيدي ومولاي موسى بن جعفر عليه السلام

اجيت وگلبي ملهوف عليك وعينك تشوف
ازورك يا امامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي أحسك واگف وياي
ألك ودّي وسلامي ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك. يموسى هوايه اذّاك
اون وبچي بكلامي ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون. يشتمك وانت مسجون
اظن سمّوك ضامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه. عليك شگد بچينه
صحت بيك اعتصامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل. بچينه وماكو فاصل
تعنّيت ابهيامي. ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه. خذوا زينب سبيه
بمصيبتهه ختتامي ازورك يا امامي

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠