#BONG
#XALQ_OVOZI

🕌 Маданий мерос масканларининг эгаси борми?

Мен танбеҳни ўзимдан, танқидни туғилган шаҳримдан бошлайман. Сиз ҳам жим турманг, чунки бу замин ва ундаги ҳар бир тарихий ва маданий мерос ўзимизники.

Халқаро ижодий дастуримиз юқори пардаларда давом этаркан, Наманганда Машрабни, Усмонни ахтардим. Ҳайкал ўз йўлига, қани музей, қани тарих, қани мерос? Хорижлик ижод аҳлига кўрсатадиган нимамиз бор?!

“Олтин мерос” биноси ҳудудини милиция ва ўт ўчирувчилар эгаллабди. Хоналар ёпиқ, деразалар синган, кириш йўли тўсилган! Қўлёзмалар қани? Тарихий ашъёлар қайга кетди?

Ўн метр наридаги Машраб кинотеатри ҳожатхонага айланган!

Мулла Қирғиз мадрасаси ҳувиллаган, маъмурлар бизни кўриб қочиб кетдими? Маданий мерос, маданият бошқармаси, ҳокимият, уят эмасми? Ҳеч йўқ телефонни кўтаринглар!

Маданий, тарихий, адабий меросимиз фақат бу ерда эмас, бошқа шаҳар ва қишлоқларда ҳам тобора эътибордан четда қолмоқда! Уялинглар, жаноблар!

📝 Аъзамжон Обидов

🌐 namangan24.uz
👉 @namanganim24

#RASMIY_XABAR

🇺🇿 Президентимиз Шавкат Мирзиёевнинг Андижонга ташрифи бошланди

Ўзбекистон Президенти Шавкат Мирзиёев Андижонг вилоятига келиб, Андижон халқаро аэропортини модернизациялаш ишларининг бориши билан танишди.

Бугунги кунда реконструкция ишларининг биринчи босқичи битказилди. Узунлиги 3 минг 300 метр, кенглиги 60 метр бўлган янги учиш-қўниш йўлаги, юриш йўлаги ва самолётлар тўхташ жойи қурилди. Дренаж тизими янгиланиб, ер ости суви қочирилди. Шунингдек, бу ерда иккинчи юриш йўлаги қурилиши давом эттирилиб, "Ikao Cat-II" тоифасидаги радар, метеорология ва ёритиш ускуналарини ўрнатиш ишлари олиб борилмоқда.

Давлатимиз раҳбари бу ерда самарали бошқарувни йўлга қўйиш, хизматларни арзон қилиб, маҳаллий ва халқаро парвозларни кўпайтириш бўйича кўрсатмалар берди.

👇👇 БАТАФСИЛ: 👇👇
https://hottg.com/+T-VYk_YPDCKqJPhy

🌐 namangan24.uz
👉 @namanganim24

#XOTIRA

📹 Бугун, 15 апрель – Шайх Муҳаммад Содиқ Муҳаммад Юсуф ҳазратлари туғилган кун (1952-2015)

Муҳаммад Содиқ Муҳаммадюсуфов 1952 йил 15 апрелда Андижон вилоятида таваллуд топган эдилар.

Агар Шайхимиз ҳаёт бўлганларида 73 ёшни қарши олган бўлардилар. Аллоҳ раҳмат қилсин, жойлари жаннатда бўлсин, омин!

👇👇 БАТАФСИЛ: 👇👇
https://hottg.com/+T-VYk_YPDCKqJPhy

🌐 namangan24.uz
👉 @namanganim24

#KUN_SANASI

🎭 Наманганда "15 апрель – Маданият ва санъат ходимлари куни" кенг нишонланди

Бугунги кунда вилоятимизда мусиқали драма театри, қўғирчоқ театри,  ихтисослаштирилган маданият ва санъат мактаби, болалар мусиқа ва санъат мактаблари, Ўзбекистон давлат филармонияси, “Ўзбекконцерт” давлат муассасаси, Ўзбек миллий мақом санъати марказининг вилоят бўлимлари каби 150га яқин муассасаларда беш мингдан зиёд хонанда, созанда, педагог, актёр-актриса, бастакор, режиссёр, дорбозлар изчил иш олиб бормоқда.

Қувонарлиси, ҳозирга қадар маданият ва санъат ходимларидан тўрт нафари “Ўзбекистонда хизмат кўрсатган артист”, бир нафари “Ўзбекистонда хизмат кўрсатган ёшлар мураббийи”, шуниндек юздан ортиғи турли даражадаги орден ва медаллар ҳамда “Ниҳол” давлат мукофотига сазовор бўлди.

2019-2025 йилларда Намангандаги 22 та болалар мусиқа ва санъат мактабидаги 391 нафар ўқувчи халқаро ва республика танловларида ғолибликни қўлга киритди.

👇👇 БАТАФСИЛ: 👇👇
https://hottg.com/+T-VYk_YPDCKqJPhy

🌐 namangan24.uz
👉 @namanganim24

#SPORT_TAYM

📹⚽️🏆 Ўзбекистон кубоги: "Водий дербиси"да кучлар тенг келди!

Бугун Давлатобод туманидаги "Марказий" стадионда мамлакат кубогининг гуруҳ босқич 1-тури доирасидаги "Навбаҳор" - "Нефтчи" учрашуви 1:1 ҳисобидаги дуранг натижа билан якунланди.

Марказий ўйинда аввалига "Нефтчи" ҳиобни очди. 49-дақиқада Зоран Марушич собиқ жамоаси дарвозасини ишғол қилди. Орадан ўн дақиқа ўтиб, фарғоналиклар майдонда бир киши кам ҳолда ўйнашга мажбур бўлишди. Иброҳимҳалил Йўлдошев ўйин қоидасини бузганлиги учун четлатилди.

Учрашув қўшиб берилган сўнгги дақиқаларда (90+6) бразилиялик легионер Гилерме Гедеш чалқанча акробатик услубда гол уриб, "Навбаҳор"ни муқаррар мағлубиятдан қутқариб қолди.

👇👇 БАТАФСИЛ: 👇👇
https://hottg.com/+T-VYk_YPDCKqJPhy

🌐 namangan24.uz
👉 @namanganim24