-

-
لگيت حساب مزخرف بديع.. زخرفة الحلية النبوية من أكثر اللوحات الي أحبها وأبقى أتأملها لفترة..

https://www.instagram.com/p/Cn6nzYCsfrP/?igsh=MW5kb3lqbHFhbzQ3Mg==

‏"والناسُ في رحلة الأيامِ أوعيَةً
‏للخيرِ والشَّر والإنسان يختارُ"

"حبيبةُ الورد، رقيقةُ النيّة
كأنّها الزهرُ في هيئةِ صبيّة"

-
التنشئة الدينية شگد مهمة!
شگد كفيلة بأن تصنع إنسان حقيقي
إنسان نافع وغير مؤذي وعنده حدود ونقاط حمرا وقوانين عظيمة!
تخلي الإنسان رقيب حاله بوجود وغياب القانون.

اليوم چنا مخلصين شغل والساعة قريب لوقت نهاية الدوام چنت داريد اروح اصلي احنه هيچي وقت مايكون عدنا شغل بعد، بهالأثناء إجى بيشنت كلشش ديتوجع ماخذ علاجات وحرفيا چان يريد يبكي من گد ما فاقد أعصابه ومنايم يگول سوولي أي شي، العلاج لحالته هو فتح السن وإزالة العصب وتعقيم داخل السن غير هيچ محيهدأ وحيرجعله الالم، فأختاريت أنو أشتغلله سنه وأأجل الصلاة.

الحمدلله خطية المراجع ارتاح، بنفس الوقت آني فكرت بديننا شگد عظيم ويريد يصنع مننا ناس زينة! بحيث يبدي تكليفك تجاه عملك ع فرضك وعمود الدين.

نفر البيشنت يحبوا 🥹🤣

صارلنا ساعة نتناقش اني والحجية ع اسنانها والحجي وولدها وقصة حياتها ونطتني حلويات وطلعت تگول للمراجعين هاي دكتورة لطيفة هنا حجزوا يمها🤣

‏-
مالي أرى وجه الأميرةِ ذابلًا
‏يا نور عيني، ما الذي يُبكيكِ؟

ضمَّني عندك يا مولاي في هذا الضريح..💔

الفنانة آنيي 😌
(تمرينات رُقعة، محاولات محاكاة)..

-

-

‏"و لِكُلِّ شَيء آفةٌ مِن جِنسِهِ
‏حتَّى الحَديد سَطا عَلَيهِ المبرد"

صباحكم توليبات..

-

-
أكو أقتباس دائمًا أحبه.. ما معناه كانت تگول انتَ مو قبيح بس أنت نظرت للمرآة الخطأ، يعني الإنسان جميل بذاته وماكو إنسان ما عنده صفات الجمال الي الخالق من علينا بيها، جمال الفكر الروح الشكل الجمال اله صور متعددة والناظر يختلف كل شخص ينجذب ويلاحظ نوع جمال يختلف عن الآخر حسب تفضيلاته.

بس الفكرة حلوة، مرات انت لفترة طويلة تعيش بعقدة معينة انك تشوف نفسك فاشل او محلو او عصبي او شخص سيء لكن بالحقيقية المرايا الحولك ماكانت تناسبك، لهذا دائمًا الانسان لازم يآمن إنو بداخله كلشي حلو رغم أخطاءه وعيوبه، وما يخلي انعكاسات المرايا الحوله يتطبع بيه ويصدقه.

وبيوم من الأيام حيصادف مرآته الي تبدي كُل النقاط الجميلة بي.

لهذا اختيار المحيط جدا مهم، فاذا ماگدرت تختار مرآيات محيطك على الأقل لا تباع لروحك بيها وتصدق إحباطهم.

سوالف طريق التدرج🤣

-

‏كَالعِيْسِ في الصحراءِ يَقتُلها الظَّمَا
‏والماءُ فَوقَ ظُهورِها مَحمولُ