شلونكم ،

زينين انتو 🖤 ،

شنو تردون أسولف ألكم ،

صالي فترة طويلة اني عسكري من فترة المراهقة لهسة
وهو يجوز حتى ما لحكت اراهق زي الناس ،،
جنت اتمنى اكمل دراستي وادخل الجو الجامعي .. لان جنت اقرة وانجح واشتغل
سبع ولهسة سبع
بديت من الصفر لحد ما كونت نفسي واموري. طيبة حاليآ
قدمت هواي عطاء للوطن للناس ل اهلي لليحبوني وللي احبهم ولاصدقائي وللغرباء والعابرين
شاركت بكل حروب العراق في بداية فترات. داعش وعشت وهواي الله دفع عني البلاء ليش .؟!
- يجوز لخاطري امي ممكن
قدمت هواي للوطن ..
خسرت هواي من اصدقائي الي توفو الله يرحمهم .
وخسرت امور اخرى ،
بلواقع اني ماخسرت الي خسرتة. نفسي
طاقتي
هواي مرو ناس بحياتي وبمرور الايام بدو يتلاشون واحد ورا الثاني ..
كل العلاقات عابرة وقليل الي يفكر بلمقابيل
كلش تاذيت وهواي تمرضت
اوكع وارجع اكوم واوكع وارجع اكوم
كلما يمر الزمن اني اتعب اكثر
التدخين الضروف الناس العسكرية كل شيء
بدة يتعبني اتمنى ارجع قوي مثل قبل
وصحتي زينة اتمنى تنمحى ال ٦ سنوات الاخيرة هاي وحتة احسني ماكدر اكمل بل الايام الجاية وية دوامي لان تعبت ومريض

ماكو شخص حقيقي راح يروح منك الحقيقي يبقى للابد وماكو شغله زينه راح ينقفل بابها بوجهك
كل إللي يروح مجان حقيقي ولا جان مُناسب
ممكن يكون ميريدك جنت انت مثل البراسيتول اخذ فتره رغبة منك وراح وبقيت انت مع طاقتك الي استنزفت
ماكو فرص ضايعة
ف كل إللي فاتنا مو إلنا
لحد الان اني انتظر جزاء يليق بية ولحد الان ما اجه وما اعرف ليش يجوز اني ما استاهل بس هم ما وكفت
صرت أحبها لروحي وبطلت اعذبها بالاعذار والانتظار والاوهام
جاي احاول الوان حياتي بس مداعرف شلون بس هم احاول
جنت اتمنى اصور فديو واحجي العالم الافتراضي ميوصل الانسان نفسه بالشكل الحقيقي .
و بعدها الكلمة تأثر
بعدها الكلمة تصنع شي ..
اتمنى اتجازة على كل احسان قدمتة بحياتي وبس

@mlk_haz 🖤🥀

تمر عليك فتره تشعر بيها شگد أنك شخص قوي من الداخل بالرغم من الضعف اللي تشعر بي ، لمن تذكر كل الأشياء السيئه اللي عشتها وكل المواقف الصعبه اللي مريت بيها ، تگول لنفسك شلون بعدني واگف على حيلي ، ما تنكر ضعفك ، وعاطفتك اللي تحطك بمواقف مو لازم تكون بيها ، ما تنكر كم ليله نمت بيها وأنت كاتم داخل قلبك زعل الدنيا ، وما تنكر كم مره شفت نفسك أنسان ما تستحق ولا تستاهل ، ما تنكر مرات ما تحب نفسك ولاتتقبلها ، ولا تنكر أنك حساس بزياده ، ووصلت لمرحله تشك بالناس الحواليك بسبب خوفك وضعفك ، بس بنفس الوقت أنت تعرف بأنك راح تتخطى كل هذا ، وتكون قوي ، وتعرف بأنه كل هذي الأشياء راح تخليك گد حالك وأكثر.

وبل الأخير
إني أحب أبو المواقف إللي يحسسني صدك إني مهم بالنسبة الة

حبُوا ألاغاني ألبشر ما يستاهلون ،