دیدار لەگەڵ خوێنەران!

دیدار لەگەڵ خوێنەران!

بەشداری مانگ له پێشانگای نێودەوڵەتیی کتێبی تاران

هاوکاران و هاوڕێیانی مانگ بۆ داواکاری کتێب پەیوەندی بە ژمارەی چاپەمەنیی مانگ بگرن و لەو ڕێگایەوە داواکارییەکانتان تۆمار بکەن.

📞 09140565001

"گرەوی بەختی هەڵاڵە" بەناوبانگترین ڕۆمانی عەتا نەهایی، نووسەری ڕۆژهەڵاتییە. ڕۆمانەکە جگە لەوەی کە خۆی بەسەرهاتی سەرنجڕاکێشی کچێک بە ناوی "هەڵاڵە"یە لە ناخی خۆیدا هەڵگری زۆریەک لە داڵغەکانی نووسەر و کۆمەڵگاکەیەتی. مەسەلەی سەرەکیی ئەو ڕۆمانە بەختی شکەستخواردووی هەڵاڵەیە، کچێک کە لە ڕۆژهەڵاتی کوردستان و لە شاخان و لە هەندەران ئەو جۆرە ژیانە ناژی کە خۆی پێی خۆشە و هەر جارەو کەسانێک پێش بە بەدیهاتنی خەونەکانی دەگرن. ڕۆمان ڕاوێژی شەڕی نێوان حکوومەت و شۆڕشگێڕەکان لە شەستەکان و ژیانی هەڵوەشاوی خەڵک بەبۆنەی ئەو مەسەلەیە و ژیانی شۆڕشگێڕەکان دوای بەجێهێشتنی شارەکان و بڵاوبوونەوە بە سەر شاخەکاندا و دواجار پەرتەوازەبوون بۆ هەندەرانە. عەتا نەهایی لە شێوازی "بازی زەمان" کەڵک وەردەگرێ یانی دەمێک ئێستا باس دەکات و دەمێک ڕابردوو دەگێڕێتەوە.
داڵغە و نیگەرانییەکانی نووسەر گەرچی نەک بە زەقی بەڵام بە وردەکارییەکی کەموێنە لە ناو ڕۆمانەکەدا ڕەنگی داوەتەوە، بۆ نموونە: پیاوسالاری، ژن بەسەرهێنان، ترس لە بوونی پەیوەندیی خۆشەویستانەی کچەکان لەگەڵ کوڕەکان، حەرام و تابۆ و ناشایست‌بوونی دەرخستنی خۆشەویستی لە لایەن کچەکان، سەرکوتی هەستی خۆشەویستی لە لایەن کچەکان، ڕەگەزی دووهەم‌بوونی ژنان، مەسەلەی شوناس (چ شوناسی نەتەوەیی چ شوناسی ڕەگەزی و چ شوناسی تاکی)، سەرلێشێواوبوونی تاکی کورد لە هەندەران و قبووڵ‌نەکردنی جیاوازییەکان و خواستی بابەکان لە سەر ئەوەوەی کە منداڵان دەبێ شوێن‌پێی بابەکان بکەون، دیتنی ژن وەک شەرەف و نامووس و ماڵ و موڵکی پیاو نەک تاکێکی سەربەخۆ و ملکەچی و بێ‌دەسەڵاتیی ژن یان خواستی ئەو مەسەلەیە لە لایەن پیاوەکان تەنانەت لە هەندەرانیش، بێ‌متمانەیی بە هەرجۆرە پەیوەندیی کۆمەڵایەتی و سەرکەوتنی ژنان و هتد.
عەتا نەهایی باس لەوە دەکات کە بیرۆکە و ئاکارە وەدواکەوتووەکانی کۆمەڵگا تەنانەت لە گرووپە شۆرشگێڕەکان و لە کۆچەرەکانیشدا لەناو ناچێ و بە شێوازی جۆراوجۆر سەر هەڵدەداتەوە، هێزێکی هێندە چڕی هەیە کە تەنانەت ژنێکی بوێری وەک" هەڵاڵە"ش ناتوانێت تا سەر لە بەرامبەریاندا ڕاوەستێت.

@MangPub

لێدوانێکی شێرزاد حەسەن سەبارەت بە کتێبەشێعری «دارشەقەکانی نیشتمان و دواهەمین ورتەورتی من.»

هەر یەکە و دارشەقێکمان گەرەکە..
هۆ نیشتمان
بە ڕۆڵە سپڵە و بێمروەتەکانت بڵێ..
با واز لە دەست و پەنجەی قرساو و چنگی نووقاومان بێنن
ئەو تۆزە خۆڵ و قوڕەی تۆ بوو…
دوامیراتمان
با کەس خۆی ماندوو نەکات.. دایە گیان
لێرەوە بۆ ناو جەرگەی جەهەننەم سەفەری عومرێکە هاوڕێیان
سوپاس بۆ دارشەقەکان و..
ئەو تۆزە خۆڵەی نێو چنگمان
سوپاس بۆ سروودە فریودەرەکانی تۆش..
ئەی نیشتمان..!

دارشەقەکانی نیشتمان و دواهەمین ورتەورتی من | شێرزاد حەسەن | شێعر | ٢٤٩ لاپەڕە

🌙 @MangPub

بەشداری چاپەمەنیی مانگ لە پێشانگەی کتێب لە شاری مەهاباد

١٦ی خەرمانان تا ١٠ی ڕەزبەر

شوێنکات: مەهاباد، تالاری وەحدەت
کاتژمێر ٩ی بەیانی تا ١٠ی شەو

@mangpub

سێ کتێبی نوێی چاپەمەنیی مانگ کەوتە بەردەستی خوێنەران:

1️⃣ ناوی کتێب: مێتاتیۆری
نووسەر: ئەییوب کەریمی
بابەت: کۆمەڵایەتی_سیاسی
ساڵی چاپ: 1402

ــــــــــــــــــــــــــــــــــــــــــــــــــــــــ
2️⃣ کتێب: شەدەی سوور
نووسەر: جەلیل ڕەحیمی
بابەت: کۆمەڵە چیرۆک
ساڵی چاپ: 1402 (چاپی دووهەم)

ـــــــــــــــــــــــــــــــــــــــــــــــــــــ
3️⃣ کتێب: ژانی گەل
نووسەر: ئیبراهیم ئەحمەد
بابەت: ڕۆمان
ساڵی چاپ: 1402 (چاپی دووهەم)
.......................................
🆔 @mangpub