أمل الشيخ 🔐💜 Webview Telegram

#أميرتي_قاصرة18
بقلم امل الشيخ

انا من يومي بحبها ، بحب ريحتها صوتها ،ضحكتها كلامها ، غبائها بحبها كلها ..
بحبها من هي وصغيرة وكانت بتكبر قدامي ! كنت بشوف حبي كل يوم بيكبر معاها !
بس كنت واهم نفسي ب اني اخوها ! اني سندها اني كل حاجة ف الدنيا الا حبيبها !
بس الدنيا قلبت الموازين وجات عكس كدةة !
بحبها وهي بتحبني !
___
نططت عيونها وقالت لي انت متأكد من كلامك دا ؟
قلت ليها اول مرة اكون متأكد من كلامي كدة!
سكتت وماقالت شي ! سكتت وانا مستني اي رد منها ،
اي كلمة ، لانها رغبة عمري وامنية قلبي واحلامي كلها °♡
قاطعتنا سمر وهي بتدق الباب وهي بتورينا انو وليد برة ، عاينت ليها مستني برضو كلمة بس خيبت كل توقعاتي !
استأذنت قبلي وطلعت ..
نزلت تحت وراهم سلمت على وليد وقعدنا انا وهو وسحر ، سمر مشت المطبخ !
بعد السلام والسؤوال عن الاهل والاخبار ، قالي طبعا انا من امس قلت ليك عندي موضوع مهم عايزك فيه قلت ليه ايوة صح قالي حقيقي يعني يا عزو ، شال نفسو ورجعو ، قلت ليو مالك متوتر كده بضحك جاي تخطب ولاشنو قالي الحمدلله انك فاهمني ! سمر جات مدت ليه صينية العصير كان متوتر وبعاين ليها كيف كيف ! قلت ليو ف شنو ي وليد انجز !
قالي ياخ بصراحة انا عايز اطلب منك يد سمر على سنة الله ورسوله ..
قعدت اضحك قلت ليو بالله دا الموترك ، معليش ليك حق والله ، والله طبعا ي وليد انت عريس م بتتفوت بس طبعا ف النهاية الراي راي البت ! نطت سحر قالت لي البت موافقة سمر ضربتا ف كتفها ! قعدو يضحكو ، ضحكت معاهم ايوا طابخنها يعني ! خلاص يخوانا الفاتحة ..♡
-بالنسبة لي فرحة سمر كانت بالدنيا ومافيها ° سمر كانت طايرة ب وليد السما ، سمر رجعت الزولة السكرة والمبهجةة !
الباب دق مشيت فتحتو ، لقيت جمان وناصر وعلي داخلين وجمان بتقول م كان ينفع افوت يوم زي دا وطوالي قعدت تزغرت ،، ناصر وعلي جو يبشرو ف وليد وعزو ، ابشر يا عريس !
ابششر ابشر
عملنا الشاي والقهوة وحقيقي كان يوم رهيب شديد مليان بالضحك والونسةة ..
لكن الغياظ ف الموضوع انها كانت قعدة اغلبيتها اسكتي انتي شافعة ، ي ستي انتي م فاهمة دا كلام ناس كبار !
قبل م يمشوا وليد وعزو حددو انو حيجيب ناس خالتي بعد اسبوع وحيعملو عقد غالبا ! ..
غسلت العدة ومشيت غرفتي انوم ! جاتني سمر داخلة بدون استئذان ي استاذة ! انتي مش مرة بي راجلك المنومك براك شنو؟ قلت ليها دا كلام جديد والله !انا من عرستا بنوم براي !
لالا مافي كلام زي دا ، من الليلة تمشي تنومي مع راجلك وتشوفي ماكل ولاجعان عايز حاجة ولا لا لازم تطيعي راجلك عشان م تخشي بيهو النار ! عاينت ليها واتغطيت !
جات جرت الغطا مني ! م بتكلم مع الحيطة انا ، انتي حاليا متزوجة وربنا بسألك ..
قلت ليها م بهمني !قالت لي استغفري ي بت ! عيب الكلام دا منك على فكرة امي لو حية م كانت حترضى ، عيوني رقرقت ، قلت ليها امي لو حية اصلا م كنت حعرسو ، م كان حيهمني يتغير علي ولا لا ، يعاملني او يفصل مني ! دا اتغير مني شهرين ي سمر؟ عشان قلت ليو بحبك ؟ فيها شنو لو قلت ليو بحبك !مش من حق اي وحدة متزوجة تقول لراجلها كدة ! معتز شال مني الحق دا ! دا قدر م يكلمني شهرين !شهرين قدر يعيش بدوني ! عايزاني ارجع ليهو بكل بساطة يعني ؟
انا مستحيل ارجع ليه وح استنى 18 سنة وح اطلق منو واشوف حياتي ! ولو سمحتي اطلعي واقفلي النور معاك خلاص ...
______
بعد اسبوع فعلا خالتي هدى وخالي ربيع ومرتو واولادو واعمام وليد وابوهو جونا البيت كان يوم جمعة قبل الصلاة بي شويية كان معانا جمان ف الغرفة وكنا بنجهز في سمر جانا معتز جوة قالينا صلحو لي العمة وكيل العروس وكدة ! قامت جمان قعدت تصلح فيها ومشت عليها سمر انا كنت عاملة بسرح ف شعري وم منتبهةة معاهم لحدي م سمر قالت ليهو هي سحر بتعرف حمرت ليها قالت لي امشي صلحيها لي راجلك يلا يلا وبقت تجرجر فيني كنت بعاين فوق بس م اشتغلت بيهو ظبط ليهو العمة ! جا ناصر بعدو الله كنت بفتش لي زول يعملا لي قام عزو قاليهو امشي عرس مرة تسويها ليك كرتي م حتعمل لي زول قاليو مرتك يعني بت خالتي يعني ست الشي وكل شي تعالي ي استاذة سحر ظبطي الشي دا ، كيتا ليهو مشيت ظبطها ليو وبقيت اتونس معاه ، انتو مدام م بتعرفو للحاجة بتتفولحو ليه قعد يضحك ي زولة دا عرس ود عمتي وود عمي لازم اقشر بالعمة قلت ليو واحلى عمة يا ناصر ابشر !
طبعا معتز كان حيطق وشو من الزعل كان داير ينفجر ! اتجاوزتو وجيت قلت ليه لو سمحت ممكن تطلع عشان نقدر نغير ! اداني عين حارة كدة وطلع ووراهو ناصر ، سمر وجمان شاكلوني شكلة لكن م هببته ليهم ،
كلنا بنعرف نكون كعبين !

660 views09:15