" لا ما على ماضي حياتي حسايف
وتزين بأمر الله .. يا عمري الجاي ".

الله الله يالدروب المستتتقيمه
كيف أجادل واحد ما هو بقدي

شرهة العاقل على النفس الكريمه
وأحتفظ بالرد في مزحي وجدي

يفرح الجاهل ويحسبها هزيمه
ما درى عيني لمثله ما تلدي.

يا مسَرة الأيام ويا قبلة الوجيه وأغلاها .

يا جعلنا لا خسرنا نخسر اللاش
ويا جعلنا لا كسبنا نكسب الجنه.

وأنت .. مثل الفزعة اللي ما تكرَّر
‏كل "طيّب" ودّه إنّك موقفٍ له .

يالله ياربي رحمتك والجنه
‏وحويجةٍ في خاطري خابرها

يالله بفعلٍ عن اهل الفعل يفرق
‏وحظٍ اليا قام ، ماقام يتلدد
‏ٰ
‏وسمعةٍ ماكنّها الا " العود الازرق "
‏اللي لامن حركوا جمره تجدد .

سلامي على اللي ماتغيّر مع الايام
‏ولا زال يذكرنا ، ولا زال صاحبنا .

‏منتظر من بيض الأيام ما يرضي الشفوف
‏ دام كل إنسان يُجزى على حسب عمله .