‏"معك مركب غرامي ما سأل عن مُنتهى مرساي
بكيفك خذ مجاديف العمر يا غربة أسفاري"

‏ردّ الكلام لمنبعه من مصبّه
‏من الغياب اللي مسجّل تواجد

‏أنا بسيط ولهفتي للأحبّة
‏لهفة غريب لصوت صدْح المساجد

‏أحيان يرضيني من اللي أحبّه
‏أقل من كلمة "أحبك" بواجد
ㅤ

سمحت من الهوى وأنت الهوى وياك! ماينعاف
عزوفي كان عزله عن دروب استنزفت عطفي

أحس أن كل لحظاتي بدونك فالحياة؟ إسراف
أبي لي عمر ثاني .. عمر واحد معك مايكفي

على الشوق المَلامه لاعليك .. ولا عليّ خلاف
جماهير الجفا ماهمها الجافي من المجفي

وداعي معذِره يالراحلين وللوداع أعراف
أعرف أشتاق .. ما أعرف أتمسّك في يد المقفي

"أعرف أشتاق .. ما أعرف أتمسّك في يد المقفي" يخرب بيتك

‏يا مسهّرتني في وساع نعاس
‏ما ينقصك في الحسن غير الظّن

‏انتي هلال العيد بين الناس
‏والمرحبا في كل ضحكة سّن

‏مستغرب أن إحساسك الحسّاس
‏يعرف يقسى ما يعرف يحّن

‏ليتك غصون و ليتني نسناس
‏ واهّب لك في كل روض اغّن

‏هذا القوام الأهيّف الميّاس
‏الله خلق هذا الجمال لمن ؟
ㅤ

‏ماخفت من ليلة وداعك كثر خوفي
‏تقفي وأنا أبيك .. وتعود وأنا سَامح
‏- مشعل بن ثروي

‏"من يوم حبيتك ماعاد أعرف الضيق
‏لا ضاقت الدنيا .. عيونك وسيعه"
ㅤ

هويتك قبل أدور في هواك أنفاس
‏ياقلبٍ ماتحن خِطاه .. لدروبي
‏
تحت فيّ المشاعر ماغفى وسواس
‏ولا نامت عيون الحب بغروبي
‏
يمر الصمت في بال العتب عساس
‏وانا ماعاد امر فبال محبوبي
‏
يارب ولاسواك أعلم بهالأحساس
‏لك أحني هامتي وأستغفر ذنوبي
‏
طلبتك لا تبين ضيقتي للناس
‏وانا اللي مادرى عن ضيقتي ثوبي
ㅤ

من البارح وأنا بين الكلام وصمتي المعهود
‏أحرر لك عبارات المعاتب وارجع اسجنها

‏حبيبي يا أكبر أطفال المشاعر و آخر العنقود
‏تحت عيني كبرت و وسط قلبي تامر وتنهى

‏ما حَزّ بخاطري غير الكلام الجارح المقصود
‏لو إنها "رميةٍ من غير رامي" ماعليّ منها

‏لا أعيُن الناس ستر ولا حكاهم غطا
‏وأنا يبو الذكريات لضحكتك أنتمي

‏وإن صار كل اللي مابيني وبينك خطا
‏قضيت عمري وأنا ما غير أزلْ قدمي
ㅤ

أح

‏ذنبي إن الأماكن كلّبوها صخب
‏وين ما أروح أحس الكون ماهو فسيح
‏قلت يمكن بعد ليله يطيح الحطب
‏و آه من ليلةٍ عيّا حطبها يطيح
ㅤ

أجاهر⁩ ⁦ بك⁩ لإنّك ما أنت ذنبٍ يرهق التوَّاب
‏أنا عبدٍ يخاف الله ولا قد جاهر ذنوبه

ولو تحجز "التذكرة" لـ اخر حدود البلاد
‏والله أن تفنى وهو في بالك "و تذكره"

‏قصر بال، وشح وصل، وقل دبره
‏والسؤال أجاوبه بـ "أدري" و "مدري"

‏والله إني حاسدٍ مثقاب الابره
‏يومه أوسع للهواء من ضيق صدري
ㅤ