Bugungi kunim juda chalkash o'tdi, to'g'risi.

Kecha Ispaniyaga safarim tugab vatanga zo'r kayfiyatda qaytgan edim. Oilam bilan yakshanbani maza qilib o'tkazamiz deb bir dunyo rejalar bilan kelgandim. Ammo, rejalarimiz Allohni ishlari oldida bir tiyin ekanini ertalabki yomon xabardan yana bir bor tushunib yetdim.

Endigina Turkiyadagi tabiiy ofatdan keyin ruhan o'zimga kelishni boshlayotgandim. Biroq, ko'p yillik va juda qadrdon bo'lmasa-da, men uni va u meni qattiq hurmat qilgan do'stimiz Farhod (MittiVine jamoasi a'zosi) omonatini erta topshiribdi. "Erta" deyishimiz ham xato aslida, taqdirda belgilangan umrni yashaymiz hammamiz. Ammo, Farhod hali o'z farzandini bag'riga bosmay ketganini o'ylasam, otasidan yoshligida ajralgani sabab endi onasi ham yolg'izlanib qolishini o'ylasam... Juda qiyin yaqinlariga, juda qiyin.

Bizdan esa uni haqqiga duo qilish va o'limdan xulosa chiqarib ish tutish qoldi xolos. Qo'limizdan boshqa hech narsa kelmaydi.

Farhod bilan dekabr oyida so'nggi marta xabarlashgan edim. "Happy time" ko'rsatuvimga taklif qilgandim va kun tartibi hafta davomida tig'iz ekani uchun rosa hijolat bo'lib goh qo'ng'iroq qilar, goh Telegram yo Instagramdan o'zi yozib uzr so'rab turardi. So'nggi tasvirga olish kunimiz - juma kuni ham tugay deb qolganida video xabar tashlab, shanba kuni tasvirga olish imkoniyatini ko'rib chiqishimni va 3 yildan buyon MY5'ga kelib muxlislar oldida hisobot topshirishi an'anaga aylanganini va kibrga berilib ketdi deb o'ylamasligimni so'radi. Afsus, bizdagi grafik mos kelmagani uchun juma kuni pavilionimizni yig'ishtirib tashladik va "syomka" bekor qilindi. Shu bilan esa Farhod bilan ko'rishuvimiz kelasi yilga emas qiyomatga qolganini bugun tushunib yetdim.
Bu bilan yana bir marta tushundimki, yaqinlarimizni qadriga yetishimiz uchun vaqtimiz juda kam ekan. Yaxshiliklarni ertaga olib qo'yib emas, bugun ulashib yashashimiz kerak rostdan ham. Erta uchun tuzilgan rejalarimizni o'xshash ehtimoli 1%ga, o'zgarib ketishi 99%ga teng ekan. Agar 1% bilan uddasidan chiqa olsak, bu bizni omadimiz va baxtimiz.

Bugun janozada minglab yetib kelgan odamlarni ko'rib ochig'i havas qildim va o'zimga-o'zim savollar berishni boshladim: Men o'lsam nima bo'ladi? Nima o'zgaradi? Nimalar qildim? Nimaga ulgurmadim? Janozamga shuncha odam to'planadigan darajada yaxshiliklar qila oldimmi? Javobi yo'q savollar. Xulosa qilish uchun esa ayni vaqti.

Bu postni o'qiguningizcha umringizning bir necha soniyalari meni deb sarf bo'ldi. Uzr so'rayman. Shu vaqt ichida qancha odam dunyoga keldi-yu, qanchasi ketti. Ketganlar safiga qo'shilib ketmasimizdan ozgina to'xtab, qaysi tomonga suzayotganimizni o'ylab olishimiz kerak menimcha. Yana bilmadim...

JM BLOG 👩‍🚀 Koinotdaman...

🤦🏻‍♂️ Oxirgi vaqtlarda sport turnirlari, blogerlarning sahifalarini ko'rib qimor bizda taqiqlanganmi yo legalmi, degan savolga javob topolmayapman. Yoki kim qaysi tomondan qanaqa qarashiga bog'liqmi? Masalan, futbolda bukmekerlik saytlari reklama qilinsa bu sportning rivojlanishi, futbolimiz moddiy foyda olishimi?

To'g'risi, juda tushunarsiz. Bunaqangi iflos qimorbozlik saytlarini judayam qattiq qoralayman. O'zimgayam deyarli har oyda so'ragan pulingizni beramiz deb reklama takliflari chiqib turadi. Shulardayam insof, vijdon, farosat... yo o'zi nimadir bormikan-a?

Agar birovni uyini, pulini, hayotini, oilasini kuydirib soqqa qilish va shu orqali sportga qiziqishni orttirish bo'lsa maqsad unda Yerni to'xtatib turinglar, men tushib qolay...

Agar fikrlarimiz farq qilsa, qimorni oqlasangiz, uzur, unda fikringizga virtual'no tupurishga majburman.

Bu haqida Kun.uz maxsus maqola ham chiqardi:
https://kun.uz/37779290

JM BLOG 👩‍🚀 Koinotdaman...

🎯 @ishdantashqari