‏انا رهين الحب من حبة الخال
‏اللي على عرش النهد مستقلة :)

على جيدها لو ذاب سلسالها معذور
‏أنا يوم ما أكتب فيه الأشعار وش عذري ؟

‏القريحه تحب اللي عليها يمون
‏كان ودك قصيدي كله يصير فيك

‏خوصري باليدين وسلهمي بالعيون
‏والقصايد تجي من نفسها ما عليك !

‏خذني من افكاري و من كثر ظنّي
‏الظن يرهقني ، بالايجاب و السلْب

‏و قلّي كلام يطمّن القلب لانّي !
‏محتاج لـ ادنى كلمة تطمّن القلب

‏من شاف وجهك و ركز فالقمر قال توم
‏بس القمر فالمجره و انت في المملكة

عدنا والعود احمد .

‏خلي البيوت العامره بالناس
‏ولا تسكنين الا قفص صدري

‏ما شفت شيٍ يخطف الانفاس
‏الا ابتسامة وجهك البدري

‏العين خدرا كن فيك نعاس
‏حتى لو انك قايمه بدري

‏الجانب العلوي يجيب الراس
‏وشلون عاد الجانب الحدري

‏اقري على الزين الفلق والناس
‏يمكن تصيبك عين ماندري

‏الهيام بتعريف ضيدان ابن قضعان :
‏معك من وين ما ذعذع هواك ومالتْ الفيّه .

‏في إحدى الرسائل القديمة وجدت وعداً بالبقاء

‏فارعٍ تلغي قبول الناس يوم تقبّل
‏تستفز الغيم ويضم الثرى بـ اشناقه

‏تسهج دروب المشاعر بالغيا وتذبّل
‏كل عرقٍ ما عليه من الطعون إللحاقه

‏الخواطر ترتجيها و الغرام مدبّل
‏وفي عذوبتها تموت الجمره الحرّاقه !

‏استفزي قلوب الحاضرين وتعدي
‏بالهضيم الهفيف وبالثقيل المعبّى

‏وإلعبي في مشاعرنا وحلي وشدي
‏لك هلاً ماتبيد ولك غلاً مايخبّى

‏واثبتي للعيون انك بشوط التحدي
‏شاردً ما تصاد ومهرةٍ ما تشبّا

‏أنتي ألين من الغصن الرهيف المندي
‏وأنتي أحلى وألذ من العسل والمربى

‏في كل حاجه لي قرار الا انت مالي بك قرار
‏أفرغت لك قطعة من اقصى الروح محد طبها

‏فأن شفت روحي تنتظر لقياك و تموت أنتظار
‏خذها " بيدها "و اقفل عيونك عليّ و خبها

‏ما اعاد ابي من لذة الدنيا بياض و لا سمار
‏غير أنت يا أخر من تعدى فالحدود و نبها .