| كل الخسارات خارج حدود عائلتك ما ألها أي قيمة |
مؤسف جداً انه الانسان ما يفهم حقيقة هالجملة حتى يعيشها..
ما اعرف إذا چان الموضوع شخصي ؛ بس حاس الدنيا مليانة مآسي..
خسارة روح غالية عليك ، أو الضرر اللي بيلحق ب أهم ناس بحياتك
ما كو بعدهن لا خسارة ولاندم

انجازاتي البسيطة التافهه المومهمة عند احد تخليني احب نفسي اكثر واكثر كل يوم

ضغوطاتك النفسية مو مبرر ابداً لقلة ذوقك

الحزن اللي يرجعك لربك احسن بهوايه من الفرح اللي يبعدك عنه

مهما چانت النتيجة تبقى المحاولة انجاز !

السَّلام عَلَيْكَ يَا أبا عَبْدِ اللهِ وَعلَى الأرواحِ الّتي
حَلّتْ بِفِنائِكَ ، وَأنَاخَت برَحْلِك، عَلَيْكًُم مِنِّي سَلامُ اللهِ أبَداً
مَا بَقِيتُ وَبَقِيَ الليْلُ وَالنَّهارُ ، وَلا جَعَلَهُ اللهُ آخِرَ العَهْدِ
مِنِّي لِزِيَارَتِكُمْ أهْلَ البَيتِ، السَّلام عَلَى الحُسَيْن ، وَعَلَى عَليِّ
بْنِ الحُسَيْنِ ، وَعَلَى أوْلادِ الحُسَيْنِ ، وَعَلَى أصْحابِ
الحُسَين.

21-9-2002
أليوم اكملت عَقدي الثاني 🖤

miss the old time

ماحب الاشياء التجي بسهولة والتقليدية ، الذ الاشياء اللي تجي بصعوبة عظيمة بحيث تتعب كلش يلا تحصلها
تستهلك وقت وجهد علمودها
تتعب وتسهر ليالي حتى تكدر تستمع بيها
اي شي يجي بسهولة يروح بسهولة
والاشياء اللي تجي بصعوبة راح تبقى محافظ عليها بدم بدنك
الخيارات السهلة المتاحة دائماً تكون لذتها مؤقتة
الانسان بطبيعته يميل للاشياء السهلة واللي متكلفة جهد
دائماً يدور طريق مختصر حتى اذا جان هذا الطريق وعر
دائماً يدور على اشياء رخيصة حتى اذا جانت جودتها اقل
الشي الاساسي هنا هو الصبر
لازم الواحد يصبر حتى يحصل اللي يريدة
لأن ماكو شي زين يجي بسهولة
واذا اجة بسهولة ف راح يروح بسهولة

I'm getting tired and I need somewhere to begin

اليوم چنت راجع من معاملة ومتنرفز وضايج وداتمشى حتى اخذ فورت ارجع بي للبيت لأن المسافة قصيرة نوعاً ما ماتسوه اخذ تكسي علمودها
ف اثناء مدامشي وگفت بصفي تكسي يسوقها رجال چبير بالعمر ف كلي اصعد
گتله ماريد حجي داتمشى لجوه الجسر مو مسافة چبيرة
كلي اصعد على حسابي ف اني گلت ليش لا وصعدت
اني بالعادة اخلي سماعاتي باذني من اصعد تكسي تجنباً للحوارات والتقصقص الماله داعي
بس من اصعد ويا كبار بالعمر ما البسهم لأن احب سوالف الكبار
ف مشينه شوية ووگفنا بازدحام
ف الحجي گال الحياة شگد حلوة
التفتت عليه التفاته خفيفه وگتله غريبة اول ابو تكسي اصعد وياه ويگول هالحچاية بدون ميتشكى من الحياة وصعوبتها وابتسمت
گال عمو هذولة اغبياء ، الحياة احنه اللي نقرر شون نعيشها سواء بالسعادة او الحزن
السعادة مامشروطة والحزن مامشروط
هذول اختاروا يعيشون بحزن وشكوى ودائماً تشوفهم معبسين وكارهين نفسهم
حتى لو چانت الحياة قاسية عليهم
هذا مو مبرر انو يقسون على نفسهم ويأنبوها
اني قبل اربعين سنة بعد وفاة والدتي واني چنت وحيدها
يگول قضيت شهور عايش بالحزن واعتقدت انو راح اظل هيچ طول عُمري وكأنو الحياة توقفت بالنسبه الي
بس فديوم صحيت من النوم وسألت نفسي
اني لشوكت حبقى هيچ حابس نفسي
اني ما استاهل اكون سعيد ؟
صح الله مارزقني اخوان يهونون عليه وحشة فراق امي بس هذا مو معناها ماعندي احد
اني عندي نفسي
ويگول من يومها اخذت عهد على نفسي
انو اذا ما اضحك من كل كلبي كل يوم اقل شي ٥ مرات اگول قصرت
وليومك هذا ما فديوم تولولت من شي
ولافديوم تذمرت دائماً اضحك وابتسم بوجه الناس واساعدهم گد ما اگدر
ورغم حالتي البسيطة اني احمد الله واشكره كل يوم سواء اشتغلت وانرزقت
وسواء رجعت للبيت بدون فلوس
گال اني طالع من الفجر ولحد هَسه مامصعد كروة وشفتك من بعيد دتتمشى جوه الشمس ماهنت عليه
رغم اني ماعرفك ولا شايفك بحياتي
بس الناس لبعضها ومثل ما الله سخرني الك اني متأكد الله راح يسخر الي ناس
هيچ الحياة تمشي ولهذا دائماً اكول الحياة حلوة والحمدلله
بعد ماخلص كلامه ووصلت للمكان اللي اريده
گتله : حجي الحياة صعبة وقاسية هواية
بس اللي يهونها ويخليها حلوة هي الناس اللي من امثالك اني راح انزل وحيبقى كلامك بگلبي اني حتى اسمك ماعرفته بس راح ابقى دائماً ادعيلك براحة البال وبالرزق وبالخير
والخير يندل اهله
وحاولت انطيه كروه بس رفض
و ودعته ونزلت

اني ما اگدر اشرح شگد هاي الكلمات البسيطة سعدتني وخلتني اعيد تفكيري بهواية امور بحياتي
هواية امور چنت ضايج منها ومعظمها اشياء تافهه چنت شاغل عقلي بيها ويومية ازعج نفسي بالتفكير بيها
خلاني اتأكد انهُ صدگ السعادة قرار وصدگ ماكو شي يستاهل نزعج نفسنا عليه
واللي يقرر يعيش بحزن مراح يخسر غير نفسه
وصدگ الواحد ميحتاج احد حتى يكون سعيد
السعادة كلها بكل انواعها تبدي من عندك
وتنتهي عندك
وكل اللي تحتاجه آنك تسامح نفسك و تحب نفسك، تعطف على نفسك، و تدعم نفسك.
‏أنت تحتاج الى نفسك حتى تكون سعيد

إدعوا لي أن تتسهل حاجتي
لعلكم اقرب الى الله مني ♥️

منذ صِغري كُنت انادى بأسم أبي
رغم حُبي الكبير لأبي لكني كنتُ انزعج في كثير الاحيان
لم تعجبني فكرة ان يتحاشى الجميع ذكر اسمي
كما لو انني اعيش في جسد شخص اخر او كأنني ظل شخص ميت ، حيث لاظل له
فقط اريد أن انادى ب ( أنا )كما احب
وعندما ذهبت الى مكان عملي الجديد
حيث انها كانت فرصتي الحية لأرتدي حروف اسمي للمرة الاولى
سألني احد الموظفين : من انت ؟
اجبتهُ بلا وعي : أنا ابن ابي

من يغرس شجرة، وهو يعلم يقيناً أنه لن يستطيع أن يجلس يوماً في ظلها، إنما هو إنسان بدأ على الأقل يفهم معنى الحياة. السعادة بسيطة للغاية، لكن من الصعب جداً أن تكون بسيطاً

هي اللتي من اجلها تشرق الشمس

ماراح تكدر تغير أنسان مؤذي حتى لو قدمتله سنين من الحب والأحترام

نحن شهود
على العالمين
ونحن
الآن
فى الهدوء الذى يسبق
العاصفة .

بحاول ومش بأيدي
انا عارف انك مش حقيقي ..

الفراغ اللي ديصير بحياتي مزعج