أنا الباســــــــــط أنا الرازق
كتابُ الخــــــــــالق الناطق
انه المافـــــــــوكي بس طه
علي ومثل الشــمس واضح

الفـــــلك بـــــــــيدي اديرنه
قســــــيمُ النـــــــارِ والجنه
بَمر مـــــــن الله أدير الكون
وعله متـــوني النجم طايح

علي انه علي ياهــــــو يوصل القدري
علي انه علي بيدي كلشي ضل يجري
علي انه علي فــــــــــي العسرِ واليسرِ

علي ولي الله علي ولي الله

ــــــــــــــــــــــــــــــــــــــــــــــــــــــــــــ

انا الكـــــــاســــــــر انا الجابر
ولامــــــــره بحـــــــرب خاسر
اذا كــــــــــض سيفي بالميدان
الخــــــــــيول عله الزلم تركب

اذا اشـــــــــتد الوطيس اشتد
عليُ الـــــــــفـــــــارسُ الأوحد
انا بكــــــــل الجـــــــهات اطلع
منــــــــي ولا يصـــــــح مهرب

علي انه علي ســــــــــر الباري بعيوني
علي انه علي عالي ومايــــــــــلوحوني
علي انه علي هنــــــــــيال اليحبوني


علي ولي الله علي ولي الله
ــــــــــــــــــــــــــــــــــــــــــــــــــــــــــــ

انا امرجع الشــــــــــمس بيدي
نــــــــــزل مـــــــــن الله تأييدي
علي انــــــــــه حبـــــــــيب الله
الدنيه ابكـــــــيفي امشـــــــيها

انا الكلــــــشي خـــــضع لسمي
مـــــــن رب الســـــــمه عزمي
انا الـــــــذل العــــــــده بسيفه
وانـــــــا الخاســــــف اراضيها

علي انه علي ياجــــــــف يكدر الجفي
علي انه علي كلشي تحــــــير بوصفي
علي انه علي متــــــجي للسمه جتفي

علي ولي الله علي ولي الله

ــــــــــــــــــــــــــــــــــــــــــــــــــــــــــــ
وليد الكــــــــعبه انـــــــا حَيدر
وانا القــــــــلع حــــــصن خَيبر
الزلم تشــــــــهدلي بالخــــندق
جهــــنم سيــــفي من يغضب

قبائي الاصــــــــفر امن البس
الهوه بالكـــــــــوه يتــــــنفس
وخلي الخــــيل تـــــردم خيل
ماكو اكبالي شـــــــــي يصعب


علي انه علي لمـــــحد يشبه ارسومه
علي انه علي لو كض سيفي بالحومه
علي انه علي ذاكه يــــــنزع اهدومه


علي ولي الله علي ولي الله

ــــــــــــــــــــــــــــــــــــــــــــــــــــــــــــ

انا خلـــــــــفي الوحي يصلي
الملائك كلها تســــــــــجدلي
علي انـــــــه كـــــــفو الزهراء
على اللـــــوح اسمي مسجل

أمــــــــــرها الدنيه بجفوفي
سلام الله عله احـــــــروفي
جـــــــــبير الساده انا حيدر
أعدل الماهــــــــــي تتعدل

علي انه علي بحــــــروفي البحر يغرك
علي انه علي ميزان العــــــدل والحك
علي انه علي موت احــــــمر اذا ازهك

علي ولي الله علي ولي الله

ــــــــــــــــــــــــــــــــــــــــــــــــــــــــــــ

انــــــــــا الغالب انـــــــا الراهب
عليُ ابــــــــــن أبــــــــــي طالب
انــــــــا الباطن انــــــــــا الضاهر
انــــــــــا ليث الحـــــــرب حيدر

الهــــــــوه والــــــــماي والانهار
تمــــشي بكيــــــــفي انا الكرار
عليٌ صــــــــاحــــــــــبُ النشرِ
انــــــــا الساقـــــي عله الكوثر


علي انه علي ماصح مثلي ابد حاكم
علي انه علي خيري مغــــرگ الوادم
علي انه علي ماضــــــيع تعب خادم

علي ولي الله علي ولي الله


ــــــــــــــــــــــــــــــــــــــــــــــــــــــــــــ


#حسين #عبد #الزهرة #الدراجي

.



دمعتي بجفني اضمها موش اهلها
المحنه الشام خويه موش اهلها
انا من سرب ضعني موش اهلها
عزيزت روح عمتها رقيه

حسين عبد الزهرة الدراجي

ياعيد ماريــــدك تجي بفراك ابونه
ياعيد گبلك والدي غُمضت اعيونه

حيدر ضمه التراب وجرح الفركه ماطاب
ــــــــــــــــــــــــــــــــــــــــــــــــــ

عمت عيني الاعز من روحي ضمه اتراب الكبور
مشه عني وبقيت انه يتيمه وكلبي مكسور
ودمع فكده مثل المطر فوك اخدودي منثور

صعبه ينحط بالكبر
العندي اغله من العمر
حسره تخنك بالصدر اه

منه حارمني الدهر
بعيني مرسومه الصور
وعودي بالفركه انكسر اه

ياعيد مافك حزني بيك ولا اعايد
ياعيد بيك اشيفرح الفاكدله والد

يبقه ابسود الثياب وجرح الفركه ماطاب
ــــــــــــــــــــــــــــــــــــــــــــــــــــــــــــ
مشه الغالي وبقت بس صورته فوك الحياطين
يكون ابجي عله فراكه لحـــــد ماتنعمي العين
يهـــل وادم تره يتــــعب غياب الكلبه احنين

غالي عن عيني مشه
وداره ضلت موحشه
الجيته رمشي فارشه اه

حيدر نايم ابلحد
ماظن لداره يرد
وانه كلبي منمرد اه

ياعيد تره التفكد ابوها اتموت سكته
ياعيد اريدن حيدر وما اريدك انته

ذابح روحي الغياب وجرح الفركه ماطاب

ــــــــــــــــــــــــــــــــــــــــــــــــــــــــــــ


كضت روحي بعد عيون حيدر شلي بالروح
بحر دمعي يغركها السفن وشراعها النوح
ولا ريده الكلب لو ساعه بعده ايبطل النوح

حزني لعيوني وطن
والله غدار الزمن
يتم حسين وحسن اه

وليرحل عنها ابو
تبقه بالدنيا شكو
تفكد أحضان الدفو اه

ياعيد تمنيت اويـبوي الموت والله
ياعيد شني ضلتي وبوي اللحد ضماه

جبدي من الهضم ذاب وجرح الفركه ماطاب
ــــــــــــــــــــــــــــــــــــــــــــــــــــــــــــ

صدك وسفه تشم بنته النسيم وما يشمه
لون بيدي اعوف البيت وسكن كبر يمه
علي ليله مشه وصار العمر بغيابه ضلمه

جنه نتفطر سوه
يحبني ويشمني هوه
يترك جرحي بلا دوه اه

صارت شفافي خشب
هدم اركاني التعب
مغطه بتراب الذهب اه

ياعيد من حيدر ابوي انه انحرم ليش
ياعيد شفت جرحه عميج وموش بريش

ودمعتي مغركه الحجاب وجرح الفركه ماطاب

ــــــــــــــــــــــــــــــــــــــــــــــــــــــــــــ

عله متوني تضل ريحت جفوفه شما لزمني
اشم بيها ششم من راح من عدها حرمني
اخذ كلشي واحس بالعمر بعده مايهمني

ماكو منك ياعلي
بيتي من دونك خلي
راحت بويه ادللي اه

ذني ايام الدمع
حسره وتجوي بضلع
ونتي صارت تنسمع اه

ياعيد راح الليله حيدر مني ياعيد
ياعيد لون فص عيني اذبه افكده ميفيد

دمعي ابفكده سجاب وجرح الفركه ماطاب

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

حكهم يـــــــــــغارون منك ياعلي
منيلهم مثلك يبو جــــــف الثكيل
همه عــــــدهم زلمه شرد بالقتال
وانت زلمت الله حماي الدخيل

هله يالبعــــيونك غضب رب السمه
ثكل سفيك بيدك جمد فوكه الدمه

طولك بــــراعه يابو الشجاعه
تخضعلك الروس سمعا وطاعه

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

من تضيك الثامك الدنيه تضيك
علي انــــت وبالحرب تندب علي
سيفك من اترفعه تركعلك روس
لافقار لـــــــــه فـــــــقارك ياولي

فقارك من يزعل تحومر وجنته
بيمينك لو شلته تخوف لمعته

اشـــــــجع مقاتل مفحط الصايل
بيهم صحت صوت هل من منازل

مولاه علي مولاه علي

ــــــــــــــــــــــــــــــــــــــــــــــــــــــــــــــــــــــ

هلا يمـــــــــشمر زلمها على الزلم
منك وتبــــــطل بعد جلمت شهم
الزلم تتلــــــمس ركبها من تفوت
سيفك يمر عــل ركب مثل الحلم

التلوحه بفقارك تشيم ضربتك
بزر بزره بضهره تموت بسطرتك

ليث المعارك بالحومه ضاحك
الله بضـــــربتك يزيد ويبارك

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

للحرب من تنوي يافحل الفحول
الزلم منك تلــــــبد بسد الخيول
فــــــارس الهيجائي قتال العرب
لغز اسمك حير أصحاب العقول

يسر الله وحلك صعب كلش صعب
علي القاهر سيفك اذا طب للحرب

سر الله حيدر جف الله حيدر
باب الله حيدر وجه الله حيدر

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

الله جاعل بيك سر كلش عظيم
انت بسم الله الـرحمن الرحيم
انت قرآن الله يقراك للرسول
ياعلي وانت صراط المستقيم

يسر الله الاعظم منو يشبهك منو
يحيدر للزهرة فقط انت الكفو

سيد البريه حامي الحميه
تبقى انت حيدر روح الزجيه

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ


حسين عبد الزهرة الدراجي

انه واحد بالحرب مالي مثيل
انه رب الزلم حماي الدخيل
فالق الهاماتي في سوح الوغا
قوتي من قوت الرب الجليل

انا لذي سمتني امي حيدره
الانزع الهزبر وليث القسوره
سيفي قاطع كل نحور الكفره

انه زيزوم الحرب
ريح صرصر من اهب
بيدي طشرت الزلم
مثل طشار الشلب

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

انه شالع بابها الماينشلع
انه حارك روسها شلون الشمع
انا سيف الله لا اخشا القتال
سيفي يحجي والركاب التستمع


علي انه الاسمي مخطوط بذهب
فارس الهيجائي قتال العرب
الراهب الغالب انا للشيمه رب

الحرب من تشتد اشد
انه لي حطلها حد
من يرك حيلي اصيح
علي ياحيدر مدد

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

انه سيف القدره قادر مقتدر
انه الملاكيها مو ذاك اليفر
الموت واحد وانه واحد بالحروب
انه المراويها نجمات الضهر

انه المشمر زلمها على الزلم
بكيفي اطشر بيهم بكيفي الم
الحومه من اتشوفني ادخل تبتسم


ماترف عيني من اطب
سيفي ابد ما ينغلب
علي انه العالي دوم
سيد الحب والحرب

علي مولاه علي مولاه

ــــــــــــــــــــــــــــــــــــــــــــــــــــــــــــــــــــــ

انه حلال الصعايب والشدد
وانه محيي امواتها بذن الصمد
لا فتى له علي جبريل صاح
وكل ملك يندبني ياحيدر مدد

انه مجري انهارها واحيي واميت
من فمي يطلع درر كلما حجيت
انه بيت الباري صار الروحي بيت

ابمولدي اسمع مايلي
انشك جدار الكعبه لي
فوك عرش الله انكتب
لا ولي له علي

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

مولد الإمام الحسن ع


حرت بيش ابدي بيك وشرد اوصفنك
جمالك يالحسن ماينـــــــوصف بشعار
الاهك صـــــــــايغك من طينة الزهراء
الكمر يم لون وجهك لونه اسود صار
عنك شـــــــــــرد اكول وانت يامولاي
من زغــــــرك وتشــــــــبه حيدر الكرار
ازهــــــرت دنيانه كلها وبزغ بيها النور
ومــــــــــن مهدك تشع ياسيدي الانوار
فرح عـــــد ال هاشم صار راعي الجود
بوصــــفك يبو محمد عقلي ضل محتار


.
حسين عبد الزهرة الدراجي

اجمل بشر شفته

الرادود حمزه الرميثي

حسين عبد الزهرة الدراجي

مره الخيمتي انضر مرلكم
ذبايح والضعن عمده مرلكم
يهل هاشم مشت وسفه مرلكم
على ناكه ويالغرب راحت سبيه

سواد العين بويض منيراهه
بوجودك جان زينب منيراهه
رقيه منيدي خولي منيراهه
ويجرته التفت راس حسين ليه



حسين عبد الزهرة الدراجي

انه زيزوم الحرب

الرادود يحيى البنداوي

حسين عبد الزهرة الدراجي

شكرآ لله

علي مولاه علي

الرادود علي احمد الكيشوان

حسين عبد الزهرة الدراجي

شكرا الله

يمته يــــــاثار الله تاخذ ثارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

كـــــــــوم ســـــــل بتارك وليها استعد
عدنه ثــــــــــار وثــــــــــارنه لازم يرد
نحرك الهــــــــــجمو عله اديـــار الورد

ولاترحمه الشــــــغل نار بدارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حان وكــــــــت الثار يـــــــابن فاطمه
بعد مانســـــــــكت وحك رب السمه
بالبقـــــــــيع اكبور عـــــــدنه مهدمه

كافــــي نايم بالغــــــمد فقارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

الدم يندهــــــك اكــــــعد ولم الحجي
كافي يوميه عله جــــــــرحك تنتجي
كلي عــــــــــد يابير همك تشتجي

وعدمن مخلي يمهدي اسرارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سنين صـــــــــارلنه الضهورك ننتضر
واحنه منـــــــــتضرين منك بس أمر
الذبحو اهلك مــــــــــايفيدلهم عذر

الطلعتك منتــضره كل انصارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

هـــــد يمن بيك الله جاعــــــل قوته
يابوجــــــــــف المـــــــايثني بسطرته
الحرك دارك كــــــوم وحـــــرك لشته

خل يهب عله الخليفه اعصارك
وتحرك أصحاب السقيفه بنارك


ــــــــــــــــــــــــــــــــــــــــــــــــــــــــــــ

كــــــــــوم ياحيل الله وسرج مهرتك
وخلها فــــــوك امتونك اترف رايتك
بســـــــم ثــــــار حسين أعلن دولتك

وخل تصل سابع سماء اخبارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

سيفك اشـــــــتاك اليمـــــــنتك يالابي
يابو صـــــالح كــــــوم رد ثار السبي
ودوس باجــــــر شكو شارب ناصبي


وخل بذنهم يدك صوت انذارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

ذنــــــــــي ثاراتك وبـــــــــد ماينسن
عيون كـــــــل عاشك لـــــك يتنطرن
بيدك الحــــــــــل والعكد يبن الحسن

بالعدل تحـــكم الباري اختارك
وتحرك أصحاب السقيفه بنارك
ــــــــــــــــــــــــــــــــــــــــــــــــــــــــــــ

يمته تشرق شمسك وتضوي الارض
اشكد بعـــــــدلك يبو الغيره وتنتهض
متنه وبجيتك يــــــــــرد بينه النبض

انعيش من نشتم يمهدي ازهارك
وتحرك أصحاب السقيفه بنارك

ــــــــــــــــــــــــــــــــــــــــــــــــــــــــــــ

حسين عبد الزهرة الدراجي

باجر  باجر  بسم الحسن صيحه حسينيه
   باجر  باجر  ارض البــــقيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

بسم الحـــــــــسن مهــــــــدينه باجر يطلع
وحــــــــتمن يــــــــــرد الثــــــار لهله مربع
نبني الـگُــــــــبب والضــــــــــرحه تتوسع
وبرواحنه مــــــــــو بالــــــــــذهب تترصع

  باجر  باجر  كبه ومناره انشوف مبنيه
باجر  باجر  ارض البقيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

  اربــــــــــع كبب باجــــــــــر نجي ونبنيها
ويه ابوصــــــــــالح مشي نــــــــدخل ليها
وبكل شــــــــــرف ننصب مــــــواكب بيها
وبســــــــــم الزجيه فــــــــــاطمه انسميها

باجر  باجر ترف عل كبب رايه سماويه
  باجر باجر  ارض البقيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

بثار البـــــــــقيع بكــــــــــل زمـــــان انطالب
ماباقي شــــــــــي كــــــــــرب ضهور الغايب
باجر نطــــــــــبها ونســــــــــحك اكبر شارب
  نســـــــــتعرض اهــــــــــناك احنه بالمواكب

باجر  باجر   ولأم البــــــــــنين انقيم تعزيه
  باجر باجر   ارض البقــــــيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

حطينه ايــــــــــد ابـــــــــيد وتــــــــــوحدنه
والمهدي بــــــــــس مــــــــــاغيره ابد قائدنه
شـــــــدينه الحــــــــــزام وله اتحــــــــضرنه
  شيب وشــــــــــباب الجــــــــــيته اتحشدنه

  باجر  باجر   مابينه ليكول انه شعليه
   باجر  باجر  ارض البقيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

شــــــــــد حيله ولـــــــها اتحضر ابن الساده
كل الهـــــــــله بالــــــــقائــــــــــد عله القاده
المهدي يــــــــــرد الــــــــــثار ربـــــــك راده
واحــــــــــنه عله مــــــــــوده اركابنه سداده

  باجر باجر  هوه اليجيبه الثار مهديه
باجر باجر ارض البقيع اتصير شيعيه

ــــــــــــــــــــــــــــــــــــــــــــــــــــــــــــــــــــــ

#حسين #عبد #الزهرة #الدراجي

ليلة امس

🎤الرادود مسلم الوائلي

📝🖋حسين عبد الزهرة الدراجي

شكرا الله

.



.



.

بسم الحسين ع

منهجي يبقى حسيني وجعفري
واعز من امــي انه عندي منبري
بيها اتباها الخدمة محلاها

منهجي يبقى حسيني وجعفري
ــــــــــــــــــــــــــــــــــــــــــــــــــــــــــــــــــــــ

جلمه ماخذها عله نفسي لحضه ماعوف العزاء
شنهي نفعه العـــــــــمر بالله بلا لطم وبلا بكاء
اعز من امـــــــــي وبوي لحضه عندي بكربلاء
كلشي بيها الدنية فــاني وبس للحسين البقاء

حسين بس حسين غيره ماريد
هوه أقرب ليه من حبل الوريد
سنيني ضواها الخدمه محلاها

ــــــــــــــــــــــــــــــــــــــــــــــــــــــــــــــــــــــــ

احله شي بالدنيا عندي الخدمة والدمعة الصدك
وما اريدن لحضه وحـــــده ويه هالخدمه افترك
انه بسم حسين كلــــــــبي ياخــــــــلك لمن يدك
ومن جمر خيــــــــمة رقيه روحي اريدن تحترك

يا اللهي بجاه حــــــــــزن ام البنين
كون اصيرن كلي دمعه عله الحسين
روحي تهواها الخدمه محلاها

منهجي يبقى حسيني وجعفري

ــــــــــــــــــــــــــــــــــــــــــــــــــــــــــــــــــــــ

الخادم اسياده تــــــــذله وما تخــــــــليله مقام
بس الحسين اليـــــخدمه تاج ينحط عله هام
خصه اذا خــــادم تشوفه بوجها اثر نار الخيام
هذا عند الزهرة غالي العايش الخدمه بهيام

الخدمه بسم الزهرة تبقه دايمه
من الله شيريد التشكره فاطمه
الموتي وياها الخدمه محلاها

ــــــــــــــــــــــــــــــــــــــــــــــــــــــــــــــــــــــ

انه والمنبر عــــــــــلاقه وحب عظيم من الزغر
كبل ماجنت الفض اسمي جنت احب لطم الصدر
وجانت اتلوليلي امــــــــــي بسم الحسين اشكثر
الله لايفاركني ويــــــــــه الخدمه ادعي بكل فجر

الخدمه هيه امــــي وموت عليها
ان شاءالله لحد موتي اضلن بيها
كلبي راداها الخدمه محلاها

منهجي يبقى حسيني وجعفري

ــــــــــــــــــــــــــــــــــــــــــــــــــــــــــــــــــــــ

هال مجــــــــالس رحمة الله ويربح البيها حضر
والبــــــــــجه دمعه عله زينب يكبر بعين الكمر
صفي نيتك وي امـــــامك الصفه نيته ماخسر
وكل عزه تحضره اريـــدك تدعي بس للمنتضر


ادعي للمـــــــهدي يعجل طلعته
بخت عدك كون تحضه بشوفته
جيته ردناها الخدمه محلاها

منهجي يبقى حسيني وجعفري

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي