مهداة العلي.   من نفسِ علي
           للمولى العلي
           _____
من عالمِ التكوين قد بُعثتُ
اني لِبيتِ فاطمٌ وجِدتُ
من حيدرٍ ونفسه خُلِقتُ
وهديةُ الباري اليهِ صِرتُ
مهداةٌ الى.       ذو اصلِ الولى
             اني للولي
       ____
إني لبيت حيدرٍ هديه
من باريءٍ ذو حكمةٍ عليه
صرتُ له مطيعةٌ رضيه
حتى انالُ من رضى الزكيه
طعتُ المرتضى.   قد نلتُ الرضى
           فاطمه ترضى لي
           ___
قد سافرت عن حيدرٍ حياته
لكنهُ في صبرهِ  ثباته
صبراً جميلاً واضعاً صفاته
والله قد عوضه مهداته
عن ذا صبرهُ.     بي عوضهُ
           من ربٍ جلي
            ___
من أفضلِ الطينةِ صار لحمي
من طينِ حيدرٍ تقوى عظمي
وبعلمهِ قد صار كلَ علمي
وصرتُ عالمةٌ وزاد فهمي
ذا فخري انا.   قد نِلتُ الهنا
         منذُ الأزلِ
           __
شكري لربِ ماله قطيعه
لانَ عمري لعلي وديعه
ولولدهِ خادمةٌ مطيعه
وصرت ذي منزلةٍ رفيعه

خادمةٌ لِهُم.        قد صرتُ بِهُم
       عالي منزلي
             __
#حسين_علي_الياسري
    

فَاطِمٌ أُخرى لِحَيدَر
فِيكِ وَصْفٌ فِيهِ كَوثَر
فاطميه بالوفاء
كوثريه بالعطاء
أُمُ عَبَّاس.      أُمُ عَبّاس
     #########
الله سبحانه وجلاله.           كلشي قدر واقتدر
وخله ميزانه العداله.          حاكم بعدله البشر
ماحرم انسان كطره.           الا رجعهه بحر
وحيدر الكطعوله زهره.       تحمل آلام وصبر
فِعلهُ قد كانَ صبرا
فجَزَاهُ الرَبَّ خيرا
خادمة وزوجه بولاء
كوثريه بالعطاء
أُمُ عَبَّاس.      أُمُ عَبّاس
          #########
قدر الباري بحكمته.           حيدر يعوضه حنين
فارك رويحة شبابه.            عوضه بأم البنين
تعينه باليبقه اعله عمره.        تبقه اله خَيرَ معين
تعينه عن جروح كلبه.           تصبره في باقي السنين
أُمُ صَبّرَاً وأُمُ غِيرَه
تُنْجِبُ بَدْرَ العَشْيرَه
اليصبح الدينه عطاء
كوثرية بالعطاء
أُمُ عَبَّاس.      أُمُ عَبّاس
        ############
بالوفه خلت مناقب.               تنذكر من تنذكر
زهره في بيت النبوه.             وبالوفه فاحت عطر
جابت الحيدر نشامه.            حكهه بيهم تفتخر
أنْجَبَت كَفَّ الولايه.                وربته الحيدر ذخر
أنْجَبَت سِرَ الحُسَينَا
دُونَ كَفَيهِ هَوَيْنَا
بجف ابو فاضل ولاء
كوثريه بالعطاء
أُمُ عَبَّاس.      أُمُ عَبّاس
          #########
الله منطيهه كرامه.             تكضي حاجات وشدد
الله جازاهه وكرمهه.           جي ولا خلفت عهد
تكضي حاجات الخلائق.       بفاتحه وهذا وعد
مو عواطف واحجي بيهه.      تجربه وعن معتقد
أيَ مُحْتَاجٍ بِشَدَه
يَقْرَأُ لِلرَّبِ حَمّدَه
تكضي وينول القضاء
كوثرية بالعطاء
أُمُ عَبَّاس.      أُمُ عَبّاس
              ##########
حملت الدنيا بكبرهه.           وحملت جروح ومحن
فاركت حيدر عمرهه.           وبعده سم ابنه الحسن
شافت الدنيا شزغرهه.          من عذابات الزمن
واخر اجروح ومصايب.          فركة اقمار ووطن
فَقْدِهِمْ صَارَ نَصيبُ
أمْسَى في قَلبٍ مشيبُ
من حزنها بالسماء
كوثريه بالعطاء
أُمُ عَبَّاس.      أُمُ عَبّاس
            #########
الوفه من عدهه يبدي.         لو بده بكلشي ونوه
مااجت بالطف ولكن.          مرت بهيئة هوه
على راية ابو فاضل. رفرف بحبهه اللوه
منهه نور اتسمه كافل. بظلمة الطف شع ضوه

إسمُها بالطَفِ عالي
بَدرُها نُورُ الليالي
جان ابو فاضل ضياء
كوثريه بالعطاء
أُمُ عَبَّاس.           أُمُ عَبَّاس
       ###########
#حسين_علي_الياسري
07700133400

بمولود البتول بافراح ونگول
صلوا اعلى النبي المختار هادينة
######### #######
هالليلة الفرح مرسوم بشفاي
بمولد فاطمة كوم افرح وياي
يشيعي كوم وافرح والفرح جاي
صرنة احنة ورود وفاطم الماي
للشيعة ورود بالجنة خلود
هيج الزهرة تفرح تفتخر بينة
صلوا اعلى النبي المختار هادينة
####### ########
هليلة التهاني تبعث الناس
هاليوم الفرح ساكن بالاحساس
شيعة بكل فخر ونرفع الراس
نبعث بالتهاني باسم عباس
ننسى كل جرح نبعث بالفرح
والحيدر علي نبعث تهانينة
صلوا اعلى النبي المختار هادينة
####### #######
هليلة السمة فرحانة بالصار
تمطر بالفرح وتروي الاشجار
فرحانة السمة كلهة والاقدار
بمولد فاطمة بنتك يمختار
فرحانة السمة بمولد فاطمة
فرحانة وتشارك كل اغانينة
صلوا اعلى النبي المختار هادينة
######## ######
فرحانة الطيور اليوم همين
فرحانة بولادة ام الحسين
تصفگ بالجنح چي ماكو چفين
مثل عباس تصفگ بالجناحين
فرحانة الطيور وتغني بسرور
فرحانة وتغرد بالفرح لينة
صلوا اعلى النبي المختار هادينة
######## ######
#حسين_علي_الياسري

متباركين بولادة سيدة الوجود ام ابيها فاطمة الزهراء عليها السلام

ذكر علي عبادة

انت اول في تدورك
شمس ربنه وتلبد بضل من خيالك
يالجمالك ماخذ افكاري جمالك
ردت اوصفك
بس شفت حتى الكلام
اليم جمالك ماله معنى
تاخذه وتجيبه صفنه
انت ياابو تراب گالوا
بس شفت حتى الحرير
يقبل تراب العليه جدمك يسير
وانت في مقياس ربك
انت بس وحدك أمير
وجاذبية حب لگيتك
واليجذبه احساس حبك
حتى لو أعمى بصير
هواي جانوا
يمك وشافوا عيونك
لچن عميان البصيره ومارعوك
وچان جذبه الشوف عدهم
بس سراب وضيعوك
ومنك اغتاضوا لأن فعل الله انت
اجتمعوا بحقد الضغينه وحاربوك
واسسوا تاريخ زائف
كله ضدك
وصوبوا گلبك ولكن ما محوك
انت وي ذكر الله باقي
انت مو ذكرى وروايه
وچم كتب تگدر تلمك
هو بس الله ومحمد
غيرهم محد يفهمك
ولهذا الباري قرر
صوابك بوكت الفريضه
حتى ذكرك يبقه شامخ
ويصبح الدينه فريضه
وطبروك وانت ساجد
وبيهه فرض الصبح چان
يأدي ذكرك
والأرض متنفسه چي گربهه ثغرك
وسيف أشقى الاشقياء
قرر ابغضه ايتجرأ
يطبر براسك العالي
ضنه يوصل للمعالي
وسال دمك عالارض واغتاض ربك
بعد ما تسوه الأرض يرعاهه حبك
وصارت الدنيا وشكو بيهه يتامه
ومابقت بيهه سلامه
الف ياوسفه عليهه
بدت الدنيا جمالك
ومارعت كلشي بوصالك

#حسين_علي_الياسري

الشاعر حسين علي الياسري:
يزينب دم على عيني احس بي
وجرح فرگاچ انه بگلبي احس بيه
يخيتي اشچم جرح بيه احسبي
جرح فرگاچ اعظم من اديه

زينب تشكي حالتهه والمهه
تشكي لحيدر الصاير و لامهه
حسين مگطعه جثته ولمهه
علي السجاد من فوگ الوطيه

زينب بعد اهلهه راح املهه
وبين اعداهه مامش راحم الهه
چلمة خويه صاحت راح املهه
شكثر ناديت محد رد عليه

صدگ صوط الشمر بعدي ولاچن
صدگ يضرب ولا يهتم ولا چن
بعد بالي فلا يصفه ولا أچن
إلا اسمع رضت زينب عليه

زينب والحزن بعدك علي حل
ومن بلواي دورلي عله اي حل
اجيت اشكيلك وشأشكي عله اي حال
لگيتك جثه متوسده الوطيه

جيش اعدانه ياخويه علي دار
وحرگوا خيمتي الچانت علي دار
صحت عباس والهاجم علي دار
وجهه ونضرته شمتانه بيه

زينب ماراحت مسبية زينب ماراحت مسبية
#### #####
زينب مااضنهم يسبوهة
راحت واعداهة يهابوهة
ياهو الكايلك ضربوهة
هيهات الگلك محنية زينب كاراحت مسبية
############ '#########
تمشي وهزتهم مشيتهة
هزتهم كالت كلمتهة
كد كيدك واسعى بكولتهة
هزتهم كل ال أُمية زينب ماراحت مسبية
######## ########
زينب بت حيدر معروفة
جن والدهة ونفس حروفة
واعداهة صابتهم خوفة
من خطبت بالمجلس هية زينب ماراحت مسبية
######## #######
زينب معروفة بقوتهة
صح راحت من دون اخوتهة
بس ذلتهم من هيبتهة
من حيدر هيبتهة هيه زينب ما راحت مسبية
######### #########
بت حيدر معروفه تجاهد
اخت حسين ونعم الوالد
راحت وياهم چن قائد
برزت شخصية العلويه زينب ماراحت مسبيه
######## #########
#سيد_حسين_الياسري

شوط كربلائي :

راحت زينب الحرة راحت تمشي محنية
لارض الشام ياعباس زينب وسفه مسبية
#############
راحت زينب وتدري الشمر ياخوهه يسبيهة
وهي معودة تمشي بين اخوتهة تدريهة
هسة وية العدو راحت وبعدك ياهو يحميهة
ياهو اليحمي من بعدك
ويسبيهة العدو الضدك
بس عذرك گطع زندك
وانت مگطعة جفوفك ياهو يگلهة محمية
#############
مشت زينب يبو الغيرة وحيدة بلاية كافلهة
درب الشام شيخلصة وضهر الناگة شايلهة
وچانت تمشي مدلولة بعدك ياهوه حامي الهة
يضربهة الشمر تدري
وتشوف الدمع يجري
تجاوبهة السهم عذري
ضرب عيني السهم يختي وعصارت عيني مطفية
#############
عالناگة ارچبت زينب وبلاية الاخو الحامي
صاحت خوية ياعباس بعدك ضاعت احلامي
رقية تگلهة يا زينب عباس انچتل ضامي
صايبلة السهم عينة
ومگطوعات چفينة
رايح عنّة والينة
گالت زينب الحرة اني ادريه يرد لية
############
زينب نادت الكافل ياخوية كفو منك
صح اني بسبي بعدك راح امشي بعد عنك
بس انت ترة معذور لاتنغث ولا چنك
يالكافل تضل وفاي
يالعذرك شعد اهواي
اجة راسك يحامي وياي
يگلي انة اضل وياچ يگلي اكفل يعلوية
#############
جاوبهة أنَة وياچن راسي اعلة الرمح جبتة
بس جفي انگطع يختي هناك اعلة النهر عفتة
من طفة السهم عيني الشمر يضرب فلا شفتة
لو ادري اصدلة الراس
واطلعلة هذاك الساس
واگلة اني علي العباس
صح حيدر ابوي ايصير بس ساسة جرة بية
############

#حسين_علي_الياسري

آ ياعلي      هالليلة زينب ندبتك
آ ياعلي     صاحت يبوية وحاچتك
هالليلة اموت بدمعتي        عنك بعيدة بغربتي
                      آ يا علي 
            ###########
آ يبوية وانة زينب وحدي تدري
بس حزن يابوية عشتة هذا عمري
من ضلع امي الزجية بدة صبري
ومن بعد فرگة كفيلي وحمل خدري
من ضلع آمي          بي بدة همي
           هذا چان اول مصاب
وراسك اتطبر         وانگطع منحر
          وصعبة ماعندك جواب
آ يا علي     هاية حالة زينبك
آ يا علي     ضلت وحيدة وتندبك
كل ساعة ادنگ هامتي       عنك بعيدة بغربتي
                    آ يا علي
               ############
آ يحيدر خل اگلك شنهي حالي
صرت نجمة بلا گمر وسط الليالي
ودعت تدريني بعدك كل غوالي
وخل اگلك من مشيت بلاية والي
والي ما عندي         بالعده الوحدي
          وسوط يضربلي الضهر
عيني معميه          وحيل ما بية
          من الحزن گلبي انكسر
آ يا علي      امشي بعدك وحدي
آ يا علي      ياهو بعدك مسندي
يابوية صعبة حالتي         عنك بعيدة بغربتي
                  آ يا علي
            ############
امشي يا حيدر ترة وحدي سبية
امشي وعيون العدة تنضر علية
وحدي وسياط الشمر كلهة اذية
بوية كل هاي الخلگ شمتانة بية
سوط يضربني        والشمر سبني
            وگال اخت الخارجي
وبالصمت بصوتي       بوية حل موتي
            بوية وينك ما تجي
آ يا علي    وينك يبوية من الضرب
آ يا علي     انهض واطيح اعله الترب
يابوية طاحت عِمِّتي         عنك بعيدة بغربتي
                     آ يا علي
           #############
من رجعنة من سبينة بالعجايب
بوية صارت في حياتي اخر مصايب
من بعد ذيچ المصايب والحرايب
موتي حان بكاع غربة وانت غايب
موتتي بغربة        بهالبعد صعبة
          والكفل عني بعيد
ياهو يگصدني       والهلي يردني
           والحسين بلا وريد
آ يا علي    عني بعيد الي كفل
آ يا علي    بالغربة وحدي بلا اهل
  يابوية تصعب وحدتي        عنك بعيدة بغربتي
                   آ يا علي
           ############
كبل لا اموتن يبوية اغمى عليه
وشفت جن حسين اجاني وگال ليه
گال يا زينب ترة اليوم المنيه
وشايل بچفة اجة گطرات ميه
جايني حسيني          جاي يرويني
          جايني بنفسة الحبيب
گال يازينب             گلبي ضل يلهب
          انه بفراگچ غريب
آ يا علي    هليلة انادي ياعلي
آ يا علي     ماعندي من بعدك ولي
يابوية نادت ونتي           عنك بعيدة بغربتي
                ##########
#حسين_علي_الياسري

هذا العمر.   فدوه ونذر
اگضي بچي.  اعله ام الخدر
وماريدن احسب بي يوم.     مابي بواچي اعليهه
     ____
بهذا العمر وشما تمر ايامه
وتفكيري واحساس الگلب والهامه
رايد اصير بدفتر اللطامه

گلبي هتف     هذا الهدف
دمعة ولطم.    بيهن شرف
بهذا الشرف اعله هواي.    چيه زينب مواسيهه
      __
كون العمر اگضي مدامع حمره
عاللي مشت مسبيه واهيَ الحره
وكل ليلة زينب ياغريبه اقره

اقره و أون.    واشعر حزن
غربة وطن.     وسوط المتن
بلكت اواسيهه ادموع.   من عيني دمعه ابچيهه
      _
واطلب نذر يصبح بچي كل عمري
محلاهه دمعاتي اعله زينب تجري
كل البخت من ابجي والطم صدري

بدمعي افتخر.     ولطم الصدر
بيهن سند.           لام الصبر
بيهن سند للحوراء.      من الحزن ياذيهه
         ___
مايسوه عمري لو اعيشه براحه
ولوما اخلي اعله العقيله جراحه
طير الفرح البكلبي اكص جناحه

والمنجرح. ليل وصبح
ما ينسى ابد. ينعى الجرح
ايام حزن أهل البيت. الفرحه ما امر بيهه
____
اعله ام الخدر لو ابچي كل اسنيني
ماوافي خطوه من السبي بونيني
ديني البچي اعله ام الخدر كل ديني

هذا الشرع. اصل وفرع
فرض الحزن. صب الدمع
صوم وصلاة العزيات. بفرض البچي تأديهه
__
حبل الوصل لحسين ولكافلهه
لو رايد اوصلهم شرط اوصلهه
ودمعاتي الهه عالجفون اسبلهه

بيهه الوصل. وهي الحبل
ردت الاصل. بيهه الاصل
لو ردت يقبلني حسين. لازم شرط ارضيهه
__
لازم شرط ارضيهه لو ردت حسين
وابقه لاجلهه ابچي ولا اعد اسنين
تستاهل اعمي من الحزن شوف العين

وعيوني الزينب افديهه

___
لازم اخسف هالصدر باللطمات
زينب مشت مسبيه والعلويات
راحن سبايه وصارن المسبيات

المسبيه بحيلي الطم ليهه
__
#حسين_علي_الياسري

مولاتي.    مولاتي.      يازينب.      مولاتي
################

مولاتي.     حسراتي  اهاتي
بس لجلج انويهه
وعيوني ابجيهه
وخدودي اجويهه      بدمعاتي
يمولاتي الدمع يسوه  اذا لجلج
ابجي اعله الخيم لو ابجي لاجل اهلج
واريد اكتب واواسي بشعري الج حزنج
          بجلماتي
مولاتي.         مولاتي.      يازينب. مولاتي
     ###########

ممنونج.    مجنونج.    من دونج
تايه من تلكيني
مجلس بس دليني
ولمصابج بجيني.     ولمتونج
اريد ابجي على مصاب الحصل وياج
وشلون العدو يازينب تلكاج
واواسي المهدي بمصابج واضل انعاج
               عد عينج
مولاتي مولاتي يا زينب مولاتي
      # # # # # # # # # # # #
من ناسي.    وبراسي.    ماناسي
زينب يا الامج
من عطاب خيامج
صارتلي  احلامج    بإحساسي
على الكافل تنادين بالم واهات
على مصابج ولا يكفي وصف جلمات
يزينب لجلج بروحي بقت حسرات
              بانفاسي
مولاتي مولاتي يا زينب مولاتي
    # # # # # # # # # ##
يا زينب     ابقى انحب.   ما اتعب
لو اخدم كل عمري
ما يخلص كل صبري
بكليبي ضل جمري      ضل يلهب
الف جمره انه بكلبي تضل تسعر
وضل ابجي  لجل خيَمه ولجل خدَّر
ولجل مصاب كلبج كلبي يتفطر
               جن شيب
مولاتي مولاتي يا زينب مولاتي
     # # # # # # # # #
بجروحي.      وبروحي         وبنوحي
للعاشر جم ذكره
للطايح عالغبره
متكطع يا نحره             مذبوحي
ولا يسكت دمع عيني على الصاير
دمع بخدودي يشبه دوست الحافر
بس أحزان ياروحي صبح عاشر
                الج يوحي
مولاتي.   مولاتي. يازينب.    مولاتي
                 #######
خليني.   وديني.    مشيني
يا مولاتي بامرج
عيشيني بس ذكرج
ابجي الطاري خدرج.    دم عيني
دخليلي البجي بعيني دخليني
وكون لمجلس مصابج توديني
و ابجي لخاطر مصالج  ارزقيني
              و وفقيني
مولاتي مولاتي.    يازينب.  مولاتي
             #######
#للشاعرين
#الشاعر قيصر الجبوري

#الشاعر حسين علي الياسري


@Qae313

@hussainalyasry
تمت بعون الله

غيرك ياهو عندي           ادعيلك يمهدي
ادعيلك يمهدي وتدمع العين
تظهر وانت تاخذ ثار الحسين
              ادعيلك يمهدي
        ##########
ادعيلك يمهدي وعمتك انه
زينب وادعي تاخذ ثارنه انته
مامولود بعدك وادعي تعجيل
لظهورك ادعي ربي يحين وكته
شفت انه مصايب تذبح الروح
شفت حسين بس سهام جثته
من هاي المصايب روحي راحت
مو موعد وفاتي وانه ميته
عمتك واشرح شصار            وانت التاخذ الثار
تعرف كلشي صاير بينه وشلون
بالطف انت حاظر بين العيون
               ادعيلك يمهدي
         #########
ادعيلك يمهدي وانه عالنوك
في درب السبي وادعيلك انه
ادعي احفض يلاهي مهدي الحسين
باجر بيده هوه يرف لوانه
كل مااشوف راس حسين مكطوع
اكولن سلم المهدي الامانه
يكطع راس كلمن حارب حسين
مو شرط اليضد شخص بزمانه
بكل ساعه حسيناه               ربك بقة ذكراه
جيفن كال كلشي لله قربان
وربك خلده الماينسه انسان
                     ادعيلك يمهدي         
              ##########
كلشي البيه يدعيلك يمحبوب
حتى دموعي تدعيلك والاحزان
يارب تحفظ المهدي وتخلي
من الشر الانس والروح والجان
قرآنك يلاهي المهدي ادريه
قرآنك صبح في هيئة انسان
لا اعظم بعد القرآن مكتوب
قرآن وعظيم ويملك السان
يا مهدي انت اعظم             وانت بهايه اعلم
تعليمك يمهدي من الله صاير
تنقل عن الاهك بالمباشر
                   ادعيلك يمهدي
              ###########
اقره الندبه وانه بخربة الشام
ما ناسيتك بوسط الخرابه
واصلي الليل وادعيلك تجي تشوف
شصار بجدك وتعرف مصابه
تجي وتشوف عماتك غريبات
وكلبك ينلجم يكثر صوابه
من تسمع سكينه تصيح عباس
ومن تسمع رقيه تصيح بابه
كلبك والله ملجوم              بي جن دم الهموم
من اول هلال لكل محرم
وانت دموعك الي تجري بس دم
                   ادعيلك يمهدي
               ############
ختمت انه دعائي بدمعه بالعين
تنزل وانه اصيحن بيك املنه
باجر كل دموعي تصير ضحكات
لمن تظهر تكمل عملنه
لمن تاخذ بثارات الحسين
لمن يرجع الحق الاهلنه
باجر ذو الفقار بايدك يصول
باجر بيدك تحقق وصلنه
باجر انه اريدك                يرجع كلشي بيدك
من ثار النبي لحد ابن جعفر
ومن موسى لحد قبر التفجر
                    ادعيلك يمهدي
                 ############
بقلم__حسين علي_الياسري

هذا العمر.   فدوه ونذر
اگضي بچي.  اعله ام الخدر
وماريدن احسب بي يوم.     مابي بواچي اعليهه
     ____
بهذا العمر وشما تمر ايامه
وتفكيري واحساس الگلب والهامه
رايد اصير بدفتر اللطامه

گلبي هتف     هذا الهدف
دمعة ولطم.    بيهن شرف
بهذا الشرف اعله هواي.    چيه زينب مواسيهه
      __
كون العمر اگضي مدامع حمره
عاللي مشت مسبيه واهيَ الحره
وكل ليلة زينب ياغريبه اقره

اقره و أون.    واشعر حزن
غربة وطن.     وسوط المتن
بلكت اواسيهه ادموع.   من عيني دمعه ابچيهه
      _
واطلب نذر يصبح بچي كل عمري
محلاهه دمعاتي اعله زينب تجري
كل البخت من ابجي والطم صدري

بدمعي افتخر.     ولطم الصدر
بيهن سند.           لام الصبر
بيهن سند للحوراء.      من الحزن ياذيهه
         ___
مايسوه عمري لو اعيشه براحه
ولوما اخلي اعله العقيله جراحه
طير الفرح البكلبي اكص جناحه

والمنجرح. ليل وصبح
ما ينسى ابد. ينعى الجرح
ايام حزن أهل البيت. الفرحه ما امر بيهه
____
اعله ام الخدر لو ابچي كل اسنيني
ماوافي خطوه من السبي بونيني
ديني البچي اعله ام الخدر كل ديني

هذا الشرع. اصل وفرع
فرض الحزن. صب الدمع
صوم وصلاة العزيات. بفرض البچي تأديهه
__
حبل الوصل لحسين ولكافلهه
لو رايد اوصلهم شرط اوصلهه
ودمعاتي الهه عالجفون اسبلهه

بيهه الوصل. وهي الحبل
ردت الاصل. بيهه الاصل
لو ردت يقبلني حسين. لازم شرط ارضيهه
__
لازم شرط ارضيهه لو ردت حسين
وابقه لاجلهه ابچي ولا اعد اسنين
تستاهل اعمي من الحزن شوف العين

وعيوني الزينب افديهه

___
لازم اخسف هالصدر باللطمات
زينب مشت مسبيه والعلويات
راحن سبايه وصارن المسبيات

المسبيه بحيلي الطم ليهه
__
#حسين_علي_الياسري

رد ضعنهم.      رد ضعنهم
____
من اجه ضعن الغريبه
من سبيهه بلايه والي
دخلت الديره وتنادي
بلايه اخوتي غربه حالي
نادت الديره غريبه
بلا وطنكم يا دلالي

جرح يلچم جرح راجع     
ضعن جرح السليبات
واكبرهن جرح حرمه        
وسط حزن الگلب بات
راحن بالوطن لكن             
اجن ديرة غريبات
رجعن فاگدات حسين.      
بيهن چم نبض مات

الفرگه غربه      العيشه صعبه
بلا غوالي.         بلا رسمهم
حمله مايل.       بلايه كافل
بس غرايب.      رد ضعنهم

رد ضعنهم.      رد ضعنهم.
____
هذا اجه يجرح ضعنهم
الچان ضعن حسين اسمه
صار  ياضعن الغريبه
والغريبه شلون جلمه
تلچم جروح العقيله
والگلب يزداد همه

ضعن باسم الحسين اسمه.
طلع من الوطن راح
رجع فاگد ولي النعمه.  
ويصفج راحه بالراح
رجع لكن فكد رسمه.    
رجع ومحمل جراح
رجع يرسم حزن ثكله.   
كل خطواتهه نياح

ممحي رسمه.    ورايح اسمه
لاهله جايب.       بس حزنهم
حسينه رايح.      وحيله طايح
رد باساره.           رد ضعنهم

رد ضعنهم.       رد ضعنهم
__
رد ولكن غربه جايب
جايب اهله بلا وطنهم
ردوا الديره غريبه
والفگد يرسم حزنهم
مامش حسين واخوته
جايب الغربه ضعنهم

ضعن غربه ودمع جايب.  
اجه وجايبله حسرات
اجه حامل حرم و ايتام. . 
كل خطواته اهات
واجه فاگدله فد طفله.     
ماتت كلهه شوغات
جن يجري نهر عالگاع.      
كل خطواته دمعات

رد رزيه.       بلا رقيه
هذا واحد.     من المهم
يا لچمهم.      یا فگدهم
بالمصايب        رد ضعنهم

رد ضعنهم.          رد ضعنهم
_
وضي حزنك من دمعتك
ياگلب واسيهه زينب
ابچي للراحت اميره
وردت بضعن التسلب
بت علي گالوا سبيه
ياگلب واسيهه وانحب

اجت مكسورة الخاطر
اجت محنيه ام عون
فگدت وگفة العباس
شيوصف حالهه شلون
اجت محنيه متغيره
بوضع يجرح يگولون
مو بالدمعه ياجفني
كون اجريلهه عيون


عالعقيله.       دمعي اسيله
حتى اوالي.     ال الله حبهم
عالغرايب.        ابچي واجب
مو كفائي.          رد ضعنهم
_
ياگلب ابچي الضعنهم
وانحب ولا تجفي حزنك
ابچي للردن سبايه
واصرخ ويتعالى ونك
موجرح واحد يگلبي
جروحك بكل ذره منك

يگلبي وكل نبض تنبض
يلجملك كل نبض حيل
على العاشن سبي وغربه
تضيع منك الحيل
ومو دمعات بعيوني
كون دمومك تسيل
يلچم كل جرح بالآه
وحزنك عاشر الليل

عيش حزنك.    بكلشي منك
للسبايا.             والجرحهم
واسي بيهم     وابچي ليهم
عيش چلمة.       رد ضعنهم
_
#حسين علي الياسري

گلب زينب دمع وهموم عاشَر
من كثر المصايب يوم عاشر
اذا رايد تواسي حسين عاشِر
دمع وهموم عالراحت سبيه

عظم الله لكم الأجر بذكرى استشهاد مولاتنا جبل الصبر زينب عليها السلام

كلهه راحتلچ يعمه
وآنه گلبي لهسه اعمه
مابصر ويحين دوره
حتى لزيارة ضريحچ
تلوحه يامولاتي قسمه
ما خجل من شاف كلهه
تروح يمچ تبچي يمچ
مايبس بالفشله دمه
عميه والله عيون گلبي
عايش بهالدنيا همه
ما تفز فشلة جفائه
مايحز بنبضه بعده
وتصبح بكل نبضه لچمه
گلبي مو صافي ولكن
يعشگ دموعه عليچ وانكساره
المهم مكسورچ اسمه
مدي چف رحمة عطائچ
هذا گلبي مطشر بدنيا الذنوب
بنضرة لو بالطيف خل چفچ يلمه
وخل يدليه عالصحيح
وخل يعلمه
وليش يا مولاتي ما جايچ لهسه
بيهه حكمه
حتى گلبي من يشوف
اللي يگصونچ يحس بفشلته
يحسهه زحمه
#حسين_علي_الياسري

حسين الياسري:
اجيت بكل حنيني                 ضل يعلى ونيني
        سلام الله على روحك ياموسى
        سلام الله على جروحك ياموسى
          ###############
اجيت ودمعتي تجري             واحزاني ملت صدري
                    اجيت وخلصت صبري
                               اريدك
اجيت بروحي الك لچمه.         ما توصفهه كل چلمه
                      وعيني لگبتك تضمه
                                اريدك
كل ليلة الحزن يبدي              ودمع عايش على خدي
                     وبدربك صبح ردي
                                اريدك
اجيتك والگلب دامي.           وگلبي يسابگ اجدامي
                      لگيتك كلشي باسلامي
                              اريدك

اجيتك گلبي ذايب                شاب وگلبي شايب
        سلام الله على نوحك ياموسى
        سلام الله على جروحك ياموسى
         ################
گاصد گلبي جايبني             منة هواية گربني
                    مرقد شوگ الة مبني
                          بدموعي
رفيقة دربي الك دمعة                مااريدن بعد رجعة
                   يمك اشعل الشمعة
                          بدموعي
جايك كلبي بذنوبة         جايك واسود بثوبة
                  رايد بيك انة توبة
                         بدموعي
احرگ گلبي لمصابك.        وگربني على اعتابك
                     والچمني من اطب بابك
                         بدموعي

رايد منك التوبة                  گلبي محمل ذنوبة
              سلام الله على گلبك ياموسى
              سلام الله على جروحك ياموسى
         #################
امشي ودمعتي اجريهة         وعيوني ابجيهة
                     حاجة عندي يگضيهة
                            امامي
رايد خدمة العترة                 خادم ابقة للزهرة
                   ادعي من بخت قدرة
                           امامي
تگضي الحاجة يالكاظم         عن ذنوبي انة نادم
                     اقبلني الك خادم
                         امامي
باسمك علگت نيتي.             هواك الرايده بريتي
                  باسمك يرتفع صيتي
                        امامي  

خادم فدوة اقبلني              خادم فدوة سجلني
              سلام الله على چفوفك ياموسى
               سلام الله على جروحك ياموسى
                 #############
بگلبي تبقة الك لچمة            بذنوبي چنت اعمة
                   وانت الضي وانة الضلمة
                            طبيبي
گلبي الليلة الك صافي           كون امشيلك و حافي
                     مريض وانت التشافي
                           طبيبي
اجيتك هايم بروحي             يم گبرك علة نوحي
                    ضمدلي بهلا جروحي
                            طبيبي
طبيب الما اله جاره.            وگلب الجايك بناره
                    تشافي گلبه بزياره
                         طبيبي
انت اتطيب المرضى              وبغيرك فلا ارضى
                سلام الله على ضمادك ياموسى
                 سلام الله على روحك  ياموسى
                 #############
اجيتة بگلبي الة نخوة         يگضي حاجتي هوة
                  للمهدي اهدي كل خطوة
                              حبيبي
امشي وعايش احساسي       امشي والفت براسي
                   المهدي وياية بحساسي
                               حبيبي
يمشي الموسى ابن جعفر         وي شيعة علي حيدر
                        ويوگف النة يتنطر
                              حبيبي
اترس گلبي من حبك.              والچمني لچم گلبك
                       وخليني ابقه بس گربك
                              حبيبي

المهدي ويانة ماشانة              يصرخ صوتة ويانة
               سلام الله على على چبدك ياموسى
               سلام الله على جروحك   يا موسى
            ##################
#سيد_حسين_الياسري