TG Telegram Group Link
Channel: ️قصائِد حُسينية 🇮🇶
Back to Bottom
الشيخ عواد الطويرجاوي
️قصائِد حُسينية 🇮🇶
الشيخ عواد الطويرجاوي
الشيخ عواد الطويرجاوي

كتب: محمد منذر العذاري

• إسمه: هو ابو خضر عواد بن حسن الطويرجاوي.

• ولادته: ولد في قضاء طويريج عام ١٩٥٠م.

• مع المنبر:
تأثر عواد الطويرجاوي في بدايته بالرادود حمزة الزغير فارتقى المنبر عام ١٩٥٩م, ثم التقى بالشيخ جاسم النويني فاستفاد من توجيهاته وادائه. تم تسفيره الى الجمهورية الايرانية عام ١٩٨٠م ومن هناك استمر بمسيرته الانشادية حيث قرأ في اكثر من محافظة ومدينة منها قم, مشهد, اصفهان, طهران... كما وقد قرأ في دول اخرى كالجمهورية السورية...

وقد اخذ الشعر من العديد من الشعراء الكبار وفي طليعتهم الاديب ابراهيم حسون الهنداوي, الشيخ هاتف عودة الكفري, الشيخ هادي القصاب, الشيخ عبد الامير المرشد, الشيخ كاظم المنظور, الشيخ عبد الحسين ابو شبع, الشاعر وهيب زيارة,الحاج خضير الدبيسي, الدكتور عباس الترجمان, الشاعر ابو فاطمة العبودي, السيد سعيد الصافي, الشاعر هيثم سعودي الكربلائي...


• من روائع قصائده:

١) قصيدة قرأها في الصحن الحسيني بعد ركضة طويريج عام ١٩٧٢م:
اه يحسين وييوم امصابه
بجبد سيد الرسل مض صوابه

٢) قصيدة قرأها في الصحن الحسيني سنة ١٩٧٣م لعزاء اهالي طويريج:
حسين يبن امي العدة تولونا
الخدر عكبك من يحامي دونه

٣) وين اخوتي البالشدد ينخونها
تكوم وتشوف العيال شلونها


•المصادر:
- حوار اجراه الكاتب احمد الكعبي وتم نشره في مجلة الولاية.
- التسجيلات الصوتية المنشورة.
This media is not supported in your browser
VIEW IN TELEGRAM
علم الانشاد الرادود محمد حمزة الكربلائي

كتب: محمد منذر العذاري

منذ طفولتي وعن طريق المسجلات كنت استمع لصوت جميل يتلو قصيدة (يا ذكرياتي.. يا امنياتي.. كربلاء), كانت هذه القصيدة وما زالت تمثل جزء من حياتي, امتازت بروعة الاداء والكلمات فجائت مفرداتها بسيطة وواضحة ولها وقع وتأثير في النفس نابعة من صدق المشاعر... وقد عرفت فيما بعد انها للشاعر والرادود محمد حمزة الكربلائي, واكراما لهذا الشخص سأكتب نبذة مختصرة عنه في السطور القادمة.

• إسمه ونسبه: ابو منتظر محمد حمزة جابر العارضي الكربلائي وعُرف بالقندرچي نسبة الى مهنته.

• ولادته: ولد عام ١٩٤٩م / ١٣٦٨هـ في كربلاء المقدسة ونشأ فيها.

• مع المنبر والحسين:
ارتقى المنبر منذ ستينيات القرن الماضي ولازم استاذه حمزة الزغير وقد قرأ لنفسه ولغيره من الشعراء كالشيخ كاظم منظور, الحاج مهدي الاموي, الشاعر عزيز الگلگاوي, الشاعر عبد الزهرة عبد الحسين السعدي... ويذكر انه غادر العراق بسبب المضايقات ومن ديار الغربة اخذ ببث شجونه وشوقه من خلال كلماته وصوته.
لا ننسى ان محمد الرادود كانت له نشاطات اخرى فكما ينقل العديد من الاخوة فانه مؤسس عزاء تبديل الرايات في اول محرم, وقد سعى لاقامة دورات تدريبية للرواديد.

• من روائع قصائده:

١) يا ذكرياتي.. يا امنياتي.. كربلاء
هيا خذوني.. اشتاقت عيوني.. كربلاء

٢) ناشدت.. للمهد.. عبد الله وينه
جاوبني مهدك.. خلوني خالي
يبني اعلى فكدك.. ظل دمعي هالي
ناشدت.. للمهد.. عبد الله وينه

٣) كما وان محمد حمزة الرادود ذكر في لقاء تلفزيوني ان مستهل قصيدة (يمة ذكريني.. من تمر زفة شباب) هو من نظم, وقد اعطاه لاستاذه كاظم المنظور الّذي غيّر شطر منه وكتب بقية القصيدة.

• وفاته:
توفي فجر يوم الاحد ٢١ جمادى الاولى ١٤٣٥ هـ الموافق ٢٣/ ٣/ ٢٠١٤م, وشييع جثمانه من الروضة الحسينية ودفن في كربلاء. واكراماً له فقد سمي احد شوارع كربلاء بإسمه.
This media is not supported in your browser
VIEW IN TELEGRAM
يا رسول الله .. يا رسول الله
   يا رسول الله محمد
××××××××××××××××××××××
جرح بينه عله أفراگك
يبو الزهره الك حسره
راح ابديلك أمن الباب
من أول جرح نقـــــره
من ذاك الغدير الناس
ابگلبهم عاشت الجمره
الشايل بغضه هذا اليوم
بعد هجرك ظَهر أمره

يا رسول الله ... يا رسول الله
×××××××××××××××××××××
الناس اتكاتـــف ضـدك
انقلاب الأمـــــه يتفســر
لو علـ البيعه چان اتهون
بس الصار شــي أكبـــــر
علي الما يعرف الحيره
بــــــــــس هالمره يتحير
بابـــك يندفـــــع والنـــار
وضلع من بنتـك أتكســر

يا رسول الله .... يا رسول الله
××××××××××××××××××××××
أخو روحك ابو الحسنين
علي باقي أبغرب وحـده
الناس البايعت خِذلــــوه
عليهـــــم تنكتـــــب رِده
جليس الدار مـــــو بيده
كلها صايـــــره ضـــــده
عله بابك دموعه أتهــل
وبس جمرة هضم عنده

يا رسول الله ....يا رسول الله
××××××××××××××××××××××
نحيله وما لگت نخـــــاي
ما چنك گلت علجـــــار
بقت بين الحايـــــط ذاك
وبين الجمره والبسمـــــار
تحط ايد أعله خدها وأيد
علـ المحسن تبعَد النـــــار
ما صارت گبل يا حيـــــف
بحيـــــرة يبقه ذو الفقـــــار

يا رسول الله .... يا رسول الله
××××××××××××××××××××××
رزايه البيت مـــــا خِلصت
أصل يوم العـــــذاب الباب
الزمن ياخذ جمـــــر بيتك
ويحرگ بالطفوف أطناب
وحيرة حيـــــدره تنعـــــاد
عِد زينب أبنفس الاسباب
خيم نار وصهيل الخيـــل
وغربه ونضرة الاجنــــاب

يا رسول الله .... يا رسول الله
××××××××××××××××××××××
عمار جاسم
This media is not supported in your browser
VIEW IN TELEGRAM
قال مولانا الامام الصادق صلوات الله عليه
وعلى مثل الحسين فلتشق الجيوب ولتخمش الوجوه ولتلطم الخدود

#هيئة_جنون_عابس
دخولية الامام القاسم عليه السلام
الشاعر حسين حمزة امين

كتب: محمد منذر العذاري

• اسمه ونسبه:
هو حسين بن حمزة بن هادي الأمين الخفاجي.


• ولادته وحياته:
ولد في النجف الاشرف-طرف البراق عام ١٩٠٩م / ١٣٢٧هـ، ونشأ فيها حيث اكمل دراسته الثانوية في الفرع المسائي حيث كان يحضر الدرس وهو يرتدي الصاية والعقال العربي.
عمل فترة في بيع الخضار، وقد عاش حياة صعبة ومؤلمة وهو القائل في وصفها:

حياتي حياة الكلب والكلب فاقني
وعندي دليل فيه يقبلهُ العقلُ
يروح ويغدوا الكلب طوراً لأهلهِ
وانّي لا بيت لدي ولا اهلُ

* من الحديث المتواتر ان هذه الابيات قد ارسلت الى الزعيم عبد الكريم قاسم رحمه الله.


• مع الشعر:
كان له حضور في المجالس الادبية، وقد نظم الشعر القريض والشعبي، وقد امتاز شعره بانتقاء المفردات وقوة الصورة الشعرية والطرح الواعي، وقد رفد المنبر بقصائده الرائعة وممن قرأ له الشيخ رسول محي الدين، الشيخ وطن مچي، الشيخ عدنان الطيار، الشيخ جاسم النويني، السيد علي القابچي وغيرهم.


• نماذج من شعره:

١) قصيدة قرأها الشيخ رسول محي الدين، وقد قال الشيخ ياسين الرميثي انه تمنى قرأتها:
اخذ من ثورة الظامي درس
وين راعي الوعي وينه اليحس
عالشرف يفيدي النفس
وين راعي الوعي وينه اليحس

٢) غابت ثلاث گبور عن العين.. يالمغيب وين
الزهرة وحملها وراس ابنها حسين.. يالمغيب وين

وهذه القصيدة على اسلوب قصيدة (صدرين مكسورة يراعي الثار.. تدري بيها شصار).

٣) له في حق قمر العشيرة (ع):
عباس لاح امطهمه.. والسيف سلّه بيمنته
بس ما حمل شبل الفحل.. سبعين الف ما نحرته

٤) له من الابوذية:
گلبي بنار هَمّ الحِزن.. عالي
وعيني ترى اليمي جريب.. عالي
لون رجعوا وعادوا نذر.. عالي
ورد لازرع طريج الطف بديّة


• وفاته:
توفي في النجف الاشرف سنة ١٣٩٢هـ ودفن فيها.
الشيخ ياسين الرميثي

كتب: محمد منذر العذاري

ملاحظة: هذا المنشور هو اعادة نشر مع بعض التعديلات على الموضوع الاصلي الّذي قمت بكتابته في بدايتي وتم نشره بدون ذكر اسم الكاتب.

• إسمه ونسبه: هو ياسين بن خضير بن جبر العبيدي، وسُمّي بالرميثي نسبة الى مدينته.

• ولادته: ولد في الرميثة عام ١٩٢٩م ونشأ فيها.

• مع المنبر:
ارتقى المنبر في خمسينيات القرن العشرين حوالي سنة ١٩٥٥م. وقد بدأ مسيرته بقراءة قصيدة من نظم الشيخ عبود غفلة، جاء في مطلعها:
يا شبه نوح بانسها وجانها.. وين يامن مرهفك طوفانها

ثم انفرد بطريقته الخاصة بالقراءة رغم تأثره بالسيد كاظم القابچي، وبزّغ نجمه في سماء الخدمة الحسينية التي كانت مليئة بفطاحلة الرواديد من امثال فاضل الرادود والسيد كاظم القابچي والمرحوم حمزة الزغّير والشيخ وطن والحاج عبد الرضا الرادود والدكتور عباس ترجمان والشيخ رسول محي الدين وحسوني الشيحان ومعين السباك وعدنان الطيار وغيرهم.

قرأ خلال مسيرته في اكثر من محافظة عراقية منها النجف الاشرف، كربلاء المقدسة، البصرة، السماوة، وكذلك ديالى. كما وقرأ في دولة البحرين والكويت والسعودية والولايات المتحدة الامريكية. وقد اخذ الشعر من معظم شعراء المنبر، لكن كانت اكثر قصائده من نظم الشيخ هادي القصاب، الحاج رسول محي الدين، السيد عبد الحسين الشرع، الشيخ علي التلال.. كما وقرأ شيء من شعر الشيخ عبد الحسين ابو شبع، الشيخ كاظم المنظور، عدنان سياب النجفي، صفاء الدفاعي الرميثي، السيد سعيد الصافي…

تعرض للاعتقال اكثر من مرة لمواقفه، لكن هذا لم يمنعه من الاستمرار بخدمة سيد الشهداء والسير على نهج النهضة ومحاربة الزمرة الحاكمة، حتى غادر العراق بعد الانتفاضة الشعبانية (التي إستشهد فيها أولاده الثلاثة وهم طه وعادل وعقيل) متوجهاً الى معسكر رفحاء ثم الى الولايات المتّحدة الامريكية، وبعد سقوط النظام عاد الى الوطن.


• من روائع قصائده:

١) للشاعر رسول محي الدين، وكانت اغلبها من وزن الطويل منها:
- يحسين بضمايرنا
- تربية حيدر
- خذ يا محمد
- عاين قسوة الحالة
- غالي واشترينا حسين.. بالدم ينشرى الغالي

٢) للشاعر الشيخ هادي القصاب
- أدور أعليك يبن أمي.. ما واحد يدّليني
- وين عن اليتامى والحرم
- يحسين الخيم يحسين.. گوم ولحّگ عليها
- ردتك بدهري.. للشدة ذخري

٣) للشاعر السيد عبد الحسين الشرع
- زينب لفت يم حسين.. لاچن گابعة بالهم
- حيرني الدهر بحسين.. وعليه ثگل همَّه

٤) للشاعر علي التلال:
- عهد الله عاهدناك.. يحسين نظل وياك

٥) للشاعر عبد الحسين ابو شبع:
- يومّه ومعانيّه.. حاضره وماضيّه
- هالدنيا التراويك.. شوف الصور بيها


• وفاته وتأبينه:
توفي يوم ٢٥ / ٥ / ٢٠٠٥م. وشيّع جثمانه تشيعاً ضخماً في خمس محافظات حتى مثواه الاخير في مقبرة وادي السلام في مدينة النجف الاشرف، وكان هتاف المعّزين
(هذا الصاح.. يحسين بضمايرنا).

كما وقد اقيمت العديد من المهرجانات في ذكرى اربعينه ورثاه معظم الشعراء، ومنهم الشاعر ابو فاطمة العبودي حيث كتب قصيدة قرأها الشيخ جاسم النويني، ورد في مستهلها:
تدري ترتبك بعدك منابرنا
يامن صحت يحسين بضمايرنا
باقي ويانا ذكراك.. لتظن يوم ننساك
يامن صحت يحسين بضمايرنا
#شور_مولاتي_الزهراء ع


قصة جروحي وكل الرزايا تبديها دفعة باب
كلبي طريده والهم كلاني والدنيا كلها انياب



المصايب ركدت بروحي ولا مرني الفرح مره
كله بجدمي درب كبرج منهد ماحانت العصره
تلم عيني بتوالي الليل دمعها ويمج اتطشره
اجيج محمله ليش واخ وارد تخنگني العبره


بالدلال نارج مشتعله يمه
وي طاريج بيه كل ساعه لچمه

______


انه الغريبه جيتچ ييمه حاجيني لو كلمه
خالي مكانج يمه وحنانح ماهوا واللمه



يغثني يمه طاري الليل والمسامر عگب عينج
يچفي لوگطيعه احسن ولاماتلمس ايدينج
انام بكسرة الخاطر واذكره البيني وبينج
وافز حسبالي موجوده وانوح والهج بوينج


تالي الليل دمعي يمه عليج ينصب
بس ال اخ بيه وبالفرگه اتعذب

__

ترس المسامع يايمه بيه صوت الضلع مكسور
چن كلها عتبه ومحسن اشوفه يوگع انه شماادور



اضل استورح الدخان لحد ماتنطفي خيامي
وعليج حسين ينشدني لحد ماينذبح ضامي
اضل ماعايشه بضيمح لوكت ماتنطك عضامي
قليل الكلشي يمه اعليج واذا متحرگه جدامي


ماينعاش حزنك اله ضلوع تكسر
واله بسوگ غربه يفترون خدر

__

مااگدر انسه لوعة مصابج بس صوت ابوي يلوح
بصوته مصابج والنبره احسها متروسه بس جروح



ثكل همه وتخف روحه للملاگه وي كل مغرب
اليعزب عله الفقره بدمعته لحزنه هم عزب
اذا چان الشعر شايب اخبرج رمشه هم شيب
الهضم ماخله بي من حيل اعله طول الليل يتكلب


ماجف دوم ردنه اذا حيل موتج
ويكلج وينج مشتاگ لصوتج
__



طالب الصالحي
دون المجـالس ميتين
                          لطم الصدر يحيينا
֍֍֍֍
آنه الحچه بجنوني حتى الاخرس
ما تـرهم الشــذره اذا مــو محبس
هيچ احــنه بس يوم العــزه نتنفس
والله اشكثر محتاجين
                          طور ونعي يبچينا
֍֍֍֍
عاشگ خدمتي ابهل العشگ لتناقش
واحــدنه جوه الخــدمه روحه فارش
وآنـــــه على قـيـد المجــالس عـايش
نخدم نضل ممنونين
                          بالموڪب اتربينا
֍֍֍֍
رايد هـــوه المجلس اشم خلوني
اعقــل اذا ڪلش يزيــد اجنوني
بحسين موتوني ابحُسين احيوني
لقبونا بالمجنونين
                        ڪلش تلوگ اعلينا
֍֍֍֍
مشروعي ارضي فاطمه مشروعي
ومـن اللطم اكـسر علـيها اضلوعي
يم الحسن وفقيني اجـــري ادموعي
يالزهره ادري اترزقين
                       ابفيض الدمع رزقينا
֍֍֍֍
 
 
عشرت عمر ويه المجالس عندي
ارتـــاح اذا صدري الطمه ابأيدي
يا فاطمه غيـــــر الدمو؏ اشعندي
ڪلما نضل مخنوگين
                        نشتم هواڪم جينا
֍֍֍֍
شلّه ابحـــياته المـايواسي الزهره
ميّت احســـاسه الماتنخگه العبره
وخيعونه كل واحد يحصل نظره
لال الرسول الغاليين
                        حتى النفس ضحينه
֍֍֍֍
 
 
ڪلش علينه ايلوگ لبس الاســـود
ابهـــــاي الحســينيه الخــدم تتوحد
للبحر مـاصـرنه جزر صرنه المد
خدامهم للطيبين
                           ياربي اشهد لينا
✿✿✿✿✿✿✿✿✿✿✿✿✿✿✿✿✿✿✿
 
وليد المندلاوي
 
مولاتي لو حت بحلم لحضه اعله بابج واگف
ماخذني بأيامه العمر ومااوصلچ بيه خايف
لاشام ريحة حضرتج ولاضي ضريحج شايف
تاخذني بكلت دمعتي ولحزني گلبج عاطف


بلكي تاخذني دمعاتي واحزاني
والگه روحي بضريحج بشرثاني
اركض بلهفه واسجد عله اعتباج
ويم ضريحج اذب همي واحزاني

_______________________

لو اعمه قابل اوصلج
بس ايدي تندگ ع الباب
بس خاف گلبج ينتفض حسباله چف من احباب
يازينب هنا وحدج واهلج بعيد وغياب
وي جيتي اجيبلح علگ من كربله وصم تراب


ماي اجيبلج من النهر نفسه
اليمه عباس عطش حد گطع نفسه
الماوصلكم لان مستحي يرجع
وجفه مگطوع بعد جوده شيترسه_______________________



بكل الازقه اوگف واحس مليانه بعيون الناس
واتذكرج وكت السبي وعليج ملتمه ارجاس
الله يساعد كل گلب مكسور متروس احساس
والشام كلها اتناشدت جا وين اخوها العباس


روحي رجعت لوين وشفت كلشي
وفتحت بس احسه ثگل رمشي
بهذا المچان رموها بحجر زينب
وصفگت ايديها ويلي عله كلشي____________________



يم عون بس هذا الطلب قبل الممات اتمنه
جفي اعله شبابجج يمر والروح بيه تتهنه
ولو متت بس مازايرج خل روحي الج تتعنه
اعرف حنانج مايرد طالب الچ مااضنه


اتمنه دمعة انزلها يم بابج
والطم اعله المصيبه عله اعتابج
اقره الج تعزيه ومقتل العاشر
والمصاب الجره وسلب احبابج______________________


طالب الصالحي
الشيعه حب ابن جعفر سماهه
ﻷن طه النبي شيعه سماهه
وي جبده الدعي ابسمه سماهه
اويه النعش طاحت بالمنيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشيعه ابغيبتك فكدت بسمهه
يابن جعفر واجت تهتف بسمهه
وي جبدك تره ذابت بسمهه
ظلت عالجسر ترجاك هيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادم باب الحوائج.
خالد عامر الزيادي
مظلوم الكاظم مظلوم
مظلوم الكاظم مظلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
موسى الهمه اوغيظه الكاظم
عابد راكع ساجد صايم
بصبره ايهدم سور الظالم
ويگله الظالم متدوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مسجون اودم تجري اگيوده
ابن العتره او منهم زوده
ابعلمه اينور الظلمه السوده
و للكاظم بالدنيه اعلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
ضحه الدينه او هاي الأمه
امگيد و الگيد ايحز جسمه
وابسجن اظلم من ظلمه
وابجبده الأصبح مسموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
جابوه او جثته المگيوده
فوگ الجسر ممدوده
واتنوح الشيعه الموعوده
يم الجسر الهه اهموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
كل عام احنه نواسي الزهره
او نتعنه ابدمعات الگبره
جسر اليمه النه اعظم ذكره
من طاحت سكنه اوكلثوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مولاي احنه الشيعه انادي
يالكاظم يانور الهادي
مسجونين احنه ابكل وادي
من ذاك اليوم الهل اليوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
شاعر اهل البيت عليهم السلام
خالد عامر الزيادي
ابسجن هارون ابسجن هارون
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
امير المؤمنين اليوم مسجون أبألف حسره
والطاغي الدعي هارون لاهي ابنسوته اوقصره
تناديه الخدم ياحيف امير اتعظمه واتكيره
وابن اطهر نسل بالكون امگيد جيده اونحره
امام الكون امام الكون
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
من سجن السجن مولاي اتحيرظالمه ابأمره
صبرشبه النبي ايوب حتى الصبر مل صبره
عجز محتار ضل هارون جاب الجاريه اتغره
أمة شرف سواهه امن الكاظم خذت عبره
عبر وأيات عبر وأيات
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
غريب ابسجن وأمگيد شبه الضامي ظل وحده
الشيعه اتلهفت لجله خبر من جاهه من عنده
واعدهه ابجسر بغداد امام او ما خلف وعده
سگاه السيندي ابسمه انمرد مثل الحسن چبده
ابجسر بغداد ابجسر بغداد
ابن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
اجت شيعة ابن جعفرلگوه اموسد او مطروح
وسيد امگيد اوينزف امن الگيد الجسم مجروح
صرخت ياعلي الكرار بدموع او بواچي اونوح
ردت كربله اعلينه هذا حسين ها لمذبوح
تصيح ابصوت تصيح ابصوت
لبن المصطفى او حيدر
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
شاعر اهل البيت عليهم السلام
خالد عامر الزيادي
هـذا مولاكم يشيعه اعـلى الـجسر
چـالـگـمـر عباس طـايح عالـنهر
ـــــــــــــــــــــــــــــــــــــــــــــــــــــــــــــــ
الـيوم طـاح الـمرتضى خـير العمل
من هوى بمحرابه أبسيف الاجل
مـوسى ابـن جـعفر يـاشيعه رحـل
چـن علي الكرار بـالراس انـطبر
ـــــــــــــــــــــــــــــــــــــــــــــــــــــــــــــــ
اليوم طـاحت فـاطمه اتهل الـدمع
بـالـگلب نـيران مـن كـسر الظلع
الـكاظم الغيض الـگلب منه انفجع
يـاحـزن يـشبه حـزنهه اويـاقهر
ـــــــــــــــــــــــــــــــــــــــــــــــــــــــــــــــ
الـيوم بـالسم انـــمرد چبد الحسن
الـتمت اعلينه المصايب والمحن
يشبه الجده الحسن چبده انسحن
چـم گلب بمصابه ظل يهلب جمر
ـــــــــــــــــــــــــــــــــــــــــــــــــــــــــــــــ
اليوم طاح حسين وأعياله انسبت
چـبود عطشانه ابضماهه اتمردت
رجعت اعلينه الـطفوف اوعـودت
الـيوم دنيانه اظلمت غـاب الـبدر
ـــــــــــــــــــــــــــــــــــــــــــــــــــــــــــــــ
اليوم سبـع الگنطره اتعنه الفرات
گـال يـانفس الـصبر حتى الـممات
اتحاوطت بيه الكفرمن كل جهات
مــن گــصـد لـلـمـاي مـارد الـگـمـر
ـــــــــــــــــــــــــــــــــــــــــــــــــــــــــــــــ
چنهه عادت كربله اعلينه صحيح
هـذا صوت الـناعـي اعلينه يصيح
هـذا أمـام الـرافضه بـالسم ذبيح
ويـن خـوانـه أوهـلـه اليوم اتحضر
ـــــــــــــــــــــــــــــــــــــــــــــــــــــــــــــــ
چـثـه ظـلـت لاعشيره اولا عمام
گـومـو شيعة فاطمه انشيع الامام
خـل نواسي المنتظرنقره السلام
أنـگلـه يـامولاي شـو طـال السـفر
ـــــــــــــــــــــــــــــــــــــــــــــــــــــــــــــــ
انـگلـه يامـولانـه والـيمتـه بـعيد
احنه چم هارون شفنه اوچم يزيد
والطغات اعلينه اشد من الحديد
بـغيبتك مـولاي كـل ساعـه ابعسر
ـــــــــــــــــــــــــــــــــــــــــــــــــــــــــــــــ
لـشـاعـر اهـل الـبيت عليهم السلام
خـالـد عـامـر الـزيـادي
جابوهه جابوهه جثت الوالي جابوهه
خلوهه خلوهه فوگ الجسر خلوهه
اليوم انعادت ذيچ الطبره
اوكسرو ظلع البضعه الزهره
عادوهه عادوهه طف كربله عادوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من نسل طه محمد موسى ابن جعفر يشيعه
وارث الكرار جده بالعلم احيه الشريعه
وابصبر امه الزچيه فاطمه البضعه الوديعه
اشبه حسين ابغربته الفگد حتى رضيعه
شبه حسين اعياله التاهت
بكل وديان العالم هجت
اتولوهه اتولوهه والظلام اتولوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من سجن هارون عانه امگيد وينزف وريده
والأشد هاي المصايب مگيده رجله اعلى ايده
وبسجن طاموره ظلمه والحزن صاير وسيده
چالعليل امگيدينه والحديد ايحزله جيده
جالسجاد اوينزف دمه
مايتوصف حزن العتره
ظلموهه ظلموهه عترة طه ظلموهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قاوم الطاغي ابثباته بالصبر اثبت وجوده
اتحده هارون ابعباده بكل ركوعه وكل سجوده
الشيعه تتنطر رجوعه تدعي للباري يعوده
واعد الشيعه ابن جعفر وفه ما اخلف وعوده
مايدرون ابهذا الموعد
موسى الكاظم عنهم يبعد
انتظروهه انتظروهه هاي الساعه انتظروهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من اجه الموعد لگوهه عالجسر جثه رميه
صرخت الشيعه ابحزنه رجعت اعلينه ال اميه
من بني العباس بالسم چبده ممروده اودميه
عادت اعلينه المصايب بفگد ابن حامي الحميه
اتدگ اصدورالشيعه وتلطم
من ياهم تخلص ياهم
اتلگوهه اتلگوهه ايشيعون الجثه اتلگوهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شاعر اهل البيت عليهم السلام
خالد عامر الزيادي
يانحيبك....مو من غربتك بالسجن
يانحيبك....تذكر حسين وتون
يانحيبك عالبهزل بالبر مشن
يانحيبك....


ماواجعك رض الجدم بس رضت ضلوعه
يخيم عله عيونك دمع والونه مسموعه
أهك تفت حته الحجر وتذوب الحسره
تذكره بحبل زينب قبل البچفوفه مطبوعه

_________________________________

وبضلامك....مايطري بس ليل اهدعش
وبضلامك....تذكر الجسمه انفرش
وبضلامك....تگضيها تعتب ع العطش
وبضلامك ....


ها ياعطش ليش انذبح ماضايگ الگطره
جدي عذب ليش العذب ماواصل لنحره
طوله نهر بس منچفي وعيونه ذبلانه
مومالت امدد يضل والحافر يعبره
____________________________

وبضلام
وبغربتك....تحضر غريبه بلا اهل
وبغربتك....چنها اوگفت وبأعلى تل
ويغربتك....مو يمها بس دمعك همل
وبغربتك ....


ياعمة الساده هضم بين الغرب تالي
تصيحين اخوج ولا اضن يسمعلح الوالي
ياوسفه عينچ حومرت من حرگ الخيام
ياعمتي صحت بلوعتك فطرتي دلالي
_______________________

وبضلامك....
وانته بنعش....وجثمناك ابين الغرب
وانته بنعش....ماناسي ذاك العالترب
وانته بنعش....وتعاتب الروح بعتب
وانته بنعش ....


ياروحي متي بس تره ماداسو عظامي
متسمم بزاد وشرب مامنذبخ ضامي
محد يحي مثلك ابد ياسيد جروحي
يالتارس الرمله دمه من كلبك الدامي
__________________

وبضلامك....مايطر

طالب الصالحي
المن هالجنازه وياهو راعيها

__________________________________

اهل بغداد شافو عالجسر نعشه
ضل لوَحده مطروح من غبشه
لاتشييع اله وخلف النعش ممشه
ولا ع المات اهله دموعها تطشه


اخافن مو عزيزه وماكو اهاليها
__________________________________
هاي جنازة المضلوم ابن جعفر
ابن الزهره وابن المرتضى حيدر
هذا الجده چبده من الضمه اتفطر
هو العمته تركض سبيه ابر


مگيد مثل عمته بدون واليها
__________________________________
شاف الفرج بس جان الفرج موته
وماشاف الضوه اله اعله تابوته
لا اهل التحضره وضل بلا اخوته
ابو گلب الحنين العافيه صوته


ابو عيون الوسيعه السجن عاميها
__________________________________
انلچم گلب الرضا واتحسف الضامن
عله الي الموت غمضهن ولا نامن
عله عظامه الذي من گيدهن مالن
بكثر ما من ثگل واغلال اي شالن


الحديد يجرح ايده ويثگل عليها
__________________________________
بلايه وداع توجع زايد الفرگه
خصوصا لليموت ومابعد ملگه
شهگ ويلي امامي عله الاهل شهكه
وگال الجفن ياهو اليحضر يطبگهً


متت مالوم روحك حيل مابيها

__________________________________


طالب الصالحي
HTML Embed Code:
2024/03/29 05:36:03
Back to Top