❗️3 дона Макаров ва 1 дона ТТ пистолети ҳамда ўқ-дорилар ноқонуний муомаладан олинди

Давлат хавфсизлик хизматининг Тошкент шаҳар бўйича бошқармаси ходимлари томонидан ички ишлар органлари билан ҳамкорликда жиноятчиликка қарши курашиш борасида пойтахт ҳудудида олиб борилган тезкор тадбирлар давомида, Бухоро шаҳрида туғилган бир нечта шахсларнинг ноқонуний ҳаракатларига чек қўйилди.

Терговга қадар текширув давомида, уларнинг доимий яшаш манзилларида жанговар қурол ва ўқ-дорилар борлиги аниқланди.

Жумладан, 1973 й.т. шахснинг Бухоро шаҳридаги яшаш хонадони кўздан кечирилганда, уйнинг том қисмига яшириб қўйилган 3 дона Макаров пистолети ва 21 дона патрони, 1 дона ТТ пистолети ва 5 дона патрони ҳамда 1 дона товушни пасайтирувчи қурилма (глушитель) процессуал тартибда расмийлаштириб олинди.

Аниқланишича, мазкур шахс жиноий шериклари билан биргаликда, ушбу қуролларни ва ўқ-дориларни муқаддам Россия Федерациясидан контрабанда йўли билан олиб келишган.

Судга оид баллистик экспертиза хулосасига кўра, қуроллар ва ўқ-дорилар жанговар ҳолатда бўлиб, фойдаланишга яроқли ҳисобланади.
Бундан ташқари, улардан бирининг хонадонидан қирқма ҳолатига келтирилган ва тегишли ҳужжатлари бўлмаган 2 дона ов милтиғи ҳамда 6 дона ўқ-дори тегишли тартибда олинди.

Ҳозирда Жиноят Кодексининг 246 ва 248-моддалари билан жиноят иши қўзғатилиб, тергов ҳаракатлари олиб борилмоқда.

https://hottg.com/hudud_inform

✅ Қонунчиликка кўра, давлат илмий ташкилотларида илмий фаолият юритувчи шахсларга 48 иш кунидан иборат йиллик ҳақ тўланадиган ҳамда моддий ёрдамни кўзда тутадиган меҳнат таътили берилиши белгиланган.

https://hottg.com/hudud_inform

Сенатнинг эллик иккинчи ялпи мажлисида бир қатор НҲХ қабул қилинди:

➖ Солиқ кодексининг 227-1-моддасига асосан фискал тартиб-қоидаларга оид ҳуқуқбузарликлар учун қўлланиладиган молиявий жарима миқдори 100 фоизидан 2 фоизигача қисқартирилмоқда;

➖ эндиликда давлат ёрдами берилишига тааллуқли норматив-ҳуқуқий ҳужжатлар лойиҳалари Рақобат қўмитаси билан мажбурий тартибда келишилади;

➖ спорт соҳасидаги коррупциявий қилмишлар учун жазо муқаррарлиги таъминланади;

➖ пневматик ва шунга ўхшаш бошқа қуролларни ўз ихтиёри билан топширган шахслар жавобгарликдан озод этилади;

➖ маҳкумларнинг омбудсманга, болалар омбудсманига ҳамда инсоннинг ҳуқуқ ва эркинликларини ҳимоя қилувчи халқаро ташкилотларга мурожаат қилишга бўлган ҳуқуқлари мустаҳкамланмоқда. Оғир ва ўта оғир жиноятлар содир этганлиги учун озодликдан маҳрум этиш жойларида сақланаётганларнинг сайловларда ҳамда референдумда иштирок этишга бўлган ҳуқуқи кафолатланмоқда.

https://hottg.com/hudud_inform

Пойтахт кўчаларида йўл ётиқ чизиқларини янгилаш бўйича олиб борилаётган ишлардан тасвирлар

https://hottg.com/hudud_inform

Ўзбекистон ТИВ:

Эрон Ислом Республикаси Президенти Иброҳим Раисий бўлган вертолётнинг фавқулодда қўндирилиши тўғрисидаги хабарни чуқур ташвиш билан қабул қилдик.

Ўзбекистон Республикаси Ташқи ишлар вазирлиги вертолёт йўловчилари, жумладан Эроннинг юқори мартабали вакиллари тақдири ҳақидаги маълумотларни диққат билан кузатиб бормоқда.

Барча йўловчилар тез орада соғ-саломат топилишига умид қиламиз.

Ўзбекистон томони зарурат бўлиши билан Эронлик дўстларимизга барча ёрдам кўрсатилишига тўлиқ тайёрлигини билдиради.

https://hottg.com/hudud_inform

🔰 Қонунчиликка кўра, жисмоний шахслар ўз ҳуқуқларини ва қонуний манфаатларини бузаётган маҳаллий давлат ҳокимияти органларининг, республика ижро этувчи ҳокимият органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан судга мурожаат қилганда давлат божини тўлашдан озод қилиниши белгиланган.

https://hottg.com/hudud_inform

Шавкат Мирзиёев Эрон шимолида юз берган фожиа оқибатида Эрон президенти Иброҳим Раисий ва унга ҳамроҳлик қилган шахсларнинг вафот этгани муносабати билан ушбу мамлакат олий диний раҳбари оятуллоҳ Али Хоманеийга ҳамдардлик билдирди.

Мактубда, жумладан, Ўзбекистон ва Эрон ўртасидаги кенг қамровли ҳамкорликни, ўзаро манфаатли ва узоқ муддатли шериклик муносабатларини ривожлантиришга улкан ҳисса қўшган Иброҳим Раисийнинг ёрқин хотираси халқларимиз қалбларида доимий сақланиб қолиши таъкидланади.

Ўзбекистон президенти дўст Эрон халқига, марҳумларнинг оила аъзолари ва яқинларига чуқур таъзия изҳор этди.

https://hottg.com/hudud_inform

Эркин Муҳиддинов Тошкент вилояти ҳокимининг биринчи ўринбосари этиб тайинланди. Бунгача у Оҳангарон тумани ҳокими эди.

Эслатиб ўтамиз, у камбағалликни қисқартириш ва бандлик вазири ўринбосари лавозимида ҳам фаолият олиб борган.

https://hottg.com/hudud_inform

«Иссиқлик электр станциялари» АЖ бошқаруви раисига ўринбосар тайинланди

Озод Охунов «Иссиқлик электр станциялари» АЖ бошқаруви раисининг биринчи ўринбосари этиб тайинланди.

Тайинловга қадар у Энергетика вазирлигининг Электр энергиясини ишлаб чиқариш бўлими бошлиғи лавозимида фаолият юритган.

https://hottg.com/hudud_inform

❗️Тошкент шаҳри кўчаларини ва чорраҳаларини реконструкция қилиш ва таъмирлаш ишлари олиб борилаётгани сабабли қуйидаги кўчаларда ҳаракатланиш вақтинчалик тўхтатилади:

🟣Қорасарой кўчаси Нурафшон кўчаси билан кесишмасидан Абдулла Қодирий кўчаси билан кесишмасигача, ҳамда;

🟣Кичик ҳалқа автомобиль йўли Нурафшон кўчаси билан кесишмасидан Қорасарой кўчаси билан кесишмасигача

📌Жорий йилнинг 20 май куни соат 22:00 дан 21 май 06:00 га қадар, ҳамда, 21 май куни соат 22:00 дан 22 май 06:00 га қадар автотранспорт ҳаракати учун ёпилади.

Ноқулайликлар учун узр сўраймиз ва ҳайдовчиларга ушбу вақт оралиғида айланма йўллардан фойдаланишни тавсия қиламиз.

Тошкент шаҳар ҳокимлиги ахборот хизмати.

https://hottg.com/hudud_inform

❗️«Ўзбекистон темир йўллари» АЖ 3 та йўналиш бўйича махсус совутгичли рефрижератор вагонларда ҳўл сабзавот ва меваларни ташиш нархлари белгиланганлиги тўғрисида хабар берди.

✅ Тошкент – Москва (3485 км) — 45 098 доллар;

✅ Тошкент – Илетск 1 (1777 км) — 30 042,5 доллар;

✅ Тошкент – Минск (4033 км) — 60 647,5 доллар.

📌Нархлар 225 тонна юк билан 5 та вагондан иборат музлатгичли бўлим учун АҚШ долларида кўрсатилган.

https://hottg.com/hudud_inform

❗️Тошкент шаҳар ҳокимлиги кўчаларини ва чорраҳаларини реконструкция қилиш ва таъмирлаш ишлари олиб борилаётгани юзасидан қўшимча маълумот берди

20 май куни Қорасарой кўч. Нурафшон кўч. билан кесишмасидан А. Қодирий кўч. билан кесишмасигача, ҳамда Кичик ҳалқа автомобиль йўли Нурафшон кўч. билан кесишмасидан Қорасарой кўч. билан кесишмасигача таъмирлаш ишлари бошлангани ҳақида хабар берган эдик.

Амалга оширилаётган ишлар жараёнида аҳолининг илтимосига биноан ёритиш тизимлари, фасадлар, дренаж ва ирригация тизимлари, бордюрларни янгилаш, маҳаллаларга кириш йўлларини ободонлаштириш зарурати аниқланди. Шу сабабли, ишлар жорий йилнинг 26 майигача давом этади.

📌Ишни имкон қадар тезроқ якунлаш учун жалб қилинган хизматлар ходимлари кечаю-кундуз ишлайди. Вазиятни тўғри баҳолайсиз деган умиддамиз.

https://hottg.com/hudud_inform