‏ما تجين
وانتي تدرين بعشكنا
وحسب تقليد الضلوع الشبكة دين
وحيل مؤمن كلمن توضة بحبيبه
وكافر الماعنده دين
وانتي وين
كل شبر بيناتنا  يدردم حنين
ها تجين؟
بيه واهس سندباد
وذاك جتفه
الما تعب من ياسمين

تعال الليله كل الناس طاحت صدك من عيني

وجوه مغسوله بوكاحه وطمع ومكاسر غدر

ورسوم جذابه

الوادم نخل درهم وين تلگا فياي

ل علي نافع

الغار جيب الجبل
وشكد كريم الجبل من جيبه طلع نبي

ل كاظم سماعيل

شما أكلبك شبج وتكلي خذني شراع
اضحك ع السفينه الريح شنكله

ل سمير صبيح

الينطيك شي يعوف شي ينوخذ
جم عاجر بعاجر برجها الحمل

ل حسين البهادلي

ثاريها الضنون تخيب وتخيب
من ضنيت بيك تصيرلي أوتاد
مضيف المبرد يغش المعازيب
ماسير عليه السيف لو حاد جنت أتصور تفوز التجاريب ودمعك
ماتكضه أجفون العناد أجدامك صارن بيوت العناكيب وأخف من كتلك يلوكنا البعاد

ل حسين البهادلي

سكف فقرة الكلب متروس كومه زروف
شتطلب چنت انفذلك ابو المخطوف

ل حسين الراشدي

انه جروحي انبياء بس انبياء اهواي
متى يبعث محمد حتى يختمهن

ل غزوان فيصل

شحصلت منك مختنك ومن يمتة ماضاحك صدك والله راح ابقى
احترك منا لحد ما اجرحك

ل احمد عاشور

غـيـر الـروح تـقـنـع
مـن أكـلـهـا تـهـون

ل سمير صبيح

مثل الامرايه الاجه كبالك خذاك

ل احمد صاحب

والسوالف كلها تكضي وتبقى
سالفتي طويله..

ل فاضل عبد الساده

هاي الدنيا مدري انت المهم تهون
صفه الشط صاحبي كد ماكلت فدوة

ل رائد ابو فتيان

ترستك ماي خوة لا نداوة الكــــيت
طلع جودك شبج واسراري تتطشر
خاويتك عشب وي كل نسيم اتميل
جربتك شجر بالريح تتكســــــــــــــر
ومن صارت صدك ردتك ولو حاجـــوز
وغصب عذرك قبلتة اتخاف تتعـــــور
بزلاتك اضم ردتك ضمير اتصـــــــــير
وجذبت الصدك حتى انت ما تخسر
وعاونتك علي من شفت عذرك خاب
وقنعت النفس كلتلها يتغـــــــــــــير
لا كصرك طول لا فاض بيك الطيب
لا شمسك علت والراكد اتبــــــخر
لا مدك وصل والعين شافت نـــــور
لا كصرك طول لا لغزك اتفســــــــر
كدامك طحت ما شفت وجهك كام
وهاك ابسط مثال وشوف واتصور
ولك خشبة بطبر فركست جف حطاب
من شافت حطب كدامها اتطـــــبر


ل سمير صبيح

همّ يا كلب باليجي
وحنّ يا كلب عالراح
واسبح ابشطّ الحزن ظهر ومسه ومصباح
هيم ابصحاري التعب
واجويك من ترتاح
ما دام ضاع القفل شنسوي بالمفتاح

ملّيت وك يا كلب دكّاتك امسودنه
وجنهن ابضلعي ارماح
جم موت اجّه وما متت
يلبيك سبع ارواح
وياك آني حرب وكلمن يشيل اسلاح
تكتلني لو أكتلك
بالحالتين ارتاح

ل الكاطع