TG Telegram Group Link
Channel: 🐷飛豬拯救隊(抗爭被捕支援)🐷
Back to Bottom
唔好意思,我哋今日要提早收工😢
隔咗幾日我哋又開工啦,有需要請搵我 @hkflyingpig😺
求下大家唔好投降
求下大家唔好投降
求下大家唔好投降
唔 接 受 重 覆 交 名 呀
好多人都仲未知道警察最近用嘅電筒有幾光,請小心保護對眼👺

admin有朋友補充:因為夜晚關係會有加成,瞳孔放大咗,佢一照你曈孔會收縮唔切。大家千祈唔好鬆懈🔦
admin遇過以下情況,大家可免則免🚫🙅‍♂️

落第一次口供識得講「我唔答」/「我冇野講」,但之後(可能)再落口供就唔記得咗咁做。要記住,即使「我都係玩吓」、「我都係咁啱經過」之類嘅講法睇落無傷大雅,警方只會抽取對自己有利嘅資料,你唔會知道佢哋點樣利用你份口供。

⚠️所以無論任何情況下,都應該行使保持緘默嘅權利,講依四隻字——「我冇野講」。法庭係可以單純基於你嘅供詞入你罪⚠️

Mortimer NPJ喺Lee Fuk Hing v HKSAR講過: “There is a right to silence. And in consequence of this right, suspected persons should be – and routinely are – given a caution informing them in unqualified terms that they need not speak. In the whole of these circumstances, it is inappropriate in Hong Kong to use a person’s silence against him in any way. It is unfair for a person to have the right to remain silent, and usually to have been reminded of this right through the caution, and then for his silence to be put against him at trial.”
#常見問題 #證物 #電話

我哋經常收到嘅問題:「我已經保釋咗/成功踢保,幾時先拎返部電話?」

假如你不幸被捕,警方會將你身上嘅私人財物沒收做證物,直至完成調查先會歸還。但喺某啲情況下,法庭或有可能喺案件完結後,決定將指定呈堂證物存檔,基本上你都可以假設唔會拎得返嗰啲物品💀

無論警方已經無條件釋放咗你未,只要警方一日未完成調查,都唔會將本身係個人財物嘅證物比返你。所以大家出去嘅時候,如果你認為自己有一定嘅被捕風險,盡量只帶必需品📱💵👕

❗️記得帶身份證❗️

當然有時警方會將一啲佢哋認為同案件無關嘅私人財物喺調查初期就比返你,但依個情況並唔常見。

警方嘅調查需要一年半載都唔定,如果你嘅電話被沒收,睇嚟都只能買過部啦~

有少數人亦曾經問過有關向電訊商cut咗張SIM card/轉新電話號碼/唔帶電話出去有冇問題;答案係完全冇問題,唔會構成妨礙司法公正。大家不必過份憂慮😸👌🏽

我哋明白警方經常以妨礙司法公正/阻差辦公作出拘捕,但佢嘅說法係一回事,你有冇咁做係法庭嘅決定👩🏻‍⚖️👨🏻‍⚖️

就電話依個問題仲有疑問歡迎搵我哋,我哋會集合咗啲FAQ,再喺度補充😊

記住只問法律相關嘅問題🧐
#常見問題 #坐爆48 #踢保 #拒保
唔少人以為喺拘留期間踢保,一定要「坐爆48小時」先可以🤔

‼️事實上,假如警方決定比你保釋,嗰刻你就可以表明拒保/踢保嘅決定‼️。例如拘留咗你一個鐘就比你保釋,你唔需要要求坐多47小時先作拒保嘅決定。我哋強烈唔建議大家堅持坐足48小時🧐

喺你表明拒保嘅情況下,警方只能一係正式起訴你,並盡早帶你上法庭;一係就無條件釋放你。但正如之前所講,無條件釋放唔等於警方之後唔會再次拘捕並起訴你。

但同時,大家必須考慮係咪喺拘留期間就踢保。因為保釋後,大家只需要根據警方嘅要求定時到指定嘅警署報到。

相比起法庭保釋,警方要求嘅保釋條件相對少限制。你要做嘅只係交保釋金,同埋依警方要求報到。唔似得法庭保釋,裁判官好多時都需要被告宵禁同埋交出旅遊證件。

踢保/拒保依個決定唔需要即刻做,可以諮詢律師了解程序,再決定下次報到拒唔拒保

現有嘅被捕支援組織,包括我哋,都免費提供就踢保嘅簡單法律意見😇大家不必太客氣,好好善用現有資源啦~
#常見問題 #失約報到
被捕/被起訴嘅手足,你哋知唔知唔記得咗應警方/法庭定期報到嘅後果係咩呢?🤡

違反警察保釋,同踢保係完全兩回事嚟。警方會喺紀錄上寫低你「不遵守保釋」,日後被正式起訴上庭嘅話,可能會影響保釋申請。唔好以為之後喺律師陪同下去返警署報到就解決到問題!🙅🏼‍♀失約就係失約🤦🏽‍♀

冇跟法庭指示報到嘅後果更嚴重。冇報到係刑事罪行,可能會被控方利用做收回手足保釋嘅權利嘅基礎

懶得睇咁多字嘅手足,飛豬淨係想提你:一定一定一定要應約報到,冇藉口呀😠
或者大家都聽過,法庭拒絕咗保釋申請後,還柙手足係有權每八日就申請保釋覆核,除非佢自己放棄依個權利。但係,話就話手足可以咁做,實際上大部份嘅情況下佢哋都唔會每八日就行使依個權利。大家又知唔知道箇中嘅原因呢?

多次申請保釋覆核並唔係易事。手足一定要證明喺上一次被拒絕保釋後情況有重大嘅轉變。一般嚟講,律師會喺第一次代表手足就提供裁判官有力嘅理由,希望裁判官會被說服,繼而批准手足保釋。喺無重大轉變嘅情況下,法庭好難去推翻上一次拒絕申請原因,八日後才批准保釋。

雖然大部份情況律師都係以義務嘅形式代表手足,但我哋都見過有啲手足嘅家人決定出面請私人律師。眾所周知,私人律師嘅收費通常都好高,唔係人人都負擔得起。唔少人因為金錢壓力而放棄自己擁有嘅權益。

講咁多都係想大家唔好當手足係condom,尤其依家停課,同埋唔少人都唔洗返office做野,我哋懇請大家盡量多啲去法庭聲援還柙中嘅手足。還柙所嘅環境相當唔理想,手足好需要大家行動上嘅支持🙏🏽🙏🏽🙏🏽

大家可能花兩至三個鐘頭時間,就能夠換嚟對手足好大嘅鼓舞。依啲機會好難得先得一次,你哋見到今日又有手足再度被拒保釋就會明白admin點解長篇大論希望大家聲援,好讓手足知道自己唔係被人忘記,唔係孤單一人。

希望大家認真考慮我哋嘅建議😢但當然要衡量風險,特別係本身已經唔夠口罩用嘅手足,就應該盡量減少外出,透過其他戰線光復香港✋🏽☝🏽
25/5/2020 0332am: 暫停服務

今日有律師當值👺

北京政府今次高姿態,進一步干擾香港嘅制度,要打嘅仗亦因而唔同,大家今日要比平時更小心行事🙏🏽🙏🏽🙏🏽
冇人知聽日會點,我哋全日(27/5)會有律師當值。有啲手足好可能今晚就出去,所以今次特意提早通知咁多位

唔主張出去嘅,就留意被捕人士關注組嘅聲援post,聽日繼續有728嘅手足上庭,佢哋都好需要大家支持🥺

「這一場革命,最終無人取勝,但請你留低一齊見證」

加油,小心,保重🎈
需要法律支援請搵 @hkflyingpig
Forwarded from Polyu哨站Channel
感化院/勞教中心/更生中心 vs 監獄

admin本身想簡單講解下,但發現依個之前介紹過嘅網已經有好幾頁嘅文字討論依個議題,清晰易明。或者法庭知識比被捕需知更加少人有了解嘅必要,不過睇下都無妨,起碼知道被起訴嘅手足要面對嘅唔同因素先:

https://youth.clic.org.hk/tc/usefulInfo/Criminal-records-and-the-Rehabilitation-of-Offenders-Ordinance/The-RHO-and-Orders-for-Detention/

辯方或會因應情況要求唔要上述刑罰。相關案件:

https://hk.appledaily.com/local/20200511/Y2UVNFKJCDHGOYHCFNUT2KRE3M/

//辯方求情指,被告已遭羈柙6個月,如判入勞教或更新中心,不可以扣減刑期,構成不公//
運動員敗訴,將可能坐監,當日我們和大律師接手,他被多名警員打傷,在醫院見到他傷痕累累,但反被香港警察控告襲警!
廣傳救人!尋目擊者!
案發2019年11月11日星期一早上6:45,地點為上水雞嶺迴旋處,車主(黑色NISSAN CUBE:車牌SC68xx)被多名警員施擊卻控告襲警罪,希望有人拍到當日照片或影片協助受害人。車主是一名充滿教學熱誠的學校老師,請大家携手撲滅警察罪行。
如有線索,請聯絡被告家屬及律師!

https://www.facebook.com/rono888/posts/3464138423614116

補充:「運動員」指https://www.thestandnews.com/politics/11-11三罷-小學教師被指慢駛遭截查時襲警罪成-官稱被告-大話連篇-眼神仇警-質疑心智有問題
請支持 Hong Kong Watch |Please Support Hong Kong Watch

話說去年去年隨Hong Kong Watch 的同仁到英國國會向議員表達關於香港的情況。過去幾年,Hong Kong Watch 的同仁一直在英國不遺餘力地向女皇陛下政府陳情香港的狀況,可謂艱辛萬分。

英國作為香港的前宗主國,有責任和義務繼續關心香港。有這些同仁的幫忙,香港在國際遊說的路上會走得更遠。見到 Hong Kong Watch 的籌款尚未達標,如果行有餘力,可捐助些許!

Urgent Appeal - We need your support to continue standing up for Hong Kong!
https://www.justgiving.com/campaign/hongkongwatch2020

來源:馮敬恩 Facebook https://www.facebook.com/permalink.php?story_fbid=309349250463392&id=101025071295812
Forwarded from 被捕人士收信部
《和你讀》是一份為身陷囹圄嘅手足提供解悶娛樂及最新資訊嘅信件。

有興趣請投稿至 @readwithyoubot
想留言俾手足請到 公海留言
HTML Embed Code:
2024/03/29 08:07:33
Back to Top