احنه الوازنينك بالمثاقيل
ونگلك ورم وتگول سمنان
فرق بين الحفظها بعركة الموت
وفرق بين اليذبها وهو بردان

لـ كاظم اسماعيل الگاطع

الفيلسوف عامر العيثاوي ♥️

غفينا من البچي وله احنه سهرانين
ونوم الوفه دينه الليله نمناها
و دكاكين العزاهم خلص من كم يوم
هيج عيونه گوه فتحناها

لـ باهر الجنديل

واطلع الصور وابچيلك بچي من هذا البالك
شويه لهاي ابچي، شويه ابچي لهاي
مثلك لمن ترش بالورود مالك

لـ يونس محسن

سكته وبلايه وداع لمن مشو
ومثل البدو لو حملو، حملو
طگه بظهر حاجوز ضاع التعب
مثل الشمس وكت المسه تغيرو
گالولي مكتوبك وصل واحترگ
گلت المهم من احترگ بي دفو

لـ محمد المرشدي

مثل خلگ امي ليلك طوله وياي

لـ علي رشم

جديد ايهاب المالكي ❤️

تعال بداعت العشره الگضيناها
لأن لو لحگت تلگاني فوگ الگاع
اذا ما لحگت تلگاني جواها

كلما اريد اشوفك ملتهي وي الناس
انعل ابو الناس الملتهي وياها

لـ حسين السلطاني

تدورون تعبت حالتي النفسيه
تدرون بيه شبيه لو ما تدرون؟
محتاج واحد يدري بيه شبيه

لـ حسين السلطاني

ابشرك من وراك الليل ما نمته
وما خليت موقف ما تذكرته

لـ حسين السلطاني

گلت شويه وارجع صارن سنين
بحساباتك دگلي شگد الهواي

لـ جمال الازبجي

أنه عاذرها لـ عيوني
من تعوفني و يم وجهك الگاها ،

لـ باهر الجنديل

الهوى يعوف الشوارع والشجر والناس
و يتـعنه لگذلتك يلعب وياها

لـ باهر الجنديل

انه بغيبتك تارس الساعه أميال
أكثر وكتك الاترجه بي جيه

لـ ايهاب المالكي

نويت تروح؟
ايي گلي انتهينا وروح
لا تنطيني أمل چذاب

مرات الأمل كتال مو الصواب

السجن لو كله حيطان أسهل يعيشوه
مشكلة السجن بي باب

لـ صفاء الصمت

ابعد يل ردت تنساني روح ابعد
تجمعنه الدروب ونتعب ونگعد

تره حتى الطيور الصافه ويالغيم
يوازيها الظلام وللعشوش ترد

يا أول اعدك من اعد اعزاز
گلي بيا مچان تحطني من اتعد

لـ صادق الصافي

أكو احساس أرد اعيشة وارد اجربة
اريد يحبني واحد ما احبة
عشت عمري أحب من طرف واحد
بالحب انتصر فد يوم رايد
بس شلون خاف القسوة صعبة
شلون العاشگ يكسرون گلبة

لـ مرتضى الميالي

يزعلوني، وقبل لا مني يعتذرون
أنسه بدون ما أعتب
المسامح مو كريم(يحب)

لـ أحمد ابراهيم

سمير صبيح

عله نار انتظر ومتاني الأحباب
واندگ باب بيتي والگلب ذاب
اطلعت للباب عود الباب افتحه
لگيت الباب طالع فاتح الباب

لـ عبد الحسين الحلفي