TG Telegram Group Link
Channel: ا👑👑الصوت والقلم👑👑
Back to Bottom
القصيدة :-يدنية عليج شهكاتي
الرادود :- سيد فاقد الموسوي
الشاعر :- أحمد المشرفاوي

____

يدنية الجفوني مثلهم مايصحلي
يدنية شبقالي يكلي وراح كلي
يدنية عليج كبري......شسوي ويكضي عمري

المن ضاله وحال ارده من حال
ماضل شي واكول لخاطر الضال
جزت ذيج الليالي وراحت البال
من جفوف أبوفاضل للحبال

يدنية وعكبهم حرام أعليه كلشي
يرحون وصورهم تضل عله آعله رمشي
يدنية وهسه مدري.......شسوي ويكضي عمري

يدنية.... الجفوني مثلهم مايصحلي..........
يدنية.... اشبقالي يكلي وراح كلي.........

يدنية عليج كبري .......شسوي ويكضي عمري

يدنية يدنية يدنية

°•°•°•°•°•°•°•°•°•°•°•°•°•°•°•°•°•°•°•°•°•
المن عايشة المن صابره المن
أضلن خوب أموتن ليش أضلن
بسچن يادموعي أنوب بسچن
دمع دم ياعيوني آنوب صبن

يعيني الجفوني حلم صارت صورهم
ولا ضل يعيني دمع يكفي لهجرهم
كمت اتمنه كبري.......شسوي ويكضي عمري

يدنية ....الجفوفي مثلهم مايصحلي..........
يدنية .....شبقالي يكلي وراح كلي..........

يدنية أعليج كبري........شسوي ويكضي عمري

يدنية يدنية يدنية

°•°•°•°•°•°•°•°•°•°•°•°•°•°•°•°•°•°•°•°•°•

يدنية .....أعليج شهكاتي ونخوتي
يدنية .....أعليج نفسي الكضه وصوتي
يدنية .....أعليج كل ضحكه من أخوتي
طلب ماردت منج غير موتي

يدنية وياها كلهه لو وياي هجي
بلنهار أبجي ويجي الليل ونام آبجي واكعد أبجي
يكلولي أصبري..........شسوي ويكضي عمري

يدنية ...الجفوني مثلهم مايصحلي............
يدنية ...شبقالي يكلي وراح كلي..........
يدنية أعليج كبري .......شسوي ويكضي عمري

يدنية يدنية يدنية

•°•°•°•°•°•°•°•°•°•°•°•°•°•°•°•°•°•°•°•°•°

بلهم بلتعب بلصبح بليل
الملهم عمر وتطشره الخيل
وكت خله الوكت بحمولنه يميل
وكت كامت الضلمه أعله الضوه تعيل

وكت يغفه عزنه ويفز ذل الشماته
علي صاحب الله سباية تضل بناته
يدنية وشنهو عذري .......شسوي ويكضي عمري

يدنية .....الجفوني مثلهم مايصحلي..........
يدنية .....شبقالي يكلي وراح كلي..........

يدنية أعليج كبري........شسوي ويكضي عمري

يدنية يدنية يدنية

°•°•°•°•°•°•°•°•°•°•°•°•°•°•°•°•°•°•°•°•°•

يدنية يهون كلشي وحته مبجاي
مضل شي واكلج هونج أوياي
وحيد حسين حسبالج يدنياي
يدنية شويه كلشي حسين الي أهواي

يدنية ودمعتي كضت يم الجفوني
يبجوني أخوتي وآكولن ضحكوني
يموتون آعله خدري........شسوي ويكضي عمري

يدنية .....الجفوني مثلهم مايصحلي..........
يدنية .....شبقالي يكلي وراح كلي...........

يدنية أعليج كبري ........شسوي ويكضي عمري

يدنية يدنية يدنية

°•°•°•°•°•°•°•°•°•°•°•°•°•°•°•°•°•°•°•°•°•
آتشابهه بكلشي ويه أخوتي
بوحده آبد ماشابهتهم
همه كلش عذبوني
وانه كلش دللتهم
عندنا جريمة قتل ..ناتجها ام او طفل
و الجاني رد يعترف.. واحنا فتحنا السجل
.................
فتحنا سجلهم رؤوس الجريمة
أخذنا اعترافات خطيرة او أليمة
يشرحون تفاصيل جناية عظيمة
عليمن هجمتوا اعله حرمة و يتيمة

کلمن روى قصته ...عن هجمته او غايته
فعل وفعل يختلف ...واحنه فتحنا السجل
………………………………………

شخص گال انا اللي اشعلت نار على الباب
حرگته و دخلنا و لا چان بالحساب
لگيت الزجيه وره الباب بلا احجاب
تنادي يبويه ولونه هالاعراب

گال آني شفت العجب ..وجه البتول انضرب
چف الصفعها صلف.. واحنا فتحنا السجل
……………………………………………

شخص گال ورا الباب تلاوذ شفتهه
ترا الباب ثگيله او عليها ادفعته
اعصرتها لحد ما تون اسمعتهه
تگلي عليمن و أنه اتجاهلتهه

آني اعصرتها بقهر.. و اسمع ضلعها انکسر
آني الولى ومايعف.. و احنه فتحنا السجل
……………………………………

يگول اصفعتهه و شفت دم بديه
أثاري الدمه من جفنها الزچية
أسبهه و كأنها غريبة و سبية
تگلي حجابي و گلهه شعليه

سبيت ابوها و بچت ..و تحسرت ما حچت
خفت الارض تنخسف.. و احنه فتحنا السجل
…………………………………………

شخص گال شفتهه و شفت غيم حزنها
زحف تمشي و اتگوم تدور اعله ابنها
اجه قنفذ ابسوط رغم دم جفنها
ولاها و ضربها غدا ازرگ متنها

واحد دفعها ابرمح.. يسطرها فوگ الجرح
احنه نکرنه العرف ..و احنه فتحنه السجل
……………………………………

شخص گال شفتها توزع نظرهه
لحيدر لفضه لإبنها و كسرهه
اختلط دم جفنها مع دم صدرهه
صدر صابه مسمار لمن ذاك عصرهه

عالحايط انظر دمه.. کسروا ظهر فاطمه
انظرها راحت زحف ..و احنه فتحنه السجل
..................................... ..

شخص گال انه ثاني اثنين اجوها
وديعة رسول الله لا ترحموها
اذا صاحت آني الزچيه اضربوها
تگيدون بعلها و تشتمون ابوها

عندي گلب ناصبي ..أكسر ضلوع النبي
خلي الحقد ينکشف..و احنه فتحنه السجل
…………………………………………………………

اکو واحد يصيح ابشري يزهره
گيدنه ابو احسين و لامن ينصره
ابچي على حسين و انظري اعلى نحره
باچر نذبحه و ندوس على صدره

زينب يجيها الشمر.. واشکم ظهر ينکسر
قصتها ما تنوصف ..و احنه فتحنه السجل.

الشاعر السيد عبد الخالق المحنه.
| تم نقل البوت الى بوت جديد

📍 | اضغط هنا للدخول الى البوت الجديد

⚠️ | سارع في الاشتراك ... !
~~~~~~~~~~~~~~~~~~~
HTML Embed Code:
2024/03/29 06:55:24
Back to Top