لازم تفهم انو الحياه بتتقلب بمكالمة تلفون ، بنتيجة تحاليل ، بكلمه واحدة من دكتور بعد كشف ، وانت قاطع شارع ، بخطوة غلط في الشارع ، بمقابلة شخص ، بخبطه عبيطه ، بكلمه بايخه او قاسية من شخص ، بموقف أهبل ..
الحياة كلها بتتقلب في لحظه ، لحظة بس كفيلة إنها تلففك حوالين نفسك مهما كنت مخطط ومرتب و مأمن .. لحظة واحدة كفيله تجيبك الأرض في عز جبروتك .. الحياة كل يوم بتعلن إنو ماف ضمان فيها غير " ربنا " بس عشان لا فهمك ولا مركزك ولا قوتك ولا قروشك بتنفع قدام لحظه من اللحظات دي ..

م تزعل نفسك عشان حاجة وم تشيل هم بكرة ، م تموت نفسك عشان بكره ، ماف واحد عارف اللحظة الجاية شايله شنو فـ ريح بالك و ارمي كل الهموم والافكار والقلق ورا ضهرك و سيبها علي الله .. 💛

بتذكر مره شرحتا لي بتين حلوات معاي ف الجامعه م شاء الله خلقه واخلاق.. اها اتكيفن من الشرح حقي انا طوالي مشيت رفعتا حاله ف الواتس " رب اني لما أنزلت إلى من خير فقير "
واحده منهم ردت لي " إن أبي يدعوك ليجزيك اجر ما سقيت لنا " أخوكم من الفرحه والضحكه يومين ما نام ..

قبل شويه شفتا فيديو لواحده بتسأل الناس ف الشارع عن " اخر مره قالو فيها لأمهم ولا أبوهم بحبك متين ؟

صراحه انصدمت من الإجابات تقريبا وحده بس القالت ليها امبارح ، الباقين كلهم م عارفين متين !

انتو عارفين نحنا مشكلتنا شنو ؟!

أننا جافين ، ومستعدين نقول بحبك لأي زول ما عدا لأهلنا ال هم أولى بيها ، بتقول لي حبيبتك بحبك ف اليوم الف مره ولي امك مره ف السنه ، بتقولي لي حبيبك بحبك ف كل ثانيه ولا يوم جربتي تقوليها لأبوك .

ليه بنحاول نكون كويسين مع كل الناس الا مع اهلنا !
ليه بنبخل عليهم بكلمه !
لو قلنا ليهم بحبك وبسنا رأسهم كل صباح ح نخسر شنو ؟
ولا شي طبعا.. بالعكس ح نكسب رضاهم ونزرع جواهم شعور حلو .

انا عارف انكم بتحبوهم بس جربو تعبرو عن مشاعركم ليهم ، ادوهم من حبكم شويه فضلآ "💛

سلام عليكم
داير لي فيلم عن شاب مسخن سافر السعوديه اغترب ، بعدها انقذ طفل امير من حادث سياره
والامير أداهو مكأفاه خلتو يرجع بلدو ويعرس حبيبتو ومستقبلو مضمون ..

هذا الصباح ..💛

أمِن العقل أن يُؤذيك أحدهم و يبغضك
و يظل له كل هذا الأثر في نفسك ؟

غادر من غادرك ، و تخلى عن من تخلى
عنك ، و غير مجريات الأمور لواقع ترضاه
وأغلق الصفحات في الوقت المناسب .

لا تسمح لسوء أن يتسرب لنفسك ، وتصالح مع حقيقة زوال الكون كله في ثوان ، واعلم أن المؤمن مرفوع الرأس ، عزيز الشعور
و أن المتنازل مرة عن حقه ، المتسامح في حدوده ، يُؤخذ منه و لا يرد عطائه ، و تكسر نفسه ما دامت لا تعز عليه .

أعزك الله بقوة القلب و شدّ أزرك باليقين ،
أنه معك ، رزقنا الله نقاء السر و دوام الخير
واطمئنان النفس فلا يضيرها هجر الناس و لا تتوسل معيتهم أبداً .

انا بحب لي واحده شديد وهي كمان بتحبني لكن الايام دي أثبتت لي عكس ذلك ، المشكله انو بتتكلم بالتلفون كتير ومشغوله على طول ، طوالي واجهتها بموضوع انو ليه على طول مشغوله ؟.
اعترفت لي انو ف واحد تاني ف حياتها وبتحبنا الاتنين
وقالت لي : طالما م مقصره ف حقك ما تتكلم والعندي معاهو قسمه بتزوجو .

بت سايقه عربيتها وواقفه ف الاستوب وسرحانه ، الاستوب ولع أخضر وهي سرحانه ، ولع أصفر وهي سرحانه ، وتاني ولع أحمر وهي سرحانه ، جاها بتاع المرور رباطابي قال ليها : والله ي بتي غير الألوان دي تاني م عندنا ..

لماذا سمي البنقو بهذا الاسم ؟!


تابع هنا ..🚬

اختي كانت بتتوحم طبعا هي في بيتها وانا ف بيتنا اتصلت علي وقالت لي : انا دايره مطره ..
مطره ؟! مطره شنو ي بت الحلال !! قالت لي : ي زول هوي دايره مطره انا ، قلت ليها كويس اديني راجلك اتكلم معاهو قلت ليهو انت جادي المرا دي دايره مطره !! وف الصيف كمان ، بقي يضحك وقال لي جاده والله وبتبكي..
قلت ليهو خلاص جيبها بيتنا وتعال ، طبعا عندنا شجره جوافه وليمون ف البيت مشيت جبتا ليها سرير وختيتو وانتظرتهم لحدي م وصلو..
قلت ليها : امشي اترزعي ف السرير داك والمطره بتجيك هسي وبقينا نرش ف الشجره انا وراجلها بالخرطوش وهي مبسوطه ومتكيفه ..
وراجلها بقول ليها : عايزه رعد ولا لالا ؟! وبقينا نضحك التلاته ..

ي نسوان هوي اتوحمو لينا بحاجات معقوله منقه ، تبش ، بامبي احسن

واقف مع صحبتي ف العربي وبنتونس فجأة كدا لقيتها بتكبكب ، قامت طلعت 500 جنيه وقالت لي : م عندي غيرها والله ، أتضح انو اخوها جاي من وراي وقالت ليهو دا أسي سرقو ناس 9 طويله
وقالت اتقطع قام عاين لي كدا وطلع 2000 ج وأداني ليهم وساق اختو وفات ، وأسي انا ف محل الاقاشي ف جاكسون اتفضلو ياخ ..

‏انا وامي متابعين لينا مسلسل هندي ١٩٣ حلقه و راجيين الحلقه الاخيره بي فارغ الصبر اخر شي البطل جدع البطله في البحر و كتبو تحت " انتظرونا في الجزء الثاني "..

_



تبادل نشر ( انشر الرابط حقك في قناتي وتنشر الرابط حقي في قناتك )

@abdo69sh

ولدي العزيز كنت أتمنى الزواج وانا بالعشرين من عمري لكي أستطيع ان أصادقك عندما تكبر وتشعر بأنني صديقك ولكن شكلك بتلحق على وانا بقفل ف المكيف..

تجمع المدريديستا السودانيين🤍
#الرده_مستحيله

#hala_madrid


صلي على النبي قبل م تغادر 💛
https://hottg.com/marca_madrid

بايرن ميونخ ما رضي يسجّل لـ 8 احتراماً لبرشلونه 😁😁😂😂

ماشين انا وصحبي مشوار وقفنا ركشه المهم نتونس وبعد وصلنا إشتبكنا انا وهو أدفع انا وهو يقول حرم أدفع انا وأي واحد فينا مادي القروش ، بتاع الركشه بقي محتار قال لينا : انتو من الجزيره ؟
قلنا ليهو اي ، قال لينا : "اها أوريكم الرجاله ذاتو امشو حق مشوار ذاتو م دايرو منكم"

{ في حب ناس الجزيره ♥️}

قيبل الصباح امي كانت مشغوله وقالت لي أمسك تلفوني وخش الواتس اب بتلقى " أم انس " مرسله لي صور " صباح الخير " رسلها للناس كلهم إلا لي " أم انس " عشان م تقول بتجيب صوري راجعات ، وبرضو م ترسلهن لي " أم خليفه " عشان متشاكله معاها ، و شيل اي صوره " صباح الخير " من اي زول ورسلها لي " أم انس " عشان م تقول سافهاني.

عزيزتي أنثى الغياب ..
ها أنا أفشل للمرة المئة بعد المليون في محاولة التأقلم مع حقيقة أنكِ ما عدتِ هنا
هذه رسالة أخرى في بريد غيابك الذي لن ينته .. أعلم تمامًا أنكِ لن تقرأينها
لكنني رغم ذلك لا أستطيع التوقف عن الكتابة إليك؛ إنها لعنة أصبتُ بها مذ قررتِ.. أنتِ ليس أنا.. ممارسة لعبة الاختباء ..!
لكن إلى متى ..!
إلى متى يا أنثى الغياب سأظل أتارجح بين كل هذي الإحتمالات ؟
ومتى تنتهي رحلتك الطويلة في دهاليز المجهول وأحظى أنا بانتصار أخير ؟
آه
لو فقط ترين رمادية الحياة والأشياء واضطرار تحمّل كل هذه الفوضى التي تحولت إليها حياتي
في كل صباح أغسل وجهي ، لا لشيءٍ فقط لأني لا أريد للناس رؤية ملامحك في ّ، أحاول محوكِ مني..
أدرّب نفسي على نسيانك .. أنتِ التي تسكنين ذاكرتي !

أنشغل بالعمل ، بالقراءة ، بالكتابة وأنخرط بكل قوتي في الحياة .. أفرغ كل مخزون طاقتي في مساعدة الآخرين ، وما أن أضع رأسي على الوسادة أراك .. موشحة بالمواويل والعزاء ومكللة بورود لقاءنا الأول ..!
أفزع وأذهب لأغسل وجهي ثم أعود ، وتعود معي كل الذكريات الأليمة !

يحدث هذا كل صباح ، أبدًا لن تتوقف الدوامة طالما أن الاختباء في عُرفكِ يُعتبر حلًا لمعضلتنا هذه التي لن تنته ِ..
لكنني رغم كل ذلك سأنتظرك ِ..
ليس حبًا في الانتظار.. لأني أعرف أنكِ على أي حال لن تأتِي.. بل لأني عالق
إنه شعور غاية في الثقل أن تنتظر أحدًا مع إيمانك التام بأنه لن يأت !
آه
في حياتي ومن بين كل الأشياء التي تروح وتجئ إلا أن فكرة إنني لن أستطع رؤيتك مجددًا هي الأكثر ألمًا وثقلًا وبشاعة يا أنثى الغياب..
لو فقط تدرين !

- يارب أتزوج زوج صالح .. أتجوزت .. يارب ذرية صالحة .. الله أداها طفل ..

يارب طفل تاني .. بقى عندها اتنين .. و مع شوية ضغوطات تبدأ :
انا كنت قاعدة في بيت أهلي مُعززة مُكرمة ، ياحظها اللي ما إتزوجت !

- يارب شغل في أي مكان ، يارب أي شغل ، يجي الشغل بس ، و تشتغل ، و مع الوقت :
شغل متعب وما مرتاح والمواصلات و بهدلة شديدة !
ولو الشغل قريب من البيت :
شغل مُمل ، ما شايف نفسي فيه !

لو الشغل جوا السودان :
عايز اسافر بره زهجت من البلد دي

لو الشغل برا السودان :
تعبت من الغربة و حاسي إني آله بتجيب قروش.

طيب لو شغال في مكان تحت إدارة زول :
نفسي اشتغل براي ، أخير لي من الشغل تحت زول

طيب لو شغال براك :
كان نفسي اكون شغال في مكان وما أشيل كل المسؤليات دي براي.

" و تستمر دائرة البطر والجحود عند ابن آدم "

عارفين المشكلة وين ؟!!

بإختصار .. إننا عايزين نعمة بدون " مُنغصات " و أول ما تجي المًنغصات بنفشل في امتحان الشكر .. و تبقى الحاجة اللي كنت بتبكي ليل نهار علشان تجيك بقت هي الحاجة اللي بتتمنى زوالها لمجرد إنها جات بشوية مُنغصات و ده طبيعي جدًا .

ربنا بيستجيب لينا .. و بيكرمنا .. بس نحنا اللي مُتخيلين الدنيا ذي الأفلام والمسلسلات كل حاجة بتجي سهلة و على المزاج بالظبط ، خلي بالك تكون بتتبطر على نعمة في حياتك لمُجرد إن فيها مُنغصات
في مثل بتقول :
نسي شكرها ففقدها .

" والفقد ما ضروري فقد النعمة .. ولكن فقد لذتها "
عشان كدا أحمدو ربنا دايماً على كل حاجة بتملكوها وعاينو للنص المليان من الكُبايةه ❤️❤️