TG Telegram Group Link
Channel: الشاعر هادي الساعدي
Back to Bottom
نزله سريعه* القران الناطق*
من ضحى حسين ابدمه. من اجل أيصحي الأمه
حسين القرآن الناطق
*:*;///////////////*/////////////////////**
اعلن ثوره اعلل طغيان
ثورة اصلاح الإنسان
لجل الدين أصبح قربان
ثبت اركان الايمان

ضحى بروحه وكل اهله
صوت الحق لازم يعله
حسين القرآن الناطق,
,///////////////*//////////////////
گاللهم كونوا احرار
لتكونوا سيف الاشرار
وي الحق صيروله أنصار
صفو وي درب ا لابرار

دنياكم لتغركم هاي
گللهم صفوه الرأي
حسين القرآن الناطق
/////////////*///////////////
قدم عبدالله اوليده
ورده وشايلهه أبايده
ضامي وألمي ايريده
ابهيده ياسهم ابهيده

نحره اليلمع جن فضه
يتمزق يا هواليرضه
حسين القرآن الناطق
/////////////*////////////////
انطه منهج للأجيال
أتريد البطوله الهه رجال
ما تنحني جنهه اجبال
ومتغرهه دنيا ولا مال

ما تطمع ابملك الري
بيهه الضمير يظل حي
حسين القرآن الناطق
///////////////*///////////////////
من ذاك اليوم الهل يوم
تتربص بالدين الگوم
هذا ايهادن ذاك ابسوم
بين الحافد والمسموم

لكن هيهات ايربحون
نور الحق لا ميطفون
حسين القرآن الناطق
/////////////*////////////////

يتمنى كل واحد كان
موجود وي الصحبان
يا ليتنا هسه الآن
هبوا ونصروا القرآن

من أجله قدم روحه
وأهله أصبحت مذبوحة
حسين القرآن الناطق
الشاعر هادي الساعدي
2023/7/22
https://hottg.com/had_jaa
كعديه مناصره للقرآن
منصور يضل القرآن والله الناصر
منهج دستور الإنسان بالماضي وحاضر
اسمع وافهم ياسلون
ملعون وكلك شيطان
وتذمك كل الأجيال ملعون وكافر
*

ربنا من نزل كتابه اعله الرسول
حافظه من كل زنيم وكل جهول
عالي شأنه واليضده. في نزول

الحارب القرآن يخسر
وتالي وحده يبقى ابتر
بالجحيم اهناك يحشر
تلهمه النيران والموقف يطول
اعمالك هيه البرهان
ملعون وكلك شيطان
وتذمك كل الأجيال ملعون وكافر
***
احنه نعرف زين يا هو الجندك
ويا هو جابك للرذيله وساعدك
وترس عقلك بالسموم وساندك
حتى ايعم الفساد
وحرب مابين العباد
بالضغائن والأحقاد
لا تضن تفلح ابهذا مقصدك
اميين عدنه العنوان
ملعون وكلك شيطان
وتذمك كل الأجيال ملعون وكافر

***
من تكون انت وأصلك من تكون
مس اكو ايعقلك لو عندك جنون
انت ترباة الفضائح والمجون

واضحه كل الأمور
مغتر وكلك شرور
بالرذيله وبالفجور
يا هو يشفعلك اذا جاك المنون

في الدرك الاسفل خسران
ملعون وكلك شيطان
وتذمك كل الأجيال ملعون وكافر
****
حسين للقران قدم منحره
وزينب الحره العقليه اميسره
وتدري ابو فاضل اجفوفه امبتره

حاربوا اهل الظلام
الحرفوا حتى الكلام
وضحى بعياله الامام
واحنه مثله انضحي والحق ننصره
وأرواح انقدم قربان
ملعون وكلك شيطان
وتذمك كل الأجيال ملعون وكافر
**
احنه ترباة المجالس والحسين
عن كلام الله ندافع وبيقين
العروة الوثقى والحبل المتين
نقسم برب السماء
لجله انرخص الدماء
اولادنه وكلنه فداء
لا حياة إبلا عقيده ولايه دين
اشما تنعق وي الغربان
ملعون وكلك شيطان
وتذمك كل الأجيال ملعون وكافر


الشاعر ،،هادي الساعدي 27/7/2023
https://hottg.com/had_jaa
بالطفوف الحره الله يعينها
عل رمل عافت ذبيح حسيتها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
هاي زينب بت علي ام الصبر
هيه والأحزان توأم بالعمر
من هوان الدنيا حاديها الشمر
شلون زينب بت علي اميسرينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اطفال عطشانين ذبلوا كالورود
وٱل اميه اتجاوزو كل الحدود
يا گلبهم قاسي وكلهم جحود
ناس باعت كل قيمهه ودينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اتلوذ بيهه الحرم من هول الحرب
ولو گطرة ماي رادت للشرب
عل مخيم هجمت اخيول الغرب
وين آل المرتضى جا وينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠**

اوف يا هول المصيبه يا بشر
عل رمال حسين محزوز النحر
والسهام الصوبت جسمه مطر
والضلع مكسور شافت عينها
٠٠٠٠٠٠٠٠٠٠٠٠٠٠٠٠٠٠٠٠٠٠٠**
قصة الطف مؤلمه ما توصف
بيهه عبدالله انذبح نحره الترف
موقف ايهز الرواسي اشگد كلف
اشحال زينب سكته جان ونينها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠**
اصعب من الموت يا فگد الأهل
والمصاب أشأعظمه وجدآ جلل
والرضيع يشيب من هول الحصل
وبين اخوهه حالوا وما بينها
خادم اهل البيت ع
الشاعر ،،هادي الساعدي
,
فزاعيه للأربعينه
حراره بگلب كل مؤمن
ماتنطفي ولا تبرد
لبني حسين ابو اليمه
گالاهه النبي احمد
///////////////
تظل مشتعمله ما تطفه. حراره بكلب كل مؤمن
اعيون المحب ماتغفه. حراره بگلب كل مؤمن
اليزوره من يجي ابلهفه. حراره بگلب كل مؤمن
حجه ازيارته تتعد
ما تنطفي ولا تبرد
//////////////////
حسين النفس والريه. حراره بگلب كل مؤمن
نجيه وصافيه النيه. حراره بگلب كل مؤمن
ابصرختنه الحسينية. حراره بگلب كل مؤمن
غيره ما نريد احد
ماتنطفي ولاتبرد
///////////////
زحف نزحف لبو اسكينه. حراره بكلب كل مؤمن
الگلب هو وشراينيه. حراره بگلب كل مؤمن
حنين النوگ حنينه. حراره بگلب كل مؤمن
حبه ما أله كل حد
ما تنطفي ولا تبرد
/////////////////
عابس جون كل احنه. حراره بگلب كل مؤمن
حبه نعم حنننه. حراره بگلب كل مؤمن
دمنه اله رخصته. حراره بگلب كل مؤمن
ودنه انقدم الأزيد
ما تنطفي ولا تبرد
////////////////
اليوم ابأربعينيته. حراره بگلب كل مؤمن
العالم يحجي ابصيته. حراره بگلب كل مؤمن
تظل مرفوعه ساريته. حراره بگلب كل مؤمن
المسيحي البوذي اله يشهد
ما تنطفي ولا تبرد
//////////////////////
سليب وگطعوا اوصاله. حراره بگلب كل مؤمن
عطاشه تصرخ أطفاله. حراره بگلب كل مؤمن
اساره أخذوا اعياله. حراره بگلب كل مؤمن
حزنه لجله يتجدد
ماتنطفي ولاتبرد
الشاعر هادي الساعدي
قصيده للمشايه الأربعينية
تتوافد المشايه
من كل بقعه بالعالم
//////////////
هو كعبة الاحرار. تتوافد المشايه
عشاگه وآله أنصار. تتوافد المشايه
تتحدى شكو إخطار. تتوافد المشايه
من كل كتر عنايه
من كل بقعه بالعالم
//////////////
تصرخ يا ذبيح الله. تتوافد المشايه
وتلطم بالدمع والآه. تتوافد المشايه
على المذبوح وا ويلاه. تتوافد المشايه
اله الأرواح فدايه
من كل بقعه بالعالم
/////////////////

قصة عشگ مكتوبه. تتوافد المشايه
حبيب ايوافي محبوبه. تتوافد المشايه
مواكب اله منصوبه تتوافد المشايه
تنصب عزا وقرايه
من كل بقعه بالعالم
//////////////////
يمشي شايب امحدب. تتوافد المشايه
يكول حسين هو الحب. تتوافد المشايه
اسمع زين گلي اكتب. تتوافد المشايه
حسين الهدف والغايه
من كل بقعه بالعالم
//////////////////////

شفت اليطبر براسه. تتوافد المشايه
لئن حسين بأنفاسه. تتوافد المشايه
هو مالك إحساسه. تتوافد المشايه
بمشي و رافع الرايه
من كل بقعه بالعالم
/////////////////////
سفرته خير ممدوده. تتوافد المشايه
الكل الكون مشهوده. تتوافد المشايه
امعزبه الوادم ابزوده. تتوافد المشايه
وباسمه دگوا الثايه
من كل بقعه بالعالم

الشاعر ،هادي الساعدي
رقيه تخاطب والدهه بعد فراقه**
حاجيني يبعد اهلي
يروحي وفرحتي وضلي
شلي بعمري بعد شلي
إنه ابلياك مخنوگه
گلبي ميت ابشوگه
روحي خيم محروگه
تعال وطفي نيراني
كلشي البيه امتاني
تجي وتزيلهه أحزاني
يلمدللني ياروحي
بس انت دوره احروحي
مر بيه كثر نوحي
ما متعلمه ما شوفك
يلملاعبني بجفوفك
عليه ادريه كل خوفك
شنهو الأخرك عني
ويا هو الماخذك مني
اموتن من زغر سني
إذا ما قبل اعيونك
الحياه ما تسوه من دونك
اسأل عنك اشلونك
الشاعر هادي الساعدي
نعي
طگات الزمن ها يوجعني
وشسوي لليالي الدولبني
خذن مني العزيز وعذبني
أشعجب وياه وسفه ما خذني

بس هو الوحيد المالي عيني
ما بطل دمعتي ولا ونيني
وكل معنى بعد ماكو بسنيني
ودٓوله خبر لازم يجيني

محد يوصل الطيبه ومحنته
حبه بگلبي مغروس وزرعته
وياه العمر يخلص حسبته
خذاه الموت مني ابساع جفته

حسبه اجيبني وتردني حسبه
شيعوض العزيز افراگه صعبه
كل لحظه العيون اعليه تربه
تندل زين كل خطوات دربه


الشاعر هادي الساعدي
نعي عن فراق الأحبه
نداين دمع وشل دمعنه
على الزينين ما بطل وجعنه
كلشي أتغير اتشتت وضعنه

حگهه الناس ما تدري بينه
ولا تدري ابوجعنه ولابجينه
هذا الگلب زايد. ونينه

دورنه مثلهم ما لگينه
وحگ المرتضى حيدر علينه
حتى ابيوتنه أتون وحزينه

گلب الوالده جالطير مذبوح
وتنادي تعال وطيب الجروح
زين وباقيه ما طالعه الروح
عليك أتون يغالي ليل ونهار

يشمعة دارهه التضوي محنه
رادت بالجفوف اتخلي حنه
خذاك الموت ليش ابساع منه
وتبدل فرحنه وكلشي اندار


حگهه امك يغالي اتصيح يبني
افراگك يل ولد صدگ ذبحني
طشرني الوكت يا هو أليلمني
اخلافك يل حنين اشلون بيه

مرت جم سنه لدگول ناسين
اشم بصورتك يل غالي يا زين
ينشمي أمنين اجيبن مثلك أمنين
الك جيه بعد لو هاي هيه

هادي الساعدي
نعي
أنه ألعطشان شوفتكم ما يرويني ماي الكون
هسه كون يمي أهناه ودري صعبه هاي الكون
وعلي بيه بواجي تريد موش اثنين عشر اعيون
وحدي أگعد توالي الليل خلگ الله لما أينامون
حتى انفاسي مخنوگات جن أنفاس اليغرگون
بجدامي أجر گوه حيلي رك فلا يدرون
ناري اموجره ما تطفاش. أنتم الهه ألطفون
وبالعشرة أحلفكم لو لحظه ألي أتردون
حلم يحبابي مرولي أسير بغربته مسجون
حالي هيج يل غالين وحتى لو أسير اتهون
يجي يوم واشوفنكم انتم يا ذهب مكنون
بعدكم كل فرح جذاب وحالي أصبحت كالمجنون


هادي الساعدي
21/4/2024
Forwarded from ּ [̲̅J̲̅].[̲̅W̲̅].[̲̅A̲̅].[̲̅D̲̅].جواد حۡــڛۣــڼۨــٰٱ̍ﯡۑْۧ ℍ𝔸𝕊𝔸ℕ𝔸𝕆𝕀
ابوذيات عن الام 😭😭
كلمات الشاعر هادي الساعدي
Forwarded from الرادود قيصر الإمارة (قيصر الإمارة)
الوداع  اليوم  صاحت     فاطمه تودع  ابوهه
والصحابه بعده خانت    بدارهه النار اشعلوهه
            اشهل  المصيبه


✍️ الشاعر // هادي الساعدي
🎙️ قيصر ابو منتظر الإمارة
قصة عشگ ما تنتهي   من مولدي المماتي.
انت ملاذي ومسكني.  كل صومي وصلاتي 
نبض الگلب نبض الگلب
. يحسين غيرك ما احب          
  
،،،،،،،،،،،،،،،،،،،،،،،.          ،،،،،،،،.             
من ماي حبك مرتوي.    ترويني وانت العطشان
وروحي الصبخه خضرت.   وغذيتهه. بالإيمان
ونورت وجهي ابتربتك  والعشگ أصبح عنوان
دونك أضيع وأنتهي. أصبح خبر في ما كان

نبع الوفه  . والعاطفه   . محبوبي وهواك
حبك شفه. وأجمل صفه . محبوبي وهواك
والحضره جنه الهه اطب
يحسين غيرك ما احب
،،،،،،،،،،،،،،،،،،،،،،،،،،،،،،،،،،،،،،،،،
بجروحي انت ملتهي    وجروحك اتبجي الكون.
حاظر الگاك ابشدتي.    دومك تمدلي ايد العون
وياي واگفلي اشكثر.   الف أنعم الله وممنون
يا حلمي ينياط الگلب. مجنون بيك ومفتون

يا سيدي   بيك اقتدي.   ومشى اعله ممشاك
وبيك اهتدي  وبيك ابتدي  ومشي اعله ممشاك
ياماي روحي ياعذب
يحسين غيرك ما احب
،،،،،،،،،،،،،،،،،،،،،
باسمك اتغزل واعترف  انت الهوى ومحبوبي
ومحلاته عشگك غايتي.  . يمحيلي كل اذنوبي
وحجي ويه روحي كل وكت . من هالعشك لتوبي
 طاهر مقدس هل عشگ. هو الدوه ومشروبي
كلي همت. بيك آمنت. رغمآ على اعداك
بأسمك صحت. لا ما طحت. رغمآ على اعداك
للحاربك أعلن حرب
يحسين غيرك ما احب
انت ملاذي ومسكني كل صومي وصلاتي
🔸🔸🔸🔸🔸🔸🔸🔸🔸
شيريد وشيطلب بعد   اليندلك ويتعناك
شمضيع ويلگه شكو.   هنياله كلمن يلگاك
أيفوز دنيا وأخره       يحسين فاز اليهواك
كل أمنياته ومطلبه. تشفعله مولايه أهناك

يا سمعتي  ويا هيبتي.  يانور الانوار
ويادمعتي ويا شمعتي   يا نور الانوار
يحنين وگلبك رحب
يحسين غيرك ما احب
🔸🔸🔸🔸🔸🔸🔸🔸
كل  ما ادگ بابك واجي  مايوم سديت الباب
ما فشلتني واعترف   يابن الهدى والاطياب
واقسم ببوك المرتضى  حيدر شهيد المحراب
من روحي اغلى ومن هلي. انت أعز الاحباب


مثل الشهد. احلى بعد. ارسي اعله مرساك
انت السند. وانت المدد. ارسي أعله مرساك

حبك نبع صافي وعذب
يحسين غيرك ما أحب


الشاعر ،،هادي الساعدي
HTML Embed Code:
2024/06/01 16:38:44
Back to Top