[[ مدد يا ابو سكينه ]]




لسان الحال لخدام الامام الحسين ع






مدد مدد  يا ابو سكينه

◾◽◾◽◾◽◾

كلشي بيه يــــريدك
سيدي اطيني ايدك
وگلي الله يــزيــدك

حب وعشگ


فدوه لله شحلاتك
ابدع بكل صـفاتك
فيي ليه بعبــــاتك

يالمنسحـــگ


گالاها ياسين ونــدب
هالدنيه وقتيه

محلاها لو تگضي تره
اباب الحسينيه

قيمه وكرامه خدمتك
يمدلل ارقــــيه


عهد عهد  خدمتك لينه
مدد مدد  يا ابو سكينه

◾◽◾◽◾◽◾

قمة في امنيــــاتي
والطموح بحــياتي
يم ضريحك يغاتي

اخذ صــور


شنهو باللـه شعوره
اللـي ياخـــذ صوره
بين اخيّ الغـــيوره

وبين الگمر


رتبه احسها مــو عــــلگ
من ينشد بچتفي

ولهلي ارد واشتم عطــر
شباچــك بـچفـي

لو يمـــــــك افـــتر العـمر
يحسين ميكــفّي


شهد شهد  تعبك اعلينـه
مـدد مـدد  يا ابو سكينه

◾◽◾◽◾◽◾◽

مجلسك حسـسانــه
النه هيبه ومــكــانه
والبغضنه بمهـــــانه

وذله وندم

عشگي فطره سليمه
وادعــي الله يديمــه
كلها تصبــح قديـــمه

الا الخدم


ابسط مثال بكــل وكــت
كل موقف نچزه

والشي البيه خدمة ولطم
بيه نبقى نتعزه

ما يحله مجلســـنه اذا ما
نبدي بحمزه 


ابــد ابـد   نضل مجانينه
مدد مدد  يا ابو سكيـــنه

◾◽◾◽◾◽◾

عالمك ماكو مـــــنه
مالي گلبـــك محـنه
سيدي شحچي عنه

اتعب وامل

اهلــي عنك قــرولي
وعن حنانك حچولي
وامي بسمك تلــولي

دمعي يهـل


وصاني ابوي وگال الي
من الدنيه جر ايدك

والزم حسين وهالحچي
من واحد يفـــــيدك

عــــــودتك ومثلي اريد
اتعــــــــــود وليدك


سند سند  هــــو والينه
مدد مدد  يا ابو سكينه

◾◽◾◽◾◽◾◽

العشره لا مو قلـــيله
وانته صاحب طويله
محلـــفك بالعلـــيلــه

تنضر الي


خلني دوم اعله بابك
عمري اريده بثــوابك
وصح اعيشن مصابك

يابن علي


دنيانه مره صح لچن
تحله بعزائاتـك

خليني لو وصله بهدم
لو خيط خيماتك

اتقلبني خادم سيـــدي
بداعة بنيــــــاتك


ضمد ضمد   يالتـــداوينـه
مــدد مــدد  يا ابو سكينه

◾◽◾◽◾◽◾◽





          عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

مَنْ آوَى إلى اللهِ، خَفّت أوجَاعَهُ❤️.
@h_ameer3

( شباب اليمه)  استشهاد الامام الجواد ع

……………………………………………………………

اهل الظلم    . شدوا عزم
ابموت الولي . صدرو حكم
من شمع فاطم يطفون • سمّوا شباب اليمه

……………………………………………………………

مـثل السـقيفه المعتصم سواها
وي بت اخوه ام الفضل عقداها
ابيت الـولي نار الحـقد شعلاها

عاده و سِمه •• شُرب الدمه
لضنوة علي •• و لفاطمه
بين السبي و المذبوح • والشرب منهم سمّه

……………………………………………………….……


مثل الحسن وبيومه يشبه جده
و ام الفضل بالغدر تـشبه جعده
بالسم نحل حيله و تگطّع چبده

سمهم قوي •• جمر وچوي
من الألم    •• ظل ملتوي
و الدنيا من كثر الاه • بعيونه صارت ظلمه

……………………………………………………………


صعب اليموت بغربه مـو يم ناسه
مو حضن اخو فوگ الترايب راسه
هاللحظه سـيف و تذبح بأحساسه

وكت الاجل •• دمعه انهمل
يربي النظر •• مامش اهل

يريد اليشيعونه اخوان • ويهوّس ابنيّ عمه

……………………………………………………………


عشـرين و شويه الجـواد اسنينه
من زغزه ضيم وقهر شافت عينه
لا ليله نشفت دمعته اعل حسينه

يذكر خدر    •• ناگة يسر
سوط ومتن •• خيمه وجمر
و يگلها كـون الـبسوط • متني ابدالج عمه

……………………………………………………………


يكول الخبر ايام ظل عل غبره
لاچفن لا مـاي الغسل لا سدره
مـثل التوزّع بالـحوافر صـدره

بس مو ذبح •• راس ابرمح
الف وتسع •• مية جرح
وماله رضيع وعطشان • بچفوفه ناثر دمه

……………………………………………………………


اسـمه الجـواد و يـكرم بـوفاده
معزّب و ماخذ شمره من اجداد
كلمن يطب للحضره جاب مراده

ميرد ابد    •• كلمن گصد
ينطي شكثر •• وبلا عدد
ويشفه المريض من الاه • لمن ضريحه يلزمه

………………………………………………………….
✍️ ( سيد خضر الزاملي )

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

( ابوذيات السيده العليله )


مشه حادي ضعنهم بس متانه
ومشت وي الهواشم بسمتي انه
عكبهم صار عمري بس متانه
شلي بدنياي اذا بعدو عليه

يحادي خلصت روحي بل حداي
يكون تضمني وياهم بل حداي
اونن حته لو موتن بل حداي
بموتي ويقضتي دموعي سريه


فراكك والچفه والضيم وعداي
عليله شلون اشيل الجدم وعداي
صبرت وخل اشوف شضام وعداي
ابفرح لو دوم حزني يحيط بيه


عجيبه ضاله عدله والي روح
انشده الجاي بضعونه والي يروح
ذجركم عايش بروحي ولا يروح
اريد اعرف اخبار الغاضريه

الشاعر ضرغام منعم الكربلائي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ بدمنه حسيناه ]]




لخدمة سيدي ابا عبدالله ع






خدم واللـه وبدمنه حسيناه

◾◽◾◽◾◽◾◽

بهاي الخدمه هنيالي
خادم واخدم الغـالي
وشاني مرتـفع عالي
لأن عايش مصابـــه



ضايع بس لگيت حسين
دلاني بطـــريقي

ولگيت النـــاس متوهمه
بس دربه حقيقي

◾◽◾◽◾◽◾◽◾

روحي لحضرته فدوه
ســـألوني مــنو تــهوه
وگلت بگلبي بس هوه
عشگـــته وما اغيـــره



لولتلي امي بسم حسين
بكاروكي وهويته

دمع الزلمه زحمه يطيح
بس لجــله چفيته

◾◽◾◽◾◽◾◽◾

بخدمته امچلب تچلب
لگيت اسنيني بالموكب
وتوفيقي بأخو بزينــب
ابـــو فاظــل حبيـــــبي



كـــلما حيــلي يتـــهــاوه
رشني بماي جوده

كل مابيه حــب لحسين
وادعي الله يزوده

◾◽◾◽◾◽◾◽◾

الدنيه بنضرتي اقرايه
وزنجـيل ورفــــع رايه
ودمعه وامشي مشايه
ولطم وونين لم عـون



عبره وعبره ابو السجاد
ومسويلي واهس

الما بيه غيره للخيمات
ما داخل مجالس

◾◽◾◽◾◽◾◽◾

الما عنــده ابــــو اليمه
الزهره ما تعرف اسمـه
خل يسكــت ولا كلمــه
ولا يعــرض بـــــــدربي



شامخ ما ادنــگ راس
ماهم بالمــــلامه

تسقط مغريات الكون
وتعيش الخدامه

◾◽◾◽◾◽◾◽◾






          عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

للإمام محمد الجواد ( عليه السلام )


آيات تُوصف دَفِن معصوم
بـ سورة ألم بـ احزانها تدوم
ناسه الجواد يشيعون .. الحسين بيه يجمعون
______

من مات بي وادم درت .. ولبيته صارت فزعه
ولبيته اتعنّت ركض .. راحت لبابه تشلعه
ذاك العله راسه لطم .. ذاكه العليه ظل ينعى
وتغسّله بفيض الدمع .. والدمعة فوگ الدمعة

واليندفن من دون تشييع
صعبة يصير وياه توديع
وما يمه أهله يودعون .. الحسين بيه يجمعون

______

حنّت عليه ابن الرضا .. يمه الطيور تشبگه
شفت الحسين بكربله .. عشرة خيول تسحگه
والحافر اثگيل الوزن .. والصدر حيل يختگه
وتمنعه من شم الهوه .. بالگوه صار يشهگه

والصدره ظل نصين مگسوم
شلون الهوه يظل بيه مظموم
بالخيم كسره يسمعون .. الحسين بيه يجمعون

______

المن خشب تابوته شفت .. واعله المتون اتشيّع
اليمه العشيرة وكل هله .. وصوت البيارغ تسمع
يختلف عند ذاك الذي .. الما إله واحد يفزع
الما يمه ناسه ولا هله .. الظل عالتراب امگطّع

الما تنحسب البجسمه الجروح
جرحه شيشده ويبقى مفتوح
بجروحه گلبي يشلعون .. الحسين بيه يجمعون

______

عانى الجواد امن العطش .. آخر حياته وعمره
بكربله ما چوت شفت .. گلبه شرارة جمره
حار الرمل گلبه يبس .. الحسين من گد حرّه
وبراسه شفت اتجمَّعت .. حرّ السحگ والطبرة

حرورة الطبرة راسه تچويه
ومن السحگ ما ظل دمه بيه
ولطعنه كلهم يسعون .. الحسين بيه يجمعون

______

سيدنا بالماي وسِدر .. يمه هله امن اتغسّل
كيف يُغسّل يا تُرى .. رايد جواب اني اسأل
المتساوي جسمه ويه الأرض .. ابنه على عطره اندل
الله يعينك يا علي .. من شفت ذاك المقتل

وشلون گلّي يصير تغسيل
الصار الهوه أوصاله يشيل
وجروحه گد اليدعون .. الحسين بيه يجمعون

______
حسين علي الدليمي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

الليله الآولى
#محرم_الحرام_1446هـ_
لكل انسان كوابيس واحلام يتمنى ان لاتتحقق وكوابيس خدام الحسين الأبتعاد عن خدمة مولاي ابو عبدالله الحسين (صلوات الله عليه) لاغير

القصيدة عن لسان كل مقصر ومذنب خائف على خدمته
=======================

شفت كابوس بمنامي
ترك فجئه الخدمة گلبي
من الحلم فزيت خايف
صدگ ضاع وراح تعبي ..؟!!

خايف ... من هايه خايف
لجرحك .. لو دمعي ناشف
بذنبي ... خايف اخسرك
وتالي ... شتنفعني اسف

من حلمي افزن واصرخ دخيلك
كلشي اله هاي ارحمني استجيرك
تموتني ولله من امشي عله غيرك
حسين ....

عايش على الله وهايه نعمتك
احرمـنـي كلشي اله خـدمـتـك
رافـع اديـه الزمـني بيـمـنـتـك
حسين ....

####
خايف وجيت بكسرتي
الندم كلش عذباني
بروحي الف حر الرياحي
يريد توبه تهز كياني

نادم ... چم مره نادم
يمتى ... تحسبني خادم
كافي ... من الندم كافي
تايب... مو هسه لازم

رغـم انه عاصـي تـقـبـل عبرتي
ومن ابچي بيدك تمسح دمعتي
خايف عليه وتـبـچـي لغـفـلـتي
حسين ....

گلـبـي يـســولف هاي العباره
طـردتـنـي ناسـي لمـني بزياره
تايه واجـيـتـك سويـلي چـاره
حسين ....

=====
الطفل من يغلط تعذره
وانه طفل وجاك نادم
چـنـت ما فاهـم البيه
ولا چنت بالخدمة فاهم

جرحه... كض گلبي جرحه
بحبك.. افتحلي صفحه
كافي.. ما اريــد الچـمك
ستره... لا لا تـفـضـحـه

ما عندي چلمة غير انه اريدك
فدوة اشتريني صح ما افيدك
وخليني اخدم خادم عـبـيـديك
حسين...

يوميه اگلك ما عـنـدي غـيـرك
يذبحونه ولله لو عفته طـيـرك
ممنونك انه من ابقى اسيرك
حسين...

######
تغـيـرت مــولاي ولله
وصار كل همي نضرتك
وجهي بس عليك صاير
وملتهي بس بخدمتك

وناسي... عايفهه ناسي
لغيرك.. ما ادوره راسي
يمك... سلـمـتـه گـلبي
جرحه ... لو شفته قاسي

حزني لـغـربـتـك والغربة اختك
ليا دنيا افـرح وانـتـه بغـربـتـك
عـاري بقـيـت وباگــو ضحكتك
حسين ...

الـفـرحه لهلهه واحـنـه لـحـزنه
الدمعه عله مودك احسبهه جنه
وخل تگضي روحي بونه عله ونه
حسين ...

=====
العمر يمشي ولازم افتح
صفحه بيضه اوياك تالي
كلشي بـدل كلشي بـيـه
وبس سوادي اليبقى غالي

حالي... غيرلي حالي
غيرك... ما شاله بالي
اعذرني... اخر كلامي
بحزنك .. اترس خيالي

ما انسه جرحك وانزع سوادي
من مرضع امي عالن حدادي
وحتى بمنامي المفروض انادي
حسين ...

غير المدامع ما سدهه عيني
صح ما افيدك بس مشتريني
ولزمة زهيرك الزم يـمـيـنـي
حسين...
=====
المثلي ربته الـمـجالـس
يعني رابي ابين اديك
ولو غلطت بشغلة يعني
الناس تحسبهه عليك

صعبه.. اجگد هايه صعبه
مثلك.. ونـجـرحـه گلبه
بحزنك ... دورنه رفـعـه
وانته... كل عمره غـربـه

ليا لـحـضه نبقى نـجـرح دليلك
وانته بحصيرة ابـنـك يـشـيـلك
وتـنـادي بـعـدك يـمـتى نجيلك..
حسين...

مـغـيـرنه حـبـك صـح وكـبـرنه
بس لسه نكسر گـلـب الجـبـرنه
وما ننطي حق المن خيره صرنه
حسين...
#####

✍️ابوفضة الحميداوي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ اصد لدروبكم ]]



لمولاتي فاطمة العليله ع






اربي واصد لدروبكم
وادري تحن گلوبكــم

انه العليله    --  انه العليله

◾◽◾◽◾◽◾◽◾◽

بيا صبر من ودعتكم عجب يابويه عــــجب
ولَمَن صديت المنازل عمري مو دمعي السچب
اخ من گطعيت ضني والضعن شوفه انحجب
گلت خرط اخدودي هسه لفرگتك بويه وجب


الكم تره محــتاجه
بلكت نسيتو حاجه

ترجعولي ليله -- انـــه العليله

◾◽◾◽◾◽◾◽◾◽

اتعودت نومي اعله ايدك يالعفتني يا زچي
هسه من گعده انامن على الحايط وانتچي
ابّيـنه بويه العلاقـه مو حچايه وتنحچي
اخذ هيچ فراگ خله جفون زورگها البچي


بأمچــان ما مشــتاگه
امصعدني ضهر الناگه

طفله ونحيله -- انه العليله

◾◽◾◽◾◽◾◽◾◽

بويه چن سربة نجم كل الخوات امن اطلعن
وعبد چنه يگول مارد من يرد ليچ الضعن
الفرگه والامي ودمعتي كلهن امن اتجمعن
كل نساوين الطوايف حالي شفنه ونعن


من اهد ما عفــتونه
البيت مدري شلونه

مهدود حيله -- انه العليله

◾◽◾◽◾◽◾◽◾◽

اطلعت اركض لبو فاظل گتله ما بيه تره
وياكم امشي عمي ودوم ماضل ها يسبع الگنطره
ما حسبته يگلي بنتي انـه ارجو المعذره
راح بس من راح فوگ المهر مكسور اضهره


اتعذرني زاد اجروحي
يابويه شاغــت روحي

ياهو اشتكيله -- انه العليله

◾◽◾◽◾◽◾◽◾◽◾

خلصن دمعات عيني وانه ليكم اصطبـــي
شكد صحت وياك اخذني هنا يبن بنت النبي
مو خطيه اتضل عبايه بويه من دون العبي
وراضيه بهزله وسياط ونار خيمات وسبي



شتفيد بويه اسنيني
ارجع يالمجافيـــــني

وبيتك تجيله -- انه العــليله

◾◽◾◽◾◽◾◽◾◽






         عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

نعي



لمولاتي فاطمه العليله ع

وهي تنضر الى الدار الخاليه ..




يا دار شــــــيردهم علينـه
اعــــــزازنـه وياهم ربـينه
گلبي ولا يــــــركد ونينــه
راح العــلـــيه تعــــــودينه



لو جاي مـــنهم عاد مكتوب
يزيح التعب ويريح الگـلوب
يخلص الحيل بجية الغروب
من المـــتانه الجفـن متعوب


يا دار هــذا الصــــــبر حــده
وعمــري بعــد راح وتعـــــده
شــــدة غياب الاهل شـــــده
زغيره الجفه لا مــــوش گده




اهيم بشوگي واصفج ايد
             فــــــــــوگ الايد واتنــطر


واشوغ المغربيه اعــليك
            بـــويه والفــــــرح ما مـــر


لا جســـــــام لا عـــباس
            لا انتــه ولا الاكبـــــــــــــر




يحسين سليت
من البچي يحسين سلـيت

البيت مـو بيت
عگبك يبويه البيت موبيت

لشوفك توازيت
محــتامه ولشوفك توازيت


ما ضال صاحي
بيه ضلع ما ضــــال صاحي

ماتــن اصفاحي
من اللطم ماتـــــن اصفاحي

ملت اصياحــي
الودم تــــره ملت اصياحي





يا بونين اسلـــي الروح -- يا باه
ولا مكتوب اليـــه بشـر -- يـاباه
حنيني يا شريچ النفس -- يــابه
العليله تناطرك هم الك جيه







          عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4