عريان السيد خلف

مو طــبعنه نغيظ رفگان الدروب
ولا فرد مره نوينه ع الخراب

• صاحب الضويري

اني كارط ملحتك
عارف هواك
واني عارف هرشك بيا طينة

• صاحب الضويري

لا حضيت بگلب ينسـه
ولا حضيت بناس تسأل من اغيب

عريان السيد خلف

وهذاك انه
نذر فقره اعله
گد الحال من اهوه


محمد ثامر

دهلة و شربتك و النهر شمرة راي

ياسر فليح

اكـو يحچون من الصُبح للـ اليل
وحرام ان چان تفهم شِـنهو يحچون
واكو ساكت وحلگـة مخيّط خياط
وحچية شگد حلو بـ نضرات العيون .




عبد الحسين الحلفي

عيب اذا اكلهم لگاله ابن الحلال
بعينهم اطلع و اصير ابن الحرام


امجد الدراجي

ادري ما عندك مجال
بس بخور و مي ورد
جيب و تعال
.
يوسف الدراجي

آنه الما عرض للناس وجهين
ولا ذاك الترجه الچان ما چان


صاحب الضويري

محروك كَلبي وعكَلي شـــارد
جنّي آعلى زيبك ، موش راكد
لا آني كَايــم لاني كَاعــــــــــد
مشــــتاك بس مجبور آعانــــد
خيعون كلمـــــــن كَلبــــه بارد



عبدالكريم القصاب

علامَ الصبر ليش اصبر علامَ

سمير صبيح

بلا مخده تخلي راسك فوك اديك
سكتتك كاسرهه بشويت مطر
تغمض وتفرك عيونك لا تنام
نوم لا شابع ولا شابع سهر




محمد الشمري

ماتلـگه وطن مثـلي
تعال وسافر بروحي
أنـه وياك واحد وطن لــ ثاني


ناصر البدري

سهر وفراگ وتلمس مكانك ذاك
بلكت طايحه احچايه

عباس الغزالي

الحلوه بيك تريدني اتعافه بجفاك

عباس الغالبي

حاول تحب كل الناس
بس لا تعتمد عالناس
اصدور الناس ظلمة غار
الناس اسرار

عبد الكريم القصاب

دبسگ يا ضمير الصار بية هواي
بسك هلعمر مايوم چاملتة

سمير صبيح

الف هنياله الاعمه وجوه ما شايف



عبدالله البدري

هواي وادم
راحت وردت اجت
وإنتَ عمداً ما اجيت إتزورنه
جن ولا هي عيونه لجلك عمت
من تخالط عيدنه وعاشورنه

صاحب الضويري