TG Telegram Group Link
Channel: ديوان (في سبيلك) بشار السامي :شعر منبري
Back to Bottom
حلمانه كعدت .عنك دورت
بدموعي المشتاكه
هواي اتأخرت ..وجابولي الطشت
بهل موقف نتلاكه
متغيره اوصافك ..ارد اروي شفافك ....
بدموعي المشتاكه
........١.......
راسك بويه ابيض صار لو هذه الضوه بشعرك
هسه شلون اشربك ماي وانت بلاجسم نحرك
حظنك وين الاغفه عليه وين الرقه البصدرك
عرفتك بلخرابه وياي جنت اتنفس بعطرك

بس حرك شفتك ليه .موصعبه اتعوف ابنيه
اصرخ بسمك يوميه .تعال
يلتشبه ذني عيوني. ماسولفلك بمتوني .بعدك بويه يضربوني .تعال

بحظني ارد ارسمك .بس خافن الجمك .خاف احظاني ازغيره
احجي امروتك ...انا عزيزتك
يابويه انا بحيره
محتاجه احساسك .راح اشبك راسك ..بدموعي المشتاكه
........٢.......
تكعد لو اموت وياك تنظر بلكت عليه
كلهه اتجوت الرجلين وانا بشوفي مجويه
جنت اسمع صباح الخير منك بويه يوميه
هسه انا بصباح السوط يابويه امشي مسبيه

وجهك جنه يناديلي ..لحد براسك سويلي .عايفني وشمبقيلي . عذاب
برموشك بلكي اتلمني . بويه شلون تيتمني .
راسك يمته يكلمني .عذاب

يمك كربت .ومثلك شيبت
جيه متفطره شفافك
تذبح شهكتي .تشيب حسرتي
لا مااعيش اخلافك

روحي تحب روحك . اغسل بجروحك ..بدموعي المشتاكه
........٣.......
تدري المثلي وكت اليل تغفه بحظن والدهه
وانا متوني بيهه جروح جيب الي يهودهه
شايف طفله خمس اسنين ماينشف دمع خدهه
شما صاحت يبويه حسين راعي السوط يجلدهه


امشي وماخلوني اكعد .ردت اشرد بس وين اشرد .وين من السوط انا البد .واروح
مشدوده اعيوني وامشي ..نار الطف حركت رمشي .راح اترك بعدك كلشي .اروح

كل ذاك الدرب .جيت وي الغرب ..مسافر كلت ويرجع
ماتصبر بعد ..روحي البلجسد
تترك جسمي وتطلع

ترجع ياريتك ..بيهن حاجيتك ..دمعاتي المشتاكه
..........٤........
اثار العليه هواي ويخاف النظر ليهن
من نتلاكه انا وياك ماجرحك واروايهن
تذكر جبت ترجيات وانا كيفت بيهن
صارن بويه هسه اجروح والدم جامد عليهن

تعبانه من الطف جايه. ولايه تذبني علئ ولايه ..فاكدتك صار هوايه .بعيد
لو اعرف ماانتظرك .جاعمري درته العمرك ..طفله ومااحمل هجرك. بعيد

شيهود نوحي .ياسلوة روحي
يلكلك حنيه
لحظنك عطشانه .بنيتك غير انه ..ماتحظني شبيه
توك باحلامي ..تمسح يلضامي ..بدموعي المشتاكه
........٥.......

بويه بنص خرابه انبات بعدك ليل اليمرنه
زغار احنه وجبير السوط يظربنه ويعورنه
نسوان وعلي السجاد طول اليل ينطرنه
جم مره علئ شربت ماي بويه انكسر خاطرنه

تمنيتك بس تنظرلي .من خوفي اتراجف كلي .يم راسك بويه احسلي ..اموت
كلمن خل يمشي الكبره .ونلتم يم امنه الزهره ..هاي اخر شهكه ونظره .اموت

مودع ياعشك ..لازم نفترك ..ونجمع يم الله
دم كلبي انترس ..من اكطع نفس ..كول بنيتي اسمله
رقيه تناديني ..هناك تلاكيني ..بدموعي المشتاكه
...............
بشار السامي
من بين الجروح جرحك عشكته
من صدري يحسين كلبي انت اخذته
معشوكي للمنيه
مني اقرب انت اليه .
.كلبي انت اخذته
.........١.......
يكولون هداك التعب
يابس وكطره ماشرب
شوخظرت روحك ذهب .كبه ومناير
ياول واخر رفض
ذبحوك كل ظنهم تفض
تنعاد ثاري انت فرض . يوميه صاير

عزيز من اهلنه .وتنكط محنه . هويتك .بجيتك يموطن بكائي
بظميري شيمسحك ..يماي اشيذبحك .يحزني .اليهزني .ينوحي وعزائي

الحمد لله لليوم اخدمك
كل دمع العيون سجلته بسمك

صاحب فضل عليه
مني اقرب انت اليه .. كلبي انت اخذته
...........٢.........
عشكك غريب ومختلف
كلما يذكروك ارتجف
متغرب وكلك عرف ..يابعد العيون
خليني تحت رعايتك
ارد اكظي عمري بخدمتك
قربني ليك امروتك . ليك انا ممنون


يصاحب دمعتي .ينار بحسرتي .غرامي .يضامي .يجرحي وطبيبي
ملاذي وظماني ..يخوفي وأماني. قضيتي وهويتي امامي وحبيبي


كالو بلخيول متوذره جثتك
ومرتب هواي بعيوني شفتك

وداعت عطش رقيه
مني اقرب انت اليه كلبي انت اخذته
...........٣.........
بوجه الشمس شفتك ظوه
وبلخنكه سولفتك هوه
يافيض مثلك ماروه .تعطش جروحك
حبيتك من اول قهر
والكيتك احزام وظهر
حتئ احلئ من ماي النهر ..ثاريهه روحك

عبد واملكتني .واخدمك ردتني .يبختي بدمعتي .التطيح علئ بابك
بحسرتي انا اجيلك .واصيحن دخيلك .بعبرتي .ولهفتي. انوح المصابك

بدموع العيون اكتب عباره
سجلني مشاي هاي الزياره

واكتبلك بأديه
مني اقرب انت اليه . كلبي انت اخذته
..........٤.........
كلما اعاين صورتك
اركض اسملله الركبتك
وامسح بثوبي جبهتك ..يابعد عمري
اتصورك شايل طفل
والوادم اتظربك نبل
المثلك جبل ماينكتل .ماتوكع ادري

وي دمي انت تمشي .حلم وعلئ رمشي .حياتي ومماتي نذرتهه الخدمتك
قسمت برضيعك .ابد ماابيعك .احبك . على دربك ..اظل ورحمتك

شيصبره علشوك كلبي وحنانه
واشكد تمنيت شباجك انه

بكربك بكل مسيه
مني اقرب انت اليه.كلبي أنت أخذته
............٥...........
ياهو المثل مشايتك
توكف العقل يزيارتك
ترست العالم سفرتك .ومعزب انت
خيرك علئ ارقام اعتله
مو بلمواكب بل هلا
قافله مجلبه بقافله .كلمن خدمته


تشوف العجائب.علئ درب المواكب .بسفرتك .ورحمتك نحسك تظمنه .
نجي وباربعينك .تلمنه بحنينك .بلطمنه .وهظمنه .نجيك باألمنه


من كل الاطياف تمشيلك الناس
ياهو الي مذبوح ويوزع انفاس

حبك الي هويه
مني اقرب انت اليه .. كلبي انت اخذته
.............
بشار السامي
يماي اتغسل ابماي
يرد لومات الفياي
امي وياهه دفنوهه المحنه
اول مره اشوف اتموت جنه
.........١........
يساعد الله الماتت امه روحه مايخلص وجعهه
طاحت الخيمه الجبيره فاطمه وكسروا ظلعهه
بلايه امي شلون اعيشن روحي شيخلص دمعهه
دفعو الباب او ولوهه وقنفذ على الخد صفعهه
من كد هجمة الكوم
توكع امي وتكوم
من اظلوعههه تطلع الونه
اول مره اشوف اتموت جنه
.........٢...... ..
تلجم من تحجي صارت والنفس عند امي لجمه
ومحسن بعمر السملله برماد انخلط دمه
الهوه جان ايشمهه امي هسه ماتكدر تشمه
خاي صار البيت هسه وسفه من كلمة اليمه
صحت لا عني تمشين
انه ابنج يمه الحسين
نعشج يمه حسراتي بچنه
اول مره اشوف اتموت جنه
.......٣..........
المايصبح ابوجه امه شله ياناس بحياته
تكشخ الدمعه على جفنه ويكعد الشيب بصفاته
راح وجه امي الاحبه والترب خرب حلاته
ياكبر بخته ويحظه الصار كبل امه مماته
الامه بمكبره تنام
سوده عليه الايام
بيته المكبره للسال عنه
ول مره شوف اتموت جنه
......٤.....
اخ ياطيحت المحسن من الظلع للعتبه عمره
من حظن امي الزجيه طاح محسن فوك جمره
ليش والبسمار يجوي وهوه كلش روحه خظره
شاف بس كسرة ظلعهه اي المحسن عمره نظره
راح بدفعة الباب
محسن نعشه التراب
بعده ابطن امه وماتهنه
اول مره اشوف اتموت جنه
.......٥.........
هاي اول خيمه عدنه من قبل طفنه احركوهه
واول اظلوع المحمد بلمدافع كسروهه
امي هاي اول سبيه اباب وبحايط سبوهه
التنظرب علمتن باجر هسه علخد اسطروهه
هنا بسمار الانذال
بس اهناك النبال
انه الدمعاته والفركه كظنه
اول مره اشوف اتموت جنه
............
بشار السامي
فاركتني ،امي يا هلبشر ،وتوه كلبي انكسر
يتمتني ،من ضلعهه انعصر ،وانوة علئ السفر
المثلي فاركله ام ،،يدري شنهو اليتم
فاركتني
،،،،،،،،،،،،،،،،،،،،1،،،،،،،،،،،،،،،،،،،
الماعنده خيمه جرحه شيضمه
أي هذه حاله الي تموت امه
بعد امي شو حتئ الصبح ضلمه
وجف العصرهه نكرته الرحمه
وعصر وياهه روحي ،وبقيت انه وجروحي ،ودليلي المنفجع
عرفت لا ماتجيني ،تظل محتاره عيني ،تسولف بس دمع
ياهضمهه ،،،وياالمهه
عذبتني ،فركت ام الحسن ،شموعي كلهن طفن ،من لفاهه القدر
،،،،،،،،،،،،،،،،،،،،،،،،،،،2،،،،،،،،،،،،،،،،،،،،،،،،،،،،،،
البيت البلا ام تخنك كعدته
والفارك امه اتشيب صفنته
ميت يكلبي دفنوهه دكته
ودم امي هلبيت بعده بعتبته


اخلصه بلوعه ليلي ،الهجر هدالي حيلي ،بقيت محيره
الف وسفه وهضيمه ،بعد ماعدنه خيمه ،بممات الطاهره
أي يهمي ،،،،،،،،،ماتت امي
ودعتني ،بلحزن والدمع ،ومحني جان الظهر
،،،،،،،،،،،،،،،،،،،،،3،،،،،،،،،،،،،،،،،،،،،،
الدار اهلي حرمه محد يطبهه
لي شامي بيهه حركوا كلبهه
بين العصرهه وبين الضربهه
لوما الوصيه فنه الكربهه
صفه الحايط سترهه ،واجه الضالم سطرهه ،وعلئ الكاع ارتمت
وكع محسنهه يمهه ،انخبط لونه ويدمهه ،،مثل شمعه وطفت
ياوضعهه ،،،،،ويادمعهه
كبرتني ،مصيبت الطاهره ،وعمري بلهم عثر
،،،،،،،،،،،،،،،،،،،،،،،،،4،،،،،،،،،،،،،،،،،،،،،،،،،
زغيره ولاكن ماخذني وني
ايدي علئ ضلعي مثل امي جني
كون انه ميته ولاتمشي عني
اوصاف امي راحن ماضن يجني
بقيت وكلبي ينحب ،واصيحن انه زينب ،يفاطم ردي الي
زغيره ورحتي عني ،تره اجروحج خذني ،بجروحج ابتلي
ياشمعتي ،،،،،ويالهفتي
ماروتني ،شوفي ليهه عطش ،وظامي الهه النظر
،،،،،،،،،،،،،،،،،،،،،،،5،،،،،،،،،،،،،،،،،،،،،،،،
دم منهه نازف شو تمشي كوه
المحسن اظنه طاح وتجوه
لاذاك دمهه لا اخيي هوه
انظر لدمهه وكلبي ايتلوه
واجه اليل بضلامه ،،صرخ ها يليتامه ، مشت امكم مشت
بلحد خلوهه امكم ،بعد ماترجعلكم ،بكبر امكم صفت
يابعدهه ،،،،من يردهه
كلفتني ،ماعوف اخوتي ،شما يجور الدهر
،،،،،،،،،،،،،،،،،،،،،،،،،،،،،،،،،،،،،،،،،،،
بشار السامي
ياليلي ياليلي .خليني اودع اخوتي
واويلي واويلي .يحركوههه باجر خيمتي
..........١.........
بلايه الحسين .اتجه وين
باجر ادوس علئ صدره الخيل صعبه
بخنكة النار .تموت الزغار
باجر اتحاوطني وسفه اعيون غربه

باجر يهد حيلي الركض كل خطوه اشيب واكبر
ياليل هم شايف مره بوليدهه تتعثر
وابن امي اشوفنه وذر وشابع طعن بلمنحر
امشيله امشيله .وبنحره اصبن دمعتي
واويلي واويلي .يحركوهه باجر خيمتي
.........٢.........
انطيني لحظات ..عندي جلمات
ارد احنيهن وفه براية كفيلي
امشي يمه .وجفه اشمه
بلكي لو جتفوني يرجع ينتخيلي

خافن امر علئ النهر يوم اهدعش مجتوفه
والشمر يتشمت يظل ويأشر علئ جفوفه
وشلون اطب علئ الهزل باجر بسوك الكوفه
وتشكيلي تشكيلي .من الشماتة رقيتي
واويلي واويلي .يحركوهه باجر خيمتي
......٣.......
باجر شلون ..من يهجمون
علخيم شيلمهه اليه اطفالي
وجمر الخيام .يجوي الجدام
باجر حبال اليسر تبرالي

وين اليفيي علئ الخدر الفارش الرايه الطولي
شيكول اذا شاف الغرب مجتوفه وينظرولي
يحركون كلبي بجربته وبريشته يأشرولي
مجتوفه مجتوفه .بس انا اظل بهيبتي
واويلي واويلي .يحركوهه باجر خيمتي
...........٤..........
موادع اخوان ..بلدمع حان
سولف حسين وبقت عينه علئ اديه
فوك التراب .كل الاحباب
وحدي اظلن باجر اول مغربيه
مثل امي باجر انحني وبين الجثث اتلوه
حافي اركض بنار الخيم فوك الجمر واتجوه
لايك علئ حسين العطش من كصته ظل يتروه
بدموعي بدموعي .باجر اظل بحيرتي
واويلي واويلي .يحركوهه باجر خيمتي
...........٥..........
اخر وداع ..كلشي بي ضاع
يبدي باجر موسم الهم والبواجي
موسم حبال .وسحك الاطفال
ومن بنات حسين ينباكن تراجي

وسط الخرايب لو بتت شيغمض انا عيوني
ذيج التصيح والدي وذيج التصيح امتوني
ياليل زينب بت علي وسفه الغرب يسبوني

تجويني تجويني بيهه ابو فاضل حسرتي
واويلي واويلي .يحركوهه باجر خيمتي
...........
بشار السامي
راح اموت وارد اوصيج ابوصيه
لاتشدين الجفن حيل علئ اديه

ورم بيهن من قبل
من زمن ذاك الحبل
،،،،،،،،،،،،،،،،،،،،،،،،،،،،،،،،،،،،،،،،،
1
ليه ياام البنين اتكربي
حتئ اخبرج عن وصيتي ومطلبي
وحدج غسليني وعليه انحبي
سود ادري متوني من سوط السبي

يمه لوشفتي المتن
لاتلطمين الوجن

انه اريدن بس اوصلج قضيه
لاتشدين الجفن حيل علئ اديه
،،،،،،،،،،،،،،،،،،،،،،،،،،،،،،،،،،،،،،








2
من تنزليني علئ هونج بلكبر
انه مجروحه ييمه بكل كتر
لاتضيكون الحد وانطوا كبر
وين تكعد امي اذا بيه تمر

الهه لازم يتسع
لان مكسورة ضلع
وهذه من عدهه الجفن مخصوص اليه
لاتشدين الجفن حيل علئ اديه
،،،،،،،،،،،،،،،،،،،،،،،،،،،،،،،،،،،،،
3
مسحي دمعاتي اذا ضلت تهل
انه اول ميت ودمعه عدل
لاتصعدين الجنازه عللهزل
خلي فوك امتونه يحملهه الفضل

كافلي اصرخ أي عدل
ميته واردود انكفل

هاي تربيتج واريدن يل ابيه
لاتشدين الجفن حيل علئ اديه
،،،،،،،،،،،،،،،،،،،،،،،،،،،،،،،،،،،،،،،،،،،،



4                                             
انه كل تفكيري يايمه ومناي
بكبري يتوزع لبو السجاد ماي
يعلئ كبري والشمس كون ابكفاي
حتئ علفقره اوزعهه الفياي

فيي اوزع بضريح
وبثواب حسين اصيح

يمه احلفج بلبقت جثته رميه
لاتشدين الجفن حيل علئ اديه
،،،،،،،،،،،،،،،،،،،،،،،،،،،،،،،،،،،،
5
بلغسل خاف ايدج بجدمي تمر
غمضي هنه هواي جويات الجمر
وخاف جفي بمعصمه يصادف كسر
هواي بجفوفي الشمر حبله يجر

رموش البعيني صفن
بيض وي لون الجفن

ذني كلماتي الج كبل المنيه
لاتشدين الجفن حيل علئ اديه
،،،،،،،،،،،،،،،،،،،،،،،،،،،،،،،،،بشار السامي
تابوت علئ كاع الشام وين اهله التشيله
تهظم حتئ بلتابوت متغربه العقيله
وين اهل الشيم عنها
ماتت من كثر ونها
.....١......
تابوت ويريد التحمله اعزازه
وحشه ابلا اهلها اتظل الجنازه
الاخوه علئ النعش دمعاتهم عازه
بس عليل ظل وبيده عكازه
شماشال الجنازه ايطيح وين الي يعينه
ياهو الي يشيل وياه ام عون الحنينه
ويوصلها مدفنها
ماتت من كثر ونها

......٢......
لاخر لحظه ظلت تنطر اخوتهه
ياهو الشاف ميته وتجري دمعتهه
وي حسين تتشابه بغربتهه
بلاشيالها ظلت جنازتهه

وحشه بلاعشيره اتموت هاي اخت الاطايب
من التل لطبت السوك لاحزان الخرايب
جروح اخوتها كتلنها
ماتت من كثر ونها

....٣......
احتار ابعمته السجاد مايكدر
شماحاول يشيل النعش يتعثر
مجبور النعشهه وادم استأجر
جيه كام اليفزعه عنه يتكر

ناس من الخليفه اتخاف لامتكربلها
باجر وي اهلها اهناك خل يلتم شملها
من كلشي انكطع ظنها
ماتت من كثر ونها

....٤......

انتقلت للحسين الصابره الظاهر
واسباب الشهاده العطش والحافر
ماتت زينب وماناسيه العاشر
الدليل متانيه العباس وتناطر

لحد اخر نفس بلروح تتنطر يجيها
كافلها ولو بلطيف وينشف بجيها
سهام الفركه لاحنها
ماتت من كثر ونها
.............

ماتت جي مشت بلحبل مجتوفه
وهسه اعتازت العباس وجفوفه
مرت ذكريات عليها معروفه
ووالهن السوط وطبت الكوفه

بديوان العين اتفوت ياوسفه اباسرها
نجمه استوحداها اليل من غمض كمرها
ماتنذل ولاجنها
ماتت من كثر ونها
........
بشار السامي
وينك ياموت تأخرت هواي
اباب الساعات تمنيتك جاي
تانيتك ملهوفه
الموت ولا مجتوفه
وينك ياموت
.............
بطيت علئ روحي .علئ وني وجروحي
المثلي ماتت وي اخوهه
ردت بس احصلك . متت مره كبلك .بلقصر من وكفوني
يموت الهظمني .عثر جدمي ببني
وبحبلهم جتفوني


تدري انا العقيله الماطلع صوتي
بلاعباس صار الشمر زاتوتي
من الطف لهسه احلم بتابوتي

ستعجل ياموت بلكت ارتاح
ماشفت النوم من الكافل طاح
ردتك يوم الكوفه
الموت ولا مجتوفه
وينك ياموت
.....٢......
عمر هوه عشته .صبر مر جرعته .كوه عشت ابيوم عاشر
علئ حسيني لمه . وصل يمي دمه .جابته الصوبي الحوافر
منو المثلي حرمه ..بجي ودنيه ظلمه ..ووكفت اتفزع مناحر

ماجيت اشعجب من حركو اخيامي
خليت الشمر يترها كدامي
عدله شلون اظل وحسين ظل ضامي

من شفت حسين طايح مذبوح
علتل هناك تاخذهه الروح
كلبي شلون ايعوفه
الموت ولا مجتوفه
وينك ياموت
......٣.......
اخذ هسه عمري .جفن روحي خدري
خدري للعباس امانه
اشوفه واكله .واظل دمعي اهله
هواي مشتاكه الحنانه
اخوي الكفلني. اسولفله عني
وكلشي اكله علئ السبانه


اخذني ولو خذتني وياي اخذ رايه
تره العباس يعشك رايته هوايه
واكله من اليسر عباس الك جايه

يم كبري هناك الكافل موجود
يدفني شلون وبلايه زنود
عفته بلايه اجفوفه
الموت ولامجتوفه
وينك ياموت
......٤......
بعد كافي اذيه .الاثر فوك اديه
شاهد اشكد عذبوني
العرش لم شملهم .اخوتي ارد اشمهم .هم غفو لحظه بدوني
بعدني العقيله .الصبوره الكفيله ..كلبي راد الفاركوني


يموت استعجل ولاتمهل اعيوني
منتظريني اخوتي خل يشوفوني
بلكت واحد يطيبهن امتوني

ابسرعه اخذ الروح من هل احزان
هنا شفت الظيم يم الله امان
وخدري الطاهر طوفه
الموت ولا مجتوفه
وينك ياموت
.........٥.........
وداعآ يمتني .شكثر المتني
جفني منك مااطبكه
وداعآ يرمشي .خلص هسه كلشي ..كافي دمعه وكافي حركه
بعد مااعاتب .وابات بخرايب
ولاخو الحافر يسحكه

وداعا ياعمر ياريت ماعشتك
موكفني بقصر هسه انا وكفتك
ظل ابلايه زينب ياعمر عفتك

ماكو من اليوم نيران خيام
شوك العباس يحسبلي ايام
بلدمعه المذروفه
الموت ولامجتوفه
وينك ياموت
..............
بشار السامي
HTML Embed Code:
2024/03/29 03:41:10
Back to Top