قصيده لتهديم قبورالبقيع

تجليبه
مفاعيلن مفاعيلن. مفاعيلن

🏴🏴🏴🏴🏴🏴🏴
گبور اهل المجد ويلي امهدميها
كومه اتراب الف وسفه أمخليها
◼️◼️◼️◼️◼️◼️◼️◼️
الف ياحيف بس اسمائهم صخره
لابيها صحن لاكبه لاحظره
تظل بگلوبنه اليوم الحشر حسره
منتظرين ابو صالح اليبنيها

✍️ الشاعره ام محمد الساري
◼️◼️◼️◼️◼️◼️◼️◼️

انهض يابو صالح واطلب الثارات
واگصدها البقيع ابلوعه وابحسرات.
اورجعها الگبب شامخه ومبنيات
وقصور الكفر بالأرض ساويها

✍️الشاعره ام مجتبى الجزائري
🏴🏴🏴🏴🏴🏴🏴🏴
كبور اهل المجد تنتضر مولانه
يشيدها ابفخر ويذلها عدوانه
ممشه للبقيع وكلها ويانه
المهدي بطلعته بيده يعليها
✍️العلويه ام عباس البطاط
🏴🏴🏴🏴🏴🏴🏴🏴
اگبور هل البقيع ابیوم هدموها
الف ياحيف ويه الگاع ساوها
كل عام اليمر بحزان ذكروها
مانقبل تضل ماكو گبب بيها
الشاعره ام كريم طرفي
🏴🏴🏴🏴🏴🏴🏴🏴
المهدي المنتظر يرفعها الرايـــــــــــه
وعلى قبر ابو محمد ينصب الثايـــــــــه
وهناك العهد للحجه وفايـــــــــــــه
يسل سيف النبي وعداه يمحيها

الشاعرة ام روكان الشمري
🏴🏴🏴🏴🏴🏴🏴

يسل سيف النبي ويفــزع انصاره
تعينــه شيعتـه من ياخذ ابثاره
ويصفيها ابعـدل ماتظل غـداره
المهدي ابطلته هالـدنيــه يحويها

✍️الشاعره ام عدنان سياحي

🏴🏴🏴🏴🏴🏴🏴🏴قناة رابطة مسلم ابن عقيل عليه السلام
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري

تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدعاء

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده الى الامام علي عليه السلام عن لسان الشاعر

وزن مجرشه

◼️◼️◼️◼️

الگاصد علي بحضرته
اوكف اوقبل عتبته

من گلب مملي بالقهر
ساعدني يافارس مضر

اوگف اوقبل عتبته

◼️◼️◼️◼️

من توصل الحضرة علي
اوكف وانخا ابابه

گله اجيت بحسرتي تمدد اوقبل اعتابه

وطلب طلبتك من گلب ميرد ابد طلابه

ميخيب البأسمه نخه
ويدري بفوفه السخه

اوكف اوقبل عتبته

*ام اسامــــ✍️ــــه الحلفي*

◼️◼️◼️◼️

گله دخيلك ياعلي تنظر اريد الحالي

أبجاه الغريبه ألي مشت. للشام ماكو والي

أهمومي كثرت ياعلي. يالماغبت عن بالي

كل همي أنته أتزيحه
أتشافي الگلب وأتريحه

أوگف أوقبل عتبته

*أم طاهـــــ✍️ـــر نجف*

◼️◼️◼️◼️

گله يحيدر اجيت انه وكثرت عليه همومي

تدري بوضعنه ما يسر ما بيه حمل هدومي

والدمعة ما نشفت ابد. من ساعتي ومن يومي

يحضر الشده ابو الحسن
بجاه الي ظل بلا جفن

اوگف اوقبل عتبته

*ام بهــــــ✍️ــاء الكربلائية*

◼️◼️◼️◼️

اوگف اباب المرتضى ابجي واهل ادموعي

يابوالحسن والله تعبت ومهدمات اصروحي

ناري سريه موجره وانحت مني اضلوعي

مولايه لاتخيبني
محزون لاترجعني

اوگف اوقبل عتبته

*ام محـ✍️ـــمد الساري*

◼️◼️◼️◼️

من كلب لهفان اعتني وبالحضره اقره زياره

والزم الشباج بأدب معزب وانه خطاره

انخاه وادري بالشدد بس هوه عنده الجاره

وحاشاه ميردني ابد
ولايمه اظل محتاره

يطيني وانه بحضرته
ومسروره ارد بزيارته

اوگف وقبل عتبته

*أم محــ✍️ــمد علي الشيباني*

◼️◼️◼️◼️

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده وزن ثقيل لمولاتي السيده فاطمه العليله عليه السلام
~~~
عليله بل نزل ضليت  اوضل موحش عليه البيت
وهل العين لبويه حسين وكل للبين الي شخليت
•───✧💔◐◐✧──•───✧◐◐✧──💔
علي ناعي الحزن خيم.  بديار المشو عني
جرح يمصابي مايلتم.  ولجمه بنوحي وبوني
صغيره شلون احمل هم. يتيمه خلافهم جني
وصيحن ويل وونن حيل نهار اوليل فلا مليت

ام✍🏻 مرتضى  الحواسي
•───✧💔◐◐✧──•───✧◐◐✧──💔
نهار وليل دمعي يسيل عله الراحو وما جوني
اضل اتئمل الجيه عليهم
راحن عيوني
ادعي انه ابحلم ياكون وياهم يمشوني
والكه حسين وعمي الزين
وصيحن يالولي سليت

ام ✍🏻زين العابدين لمحمداويه
•───✧💔◐◐✧──•───✧◐◐✧──💔
سلت روحي الفركه
وهمي تلملم عليه
من شال الابو لليوم
الدمعه ابعيني مجريه
وحشه دارهم ضلت
ضلمه وماهي مضويه
ابغير وداع عمري ضاع
يدهري الوالدي حنيت

ام ✍🏻رحمه الگاظميه
•───✧◐💔◐✧──•───✧◐◐✧──💔
الفركه هدمت حيلي ودموعي تهل نهرين
ولاطارش لفه منهم وسهمي النوح ويه اونين
شالو وابعدو عني وانه حسين اجيبه امنين
انهدم حيلي
اسهرت ليلي
وانه ابلوعات اله ونيت

✍ام مرتضى الخزرجي
•───✧◐◐💔✧──•💔───✧◐◐✧──
حزينه آبغيبتك هالدار توجع لچمة الفركه..
يبوية ومن يجيني الليل أحس بصدري ألف شهكه..
عفتني بنص هضيمه ونوح وكلب أبنيتك حركه..
وأكول تهون.. هلي يردون..
ولاطارش ألي وديت..
✍️آلّشآعرهً آلــــّعــلّويِـــه آلّمٌوسويِــــۿ
•───✧💔◐◐✧──•───✧◐◐✧──💔
العله زادت عليه  جاوين اليخبركم
بتكم تنشد عليكم بنص الدرب تانتكم

كالولي الج مرسال نودي وانه انطركم

وحشه الدار ولاخطار

يدگ بابي انه تمنيت

✍️ ام محمد الساري
•───✧◐◐✧💔──•💔───✧◐◐✧──
وحشه الدار لاخطار ابغربه هاي تاليها
وحيده وانشد الديران رايح وين راعيها
روحي اتمنت ابهاليوم تلحك كون اهاليها
الجسد نحلان
لفكد الاحنان
دموعي من دمه هليت
✍️ام حسين الحلفي
•───✧💔◐◐✧──•───✧◐◐✧──💔
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيدة الهدم قبور البقيع
السان حال الشيعه

~~~~
هـدمـوها گبـوركم يـهل البقيع
هل أمر معلوم ياويلي وفجيع
💔💔💔💔💔💔💔💔
هل امــر معلوم ماهـــابـــو أمام
طاغيه زمره خبيثه وموكلام
هـدموهه المايعرفون السـلام
بچه الجل مصابكم حته الرضيع

✍🏻عاشقة الحسين ع ختام من الناصريه
💔💔💔💔💔💔💔💔
اكبور اهلك يمهدينه ابنيهه
والمناير والكبب عليهه
ابسور عالي يالولي خليهه
انوار  انتم  لينه والسد المنيع

✍ام مرتضى الخزرجي
💔💔💔💔💔💔💔💔
صعبه علشيعه صبح هذا الامر
قبور الساده بقت بس الاثر
اريد نبنيها وينسر  النظر
ندعي يالاهي انت السميع

✍️ ام محمد الساري
💔💔💔💔💔💔💔💔
الله يهدمه الهدمها اقبورهم

يضهر المهدي ودينه اطولهم
ويگطع ابسيفه الكفر انحورهم

وياخذ ابثار الزجيه والجميع

ام✍🏻 زين العابدين لمحمداويه
💔💔💔💔💔💔💔💔
ياخذ الثارات من الحاقدين
ثار حيدر وأبو محمد والجنين

وبعد ثار الغاضريه للحسين

وسبي اعيال المصطفى أمره فضيع

ام ✍🏻ستار الكعبي
💔💔💔💔💔💔💔💔
ندعي الله ايعجل ابوالي الامر
ياخذ الثارات من ذول الكفر
بيده سيفه ونار يحرگهم جمر
يكشف الضلمه لنا وتصبح الربيع

✍🏻 ام زينب الأسدي
💔💔💔💔💔💔💔💔
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها
خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده لمولانه الصادق عليه السلام
««««««««««««
علئ الصادق نون   ننصب عزيه
انواسي حيدره وامه الزجيه
➖➖➖💥➖➖➖➖💥➖➖➖
نصبوله العزاء وقيمو الحزان
وعازو حسين جده وكمر عدنان
وتعنو المقامه ابگلب لهفان
ابغدر سمو المابيهم حميه
ام ✍🏻زين العابدين لمحمداويه
➖➖➖💥➖➖➖➖💥➖➖➖➖➖
ابغدر سموك المابيهم اشراف
طفو شمس الله گوم الجلاف
ماكو عدل ويه العتره ونصاف
حقد مدفون  من ابن الدعيه
ام✍🏻 رحمه الگاظميه
➖➖➖💥➖➖➖➖💥➖➖➖➖
خل ننصب عزه ونلطم الهامات
امام الرافضه بسمومهم  مات
عليه تلطم الشيعه تصيح وسفات
بسم گطعو جبدته الناصبيه

✍ام مرتضى الخزرجي
➖➖➖💥➖➖➖➖💥➖➖➖➖
ننصب اله ماتم مثل الحسين
ونلطم على الهامه ونجري العين
صادق  بالوعد  ومشيد  الدين
مثل جده علي حامي الحميه
✍️ ام محمد الساري
➖➖➖💥➖➖➖➖➖💥➖➖
مثل جده علي يلصيته معروف
هم غيره وحميه ويترس جفوف
بحر من الكرم للصادق  انشوف
امام  الرافضه والجعفرية

✍🏻ام محمد باقر العبيد 🍃
➖➖➖💥➖➖➖➖➖💥➖➖➖
ابو الكاظم علينه  يومه ميهون
يسوه لو اله دكينه المتون
اريد اكتب اله وانه ممنون

اله الوك الشعر ابكل معانيه

ام ✍🏻زين العابدين لمحمداويه
➖➖➖➖💥➖➖➖➖➖💥➖➖➖
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده لهدم قبور البقيع عليهم السلام
~//
مشت اهل السلف كلها عراضات

ويه كوم الكفر عدهم طلابات
➖➖➖💔➖➖➖➖💔➖➖➖
الكوم الكفر ودوا اكوامه

كله المعتدي يحضر عمامه
ليش مهدمه قبور الأمامه
اجت كلها الزلم اصيح وسفات

ام ✍🏻رحمه الگاظميه
➖➖➖💔➖➖➖➖💔➖➖➖
الشيعه تحضرت طلعت مسلحه
عسه الكافر عليه لا يطر صبحه
شلون اتماده هاذا الأيده وكحه
يهدم اقبور  أئمتنه الهيابات

ام✍🏻 زين العابدين لمحمداويه
➖➖➖💔➖➖➖➖➖💔➖➖
طلعت الزلم كلها ابملامه
اصيح اقبور وين اهل الكرامه
حتى ما بقت الهم علامه
هدموهم ليش  اهل الخيانات

ام ✍🏻مرتضى الخزرجي
➖➖➖💔➖➖➖➖➖💔➖➖
هذوله أهل العباده وساس للدين
تدرون بأصلهم نسل طيبين
أشلون تهدمو ذوله اهل الحسين
بعرش الله هذوله  الهم علامات

إم حيدر العبادي ناصريه
➖➖➖💔➖➖➖➖➖💔➖➖
ودينه وصيه اريد نبنيها
ونعلي المناير ذهب نطليها
ومواكب كل وكت احنه  نسويها
وكل دوله تجي ليهم زيارات

✍️ ام محمد الساري
➖➖➖💔➖➖➖➖➖💔➖➖
خل نمشي عراضه بهيبه وبزود
ونعبر للأمه احنه الحدود
شيعه اومقتدانه القائم يقود
المسيره يقودهه سيد السادات
ام✍🏻 مرتضى الحواسي
➖➖➖💔➖➖➖➖💔➖➖➖
اليوم النه طلابه اوقضيه
هدموها اقبورليش اهل الحميه
اجت شيعة علي ابخالص النيه

لجل هذا الأمر گطعو مسافات
خادمة اهل البيت ام ابراهيم الحلفي

➖➖➖💔➖➖➖➖➖💔➖➖
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده لتهديم گبور البقيع

كبوراهل البقيع العده امهدميها
ايد بايد خل نمشي ونبنيها
🏴🏴🏴🏴🏴🏴🏴🏴
نبنيها القباب بعلو الاثريه
لاحت بالسمه بالذهب مطليه
ومتانين ابو صالح اله جيه
ونتكاتف سوه نبني ونعليها

✍️ ام محمد الساري
🏴🏴🏴🏴🏴🏴🏴🏴🏴
نعليها القبب وماتضل اترابه
ونعازي ام حسن والعين سجابه

انصيح اليوم وين المهدي وصحابه
يجي ليهه البقيع بيده يعليها


ام✍🏻 زين العابدين لمحمداويه
🏴🏴🏴🏴🏴🏴🏴🏴
نتكاتف سوه اونبنيها القبور
ويه المنتظر وانعلي السور
ابواب اهل العلم والساده لبدور
والمناير والكبب بالذهب نطليها

✍ام مرتضى الخزرجي
🏴🏴🏴🏴🏴🏴🏴🏴
نمشي نزورهه والمهدي ويانه
وترف رايته والعين جريانه
لكبور البقيع الروح ولهانه
لكبور الائمه الروح نفديها
✍️الشاعره ام احمد الاسدي
🏴🏴🏴🏴🏴🏴🏴🏴

نفديهم احنه الروح والعين
ولد حيدر علي وحفاد ياسين

ما نقبل تضل اترابه اسنين
نخليها ابعزمنه النور غاطيها

ام✍🏻 رحمه الگاظميه
🏴🏴🏴🏴🏴🏴🏴🏴

حسافه شلون أأمتنه يضلون

اگبور امهدمه يم اليكرهون

اضهر يابو صالح نور الكون

والضلمه نريدك انته تجليها

✍️ ام احمد المنصوريه

🏴🏴🏴🏴🏴🏴🏴🏴

تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها


خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

: قصيده للامام الحسين عليه السلام.. وزن فائزي

••┄┅══✼°••°✼══┅┄
حان الوداع بكربله يبن الزجيه

ووداعكم فت الگلب وكت المنيه

••┄┅══✼°••°✼══┅┄

حان الوداع بكربله وين امي تحضر

وتشوف اخيي لوحده وبينه تحير

نيران فگد ابو الفضل بگلبه تسعر

الله بعونه من فگد عباس اخيه

*أم عبــــ✍️ــد اللــــــــــه العابـــــــــــدي*

••┄┅══✼°••°✼══┅┄

الله يعينه الي فگد حامي الضعينه

وحسين من بعده. فلا بطل ونينه

رايح عضيده. مابعد احد يعينه

يصيح زينب راح اخيي من اديه

*ام زهـــ✍️ــراء الزيداويه البصراويه*

••┄┅══✼°••°✼══┅┄
تحضر الزهره ابكربله وتشوف الحسين

لا ناصر الينصر اله ويدير بالعين

وزينب الحره امكلفه عگبه بنساوين

وحشه الديار اعله اخوتي الچانت زهيه

*ام رافـــ✍️ـد العسكري*

••┄┅══✼°••°✼══┅┄
يوداعكم مر وكلف مابيه احمله

ياخويه وفراگك صعب سوالي عله

لو رحتوا عني وانهظم ياهو الاگله

باجر تموتون واظل انه سبيه

*ام بهـــ✍️ـاء الكربلائية*

••┄┅══✼°••°✼══┅┄
لاتضننون الگلب يهنه من بعدكم

بعيني اشوف املوعه بالهم حرمكم

عذروني من هظمي تراني عاتبتكم

يلي گضيتوا بكربله كلكم سويه

*ام منــ✍️ـذر الحجار*

~»» ~«» ~~«» ~


انه ادري بس ويه الحرم ارجع للاوطان

لاحسين ويانه ولا من گمر عدنان

هاي المصيبه وفاجعه تنحل الابدان

ويبقى بعد مالي اهل لالي تجيه

*ام محــ✍️ـمد الساري*

~«»«~«»«««»»

نرثي لابو السجاد ونواسي العقيله

وداع الولي جتال مابيها تشيله

نقسم عليج بحيرتج هذه الليله

تحضرينه يابت الوصي بوكت المنيه

*أم محــ✍️ـمد علي الشيباني*

~»»«~«» ~«»««(

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️
خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

💥 هوسات.للنزله لوصول مولاتنا زينب الى كربلاء💥
عن لسان حال مولاتنا زينب عليها السلام
~~
لا تبني الخيم يحسين ردنه لدار ا هالينه

هاي الخيل والجيمان كلهن التمت علينه

هاي الكوم خويه تريد راسك ها يبو سكينه

خاف نظل حرم وضياع ما واحد يحامينه

( لا تبني ا خيامي// دخيلك يبن الزهره)


✍️ ام حسين العامري
➖➖➖😭➖➖➖
خويه حسين يبن امي خوفي من الأرض هايه

لا تزل يبعد اختك عگلي شو خلف رايه

احس هالنزله نزلت شوم وضيمي يكثر هوايه

رتك ضل ليه دوم هيبه الي وتجايه

(( ارجع بينه// يحسين ادخل))

✍🏻 ام زينب الأسدي
➖➖➖😭➖➖➖
ردنه الدار اهلنه حسين خويه بداعت الزهره

تعبان ونحيل الحيل خويه وبالگلـب جمره

اخاف تحاوطك عدوان وتضل عاري عالغبره

لايبني الخيم عباس الجيش عليك متحضره

(وخاف يغدرونه //حسين تريض خويه

✍🏻عاشقة الحسين ع ختام من الناصريه
➖➖➖😭➖➖➖
الك كتبو امكاتيب تالي البيعه نقضوها

ركبتك ياابو سكينه تالي العده يكطعوها

وجثتك ياضوه لعيون ابخيل العده ايسحكوها

وختك ما تضل يمك الشام العده يمشوها

يسروها اختك// يالوالي

✍ام مرتضى الخزرجي
➖➖➖😭➖➖➖
يخويه حسين رد بينه الوطن جدنه

رجف گلبي يبن حيدر دخيلك خويه رجعنه

ويلي التموا علينه الهم ثار جن عدنه

عدد والعده همه هواي نقاوم طاقه مالنه

((( بظلع امك // ارجع بينه )))
✍️ ام محمد الساري
➖➖➖😭➖➖➖
لاتبني الخيم يبن امي لاتبني

مريدن كربله تدري يخال أبني

باجر بيها ادري يالولي
تذبني

تشيل انته واخوتي وتبتعد عني

شلون تعوف الخدر // بهاي الديره

✍️الشاعره كريمه البو حلوه
➖➖➖😭➖➖➖
هاي الارض مذكوره نشوف احنه المحن بيها.
وانا مخبره من امي وعرف كل بلاويها.
انت تنكتل يحسين وانا انسبي تاليها.
وعيالك تظل بالبر وانا الي اباريها .

(وظيم اعداك// تراويني )

ام✍🏻 فاطمة الزهراء

➖➖➖😭➖➖➖➖➖➖
تمت بأقلام شاعرات رابطة سيد الشهداء

غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له،

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده ثقيله لسان حال السيده ام البنين عليها السلام
~~~💔
حسبالي يضل ما يمشي  احسين
يضل طول العمر وياي الحنين

هجر ذوب دليلي
عليه مهدوم حيلي

اضل عله المشو مكسوره اسنين
💔💔💔
حسبالي اضلن  بين احباب
و حسين من اموت ايهل التراب
ياربي انگلب شو هاذا الحساب
وشكبره عليه انه المصاب

ضليت انعه بالويل
الدمعي من دمه  سيل

أجر صبح ومسيه عالولي اونين

اضل عله المشو مكسوره اسنين


ام ✍🏻زين العابدين لمحمداويه
~~💔💔💔
روحي عالولي ضلي متكدره
اليفارك ولد الله يصبره
ماحسبت ابني خلص عمره
وبكربله حسيني يرض صدره
هلي دمع من دم
علي دهري تحزم

يروحي شيلي عنهم لا ضلين

ام ✍🏻رحمه الگاظميه
~💔~~~💔
💔
حسبالي من اموت يصير دفان
يشيل جنازتي ويجمع الاخوان

ورفع راسي امه بين الحنان
ماحسبت دهري يصير خوان

الاودهم عني اشيل

عليهم مابكه حيل

اكضي اليل اصفك انه الدين

✍️الشاعره كريمه البو حلوه
💔~💔~💔
حسبت احساب لحبابي وطلع مگلوب

اولادي  اهل  المحنه  ورحمه الگلوب

مابطل ونين ودمعي مصبوب

كلوله  الولي  يالبن مطلوب

يغمض عيني لييه
لو جتني  المنيه

خلوني  ومشوا   اعزازي لاوين

اظل عله المشو مكسورة اسنين

✍️ ام محمد الساري
💔~💔💔
انه ردت الولد الايام شيبي
محرومه الضنه وهذا نصيبي
حسين انت الهوى وانت حبيبي
يفراك الولد نار بلهيبي
روحي تون كل يوم
وگلبي عليك مالوم
رايح يالعزيز الروح  يحنين
✍️ خادمة الزهراء أم أحمد الدريعي
~💔~~~~💔
~~💔

اگضي اليل بالحسبات واهموم
يعزاز الگلب هل سفر كم يوم
احس افراگهم احبابي للدوم
وضل البين ليه ابحزنه يحوم
بس دمعتي ابعيني
ومابطل ونيني

بطلي ياعيوني لا تربين

ام✍🏻 ستار الكعبي
~💔~~~~💔
💔

تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده لسان حال مولاتناالعقيله زينب عليها السلام

وسيله
فاعلاتن. فاعلاتن. فاعلاتن
🏴🏴🏴🏴
ليش دهري وياي ماينصفلي فد يوم
ماخذ احبابي وصفالي بس الهموم
🏴🏴🏴🏴🏴🏴🏴
مانصف وياي دهري بكل حياتي
من صغرسني اضنه الحد مماتي
بس رسم ظليت ملفوفه  بعباتي
عيني تجري دم عليهم گلبي مهظوم

✍️ ام محمد الساري
🖤🖤🖤🖤🖤🖤🖤🖤
دمعي يجري ادموم من زغر سني
اوروحي متروسه حزن وزاد وني

چتل اخوتي الف ذبحه انه ذبحني

من الزغر انه بحزن وسوده الهدوم

ام ✍🏻زين العابدين لمحمداويه
🖤🖤🖤🖤🖤🖤🖤🖤
غير حزني ابهل دنيه ما صفالي
راحو العزاز كلها والغوالي

وانضر البيت الاخو ومكدر وخالي

انعمت عيني يخويه وما ضگت نوم

ام ✍🏻رحمه الگاظميه
🖤🖤🖤🖤🖤🖤🖤🖤
وين الأكي احبابي الجانو تجيه
وحدي ظليت  اون بكل مسيه
راحو من ايدي باراضي الغاضريه
ضيعت بتراب ويلي ذيج الرسوم
✍️الشاعره ام احمد الاسدي

🖤🖤🖤🖤🖤🖤🖤🖤
ضيعت ارسوم ذيج
اهل المحنه
امي وحامي الحميه وكل اهلنه
والحسن وحسين  او كافل ضعنه
والنوايب كل وكت اعلينه اتحوم

ام✍🏻 زين العابدين لمحمداويه
🖤🖤🖤🖤🖤🖤🖤
🖤🖤
النوايب الشفتهه والجرت علينه
ابد ماصارت قبلنه ولاتصير الغيرنه
ذبح  لو سم ال طه واسر  وتعذيبه
ننتظر  قائم  العتره  يظهر.  بيوم

ام ✍🏻محمد الساري
🖤🖤🖤🖤🖤🖤🖤🖤
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده لسان حال مولاتنا العقيله زينب عليها السلام بعد معركة طف كربلاء

وزن فائزي

••┄┅══✼°••°✼══┅┄

وينه اليگلي ادللي ويوگف اليه

شراحلج واخلف عليج انه التجيه

••┄┅══✼°••°✼══┅┄

راحوا هلي وانه صفالي بس الهموم

والفارك اهله طول عمره يظل مالوم

لاحيل بيه من الهظم أوگع ولا أگوم

عينه تظل للباب مشبوحه وربيه

*ام محـ✍ــمد الساري*

••┄┅══✼°••°✼══┅┄

راح اليكلي ادللي شتردين اطلبي

وخلاني عميه بعازته ماشوف دربي

عگب الدلال امجتفه خايب يگلبي

ظليت وحدي بكربله اصفك بديه

*أم محمد علي الشيباني*

••┄┅══✼°••°✼══┅┄

لحگي ييمة فاطمة وشوفي شجرالي

مذبحة اخواني عالثره والهم صفالي

وانه انسبي بين الغرب والظيم حالي

يظلون اخوتي بلا دفن وامشي سبيه

*ام بهــ✍ــاء الكربلائية*

••┄┅══✼°••°✼══┅┄

امشي سبيه بلا ولي واخواني نومه

والفاكد اهله لو بجه محد يلومه

بين الذبيح اعله الثره سلبوا هدومه

ومابين بزره حايره ولوعة رقيه

*أم عبــ✍ــد اللـه العابـــــــــــدي*

••┄┅══✼°••°✼══┅┄

متحيره مابين اخوتي ولوعة يتاماي

وأنظر جثثهم عالثره يايمه ولياي

وحرگ الخيم بدموعي اطفي عوض بالماي

والوادم التمت علي، شمتانه بيه

*ام محـ✍ـــمد الساري*

••┄┅══✼°••°✼══┅┄

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*


خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

قصيده للسبي
وزن فاىزي

••┄┅══✼°••°✼══┅┄
يانوگ هونج بالسبي الخاطر رقيه

وناتها اتفت الگلب مابين اديه

*ميـــــ✍️ــــساء ام حســـن*

••┄┅══✼°••°✼══┅┄

يانوك خل نبات هالليله ويه اهلنه

نشبع وداع وينفض وياهم شملنه

ماندري ياهو الي يرد بينه الوطنه

اصرخ واصيح بكربله شهاي الرزيه

*أم عبــ✍️ــــد اللــــــــــه العابـــــــــــدي*

••┄┅══✼°••°✼══┅┄
ابجي واصيح بكربله احاه يمظلوم

اعثر واطيح من الهوه والحيل مهدوم

عيوني دارت للمعاره وروحي تحوم

صديت راسه عالرمح ويصد عليه

*ميســـــ✍️ـــــاء ام حســن*

••┄┅══✼°••°✼══┅┄

صديت راسه اعله الرمح ينظر علينه

ويشوفنه من. العده وليه انولينه

عالرمح يانوگ الهزل وتسيل عينه

بس رأس اشوفه ودمعة عيونه جريه

*ام زهــــــ✍️ــراء الزيداويه البصراويه*

••┄┅══✼°••°✼══┅┄

راسه اشوفه عالرمح ياناري كبره

گلبي انكسر من طيحته ياكلف جبره

الفرگه طويله ياخلگ گلبي شيصبره

اتمنى موتي وماشفت جثته رميه

*ام محــ✍️ـمد الساري*

~««» ~«» ~~»«

انهض وشيل حمولنه ورد اليعيلون

باجر اعيالك تنولي وشلون ترضون

نمشي اسارى ويه الغرب يابعد العيون

من امشي اعوفك عالثرة وشلون بيه

*ام بهـــــ✍️ــــاء الكربلائية*

~«» ~«»«~~««~

ابچي واعوفن كافلي ما حسبت هاي

چفين ضحاهن الي
وماشرب للماي

لمن خذوني اميسره اتسيل عيناي

عفت الكفيل اعله الثرئ وحسين اخيه

*ام رافـــ✍️ـــــد العسكري*

~«»»««»»«««» ~«

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسالكم الدعاء

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

نعي الا مولاتي فاطمه العليله

لفاني الموت ونته بعيد عني

ميته غريبه اليوم جني

مريضه ولمرض هد حيلي مني

جنازه غريبه اخلاف اهلهه 😭

بقلم 🖊️شاعرة الحسين ام ضياء
😭😭😭😭😭😭😭
ردت الولي جناز بيه

ويهيل الترب بيده عليه

ابعيد الولي وجتني المنيه

عليكم انه انعاب كلبي يابويه

ام ✍🏻زين العابدين لمحمداويه
😭😭😭😭😭😭😭
انعاب الگلب لمن جفوني
اعزاز گلبي وظيعوني
چنهم مشو عني ونسوني

ردو يبعد الروح ليه

ام✍️ حسين الحسني
😭😭😭😭😭😭😭
ردتك يبويه تهيل التراب
جناز هيبه ويه الاحباب
شخصك يوالي كوطر وغاب
عنو عليه عزاز گلبي

✍️الشاعره كريمه البو حلوه
😭😭😭😭😭😭😭
لفاني الاجل وعيوني تهمي
وذكرت الابو من جان يمي
حنين ويناشدني اعله همي
بعد شيعودهم راحو اهنه
ام ✍🏻ستار الكعبي
😭😭😭😭😭😭😭
شيعود الحنين الراح وبعد
اورحي والجبد عليه تمرد
فراگ ومرض الله ولحد
شيعودهم يدكون بابي

✍️ ام محمد الساري
😭😭😭😭😭😭😭

يادورهم ظلمه وحزينه
عيني تهل لختي الحنينه
وگلبي ترى زايد ونينه

ماضيعو بالبلد غيري
😭
ياهي المثلي فگدت احباب
یفراگهم للگلب صاب
خزن بروحي وعيب ماطاب
هيهات ردتهم عليه

✍🏻 ام زينب الأسدي
😭😭😭😭😭😭😭
يابوي لاتبعد عليه
وادري بطلعتك مابيه جيه
يمته تجي ونكعد سويه

ظليت اون ارجع يوالي

ام مصطفى ناصريه

😭😭😭😭😭😭😭
ضليت اون عالشال وبعد

وحيلي عليه انه تهدهد

ابجيته الولي كلبي يبرد
الدار وحشه وعمتني
يابويه

😭😭😭😭😭😭😭
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها


خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

اللهم صل على محمد وال محمد وعجل لوليك الفرج يالله قصيدة الى سيدتي ومولاتي فاطمة العليله


شدأرحاله أبو السجادللموت
وعايفني عليله بوسط البيوت
&&&&&&&&&&&&&&&
أخذ كل الأحباب وعافني لوحدي
أعالج بالمرض ودموعي انه بخدي
أشلون انطاك گلبك يالأبو تحدي
تظل أمدللتكم تون بسكوت

إم ✍🏻حيدر العبادي ناصريه
&&&&&&&&&&&&&&&&
اون بسكوت ولونه خفيه
وصح ابصوت جتني انه المنيه
يبويه هم ترد ونكعد سويه
وينه اليوم البضيج منعوت

ام ✍🏻زين العابدين لمحمداويه
&&&&&&&&&&&&&&&&
تظل امدللتكم تنطر اخباره
مليت الالم والروح محتاره
اباب الدار تنظر يرد داره
خبر ويه اليمر ويعدي ويفوت

✍️ ام محمد الساري
&&&&&&&&&&&&:&&&
دواي انته يوالي من تجيني
وكحل ابشوفتك يالغالي عيني
ترد يحسين وتضل تزهي سنيني
يبويه من تجي حضر التابوت

ام ✍🏻رحمه الگاظميه
&&&&&&&&&&&&&&&
تون بسكوت من غصبن عليها
تشوف البيت سكته ويبجيها
راح حسين ابوها وما يجيها
مايفتر نعيها اتعلي الصوت
✍🏻 ام زينب الأسدي
&&&&&&&&&&&&&&&&
تون من المرض مدري من الفراگ
على اشالو ضعنهم لرض الاعراگ
حنيت السمرهم گلبي مشتاگ
لحگولي يبويه گبل ماموت

ام✍🏻 ستار الكعبي
&&&&&&&&'&&&&&&&
بعد هيهات ماترجع الي اردود
وگلبي عله الوالي ذايب وممرود
اعاين ونتخي بالچن الي
يعود
واصبن دمعتي والحيل مبهوت

ام ✍️حسين الحسني
&&&&&&&&&&&&&&&
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها


خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd

ابوذيه للعليله عليها السلام وزن نصاري
---------+++--------
شلي بلعمر يابويه بعداك

عليله وماحمل يحسين
بعداك
كون المرض لامو بيه
بعداك

( ولا مني خذوك اتباع اميه )

الجناس
1- بعدك
2- البعد
3- العدو
ام ✍️حسين الحسني
🕸️*🕸️*🕸️*🕸️*🕸️🕸️*🕸️*🕸️*
يعونه الصبح ابوجهك،، ومساك
يعطرك بويه ياعنبر،،،، ومساك
عسى بالنار من ضرك، ومساك

(منو يردك يبو سكينه اليه)

✍🏻ام سجاد الشهيد
الجناسات
١/المساء
٢/التمس الشي ومسكه
٣ /يقصد بعطر المسك
🕸️*🕸️*🕸️*🕸️*🕸️🕸️*🕸️*🕸️*
عليك ارياكي والدلال مرمر
انه حالي يفت الصخر مرمر
الك طارش اودي عليك مرمر؟؟ مامر
عتب وديت الك يبن الزچيه

ام ✍🏻زين العابدين لمحمداويه
🕸️*🕸️*🕸️*🕸️*🕸️🕸️*🕸️*🕸️
مشو اهلي ومشت روحي وراهم
شكثر يتحمل اكليبي وراى هم
ابويه لو بعد عني وراى اهيم
صعب فركاه من يبعد عليه

✍️الشاعره كريمه البو حلوه
🕸️*🕸️*🕸️*🕸️*🕸️🕸️*🕸️*🕸️*
دموعي عليك وي كل نبض ينسال
الك مرسال عليك اليوم ينسال
انه سايل اباب الكرم ينسال
تفضل بالسؤال انشد عليه

✍️ ام محمد الساري
🕸️*🕸️*🕸️*🕸️*🕸️🕸️*🕸️*🕸️*
وديت الخبر للوالي مايه
اصبي عيني نشف يحسين مايه
عسن شط الفرات يبس مايه

انحرم منه ابن حامي الحميه

ام✍🏻 رحمه الگاظميه
🕸️*🕸️*🕸️*🕸️*🕸️🕸️*🕸️*🕸️*
متى حبابي يعودولي وراهم
نحيله اوذبلة الواني. وراهم
بعد كلبي وراحسرهاو وراهم
اوضعنهم من مشه مارد اليه

ام ✍🏻مرتضى الحواسي
🕸️*🕸️*🕸️*🕸️*🕸️🕸️*🕸️*🕸️*
ضربني الدهر ووجعني/بهاماي

على المطروح ضل عاري /بهاماي

اعيوني من البجي ماضل /بهاماي

لحد ألموت مابطل عزيه

ام ✍🏻ستار الكعبي
🕸️*🕸️*🕸️*🕸️*🕸️🕸️*🕸️*🕸️*
لون دمعي بحر هم جان . وشل
وجرحي مايفيده الروف .والشل

شلي ابيتي بعد الراح . وشال

حزين وتوحش اركانه عليه.

ام ✍🏻فاطمة الزهراء
🕸️*🕸️*🕸️*🕸️*🕸️🕸️*🕸️*🕸️*
تمت بعون الله بقلام شاعرات رابطة سيد الشهداء عليه السلام غير مبري الذمه اليحذف الاسماء او تلاعب بيها

خادمة الزهراء الشاعره أم محمد الساري
اظهر سيدي طال انتظارك
https://hottg.com/gdsjnvd