ياشوگ ياهو اليجي لاتوكف بصفنتي محد يدگ الباب
مو تدري چفي ثلج
وخدودهم من شمس
لو اجيسهن بالحلم
تلگاني صم تراب


ذیاب کزاز

وگالولي ضواك نباع والظلمه شترت لونك
يلون الناس روحي تريد تشرب خمرة عيونك
وتحني الليالي بطينك الخمري

يماتدري !!!!
بعدني بكل مسافة الگاك من عمري 

وبعدني شما يمر طاريك
أتيه بديرتك نسمة هوه وبيبانك تشمني


حسن قاسم

مرنيّ موسم عوز حنيتك شتال
كلفة بس اشرب جفاك
وانت تشرب بس دلال

عباس الغالبی

ويهنيالك على عيونك
أُولاية بگدها إشوفنها بضوة عيونك
أُولاية بگدها إشوفنها بــ ندة إجفونك
وتاخذني واطيح إمراد
ترچية لــ زلف گاعك
واغنيلك يطير الماي
حد ماتخضر علىٰ الراگ بردية
ولمع جنحك سمة والوان عذرية

حسین حیدر

الراحل عریان السید خلف

سافرتلك بآخر اجناحين عمري
وطحت فوگ امتونك من الهم گصيبه

وسولفتلك عني وشگد مشتهيك
انت يا روحي  الغريبه
كل روازينك غريبه

ومنين ماچهبك بعيد
اهناك اني وهاي روحي
اهنانه يمك بس غريبه

حسین شعلان

عيني لوحه مشرگه ..
بالك تدك
وتبسمر الطيف اعله جفني ..
وانه ماعايز حزن ..
عاين بعدني بثوب حزني ..
كفني باعوني رخيص
او غيرهم وادم شرتني..‌.


کاظم اسماعیل الگاطع

الراحل عبد الحسین الحلفی

ابیات رائعه

لشاعر نائل المظفر

وَأنتظرتَك..

بين صَفنات الليّالي
وجرح دخان الجگاير

وبين لچماتي وحَسرتي
وحيرتي وكَسرة الخاطر

وبين مَدري..
و وين صايَر ؟

وأنتظرتَك هلبَت تمُر طيف
إيضمضُم دموعي إعلّه باچر..

انا من شتریتك بعت ناس هواي...!

يمكن ناس فقره وشورو بيه!


جبار الرشيد

حسافه
الـ ما اجو ،
و الـ وين ،
و الـ ياريت ،
و الـ مدري ،

وحزن ما تدري بيه ألمن ،
كسر گلبك وعانگته


جواد زغیر

وافترگنه
وچان  أوّل  سفر  شيب
وچان آخر طعم  مر
وچان آخر  بشر  ذيب
وچان آخر مدري شنهي
وچان  نوم  الظن  فزيز
وزرت روحي وجدَّدت شبّاچ  نيتي
واختلط  ماي  المطر  ويَّه النزِيز
ومن صحينه
لنهه وشلة كاس ظلّت
مدري  ليش..
العمر  من  يصحه  اعله  وشله  ايظل عزيز

کاظم العطشان

عاتبيني
روحي تعبها الونين
وكلفه احس من ما تجيني


لیث النعیمی