العام نسهر لطــــــــرب والوناسه
واليــــــوم نسهر يافهد من الهم

الوقت الاقشر حط راسي براسه
كنه خصيــــمً مغرضً طالبان دم

‏من جاني وجاب السعاده فـي يديه
‏وشلون ماهـــو فالمحبــــــــه سيدي

‏إي والله أحبه و اي والله اموت فيه
‏بما مـــــلك قلبــــــــي وماملكت يدي

يادمع الأحــــزان لاتنزل ولاترقى
ياخوف قلبـــي من الايام ياخوفه

من كثر ماني متعــود على الفرقى
صرت اتوادع مع أي واحد اشوفه

اسرار عمـــــرك خلها تحت الأنفاس
‏لاصار هــــــــراج القفا فاطـــــــنً له

‏هذاك يفرح لا لمس جرح الإحساس
‏وهذا مناه إلى لقى فيـــــــــــك عله

الشاعـر خالد الفيصـــل ال سعود

تدري وش اللــــي يملك الروح لـــروح
ليا صفا قلبين فــــي صادق الشـــــوق

على الوفاء كلاً عطى خافـــي البـــوح
وإخلاصهم في وصل الاشواق موثوق

مصيبه ليا من ابن عمــــك تردا فيــك
ونصيت البعيد وقام معك وجلا همك

لقال ابشـــر ابشر والله انه كنه يعزيك
على موتت عروق الحميا ف ابن عمك

عسفت الصعايب لين راحت وجيه اعداي
من الغبن يسفى فوق هاماتهم السافـــــي

نجاحي مكفيني عن تعب رمحي وشلفاي
كشف لي من الكذاب والصاحب الوافـــي

تراكيت يــــــــوم الناس بانت على مركاي
ولا عاد به شــــــــــــــي مغطى ولا خافي

هل الطيب والمعروف شفهـــم على يمناي
وهـــل الخبث وعلوم الردى شفهم خلافي

انا عندي مشوره ودي انها توصل ال سعود
يسجل فعلكم فــــــي بطن تاريخ السعوديه

شمال المملكه ترمز بحاتم يوم زاد الجــــود
وجنوب المملكه ترمـــــز وتعرف بالعسيليه

صديت عن بعض السوالف وجنبت
بعض الســـــــــوالف ماورها غنيمه

عذب الكلام ارق واعذب من النبت
وعـــــــــواقب النمام دايم وخيمــه

فــــــي حق نفسي ماعليه لو اذنبت
لكن حقــــــــوق الناس تبقى ظليمه

الكفو مثل السلاح المجرب ف الضروف
لا انفلك في وجهك الوقت الأقشر تفلكه

يمتلكني الطيب اليا ملكنـــي ب معروفه
مثــــــل ملك اخوان نوره ربوع المملكــه