لو يشتكي القلب من زلّـه تجي منك
‏حذفت قلبي وراي و جيتك مسـامح .

أنت غاية من تمنى ونكسة من يتوب
‏معك يا هون المصايب وياكبر المصاب .

والله إني في رجا ساعةٍ ما تاكلني حسايفها
‏ و في رجا حظٍ سمح يدلني و يتعنالي .

عليك من القصيد اللي يعرفك فالقسى واللين
‏وعليّ من الشعور اللي يحبك ويتباهى بك .

دخيل الجرح و ظروف الحياة و بسمة الموجوع
‏غرقت و ما لقيت إلا شواطي ضحكتك مرسى .

توسّدني وطن لو ماوسع صدرك فضاء وبّلاد
‏وأنا كل الدروبّ اللي تبيها حاضر وماضي .

طاحت دموع الغيم والحظ ماقام
‏والهمّ غافي فوق كتفي وصدري

‏اكتب قصيدي اوصف شعور واوهام
‏كم صار لي مدّه اعاتب واهذري

‏حظي كسر ظهري وعايش بالاحلام
‏حتى خيالي صار واقع لعمري

‏اضحك وانا في داخلي عشر الآم
‏واصبر واقول الله على عزوم صبري

عن النوم والمجلاس ينحاني الهاجّوس
‏أفكر بعُمر ضاع بين الرجاء والياس .

ليت عيني على بعض العرب عميّـا
‏ولا أشوف شيٍ من الغالين يحزنـي

الخواطر صايره هشه والقلوب رهافيّ
‏والمداين صامته والهقاوي مستبيحه .

جميع الكون قدامي و خلق الله بـ الأعداد
‏و أنت الثابت بـ قلبي و باقي الناس دوّاجه

‏و لا تشيلك أرضهم و لا تحتويك دنياهم
‏ ضامك من طرف رمشي لي آخر عمري

‏زاهدٍ من الناس ولا ابي سوى قلبه
‏ولا تعنيني المغريات ولا ألتفت فيها

‏أنا معك مثل المؤمن اللي خايفٍ ربه
‏وحطك بين عيونه الثنتين وأنت مغنيها

‏عارفٍ حبك لي وقلبك ومامدى طُهره
‏أبيض قلب وطى هالأرض .. ومساعيها

‏فيك أكتفيت ورويت القلب من حبُه
‏وأنت كل اللي ابيه من الدنيا وأمانيها

تهاوت ضلوعي يوم خالف رجاي اليأس
‏على درب حلمٍ عشت أبيه ولا أبي غيره

الشجاع اللي يسوّي ما ينال إعجابك
‏والجبان اللي يشوف عيونك ويتركها .

مامعي غير روحٍ ماتعرف الخضوع
‏خايف اسخي بها لـ رضاك وتهينها .