‏ودي أهرب من المشاعر والأفكار إللي قاعده أعيشها ولو إنه يعزّ علي ، لكن لأول مره أتمنى ألمّلم قلبي وأرميه ، بعيد بعيد بعيد .

‏عطيتك إللي ماعطيت أقرب الناس
‏وعلقت فيك أحلام عمري وضاعت

‏لي قلب مايقسى وصادق وحساس
‏ولي عين ماصدت وخانت وباعت

‏ولك قلب طيب بس ماعندك إحساس
‏ولك عين ماشافت جروحي وراعت

‏جيتك على وضح النقا رافعه الراس
‏وطوعت لك نفسٍى عزيزه وطاعت .

يرحّب بغيري وأنا واقفه هناك
أمسح بقايا الدمع بطرف كمي

يعني نسيت أيامنا والغلا هذاك
يعني رضيت الجرح يا كبر همي

وشلون أبقوى غيبتك وأتناساك
يا حرقة أعصابي ويا حرق دمي

بعد الفراق اليوم أنا وين أبلقاك
لا أنت بولد خالي ولا ولد عمي :( .

ما يستوجعّك إلا الغالي إللي ماهقيت أوجاعك تجي منه ، ياكيف هنّاا وياكيف صرنّاا ياكيف توديعنا صار عااادي ؟ ماتدري هي من قوّة القلب ولا من نقص الغلا عندهم ولا الظاهر إن حنا كنا مرحلة عبُور .

‏كفاكم الله غصّة الـ ( أفَا ) بعد التباهِي .

‏هو سالي ، ‏وأنا غارق ‏بالهواجيس .

النضج الحقيقي يقودنا نحو العزلة والاكتفاء بالذات.

‏بينتهي عام حبيبك فيه وبيبدا عام انت مو فيه.

"يا حلو شكل الإنسان لما تعز عليه نفسه ويغض نظره عن توافه الأمور لأنه عارف ومقتنع انه أفضل وأحسن من انه يعطيها أدنى انتباهه."

‏أحب أعلن وبكل فخر أن صدري وصل مرحلة عظيمة من السعة والانشراح ومايفرق معي وجود أحد أو عدمه اللي يبي يبقى يامرحبًا به واللي بيروح الله معه لا قرب أحد بيدخلني الجنة ولا حتى مفارق أحد بيخلي نار جهنم تمس جلدي .
‏حاولوا توصلون هالمرحلة والله انها مرحلة مريحة خالية من الصداع والضيق ❤️.

‏عودت نفسي ما أتحسف على شي
‏لأن العمر ما يحتمل للحسايف

‏بعيش لحظات الفرح دامني حي
‏وبزرع الضحكه بجرد الشفايف

‏ولا ألحق الشرهات شي ماهو لي
‏ولا عدت اجزع من فراق الولايف

‏إن غاب غالي فالحزن باخذ شوي
‏أيام .. وتروح علومه طرايف

‏موصي قلبي لا شفت الخطا عي
‏ اما تعدلها أو تصد عايف .

‏من نصحني قلت صادق عسى ربي يعين
‏وانا خابر من علاجي و جرحي من يده

‏جيت مثل اللي معه حب ويقولون عين
‏المعالِج يحرقه . . والمطوع يجلده

‏ستعلِّمُكَ الحياة أنّها لا تقفُ على أحد ، ستجدُ نفسك يا صديقي تستطيع العيش بالجميع ، وببعضهم ، وبدونهم حتى .

لسانّ الحال :
‏"غاب نور الوصل ما شفنا شعاعه
‏والضلوع بجمرة الفرقا تدفّـت

‏يوم قلبك للجفا جهّز متـاعـه
‏المشاعر كلها من الضيق صفّت

‏كنت أشوف المركب يوجه شراعه
‏وأنت واقف بين شرهاتي تلفت

‏ما طلبت بصدّه المقفي شفاعة
‏خابر الدنيا ليا دارت . . . ولفت ".

‏"من كثر ما صرت شاطر بالقطاعة
‏شوف خطواتك مع الأيام. . . خفّت
‏
‏والله إنك لو تجي ومعّك الجماعة
‏مارضى قلبي ولا كفت . . . ووفّت ".

‏"رحت ما يفرق سماء حزني وقاعه
‏لو جناحين الفـرح بترف . . . رفّت

‏وجيت في وقت الحصاد من الزراعـة
‏ليت رجليـنك عن العنـوه . . . تعفت

‏تبتسم لي كن صدك نص ساعة
‏والعروق اللي بقلبي منك جفت ".

‏عرفتك في بدايات القلق ، والخوف ، والتفكير
‏وبداياتي معك كانت بدايه " توجع دروبي "

‏عشقتك بـ إندفاع وجيت لك كلي بلا تأخير
‏أخاف الوقت يبهت في لقانا " لهفتك صوبي "

‏أرتب بالقصايد قلبي اللي خانه " التعبير "
‏يبي يوصف من إحساسه بعض شفي ومطلوبي

‏أمان الله على قلبٍ لقى بك قسوة التهجير
‏ولا هو قد شكى ظلمٍ يفتّق لوعة ثقوبي

‏ومدام أن الجرح في داخلي يحتاج له تطهير ؟
‏ما أبي منك الضماد اللي يطهّر كثرة ندوبي

‏رح بحالك ، وأنا بحالي مدامك للفراق تشير
‏مصير الوقت ينسيني منى قلبي ومرغوبي

‏معك طال الغياب اللي عليه أرهقني التبذير
‏ولاني عدت محبوبك ، ولا عادك بـ محبوبي

‏بتلقاني بكل مفرق طريق وفي يديني الغير
‏بتعرف قيمتي والله .. وتفقد أصغر عيوبي

‏تذكر قلبي اللي ممتلي صدق ، ونقى وتقدير
‏وتذكرني ليا هب الشمال ولاحت هبوبي

‏فمان الله ووجهك مثل قلبك ممتلي تقصير
‏سمحت من الهوى لأني بـ كفّر باقي ذنوبي

‏أبنسى باقي جروحك ، وأبلقى في غيابك خير
‏وأبحيي غصني الضامي ، وأبدّل بالهوى ثوبي

لآ فَائده من اغلآق النافِذة، والمشهد مازال يدور في ذهنِك.'

مدري الى اليوم تولللله على
مضنااااك والا انتتتهى حُبي ؟