🔴 Чытайце ў нашым новым дайджэсце, чым запомніўся нам мінулы тыдзень ⬇️

🔸Цяпер без экзаменаў можна будзе паступіць у тры ВНУ:
1. Беларускі дзяржаўны ўніверсітэт;
2. Беларуска-Расейскі ўніверсітэт;
3. Палескі дзяржаўны ўніверсітэт.

Варта адзначыць, што тут ёсць пэўныя ўмовы:
▫️неабходна засвоіць асобныя прадметы, модулі на павышаным ўзроўні пры ліцэях гэтых ВНУ;
▫️мець адзнакі не ніжэй за 9 па профільных прадметах і не ніжэй за 8 па астатніх.

Таксама без экзаменаў у беларускія ўніверсітэты могуць быць залічаны:
▫️тыя, хто падаюцца па дагавору мэтавай падрыхтоўкі;
▫️пераможцы рэспубліканскіх (ІІІ этап), міжнародных і ўніверсітэцкіх алімпіяд;
▫️выпускнікі_цы Нацыянальнага дзіцячага тэхнапарку па рэкамендацыі;
▫️тыя, хто здалі расейскі адзіны дзяржаўны экзамен (пры залічэнні на платную форму навучання).

У дадатак на спецыяльных умовах у ВНУ могуць паступіць дзеці вайскоўцаў і супрацоўнікаў МУС, а таксама тыя, хто наведвалі розныя гурткі ваенна-патрыятычнай скіраванасці.

🔸 На мінулым тыдні быў апублікаваны дакумент, у якім акрэсліваюцца верагодныя планы Расеі па ўмацаванні свайго ўплыву ў Беларусі. У ім важнае месца займае апісане павелічэння расейскага ўплыву ў беларускай сферы адукацыі. У адпаведнасці з ім плануецца:
▫️стварэнне прарасейскіх суполак уплыву на беларускую навуковую супольнасць;
▫️павелічэнне колькасці беларусаў у расейскіх ВНУ за кошт узаемнага прызнання вынікаў ЦЭ І АДЭ;
▫️стварэння філіялаў расейскіх універсітэтаў у Беларусі, адкрыццё расейскай школы і дадатковых кабінетаў рускай мовы ў беларускіх ВНУ.

🔸Цяпер ВНУ Расеі будуць прымаць беларускіх абітурынтаў_ак па выніках новага цэнтралізаванага экзамена. У апошнія два гады расейскія ўніверсітэты ўжо прымалі вынікі ЦТ, да гэтага трэба было здаваць Адзіны дзяржаўны экзамен.

🔸У Акадэміі кіравання з гэтага года абітурыентам_кам трэба будзе прайсці прафесійна-псіхалагічную гутарку. “Гэта будзе допускам да ўдзелу ў конкурсе на паступленне” - адзначыў рэктар Вячаслаў Даніловіч. У дадатак, акрамя абавязковай, характарыстыкі, абітурыентам_кам трэба будзе мець дзве рэкамендацыі з апошняга месца працы, службы ці вучобы і ад мясцовага органа выканаўчай улады.

🔸На гэтым тыдні ў Задзіночання беларускіх студэнтаў_ак выйшла справаздача аб стане беларускай акадэміі ў 2022 годзе. У ёй сабраны доказы пераследу і парушэнні правоў беларускіх студэнтаў_ак і выкладчыкаў_ыц. Вельмі раім азнаёміцца, каб зразумець ступень рэпрэсій у Беларусі ў бок студэнцкай супольнасці.

🔴ПВК “Родан” і адмена адтэрміновак. Чытайце апошнія навіны ў нашым дайджэсце:

🔸У Беларусі адбыліся масавыя затрыманні школьнікаў за спробу зладзіць сустрэчы так званага ПВК “Родан”. У гандлёвым цэнтры Гомеля было затрымана 200 чалавек, з якіх 183 з’яўляліся непаўнагадовымі. У Менску затрымалі 80 чалавек. У Брэсце і Оршы таксама прайшлі затрыманні. СК Беларусі ўзбудзіў крымінальную справу за спробу зладзіць незаконнае масавае мерапрыемства, падлеткаў паставілі на ўлік, а паўнагадовых прыцягнулі да адміністрацыйнай адказнасці.

Інтэрнэт-мем ПВК “Родан” з’яўляецца алюзіяй на злачынную групіроўку “Геній Родан” з анімэ Hunter x Hunter і не з’яўляецца у прамым сэнсе слова прыватным вайсковым комплексам.

🔸 У сваю чаргу на з’яўленне ПВК “Родан” адрэагавала і Міністэрства адукацыі Беларусі. Міністр Андрэй Іванец заявіў, што “моладзь можа быць падвергнута ўплыву дэструктыўных рухаў”. У якасці альтэрнатывы ён прапанаваў удзельнічаць у патрыятычных, спартыўных, культурных гуртаках розных напрамкаў.

🔸Намеснік міністра адукацыі Аляксандр Бахановіч заявіў, што адтэрміноўку для студэнтаў, якія навучаюцца за мяжой, патрэбна скасаваць, каб у краіне былі “роўныя правы і магчымасці”. Адзначаецца, што тых, хто ўжо навучаецца за мяжой, змены не закрануць. А вось тыя, хто пасля прыняцця новаўвядзенняў пажаде паехаць навучацца за мяжу, больш не змогуць атрымаць “адтэрміноўку”. Выключэнні застануцца для студэнтаў, якія былі адпраўлены на вучобу ў іншыя краіны па накіраванні дзяржаўных органаў.

🔸Міністэрства адукацыі заявіла пра новаўвядзенне ў школьную форму другога абавязковага элементу дзеля аднастайнасці навучэнцаў. Адзначаецца, што школа сама зможа абраць гэты элемент: то бок калі да гэтага ўжо была ўведзена камізэлька, то цяпер можна будзе дапоўніць вобраз нагавіцамі ці спадніцай.

🔸 Не так даўно была затрымана выкладчыца Магілёўскага дзяржаўнага ўніверсітэта імя Куляшова Наталля Мартусевіч. З выкладчыцай з’явілася “пакаяльнае відэа” на канале магілёўскага ГУБАЗіКу, дзе яна сцвярджае, што “пісала ў экстрэмісцкія чаты” і “зарэгістравалася ў плане “Перамога””. Цяпер жанчына на волі.

🔸Былой выкладчыцы МДЛУ Наталлі Дулінай прысудзілі 3,5 гады калоніі за каментар незалежнаму СМІ. Адзначаецца, што пасля вынясення выраку яна ўсміхнулася і сказала: “Прыйдзе вясна!”

🔸У шведскіх школах цяпер можна будзе вывучаць беларускую мову. Такое рашэнне дамаглася беларуская дыяспара ў Швецыі дзякуючы перамовам з мясцовым дэпартаментам адукацыі. Адзначаецца, што беларускую мову можна будзе вывучаць нават калі ёсць менш за 5 вучняў у муніцыпалітэце.

🔸Тры выкладчыцы беларускіх ВНУ паедуць у акупаваны Луганск на канферэнцыю “Ваенная журналістыка ў сучасным свеце”. У склад беларускай дэлегацыі ўвайшлі прафесарка ГрДУ Марыя Канюшкевіч, загадчыца адной з кафедр ВДУ імя П. Машэрава Ірына Зайцава і Алена Муратава, прафесарка ВДУ імя П. Машэрава.