#الأربعينيه
#ملتقى #الحبيب #مع #الحبيب


     عمي ياجابر ★ رأس الحسين الترف
     عمي ياجابر ★ من الذبح ما ينـعرف
الرمل مالي عيونة ☆ بمخصرة يضربونة
  مكسرات سنونة ☆ عمي ياجابر

☆☆☆

الينذيح گدامة أبوة شيفيده الصياح

حسين من طاح المخيم على الحرم طاح

التمو على حسين كلهم والشمر صاح

يبن فاطم راح اذبحك حتة ترتاح

موت حسيني ★ ذبحة يا عمي صعب
موت حسيني ★ وخلة راسة عالترب
رحمة ماكو بگلبة ☆ برجلة ضل يگلبة
حسين عينة الربة☆ عمي ياجابر

☆☆☆

عمي تذكر نحر ابوي الـچـان يـنـبـاس

والنبي يصعدة على ظهرة يصلي بالناس

تالي الحسين بحوافر خيل يـنـداس

تخاصمو ياهو على رمحة يرفع الرأس

ويلي من خولي ★ على أبن جوشن ضل يلح
ويلي من خولي ★ گله عجل بالذبح
بسرعة موت انفاسة ☆ أنه رايد راسة
ضل يعذب أحساسة ☆ عمي ياجابر

☆☆☆

خولي ياعم من وصل زوجاتة الإثنين

وحده شافت رأس بيده محمر العين

وحده بالـتـنور كامت تـسمع أونـيـن

خولي جابة أبئيده راد يچوي الحسين

ماسلم راسة ★ امننذبح بيد الشمر
ماسلم راسة ★ تالي ينحط على الجمر
رأس ابوي الهيبة ☆ الجمر چوة الشيبة
وهوه ينگط طيبة ☆ عمي ياجابر

☆☆☆

چان راسة بحضن طه البي ترافة

وهسه راسة بالطشت والله حسافة

المخصرة تصعد وتنزل على شفافة

كـسـر سـنـونة يـزيـد وتـالي عافـة

عمتي زينب ★ لمت سنون الحسين
عمتي زينب ★ القصر ضج بالأنين
البعض يبچي عليهة ☆ البعض شامت بيهة
العائلة تهديهه ☆ عمي ياجابر

☆☆☆

هاي وادم ما أظن بصدورهه گلوب

تدري وشسوة يزيد بـوالـدي أنـوب

أمر حراسة على رأس حسين مطلوب

خل يخلونة على باب القصر مصلوب

والدي تعذب ★ شخلت بحالة الغرب
والدي تعذب ★ حسين مو مالت صلب
بالقصر عانينة ☆ نزلو والينة
الكربلا ردينة ☆ عمي ياجابر



       ✍🏼الشاعر أمير السعيدي ✍🏼


https://hottg.com/dhjgdsswfgh

#الأربعين


عندما وصلت السيده زينب الى قبر الحسين.ع. وضعت خدها على قبر أخيها  وقالت.



ليش ونتك خافية ☆ حـسين أجيتك حافية

     أطلعلي من كبرك أذا باقي عدل
      روحي كل لحظه وذبهه من الهزل

☆☆☆☆ 

     حــسـيـن أكـعـد – لـيـش نـايـم
        والله عطشانه عــــلــيــك

         ليش چفك - بلايـه خـنصر
       مــن سلام الله على أديـــك

         وينه چبدك - وينه نحرك
       بجــربـة الماي أرد أجـــــيــك

       متت ضامي - أطلعلي أشوفك 
           الــشمر شــسـوي بـيــك

اليلة يمك كـاعده  ☆ حـسين أشـوفك رايده

     وجهي متعرفه أختلف ذاك الشكل
      روحي كل لحظه وذبهه من الهزل

**** 

   حسين وينك - الدنــيــا وحـشـه
          كوم دلـيـني أنت وين

         قاسي گلـبـي - شـلون عفتك
         عاري ومســبــل ألاديـــن

        شلونه وضعك - شلونه ضلعك
              أدري ماضل ضلع زين

            الخيل داست - فوك كلبك
         شـــلــونــه كـلـبـك ياحـسيــن

حـسـين بعدك صايم ☆ واعلى الـترابه نـايم

    أخلافي من فيه عليك وسوه ضل  
     روحي كل لحظه وذبهه من الهزل


***

        حـافي جـدمي - ضهري محني
               ضلعي لازمتة أبالم

            آه خــويــة - فـوك گـبـرك 
             أتــجـمـع أرمــاد الخـيـم

           حمرة صارت – الكاع كلهه
               أهنا عظم واهنانه دم

          وأبـو فـاضـل – هـايـه عـينة
               حسـين شـابكهه السهم

عينه مـــحـد شـالهه ☆  الله يرحم حالهه 

     ردت أغطيهه وصحت يابه الفضل
    روحي كل لحظه وذبهه من الهزل 


**

     أشــطـولـه لـيـلـك - وانـت وحدك
               بلا أخو وبلا أخت

        راس مـاكـو - الجـسـم وحـده
             بـالحـصـيـر أتـلـمـلمت

           آه دمــك - آه عــضـمــك
           بــحـافـــر الـخـيـل أنـدست

          حـسـيـن لـسـه – مو أبالي
           وما مـصدكـه أنـت مـتت

خوية نحـرك وينه ☆ أتـشمه أجـتي سكينة

      ماي جابتلك سكينة واللطفل
     روحي كل لحظه وذبهه من الهزل


**


     حـسـيـن أجــيـتـك - كوه أمشي
              آه ياقصر الطغات

           من دخلتة - أكبالي كاعـد
          چن شخص ماعنده ذات

         شاف سـكـنـة - وكـال أريـدن
               أشتري هاي الفتاة
    
           صحت وينك * يابوفاضل
            الشمر سبي وكلي مات

أقريله صاح الفاتحة ☆ چفوف أخيچ طايحة

      وهذا راسة أكبالج بعينة النبل
     روحي كل لحظه وذبهه من الهزل 



                 لخادم زينب.ع.
            ألشاعر أمير السعيدي



https://hottg.com/dhjgdsswfgh

#شهادة #الرسول #الأعظم.ص.
لسان حال الامام علي.ع.
،،،،،،،،،،،،،،،،،،،،

راس النبي بحضني چان * قرأن يودع قـرأن
         غمضت عينه * واسمع أنينه
                 أبفاطمه أوصيك

*
     
    المـوت يافاطم * على البشر عاده

    لچن ربنه أشتاق * الــوالــدچ راده

    ألبگـى أبـراسـچ * الــوحـي نـــاده

     يم حسن طاحت * خيمة السـاده

ياالزهره عظم أجرچ * من هسه لزمي ضهرچ
         راحل محمد * والسانه ردد
                أبفاطمه اوصيك  

***

       آه يــا فــاطـــم * طه غــسـلـتـة

       أمدد بحضني * وگاض خاصرتة
  
       أتخيلت  زينب * صدره شابگتة

        يم حسن گوه * جفنه غمـضـتة

مفتوحه چانت عينه * راح المفيي عــليـنه
      بحضن النعش نام * ومعصب الهام
              أبفاطمه أوصيك
     
****

      الحسن وحسين * بيدي گايدهم

      شگثر بچوني * أشتاقو الجدهم

       النـبـي بـنعـشه * وسمـع ونتـهم

        انفتحت عيونه * طه صاحلهم

واحد يبوسه بثغره * الثاني يبوسه بنحره
          ضلو يتامه * أخر كلامه
                 أبفاطمه أوصيك



      من شلت جسمه * وگاصـد الگبره

       شفافه تتحرك * اتحـيرت بأمـره

        أتقربـت واسمع * ياعلي الزهره

       على الضلع عينك * قنفذ يكسره

عينك على ابنيتي يصيح * بالباب محسنهه يطيح
         وچفوفه الازغار *  تچوه بالنار
                 أبفاطمه أوصيك

**

       بـلا أخـو چـيتچ * أنـي مو أنـي

       أدفنت خيمتنة * واغله خـواني

       آه أبو الـزهـره * صـوتة بچـاني

        ياعلي گلي  * أونــيـنك أذانـي

أتوسلت بي خذني وياك * حاشه يبن عمي أنساك
           لمن دفنتة * أيون سمعتة
                أبفاطمه أوصيك


          ✍️ الشاعر أمير السعيدي ✍️

#نزلة #لنبي #الرحمه #ورسول #الإنسانية


ويلاه على النبي ويلاه   ★
ويلاه على النبي ويلاه  ★


الله يساعد الزهره * مات الليله والدهه

الماعدهه أبو بهاليوم * ويلي ينسطر خدهه

بعد ميدگ عليهه الباب * ولايوميه يفكدهه

أظلم بيت أبو القاسم * وحشة طه شيسدهه

ويلاه على النبي ويلاه   ★
ويلاه على النبي ويلاه  ★

****

النبي ضل يبچي على الزهره * يفاطم لا يهل دمعچ

مصابي أهون لچن باچر *  بنيتي ينكسر ضلعچ

أگبالچ يوگع المحسن *  الثاني لمن يعصرچ

وبگعب الرمح ويلي *  قنفذ فاطمه يدفعچ

ويلاه على النبي ويلاه  ★
ويلاه على النبي ويلاه  ★

*

اجو  يمه الحسن وحسين * شبگو  نامو بكتره

باوع على الحسن مهضوم * صاحه وقبله بثغره

وضل يبچي على رأس حسين * كلهم ينگطع نحره

ومسح أيده على صدره وصاح * الشمر يتربع بصدره

ويلاه على النبي ويلاه  ★
ويلاه على النبي ويلاه  ★

***

اوياي تخيل الموقف * طلعت روح أبو القاسم

يمهَ اهله وحبابه *  وسوتله عزه فاطم

بس زينب عزه لحسين * الشمر مانعهة يا وادم

أعلى ضهر الناگه مجلسهة * وضلع لحسين ما سالم

ويلاه على النبي ويلاه  ★
ويلاه على النبي ويلاه  ★

***

علي للمغتسل شاله * أويلي منهدم حيله

غمض عينه بس يسمع * أبو الزهراء يحچيله

گله تشيل أبن عمك *  أواگف يمه تتدعيله

أشلون أباچر احچيلي * حسينك محد يشيله

ويلاه على النبي ويلاه  ★
ويلاه على النبي ويلاه  ★

**

الله وياك أبو القاسم *  مو حلوه ترى الفرگه

علي حافي طلع ينعاك * كاتلتة علي الحرگه

حافر گبرك ومحتار *  كلسا جسمك يشبگه

ماوده بگبر تنزل *  وكبرك بابه يطبگه

ويلاه على النبي ويلاه  ★
ويلاه على النبي ويلاه  ★


الشاعر امير السعيدي

قصيدة بحق الإمام الحسن العسكري (ع)


      أبخـمس أعـوام *  شـيـب دليلــك
       بــهاي الايام * تدفن خــليــلـــك 
          چبد الوالد شفـتـه بعـينك 
              يابوصالح الله يعينك
        ★★★★★★★**★
 
     عجيب ولـسـه كلبك مـاتـرك صـــدرك

     وأبـوك الـعسكري بجبده حنه ضـهـرك

     خـمـس سـنـين كـالو سـيدي عـــمـرك

     شـيـب كـلـبك ومـا فـاركت صـبــــرك

        أبصدرك أيوب * ظل يقره قرأن
       صـــبرك هيهات * يتحمله أنسان
            مثلت أبراهـيم أبدينك
             يابـوصالح الله يعينك
             ★★★★★★★**★ 

   الـنـبـي يـوسف أبـعـمـرك چـانت سنـينه

   مـن فــارك أبــوه وتـــحمـل ونــــيـــنـــه

    أشــكـثر جان الـتـشابهـه بــينك وبـيـنـه

    الـفـرق ماشاف چبـد الـوالـد بــعــيـنـه

     صح يوسف ناح * أوؤن على يعگوب
        لكن ماشاف * چــبد الابــــو يذوب 
            تجرح اكـثـرانـتـه سـنـيك
            يابوصالـح الـلـه يــعـيـنـك
              
★★★★★★★**★

بــنـي الـعــباس قـامـــو مـحـكـمـه ضده

بقـانون أعـمـه حـكـمـوه بـالـسـجـن وحـده

على فـراكـه صـبـرت أشـلـون هــل الـمـده

الـمـرض مـا فـاركـه لا مــا رحــم چـــبــده

       بسجـنـه سـمـوه * أؤجهه تغـيـر
        لامــــارحــــمـــو * الله أكــبــــر         
        هـل الـنـاس أشكد مألمينك
            يابو صالـح الله يعيـنك
             ★★★★★★★**★

الله يعـيـن روحك سـيدي شـحـسـيــت

مـن ودعــت أبـوك وعالـجــسد صليت

  يـتـيـم الاب صرت ومـن الـزغـر عانـيت

  وموحـش يابوصالح عكـبه صار الـبـيت

       بغيابه الدار * يلمهدي وحشه 
     خلفك جبريل * صله عالنعشـه  
       لحـظه مـافاركت أونـينـك
           يابوصالح الله يعينك


            ★★★★★★★**★

شــيـبـت أبـصـبـاك وخـمـسـه عـمرك چـان

وكـلـبـك صــار أسـيـر مـكـيـدتـهه الاحزان

  اشـلـون اتحملت تـدفــن اعـز انــســان

وتهـيل على جسم الـعـسكري الـتـربـان 

   أشگد صعبه * عليك من هلت التراب 
   گلي شحـسـيت * مـن غـطه الاحباب
       حلـمك مات البـينـه وبـينك
             يابوصالح الله يعينك
           ★★★★★★★**★ 
    
يـلـمـهـدي عـشـت بـالـحـسـره والـونـه

  الـحـسـن لـمن دفـنـتــه صـوبـك حـزنـه

علي الـسـجاد أعــظـم وصعب المحنه

جسم حسـيـن ولله اتـعـذب بدفـنـه

  مسلوب الثوب * وكل جسمه مسحوك                       
    ويتامـه تنوح * وصيوانـه محـروك
        وفوك الرمح راس حسينك
             يابوصالح الله يعينك 



             الشاعر امير السعيدي


https://hottg.com/dhjgdsswfgh

#الحسين_يخاطب_الزهراء_ع

#ابيــات_نعــي_للزهراء_ع

يمه أنه عزيزج انه الحسين

أمنجيت ومالكيتج ذابت العين

سئلت اسماء عنج أمي جا وين

        كالت دخلت هاي الحجره
          مهظومه وتنفس عبره

☆☆☆

بمحسن وبعلي يمه اقسم عليج

لتموتين أبوس اتراب رجليج

أفتحي عيونج وخليني احاجيج

          أنه حسينج لتهضميني
          مد ايدچ يمه وشبكيني

☆☆☆

ملك الموت شفته بطيفي محتام

   كلي اليوم تلبس ثوب الايتام

بعد متشوف أمك بس بالاحلام

         يحسين يكلي أمك ماتت
       أمن الباب أحزان اشكد شافت

☆☆☆

اليعيش بلايه أم شيسوي بلروح

   أكيد الفارك أمه كلبه مذبوح

يضل هو وخواته معاشر النوح

         كلما يذكر واحد أمه
       تشيب روحه ويكبر همه

☆☆☆

علي بكل عمره يازهراء     ــــــ  داراج
لجن كلبه احترك من نار  ــــــ داراج
اختك بلمغتسل حيدر★بوصيه طه يتذكر
            الاشد من هذا ياكوثر
وجــهــج غسلــه ونــوب    ــــــ داراج
أنحنه من شاف ضلعچ يالزچية

☆☆☆

على الظالم عذابك ربنه ــــــ وجهه
باب الزهراه ليش بنار   ــــــ وجهه
محسن من كثر چويات ــــــ وجهه
انچوت روحه وشبك امه  الزجيه

✍الشاعر أمير السعيدي ✍

#أستشهاد #الزهراء ع.


           ياعلي الله يرحم حالك
           ياعلي دافن أم اطفالك
راجع ولازم گلبك * مودع شريگة دربك

**

زينب أنه بداعت أمي سولف وياي

شو اشوفك محني گلك ياعلي جاي

چفوفك على أصفاح ضهرك فاگد الراي

گبر أمي بويه هم رشيتة بالماي

          ياعلي أدفنت عافيتك
        ياعلي الرمل غطى أم بيتك
وجهك يبويه مترب * ليش النحبه تغرب

****

ترجف أيدك ياعلي ومتعوبه احسهة

أشلون ايدك حفرت ودفنت شمسهة

تتدري قنفذ سبهة وبرمحه رفسهة

وأمي فضه تصيح بس ميت نفسهة

      ياعلي على الوجه من طاحت
       ياعلي حـسـين گــلي مـاتـت
جروح أمي حيل اهواية * بكل اصبع مچواية

*

ساعة الهجمو عليهة چنت أصدهة

يندفع بابك علي وامي تسدهة

الثاني بوية شفت ايده على أمي مدهة

جلد وجه امي نشلع من ضرب خدهة

      ياعلي توچت أعلى الحايط
       ياعلي وگلب فاطم شايط
البسمار ضل ياذيهة * ونغمى امي عليهة

*

گبل لتموت الحنية وصوتهة يذوب

أنطتني ثوب وگالت انطي لغله محبوب

باچر حسينچ يزينب عاري مسلوب

وعلى الرمل يبنيتي يبقى وجة مگلوب

        ياعلي تگلي يبقى أوحيده
         ياعلي وينگص أصبع أيده
يموت على ذيچ الرمله * ومحد يگله صمله

***

أمي بفرأش الآجل وبأخر أنفاس

تقربيلي اتگلي گلبي بغربتچ حاس

لزمت أيدي واقبلتة والطمت الرأس

أتگلي أشم بثياب أديچ أنفاس عباس

ياعلي سولفت عن عينه * ياعلي يموت لجل حسينه
ومو بيده أخوچ يعوفچ * والحل يملي چوفچ

****

بوية لأم بيتك اخذني ادفني يمهة

تموت البنية اذا ماهيه امهة

شفت وبأذني اسمعت كسرت عظمهة

ومحسن بچفه الزغير غطه دمهة

       ياعلي أيبچي محسن حالة
         ياعلي وگعت أمه أكبالة
محسن شكثر جروحة * گبل أمي طلعت روحة




امير السعيدي

#لسان #حال #الإمام #علي.ع.

أمن البچي عيوني عمن
أشلون أغسلج يم حسن
 أشلون اغـطيج بـچفن  *** والله محتار

            *

آه يـزهـراء * آه يـزهـراء * أخ يـازهــرة أشــــفــــت مــــــن بــاوعـتـلـــــج

بـوجـهـج أثـار * يـخـفـي أسـرار * لـطـمـت أبـنـاء الـشـيـاطـيـن أعلا وجهج

تـهـدم الـحـيـل * بـوحـشة الـلـيـل * مالي طـاقـة أشـلون فـوك أمتوني أحملج

ذابـت الـعـيـن * يـم الـحـسـيـن * جـفـوفي كامت تـبـچـي لـمن ردت أغـسلـج

أشـــــراح أكـولـن لـلـنـبـي
بـنـت فـاطــم تــنـسـبـــي
ويدخـــل الـــدار أجــنـبـي * يـحرك الدار

                  **

لا تــنـوحـيـن *كـافي تـبجـيـن * يـنـچـوي خـدچ أذا مــــر فـوكـه دمـعـــج

لـحـضـة أوداع * حـضـرت أبـسـاع
أسـتـعـجـل الـمـوت أعلى روحج راد أودعج

على الـضلـع آة * آشـلـون أنـساه *يـالـحـبـيـبة أوداعـتـج هـد حيلي ضلعج

فـضـه ويـاي * تسكب الماي * مـــن لـمـسـتـة بـدمـعـتـي أنـيـتـي أسـمعج

أخ يــــاحـــكـــــم الـــزمـــن 
بــدمــعــي شـمـعاتج طــفـــن  

أشـلـون أوجهن يم حسن * والـزمن جـار


                     *

حــس بـيـه الله * حـس بـيـه الله * عـلـى الـصحابة الخالـفـو الله ونـــبـيـة

الـدار حركوه * الضلع كـسروه * ومحـسـن يموت أعلى أيـدچ يـالـزجية

بلاذنب مات * عـمره لحضات * أدري روحة چــانـت أتـسـألـج عـلـيـة

أمــنـيـتي يانـاس * ويـه عباس * ردتــة بـــالـطف يـاخذ الـزينـب تـحية

بــاجــر أخــتـــة تـــنـسـبـــي
وتـــحــتــرك حـتـة الـعـبــي

ويــنكسر گـلــب الـنـبي* بـهـجـمـت أشـرار

                   *

الله ويــاج * الله ويـــاج * لا تــــهــمــين اعــلـى ولـدچ أنـي يـمـهــم

بـعـمري افديج * عهد أنطيج * أني مــن هـالـحضـه أبــوهـم واني أمهم

ألـصعـبة لـوجيت * انـي لـلـبـيت * لـمن ارجع ونتي ماكو أشراح أكلهم

مـن يـسئـلون * نـور العـيـون * والله صعـبـة عـلـيـه أكـولن ماتت أمهم

أبــحــيــرتــة مــات الـكــلـب 
عــايـش بــمـوقــف صـعـب

اشــلـون للدار انـي أطب * وخـفـي أسـرار

           **

عـمـرچ أحزان* ثـمنطعش چان*ماتت أيامج غصــب بجفوف الاصحاب

جـسـمـج يموت * يحـملة تابوت * وخـــدج الــبـي صـطـرة راح أيلجمة الاتراب

كـلـبـي مخنوك *كـلـبي مخنوك * الـبـيـت ماحـس بـي شــمــس عنة الوطن غاب

زيـنـب تصـيح * زيـنب تصيح * أبــداعـــت أضــلـوع أمــي بــوية أتـغير الباب

عــلــيــك بـــويـة أقـــسم قــسـم * الـــبــاب عــيـشـنـي أبألـــم  

  علـيه وجـه أمي أنـرسم ** بي أثـر  نــار


✍️   ألشاعر أمير السعيدي ✍️

يــا زمـــن لاتــعــتــذرفــات الأوان
بــدار فـاطــم لـــلأســف مــات الأمـان

تدري كمت أقرة الحمد * من صـطرخدهة العبد

              *

اًنـه الـعـقـيـلـه يـازمن *فـاركـتـة حـضـن أم الحسن *هـلـيـلـه تـتـغـطـه بـجـفن *ويحل عزاهة

هـلـيـلـه أبـات بـلايـه أم *هـلـيـلـه مـن امي أنحـرم *والـثـوب الاسـود والـهـضـم * ألـبـس وراهـــة

جـفـن أمـي من شـفـتـة غـمض*وشعركـلـبه بـلا نبض*كـلبي احس ليهه ركض* كبلي أعتناهة

قـبـلـت خـدهـة الـمـنـصـطر*خليت أديه أعلا الكسر * كـلـتـلـها مووكـتـة الـكـبر* والموت أجاهة

  أمـي عـافــتـني وحـيـدة بغربـتـي * الـلــيــل عـطــشـان وتــروة بدمـعـتي

 ســودت خـــدود الـــورد** مـن صــطـر خــدهـة الـعـبد

                  ***

يا زمـن أبـدي بـيـا جرح * شحجـيلك أهواي الشرح * هجمو عالزهره برمح * وظالم صفعهة

بالـنار چـف أمي أحترك* وعـالمحسن الباب أنـطـبـك * ياوسفه أبن حيدر شهك * حس بألمهة

الزهره ويـبـنهة تـشابـكت * أوداع الغريب توادعت * شمعـتهم كبالي انطفت * من هل دمعهة

كـمت أركـض عـلـيـهـم ورد *بـوجـه أمـي أحـس صورة لحد * البسمارأخذ قطعت جلد * من رض ضلعهة

الـبسمـار كـلمة وحجى بس بعذاب *
كـلي من ضلع أمـج أرد أخذ ثواب

أدري كـلبـج يـنـمـرد * مـن صطـر خــدهـة الـعبد

***
            
لايــازمـن لا تــعـتـذر * مـو ذنـبـك انـتـه بـهل الامر* موجفك السبب كسر * جفوف الصحابه

تتدري قريت أشكد سور* لمن شفت خدهه أنصطر* القران أحس ضهرة أنكسر* وشتددعذابه

دم الجفن لمن نزل * خضر ورد شايل زعل * ألسان أمي صاح وما حمل * ويــنــك يـا يـابــه

ألباب عالزهره بچى * ألسان لو عنده حچى * المحسن عـلـيـه ضهرة أنتچى * ونـاح المصابه

طـاح أخـوي وطـاحـت أمي عالارض * أثـنـيـنـهـم كامو يصلون الفرض

الــفــرض مـال الـلحد * من صـطر خـدهـة الـعـبد

                        *

أه يـازمـن جـرح الاشـد * كـلـبـي على حسين نمرد * من شفـتـة يمي أمـي كعـد * يقره ألتحية

تــكـسـر الخاطـرحالـتـة * غـسـل وجهة بـدمعـتـة * كـلـمهة بـس مـاسـمـعـتـة *مـيـتـة الـزجـية

كـالـلـها لـيـش سـتـعـجـلن * عيـونـج يـايـمـه وغـمـضـن * أنـه عـزيزج يم حسن * ردي علية

أمي شـفت جـفهه أنرفـع * والـنفـس حـسيتة رجع * جـفهة على حسين أنوضع * وجتهة المنية

يكسر الخاطر أخوي بهل الوضع *
الكاع شربت منه حسرات ودمع

خله أيــدة على الچــبـد  ** مـن صـطر خـدهـة العبد

                       ****

يـازمـن لـيـش أستـعـجلـت * تـمنـيـتـك تأخر الوقت * من ألساني من كلبي خذت * كلمة ييمة

تـطــلـبنـي كـلي بـيـاذنـب * موسهله عالـيـفـكـد محب * باجر يتيمه أني أنحسب * وكلبي تألمة

مـهـلاً عـلـيـه يا زمن * ساعـاتـك عـلـيه مـضـن * خـلـني أعـيـشـن بـلاوطـن * ذبحوله حلمة

راح أبـدي صـفحات الـيـتـم * شـدعـي على أهل الاثـم * مـن عـدهم الله يـنـتـقم * خلولي لجمة

    أعـلا أمي من دخلو شياطين الطغاة
* صرت أحس بجسمي ماضلت حياة

بجرحي كمت أمسح وشــد ** مــن صـطر خـدهة العبد


                                                                 
           
               الشاعر أمير السعيدي

 # لسان حال الامام علي (ع) 


أنـتي خـليفة فـاطـمـة ☆ وعـالمة مـُـعلّـمة

    لـكـوكـبـي جئتـي * شــيعـيةُّ انـتي       
         سميتكِ سميتكِ أم البنين

*

انــه عـلــي الكـسـرو ضــــــــلع أم بيـتـــة

انـــه الـي عصــرو دنيــتة وعافـــــيـتــــة

شــلـت أيـــدي لله بـفــاطـمـة وحاچـيـتة

عـــبـاس مـــن أم الـوفـة احــتاجـيـتـــــة

للهِ وجهـي نـاظـرا * والـراسُ مـني حاسرا

    عــبــاسُ فـلـيـأتـي * شيعيةٌ انتي
         سميتكِ سميتكِ أم البنين

***

يــــافــاطـمـة شــكــد شــايــلـه أنـسـانـيـة

وداعــت عــلي صرتـي أنـتـي مـنـي وبـية

صـح والـــدچ مــو ســـيــد وعـــامــيــــة

بـــس أبــن طــالــب نــسـبــج عــلـويـــة

صوتٌ الملائك يعـتلي* أولى بكِ بـيتٌ علي

       فـايـنـمـا كـنـتـي * شـيعيةٌ انتي
           سميتكِ سميتكِ أم البنين

****

الكوكب عـلي مـن جـيـتي من بـيت أهـلچ

وحــــي الله قـرر لـــلارض يــــنــــزلــــــچ

بــــــاقــــة ورد بـــدلـــة فـرح جــايـبـــلـچ

ومــن بـــيـتچ الــبــيـتي أجــه أيــضـلــلـج

الشمسٌ قالت ماسمُها * تسمح نكن خدامهٌا

      للشمسٌ ان شأتي * شيعيةٌ انتي
          سميتكِ سميتكِ أم البنين

****

أوصـــيـــــج بـبـنـائـــي الــزمـن ألـــمـــهــم

صـيـري بـغــيـابـي أنــتـي أبـوهــم وامـهـم

عـــبـاس وصــية بــخـوتـة يـــخـدمــهـــم

بـــچــفــوفـــه مـاي يـخلـي ويـــشـربــهـم

على الماءٌ يتلو الواقعه * في القربة يصبح مشرعة

        أقــمـارٌ ربـيـتي **  شيعيةُ انـتي           
          سمـيتـكِ سميزتكِ أم البنين
   
**

گـعـدي وي زيـنب مــسـحـي دمـعـة خدهه

وبـحـجـرة أمــهـة لا تــظـل وحــــدهـــــه

شــافـت الـثـاني أعلى أمـهـه أيـده مـدهـه

واصــبـع أيـديه مــزگ جـلـد من خـدهـه

أهٌ لزيـنـب كـم بـگت * مـع أمـهـا تعــانقت

        أماهٌ لا زلتي **  شيعيةُ انـتي
         سمـيتـكِ سميتكِ أم البنين

***

أباب أم حـسـن شـفــتج فــرض صليتي

ويـم طـيحـت الـمـحـسـن حـزن أنـيــتـي

عالـحـايــط الــكـــاتـل ضـوة أتـوجـيـتي

والـفـاتـحة الـــروح الزجـــيـة أقــريــتي

أنـيـتي أنـه جارحه * بگت عـلـيـكِ الـفـاتحه

     حتة بكى البيتي ** شيعيةُ انـتي
          سمـيتـكِ سميتكِ أم البنين



الشاعر أمير السعيدي

         (لسان حال الإمام العباس (ع)                           

  مـا أرضـه بالـشـام زيـنـب تموتـيـن 
  ويـاي أدفـنـچ لـو يـم الـحـــســين

 كـعـبـة واطوفچ * أكـبالـي أرد أشـوفـچ

              *****.          

أي وحگ خــوتــنـة والـرب الـجـلـيل

 أنـه ما وافيــتچ ألـه بـشـي قليـل

مــسـتـحـيل أنـساچ يـخـتي مـسـتـحـيل

 أدري ريـتچ رايـده ريـحـتـة كـفــيل

بكل لحضة والـلـه عــطـرج أشمة
أتـقـبـلـيـن أكـلچ زيـنب يايـمـة

   رابـي أبـجـفـوفچ *أكـبالي أرد أشوفچ

                    ****    

كومي أترجاچ لـبـسـي أعبـايـتـــچ

أبـضريـح حـسـيـن أشـيـع أجـنـازتچ

أدري مــتـعـوفــيــنــه لا مـو عـاتـچ

أنـي وحــسـيــنـچ يــخـيـتـي بـــعـازتـــچ

گومي أمشي وياي ينتضرج حسين
واكفلج أهـــناك بــين الضــريحين

  مـقدر ظــروفـچ * أكبـالي أرد أشوفچ

******.     

چـــم ســــؤال عــلـيــج بـالـيـوم أنـســـئـل

 لـيـش أخـيـتـك بـالغـرب يــا به الـفـضـــل

ونــهـضـمـت وچـيـتـچ وشـايــل حـــمـل

 أمـتونـي راح أتــشـيـل جـسمچ مـو هزل

أنسي الحبل ذاك وسبيچ على النوك

عباسچ ينوح وكل گلبه محروك

أنـسـيلي خـوفـچ * أكبالـي أرد أشـوفـچ

         ******

  كـومي رجـعـي ويـاي خـالي مـا أرد

 أنـي أتــكفل دفــنـتــچ مــســتـعد

  عـلــيـچ أقــره ألـقل هوه وقـــره الـحمد

ونــــزل ويـــاچ أعـلى طولـي بـالـلـحــد

بـعـيـوني أدفنچ وبـرمشي أغـطـيـچ 
ماريـد الاتراب يغير معانيچ

أشـلـون أعوفچ * أكـبـالي أرد أشـــوفچ

(جواب العقيله)      ***

 يـا كـفــيلـي بـموتـتي أدري تـون

أويـــاك مـا أرجـع شـفـت بالطـف حـزن

بـس أريدن چـفـك يـغـمـض ألـجــفــن

انــة مو يــمـــك يعـبـاس أنــدفـن

ماريد أروحــن وذكـر خيامي
وتصـور حـسـيـن ذبحـوه أمامي

 بدمـعة طـفـوفچ *** أكبـالي أرد أشـوفچ



               الخادم
          أمير السعيدي

      
{ حـضـرألامـام العـباس عـنـده حتـضارأخـتـي زيـنب }  نعي
      
أجـيـتـج خـويه جــاي بـريـحت حسيـن    

 بــدار الــغــربــه زيــنــب لاتـمـوتـيــن

 أنــه احــفــرلــج كـبـر بيـن الضريحين

مـابـين حسين ومابـيـني
حـتـة شـوفج وتـشـوفـيـني

               ** 
        
 خـلـيـني بــمـكانــي مـودعــه دنـيــاي

  غــمـض عـيـوني ودخـل كبري وياي

 أريــد بــكـبـري تـدفــن جـربـت الماي

حـتـة أتـنـفس عطرك بيه
وتكتب اسمك وسمي عليه

              ** 
         
 يـم راس الـعــقــيـلـه أنــحى العباس
         
يـمسـح دمــع أخـيـتـه ويبجي ياناس

  يـشوف الـموت يـكـطع عنه الانفاس 

يـم راس أخـتـه أيـون وينحب
لاتـركيني خويه زينب

**
             
    يـاعـــباس صـاحـت خـويه ماعـود

   أشـلون أرجع وشوفـك فـاكد أزنود

    الطف لسه جرحه بـكلـبي مــوجود

يلجمـني بكـل موقف مرني **
ما أرجع عـباس أعذرني

              *** 
         
 يـملـك الـمـوت صاح أطـلب طلبتي

  خـفـف سـكرت المـوت على خيتي

   وذأعـطـشـت أرويـه مـن جـربــتي

أنـه أدفـنـة الجـربـه أوياهه **
حـتـة ماتـشـعر بضماهه

              *** 
         
 عــكـب دفــن الـعـقـيلـه لسبط راح

  ماتـت خـويه أخـتـنه بالغرب صاح

  أبـكـبري أشـلـون كلي أهده ورتاح

ومـرقـد زيـنـب يـبعـد عني
ما راح أترك حزني وني

     
     ألشاعر أميرالسعيدي                                               

الليله زينب رايحة ☆ عليهه اقرو الفاتحة
         خل نشيعهة ونقيملهة العزاء
☆☆☆

يله اخوتي تحزمو * زينب بعازت أخو
                 واجب نشيعهه
هاي اخت المنسحگ * كون نخدمة صدگ
                 وبالبچي نودعهه
حسين كبرها شكثر * من صعد فوگه الشمر
                    بذبحته لوعهه
صاحت شكد يا حسين * باقي جسمك خوية وين
                      ونتة تسمعهه

    الشمر ذابح عينهه  ☆ كطع رأس حسينهه
            آه وشسوة بزينب كربلاء

☆☆☆

للتغسلهه نصيح * بهيده وي اخت الذبيح
                    لمن تغسليهه
أمتونهه الصارن زرك * چفوفهه الكلهن حرك
                    بالچ تلچميهه
عيونهه الشبعن حزن * على حسين المنطحن
                   كلشي مر عليهه
هاي بت سيد الارض * شوك من كد الركض
                    أنملن رجليهه

       بلا أخو خلوهه ☆ وبعلي شتموهه
          وضلت الحره العقيلة بلا خباء

☆☆☆

حضرو ياناس النعش * العزه افراشة انفرش
                      خلصن أيامهه
حدبت من التعب * العاشر سنين أنحسب
                      وبتدت ألامهه
أني ما شايف مره * أخوتهه كلهم على الثره
                 وتصبر على أيامهه
الكسر خاطره بس * حسين بالرجل انرفس
                  اهنانه نزلت هامهه

      صدر ابو الحنية ☆ شافته العلوية
       حيل ما ضل الهه من ذاك البلاء

☆☆☆

أشلون لوصار الدفن * بلا اخو وبلا أبن
               النعش منهو يشيله
أنسد جفنهه وغمضت * وبنعشه تمددت
                   العمر ما باقيله
المرض خله أثر * والظهر محني الظهر
                الطف اخذ كل حيله
ماتت وعاش الاسم * وندفن ذاك الجسم
                       الليله اخر ليله

بحسرة طلعت روحهه ☆ الشيب مالي جروحهه
            ودعتنه وراضيه بهذا القضاء

☆☆☆

آه يحفار الگبر * شكد جريئ بهل الامر
                   من ردت تدفنهه
معصبة بحزن الزمن * ملفلفه بهذا الچفن
                     والمضن أذنهه
ندري چانت تستعد * هيه مومالت لحد
                         الكتلهه ونه
ماتت ومو من كبر * ازعيره زينب بالعمر
                    مو چبيره بسنهه

الليله نبچي عليهه ☆ الوحشه خنصليهه
   على الامير الصارت أية من الوفاء



الشاعر امير السعيدي


https://hottg.com/dhjgdsswfgh

ويلاه يازينب ☆ ويلاه يازينب
             ويلاه يازينب
☆☆☆

أبچو يا موالين * ماتت اخت الحسين
           بهل الليلة الرهيبة
أشافت من عمرهه * وينحفر كبرهه
              الله أشمصيبة
اخر ليلة ألهه * ومحد من أهلهه
              زينب ياغريبة
عزي والطم الرأس * ونعى الكطع الانفاس
             على هاي الحبيبة

      ويلاه يازينب ☆ ويلاه يازينب

☆☆☆

نعش الحره شيلو * وفوك المتن خلو
               صيرو انتم أخوتهه
مابين الضريحين * بزينب عزي الحسين
                  وذكر مصيبتهه
فوك التل صاحت حيل * حسيني سحكتة الخيل
                   وشچانت ونتهه
ويلي تشوفه مسلوب * وفوك الرمله مكلوب
                   جثته ما عرفتهه

            ويلاه يازينب ☆ ويلاه يازينب
☆☆☆

من صعدت على التل * عن أبن أمهه تسأل
                  الخيل الجاوبنهه
تصهل جتي الخيول * تريد الزينب تكول
                  الغالي سأل عنهه
لمن شافت حسين * سحكن جسمه جهتين
                   بچى الدنيا ونهه
من التل لي ركضت * بجسم ابنيهه عثرت
                    وما همهت لبنهه

         ويلاه يازينب ☆ ويلاه يازينب

☆☆☆

واصل سنهه خمسين * وتتدخل للدواويين
                     ارجوك تخيلهه
مچتوفات أديهه * وناس تصد عليهه
                 وناس تسب أهلهه
يزيد وزمرتة وياه *  كلهه الحمدلله
                  وضل يعدداله
حسينچ من ذبحتة * رأسة بطشت جبتة
               وزينب عكبه أذلهه

           ويلاه يازينب ☆ ويلاه يازينب
☆☆☆

بعد ذاك السبي بعام * ماتت أم ألايتام
               ماتت من وجعهه
     أخر لحضه الهه * تتذكر اهلهه
                 وتأزم وضعهه
كامت تلطم الرأس * وكوه تجر الانفاس
               ودم يجري دمعهه
دوم بطاري الحسين * من أنقسم نصين
                   هذا أكثر فجعهه

       ويلاه يازينب ☆ ويلاه يازينب


الشاعر امير السعيدي


https://hottg.com/dhjgdsswfgh

سلامي لبو صالح سلامي
امامي وفرض حبه أمامي
غيور اليرفع أيده ☆ حبيبي الليلة عيده

☆☆☆☆

فتح باب السعادة الچان مسدود * حبيبي

أبو الحنية كلهه الليله مولود * حبيبي

أوعلي گلبي أحسة بگلبة مشدود *حبيبي

عالضلوعي أرد أرسمه وشفت موجود حبيبي

أحبـة  وحـق ربـي أحـبـة
أكتبة  على عيوني أكتبة
أبوس أمنيتي أيدة ☆ حبيبي الليلة عيدة

☆☆☆☆

يالمبيض وجهنه ورافع الرأس *  أمامي

يگلشي أدوسة رجله كون ينباس * أمامي

أيات الحسد اقروها يا ناس * أمامي

سمار خدوده تشبة وجه عباس * أمامي

على عمه   رسم وجه على عمة
نــكـلـمـة   متى نشوفه ونكلمة
عسى أيامه سعيده ☆ حبيبي الليلة عيده

☆☆☆☆

أحب أسمع وسولف عن خلوده ☆ خلوده

ثبات الكره الارضيه بوجوده ☆ بوجوده

احس ربنه خلق كلشي على موده ☆
على موده

خادم كون اصير ومن جنوده ☆ جنوده

أخدمة   صرت أني وجهالي
أخدمة   علية المهدي  غالي

يربي حبي زيده  ☆ حبيبي الليله عيده

☆☆☆☆

هنيئآ لمه نرجس گرت العين *  محمد

بده يسولف وعمره چان يومين  *  محمد

الشمس وبسده لاذت يا موالين  * محمد

أسمه المهدي لكن چنه الحسين *  محمد

معاجـز   بدت يوم الولاده
بجوائز   اجه وفرح الساده
اجه وحامل عقيده ☆ حبيبي الليلة عيده




         ✍🏻الشاعر امير السعيدي ✍🏻

لسان حال الامام الحسين.ع.

      
          أكعد ياعلي مو وكتك تموت 
         الماعنده أبو يحضرله تابوت

حسينك أنه بس رد ★ بداعت فاطمه أكعد

****     

     ياعلي الماله أبو أعله أبنة يحن

      بضلعه يتعكز يضل چفن الابن

       أه يالـــمــتنه فــرقــهه الحـزن

الـليله طـــه الـثانـي يرجع يـندفن

المأكل خبزتك مو سهله ينساك  ※
أندفنك صعبه بويه أدفنه وياك ※

عيوني بوجهك تصد ★  بداعت فاطمه أكعد

***

        فاركتنه ياعلي بس من وكت

        ما مصدك انه واخواني متت

        بوية بالطف نلتقي أنت گلت

        راح تلكاني برمح لو بالطشت

أمسح فوك راسي عظمي مكسور ※
واقـــرالي زيارة جــرح عاشـــور ※

بالطف عدنا موعد ★ بداعت فاطمه أكعد

**

     الــلـــيله عــزرائــيــل شفتة أبيتك

      ياعــلي يـبـچـي ويگــلــك جيتك

       تـمـددت عالــقبلة ما حـاچيـتـك

        أه على السيف الگتـل عافـيـتك

يل رحت وسوالف جرحك أصعب ※
بگثر لهفة سوالف موسى والـرب ※

راح الچان مسجد  ★ بداعت فاطمه أكعد

*

       عــيونــك البـيـهن محمد غمضن

       وســكتن شــفافـك ولا يتحركن

    بعمري ما شفتك علي لابس چفن

وجسمك عليه واكف يصلي الحسن

من جسمك شخص شاهدتة چن كام ※
يرسـم صـورتــــك بچــفوف الايــتام ※

گلهم علي مبعد  ★ بداعت فاطمه أكعد

*

       سكت كلبك ياعلي شو ما يدگ

        الابو اليله وي أبــنــه يــفـتـرگ

         عليك باب الگبر وسفه ينطبگ

         واليـحبك يـبقـى گلبه يحـترگ

الله وياك بوية من التعب نـــام ※※
لچن سهرانه تبقى عيون الايتام ※※

تبقى عليك تنشد ★ بداعت فاطمة أكعد



             ألشاعر أمير السعيدي

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
https://hottg.com/ahmed_alziwar1