يؤخرُ اللهُ عليك شيئاً تُحبه إلى أجَلٍ يُحبه ، فإن أنت صبرت على ما يحبه أتاك ما تُحبه❤️.

#Raghad_Elamin

الـصـبـر . .💚💚

القصة بتحكي :-

- كان في راجل وضعوا المادي فوق الممتاز ماشاءالله وعنده ثروة كبيرة تُقدَّر بـ الملاين ، وساكن في عمارة كبيرة هو وزوجتو وبنتو ، وفي راجل تاني ميسور الحال لكن وضعوا المادي تعبان للأسف وساكن في بيت إيجار عادي هو وزوجتو وعندو ولد صغير ، فـ الراجل الفقير دا كان بفتش ليهو لـ شغل علشان يقدر يصرُف بيهو على زوجتو وولدو ويدفع حق الإيجار ولقمة العيش ، فـ مشى لبيت الراجل الكان وضعو كويس علشان يكلموا إنو يشتغل عندو ويبقى ليهو حارس أو أي شغلة تانية ، فـ لمن دخل للبيت مافي أي زول أشتغل ولا أهتمه بيهو ، فـ الراجل سيد العمارة سألوا وقال ليهو : أنتَ عاوز تشتغل عندي شنو ؟ .. فـ قال ليهو : " أي حاجة بس علشان أقدر أصرف على بيتي وزوجتي وولدي ! .. فـ ردَّ على كلامو وقال ليهو : كويس حأديك مهام معينة ممكن تشتغل بيها وتعملها زي : ( الحراسة وتنظيف وتجميع أوساخ البيت ) ، فـ قال ليهو الراجل المسكين : بتين ابدأ الشغل ؟ .. فـ قال ليهو : هسي تبدأ الشغل ! .. بعدها مشى الراجل البيت علشان يغير هدومه ويلبس هدوم الشغل ويبدأ الشغل ، وفي يوم تعب الراجل المسكين والغلبان ومشى لبيتو ومعاهو بعض الأكل والشراب والحلويات لـ ولده ، ولمن مشى في اليوم التاني للشغل ، قام الراجل الشغال عندو شاكلو وهرش فيهو علشان اتأخر عن الدوام حقو وكدا ، ومرت الأيام وكان الراجل بيحاول يسمع وينفذ كل آوامر وطلبات الراجل الشغال عندو حتى ولو كانت قاسية أو شاقة بس علشان يقدر يعوض اليوم داك ، وفي يوم من الأيام الراجل الوضعو كان مرتاح حصلت ليهو أزمة مالية مفاجئة وخسر كل قروشو وبقى ما عندو أي حاجة علشان يدفع بيها مرتب للراجل الشغال عندو في البيت ، ولكن الراجل الوضعو بسيط دا أصلاً ما إستسلم نهائي وأجتهد وأشتغل وعافر بدون مقابل مادي على شغله ، وبعد فترة بسيطة الراجل الخسر كل قروشو وضعو المادي أتحسن وقدر يرجع زي ما كان في الأول وأنتهت الأزمة المالية ، فـ زاد من مرتب الراجل الشغال عندو وقلَّل ليهو من ساعات الشغل الصعب والمُجهد على النفس وأداهو مزرعة كاملة علشان يبني فيها ويسكن ويقدر يعيش مُستقر الحال هو وزوجتو وولدو بدون أي مقابل ولا إيجار والحمدلله ربنا عوضه بقدر صبره وتعبه بالعوض الجميل🌸💚.

العبرة من القصة :-

- " نحاول نصبر على قد ما بنقدر علشان ربنا يدينا كل حاجة نحنا عاوزنها وبنتمناها ويعوضنا عوضاً يليق بنا ويشبهنا . . وأن الصبر يعتبر حل لجميع الأزمات والصعوبات والضغوطات اللي بـ تمُر بينا في الحياة وهو مفتاح من مفاتيح الفرج . . وكمان نحاول نساعد بدون مقابل وربنا أكيد حـ يدينا من الرزق الحلال اللي نحنا بنستاهلوا وكان خاطرنا ونفسنا وبنحلم بيهو من زمان لحدي ما جاء وقته المُناسب "💚🌸.

#Raghad_Elamin

وعلى قد طيبة قلبك ربنا هـ يرزقك باللي يرضيك☁️🤍.

#Raghad_Elamin

- يتعافى المرءُ بالقرب من الله ، يتعافى بركعتين في جوف الليل والبوح بكل ما في قلبه ، يتعافى المرء بجبر الخواطر ورسم الضحكة على الوجوه طمعاً في رضا الله ، يتعافى بقراءة القرآن والحفاظ على الصلاة ، نتعافى من الهموم والمشاكل والآلام عندما نصلح علاقتنا بالله ولا شيء آخر🌾💛.
#Raghad_Elamin

‏- نحنا بنكون فترات فى حياة الناس اللي بنعرفهم ونحنا اللي بنختار نبقى كدا .. مافي حاجة بتمنع الناس إنهم يستمروا في علاقاتهم غير أفعالهم وإختياراتهم وقراراتهم ، حتى بُعد المسافات والموت نفسه ما بيقدروا يلغوا وجودهم .. كل واحد فينا بيقرر هو عايز يبقى مع منو ويبعد عن منو ، بيختار هو عايز يرتبط بمنو وينسى منو .. مافي حاجة إسمها ظروف بعدتنا أو فرقتنا .. مافي حاجة إسمها دا شخص مهم عندي بس ما بعرف عنو حاجة .. مافي حاجة بتتحقق لوحدها من غير ما أتعب علشانها ، ومافي علاقة بتستمر من غير ما أعمل اللي عليا علشان أقدر أحافظ عليها ، قال الله عز وجل في كتابه الكريم .. ( لن أبرح حتى أبلغ✔️♥️).
#Raghad_Elamin

- لمن تعمل خير لغيرك ما تستنى منو يشكرك أو يقدرك أو أي شيء مادام أنت عملتوا بنية خالصة لوجه الله حاول أحتسب الأجر والثواب وبس ، نظرة الناس ليك ولتصرفاتك ما مهمة شديد والله ، وكل زول أكيد عندو مقياس وطبع مختلف جداً وطبعاً الصاح صاح والغلط غلط ، الحاجات الكويسة الفيك وأنت خجلان تعملها أو تظهرها خليها في العلن واضحة مادام إنك ما عامل غلط أو أي شيء تخجل منو ! .. حتسمع الكثير من الإنتقادات اللي بتزعلك وبتجرحك ومرات كمان بتهدمك وتكسرك ، وحاول تسمع بهنا وطلع بهنا وخليك زول عندو مبدأ خاص بيهو ومهما حصل ليك أبداً ما تتنازل عنو ، ولمن تلقى ليك زول يقول ليك لا أو يعاكسك في شيء أو موضوع خاص بيك ويحطم جميع آمالك وأحلامك وطموحاتك أنت ما لازم تمشي بالكلام حقو نهائي ، ومادام أنت راضي ومقتنع بالشيء دا فأكيد يعتبر أهم شيء ، ولازم تلقى الضد في كل شيء وما بالضرورة الكل يكون معاك ، وحاول تقلِّل من إستنادك بالناس كلها ، ومادام ربنا موجود معاك وواقف جنبك وقائم على جميع أمورك اتأكد تماماً إنو كل حاجة حتكتمل على أكمل وجه ، وخلي سندك الأول والأخير في الحياة هو ربنا وبس💙.

#Raghad_Elamin

- كلنا حاسين بالوجع وتعب السنين ، لكن ما بنحب نحسس الناس اللي حوالينا إننا مكسورين ، وبنحاول نقاوم علشان عارفين ربنا كاتب لينا الأجمل والأفضل في القادم من عمرنا ، وعارفين إنها حتهون وبنلاقي الخير في حياتنا قدام بإذن الله تعالى🌼💜.

#Raghad_Elamin

النية لمن تكون حلوة أكيد بتجيب كل حاجة من وراها حلوة💌♥️.

#Raghad_Elamin

حدثني عن الله ؟! ..💙

- هو الباقي حين لا يبقى لك أي أحد💙.
- هو السند المتين والركيزة القائمة والثابتة عند الشدة💙.
- هو اليقين الذي يتسلَّل بداخل الأعماق بعد حطام اليأس💙.
- هو السَّعادة الأبدية التي تملأ الوجود والتي لا تزول💙.
- هو الذي يجبر صدع القلوب بعد أن يتخللَّها الإنكسار💙.
- هو الذي يعوض عوضاً جميلاً يسرُّ القلب ويفرح الفؤاد ويجبر الخاطر💙.
- هو الملاذ والملجأ الذي نلوذُ إليه عندما تحصل لنا الأزمات والكربات في هذه الحياة💙.
- هو المُنجي والمُنقذ من متاهات الأمور💙.
- هو الأمان والإطمئنان الذي نستريح من خلاله عند أجواء التعب والإرهاق💙.
- هو السكينة والطمأنينة عند الخوف والضعف💙.
- هو الحُب المُستديم والمُقيم الذي ينبض في أعماق القلب دائماً وأبداً💙.
- هو الذي يهدي إلى سبيل الرشاد والطريق المستقيم💙.
- هو الركن المشيد الذي نلجئ إليه عند شتات أرواحنا وبعثرة قلوبنا💙.
- هو غيث يروي القلوب ويملأها بفيض النِّعم والرَّخاء💙.
- هو دواء يشفي الجروح ويطبطب الروح💙.
- هو النَّعيم السَّرمدي الذي لا ينقطع ولا ينتهي💙.
- هو الرجاء المُنتظر الذي لا يخيب💙.
- هو المأوى الذي نلوذُ إليه في عتمة الحياة💙.
- هو النُّور المُضيء الذي يشرح الصُّدور ويزيدها بهجة وسروراً ويملأ النفس يقيناً وثباتاً ورضاً خالصاً مُخلصاً له وحده فقط💙.

"هو الله وما سواه عدم" !💙💙.

#Raghad_Elamin

- "ما تُخفيه القلوب ، تُظهره المواقف .."☑️🖤

#Raghad_Elamin

- ‏إن تقديرك لذاتك وتعظيمك لشأنك يجعلك ترتفع وتستقر وتصبح مسالماً في هذه الحياة ، ليس فقط عندما تتحقق لك أشياء عظيمة وجميلة بل عندما تكون راضياً عن نفسك ومتقبلها من دون أي شروط أو إستثناءات ، راضياً عن نفسك بما فيها من نقص أو عيوب ، راضياً عن نفسك دون مواجهات أو مقارنات ، عندما تكون متصالحاً مع نفسك وذاتك وضميرك دون أن تجهدها بمطالبات لا تنتهي ، فقط كن كما أنت لا كما يريد لك الآخرون أن تكون ! .. أجعل كلام الناس من آخر إهتماماتك وأولوياتك ، وكن دائماً في المقدمة👑💚.

#Raghad_Elamin

- أخلاقك هي جمالك وجوهرك المكنون بداخلك ..! 🌸💎.

#Raghad_Elamin

• مرات بتحصل ليك حاجات بتكون ما من إختياراتك ولا توقعاتك ، بس بتكون من صالحك ونصيبك وأحسن ليك كمان من اللي كنت قاعد تتمناها ! .. وربنا قدرها ليك علشان الخير أكيد حيكون موجود فيها❄️🤍.

#Raghad_Elamin

- سيعوض الله قلبك النقي بكل خير ثق بذلك .. ولا تنسى بأن نيتك هي التي تنجيك من أفعال وظنون الناس ، وسوف تجلب لك السعادة والمسرات من خلالها ، وتذكر بأن الله تعالى لا يخذل الأنقياء أبداً بل يضاعف لهم الأجر !🌿🧡

#Raghad_Elamin

- العوض اللي حيجيك من ربنا ، حينسيك أي حاجة ما كان ليك فيها نصيب من قبل ..!☘💜

#Raghad_Elamin

بتشوف الخير متين ؟!🌸

- لمن تصلي وتلتزم في أداء الصلوات في أوقاتها💕.

- لمن تقرأ وتحاول إنك تجاهد وتجتهد في حفظ القرآن الكريم💕.

- لمن تطيع والديك وتكسب محبتهم وعفوهم ورضاهم عنك في الدنيا والآخرة💕.

- لمن ترضى وتقتنع باللي قسموا وكتبوا ليك ربنا💕.

- لمن تكون واثق في نفسك وخطواتك💕.

- لمن تخت رضا ربنا قدام رضا المخلوق💕.

- لمن تصبر وتكون متأكد إنو ربنا حيجبر خاطرك باللي يرضيك ويرضي قلبك💕.

- لمن تحب الخير لكن الناس اللي بيكونوا موجودين حواليك💕.

~ " أعمل الحاجات دي كلها وبعدها شوف الخير زاتو كيف بناديك وبجيك لحدي عندك صدقني " .. 🌸

#Raghad_Elamin